కవిమిత్రులారా,
ఈరోజు పూరింపవలసిన సమస్య ఇది...
"సంసారము నందిన యతి సత్పూజ్యుఁ డగున్"
(లేదా...)
"సంసారస్థితుఁడై యతీశ్వరుఁడు పూజాభాజనుం డయ్యెడున్"
ఈరోజు పూరింపవలసిన సమస్య ఇది...
"సంసారము నందిన యతి సత్పూజ్యుఁ డగున్"
(లేదా...)
"సంసారస్థితుఁడై యతీశ్వరుఁడు పూజాభాజనుం డయ్యెడున్"
రిప్లయితొలగించండి"శ్రీ రాముని దయ చేతను..."
నడిరేయి సరదా పూరణ:
సంసారమ్మును వీడి కానలనహో జంజాటమున్ ద్రెంచుచున్
హంసన్ గూడుచు ధ్యాన మార్గముననున్ హ్లాదమ్మునున్ పొందగన్
ధ్వంసమ్మున్ వడి జేసి మోహమునువే తాదాత్య్మతన్ జెందుచున్
సంసారస్థితుఁడై యతీశ్వరుఁడు పూజాభాజనుం డయ్యెడున్
హంస = పరమాత్మ
మీ సరదా పూరణ బాగున్నది. అభినందనలు.
తొలగించండి
తొలగించండి🙏
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
సంసారమ్మును వీడి సంఘమునతా సన్మానమున్ పొందుచున్
హింసన్ జేయుచు రాజకీయముననున్ హృద్యమ్ముగా శత్రులన్
ధ్వంసమ్మున్ వడి జేసి కాంగ్రెసునహో ధన్యుండునై దిల్లినిన్
సంసారస్థితుఁడై యతీశ్వరుఁడు పూజాభాజనుం డయ్యెడున్
సంఘము = రాష్ట్రీయ స్వయంసేవక సంఘము
👌👏💐🙏
తొలగించండిమీ ఆటవిడుపు పూరణ బాగున్నది. అభినందనలు.
తొలగించండి
తొలగించండి🙏🙏
హింసను వీడుచు జీవుల
రిప్లయితొలగించండిధ్వంసంబు త్యజించి సంఘ ధర్మము గాచన్
సంసాధనమున యౌగిక
సంసారము నందిన యతి సత్పూజ్యుఁ డగున్!
మీ పూరణ బాగున్నది. అభినందనలు.
తొలగించండిహింసం జేయకదప్పదు
రిప్లయితొలగించండిసంసారము నందిన; యతి సత్పూజ్య డగున్
కంసారిని గొల్చి పరమ
హంసగ మారిన జగతికి హ్లాదము బంచన్
మీ పూరణ బాగున్నది. అభినందనలు.
తొలగించండిధన్యవాదములు గురుదేవా! నమస్సులు! 🙏🙏🙏
తొలగించండిసంసక్తంబొనరించి మానసమునన్ శర్వున్ సదా భక్తితో
రిప్లయితొలగించండిసంసేవించి తరించు వాడెపుడు పూజాభాజనుం డయ్యెడున్
సంసారస్థితుఁడై; యతీశ్వరుఁడు పూజాభాజనుం డయ్యెడున్
సంసారమ్ము త్యజించి ఐహిక దురాశాపాశ నిర్ముక్తుడై
మీ పూరణ ప్రశస్తంగా ఉన్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిసంసిద్ధమగును సద్గతి
సంసారము నందిన; యతి సత్పూజ్యు డగున్
సంసేవలతో నిరతము
హంసుని కరుణను ఘనముగ నందిన యపుడున్.
మీ పూరణ బాగున్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిసంసిద్ధంబగు నుతమోత్తమ గతుల్ సంతుష్ఠి తానుండగన్
సంసారస్థితుడై; యతీశ్వరుడు పూజాభాజనుండయ్యెడున్
హంసన్ ధ్యాన మొనర్చుచున్ నిరతమా నాదిత్యునిన్ శ్రేష్ఠుడా
కంసారిన్ గణుతించి నాతని దయన్ గాఢమ్ముగా పొందగన్.
మీ పూరణ బాగున్నది. అభినందనలు.
తొలగించండి"... నుత్తమోత్తమ.. నిరతమా యాదిత్యునిన్... గణుతించి యాతని" అనండి.
సమస్య :
రిప్లయితొలగించండిసంసారస్థితుడై యతీశ్వరుడు పూ
జాభాజనుం డయ్యెడున్
( సప్తర్షులు హిమవంతుని వద్దకు వచ్చి
పరమేశ్వరునికి పార్వతినిమ్మని కోరారు . )
ఈ సారంగవిలోలలోచనను స
ర్వేశుండు ; ముక్కంటి ; కై
లాసేశుండును ; చంద్రమౌళి ; శివుడున్ ;
లావణ్యపాథోధి ; తే
జోసమ్మోహనమూర్తి కిమ్ము గిరిజన్ ;
జోహారు శైలేంద్రుడా !
సంసారస్థితుడై యతీశ్వరుడు పూ
జాభాజనుం డయ్యెడున్ .
( లావణ్యపాథోధి - సౌందర్యసముద్రుడు )
మీ పూరణ ప్రశస్తంగా ఉన్నది. అభినందనలు.
తొలగించండి
తొలగించండి🙏
ప్రాస?
అవును. నేను గమనించలేదు. ధన్యవాదాలు.
తొలగించండిసంసార బాధ్యతల వి
రిప్లయితొలగించండిధ్వంసము గావించి జియ్యదరి
జేరుటకై
కంసారి తలపున మరో
సంసారము నందిన యతి సత్పూజ్యుఁ డగున్
మీ పూరణ బాగున్నది. అభినందనలు.
తొలగించండిహింసా చారుడు యతినని
రిప్లయితొలగించండిసంసారము వీడితినని సత్పాత్రుడ నే
కంసారిని నమ్మితినని
సంసారము నందిన యతి సత్పూజ్యుఁ డగున్
మీ పూరణ బాగున్నది. అభినందనలు.
తొలగించండికంసారిని సతము గొలుచు
రిప్లయితొలగించండిహంసా! వచియించుచుంటి నాలింపు మికన్
హంసయగుఋశ్య శృంగుడు
సంసారము నందిన యతి సత్పూజ్యుఁ డగున్
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిహింసామార్గము వీడి శుద్ధమతియై హెచ్చించి సౌజన్యమున్
రిప్లయితొలగించండిధ్వంసంబున్ బొనరించి కామపటలిన్ బ్రహ్లాదియై నిత్యమా
కంసార్యర్చితశంభుదాస్య మెపుడున్ గాంక్షించి చిద్భావనా
సంసారస్థితుడై యతీశ్వరుఁడు పూజాభాజనుం డయ్యెడున్"
మీ పూరణ ప్రశస్తంగా ఉన్నది. అభినందనలు.
తొలగించండి
రిప్లయితొలగించండిధ్వంసంబగునోయ్ పూర్తిగ
సంసారము నందిన యతి, సత్పూజ్యుఁ డగున్
కంసకపు కమండలమును,
హంసక్షీరపు వివేకమనుసరణ గొనన్
జిలేబి
మీ పూరణ బాగున్నది. అభినందనలు.
తొలగించండిసంసారమునెరపుచునే
రిప్లయితొలగించండిసంసక్తమునొందిసాధుసంతతితోడన్
హంసనియంత్రణజేయుచు
సంసారము నందిన యతి సత్పూజ్యుఁ డగున్
మీ పూరణ బాగున్నది. అభినందనలు.
తొలగించండిహింసా మార్గము వీడియు
రిప్లయితొలగించండిధ్వంస మొనర్చి చెడు గుణమ వారిత రీతిన్
కంసా రాతిని గొల్చుచు
సంసారము నందిన యతి స త్పూ జ్యు o డగు న్
మీ పూరణ బాగున్నది. అభినందనలు.
తొలగించండిసంసృత్యంబున సర్వ సౌఖ్యముల తోషంబొందె సంసారియై
రిప్లయితొలగించండిసంసత్తందున మేటియై ప్రజలకున్ సర్వంబయెన్ తండ్రిగన్
హంసాత్ముండయి రాజయోగమమరన్ యా మైథిలేశుండు నీ
సంసారస్థితుడై యతీశ్వరుఁడు పూజాభాజనుం డయ్యెడున్
మీ పూరణ బాగున్నది. అభినందనలు.
తొలగించండి'అమరన్ + ఆ' అన్నపుడు యడాగమం రాదు.
రిప్లయితొలగించండికాంసీయంపు కమండలమ్ము విడి ధిక్కారమ్మునే చేగొనన్
ధ్వంసంబౌనతడే సుమా మనుజులందాకర్షణన్ గానుచున్
సంసారస్థితుఁడై యతీశ్వరుఁడు, పూజాభాజనుం డయ్యెడున్
హంసక్షీరపు న్యాయమున్ విడువకన్ హంకారమే వీడగా
జిలేబి
మీ పూరణ బాగున్నది. అభినందనలు.
తొలగించండికానుచున్ / కాంచుచున్ ?
హింసాసూయనిషిద్ధకార్యరతుడై హేలావిలాసాప్తుడై
రిప్లయితొలగించండిహంసోహమ్మని రక్తవర్ణధరుడై నంతం దగన్ యోగియో?
హంసౌపమ్యము నొంది క్షీరసలిలన్యాయావలంబుండునై
సంసారస్థితుఁడై యతీశ్వరుఁడు పూజాభాజనుం డయ్యెడున్.
కంజర్ల రామాచార్య.
మీ పూరణ అద్భుతంగా ఉన్నది. అభినందనలు.
తొలగించండిమైలవరపు వారి పూరణ
రిప్లయితొలగించండికంసారిన్ సగుణమ్ముగా కొలిచి నిష్కామమ్ముగా., నిర్గుణున్
హంసస్సోహమటంచు నిల్పి విధి శ్వాసాయాతనిర్యాతమున్
శ్రీంసామ్రాజ్యము కోరుచున్ సతము నిశ్శ్రేయఃప్రభాభామినీ
సంసారస్థితుఁడై యతీశ్వరుఁడు పూజాభాజనుం డయ్యెడున్!!
మైలవరపు మురళీకృష్ణ వెంకటగిరి.
మైలవరపు వారి పూరణ అద్భుతంగా ఉన్నది.
తొలగించండిహింసా మార్గము వీడి ప్ర
రిప్లయితొలగించండిశంసాత్మక మగు పనులను సాధించంగన్
మాంసాహారము ముట్టక
సంసారము నందిన యతి సత్పూజ్యుఁ డగున్!!
మీ పూరణ బాగున్నది. అభినందనలు.
తొలగించండి( సప్తర్షులు హిమవంతుని వద్దకు వచ్చి
రిప్లయితొలగించండిపరమేశ్వరునికి పార్వతినిమ్మని కోరారు . )
హింసాక్రూరుడు తారకాసురునివౌ
హీనంబులౌ చేష్టలన్
ధ్వంసంబున్ బొనరింపగాగలుగు స
ద్ధానుష్కుడౌ పుత్రుకై
సంసారంబును సల్పగా దలచె నా
శంభుండు ; నీ గౌరిచే
సంసారస్థితుడై యతీశ్వరుడు పూ
జాభాజనుం డయ్యెడున్ .
మీ పూరణ అద్భుతంగా ఉన్నది. అభినందనలు.
తొలగించండికంసారిన్ మదిదల్చి కర్మఫలమున్గాంక్షించకే ధీరుడై
రిప్లయితొలగించండి*సంసారస్థితుఁడై; యతీశ్వరుఁడు పూజాభాజనుం డయ్యెడున్*
హంసోహంబని తత్త్వమస్సియని ధ్యానావస్థితిన్బ్రహ్మమున్
ధ్వంసాహంబుల నిర్గుణాత్ముడయి పాపధ్వంసు నర్చించుచున్
మీ పూరణ బాగున్నది. అభినందనలు.
తొలగించండి'తత్త్వమసి+అని=తత్త్వమసి యని' అవుతుంది.
హంసల్ మెచ్చెడు యానయౌ కలికి సుహ్లాందంపు నాత్మోద్భవై
రిప్లయితొలగించండిపుంసాం మోహనరూపుడైన రఘురాముం డల్లుడై శోభిలన్
హంసోహమ్మని నాత్మలోన నిరతం బానందసంధాయియై
సంసారస్థితుడై యతీశ్వరుడు పూజాభాజనుం డయ్యెడున్
మీ పూరణ ప్రశస్తంగా ఉన్నది. అభినందనలు.
తొలగించండిధన్యాస్మి గురుదేవా! నమస్సులు!🙏🙏🙏
తొలగించండిసవరణతో
తొలగించండిహంసల్ మెచ్చెడు యాన సీత తన
కాహ్లాదంపు నాత్మోద్భవై
పుంసాం మోహనరూపుడైన రఘురాముం డల్లుడై శోభిలన్
హంసోహమ్మని నాత్మలోన నిరతం బానందసంధాయియై
సంసారస్థితుడై యతీశ్వరుడు పూజాభాజనుం డయ్యెడున్
ధ్వంసమ్మొనర్చి గుణముల,
రిప్లయితొలగించండిపుంసామ్మోహనుడు రాముఁ, బురుశోత్తము నా
పాంసమ్మును తలనిడి ని
స్సంసారము నందిన యతి సత్పూజ్యుడగున్
మీ పూరణ బాగున్నది. అభినందనలు.
తొలగించండిహింసామార్గమువీడినిచ్చలము దేహంబందువైరాగ్యతన్
రిప్లయితొలగించండిహంసన్బట్టి నియంత్రణంబుసలుపన్ హాసంబు సంసారికిన్
సంసక్తంబగుచున్ యతీశ్వరులసంజాతంబునన్ మెల్గుచున్
సంసారస్థితుఁడై యతీశ్వరుఁడు పూజాభాజనుం డయ్యెడున్
మీ పూరణ బాగున్నది. అభినందనలు.
తొలగించండికంసారిపరమాత్ముండై
రిప్లయితొలగించండిహంసాహ్లాదంబగుతఱిహాయనిగోలువన్
సంసారమునంటకఁదా
సంసారమునందినయతిసత్పూజ్యుడగున్
మీ పూరణ బాగున్నది. అభినందనలు.
తొలగించండిమొదటి పాదంలో గణభంగం. సవరించండి.
వేసారి సతీసుతులకు
రిప్లయితొలగించండిమాసాహసశకునిన్యాయాన మరుల్గొనకన్
తాసించుచు సుకవితా
సంసారము నందిన యతి సత్పూజ్యుఁ డగున్
మీ పూరణ బాగున్నది. అభినందనలు.
తొలగించండిరెండవ పాదంలో గణభంగం. సవరించండి.
అయ్యా, ఇది నా తొలియత్నం. మీరే దయచేసి తగురీతిన మార్చగలరు 🙏🏻🙏🏻
తొలగించండిభాస్కర్ గారు మీ ప్రయత్నము ప్రశంసనీయము.
తొలగించండిఇక్కడ ప్రాసాక్షరమునకుఁ బూర్వము బిందు వున్నది కావున నన్ని పాదములలో బిందుపూర్వక స గుణింతము రావలెను.
కంస, ప్రశంస, సంసేవన మీ విధముగాఁ బ్రాసను గూర్చ వలెను.
మఱియొక ప్రయత్నము చేయండి. తప్పక సాధించఁ గలరు.
🙏🏻🙏🏻
తొలగించండిహింసామార్గమువీడుచు
రిప్లయితొలగించండిగంసారిన్ దలచుచుండికమ్రపుభక్తిన్
సంసాధనమునునొందుచు
సంసారమునందినయతిసత్పూజ్యుడగున్
మీ పూరణ బాగున్నది. అభినందనలు.
తొలగించండిహంసధ్యానమ్మున ననృ
రిప్లయితొలగించండిశంసుండు నిజేంద్రియ చయ జయమునఁ గామ
ధ్వంసత భాసిల్లంగన్
సంసారము నందిన యతి సత్పూజ్యుఁ డగున్
సంసారమ్మున నా వసిష్ఠుఁ డరయన్ సత్యంపు బ్రహ్మర్షియే
సంసారమ్మునఁ గౌశికుండు నరయన్ సత్యంపు బ్రహ్మర్షియే
సంసారమ్మున నత్రి యొక్కఁ డరయన్ సత్యమ్ము సప్తర్షులన్
సంసారస్థితుఁడై యతీశ్వరుఁడు పూజాభాజనుం డయ్యెడున్
మీ మొదటి పూరణ అద్భుతంగా, రెండవ పూరణ మనోహరంగా ఉన్నది. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండిసంసారమ్మది పాపకూపమనుచున్ సన్యాసిగా మారుచున్
రిప్లయితొలగించండికంసారిన్ కఱినేస్తి నీలమణిఁ నిష్కామమ్ము తో కొల్వగన్
సంసారమ్మును వీడుటెందుకది యే శాస్త్రమ్ము లో కంటివో
సంసారస్థితుఁడై యతీశ్వరుఁడు పూజాభాజనుం డయ్యెడున్.
మీ పూరణ బాగున్నది. అభినందనలు.
తొలగించండిహింసామార్గమునెంచకుండగనుదానెప్పట్టునూహించుచున్
రిప్లయితొలగించండిగంసారిన్ మదినుండునట్లుగదమిన్ గమ్రంపుభావంబుతో
సంసారంబునుజేయుచుండియునునాసాంతంబుధ్యానించుచున్ సంసారస్ధితుడైయతీశ్వరుడుపూజాభాజనుండయ్యెడున్
మీ పూరణ బాగున్నది. అభినందనలు.
తొలగించండికందం
రిప్లయితొలగించండిసంసారాంబుధి నీదియు
హంసోహపు బాటనెంచి యడగఁగ భ్రమలున్
కంసారిన్ దలఁచి మరొక
సంసారము నందిన యతి సత్పూజ్యుఁ డగున్
శార్దూలవిక్రీడితము
ధ్వంసంబౌ కురువంశమింక ననుచున్ వాంఛించి సత్యాంబయే
హంసోహమ్మను బాటనున్న సుతుడౌ వ్యాసున్ నియోగించగన్
సంసిద్ధుండుగ వారసత్వమిడి నిస్సంగుండయెన్ దల్లికై
సంసారస్థితుఁడై యతీశ్వరుఁడు పూజాభాజనుం డయ్యెడున్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా🙏
తొలగించండిశా:
రిప్లయితొలగించండిసంసారమ్మును వీడి నూరి మఠమున్ సన్యాసిగా జేరగన్
వంశంబంతయు జేరి జెప్పదొడగన్ బాహాటమై తంత్రముల్
హంసాశ్యమ్మున జక్క బెట్ట పనులన్ హ్లాదంబునే బొందుచున్
సంసారస్థితుడై యతీశ్వరుడు పూజాభాజనుండయ్యెడున్
వై. చంద్రశేఖర్
మీ పూరణ బాగున్నది. అభినందనలు.
తొలగించండి'వీడి యూరి..'
ధన్యవాదాలు
తొలగించండిధ్వంసమ్మున్ సృజియించుచున్ సతతమున్ దయ్యమ్ములన్ వంచగా,
రిప్లయితొలగించండిహింసాత్ముండగు యాతుధానుఁ దుదముట్టింపంగ ప్రహ్లాదునిన్
కంసారిన్ భజియించునట్లు మలచెన్ కార్యార్థియై మౌని ని
స్సంసారస్థితుఁడై యతీశ్వరుఁడు పూజాభాజనుం డయ్యెడున్
మీ పూరణ ప్రశస్తంగా ఉన్నది. అభినందనలు.
తొలగించండిగురువర్యులకు నమస్సులు. ధన్యవాదములు.
తొలగించండిధ్వంసంబైనమనోవికారముల శాంతంబైనవాంఛాళితో
రిప్లయితొలగించండిగంసారాతినెదన్దలంచిశిలయైకైవల్యవైభోగమై
హంసోపాసన నాచరించు బుధుడవ్యక్తాత్మదర్శించుచున్
*సంసారస్థితుఁడై యతీశ్వరుఁడు పూజాభాజనుం డయ్యెడున్*
మీ పూరణ ప్రశస్తంగా ఉన్నది. అభినందనలు.
తొలగించండిహింసలు మానిన హితుడౌ
రిప్లయితొలగించండిసంసారమునందిన,యతి సత్పూజ్యుడగున్
కంసారిని తలచి సతము
సంసారపు మోహము విడ జవమున జగతిన్