కవిమిత్రులారా,
ఉపాధ్యాయ దినోత్సవ శుభాకాంక్షలు!
ఈరోజు పూరింపవలసిన సమస్య ఇది...
"తగవులం బెట్టువా రుపాధ్యాయు లనఁగ"
(లేదా...)
"తగవుల్ బెట్టెడివారలే కద యుపాధ్యాయుల్ విచారించినన్"
ఉపాధ్యాయ దినోత్సవ శుభాకాంక్షలు!
ఈరోజు పూరింపవలసిన సమస్య ఇది...
"తగవులం బెట్టువా రుపాధ్యాయు లనఁగ"
(లేదా...)
"తగవుల్ బెట్టెడివారలే కద యుపాధ్యాయుల్ విచారించినన్"
రిప్లయితొలగించు"శ్రీ రాముని దయ చేతను..."
నడిరేయి సరదా పూరణ:
వగలన్ దెచ్చెడి ప్రాసలన్ యతులనున్ వైషమ్యమున్ గాంచుచున్
సెగలన్ గ్రక్కుచు బెత్తమున్ విసరుచున్ శృంగార రూపమ్మునన్
నగుచున్ వెఱ్ఱిగ బాగులేవనుచు నానా రీతులన్ హాయిగా
తగవుల్ బెట్టెడివారలే కద యుపాధ్యాయుల్ విచారించినన్
మీ సరదా పూరణ బాగున్నది. అభినందనలు.
తొలగించు"యతులనున్ వైవిధ్యమున్ గాంచుచున్...విసరుచున్ జిత్రంపు రూపమ్మునన్..." అంటే బాగుంటుందేమో?
🙏
తొలగించుపిల్లల మనసులలో నీ పైవాని గెలవాలి అన్న పద్ధతి మితిమీరేట్టు చేసేవారేగా దీనికి కారణం...
రిప్లయితొలగించుమ||
పగలున్ రేలటు పుస్తకంబు పఠనంబంచున్ బడన్ వెంటనా
వగయన్ పిల్లల మానసంబునిడ 'నీ పైవానినెక్కంగనే
జగమున్ దిగ్విజయంబటంచు' బడిలో సంగ్రామకార్యోర్థులే
తగవుల్ బెట్టిన వారలేగద! యుపాధ్యాయుల్ విచారించినన్!
ఆదిపూడి రోహిత్🙏🏻🙏🏻🙏🏻
మీ పూరణ బాగున్నది. అభినందనలు.
తొలగించు
రిప్లయితొలగించుఆటవిడుపు సరదా పూరణ:
(జిలేబి గారికి అంకితం)
సగమౌ వేళల క్లాసులన్ విడుచుచున్ సాధించి ట్యూషన్లనున్
బిగువౌ రీతిని పెంపుచున్ గృహములన్ బీభత్సమౌ వేడుకన్
పగనున్ బూనుచు భత్యమున్ భరణమున్ వర్ధిల్లగన్ జేయుమన్
తగవుల్ బెట్టెడివారలే కద యుపాధ్యాయుల్ విచారించినన్
మీ ఆటవిడుపు పూరణ బాగున్నది. అభినందనలు.
తొలగించు'పెంపుచున్ / పెంచుచున్' టైపాటు అనుకుంటాను.
🙏
తొలగించుతగవు లంబెట్టువారుపా
రిప్లయితొలగించుధ్యాయు లనగ
బోరు నెచ్చోట నైనను,బోధనమ్ము
చేయుచు ననవరతము, మంవిని తెలుపుచు,
వినయమును నేర్పు చుండెడి ఘనులు గాదె
మీ పూరణ బాగున్నది. అభినందనలు.
తొలగించు'మంచిని దెలుపుచు' టైపాటు.
తామొసగిన జవాబులె తగినవనుచు
రిప్లయితొలగించుతగవులాడెడి శిష్యులం దరికి జేర
బిలిచి తగినట్టి విధముగ విశదబరచి
తగవులం బెట్టువారుపాధ్యాయు లనఁగ
తగవు = జగడము , యుక్తము
పెట్టు = ఇచ్చు
మీ పూరణ బాగున్నది. అభినందనలు.
తొలగించు'శిష్యులందరిని..' టైపాటు.
🙏🏽
తొలగించుక్రొవ్విడి వెంకట రాజారావు:
రిప్లయితొలగించుఅచ్చు గూడిన చదువుల నరయ జేసి
మంచి చెడ్డల తారతమ్యములు కఱపి
మతియు నజ్ఞతల మధ్య సతము గొప్ప
తగవులం బెట్టు వారుపాధ్యాయులనగ.
చక్కని పూరణ. అభినందనలు.
తొలగించుసమస్య :
రిప్లయితొలగించుతగవుల్ బెట్టెడివారలే కద యుపా
ధ్యాయుల్ విచారించినన్
(నేటి పోటీప్రపంచంలో పిల్లలపట్ల కన్నవారి ప్రవర్తన - గురువుల ప్రవర్తన )
సెగలన్ జిమ్మెడి మాటలన్ బితరులే
చీకాకు చెందించుచున్
దగవుల్ బెట్టెడివారలే కద ! యుపా
ధ్యాయుల్ విచారించినన్
నగవుల్ జిందుచు బోధనాపటిమతో
నానాటికిన్ శిష్యులన్
జగమే మెచ్చెడి పౌరసత్తములుగా
జాతీయతన్ దీర్చరే !!
( పితరులు - తల్లిదండ్రులు ; విచారించు- ఆలోచించు)
విరుపుతో మీ పూరణ ప్రశస్తంగా ఉన్నది. అభినందనలు.
తొలగించుక్రొవ్విడి వెంకట రాజారావు:
రిప్లయితొలగించుపగిదౌ వెల్గెడి విద్యలన్ కఱపుచున్ పాఠీన బృందమ్ముకున్
సొబగున్ గూడిన రీతి మంచిచెడులన్ సోమించి బోధించుచున్
తగు భంగిన్ ఘన విత్తికిన్ వెడగుకున్ దాఖ్యమ్ముతో నిత్యమున్
తగవుల్ బెట్టెడివారలే కద యుపాధ్యాయుల్ విచారించినన్
మీ పూరణ బాగున్నది. అభినందనలు.
తొలగించు'బృందమ్మునకున్, వెడగునకున్...' అన్నవి సాధు రూపాలు.
పగిదౌ వెల్గెడి విద్యలన్ కఱపుచున్ పాఠీన వర్గమ్ముకై
తొలగించుసొబగున్ గూడిన రీతి మంచిచెడులన్ సోమించి బోధించుచున్
తగు భంగిన్ ఘన విత్తి యజ్ఞతలకున్ దాఖ్యమ్ముతో నిత్యమున్
తగవుల్ బెట్టెడివారలే కద యుపాధ్యాయుల్ విచారించినన్
2 వ పాదంలో ప్రాస ?
తొలగించు" సొగసున్ గూడిన రీతి....... "
తొలగించువగపున్ జూపక నిత్యమున్ మనమునన్ వాత్స్యల్య మేపారగా
రిప్లయితొలగించుజగమున్ ముంచెడి నర్ధకామముల యజ్ఞానంపు జీకట్లనే
తగులంబెట్టెడు వారలౌనుగ నుపాధ్యాయుల్ ! యసత్యంబెటుల్
తగవుల్ బెట్టెడి వారలేగద యుపాధ్యాయుల్ విచారింపగన్?
మీ పూరణ బాగున్నది. అభినందనలు.
తొలగించుధన్యవాదములు గురుదేవా! నమస్సులు! 🙏🙏🙏
తొలగించుజ్ఞానబోధలు చేయుచు చక్కగాను
రిప్లయితొలగించుచదువు సంస్కారమును నేర్పు సద్గురువుల
తగవులంబెట్టువారుపాధ్యాయులనగ
నుచిత మెప్పు డు కాదందు రుర్వి యందు
మీ పూరణ బాగున్నది. అభినందనలు.
తొలగించు
రిప్లయితొలగించుఒకరి మధ్య మరియొక బాలునకు మేలు
గూర్చగా చదువున వారు కొట్టుకొనుచు
తగవులం బెట్టువారు పాధ్యాయు లనఁగ
తప్పు లేదు స్పర్ధ వలయు ధరణి లోన!
జిలేబి
మీ పూరణ బాగున్నది. అభినందనలు.
తొలగించుమొదటి పాదంలో యతి తప్పింది. "ఒకరి మధ్య మరొక బాలునకును మేలు" అందామా?
భేదమెంచక పాఠముల్ విశద పరచి
రిప్లయితొలగించుసాంపరాయమున తనదు ఛాత్రులకును
హెచ్చు తగ్గు గుణములిచ్చి నెల్లవేళ
తగవులం బెట్టువా రుపాధ్యాయు లనఁగ
మీ పూరణ బాగున్నది. అభినందనలు.
తొలగించు"గుణములిచ్చి యెల్లవేళ.."
తగవు పడుచుండు శిష్యుల తగవు దీర్చి
రిప్లయితొలగించుచదువు లందున మాత్రమె స్పర్ధ లనుచు
తగవులకు సరియగునట్టి దారి చూపి
తగవులం బెట్టువా రుపాధ్యాయు లనఁగ
మీ పూరణ బాగున్నది. అభినందనలు.
తొలగించు
రిప్లయితొలగించుతగునా వీరికి జుట్టుపట్టుకొని నిర్ధారింపగా తప్పులన్?
పగవారోయని పించు వారిని గనన్ పట్టింపులన్ జూడగా
జగదానందము గూర్చు స్పర్ధనరరే సాధింప విద్యార్థులే
తగవుల్ బెట్టెడివారలే కద యుపాధ్యాయుల్ విచారించినన్!
జిలేబి
మీ పూరణ బాగున్నది. అభినందనలు.
తొలగించు
తొలగించుhttp://gpsastry.blogspot.com/2014/09/teachers-day-dictum.html?m=0
స్పర్ధయా వర్ధతే విద్యా
రిప్లయితొలగించుతగవెం దైనను గాంచమో పరిధినిన్ దాటంగ లేనంత నా
తగ వెంతో ఫలమిచ్చు విద్యలను స్పర్ధారూపకోత్తారిణీ
సుగుణమ్మై, ఫలితార్థయోజకులునై శుద్ధార్తిసంధాతలై
తగవుల్ బెట్టెడివారలే కద యుపాధ్యాయుల్ విచారించినన్
కంజర్ల రామాచార్య.
మీ పూరణ ప్రశస్తంగా ఉన్నది. అభినందనలు.
తొలగించువెనుకబడుచున్న వేళల విద్యలందు
రిప్లయితొలగించుమేటివిద్యార్థితోగట్టి పోటివెట్టి
విద్యగరపుచుశిష్యులమధ్యనెపుడు
తగవులం బెట్టువా రుపాధ్యాయు లనఁగ
మీ పూరణ బాగున్నది. అభినందనలు.
తొలగించుతగవుల్ బెట్టిన తన్నినన్ గురుడు విద్యా దానము జేయుచున్
రిప్లయితొలగించుజగతిన్ మేటిగ శిష్యు నిల్పి; పితయై సర్వజ్ఞతల్ గూర్పడే !
పగకై నిల్పెను చంద్రగుప్తు నృపుగన్ వర్ధిల్ల చాణక్యుడున్
తగవుల్ బెట్టెడివారలే కద యుపాధ్యాయుల్ విచారించినన్
మీ పూరణ బాగున్నది. అభినందనలు.
తొలగించు'దానమున్ జేయుచున్' టైపాటు. లేకుంటే గణభంగం.
రిప్లయితొలగించుకంద గీతి
ఠవణింపగ స్పర్ధయె పా
టవమెల్ల పెనుపు గొన చవటల మార్చుచు వి
ప్లవములకు తగవులం బె
ట్టువా రుపాధ్యాయు లనఁగ టొంకు గలుగునే?
జిలేబి
మీ పూరణ ప్రశస్తంగా ఉన్నది. అభినందనలు.
తొలగించుమైలవరపు వారి పూరణ
రిప్లయితొలగించు🙏తస్మై శ్రీ గురవే నమః🕉🚩💐🙏
భగవద్రూపులు జ్ఞానభాస్కరులు తత్త్వజ్ఞుల్ దమిన్ బోధనం
బగలున్ రేలు సమాజశాంతిహితధర్మస్థాపనోత్సాహులౌ
యుగకర్తల్.,భువనైకవంద్యులు గురుల్.,యుక్తంబె నీవిట్లనన్
దగవుల్ బెట్టెడివారలే కద యుపాధ్యాయుల్ విచారించినన్!!
మైలవరపు మురళీకృష్ణ వెంకటగిరి
మైలవరపు వారి అధిక్షేపాత్మకమైన పూరణ ప్రశస్తంగా ఉన్నది. అభినందనలు.
తొలగించుమంచి విజ్ఞాన మందించు మాన్యు లగుచు
రిప్లయితొలగించుభావి పౌరుల నందింత్రు పట్టు బట్టి
విద్య నార్జించు విషయాన ప్రేమ మీర
తగవు లంబెట్టు వారు పాధ్యాయు లనగ
'స్పర్ధయా వర్ధతే విద్యఁ'బలుకుబడినిఁ
రిప్లయితొలగించుజిలికి యక్షర సత్యమ్ము సేయఁ గోరి
కదిపి విద్యార్థులకు మధ్యఁ జదువులందుఁ
దగవులం బెట్టువారుపాధ్యాయు లనఁగ!
గురుదేవులకు మరియు కవిమిత్రులకందరకూ ఉపాధ్యాయ దినోత్సవ శుభాకాంక్షలు
తొలగించుశిష్య కోటి కభ్యున్నతి చేకురంగ
రిప్లయితొలగించుస్పర్ధ కలిగించ బోవగ చదువులందు,
తగవులం బెట్టు వారు పాధ్యాయులనగ
చెల్లదు హితుడా! గురువులే శ్రేష్ఠులిలను !
భగవంతుండని గాదె యొజ్జలను సంభావించి పూజించెడిన్
రిప్లయితొలగించుజగతిన్ బుట్టిన నీవు పల్కితివి ప్రజ్ఞాశాలివై నివ్విధిన్
తగవుల్ బెట్టెడి వారలే గద యుపాధ్యాయుల్ విచారించినన్
తగునా నీకిది మిత్రమా వలదికన్ ధర్మంబు కాదందునే.
మత్తేభవిక్రీడితము
రిప్లయితొలగించుసుగతిన్ బొందఁగ భావిభారతమహో శోభాయమానమ్ముగన్
నిగమార్థంబుగ వారసత్వమిడెడున్ నిస్వార్థ భావంబుతో
పగతో గాకయు విద్యనేర్చు కతనన్ స్పర్ధింప శిష్యాళికిన్
దగవుల్ బెట్టెడివారలే కద యుపాధ్యాయుల్ విచారించినన్
ఉపాధ్యాయ దినోత్సవ శుభాకాంక్షలు!
రిప్లయితొలగించుతగవులంబెట్టువారుపాధ్యాయులనగ
రిప్లయితొలగించునేమియిట్లుగబల్కిరియార్యులయ్యు
దగవులందీర్తురుగనుపాధ్యాయులవని
వందనంబులుసేతునువారికిపుడు
ఈ కామెంట్‌ను రచయిత తీసివేశారు.
రిప్లయితొలగించుతగవున్ దెచ్చెను పంచజన్యు నెడ పుత్రారక్షకై యొక్కడున్
తొలగించుతగవున్ దెచ్చెను రుక్మి దోడ గన వార్తావాహుడై యొక్కడున్
తగవున్ దెచ్చెను ధర్మ రక్షణకు గీతాచార్యుడై యొప్పునన్
తగవుల్ బెట్టెడివారలే కద యుపాధ్యాయుల్ విచారించినన్
చదువులందు మరియు నాటలందు నెపుడు
రిప్లయితొలగించుస్పర్థ వలన గలుగు మేలు సరిగ దెలిపి
తగిన నియమంబులఁ దగిన దారులందు
తగవులం బెట్టువా రుపాధ్యాయు లనఁగ
తగవుల్బెట్టెడివారలేకదయుపాధ్యాయుల్ విచారించినన్
రిప్లయితొలగించుతగవుల్ బెట్టెడువారుకాదుగనుపాధ్యాయుల్ సమీక్షించగా
దగవుల్దూరుచునెయ్యముందనరిదాదాత్మ్యంబుతోనుండుచున్
జగడంబెప్పుడులేకయుండగనుబ్రఙ్ఞాశాలిగాజేయుగా
గురునిపూజజేయగుణవంతుజేయును
రిప్లయితొలగించురుజయుతొలగుగురునిరూపుజూడ
దేశికుండునగుచుదేశాలుదిరిగెడు
వరలుమేటిగురువ!వందనములు
రిప్లయితొలగించుపిన్నక నాగేశ్వరరావు.
జ్ఞాన తృష్ణను కలిగించి ఛాత్రులందు
సంపదను వృద్ధి చేయు తలంపుతోడ
వారి బాగుకై వారిలో స్పర్ధ యనెడు
తగవులంబెట్టు వారుపాధ్యాయు లనగ.
చదివిన చదువులఁ బటిమ సవ్య భంగి
రిప్లయితొలగించునంచితమ్ముగ సర్వ విద్యార్థు లందు
నర్హతల నెంచఁగఁ దగవు లనఁగఁ దోఁచు
తగవులం బెట్టు వా రుపాధ్యాయు లనఁగ
[తగవు = జగడము, న్యాయము]
నిగమక్షీణపు విద్య లేల యిలలో నేర్వంగ యోచించుమా
యగు ణాన్యాయ విధాన మియ్య దని విద్యానైపుణీ శోధనం
బగలే పుట్టఁగఁ దారతమ్యము లెదన్ వర్ధిల్ల విద్యార్థులుం
దగవుల్ బెట్టెడివారలే కద యుపాధ్యాయుల్ విచారించినన్
[నిగమము = మార్గము]
మ:
రిప్లయితొలగించుయుగముల్ మారిన మారుగాక ఋషులై యున్నారుపాధ్యాయులే
పగలున్ రాతిరులొక్కటై ప్రగతినాపాదింప జీవాళికిన్
తెగలన్ గూరిచి వారు వీరనక విద్దెన్నేర్ప నాస్పర్ధతో
తగవుల్ బెట్టెడి వారలే కద యుపాధ్యాయుల్ విచారించగన్
వై. చంద్రశేఖర్
యుగమేదైనను గల్గరే యరుదుగా
రిప్లయితొలగించునున్మాద చిత్తుల్ ధరన్
జగమందుండెడి దోపిడిన్ జెణకుచున్ సంసిద్ధులన్ జేయుచున్
బిగువౌ మాటల ఛాత్రులన్ మరలగా
బీభత్సమౌ త్రోవకున్
తగవుల్ బెట్టెడి వారలేగద యుపాధ్యాయుల్ విచారింపగన్
ఒకప్పుడు విశ్వవిద్యాలయాలు కమ్యానిస్టు భావజాలానికి, తర్వాతి కాలంలో కులరాజకీయాలకు, ఇటీవల మతరాజకీయాలకు నెలవు
లవుచున్నవి. ఎక్కడైనా దోపిడీయే ప్రధాన విషయమౌతున్నది.
🙏🙏🙏🙏
జగతిన్ శిష్యులు పేరుపొంద కడునుత్సాహమ్ము కల్గించుచున్
రిప్లయితొలగించుపగలున్ రేయుయు నిచ్చతోడుతను నిర్వర్తించుచున్ బాధ్యతల్
ద్విగుణంబౌచును వారిదౌ ప్రతిభయున్ పెంపొందగా, స్పర్థకై
తగవుల్ బెట్టెడివారలే కద యుపాధ్యాయుల్ విచారించినన్
ఈ కామెంట్‌ను రచయిత తీసివేశారు.
రిప్లయితొలగించుఈ కామెంట్‌ను రచయిత తీసివేశారు.
రిప్లయితొలగించునాడు నేడైన గురువుల నాణ్యతరయ
రిప్లయితొలగించుచెరగలేదెంతయు జనుల యురములందు
అతిగనాశించి సన్మానమంద గోరు
తగవులం బెట్టువా రుపాధ్యాయు లనఁగ!!
Best movies website movie news
రిప్లయితొలగించు