కవిమిత్రులారా,
ఈరోజు పూరింపవలసిన సమస్య ఇది...
"శంఖధ్వానము వినఁబడె శ్వానము మొఱుఁగన్"
(లేదా...)
"శంఖధ్వానము విన్పడెన్ పృథులమై శ్వానంబు బిట్టార్వఁగన్"
ఈరోజు పూరింపవలసిన సమస్య ఇది...
"శంఖధ్వానము వినఁబడె శ్వానము మొఱుఁగన్"
(లేదా...)
"శంఖధ్వానము విన్పడెన్ పృథులమై శ్వానంబు బిట్టార్వఁగన్"
రిప్లయితొలగించు"శ్రీ రాముని దయ చేతను..."
నడిరేయి సరదా పూరణ:
కుక్కల యుద్ధము:
పంఖానైతిని శంకరార్యునకహో పద్యమ్ములన్ నేర్పగన్...
శంఖమ్మూదుచు చెప్పెదన్ కనగనీ జంజాటమున్ వీధినిన్
పుంఖమ్ముల్ విడిపోవ ధన్వములనున్ పూరించగా నాజినిన్
శంఖధ్వానము విన్పడెన్ పృథులమై శ్వానంబు బిట్టార్వఁగన్
పంఖా = fan
మీ సరదా పూరణ బాగున్నది. అభినందనలు.
తొలగించు🙏
తొలగించుపంఖావీచుచు నుండగ
రిప్లయితొలగించుశంఖధ్వానము వినబడె; శ్వానము మొరుగన్
శృంఖలను గట్టివేయుచు
శంఖంబూదిన దొరకిడె సన్నుతి భిక్షన్
పుంఖానుపుంఖ పాపము
తొలగించుశృంఖలలను గట్టివేయ సిగ్గదిలేకే
పంఖాలు పలుక జేజే
శంఖధ్వానము వినబడె శ్వానము మొఱుగన్
పంఖాలు = అనుచరులు
మీ రెండు పూరణలు బాగున్నవి. అభినందనలు.
తొలగించుధన్యవాదములు గురుదేవా! నమస్సులు! 🙏🙏🙏
తొలగించు
రిప్లయితొలగించుకంఖాణి యెగిరె కలలో
పుంఖము తో గుండె కాయ పొడిచిన చవి! ఆ
పంఖా ఆగెను! చెవిలో
శంఖధ్వానము వినఁబడె శ్వానము మొఱుఁగన్!
జిలేబి
మీ పూరణ బాగున్నది. అభినందనలు.
తొలగించు
రిప్లయితొలగించుఆటవిడుపు సరదా పూరణ:
(జిలేబి గారికి అంకితం)
Street Scene in Warangal Election:
శంఖాలూదుచు నాయకుల్ రిపులకున్ శాపంబులన్ బెట్టుచున్
శంఖల్ మీదను ముద్దుబెట్టి జనుచున్ జంబంపు వోటర్లకున్
రింఖాల్ మ్రోగగ యుద్ధభూమి నహహా లీలాయితన్ బూతులన్
శంఖధ్వానము విన్పడెన్ పృథులమై; శ్వానంబు బిట్టార్వఁగన్
బూతు = booth
మీ ఆటవిడుపు పూరణ బాగున్నది. అభినందనలు.
తొలగించు🙏
తొలగించు
రిప్లయితొలగించుకంఖాణిన్ కల లోన గాంచితిని నాకంబందు; చట్టంచునా
పంఖాఆగెను!గుండెకాయ లబడబ్బాగెన్నిదాఘమ్ముతో
శంఖధ్వానము విన్పడెన్ పృథులమై శ్వానంబు బిట్టార్వఁగన్
లంఖించెన్ వెస ముక్కు గోకి యొక గోలాంగూలమే పైన రా!
జిలేబి
మీ పూరణ బాగున్నది. అభినందనలు.
తొలగించుసమస్య :
రిప్లయితొలగించుశంఖధ్వానము విన్పడెన్ పృథులమై
శ్వానంబు బిట్టార్వగన్
(మహారథుడు అర్జునుడుశ్వేతవాహనుడై కురుక్షేత్రయుద్ధరంగప్రవేశం కావిస్తున్నాడు)
ఖేంఖాణంబుల నాల్గు పూన్చి రథియై
కేళీగతిన్ బార్థుడే
ఖం ఖం ఖమ్మని నారి మ్రోయుచును నా
కౌరవ్యసైన్యంబుపై
రింఖాఘోషలు , హేషలున్ మిళితమై
రేగంగ యుద్ధోర్విలో
శంఖధ్వానము విన్పడెన్ పృథులమై
శ్వానంబు బిట్టార్వగన్ .
( ఖేంఖాణములు - అశ్వములు ; రింఖాఘోషలు - గుర్రపు డెక్కల చప్పుడులు ; హేషలు - సకిలింతలు )
మీ పూరణ అద్భుతంగా ఉన్నది. అభినందనలు.
తొలగించులంఖ ణ ముగ గుడి కేగన్
రిప్లయితొలగించుశంఖ ధ్వానము వినబడె : శ్వానము మొరుగ న్
పుంఖా ను పుంఖ ములు గను
పంఖా దొంగ లు భయ పడి పరుగిడి రి కదా !
మీ పూరణ బాగున్నది. అభినందనలు.
తొలగించుకంఖాణీ*లనుదెచ్చుచు
రిప్లయితొలగించుఖేంఖాణమ్ములుపరుగిడె ఖేచరధృతితో
రింఖా ఘోషలుగానిక
శంఖధ్వానమువినబడె శ్వానము మొఱుగన్
-----------------
రావెల పురుషోత్తమరావు
* బహుమతులు (పెర్షియన్)
మీ పూరణ బాగున్నది. అభినందనలు.
తొలగించుకంఖాణిని గాంచి మొరిగె
రిప్లయితొలగించుశృంఖలమునయున్న యట్టి జిహ్వాపమ్మే
పంఖా తిరుగుచు నుండగ
శంఖధ్వానము వినఁబడె శ్వానము మొఱుఁగన్.
మీ పూరణ బాగున్నది. అభినందనలు.
తొలగించు"శృంఖలమున నున్న..." అనండి.
పంఖాలు పూజలు సలుపగ
రిప్లయితొలగించుశంఖధ్వానము వినఁబడె, శ్వానము మొఱుఁగన్
పుంఖాను పుంఖములుగా
లంఖించెను ఒక్కటగుచు లావులు మెరయన్
మీ పూరణ బాగున్నది. అభినందనలు.
తొలగించుకాని 'పంఖాలు పూజ సలుపడం... లంఖించెను' ?
పుంఖిత బలుఁడు సుయోధనుఁ
రిప్లయితొలగించుప్రేంఖితుడై చేయ దాడి విరటుని పైనన్
శాంఖికుని దేవదత్తపు
శంఖధ్వానము వినఁబడె శ్వానము మొఱుఁగన్౹౹
ప్రేంఖితము-ఊపు
మీ పూరణ బాగున్నది. అభినందనలు.
తొలగించుక్రొవ్విడి వెంకట రాజారావు:
రిప్లయితొలగించుకంఖాణమ్ములనెక్కి నావహమునన్ గంగుల్ ప్రతిద్వంద్వులన్
శృంఖమ్ముల్ గొని వారినెల్ల నట నాజిన్ బందిచేయంగగా
శంఖల్ చేతిని బట్టి తాము ఘనమౌ జాడన్ననిన్ సల్పెడిన్
శంఖధ్వానము విన్పడెన్ పృథులమై; శ్వానంబు బిట్టార్వఁగన్
మీ పూరణ బాగున్నది. అభినందనలు.
తొలగించు'బంది చేయంగ నా శంఖల్...' అనండి.
జింఖానా గన పాకు భారతులు రాజిల్లంగ క్రీకెట్టులో
రిప్లయితొలగించుప్రేంఖధ్వాన విశేష నృత్యములతో ప్రేక్షాళి యుప్పొంగగన్
రింఖాఘోషలు పిల్లి కూతలకటా క్రీడాస్థలిన్ వింతగా
*శంఖధ్వానము విన్పడెన్ !పృథులమై శ్వానంబు బిట్టార్వఁగన్*
తిరుక్కోవళ్ళూరు శ్రీహర్ష
మీ పూరణ ప్రశస్తంగా ఉన్నది. అభినందనలు.
తొలగించుమైలవరపు వారి పూరణ
రిప్లయితొలగించుప్రేంఖానందితుడౌ బృహన్నలయు దీపింపంగ పగ్గమ్ములన్ .
రింఖాప్రోత్థితధూళిధూసరితధాత్రిన్.,మత్స్యరాట్సూతి దా
మంఖున్ యుద్ధము జేయనెంచి వినిపింపన్ దీటుగానూదగా
శంఖధ్వానము విన్పడెన్ పృథులమై శ్వానంబు బిట్టార్వఁగన్!!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది.
తొలగించుపుంఖాపుంఖముగాను నాయకులు తాముత్సాహమున్ బొందుచున్
రిప్లయితొలగించుశృంఖమ్ముల్ విడిపించి భారతికికన్ స్వేచ్చన్ ప్రసాదింపగన్
శంఖంబూదగ పల్కిరంట పరి హాసంబందు నాంగ్లేయులే
శంఖధ్వానము విన్పడెన్ పృథులమై శ్వానంబు బిట్టార్వఁగన్
చక్కని పూరణ. అభినందనలు.
తొలగించుశృంఖలములు విడ పరువిడి
రిప్లయితొలగించుశంఖమొకటి నోట గరచె శ్వానంబరెరే
శంఖము జారెను గొంతున
శంఖధ్వానము వినఁబడె శ్వానము మొఱుఁగన్
మీ పూరణ బాగున్నది. అభినందనలు.
తొలగించురింఖాధూళివిలిప్తసౌభటలసద్రించోళియుద్ధావనీ
రిప్లయితొలగించుప్రేంఖద్ధ్వానతురంగవాజివదనోద్రిక్తారవోద్వేలమై
పుంఖోద్భూతకిరీటిచాపవిగళద్భూరిక్వణన్భీష్మమై
శంఖధ్వానము విన్పడెన్ పృథులమై శ్వానంబు బిట్టార్వఁగన్.
కంజర్ల రామాచార్య.
మీ పూరణ అద్భుతంగా ఉన్నది. అభినందనలు.
తొలగించుప్రేంఖాపూరితమైచలించ బలముల్, భీష్ముండు వర్తించుచున్
రిప్లయితొలగించుఖేంఖాణమ్ములు పూన్చినట్టి ధ్వజిపై, కీలింప బాణమ్ములన్
రింఖాశబ్దములున్ విధారాణముఁ బ్రేరేపింపగా నచ్చటన్
శంఖధ్వానము విన్పడెన్ పృథులమై శ్వానంబు బిట్టార్వఁగన్
మీ పూరణ బాగున్నది. అభినందనలు.
తొలగించులంఖిణి యకటా నాలి, వి
రిప్లయితొలగించుశృంఖలముగ దూరును కడు హేయముగ పతిన్ దుఃఖము నొందక యతడనె
"శంఖధ్వానము వినఁబడె శ్వానము మొఱుఁగన్"
మీ పూరణ బాగున్నది. అభినందనలు.
తొలగించుమూడవ పాదంలో ప్రాస తప్పింది. అనుస్వారపూర్వక ఖకారం ప్రాసాక్షరం. మీరు విసర్గను వేసారు.
పుంఖానామైదానము
రిప్లయితొలగించుపుంఖాలన్ గూడియుండిబురబురలాడన్
శంఖపురవమునుబోలగ
శంఖధ్వానమువినబడెశ్వానముమొఱుగన్
మీ పూరణ బాగున్నది. అభినందనలు.
తొలగించుఅర్జునుడి బాణ వర్షానికి సైంధవుడి శరీరం తూట్లు పడిందనే భావములో ...
రిప్లయితొలగించుప్రేంఖా ఘోష మహీతలంబదరగా భీభత్సుడై దివ్యమౌ
కంఖాణంబుల బూన్చినట్టి రథమున్ గాండీవి యేతెంచెగా
శంఖధ్వానము విన్పడెన్ పృథులమై; శ్వానంబు బిట్టార్వఁగన్
పుంఖాపుంఖములౌ శరాహతికి నాపూరంబుగాన్ దేహమే
(ప్రేంఖ = అశ్వగతి, కంఖాణము = ఆశ్వము)
మీ పూరణ మనోహరంగా ఉన్నది. అభినందనలు.
తొలగించుశంఖము నూదినవేళన
రిప్లయితొలగించుశంఖధ్వానము వినఁబడె ; శ్వానము మొఱుఁగన్
శృంఖలము తోడ గట్టగ
శంఖువు కని నవ్వె తగిన శాస్తి జరుగగన్
మీ పూరణ బాగున్నది. అభినందనలు.
తొలగించువింఖము లెత్తెను గుఱ్ఱము
రిప్లయితొలగించుపుంఖము తిరుగంగఁ బైన బోరున నూదెన్
శంఖము జంగము దేవర
శంఖధ్వానము వినఁబడె శ్వానము మొఱుఁగన్
ప్రేంఖా లీలఁగ స్యందనమ్మున మహా ప్రీతిన్ విజృంభించుచుం
బుంఖవ్రాతము లెల్ల దిక్కులను సంపూర్ణంబుగా నిండగం
బుంఖవ్రాతము సంచరించె దివిఁ దాఁ బూరించ బీభత్సుఁడే
శంఖధ్వానము విన్పడెన్ పృథులమై శ్వానంబు బిట్టార్వఁగన్
[పుంఖము = బాణపు పిడి; పుంఖము = డేగ]
మీ రెండు పూరణలు అద్భుతంగా ఉన్నవి. అభినందనలు.
తొలగించుపూజ్యులు శంకరయ్య గారికి నమః పూర్వక ధన్యవాదములు.
తొలగించుపెంపుడు కుక్క అరుపు శంఖ ధ్వానముగా వినబడుట----
రిప్లయితొలగించుశా:
కంఖాణమ్మునుబోలు భైరవునితో కాపించమాయింటినిన్
రింఖా మ్రోతల గెంతుచున్ పరుల దూరించంగ సాహాయ్యమై
ప్రేంఖల్మీరగ దిర్గ నల్దిశల కోపించంగ దా నర్పునన్
శంఖధ్వానము విన్పడెన్ పృథులమై శ్వానంబు బిట్టార్వగన్
వై. చంద్రశేఖర్
మీ పూరణ బాగున్నది. అభినందనలు.
తొలగించు'కాపించ'?
కాపించు =కాయునట్లు జేయు , ధన్యవాదాలు
తొలగించుశంఖధ్వానముబోలుసవ్వడినివేసారంగనాకోవెలన్
రిప్లయితొలగించుశంఖధ్వానమువిన్పడెన్ పృథులమైశ్వానంబుబిట్టార్వగన్
పుంఖాపుంఖముబోలునారినిగనన్ భోయంచుశబ్దించగా
శంఖధ్వానముబోలుశబ్దమటనాశాంతంబుమార్మోగెగా
మీ పూరణ బాగున్నది. అభినందనలు.
తొలగించుఈ కామెంట్‌ను రచయిత తీసివేశారు.
రిప్లయితొలగించుప్రేంఖద్వ్యాధికరోనకాలమహిషోద్వేగాత్తశింజానమై
రిప్లయితొలగించురింఖాఘట్టనజన్యధూళిలసితోద్రిచ్యద్వివర్ణాప్తమై
ఖోంఖోంఖోం కృతచోద్యనిక్వణనరక్రూరాంతకాభీలమై
శంఖధ్వానము విన్పడెన్ పృథులమై శ్వానంబు బిట్టార్వఁగన్
కంజర్ల రామాచార్య.
కందం
రిప్లయితొలగించుప్రేంఖన్ దత్తుండుంగఁగ
శృంఖల రహిత శునకములె సేవించు శ్రుతుల్
శంఖధరున కర్చనమన
శంఖధ్వానము వినఁబడె శ్వానము మొఱుఁగన్
శార్దూలవిక్రీడితము
ప్రేంఖన్నుండ త్రిమూర్తి రూపుడయి సర్వేశుండుగా దత్తుడున్
శృంఖాలేవియు లేని శ్వానములుగా చేరెన్ జతుర్వేదముల్
శంఖం దాల్చిన పుణ్యమూర్తి ఘనతన్ శ్లాఘించె నన్రీతిగన్
శంఖధ్వానము విన్పడెన్ పృథులమై శ్వానంబు బిట్టార్వఁగన్
(ప్రేంఖ = సంచారము)
శంఖము మ్రింగెనొయేమో
రిప్లయితొలగించుశృంఖలములకట్టబడివిశృంఖలరీతిన్
పుంఖానుపుంఖములుగా
శంఖధ్వానము వినఁబడె శ్వానము మొఱుఁగన్
పంఖాసడితోబాటుగ
రిప్లయితొలగించుశంఖధ్వానమువినబడ శ్వానము మొరిగెన్
మంఖున లేచుచు పరుగిడె
కంఖాణము వెక్కి వడిగ కవ్వడి ననికిన్
ఖంఖంఖమ్మనునిక్వణంబులవియేగాండీవిబాణధ్వనుల్
రిప్లయితొలగించుఖేంఖాణమ్ములబూన్చిస్యందనముపైక్రీడిన్జయోత్సేకునా
జింఖానాస్థలిజేర్చగాంచెనచటన్జిహ్వాపవైరిన్మహా
*శంఖధ్వానమువిన్పడెన్పృథులమైశ్వానంబుబిట్టార్వగన్*