కవిమిత్రులారా,
ఈరోజు పూరింపవలసిన సమస్య ఇది...
"సన్మానమ్మును బొందని కవి మాన్యుం డగునా"
(లేదా...)
"సన్మానముఁ బొందకున్న కవి మాన్యుఁ డంటంచు గణింతురా ప్రజల్"
ఈరోజు పూరింపవలసిన సమస్య ఇది...
"సన్మానమ్మును బొందని కవి మాన్యుం డగునా"
(లేదా...)
"సన్మానముఁ బొందకున్న కవి మాన్యుఁ డంటంచు గణింతురా ప్రజల్"
(ఛందోగోపనము)
ఉ||
రిప్లయితొలగించండిదానము జేయకున్న విబుధాళిని విద్యను దానమివ్వగన్
సూనుని ప్రీతివాక్యముల జూచిన తండ్రిటు శ్లాఘమిచ్చినన్
పూనిన పద్యవిద్యలను పూజ్యులు జూచి తరించి జేయు స
న్మానము బొందకున్న కవిసత్తముడంచు గణించురాప్రజల్
ఆదిపూడి రోహిత్🙏🏻🙏🏻🙏🏻🙏🏻
మీ పూరణ బాగున్నది. అభినందనలు.
తొలగించండియతి సవరించిన సమస్యకూ వర్తిస్తుంది.
ఆనందించగ నెల్లరు
రిప్లయితొలగించండిదీనారమ్ములను దూగి తీరగు బాటన్
మేనాలో మోసెడు స
న్మానమ్మును బొందనికవి మాన్యుండగునా?
మీ పూరణ బాగున్నది. అభినందనలు.
తొలగించండి
రిప్లయితొలగించండినాకు తోచిన మేరకు నేను మార్చుకున్న సమస్య:
(క్షమించవలె)
"సన్మానముఁ బొందకున్న కవి మాన్యత నొందున నీజగమ్మునన్"
(ఛందోగోపనము)
**************************************************************
నడిరేయి సరదా పూరణ:
హీనపు బుద్ధులన్ గొనుచు హేళన లోర్చుచు నెల్లవేళలన్
మానము వీడుచున్ మురిసి మంత్రుని పాదము నెత్తికెత్తుచున్
వీనుల విందుగా భజన వేడుక మీరగ జేయుచుండి స
న్మానముఁ బొందకున్న కవి మాన్యత నొందున నీజగమ్మునన్
సమస్యలోని యతిదోషాన్ని గుర్తించి తెలిపినందుకు ధన్యవాదాలు.
తొలగించండిమీ పూరణ ప్రశస్తంగా ఉన్నది. అభినందనలు.
"మాన్యత నొందున యీజగమ్మునన్" అని ఉండాలి.
🙏
తొలగించండిసమస్య :
రిప్లయితొలగించండిసన్మానము బొందకున్న కవి
మాన్యత నొందున నీజగమ్మునన్
( ఎవరు నిజంగా గొప్పకవి ?)
కానగరాని పాండితిని
కావ్యములందున గుప్పియుండినన్ ;
వేనకువేల పద్యముల
వేసటనందక వ్రాసియుండినన్ ;
మానసజిహ్వలందు స్థిర
మై నటనం బొనరించు దివ్యస
న్మానము బొందకున్న కవి
మాన్యత నొందున నీజగమ్మునన్ ?
(వేసట - అలసట ; మానసజిహ్వలందు - మనస్సు ,నాలుకలలో ; మాన్యత - పూజ్యత )
మీ పూరణ ప్రశస్తంగా ఉన్నది. అభినందనలు.
తొలగించండి"మాన్యత నొందున యీజగమ్మునన్"
వీనుల విందుగ బాడుచు
రిప్లయితొలగించండినానా యంశముల కల్పనలు గావించన్
యేనాడు జనులచే స
న్మానమ్మును బొందని కవి మాన్యుం డగునా
మీ పూరణ బాగున్నది. అభినందనలు.
తొలగించండి'నానా+అంశములు=నానాంశములు' అవుతుంది. అలాగే '...గావించన్+ఏనాడు' అన్నపుడు యడాగమం రాదు.
🙏🏽
తొలగించండిక్రొవ్విడి వెంకట రాజారావు:
రిప్లయితొలగించండిమానికమగు ధర్మములను
పూనికతో నేర్చిగూర్చి పుస్తకములలో
జానుగ లిఖించియున్ స
న్మానమ్మును బొందని కవి మాన్యుండగునా?
మానికమైన ధర్మములు మంచిగ జెప్పెడి కావ్యముల్ సదా
పూనికగల్గు చిత్తమున పొల్పగు రీతిని వెల్వరించుచున్
జానుగ సంఘమందున సుశాంతిని నిల్పుచు నుండు వేళ స
న్మానము బొందకున్న కవి మాన్యత నొందునె నీజగమ్మునన్?
మీ రెండు పూరణలు బాగున్నవి. అభినందనలు.
తొలగించండిసన్మానముకై యితరుల
రిప్లయితొలగించండిసన్మానపు రచనలు కొనసాగిం చిననున్
సన్మానకర్త లనడుగ
సన్మానముఁ బొందని కవి సత్తము డగునే
మీ పూరణ బాగున్నది. అభినందనలు.
తొలగించండికె.వి.యస్. లక్ష్మి:
రిప్లయితొలగించండిగురువు గారికి నమస్కారములు. దయతో నిన్నటి పూరణ పరిశీలించ గలరు.
మెప్పు నొందెడి విద్యలు మేలురీతి
బోధ జేయుచు తీరుగ బుద్ధులెల్ల
వాడి నొందెడి విధముగ వన్నువైన
తగవులంబెట్టు వారుపాధ్యాయు లనగ.
మీ పూరణ బాగున్నది. అభినందనలు.
తొలగించండికానగ కవి ప్రతిభకు కొల
రిప్లయితొలగించండిమానము తానందుకొన్న మన్ననలౌతా
నేనాడైననునొకస
న్మానమ్మును బొందని కవి మాన్యుం డగునా
మీ పూరణ బాగున్నది. అభినందనలు.
తొలగించండిఘనముగ కావ్యము లల్లిన
రిప్లయితొలగించండిజను లందరు వాని చదివి సంతస మందన్
కను విందుగ సభలను స
న్మానమ్మును బొందని కవి మాన్యుం డగునా?
సమస్యాపాదం గురుతుతో ఆరంభమయింది. మిగిలిన పాదాలు లఘువుతో ప్రారంభమయ్యాయి. సవరించండి.
తొలగించండి
రిప్లయితొలగించండిఏనాటికైనను దిటవు
గా నిలిచెడు పద్యముల ప్రకర్షణ తోడై
మానసమందు ప్రజల స
న్మానమ్మును బొందని కవి మాన్యుండగునా?
జిలేబి
మీ పూరణ బాగున్నది. అభినందనలు.
తొలగించండిశ్వానము కూడ గౌరవము పండితు లందున పొందనిచ్చతో
రిప్లయితొలగించండిహీనుగ కాళ్ళు పట్టుచును హేళన చేసిన వంత పాడుచున్
మానము వీడి హేయుగిల మార్కొను నీచుల మధ్య నిల్చి స
న్మానము బొందకున్న కవి మాన్యత నొందునె నీజగమ్మునన్?
ఈ కామెంట్‌ను రచయిత తీసివేశారు.
రిప్లయితొలగించండికానగ సత్కవుల్ భువిని కావ్యములెన్నిరచించి యున్న నే
రిప్లయితొలగించండిమానవమాత్రుడాతడినిమాన్యునిగాతలబోయ డెప్పుడున్
తానురచించుకావ్యములు దక్కినవారల మెప్పునొందిస
న్మానముఁ బొందకున్న కవి మాన్యుడటంచు గణింతురా ప్రజల్
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిన్యూనత లేని భావనలు, నూతన మైన ప్రయత్నముల్, భళీ
వీనుల కింపుగొల్పెడు కవిత్వము, ధాత్రిని మేలు కొల్పుచున్
మానస మందు పద్యములు మన్నిక గానిలు వంగ, నౌర స
న్మా నముఁ బొం దకున్న, కవి మాన్యుఁ డటంచు గణింతురా ప్రజల్?
జిలేబి
దానము ధర్మమంచు పలు తావుల,నాస్తులగూడబెట్టుచున్
రిప్లయితొలగించండివేనకువేలుగాజనుల వేదనజెందగ, బాధబెట్టునా
మానములేనివాడె మన మన్ననలందక ,తిట్లతోను స
న్మానముబొందకున్నకవిమాన్యతనొందునయీజగమ్మునన్
++++++++++++++++++++++
రావెల పురుషోత్తమరావు
ఆనతినిచ్చినంత తన యభ్యుద యంబును వీడి వ్రాసియున్
రిప్లయితొలగించండిమాన సమానమౌ గుణము మారుపు కావగ కూర్పు చేసియున్
తాననుకొన్న దానికి విధానపు రూపును మాపికూ డ స
న్మానముఁ బొందకున్న కవి మాన్యుఁని గానె గణింతురా ప్రజల్
వేనకు వేలగు కవితల
రిప్లయితొలగించండిదా నలవోకగ ను వ్రాయు దక్షుo డైన న్
జ్ఞానుల మెప్పు ల తో స
న్మానములను బొందని కవి మాన్యుo డగు నా?
06.09.2020
రిప్లయితొలగించండిఅందరికీ నమస్సులు 🙏
నా పూరణ యత్నం..
*కం*
జ్ఞానము మెండుగ గల్గియు
మానవ విలువలు నిరతము మంట గలుపుచున్
వాణీ పుత్రుల మను *"స న్మానమ్మును బొందని కవి మాన్యుం డగునా"*
*కళ్యాణ్ చక్రవర్తి ముంబాయి*
🙏
మేనున పట్టుశాలువలు మీరు పరీమళ పూలమాలికల్
రిప్లయితొలగించండిపాణిని కంకణమ్ములవి భాసురమవ్వగ
హస్తమూపుచున్
మానితమైన పల్లకిని మార్గము వెంబడి సాగిపోవు స
న్మానము బొందకున్న కవి మాన్యు డటంచు గణింతురా ప్రజల్?
కానుక లిచ్చి శాలువల గప్పి కవీంద్రుల సత్కరించుటల్
రిప్లయితొలగించండిమానుగ సాగు కార్యమన మానసమందు దలంచ నంతటన్
భానువులైన కైతల ప్రభాసము లెంచగ బోరు! నేడు స
న్మానము పొందకున్న కవి మాన్యుడటంచు గణింతురా ప్రజల్!
వేనకు వేలు పద్యములు వెన్నుని మన్నన నందు గీతముల్
రిప్లయితొలగించండిజాను తెనుంగు నానుడులు జాతి పురోగతి నింపు సొంపులన్
మానిత రీతి మానవత మాధురిమల్ ప్రజకందకున్న *స*
*న్మానముఁబొందకున్న కవిసత్తముఁడంచు గణింతురాప్రజల్*
ఈ కామెంట్‌ను రచయిత తీసివేశారు.
రిప్లయితొలగించండిఆననమందునన్ చదువులమ్మ వసించుచు నుండ ప్రీతితో
రిప్లయితొలగించండిజ్ఞానము పొంది పూర్వపు సుకావ్యములన్ పఠియించు చున్ సదా
పూని రచించు కావ్యముల పోకిరి వారల కమ్మకుండ స
న్మానముఁ బొందకున్న కవి మాన్యుఁ డటంచు గణింతురా ప్రజల్
ధీనిధిఁ బోతన సత్కవిఁ
రిప్లయితొలగించండిగానమె సన్మాన మంద కవి లోకములో
నీ నాఁ డన కిట్టులు స
న్మానమ్మును బొందని కవి మాన్యుం డగునా
గాన వికాసమాన పద కాయము కల్పన చేయకున్నచో
జ్ఞాన సుచోదన ప్రతిభ చాటక వ్యాకరణాది బోధ నా
నూన విశేష పాండితిని నూనక సత్కవి పుంగవాలి స
న్మానముఁ బొందకున్న కవి మాన్యుఁ డటంచు గణింతురా ప్రజల్
[కవి మాన్యుఁడు = కవులకు మాన్యుఁడు]
తేనియ లొల్కు పద్యములు తేటతెనుంగున వ్రాయ నెంచుచున్
రిప్లయితొలగించండివేనకు వేలుగా కృతులు విజ్ఞత తో రచియింపనేమిరా
జ్ఞానులు దూరదర్శులు ప్రజాళియు భేషని మెచ్చిచేయు స
సన్మానముఁ బొందకున్న కవి మాన్యుఁ డంచు గణింతురా ప్రజల్
ఉత్పలమాల:
రిప్లయితొలగించండి-------------
తూనిక లేని మాటలని, త్రుళ్ళుచు పేలుచు వాదులాడుచున్
పూనిక నీని గాధలను, పుణ్యము పేరిట మీదరుద్దుచున్
తానొక గొప్పవాడినను, తప్పుడు భావనలోనబొంగి స
న్మానముబొందకున్న కవి ,మాన్యుడటంచు గణింతురాప్రజల్
++++++€€++€+++€+€+€€+
రావెల పురుషోత్తమ రావు
మానకకవితలనెపుడును
రిప్లయితొలగించండివేనకువేలుంగవ్రాయబేర్మినిమిగులన్
ఙ్ఞానులమెప్పునువడిస
న్మానమునుబొందనికవిమాన్యుండగునా
మానకయెప్పుడున్గవితమాన్యతనొందువిధంబుగానికన్
రిప్లయితొలగించండివేనకువేలుగాభువినిబేర్మినివ్రాయగ,సాహితీయస
న్మానముబొందకున్నకవిమాన్యుడటంచుగణింతురాప్రజల్
ఙ్ఞానులమెప్పునేగవులుసాంతముమేదినినిచ్చగింతురే
జానుదెనుగు పదములతో
రిప్లయితొలగించండినీనుల విందగు కవితల వెలయించి సదా
మానసముల గొలువౌ స
న్మానమ్మును బొందని కవి మాన్యుం డగునా
శ్రీనాథకవీశ్వరులు పోతనార్యులతో...
రిప్లయితొలగించండికందం
మానిత భాగవత కృతినిఁ
బూనెద మన సింగరాయ భూపతి వర్యుల్
కానుకలొసంగి తత్స
న్మానమ్మును బొందని కవి మాన్యుం డగునా?
ఉత్పలమాల
మానిత భాగవత్కృతిని మన్నన రామున కీయనెంతువే?
కానగనొప్పవే సిరుల కర్షక వృత్తిని వీడనెంచవే?
కానుకలిచ్చి యంకితముగాగొన నెంచిన సింగభూప స
న్మానముఁ బొందకున్న కవి మాన్యుఁడటంచు గణింతురా ప్రజల్?
ఉ:
రిప్లయితొలగించండికానరు లోకమందు వెటకారము సేయుచునుంద్రు తిక్కగన్
మానరు యెంత జెప్పినను, మన్నిక నొందగు పాండితీ ప్రభన్,
హీనపు యోచనల్ తుడుచ , హెచ్చిలు రీతిని యుక్తిమేర స
న్మానము బొందుకున్న కవి, మాన్యుడటంచు గణింతురా ప్రజల్
యుక్తి=న్యాయము
వై. చంద్రశేఖర్
ఉత్పలమాల
రిప్లయితొలగించండికానుకనంది వాక్సుధల కమ్మఁగ శారదమాతదీవెనన్
బూనుచు ప్రోత్సహించ సతి ముందుగ గెల్చుటనింట నొప్పనన్
బేనుచు పద్యముల్ తొలుత ప్రేమగఁ గౌగిట నాలి గూర్చు స
న్మానముఁ బొందకున్న కవి మాన్యుఁడటంచు గణింతురా ప్రజల్?
తేనెల తేటల పదములు
రిప్లయితొలగించండివేనకువేలుగనువాడి విరచించంగన్
మానుగ దానికిలనుస
న్మానమ్మును బొందనికవి మాన్యుండగునే
మైలవరపు వారి పూరణ
రిప్లయితొలగించండిహీనగతిన్ బడంగ ప్రభుతేతరసంస్థల శిక్షకాళి., యా
దీనత గాంచి దుఃఖితమతిన్ కవితల్ వెలయించి, వారికిన్
దానొక తోడుగా నిలిచి ధైర్యమునీవలె.,నట్టివేళ స...
న్మానము బొందకున్న కవి మాన్యుడటంచు గణింతు.,రా ప్రజల్!
గణింతురు ఆ ప్రజల్
మైలవరపు మురళీకృష్ణ వెంకటగిరి
Best movies website telugnetflix
రిప్లయితొలగించండి
రిప్లయితొలగించండిమానితమగు చరిత గలిగి
ధ్యానంబున వాణి గొలిచి హరువు నొసంగన్
బూనిక కావ్యం బిడ స
న్మానమ్మును బొందని కవి మాన్యుం డగునా?!