కవిమిత్రులారా,
ఈరోజు పూరింపవలసిన సమస్య ఇది...
"అయ్యనుఁ గని యాయమ విరహాతుర యయ్యెన్"
(లేదా...)
"అయ్యనుఁ గాంచి యామె విరహాతుర యెయ్యెను సాజమే కదా"
ఈరోజు పూరింపవలసిన సమస్య ఇది...
"అయ్యనుఁ గని యాయమ విరహాతుర యయ్యెన్"
(లేదా...)
"అయ్యనుఁ గాంచి యామె విరహాతుర యెయ్యెను సాజమే కదా"
రిప్లయితొలగించు"శ్రీ రాముని దయ చేతను..."
నడిరేయి సరదా పూరణ:
తియ్యగ పెండ్లియాడుచును ధీరుడు వీరుడు వెంకటప్పనున్
పొయ్యిని నూదరాయనగ బొగ్గుల నోర్వక పారిపోవగన్
దయ్యము వోలె తిట్టగను దగ్గర నుండని, స్వప్నమందు, వెం
కయ్యనుఁ గాంచి యామె విరహాతుర యెయ్యెను సాజమే కదా
మీ సరదా పూరణ బాగున్నది. అభినందనలు.
తొలగించు🙏
తొలగించు
రిప్లయితొలగించుఆటవిడుపు సరదా పూరణ:
(జిలేబి గారికి అంకితం)
తొయ్యలి పెండ్లి యాడగను తోరపు మీసపు రాములయ్యనున్
కయ్యము నందు చిక్కగను కాపుల తోడ గుడుంబ నమ్ముటన్
రయ్యని వచ్చి పోలిసులు లాగుకు పోవగ, జైలునందు రా
మయ్యనుఁ గాంచి యామె విరహాతుర యెయ్యెను సాజమే కదా
మీ ఆటవిడుపు పూరణ బాగున్నది. అభినందనలు.
తొలగించు🙏
తొలగించునేటి సమస్య :
రిప్లయితొలగించుఅయ్యను గాంచి యామె విర
హాతుర యయ్యెను సాజమే కదా
( ఆంజనేయుడు అందించిన రామాంగుళీ
యకాన్ని అందుకున్న సీతమ్మ స్థితి )
తియ్యని పల్కులన్ సరయు
తీరము జూపెడి ప్రేమమూర్తియున్ ;
గయ్యపుజేష్ట లేని మృదు
కమ్రపు నమ్రపు దివ్యమూర్తియున్ ;
నెయ్యపు మూర్తియౌ తనదు
నిండగు దేవుని యుంగరాన - రా
మయ్యను గాంచి యామె విర
హాతుర యయ్యెను సాజమే కదా !!
మీ పూరణ ప్రశస్తంగా ఉన్నది. అభినందనలు.
తొలగించు"దేవుని నుంగరాన..." అనికదా ఉండాలి?
సయ్యొద్ద పూర్వక కనులు
రిప్లయితొలగించుతియ్యని భాషణ,ఘనమగు దేహము నొప్పన్
సయ్యని హిడింబ యా భీ
మయ్యను గనియాయమవిర
హాతురయయ్యెన్
మీ పూరణ బాగున్నది. అభినందనలు.
తొలగించు'సయోధ్య'ను 'సయ్యొద్ద' అనరాదు. 'పూర్వక కనులు' దుష్టసమాసం.
తియ్యని కోరిక ప్రబలన్
రిప్లయితొలగించుపయ్యెద ఘనమౌ కుచముల పైతొలుగంగన్,
శయ్యన పొరలెడు యా సో
మయ్యను గని యాయమ విరహాతుర యయ్యెన్
మీ పూరణ బాగున్నది. అభినందనలు.
తొలగించు"శయ్యను పొరలెడు నా సోమయ్యను..." అనండి.
ఈనాటి శంకరా భరణ సమస్య
రిప్లయితొలగించుఅయ్యను గని యా యమ విరహాతుర యయ్యెన్
ఇచ్చిన పాదము కందము
నా పూరణ తేటగీతిలో
బ్రహ్మ కుమార్తె సరస్వతి బ్రహ్మ సతతము సృష్టి కార్య క్రమాలలో ముణిగి తనకు శయ్యా సుఖము నివ్వని కారణము సరస్వతి దేవి అతనిని చూచు నప్పుడల్లా విరహాతుర అయినది అని
భావన
సతతము జగతి సృష్టిపై మతిని పెట్టి
తనకు శయ్యా సుఖమిడక తనదు కోర్కె
ను తలచని ఘనుడా యయ్యను గని యాయ
మవిర హాతుర యయ్యెన్ తమకము పెరుగ
మీ పూరణ బాగున్నది. అభినందనలు.
తొలగించుఅయ్యో! దారిని మరచితి
రిప్లయితొలగించునెయ్యముతో తెల్పగదవె నిలయము చేరన్
దయ్యము వై దారి యను ప్రవ
రయ్యనుఁ గని యాయమ విరహాతుర యయ్యెన్
మీ పూరణ బాగున్నది. అభినందనలు.
తొలగించుమూడవ పాదంలో గణభంగం. సవరించండి.
నెయ్యపు కాడు ముదమ్మున
రిప్లయితొలగించుపయ్యెద లాగుచు పిలువగ పరవశమందున్
తొయ్యలి సుందరుడగు కా
మయ్యనుగని యాయమ విరహాతుర యయ్యెన్
మీ పూరణ బాగున్నది. అభినందనలు.
తొలగించుక్రొవ్విడి వెంకట రాజారావు:
రిప్లయితొలగించుసయ్యాటలతో రాధకు
తియ్యని కూరిమిని బంచి తిరుగాడెడినౌ
నెయ్యపు మూర్తియు నా కృ
ష్ణయ్యను గని యాయమ విరహాతుర యయ్యెన్.
మీ పూరణ బాగున్నది. అభినందనలు.
తొలగించుమైలవరపు వారి పూరణ
రిప్లయితొలగించుఇయ్యమునాతరంగములనెంతని చూడను., మందమారుతం..
బియ్యది గాల్చెనగ్నివలె., నీ శరదిందుడునట్లెయుండె., సా..
హాయ్యమొనర్చుచుండె మకరాంకుడు వారికటంచు., నాత్మఁ గ...
న్నయ్యను గాంచి యామె విరహాతుర యెయ్యెను సాజమే కదా"
మైలవరపు మురళీకృష్ణ వెంకటగిరి
మైలవరపు వారి పూరణ మనోహరంగా ఉన్నది.
తొలగించుఅయ్యామ్య వేళ యందున
రిప్లయితొలగించుతొయ్యలి పూవనము జేరి తుంగీ పతియౌ
యయ్యత్రినేత్రి భవు చం
ద్రయ్యనుఁ గని యాయమ విరహాతుర యయ్యెన్.
మీ పూరణ బాగున్నది. అభినందనలు.
తొలగించునెయ్యము మారెను వలపుగ
రిప్లయితొలగించుతొయ్యలి యాతని నతనునితో సరియనుచున్
చయ్యన తలచుచునా కా
మయ్యనుఁ గని యాయమ విరహాతుర యయ్యెన్
మీ పూరణ బాగున్నది. అభినందనలు.
తొలగించునెయ్యముతో హ్వానమునిడె
రిప్లయితొలగించునయ్యనుఁ గని యాయమ : విరహాతుర యయ్యెన్
తొయ్యలి తన పతితోడన
కయ్యము లాడుటకు వీలు గననిక యనుచున్
మీ పూరణ బాగున్నది. అభినందనలు.
తొలగించుకం.
రిప్లయితొలగించుతియ్యని మురళీ రవమది
తొయ్యలి యా రాధ వినగ తొందర పాటున్
పయ్యెదయే జారగ, క
న్నయ్యనుఁ గని యాయమ విరహాతుర యయ్యెన్.
మీ పూరణ బాగున్నది. అభినందనలు.
తొలగించుక్రొవ్విడి వెంకట రాజారావు:
రిప్లయితొలగించునెయ్యరియై నిరంతరము నింపును జూపుచు వల్లభుండటన్
తియ్యని మాటలన్ గలిపి తీరున రాధకు నిష్ఠమౌ నటుల్
కయ్యములేని పద్ధతిని గారవమున్ కలిగించునంత కృ
ష్ణయ్యను గాంచి యామె విరహాతుర యయ్యెను సాజమే కదా!
మీ పూరణ బాగున్నది. అభినందనలు.
తొలగించుగురువుగారికి నమస్కారములు.
తొలగించుఅయ్యమునా తటి చెంతను
రిప్లయితొలగించుతియ్యని గానమ్ము వినుము తీరని తమితో
నెయ్యము కోరుచు నట క
న్నయ్యనుగని యాయమ విరహాతుర యయ్యెన్.
మీ పూరణ బాగున్నది. అభినందనలు.
తొలగించుచయ్యన హిడింబి గాంచియు
రిప్లయితొలగించుతియ్యని భావమ్ము గలిగి దేదీప్యంబౌ
వయ్యారి గ మారియు భీ
మయ్యను గని యాయమ విరహా తురయయ్యెన్
మీ పూరణ బాగున్నది. అభినందనలు.
తొలగించుచయ్యన పంచ బాణములు సారిక పయ్యెద తాకినంతనే
రిప్లయితొలగించుతియ్యని బాధమేనొదగ తీరని కోరిక లుప్పతిల్లగన్
నెయ్యము గోరి వేగపడె నేనిక తాళగ లేననంగ కా
మయ్యనుఁ గాంచి యామె విరహాతుర యెయ్యెను సాజమే కదా
మీ పూరణ బాగున్నది. అభినందనలు.
తొలగించుతియ్యని మాటలన్ దన తీరగు మోహన రూపసంపదన్
రిప్లయితొలగించుతొయ్యలి సీతగూడి బహుతోషము
నందుచు సంచరించు రా
మయ్యను గాంచి యామె విరహాతుర యయ్యెను సాజమేగదా
స్రుయ్యని క్రాగు మానసపు సుందరి రావణు తోడబుట్టుకున్
మీ పూరణ బాగున్నది. అభినందనలు.
తొలగించుమొదటి పాదంలో గణభంగం. సవరించండి.
ధన్యవాదములు గురువుగారూ! దనదు అని ఉండాలి, పొరపాటున ఒక అక్షరం తప్పిపోయింది! 🙏🙏🙏
తొలగించుతియ్యనికలదాగాంచెను
రిప్లయితొలగించుచయ్యనదనప్రక్కచేరిసరసముతోడన్
బయ్యెదలాగెడునాక
న్నయ్యనుగనియాయమవిరహాతురయయ్యెన్
మీ పూరణ బాగున్నది. అభినందనలు.
తొలగించుకయ్యములాడకుండగను గాంతలభావముగారవించుచున్
రిప్లయితొలగించునెయ్యముతోమెలంగుచునునేర్పునునోర్పునుగల్గియుండియున్
దియ్యనిమాటలన్ బలికిదీర్తునుగోరికనంచుబల్కురా
మయ్యనుగాంచియామెవిరహాతురయయ్యెనుసాజమేకదా
మీ పూరణ ప్రశస్తంగా ఉన్నది. అభినందనలు.
తొలగించు"...గోరికటంచు.." అనండి.
తియ్యనిఁ బల్కులం దనిపి తీండ్రములైదగు నూసు లెయ్యెదం
రిప్లయితొలగించుజయ్యన రేపి కౌగిట భృశమ్ము బిగించి నవోఢనుం గటా
నయ్యెడ వీడి పున్నమి దినమ్మున వత్తని నంతఁ బూర్ణచం
ద్రయ్యనుఁ గాంచి యామె విరహాతుర యెయ్యెను సాజమే కదా
కంజర్ల రామాచార్య.
మీ పూరణ ప్రశస్తంగా ఉన్నది. అభినందనలు.
తొలగించుఉ:
రిప్లయితొలగించుకయ్యము లేక యెంతయును గారము సేయుచు ముద్దు గూర్చుచున్
తొయ్యలి కూరడింపుగను దూరము నేగక వృత్తి జేయుచున్
సయ్యట లాడుచున్ మనసు శాంతము గూర్చెడు భర్త నొంద బా
వయ్యను గాంచి యామె విరహాతురు యెయ్యెను సాజమే కదా
వై. చంద్రశేఖర్
రాధా మాధవుల కేళి:
తొలగించుఉ:
పయ్యెద జారుచుండ కడు భారము గూర్చగ గుండె సవ్వడుల్
రయ్యన తాపమున్నెగయ రమ్మనె ప్రాయము నాత్రమందగన్
నెయ్యపు మాటలన్ వగలు నిండిన మేనియు పొందు గూర్చ క
న్నయ్యను గాంచి యామె విరహాతుర యెయ్యెను సాజమే కదా
వై. చంద్రశేఖర్
మీ రెండు పూరణలు బాగున్నవి. అభినందనలు.
తొలగించుధన్యవాదాలు
తొలగించువియ్యాల వారి యింటను
రిప్లయితొలగించుసయ్యాటలు సల్పుచుండ సమ్మదమున నీ
వొయ్యనఁ బల్కుమ తా నే
యయ్యనుఁ గని యాయమ విరహాతుర యయ్యెన్
కయ్యము నెంచ కాత్మ సిత కంజము నందు సురాలి పంపునన్
వియ్యము నెంచి వెండిమల వీరున కింపుగ నుద్యమించి తా
నయ్యతనుండు వేయ శర మంతటఁ బార్వతి మారవైరి యా
యయ్యనుఁ గాంచి యామె విరహాతుర యయ్యెను సాజమే కదా
[అయ్య = పూజ్యుఁడు]
మీ రెండు పూరణలు మనోహరంగా ఉన్నవి. అభినందనలు.
తొలగించుపూజ్యులు శంకరయ్య గారికి నమః పూర్వక ధన్యవాదములు.
తొలగించుచయ్యన దూకు కేశివలె చక్కని మధ్యముతోడ మించ భీ
రిప్లయితొలగించుమయ్య, హిడంబి వెస మారుని తూపుల లోనచిక్కి తా
కయ్యమునందు సోదరుని కాలునిచెంతకు పంపినట్టి యా
యయ్యనుఁ గాంచి యామె విరహాతుర యెయ్యెను సాజమే కదా
మీ పూరణ బాగున్నది. అభినందనలు.
తొలగించురెండవ పాదంలో గణభంగం. సవరించండి.
తొయ్యలియవ్వనంపుబిగి తొందరజేయగనాత్మవల్లభున్
రిప్లయితొలగించుచయ్యనజేరికౌగిటను చక్కిలిగింతల తేలియాడగన్
తియ్యని స్వప్నలోకములదేలుచునుండగనంతలోన కాం
తయ్యనుఁ గాంచి యామె విరహాతుర యెయ్యెను సాజమే కదా
మీ పూరణ బాగున్నది. అభినందనలు.
తొలగించుచయ్యన జేరెను గనుమా
రిప్లయితొలగించుదొయ్యలి మురళిని విని, మది దోచిన ఘనునిన్
తియ్యవిలుతుడా మారుని
కయ్యనుఁ గని యాయమ విరహాతుర యయ్యెన్
మీ పూరణ బాగున్నది. అభినందనలు.
తొలగించుకయ్యము నాడి కోపముమ ఖండము దాటెనటంచు బాధతో
రిప్లయితొలగించునయ్యవిషిన్ పతిన్ దలచి యంగద నందు తరిన్ నభమ్ములో
నయ్యభిరూపుడే పొడిమి యద్భుత మైన యకల్కనీన చం
ద్రయ్యనుఁ గాంచి యామె విరహాతుర యెయ్యెను సాజమే కదా
మీ పూరణ బాగున్నది. అభినందనలు.
తొలగించు
రిప్లయితొలగించుపిన్నక నాగేశ్వరరావు.
నెయ్యము జరుపుచు ప్రియుడే
పయ్యెద లాగుచు సరసపు పలుకులతోడన్
తొయ్యలిపై కరమిడు సో
మయ్యనుఁ గని యాయమ విరహాతుర
యయ్యెన్.
మీ పూరణ బాగున్నది. అభినందనలు.
తొలగించుకందం
రిప్లయితొలగించుచయ్యన వచ్చెను రుక్మిణి
రయ్యన కోవెలకు వచ్చి రమ్మటనుచుఁ దా
నయ్యరదమునుండెడు కృ
ష్ణయ్యనుఁ గని యాయమ విరహాతుర యయ్యెన్!
ఉత్పలమాల
చయ్యన వచ్చినన్ రమణి చక్కఁగ శైలజమందిరంబుకున్
రయ్యన వచ్చి రుక్మిణిని రాక్షసమందు వివాహమాడ నే
నయ్యరదంబునన్ గొనెద నంచన వచ్చియు వేచియుండి కృ
ష్ణయ్యనుఁ గాంచి యామె విరహాతుర యెయ్యెను సాజమే కదా!
మీ రెండు పూరణలు బాగున్నవి. అభినందనలు.
తొలగించుచెయ్యను వివాహమీకని
రిప్లయితొలగించువియ్యము కూడదని దక్షు వివరింపదగన్
కయ్యని యెగసిన మహదే
వయ్యనుఁ గని యాయమ విరహాతుర యయ్యెన్
సయ్యాటకు రా బిలచిన
తొయ్యలి పిలుపు వినినంత తమకంబొప్పన్
రయ్యని వచ్చిన మన క
న్నయ్యనుఁ గని యాయమ విరహాతుర యయ్యెన్
మీ రెండు పూరణలు బాగున్నవి. అభినందనలు.
తొలగించుచయ్యనఛాయజూడమధుసారధిసాయకమేయకొండమ
రిప్లయితొలగించుల్లయ్యనుగాంచియామెవిరహాతురయెయ్యెనుసాజమేకదా
తియ్యనిహాయిసోయగముతెచ్చెనెదన్మధుమాసమాధురిన్
రయ్యననిశ్చయించెనుపరాత్పరియీశునివల్లభుండుగా