20-10-2020 (మంగళవారం)
కవిమిత్రులారా,
ఈరోజు పూరింపవలసిన సమస్య ఇది...
“భీముఁడు రావణుని సుతను పెండిలియాడెన్”
(లేదా...)
“భీముఁడు రావణాసురుని బిడ్డను బెండిలియాడెఁ బ్రీతిమై”
"శ్రీ రాముని దయ చేతను..." సరదా పూరణ:దోమలగూడ నందునను తొమ్మిది రోజుల పర్వమందునన్ భీముని పాత్రనాడుటను భీతిని జెందుచు సమ్మతించగన్ గోముగ స్వప్నమందునను గొప్పగ కాయము పుల్కరించగా భీముఁడు రావణాసురుని బిడ్డను బెండిలియాడెఁ బ్రీతిమై....
మీ సరదా పూరణ బాగున్నది. అభినందనలు.
🙏
అందరికీ నమస్సులు..నా పూరణ యత్నం..*కం*నామది కోరగ నిప్పుడు'సామ్నే' జూడగ సమస్య సంబర పడితిన్!ఏమది అకటా! ఎవరా*“భీముఁడు రావణుని సుతను పెండిలియాడెన్”*?*కళ్యాణ్ చక్రవర్తి ముంబాయి*🙏🙏(ఇప్పటికింతే)😀
మీ పూరణ బాగున్నది. అభినందనలు.'సామునె' అనండి. లేకుండా ప్రాసదోషం.
ధన్యవాదాలు గురువు గారునామది కోరగ నిప్పుడు'సామునె' జూడగ సమస్య సంబర పడితిన్!ఏమది అకటా! ఎవరా*“భీముఁడు రావణుని సుతను పెండిలియాడెన్”*?*కళ్యాణ్ చక్రవర్తి ముంబాయి*
అద్భుతరామాయణంలో సీత రావణుని కూతురుఉ||రాముడు సీతనిన్ గనుట లాలితమైన సుకావ్యమైననున్కోమలి సీత రావణుని కూతురెయద్భుతరామగాధయందేమనిచెప్పెదన్ విధములెన్నియొ రాముడు యుద్ధశౌర్యతన్భీముడు రావణాసురుని బిడ్డను బెండిలియాడె ప్రీతిమైరోహిత్ 🙏🏻🙏🏻🙏🏻
మీ పూరణ ప్రశస్తంగా ఉన్నది. అభినందనలు.
ఆటవిడుపు సరదా పూరణ: (జిలేబి గారికి అంకితం)వేములవాడ నెన్నికను వెఱ్ఱిగ జేయు ప్రచారమందునన్తామస రీతి త్రాగగను దండిగ విస్కిని తూలిపోవుచున్ గోముగ పల్కెనాదటను కొండొక నేతయె నవ్వి యివ్విధిన్: “భీముఁడు రావణాసురుని బిడ్డను బెండిలియాడెఁ బ్రీతిమై”
బి.కాం.లో ఫిజిక్స్ చదివిన నాయకుని వంటివాడేమో? అందులోను మందేసి ఉన్నాడు. మీ ఆటవిడుపు పూరణ ప్రశస్తంగా ఉన్నది. అభినందనలు.
🙏😊
రాముడు భీముడు కవలలుకాముని పున్నమి దినమున కోమలి గోరన్రాముడు గూడెను సీతనుభీముఁడు రావణుని సుతను పెండిలియాడెన్
మీ పూరణ బాగున్నది. అభినందనలు.
ఏమని వగచిన నేమగుభామలు తలచిన వరదలె బ్రతుకున మిగులున్క్షేమము గోరిన వినడేభీముఁడు రావణుని సుతను పెండిలియాడెన్
క్రొవ్విడి వెంకట రాజారావు: భామ హిడింబి పతి యెవడు? రాముడెవని జంపె? విలువిఱచి రఘుపతియే భూమి సుతనేమి జేసెను? భీముడు, రావణుని, సుతను పెండిలి యాడెన్.
మీ క్రమాలంకార పూరణ బాగున్నది. అభినందనలు.'హిడింబ' అనండి.
మామా శకార! రా రమ్మా మమ్ముల కావగా సమస్యకు చెప్పంగా మాకు పరిష్కృతినిదె!"భీముఁడు రావణుని సుతను పెండిలియాడెన్"శకార నీవే దిక్కు :)జిలేబి
ఆమనిలో రావణి గనిసోముని తోడ్పాటున జని జోరుగ గుడిలోకాముడు ప్రేరేపించగభీముడు రావణుని సుతను పెండిలి యాడెన్రావణి = రావణుని కూతురి పేరుఅందరూ కలికాలంలోని వారే! తమిళనాడు కథరాముడు మంచిబాలుడు పరాక్రమ వంతుడు భామ రావణిన్ప్రేమను కోరగాను తనపేరది నచ్చక పిల్లనీయనన్నామము మార్చుకొన్న బహునందము నందగ మామగారు ధీభీముడు రావణాసురుని బిడ్డను పెండిలి యాడె ప్రీతిమై
మీ రెండు పూరణలు బాగున్నవి. అభినందనలు.
ధన్యవాదములాచార్యా! నమోనమః! 🙏🙏🙏🙏
సమస్య :భీముడు రావణాసురుని బిడ్డను బెండిలియాడె బ్రీతిమై ( రాక్షసశిల్పి మయుని కుమార్తె సులోచన రావణబ్రహ్మ కుమారుడు ఇంద్రజిత్తును వివాహమాడుట )ఆ మయు గూర్మి పుత్రి ; కమలాయతనేత్ర; మనోజ్ఞవాక్య ; ని ష్కామ ; సుశీల ; ధీరవరు -సత్కులజాతుని - మేఘనాదునిన్ -భ్రామితభామినీగణుని - రాజితు - సంగరరంగమందహో !భీముడు - రావణాసురుని బిడ్డను - బెండిలియాడె బ్రీతిమై .( రావణాసురుని బిడ్డను - ఇంద్రజిత్తును )
అద్భుతమైన పూరణ. అభినందనలు.
మామయు నల్లుడు రావణభీముల పాత్రల వెలిగిరి పేరెన్నికగాఆమంత్రితులిక బల్కిరిభీముఁడు రావణుని సుతను పెండిలియాడెన్
రామాయణ మంత వెదుకతామసియగు దశముఖునికి తనయలు లేరే !బామము వలదెట్టుల యేభీముఁడు రావణుని సుతను పెండిలియాడెన్ ?
రాముడు మనువాడె రతిన్,భీముడు రావణుని సుతను పెండిలి యాడెన్,కాముడు సిరినేలు కొనెన్నీమము తోననుచు నొక్క నిగ్గడి పలికెన్
రాముడు రావణాసురుని రమ్యపు పాత్ర ధరించు చుండన్సోముడు భీమనర్తనుగ శోభిలు చుండుట గాంచిరెల్లరున్గ్రామపు పెద్దలందరును గారవ మొందుచు చెప్పినట్లుగన్భీముఁడు రావణాసురుని బిడ్డనుబెండిలియాడెఁబ్రీతిమైరాముడు - యన్టి రామారావు(సీనియర్)సోముడు - చంద్రబాబు
మీ పూరణ బాగున్నది. అభినందనలు."ధరించుచుండగన్" టైపాటు.
తాగుబోతు కుమారుని చూసి తండ్రి పలుకులుఏమాయె నీకు మూర్ఖా?క్షేమము కాదిటుల పలుక , చెప్పుల తోడన్మోమున కొట్టెద ,నెప్పుడుభీముడు రావణుని సుతను పెండిలి యాడెన్
భామ హిడింబిపతి యెవరు,రాముడెవరిని దును మాడె,రాముడు జేసెన్యేమది జనకుడు కోరగ,భీముడు,రావణుని, సుతను పెండిలి యాడెన్
మీ పూరణ బాగున్నది. అభినందనలు.'హిడింబ' అనండి. 'చేసెన్+ఏమది' అన్నపుడు యడాగమం రాదు.
భీముడు రావణు పాత్రలు రాముదు సోముడును వేసి రంజిలు వేళన్ప్రేమతొ బంధువు లవగాభీముఁడు రావణుని సుతను పెండిలియాడెన్
మీ పూరణ బాగున్నది. అభినందనలు.'ప్రేమతొ' అని తో ప్రత్యయాన్ని హ్రస్వంగా ప్రయోగించరాదు. "ప్రేమను" అనండి.
కందోత్పలకలగంటిని ! సరి జేసి కురుల, భీముఁడు రావణాసురుని బిడ్డను బెండిలియాడెఁ బ్రీతిమై! కలతొలగెను చక్కటి సమస్య తోచె జిలేబీ !జిలేబి
మీ కందోత్పల ప్రశస్తంగా ఉన్నది. అభినందనలు.
భీముండాతడుబలమునసామజగమననుమనసునసతిగా గోరెన్దీమసముగరణముసలిపిభీముఁడు రావణుని సుతను పెండిలియాడెన్
మైలవరపు వారి పూరణ నామములయ్యె పాత్రలవి నాటకబృందములోని వారికిన్భీముడునాంజనేయుడు విభీషణుడట్టులె రావణుండనన్ప్రేమగ రావణుండు తన బిడ్డను కొమ్మని కోర భీమునిన్ భీముడు రావణాసురుని బిడ్డను బెండిలి యాడె బ్రీతిమై.మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది.
ఏమేమో యోచించుచు పామరుని కరణిని తాను పవళించు తరి న్ రాముడు కలలో గాంచెను భీముడు రావణుని సుతను బెండిలి యాడె న్
గ్రామము నందు రావణుని గాధను జూచితి నాటకమ్ముగా!భీమును చిత్రమొక్కటి రవీంద్ర థియేటరు లోన చూచి విశ్రామము జేయ సంలయము! స్వప్నము సమ్మిళతమ్ము! బాపురేభీముఁడు రావణాసురుని బిడ్డను బెండిలియాడెఁ బ్రీతిమై!జిలేబి
ఈ కామెంట్‌ను రచయిత తీసివేశారు.
శ్రీమహనీయభవ్యగుణశీల, మనోజ్ఞసులోచనాఖ్య, సుత్రామజిదగ్రణిన్ దనుజరాజకుమారుని నుగ్రవీరునిన్ధీమతి మేఘనాథుని యుయుత్సువినిర్భరధైర్యనాశకృద్భీముఁడు రావణాసురుని బిడ్డను, బెండిలియాడెఁ బ్రీతిమైకంజర్ల రామాచార్య
మీ పూరణ అద్భుతంగా ఉన్నది. అభినందనలు.
డా.బల్లూరి ఉమాదేవి.కామిని వేషమున దునిమెనామానినికావ జంపె నా రాఘవుడున్సోమునివిల్విరిచి జనకుభీముఁడు రావణుని సుతను పెండిలియాడెన్”
లేమ హిడింబి నెవ్వడు భళీ యన పెండిలియాడె ప్రీతిమై?ధీమతి లక్ష్మణుండెవని తేకువతో నెదిరించె నాజిలో?రాముడు భూమిజన్ జనకరాజ సుతన్ ముదమేమి చేసెనో?భీముడు-రావణాసురుని బిడ్డను-పెండిలి యాడె ప్రీతితో.
biiDDa=koDuku Sabda ratnaakaramu
మీ పూరణ బాగున్నది. అభినందనలు.'హిడింబ' అనండి.
ధన్యవాదములు
భామ హిడింబి పతి యెవరు? రాముడెవండను వధించె? రాజు జనకుడా రామునకు బంధు వెట్లగు? భీముఁడు, రావణుని, సుతను పెండిలియాడెన్.
మీ పూరణ బాగున్నది. అభినందనలు.'హిడింబ'
కాముకుడైన భీముడను గండర గండుడు భంగ ద్రావియిన్గోమలినిన్ గమించి నను గొంగున గట్టు మటంచు వాగె మున్*“భీముఁడు రావణాసురుని బిడ్డను బెండిలియాడెఁ బ్రీతిమై”*కామిని తద్విధిన్ వరునిగా వరియింపని వెంబడించెలే
మీ పూరణ బాగున్నది. అభినందనలు.'భంగు.." టైపాటు.
సామీరి యన నెవడు? సీరాముం డెవరిని వధించె రణ రంగములో?నామైందహనుడు భీష్మకు*భీముఁడు;రావణుని;సుతను పెండిలి యాడెన్*
మీ పూరణ బాగున్నది. అభినందనలు.'శ్రీరాముం డెవరిని..'
గురుశిష్యుల సంవాదం:కందంరామయణ, భారతములప్రామాణిక ద్వ్యర్థి కావ్య భావము వినియున్సోమరి వెధవా! పల్కితె!"భీముఁడు రావణుని సుతను పెండిలియాడెన్"ఉత్పలమాలఏమని జెప్పితీకు విన నింపుగ రాఘవపాండవీయమన్రామచరిత్ర పాండవుల రాజిత గాథను ద్వ్యర్థి కావ్యమున్నా మరియాద నువ్ మఱచి నల్గురు నవ్వగ శిష్య! పల్కితే"భీముఁడు రావణాసురుని బిడ్డను బెండిలియాడెఁ బ్రీతిమై"
మీ రెండు పూరణలు ప్రశస్తంగా ఉన్నవి. అభినందనలు.
🙏ధన్యోస్మి గురుదేవా🙏
పిన్నక నాగేశ్వరరావు. ( క్రమాలంకారము)భామ హిడింబి పతి యెవరు?రాముడెవరిని వధియించె లంకను? విల్లున్రాముడు విరిచియు జనకుని....భీముడు; రావణుని; ....సుతను బెండిలి యాడెన్.
రామాయణమంతయు వినిరాముని కేమగును సీత రమణీ యనగాభామకు చిఱ్ఱెత్తి యనెనుభీముఁడు రావణుని సుతను పెండిలియాడెన్
ఏమీయిట్లంటిరియిటభీముడురావణునిసుతనుపెండిలియాడెన్ రామాయణభారతములుసామీయిటజేర్చిరార్య!సరియనదగునా?
భూమిజగ వెలసె మిథిలన్రాముడు మునితో కదల విరిసెగ వదనముల్సామజగమనుడు రణమునభీముఁడు రావణుని సుతను పెండిలియాడెన్(సీతమ్మ వారు రావణతనయని ప్రతీతి) 🙏🏻🙏🏻
మీ పూరణ బాగున్నది. అభినందనలు.రెండవ పాదంలో యతి తప్పింది. సవరించండి.
ఉ.శేముషి మీరఁగీచుకుని చెండినఁగుంతి సుతుండు యెవ్వఁడో?రాముడు లంకకేగిఁదన రాణినిఁబొందగఁజంపెనెవ్వనిన్?హైముడు శీతశైలపతి హర్షము నొందగ నేమి జేసెనో?భీముఁడు..., రావణాసురుని..., బిడ్డను బెండిలియాడెఁ బ్రీతిమై!హైముడు = శివుడు-------- శ్రీరామ్
మీ పూరణ బాగున్నది. అభినందనలు.'సుతుండు+ఎవ్వడో' అన్నపుడు యడాగమం రాదు. "కుమారు డెవ్వడో" అనండి.
ఉ: రాముడి వేషముందనుచు రమ్మని బిల్వగ జేర రంగమున్మోమున దెల్పిరచ్చటన ముచ్చట భీముని పాత్ర గైకొనన్సామును జూచు రావణుడు చావడి జేర నియుక్తుడిట్లనెన్భీముడు రావణాసురుని బిడ్డను బెండిలి యాడె బ్రీతమైనియుక్తుడు=Agentవై. చంద్రశేఖర్
ఆ మయు నాత్మజన్మ కమలాక్షి గుణోత్తమ శీలియైన యా భామిని యంబుజాక్షి సతి వారిరు హాసన పుష్కలాక్షియా రామ సులోచనాంగనయె రాక్షస ధీమతి, భండనమ్మునన్ భీముడు రావణాసురుని బిడ్డను బెండిలి యాడెఁ బ్రీతిమై
గోముగఁ గన్పడు కాంతను జామల నెంచంగ దిట్ట చారుతర ముఖిన్ మా మంచి పట్టణమ్మున భీముఁడు రావణుని సుతను పెండిలియాడెన్ ఏ మిది నే నెఱుంగ నసురేంద్రున కింపుగ బిడ్డ లుండిరే కోమలు లున్న నిక్కముగఁ గూతురునిన్ దశకంఠ తుల్యుఁడౌ భీమ పరాక్రమోన్నతపు వీరున కిచ్చును సత్య మందుకే భీముఁడు రావణాసురుని బిడ్డను బెండిలియాడెఁ బ్రీతిమై
పూజ్యులు శంకరయ్య గారికి నమః పూర్వక ధన్యవాదములు.
భీముడురావణాసురునిబిడ్డనుబెండిలియాడెబ్రీతిమైయేమనియంటిరిటయీపదమారయనమ్మబల్కునేభీముడుభారతమ్ముగదపెండిలియాడుటనెట్లుగానగున్దాముగజింతజేయుడిదితామునునచ్చెరువందురేగదా
భీముఁడతండు రావణుఁడు పిల్లకుదండ్రి గుణమ్ములందునన్భామనుజూచి మోజుపడి భార్యగజేకొనుదంచు కోరగన్భామినివల్లెయంచుతెలుపన్ కుతుకంబెసగంగ చెచ్చెరన్భీముఁడు రావణాసురుని బిడ్డను బెండిలియాడెఁ బ్రీతిమై
ఏమనిజెప్పంగ వలెనుభీముని రామాయణమున..,భీకరమిదియేరా! మునివర్య యిదేమీభీముఁడు రావణుని సుతను పెండిలియాడెన్!!
రిప్లయితొలగించండి"శ్రీ రాముని దయ చేతను..."
సరదా పూరణ:
దోమలగూడ నందునను తొమ్మిది రోజుల పర్వమందునన్
భీముని పాత్రనాడుటను భీతిని జెందుచు సమ్మతించగన్
గోముగ స్వప్నమందునను గొప్పగ కాయము పుల్కరించగా
భీముఁడు రావణాసురుని బిడ్డను బెండిలియాడెఁ బ్రీతిమై....
మీ సరదా పూరణ బాగున్నది. అభినందనలు.
తొలగించండి🙏
తొలగించండిఅందరికీ నమస్సులు..
రిప్లయితొలగించండినా పూరణ యత్నం..
*కం*
నామది కోరగ నిప్పుడు
'సామ్నే' జూడగ సమస్య సంబర పడితిన్!
ఏమది అకటా! ఎవరా
*“భీముఁడు రావణుని సుతను పెండిలియాడెన్”*?
*కళ్యాణ్ చక్రవర్తి ముంబాయి*
🙏🙏
(ఇప్పటికింతే)😀
మీ పూరణ బాగున్నది. అభినందనలు.
తొలగించండి'సామునె' అనండి. లేకుండా ప్రాసదోషం.
ధన్యవాదాలు గురువు గారు
తొలగించండినామది కోరగ నిప్పుడు
'సామునె' జూడగ సమస్య సంబర పడితిన్!
ఏమది అకటా! ఎవరా
*“భీముఁడు రావణుని సుతను పెండిలియాడెన్”*?
*కళ్యాణ్ చక్రవర్తి ముంబాయి*
అద్భుతరామాయణంలో సీత రావణుని కూతురు
రిప్లయితొలగించండిఉ||
రాముడు సీతనిన్ గనుట లాలితమైన సుకావ్యమైననున్
కోమలి సీత రావణుని కూతురెయద్భుతరామగాధయం
దేమనిచెప్పెదన్ విధములెన్నియొ రాముడు యుద్ధశౌర్యతన్
భీముడు రావణాసురుని బిడ్డను బెండిలియాడె ప్రీతిమై
రోహిత్ 🙏🏻🙏🏻🙏🏻
మీ పూరణ ప్రశస్తంగా ఉన్నది. అభినందనలు.
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
వేములవాడ నెన్నికను వెఱ్ఱిగ జేయు ప్రచారమందునన్
తామస రీతి త్రాగగను దండిగ విస్కిని తూలిపోవుచున్
గోముగ పల్కెనాదటను కొండొక నేతయె నవ్వి యివ్విధిన్:
“భీముఁడు రావణాసురుని బిడ్డను బెండిలియాడెఁ బ్రీతిమై”
బి.కాం.లో ఫిజిక్స్ చదివిన నాయకుని వంటివాడేమో? అందులోను మందేసి ఉన్నాడు.
తొలగించండిమీ ఆటవిడుపు పూరణ ప్రశస్తంగా ఉన్నది. అభినందనలు.
🙏😊
తొలగించండిరాముడు భీముడు కవలలు
రిప్లయితొలగించండికాముని పున్నమి దినమున కోమలి గోరన్
రాముడు గూడెను సీతను
భీముఁడు రావణుని సుతను పెండిలియాడెన్
మీ పూరణ బాగున్నది. అభినందనలు.
తొలగించండిఏమని వగచిన నేమగు
రిప్లయితొలగించండిభామలు తలచిన వరదలె బ్రతుకున మిగులున్
క్షేమము గోరిన వినడే
భీముఁడు రావణుని సుతను పెండిలియాడెన్
మీ పూరణ బాగున్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిభామ హిడింబి పతి యెవడు?
రాముడెవని జంపె? విలువిఱచి రఘుపతియే
భూమి సుతనేమి జేసెను?
భీముడు, రావణుని, సుతను పెండిలి యాడెన్.
మీ క్రమాలంకార పూరణ బాగున్నది. అభినందనలు.
తొలగించండి'హిడింబ' అనండి.
రిప్లయితొలగించండిమామా శకార! రా ర
మ్మా మమ్ముల కావగా సమస్యకు చెప్పం
గా మాకు పరిష్కృతినిదె!
"భీముఁడు రావణుని సుతను పెండిలియాడెన్"
శకార నీవే దిక్కు :)
జిలేబి
మీ పూరణ బాగున్నది. అభినందనలు.
తొలగించండిఆమనిలో రావణి గని
రిప్లయితొలగించండిసోముని తోడ్పాటున జని జోరుగ గుడిలో
కాముడు ప్రేరేపించగ
భీముడు రావణుని సుతను పెండిలి యాడెన్
రావణి = రావణుని కూతురి పేరు
అందరూ కలికాలంలోని వారే!
తమిళనాడు కథ
రాముడు మంచిబాలుడు పరాక్రమ వంతుడు భామ రావణిన్
ప్రేమను కోరగాను తనపేరది నచ్చక
పిల్లనీయనన్
నామము మార్చుకొన్న బహునందము నందగ మామగారు ధీ
భీముడు రావణాసురుని బిడ్డను పెండిలి యాడె ప్రీతిమై
మీ రెండు పూరణలు బాగున్నవి. అభినందనలు.
తొలగించండిధన్యవాదములాచార్యా! నమోనమః! 🙏🙏🙏🙏
తొలగించండిసమస్య :
రిప్లయితొలగించండిభీముడు రావణాసురుని
బిడ్డను బెండిలియాడె బ్రీతిమై
( రాక్షసశిల్పి మయుని కుమార్తె సులోచన
రావణబ్రహ్మ కుమారుడు ఇంద్రజిత్తును
వివాహమాడుట )
ఆ మయు గూర్మి పుత్రి ; కమ
లాయతనేత్ర; మనోజ్ఞవాక్య ; ని
ష్కామ ; సుశీల ; ధీరవరు -
సత్కులజాతుని - మేఘనాదునిన్ -
భ్రామితభామినీగణుని -
రాజితు - సంగరరంగమందహో !
భీముడు - రావణాసురుని
బిడ్డను - బెండిలియాడె బ్రీతిమై .
( రావణాసురుని బిడ్డను - ఇంద్రజిత్తును )
అద్భుతమైన పూరణ. అభినందనలు.
తొలగించండిమామయు నల్లుడు రావణ
రిప్లయితొలగించండిభీముల పాత్రల వెలిగిరి పేరెన్నికగా
ఆమంత్రితులిక బల్కిరి
భీముఁడు రావణుని సుతను పెండిలియాడెన్
మీ పూరణ బాగున్నది. అభినందనలు.
తొలగించండిరామాయణ మంత వెదుక
రిప్లయితొలగించండితామసియగు దశముఖునికి తనయలు లేరే !
బామము వలదెట్టుల యే
భీముఁడు రావణుని సుతను పెండిలియాడెన్ ?
మీ పూరణ బాగున్నది. అభినందనలు.
తొలగించండిరాముడు మనువాడె రతిన్,
రిప్లయితొలగించండిభీముడు రావణుని సుతను పెండిలి యాడెన్,
కాముడు సిరినేలు కొనెన్
నీమము తోననుచు నొక్క నిగ్గడి పలికెన్
మీ పూరణ బాగున్నది. అభినందనలు.
తొలగించండిరాముడు రావణాసురుని రమ్యపు పాత్ర ధరించు చుండన్
రిప్లయితొలగించండిసోముడు భీమనర్తనుగ శోభిలు చుండుట గాంచిరెల్లరున్
గ్రామపు పెద్దలందరును గారవ మొందుచు చెప్పినట్లుగన్
భీముఁడు రావణాసురుని బిడ్డనుబెండిలియాడెఁబ్రీతిమై
రాముడు - యన్టి రామారావు(సీనియర్)
సోముడు - చంద్రబాబు
మీ పూరణ బాగున్నది. అభినందనలు.
తొలగించండి"ధరించుచుండగన్" టైపాటు.
తాగుబోతు కుమారుని చూసి తండ్రి పలుకులు
రిప్లయితొలగించండిఏమాయె నీకు మూర్ఖా?
క్షేమము కాదిటుల పలుక , చెప్పుల తోడన్
మోమున కొట్టెద ,నెప్పుడు
భీముడు రావణుని సుతను పెండిలి యాడెన్
మీ పూరణ బాగున్నది. అభినందనలు.
తొలగించండిభామ హిడింబిపతి యెవరు,
రిప్లయితొలగించండిరాముడెవరిని దును మాడె,రాముడు జేసెన్
యేమది జనకుడు కోరగ,
భీముడు,రావణుని, సుతను పెండిలి యాడెన్
మీ పూరణ బాగున్నది. అభినందనలు.
తొలగించండి'హిడింబ' అనండి. 'చేసెన్+ఏమది' అన్నపుడు యడాగమం రాదు.
భీముడు రావణు పాత్రలు
రిప్లయితొలగించండిరాముదు సోముడును వేసి రంజిలు వేళన్
ప్రేమతొ బంధువు లవగా
భీముఁడు రావణుని సుతను పెండిలియాడెన్
మీ పూరణ బాగున్నది. అభినందనలు.
తొలగించండి'ప్రేమతొ' అని తో ప్రత్యయాన్ని హ్రస్వంగా ప్రయోగించరాదు. "ప్రేమను" అనండి.
రిప్లయితొలగించండికందోత్పల
కలగంటిని ! సరి జేసి కు
రుల, భీముఁడు రావణాసురుని బిడ్డను బెం
డిలియాడెఁ బ్రీతిమై! కల
తొలగెను చక్కటి సమస్య తోచె జిలేబీ !
జిలేబి
మీ కందోత్పల ప్రశస్తంగా ఉన్నది. అభినందనలు.
తొలగించండిభీముండాతడుబలమున
రిప్లయితొలగించండిసామజగమననుమనసునసతిగా గోరెన్
దీమసముగరణముసలిపి
భీముఁడు రావణుని సుతను పెండిలియాడెన్
మీ పూరణ బాగున్నది. అభినందనలు.
తొలగించండిమైలవరపు వారి పూరణ
రిప్లయితొలగించండినామములయ్యె పాత్రలవి నాటకబృందములోని వారికిన్
భీముడునాంజనేయుడు విభీషణుడట్టులె రావణుండనన్
ప్రేమగ రావణుండు తన బిడ్డను కొమ్మని కోర భీమునిన్
భీముడు రావణాసురుని బిడ్డను బెండిలి యాడె బ్రీతిమై.
మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది.
తొలగించండిఏమేమో యోచించుచు
రిప్లయితొలగించండిపామరుని కరణిని తాను పవళించు తరి న్
రాముడు కలలో గాంచెను
భీముడు రావణుని సుతను బెండిలి యాడె న్
మీ పూరణ బాగున్నది. అభినందనలు.
తొలగించండి
రిప్లయితొలగించండిగ్రామము నందు రావణుని గాధను జూచితి నాటకమ్ముగా!
భీమును చిత్రమొక్కటి రవీంద్ర థియేటరు లోన చూచి వి
శ్రామము జేయ సంలయము! స్వప్నము సమ్మిళతమ్ము! బాపురే
భీముఁడు రావణాసురుని బిడ్డను బెండిలియాడెఁ బ్రీతిమై!
జిలేబి
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండిఈ కామెంట్‌ను రచయిత తీసివేశారు.
తొలగించండిశ్రీమహనీయభవ్యగుణశీల, మనోజ్ఞసులోచనాఖ్య, సు
తొలగించండిత్రామజిదగ్రణిన్ దనుజరాజకుమారుని నుగ్రవీరునిన్
ధీమతి మేఘనాథుని యుయుత్సువినిర్భరధైర్యనాశకృ
ద్భీముఁడు రావణాసురుని బిడ్డను, బెండిలియాడెఁ బ్రీతిమై
కంజర్ల రామాచార్య
మీ పూరణ అద్భుతంగా ఉన్నది. అభినందనలు.
తొలగించండిడా.బల్లూరి ఉమాదేవి.
రిప్లయితొలగించండికామిని వేషమున దునిమె
నామానినికావ జంపె నా రాఘవుడున్
సోమునివిల్విరిచి జనకు
భీముఁడు రావణుని సుతను పెండిలియాడెన్”
మీ పూరణ బాగున్నది. అభినందనలు.
తొలగించండిలేమ హిడింబి నెవ్వడు భళీ యన పెండిలియాడె ప్రీతిమై?
రిప్లయితొలగించండిధీమతి లక్ష్మణుండెవని తేకువతో నెదిరించె నాజిలో?
రాముడు భూమిజన్ జనకరాజ సుతన్ ముదమేమి చేసెనో?
భీముడు-రావణాసురుని బిడ్డను-పెండిలి యాడె ప్రీతితో.
biiDDa=koDuku Sabda ratnaakaramu
తొలగించండిమీ పూరణ బాగున్నది. అభినందనలు.
తొలగించండి'హిడింబ' అనండి.
ధన్యవాదములు
తొలగించండిభామ హిడింబి పతి యెవరు?
రిప్లయితొలగించండిరాముడెవండను వధించె? రాజు జనకుడా
రామునకు బంధు వెట్లగు?
భీముఁడు, రావణుని, సుతను పెండిలియాడెన్.
మీ పూరణ బాగున్నది. అభినందనలు.
తొలగించండి'హిడింబ'
కాముకుడైన భీముడను గండర గండుడు భంగ ద్రావియిన్
రిప్లయితొలగించండిగోమలినిన్ గమించి నను గొంగున గట్టు మటంచు వాగె మున్
*“భీముఁడు రావణాసురుని బిడ్డను బెండిలియాడెఁ బ్రీతిమై”*
కామిని తద్విధిన్ వరునిగా వరియింపని వెంబడించెలే
మీ పూరణ బాగున్నది. అభినందనలు.
తొలగించండి'భంగు.." టైపాటు.
సామీరి యన నెవడు? సీ
రిప్లయితొలగించండిరాముం డెవరిని వధించె రణ రంగములో?
నామైందహనుడు భీష్మకు
*భీముఁడు;రావణుని;సుతను పెండిలి యాడెన్*
మీ పూరణ బాగున్నది. అభినందనలు.
తొలగించండి'శ్రీరాముం డెవరిని..'
గురుశిష్యుల సంవాదం:
రిప్లయితొలగించండికందం
రామయణ, భారతముల
ప్రామాణిక ద్వ్యర్థి కావ్య భావము వినియున్
సోమరి వెధవా! పల్కితె!
"భీముఁడు రావణుని సుతను పెండిలియాడెన్"
ఉత్పలమాల
ఏమని జెప్పితీకు విన నింపుగ రాఘవపాండవీయమన్
రామచరిత్ర పాండవుల రాజిత గాథను ద్వ్యర్థి కావ్యమున్
నా మరియాద నువ్ మఱచి నల్గురు నవ్వగ శిష్య! పల్కితే
"భీముఁడు రావణాసురుని బిడ్డను బెండిలియాడెఁ బ్రీతిమై"
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా🙏
తొలగించండి
రిప్లయితొలగించండిపిన్నక నాగేశ్వరరావు.
( క్రమాలంకారము)
భామ హిడింబి పతి యెవరు?
రాముడెవరిని వధియించె లంకను? విల్లున్
రాముడు విరిచియు జనకుని....
భీముడు; రావణుని; ....సుతను బెండిలి
యాడెన్.
మీ పూరణ బాగున్నది. అభినందనలు.
తొలగించండిరామాయణమంతయు విని
రిప్లయితొలగించండిరాముని కేమగును సీత రమణీ యనగా
భామకు చిఱ్ఱెత్తి యనెను
భీముఁడు రావణుని సుతను పెండిలియాడెన్
మీ పూరణ బాగున్నది. అభినందనలు.
తొలగించండిఏమీయిట్లంటిరియిట
రిప్లయితొలగించండిభీముడురావణునిసుతనుపెండిలియాడెన్
రామాయణభారతములు
సామీయిటజేర్చిరార్య!సరియనదగునా?
మీ పూరణ బాగున్నది. అభినందనలు.
తొలగించండిభూమిజగ వెలసె మిథిలన్
రిప్లయితొలగించండిరాముడు మునితో కదల విరిసెగ వదనముల్
సామజగమనుడు రణమున
భీముఁడు రావణుని సుతను పెండిలియాడెన్
(సీతమ్మ వారు రావణతనయని ప్రతీతి) 🙏🏻🙏🏻
మీ పూరణ బాగున్నది. అభినందనలు.
తొలగించండిరెండవ పాదంలో యతి తప్పింది. సవరించండి.
ఈ కామెంట్‌ను రచయిత తీసివేశారు.
రిప్లయితొలగించండిఉ.
రిప్లయితొలగించండిశేముషి మీరఁగీచుకుని చెండినఁగుంతి సుతుండు యెవ్వఁడో?
రాముడు లంకకేగిఁదన రాణినిఁబొందగఁజంపెనెవ్వనిన్?
హైముడు శీతశైలపతి హర్షము నొందగ నేమి జేసెనో?
భీముఁడు..., రావణాసురుని..., బిడ్డను బెండిలియాడెఁ బ్రీతిమై!
హైముడు = శివుడు
-------- శ్రీరామ్
మీ పూరణ బాగున్నది. అభినందనలు.
తొలగించండి'సుతుండు+ఎవ్వడో' అన్నపుడు యడాగమం రాదు. "కుమారు డెవ్వడో" అనండి.
ఉ:
రిప్లయితొలగించండిరాముడి వేషముందనుచు రమ్మని బిల్వగ జేర రంగమున్
మోమున దెల్పిరచ్చటన ముచ్చట భీముని పాత్ర గైకొనన్
సామును జూచు రావణుడు చావడి జేర నియుక్తుడిట్లనెన్
భీముడు రావణాసురుని బిడ్డను బెండిలి యాడె బ్రీతమై
నియుక్తుడు=Agent
వై. చంద్రశేఖర్
మీ పూరణ బాగున్నది. అభినందనలు.
తొలగించండిధన్యవాదములు
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఆ మయు నాత్మజన్మ కమలాక్షి గుణోత్తమ శీలియైన యా
రిప్లయితొలగించండిభామిని యంబుజాక్షి సతి వారిరు హాసన పుష్కలాక్షియా
రామ సులోచనాంగనయె రాక్షస ధీమతి, భండనమ్మునన్
భీముడు రావణాసురుని బిడ్డను బెండిలి యాడెఁ బ్రీతిమై
మీ పూరణ బాగున్నది. అభినందనలు.
తొలగించండిగోముగఁ గన్పడు కాంతను
రిప్లయితొలగించండిజామల నెంచంగ దిట్ట చారుతర ముఖిన్
మా మంచి పట్టణమ్మున
భీముఁడు రావణుని సుతను పెండిలియాడెన్
ఏ మిది నే నెఱుంగ నసురేంద్రున కింపుగ బిడ్డ లుండిరే
కోమలు లున్న నిక్కముగఁ గూతురునిన్ దశకంఠ తుల్యుఁడౌ
భీమ పరాక్రమోన్నతపు వీరున కిచ్చును సత్య మందుకే
భీముఁడు రావణాసురుని బిడ్డను బెండిలియాడెఁ బ్రీతిమై
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండిభీముడురావణాసురునిబిడ్డనుబెండిలియాడెబ్రీతిమై
రిప్లయితొలగించండియేమనియంటిరిటయీపదమారయనమ్మబల్కునే
భీముడుభారతమ్ముగదపెండిలియాడుటనెట్లుగానగున్
దాముగజింతజేయుడిదితామునునచ్చెరువందురేగదా
మీ పూరణ బాగున్నది. అభినందనలు.
తొలగించండిభీముఁడతండు రావణుఁడు పిల్లకుదండ్రి గుణమ్ములందునన్
రిప్లయితొలగించండిభామనుజూచి మోజుపడి భార్యగజేకొనుదంచు కోరగన్
భామినివల్లెయంచుతెలుపన్ కుతుకంబెసగంగ చెచ్చెరన్
భీముఁడు రావణాసురుని బిడ్డను బెండిలియాడెఁ బ్రీతిమై
మీ పూరణ బాగున్నది. అభినందనలు.
తొలగించండిఏమనిజెప్పంగ వలెను
రిప్లయితొలగించండిభీముని రామాయణమున..,భీకరమిదియే
రా! మునివర్య యిదేమీ
భీముఁడు రావణుని సుతను పెండిలియాడెన్!!
మీ పూరణ బాగున్నది. అభినందనలు.
తొలగించండి