అసమానంబగు వ్యాధి గా నరుగుదెంచంగా కరోనా, కుటుం బి సువాలింపను పెద్ద పండుగవలెన్ పేరంటముల్ చిక్కెనీ దసరా పండుగ నాటి పెక్కు సరదాల్ దప్పెన్ గదా! దైవమా ముసిరెన్ చీకటి! కాంతులీనగను రా ముమ్మాటికిన్ శక్తియై!
దసరాయుత్సవముల్దిగంతములనుత్సాహంబునున్ నింపుచున్ రసరమ్యంబగు వేడ్కలందుజనులన్ రంజిల్లగాజేయు నీ విసమున్ గ్రక్కెడు పాడు కోవిడు జనావేశంబు చల్లార్చగా దసరా పండుగ నాటి పెక్కు సరదాల్ దప్పెన్ గదా దైవమా
అసిధారావ్రతమోయనంగ ప్రజలత్యాశన్ దెలంగాణమై దిసలన్మ్రోగగనుద్యమోగ్రతనువీధిన్వీధినుద్యోగులున్ గసినార్టీసిజలంబుభూమికొలువుల్గాంక్షించిపోరాడినన్ *“దసరా పండుగ నాటి పెక్కు సరదాల్ దప్పెన్ గదా దైవమా”* పసయుద్యోగపదోన్నతాభ్యుదయభవ్యార్థాళిశూన్యంబనన్
దసరాజమ్మికిపేరుపెట్టినదిసందర్శించియన్యోన్యతన్ పసిడిన్దెచ్చితినిచ్చిపుచ్చుకొనుభవ్యాచారమేడుండునొ క్కొసుపర్ణంబులజూడబోవుటయునీకోవిడ్ రుజాగ్రస్తతన్ *“దసరా పండుగ నాటి పెక్కు సరదాల్ దప్పెన్ గదా దైవమా”*
విసవిస నవ్వుచు రివ్వున ముసురుచు వచ్చెం గదా సముఖమున కెలమిన్ వెస నీ రాక నిపుడు ఛాం దస! రాస రదాలు మనకుఁ దప్పెఁ గటకటా
[రాస రదాలు =శృంగార రస సంబంధమైన దంతక్షతములు; మనకు: రాజదర్పము నాకు నకు]
ముస లాఘాత నిభమ్ముగాఁ దనరె సంపూర్ణ క్షమా వాసమే వసుధాధీశులు సంశయాత్ములయి నిర్వ్యాపారులై నిల్చిరే రసహీనంబయి పణ్యశాల లిట స్వర్ణచ్ఛవ్యుపగ్రాహ్యముల్ దసరా పండుగ నాటి పెక్కు స రదాల్ దప్పెన్ గదా దైవమా
రిప్లయితొలగించండి"శ్రీ రాముని దయ చేతను..."
సరదా పూరణ:
విసుగున్ జెందుచు నింటిలోన పడగన్ బీభత్సమౌ వ్యాధినిన్
కసరంగా మన తాతలవ్వలిచటన్ కంపమ్మునన్ తిట్టుచున్
నసగంగామన పిల్లలే విసుగునన్ నందమ్ము కోల్పోవుచున్
దసరా పండుగ నాటి పెక్కు సరదాల్ దప్పెన్ గదా దైవమా...
ఈ నాటి శంకరాభరణము వారి సమస్య దత్త పది
రిప్లయితొలగించండిమాద్రి, రాధ , కైక , రుద్రమ,
ఈ పదములు అన్యార్ధములో ప్రయోగించి
దుర్గా దేవి ప్రార్ధన.
నా పూరణ సీసములో
జన్మించితివి యంకుసంబు( *మాద్రి* )న యీవు భారతీ రూపమున్ భవ్య శీల,
ఘనమౌ విజయ వాటికన మందర ధ( *రాధ* ) రము పైన వెలసిన రంభ వీవు
తొలుత నగముపైన వెలసితి వట ( *రుద్ర* *మ* )గురూప మున నీవు, మంత్ర మొకటి
యాది శంకరుడు వేయంగ ప్రసన్నతన్ కలిగి మారితివిగ కనక దుర్గ
వై నచట, తల్లి, చేతును వందనములు,
ఖలము నేలెడు సుతిని, నీ
( *కై* *క* )నకపు
హారమును తెచ్చితిమిపుడు, ననుగు తోడ
కరుణ జూపి మమ్ము సతము కాచ వలయు
అంకుసంబుమాద్రి = మూలా నక్షత్రము ,మంధర ధరాధరము =ఇంద్ర కీలాద్రి,రంభ = పార్వతి ,సుతిని = తల్లి ,అనుగు = ప్రేమ
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
ముసుగున్ మూయగ ముక్కునున్ ముఖమునున్ మూర్ఖంపు వైనమ్మునున్
కుసుమాలందు సువాసనల్ కనుచు భల్ కొండాడగన్ జాలకే
విసుగున్ జెందుచు హైద్రబాదు వరదన్ వీక్షించగా టీవినిన్
దసరా పండుగ నాటి పెక్కు సరదాల్ దప్పెన్ గదా దైవమా...
క్రొవ్విడి వెంకట రాజారావు:
రిప్లయితొలగించండిపసజూపుచు బాధించెడి
నసరోగమునై వఱలుచు నడలించెడునౌ
విసపరి కరోన వలనన్
దసరా సరదాలు మనకు దప్పె గటకటా!
ముసురుచు విశ్వమ్మంతట
రిప్లయితొలగించండివిసరగ పంజా కరోన భీతిల్లిజనుల్
వసతులను వీడ నందుకె
దసరా సరదాలు మనకుఁ దప్పెఁ గటకటా
దసరా సరదా లెక్కడ?
రిప్లయితొలగించండిముసలము వలెనే కరోన ముంచెను మనలన్
ముసుగులు మూతికి వచ్చెను
దసరా సరదాలు మనకు దప్పె గటగటా
కసిగా కరోన భువిలో
రిప్లయితొలగించండినుసురుల దీయగ జనాళి యోటమి గ్రుంగన్
ముసురును వరదలు తోడవ
దసరా సరదాలు మనకు దప్పె గటగటా
వసుధన్ ద్రోయగ వంతలన్ విసరుచున్ పంజాను వైరస్సదే
ముసుగుల్ దూరము శుభ్రతల్
గనగ వేపూజా పదార్ధంబులై
ముసురున్ వాగులు వంకలున్ బొదలుచున్ ముప్పేట దండించగా
దసరా పండుగనాటి పెక్కు సరదాల్
దప్పెన్ గదా దైవమా!
ముసురు వలన నీటమునిగె
రిప్లయితొలగించండివసతులు , మరి యెటుల పోవవలనగు నోయీ
కుసిలించ నేమి ఫలితము
దసరా సరదాలు మనకుఁ దప్పెఁ గటకటా !
కుసిలించు = దుఃఖించు
సిసలౌ వేడుకలైనను
రిప్లయితొలగించండిదసరా సరదాలు, మనకుఁ దప్పెఁ గటకటా
ముసురుగ బట్టిన వానల
కుసూరుమన జనులు నేడు యుద్వేగమునన్
క్రొవ్విడి వెంకట రాజారావు:
రిప్లయితొలగించండిపసజూపించుచు పెచ్చుగా కెరలుచున్ బాధించు దుష్టమ్మునౌ
నసరోగమ్ము కరోన భీతినిల పన్నన్ గొప్పవౌ పండుగల్
కసిగా పౌరులు వీడిరంతటను సంక్రాంతుల్ యుగాదుల్ మరిన్
దసరా పండుగనాటి పెక్కు సరదాల్ దప్పెన్ గదా దైవమా!
మూడవ పాదంలో మూడు నాలుగు గణాలలో కొద్ది మార్పు:
తొలగించండికసిగా పౌరులు వీడియుండు వడి - అని మార్పు.
రిప్లయితొలగించండిరుసరుస లాడుచు నట్టిం
ట సవా లువిసిరి కరోన ఠారెత్తింపం
గ సమాజము భయపడగా
దసరా సరదాలు మనకుఁ దప్పెఁ గటకటా
జిలేబి
రిప్లయితొలగించండిఅసమానంబగు వ్యాధి గా నరుగుదెంచంగా కరోనా, కుటుం
బి సువాలింపను పెద్ద పండుగవలెన్ పేరంటముల్ చిక్కెనీ
దసరా పండుగ నాటి పెక్కు సరదాల్ దప్పెన్ గదా! దైవమా
ముసిరెన్ చీకటి! కాంతులీనగను రా ముమ్మాటికిన్ శక్తియై!
జిలేబి
సమస్య :
రిప్లయితొలగించండిదసరాపండుగ నాటి పెక్కుసరదాల్
దప్పెన్ గదా దైవమా
(దసరాల్లోని బొమ్మలకొలువులు , పగటి వేషాలు , అల్లుళ్ల అమ్మాయిల రాకపోకలు , విందులు , వేడుకలు ఏవి ? ఎక్కడ ? )
మత్తేభవిక్రీడితము
..........................
విసువౌచున్నది కాలయాపనకు నే
వేక్సిన్ గనన్ రాదయో !
నిసుగుల్ బెద్దలు " గోవిడుల్ "నిరతమున్
నేత్రమ్ములన్ మోడ్తురే ;
ససియౌ బొమ్మలకొల్వులున్ బగటివౌ
సద్వేషముల్ మృగ్యమై
దసరాపండుగ నాటి పెక్కుసరదాల్
దప్పెన్ గదా దైవమా !!
( నిసుగుల్ - పిన్నలు ; ససియౌ - చక్కని
కోవిడుల్ - కోవిడ్ వ్యాధిగ్రస్తులు )
విసరె కరోనా పంజా
రిప్లయితొలగించండివెస మాయంబయ్యె ముదము విశ్వము నందు న్
పొసగు నె సంబుర ములు గన?
దసరా సరదాలు మనకు దప్పె కట కటా!
దసరా సరదా పండుగ
రిప్లయితొలగించండివెసగానిపుడేగుదెంచి విషపూరితమై
కసిదీర్చుకొనెకరోనా
దసరా సరదాలు మనకుఁ దప్పెఁ గటకటా
ఈ కామెంట్‌ను రచయిత తీసివేశారు.
రిప్లయితొలగించండితెలంగాణ పల్లె దసరా సంబరాలు
తొలగించండిదసరా సేవలు రావు జమ్మికడ పత్రమ్ముల్ దగన్బంచగా
వెసఁ గోలాటము లాడఁ గూడిరెట? లేవే పాలపిట్టల్ గనన్,
వసనమ్ముల్ గొన జాలెనే పడతి నవ్యాశన్, కరోనాహతిన్
దసరా పండుగ నాటి పెక్కు సరదాల్ దప్పెన్ గదా దైవమా
కంజర్ల రామాచార్య
వనస్థలిపురం
ఈ కామెంట్‌ను రచయిత తీసివేశారు.
రిప్లయితొలగించండిదసరాయుత్సవముల్దిగంతములనుత్సాహంబునున్ నింపుచున్
రిప్లయితొలగించండిరసరమ్యంబగు వేడ్కలందుజనులన్ రంజిల్లగాజేయు నీ
విసమున్ గ్రక్కెడు పాడు కోవిడు జనావేశంబు చల్లార్చగా
దసరా పండుగ నాటి పెక్కు సరదాల్ దప్పెన్ గదా దైవమా
పసలేని బ్రతుకు లాయెను
రిప్లయితొలగించండిపసిడిధరలుపైకెగయుచు ఫక్కున నవ్వెన్
కసిగా నవ్వగ కోవిడు
దసరా సరదాలు మనకుఁ దప్పెఁ గటకటా!!
రిప్లయితొలగించండిపిన్నక నాగేశ్వరరావు.
కసిగా కరోన పంజా
విసరగ దేశమ్మునందు విస్తృత పరిధిన్
ముసరగ వానలు వరదలు
దసరా సరదాలు మనకుఁ దప్పెఁ గటకటా!
కసిగా ఉద్యోగాళికి
రిప్లయితొలగించండివిసురుగ జీతాల కోత పెన్షను డీయే
కెసరును బెట్టం దల్చిన
*“దసరా సరదాలు మనకుఁ దప్పెఁ గటకటా”*
అసిధారావ్రతమోయనంగ ప్రజలత్యాశన్ దెలంగాణమై
రిప్లయితొలగించండిదిసలన్మ్రోగగనుద్యమోగ్రతనువీధిన్వీధినుద్యోగులున్
గసినార్టీసిజలంబుభూమికొలువుల్గాంక్షించిపోరాడినన్
*“దసరా పండుగ నాటి పెక్కు సరదాల్ దప్పెన్ గదా దైవమా”*
పసయుద్యోగపదోన్నతాభ్యుదయభవ్యార్థాళిశూన్యంబనన్
దసరాజమ్మికిపేరుపెట్టినదిసందర్శించియన్యోన్యతన్
రిప్లయితొలగించండిపసిడిన్దెచ్చితినిచ్చిపుచ్చుకొనుభవ్యాచారమేడుండునొ
క్కొసుపర్ణంబులజూడబోవుటయునీకోవిడ్ రుజాగ్రస్తతన్
*“దసరా పండుగ నాటి పెక్కు సరదాల్ దప్పెన్ గదా దైవమా”*
వెసవిధ్వంసము నాకరోన కతనన్ పృథ్విన్ ఘటిల్లంగ దు
రిప్లయితొలగించండిర్గ! సినీవాలి! ప్రజాళి నిత్యము నినున్ ప్రార్థించుచున్ భీతితో
వసతిన్ కాలము వెళ్ళబుచ్చ ధృతితో పర్వమ్ములన్ చేయరే
దసరా పండుగ నాటి పెక్కు సరదాల్ దప్పెన్ గదా దైవమా!
విసురన్ పంజ కరోనయే జగతినే భీతిల్లగా జేయగన్
రిప్లయితొలగించండివిషసర్పమ్మును మించునత్తరిని యీ విశ్వంబు స్థంబింపగా
నసహాయుండ్రగుచున్ జనాళికదియే వ్యాఘాతమై నందుకే
దసరా పండుగ నాటి పెక్కు సరదాల్ దప్పెన్ గదా దైవమా
కందము
రిప్లయితొలగించండిదసరా పద్యపు సొగసులు
వెసనళ్ళుళ్ళగుసగుసలు వివరించంగా
పసలేదిక కోవిడుతో
దసరా సరదాలుమనకు దప్పె కటకటా
మత్తేభము
దసరా పద్యము లుచ్చరించు సరదా తాలేదికంజూడగా
మిసిమిం దూగుచు పాడుచున్ బ్రతుకు సమ్మేళం బులేమా యెనో
పసలేకుండగ బోయెనొక్కొకనగా పర్వంబులీరీతిగా
దసరాపండుగ నాటి పెక్కు సరదాల్ దప్పెన్గదా దైవమా
దప్పెఁగటకటా
రిప్లయితొలగించండిఅందరికీ నమస్సులు🙏🙏
రిప్లయితొలగించండినా పూరణ యత్నం..
*కం*
ముసిరిన కరోన వలనే
విసిగిరి ప్రజలెల్ల నేడు విపరీతముగన్
కొసరుగ నీ దెబ్బకు నిక
*“దసరా సరదాలు మనకుఁ దప్పెఁ గటకటా”*!!
*కళ్యాణ్ చక్రవర్తి ముంబాయి*
🙏
ప్రహ్లాదుని గురువులు చండామార్కులు హిరణ్యకశ్యపుని సభలోకి వెళుతున్నప్పుడు వారి సంభాషణ
రిప్లయితొలగించండికం.
"పసగలిగిన చదువుచదివ
క, సౌరినిగొలిచి దహరుడు కరగపడగ, రా
క్షసజనపాలుడు గనె "ఛాం
దస" రా...! సరదాలు మనకుఁ దప్పెఁ గటకటా!
కరగపడు = చెడిపోవు
దహరుడు = బాలుడు (ప్రహ్లాదుడు)
----- శ్రీరామ్
ఈ కామెంట్‌ను రచయిత తీసివేశారు.
రిప్లయితొలగించండివిసవిస నవ్వుచు రివ్వున
రిప్లయితొలగించండిముసురుచు వచ్చెం గదా సముఖమున కెలమిన్
వెస నీ రాక నిపుడు ఛాం
దస! రాస రదాలు మనకుఁ దప్పెఁ గటకటా
[రాస రదాలు =శృంగార రస సంబంధమైన దంతక్షతములు; మనకు: రాజదర్పము నాకు నకు]
ముస లాఘాత నిభమ్ముగాఁ దనరె సంపూర్ణ క్షమా వాసమే
వసుధాధీశులు సంశయాత్ములయి నిర్వ్యాపారులై నిల్చిరే
రసహీనంబయి పణ్యశాల లిట స్వర్ణచ్ఛవ్యుపగ్రాహ్యముల్
దసరా పండుగ నాటి పెక్కు స రదాల్ దప్పెన్ గదా దైవమా
[స రదాల్ = స రదములు = పండ్లతోఁ గూడి; ఉపగ్రాహ్యములు = కానుకలు]
ముసురులువట్టుచువానలు
రిప్లయితొలగించండివెసవెసగాగురియుచుండభీకరముంగన్
పసలేమినిజీవితమున
దసరాసరదాలుమనకుదప్పెగటగటా
మ:
రిప్లయితొలగించండిమసి బారెంగద జీవితాలు నయయో మా చెడ్డ కారోన గన్
దెస గాన్పింపదు జీవికా బ్రతుకుగన్ తిండే దొరక్కుండనై
ముసరన్ కష్టము లెన్నొ రీతులుగ నా ముక్కంటి యే దీర్చగన్
దసరా పండుగ నాటి పెక్కు సరదాల్ దప్పెన్ గదా దైవమా
వై. చంద్రశేఖర్
మసిబారెన్గదజీవితమ్ములవియమ్మాహాకరోనాకుగా
రిప్లయితొలగించండినసలేబాధలునొందగాభువినినిట్లాయాపదల్ తోడుగా
వెసయీవానలుభీకరాకృతినినెవ్వేళన్ సదాకుర్వగా
దసరాపండుగనాటిపెక్కుసరదాల్ దప్పెన్ గదాదైవమా
అసురుడు దాగెను మనలో
రిప్లయితొలగించండికసిగా మనుజుల బ్రతుకును కల్లగ జూపన్
విసరగ కోవిడు బాధలు
“దసరా సరదాలు మనకుఁ దప్పెఁ గటకటా”
కసిగా కాటేయ విధియు
రిప్లయితొలగించండివిసరె ను పంజా కరోన భీభత్సముగా
ముసిరెను మేఘము లెల్లడ
దసరా సరదాలు మనకు దప్పె గటకటా
కందం
రిప్లయితొలగించండిససిఁ గనక పగటి వేషము
రసహీనమ్మై గుడుల నలంకారాదుల్
దొసగులఁ గరోన ధాటికి
దసరా సరదాలు మనకుఁ దప్పెఁ గటకటా!
మత్తేభవిక్రీడితము
దొసగుల్ గూర్చి కరోన మృత్యువగుచున్ దొర్లన్ బ్రపంచంబునన్
రసరమ్యంబులులేక కోవెలల దూరమ్మై యలంకారముల్
ససిఁ బౌరాణిక గాథలన్ బగటి వేషాల్రాని దౌర్భాగ్యమై
దసరా పండుగ నాటి పెక్కు సరదాల్ దప్పెన్ గదా దైవమా!
కసిగా కాటేయ విధియు
రిప్లయితొలగించండివిసరె ను పంజా కరోన భీభత్సముగా
ముసిరెను మేఘము లెల్లడ
దసరా సరదాలు మనకు దప్పె గటకటా