విషయ మరయ జేయు‌నది సంవేదమగును ప్రకృతి తత్వంబు దెలుపుచు ప్రగతి నిడును విపుల భావంపు లేమియు ప్రియము లేని విద్య నాశనకరము వివేక మడఁచు!
విద్య విశేషమౌ ధనము విద్య యశస్సు నొసంగు మార్గమౌ విద్య విశాల భావముల విస్తృతి జేసెడి జీవరాగ మా విద్య పసన్విడంగ నిక విశ్వవికాసము దారి తప్పు నా విద్య వినాశ మూలము వివేకమునున్ దొలగించు శత్రువౌ!
విషయ మరయ జేయు‌నది సంవేదమగును ప్రకృతి తత్వంబు దెలుపుచు ప్రగతి నిడును విపుల భావంపు లేమియు ప్రియము లేని విద్య నాశనకరము వివేక మడఁచు!
విద్య విశేషమౌ ధనము విద్య యశస్సు నొసంగు మార్గమౌ విద్య విశాల భావముల విస్తృతి జేసెడి జీవరాగ మా విద్య పసన్విడంగ నిక విశ్వవికాసము దారి తప్పు నా విద్య వినాశ మూలము వివేకమునున్ దొలగించు శత్రువౌ!
విద్య వినాశకారకము విత్తము పొందగ యత్నమందునన్ బాధ్యత మర్చియున్ వివిధ వైద్యులు గూడ,ధనాశలంబడన్ చోద్యము గాదులే యిదియు చూడగ పెట్టిన ఖర్చులంగొనన్ విద్య వినాశమూలము వివేకమునున్ దొలగించు శత్రువౌ!!
విద్య వివేకవిత్తము నవీనవిదేశసఖుండు బంధుడున్ విద్య యశఃప్రదాయకము వేత్త వినీతుడు నైన, దుష్టు డా విద్యను నేర్చుచో భయదభీకరదూష్యవివాదకారియై విద్య వినాశమూలము వివేకమునున్ దొలగించు శత్రువౌ.
రిప్లయితొలగించండి"శ్రీ రాముని దయ చేతను..."
సరదా పూరణ:
పద్యము లల్లుచున్ విరివి పండుగ జేయుచు నేతలెల్లరిన్
హృద్యపు తీరు మెచ్చి కడు హేళన జేయుచు వైరి వర్గమున్
సద్యశ మొంది వేగముగ చాకలి పద్దుల వ్రాయజాలనిన్
విద్య వినాశమూలము వివేకమునున్ దొలగించు శత్రువౌ...
మీ సరదా పూరణ బాగున్నది. అభినందనలు.
తొలగించండి"పద్దులు వ్రాయనట్టిదౌ" అంటే బాగుంటుందేమో?
🙏
తొలగించండిక్రొవ్విడి వెంకట రాజారావు:
రిప్లయితొలగించండితోడి వారల కెప్పుడు ద్రోహ మెంచి
వారి యభివృద్ధి నడచుచు పఱగు నట్టి
హీన మతులెల్ల చలిపెడి హేయ క్షుద్ర
విద్య నాశనకరము వివేక మడచు.
మీ పూరణ బాగున్నది. అభినందనలు.
తొలగించండి'హేయ క్షుద్ర' అన్నపుడు య గురువై గణభంగం. "...యిట్టి క్షుద్ర..." అనవచ్చు.
సాధ్యము గానివౌ పనుల సంగతమౌనటు లందు నట్లుగా
రిప్లయితొలగించండివిద్యలవేల్పునుంగని,వివేకము తోడను గొల్చబూనియున్
వేద్యమె తెల్యగా దగును విస్తృత మౌయగుచద్దిమూటయౌ
విద్య వినాశమూలము వివేకమున్ దొలగించు శత్రువౌ!!
నాల్గవ పాదం లో... వివేకమునున్...
తొలగించండిమీ పూరణ బాగున్నది. అభినందనలు.
తొలగించండి"వేద్య మెఱుంగగా దగును విస్తృతమౌనగు..." అనండి.
మద్యముగ్రోలిమానినులమధ్యవసించుచుసుద్దులొద్దికన్
రిప్లయితొలగించండివేద్యమిదేయటంచుదనువేధనమంచులతాంగిపొందుతో
సాధ్యముసర్వశక్తులనిజాటెడుటక్కుటమారమిథ్యయౌ
*విద్య వినాశమూలము వివేకమునున్ దొలగించు శత్రువౌ”*
మీ పూరణ ప్రశస్తంగా ఉన్నది. అభినందనలు.
తొలగించండిసూర్య దేవు సుతుడు ధర్మజునకుయన్న
రిప్లయితొలగించండిసకల విద్యలనతనికి సాటి లేరు
క్షుద్రుని చెలిమి చేరగ క్షుద్రమయ్యె
విద్య , నాశనకరము వివేక మడఁచు
...భారతీనాథ్ చెన్నంశెట్టి...
మీ పూరణ బాగున్నది. అభినందనలు.
తొలగించండి"ధర్మజునకు నన్న" అనండి.
సద్గుణమునకు కొలబద్ద చదువు కాద
రిప్లయితొలగించండిటంచు చెప్పిరి గదమన యాద్యులెపుడొ
రత్నసువు లోన సంస్కార రహిత మైన
విద్య నాశన కరము వివేక మడఁచు.
మీ పూరణ బాగున్నది. అభినందనలు.
తొలగించండి
రిప్లయితొలగించండివిషయ మరయ జేయు‌నది సంవేదమగును
ప్రకృతి తత్వంబు దెలుపుచు ప్రగతి నిడును
విపుల భావంపు లేమియు ప్రియము లేని
విద్య నాశనకరము వివేక మడఁచు!
విద్య విశేషమౌ ధనము
విద్య యశస్సు నొసంగు మార్గమౌ
విద్య విశాల భావముల
విస్తృతి జేసెడి జీవరాగ మా
విద్య పసన్విడంగ నిక
విశ్వవికాసము దారి తప్పు నా
విద్య వినాశ మూలము
వివేకమునున్ దొలగించు శత్రువౌ!
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిరెండవ పూరణ "విద్య నిగూఢగుప్తమగు విత్తము.." పద్యాన్ని స్ఫురింపజేసింది.
రిప్లయితొలగించండివిషయ మరయ జేయు‌నది సంవేదమగును
ప్రకృతి తత్వంబు దెలుపుచు ప్రగతి నిడును
విపుల భావంపు లేమియు ప్రియము లేని
విద్య నాశనకరము వివేక మడఁచు!
విద్య విశేషమౌ ధనము
విద్య యశస్సు నొసంగు మార్గమౌ
విద్య విశాల భావముల
విస్తృతి జేసెడి జీవరాగ మా
విద్య పసన్విడంగ నిక
విశ్వవికాసము దారి తప్పు నా
విద్య వినాశ మూలము
వివేకమునున్ దొలగించు శత్రువౌ!
తేటగీతి
రిప్లయితొలగించండికొలువులెరుగని సోమరుల్ వలకుఁజిక్కఁ
జెలఁగి మారణహోమమ్ముఁ జేయుకతనఁ
బరులు నేర్పఁ జూచెడు నుగ్రవాదమనెడు
విద్య నాశనకరము వివేక మడఁచు
ఉత్పలమాల
ఖాద్యము లేని సోమరుల గాలము వైచి ధనంపు నాశతో
యుద్యమమందు జేరమన, నొప్పగ మారణహోమమెంచుచున్
వేద్యమటంచు కర్కశపు వేదిని నేర్పెడు నుగ్రవాదమన్
విద్య వినాశమూలము వివేకమునున్ దొలగించు శత్రువౌ!
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి"ధనంపు టాశతో నుద్యమమందు..." అనండి.
🙏ధన్యోస్మి గురుదేవా🙏
తొలగించండితమరు సూచించిన సవరణలతో ...
ఉత్పలమాల
ఖాద్యము లేని సోమరుల గాలము వైచి ధనంపు టాశతో
నుద్యమమందు జేరమన నొప్పగ మారణహోమమెంచుచున్
వేద్యమటంచు కర్కశపు వేదిని నేర్పెడు నుగ్రవాదమన్
విద్య వినాశమూలము వివేకమునున్ దొలగించు శత్రువౌ!
వేద్యుని మాట నొల్లకను వీగుచు మూర్ఖత జన్మ మూలమౌ
రిప్లయితొలగించండిఆద్యులు తల్లి తండ్రులను, యాలిని, దేవుని, లెక్కసేయకన్
మిధ్యగు భావజాలములె మేలను భ్రాంతిన నేర్చినట్టిదౌ
విద్య వినాశమూలము వివేకమునేదొలగించు శత్రువౌ”
...భారతీనాథ్ చెన్నంశెట్టి...
మీ పూరణ బాగున్నది. అభినందనలు.
తొలగించండి"తల్లి దండ్రులను నాలిని" అనండి. 'మిథ్య+అగు' అన్నపుడు సంధి లేదు.
మహిత వర్తన మరియును మంచి తనము
రిప్లయితొలగించండినేర్ప జాలని చదువులు నిశ్చ యముగ
క్షుద్ర మై మార్గదర్శన జూప నట్టి
విద్య నాశన కరము వివేక మడచు
రెండవ పాదం లో చదువులు కు బదులు గా వగుచును అని సవరణ చేయడమైనది
తొలగించండిమీ పూరణ బాగున్నది. అభినందనలు.
తొలగించండి
రిప్లయితొలగించండిమైలవరపు వారి పూరణ
హృద్యమనోజ్ఞశాబ్దికవరిష్ఠకవిత్వమనంగ భారతీ
సద్యజనమ్ము, లోకహితసాధకమౌను, కవీంద్రులార! స..
ద్విద్యను పద్యపంక్తులను దిద్దుడు., వ్యాకృతిహీనమైనదౌ
విద్య వినాశమూలము, వివేకమునున్ దొలగించు శత్రువౌ !!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది.
తొలగించండివిద్య వినాశకారకము విత్తము పొందగ యత్నమందునన్
రిప్లయితొలగించండిబాధ్యత మర్చియున్ వివిధ వైద్యులు గూడ,ధనాశలంబడన్
చోద్యము గాదులే యిదియు చూడగ పెట్టిన ఖర్చులంగొనన్
విద్య వినాశమూలము వివేకమునున్ దొలగించు శత్రువౌ!!
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండివేద్యులు నాటి పెద్దలు వివేకులు పూజ్యులు జ్ఞానపూర్ణులే
రిప్లయితొలగించండివిద్యలవెన్నియో కలిగి విజ్ఞత వీడిన వారె దైత్యులం
చాద్యులు చెప్పిరే ధరణి యందున నీతిని వీడినట్టియా
విద్య వినాశమూలము వివేకమునున్ దొలగించు శత్రువౌ.
మీ పూరణ బాగున్నది. అభినందనలు.
తొలగించండిపాతాళభైరవి 😃😀
రిప్లయితొలగించండిమద్యము ద్రాగి భూతముల మంత్రములన్ జపియించి కానలన్
భేద్యముగాని తావులను వీరుల శీర్షములన్ లవించుచున్
సాధ్యముగాని కోరికల సాధనకై గొను తాంత్రికంబునౌ
విద్య వినాశమూలము వివేకమునున్ దొలగించు శత్రువౌ
మీ పూరణ ప్రశస్తంగా ఉన్నది. అభినందనలు.
తొలగించండిధన్యవాదములు గురుదేవా! నమస్సులు!🙏🙏🙏
తొలగించండిక్రొవ్విడి వెంకట రాజారావు:
రిప్లయితొలగించండిహృద్యమునైన ధర్మముల నిచ్చెడి విద్యలు నెప్పుడేనియున్
సద్యసమొందజేసి సరి జ్ఞాన మొసంగును నిశ్చయమ్ముగా
యుద్యతి తోడ త్రెక్కొనుచు నుద్ధతి జేర్చి నడంచు క్షుద్రమౌ
విద్య వినాశమూలము వివేకమునున్ దొలగించు శత్రువౌ!
మీ పూరణ బాగున్నది. అభినందనలు.
తొలగించండి"సద్యశమొంద... నిశ్చయమ్ముగా నుద్యతి ... జేర్చి యడంచు.." అనండి.
గురువుగారికి నమస్సులు.
తొలగించండిఉ:
రిప్లయితొలగించండివిద్యయె మూలకారణము భిన్నము నెంచగ మంచి చెడ్డలన్
విద్యయు విజ్ఞతన్ గలియ వింతగు వృద్ధిని బొంద సాధ్యమౌ
విద్యగడింప కేవలము పేచి వితర్కము లెంచి గూర్చగన్
విద్య వినాశ మూలము వివేకమునున్ దొలగించు శత్రువై
వై. చంద్రశేఖర్
మీ పూరణ బాగున్నది. అభినందనలు.
తొలగించండిధన్యవాదములు
తొలగించండివిద్య నిగూఢతన్నదిమి వేడిన వారలకివ్వకుండ తా
రిప్లయితొలగించండివేద్యుడనంచు గర్వపడి వేదిక లెక్కుచు వాదు సేయుచున్
సద్యశ కాంక్ష లేని కడు శాఠ్యుని మూర్ఖుని జీవితంబులో
విద్య వినాశమూలము వివేకమునున్ దొలగించు శత్రువౌ
మీ పూరణ బాగున్నది. అభినందనలు.
తొలగించండిసమస్య :
రిప్లయితొలగించండివిద్య వినాశమూలము వి
వేకమునున్ దొలగించు శత్రువౌ
( ఇటీవల మదనపల్లిలో తల్లిదండ్రులు కన్నకూతుళ్లను కడతేర్చిన సన్నివేశం ఆధారంగా )
ఉత్పలమాల
....................
విద్య సమాజసంస్కృతిని
బెల్లుగ బెంచుచు సర్వజీవసం
వేద్యము నౌచు నభ్యుదయ
వీచుల నింపుచు జ్ఞానభావనై
వేద్యము గావలెన్ ; విమల
విశ్వజనీనము గాని క్షుద్రమౌ
విద్య వినాశమూలము ; వి
వేకమునున్ దొలగించు శత్రువౌ .
మీ పూరణ అద్భుతంగా ఉన్నది. అభినందనలు.
తొలగించండిసృష్టిలోన గల వివిధ జీవులందు
రిప్లయితొలగించండితెలివి చూపుట యందున దిట్టయైన
మనదగు మనుజ జాతికి మంత్ర తంత్ర
విద్య నాశనకరము వివేక మడఁచు
మీ పూరణ బాగున్నది. అభినందనలు.
తొలగించండిఎంత సంజ్ఞానముండిన నేమిఫలము
రిప్లయితొలగించండిదానినొక వస్తువుగనెంచి దాచుకొనక
పరులకిసుమంతయైనను పంచనట్టి
విద్య నాశనకరము వివేక మడఁచు
మీ పూరణ బాగున్నది. అభినందనలు.
తొలగించండివిద్య వివేకవిత్తము నవీనవిదేశసఖుండు బంధుడున్
రిప్లయితొలగించండివిద్య యశఃప్రదాయకము వేత్త వినీతుడు నైన, దుష్టు డా
విద్యను నేర్చుచో భయదభీకరదూష్యవివాదకారియై
విద్య వినాశమూలము వివేకమునున్ దొలగించు శత్రువౌ.
కంజర్ల రామాచార్య.
మీ పూరణ అద్భుతంగా ఉన్నది. అభినందనలు.
తొలగించండివిద్య నేడు మారెనుగద వెర్రి గాను
రిప్లయితొలగించండివిషయములె పరమావధి వినయమె కరు
వు గురువుల పట్ల, వట్టిగ పోటి, ఇట్టి
విద్య నాశనకరము వివేక మడఁచు
మీ పూరణ బాగున్నది. అభినందనలు.
తొలగించండివిద్యయొసంగ గావలెను విశ్వపుశ్రేయము నెంచువిఙ్ఞతన్
రిప్లయితొలగించండిఅద్యతనంపు పౌరులకు హ్లాదమునిచ్చెడి సాధువాదమున్
ఉద్యమమూనుచూన్ మనుజ హోమము దల్చెడు
నస్త్రశస్త్రపుం
విద్య వినాశమూలము వివేకమునున్ దొలగించు శత్రువౌ
చున్
తొలగించండిమీ పూరణ ప్రశస్తంగా ఉన్నది. అభినందనలు.
తొలగించండిధన్యాస్మి ఆచార్యా! నమస్సులు!🙏🙏🙏
తొలగించండిచోద్యము గాదు వాస్తవము జూడ పురోగతి మూలమంత్రమున్
రిప్లయితొలగించండిసద్యశ కారకంబు సరసత్వ మహత్వ పటుత్ప్రసాదియౌ
విద్య; వినాశమూలము వివేకమునున్ దొలగించు శత్రువౌ
మద్యపు మత్తు మార్చునదె మానవిహీనులుగా జనాళినిన్
మీ పూరణ బాగున్నది. అభినందనలు.
తొలగించండి'పటుత్'?
విశ్వ మణుశక్తి మయ మయ్యె నశ్వరమ్ము
రిప్లయితొలగించండిగాఁ బరిణమించు నిఁక భావి కాల మందు
దుష్ట జను లందు వెల్గు నికృష్ట మంత్ర
విద్య నాశనకరము వివేక మడఁచు
విద్య యొసంగు నింపుగ వివేకము జ్ఞానము మానవాళికిన్
హృద్య గుణాళి సంతత మహీన యశమ్మును విశ్వ మందు నై
వేద్య మనంగ మర్త్య బలి వేగమ యిత్తురె! మూఢ మాన వా
విద్య వినాశ మూలము వివేకమునుం దొలఁగించు శత్రువౌ
[మానవ +అవిద్య = మాన వావిద్య]
మీ రెండు పూరణలు మనోహరంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండిసకలసంపదలొనగూర్చు సత్యముగను
రిప్లయితొలగించండివిద్య,నాశనకరమువివేకమడచు
నేనునేననుభావముమానవునకు
చేరనీయనుగబ్బునా చెంతకెపుడు
మీ పూరణ ప్రశస్తంగా ఉన్నది. అభినందనలు.
తొలగించండివిద్యయఁడచు నవిద్య వివేకమొసఁగు
రిప్లయితొలగించండినన్నదార్యోక్తి యట్లుండ ననగ తగవె
విద్య నాశనకరము వివేక మడఁచు?
సద్యశంబొనగూడును విద్యవలన.
మీ పూరణ బాగున్నది. అభినందనలు.
తొలగించండిసేద్యము చేయ నిత్యమును చిత్తము నిల్పి సుదీక్షతోడ నై
రిప్లయితొలగించండివేద్యము నిచ్చి భారతికి, విద్యఘటిల్లును, జీవితమ్ము సౌ
హృద్యముగా గమించు భువి, హేయపు బుద్ధిని నేర్చు క్షుద్రమౌ
విద్య వినాశమూలము వివేకమునున్ దొలగించు శత్రువౌ
విద్యవిశిష్టమున్దెలిసివెర్రిగ వర్తిలువానికిన్ వెసన్
రిప్లయితొలగించండివిద్యవినాశమూలమువివేకమున్దొలగించుశత్రువౌ
విద్యనుగౌరవించునెడవిద్యలనన్నిటగొప్పవానిగా
సద్యశమొందగూర్చునిలసాటికవీంద్రులకంటెమిన్నగాన్
సద్యశమున్ వరంబుగ నొసంగును విద్య వివేక మిచ్చునా
రిప్లయితొలగించండివిద్యయె జీవులందు పరివేష్టితమైన యవిద్య బాపు స
ద్విద్యను నేర్వకుండగ నవిద్యకు ప్రాపగు విద్య నేర్వనా
విద్య వినాశమూలము వివేకమునున్ దొలగించు శత్రువౌ
మెండుతెిలివినిమనుజుడుమోండియయ్యె
రిప్లయితొలగించండిస్వార్ధమెంచియుతనకదిస్వంతమనును
పాతదంతయురోతగాభావమరయు
విద్యవినాశకరమువివేకమడచు
కె.వి.యస్. లక్ష్మి:
రిప్లయితొలగించండికపట విప్రుని రూపున కర్ణుడరసె
పరశురాముని చెంతను బ్రహ్మవిద్య
నిజము దెలిసి మౌని శపించె నిట్లు నీదు
విద్య నాశనకరము వివేక మడచు.
జ్ఞానము పెరుగు చుండును చదువు వలన
రిప్లయితొలగించండినదియు లేని వాడజ్ఞ్నుడౌనందు రపుడు
విద్య నాశనకరమువివేకమడచు
ననుట భావ్యమౌనె తెలుపు డయ్య లార.