10-2-2021 (బుధవారం)కవిమిత్రులారా,ఈరోజు పూరింపవలసిన సమస్య ఇది...“మూగ వచింపఁగఁ జెవిటియె మోదమున వినెన్”(లేదా...)“మూగ వచింపఁగన్ జెవిటి మోదముతో వినెఁ గాంచె నంధుఁడే”
మైలవరపు వారి పూరణ ఈ గతి మాకు వచ్చుటకునెట్టిదొ దోసము జేసియుంటిమో!భోగము కోరియుంటిమొకొ పూర్వపు జన్మమునందు నీశ్వరా!భోగివిభూష! కావుమని మ్రొక్కగనీశ్వరదివ్యసత్కృపన్ మూగ వచింప గన్ చెవిటి మోదముతో వినె గాంచెనంధుడే!!మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
"శ్రీ రాముని దయ చేతను..." సరదా పూరణ:"మూకం కరోతి వాచాలం" మూగుచు చెట్టు క్రిందనహ ముగ్గురు మూర్ఖులు ముత్తుకూరునన్వేగమె రాగనచ్చటకు వేదపు బ్రాహ్మణ పండితుండయోత్రాగగ గీతనున్ తనరి తాటిది కల్లును వోలు తృప్తినిన్ మూగ వచింపఁగన్ జెవిటి మోదముతో వినెఁ గాంచె నంధుఁడే...
* బోలు
* మూగగ
మీ సరదా పూరణ బాగున్నది. అభినందనలు.
__/\__
రాగలయాపదయిదియనిఆగనియార్తినిమునియునునాడెనునిజమున్దాగినదౌర్బల్యంబునమూగవచింపఁగఁజెవిటియెమోదమునవినెన్మునియనగమాట్లాడనివాఁడు
మీ పూరణ బాగున్నది. అభినందనలు.
సైగలను పలుకు రాదనెమూగ; వచింపఁగఁ జెవిటియె మోదమున వినెన్భాగవత గాధ , కలిగెనుభోగము భాగ్యము సిరులును బొందెను రమతిన్...భారతీనాథ్ చెన్నంశెట్టి...( రమతి... స్వర్గము)
రోగిని తాకిన తోడనె వేగము నయమౌట గనగ వింతగ నుండన్ త్యాగ ధనుడగు ముని వలన మూగ వచింపగ జెవిటి యె మోదమున వినెన్
మూగలు బధిరుల కోసముసాగెడు కార్యక్రమమున చదువక వార్తల్సైగలతో వివరించుచుమూగ వచింపఁగఁ జెవిటియె మోదమున వినెన్
కందంసాగింప జంట జీవనరాగము, లోపాల మఱచి రసమయమనఁగన్సైగలతో ముచ్చట్లనుమూగ వచింపఁగఁ జెవిటియె మోదమున వినెన్ఉత్పలమాలమూగ రచించ పాటొకటి ముచ్చటగన్ బధిరుండు పాడఁగానూగెను పూలతో లతలు నుత్సుక దృశ్యము గాంచినట్లుగన్రాగముఁ గల్పి యంధుడట లాసము జేసెను! 'మానసమ్ముతో'మూగ 'వచింపఁగన్' జెవిటి మోదముతో 'వినెఁ' 'గాంచె' నంధుఁడే!
మీ రెండు పూరణలు ప్రశస్తంగా ఉన్నవి. అభినందనలు.
🙏ధన్యోస్మి గురుదేవా🙏
వేఁగనురిత్తజీవితమువీఁడుముహింసనిమౌనిఁజెప్పగాఆగినబుద్ధితోనరుడునాశనువీడకపెట్టడేచెవిన్తాఁగనెనంధుడున్నెరుకనాత్మనుపారముముట్టెగాతుదిన్మూగవచింపగన్ఁజెవిటిమోదముతోవినెఁగాంచెనంధుడే
మీ పూరణ బాగున్నది. అభినందనలు. 'హింస+అని' అన్నపుడు సంధి లేదు, యడాగమం వస్తుంది.
వేడుముహింసనుఅనివ్రాయాలి, తప్పుగావ్రాశాను
లోగడ విఠలా చార్యుం డే గారడి చిత్రమొకటి నివ్విధి తీసెన్ జోగి యొకడు తాకిన తరి మూగ వచింపఁగ జెవిటియె మోదమున వినెన్.
నేగంటి ననెగ నంధుడుమూగ వచింపఁగఁ, జెవిటియె మోదమున వినెన్జేగంటలు బలు మ్రోగెనుఆగక, వైఙ్ఞానిక ప్రభ అనితరము సుమీ!
ఈ కామెంట్‌ను రచయిత తీసివేశారు.
ఉ.భాగవతామృతంబు గొన పాపచయంబులు భస్మమౌట చేవేగమె షడ్రిపుల్ సమయ, ప్రేమము తోడుత విష్ణుఁ వేడగాయాగ శతాధికంబుల సమాచర పుణ్యఫలంబు లబ్బి.... యామూగ వచింపఁగన్ జెవిటి మోదముతో వినెఁ గాంచె నంధుఁడే.
వేగమె వృద్ధిజెందగను వేదము లందలి వైద్యశాస్త్రముల్రోగములెల్ల భీతిలుచు లోకము నందున దూరమయ్యెగానీగతి నశ్వినీసురులె యింపగు నింద్రియ దీప్తిగూర్చగన్మూగ వచింపఁగన్ జెవిటి మోదముతో వినెఁ గాంచె నంధుఁడే.
సమస్య :మూగ వచింపగన్ జెవిటి మోదముతో వినె గాంచె నంధుడే ( తన టేబుల్ పైనున్న మూతి , చెవులు , కళ్లు మూసుకున్న వానరత్రయప్రతిమను గురించి మిత్రునికి వివరిస్తున్న గాంధీజీ )ఆగుము ! మూడు వానరము లాదర మొప్పగ దెల్పుచుండెనే !యే గతి నున్న చెడ్డనుడు లెన్నడు పల్కకు ! నాలకించుటల్ వేగముతోడ మానుమయ !వెర్రిగ దుష్క్రియ చూడబోకుమా !మూగ వచింపగన్ ; జెవిటి మోదముతో వినె ; గాంచె నంధుడే !
మీ పూరణ ప్రశస్తంగా ఉన్నది. అభినందనలు.
లోగడ నెన్నొ చిత్రముల లోకుల నబ్బుర పర్చు రీతిలో నాగువు తోడతీసె విఠలార్యుడు పెక్కుగ నొక్క దానిలో జోగియె మంత్రదండమును జూపుచు చేతులు త్రిప్పినంతనే మూగ వచింపఁగన్ జెవిటి మోదముతో వినెఁ గాంచె నంధుఁడే
ఆగముసేయసాగిరిట యాంధ్రుల భాగ్యము కేంద్రపెద్దలేవేగమె యాంధ్రబ్యాంకుగతి వీధికినీడ్చిరి పేరుబోవగానాగక దుష్టచర్యలిట,నాంధ్రులహక్కులనమ్మజూపగామూగవచింపగన్ జెవిటిమోదముతోవినె గాంచెనంధుడే+++++++++++++రావెల పురుషోత్తమరావు
Dhanyavaadaalu guruvaryaa
ఉ: వేగమె నేడు యెల్లరకు వేదిక వాత్సపు ఫేసుబుక్కులై సాగుచు నుండ సర్వమును చప్పున చేరెడు వర్తమానముల్భాగము నయ్యె జీవనము బాధ్యత నోచని కట్టుబాటులన్మూగ వచింపగన్ జెవిటి మోదముతో వినె గాంచె నంధుడేవై. చంద్రశేఖర్
వాత్సపు =whatsapp ఫేసుబుక్కు=face book గా గుర్తించగలరు
మీ పూరణ బాగున్నది. అభినందనలు. 'నేడు + ఎల్లరకు' అన్నపుడు యడాగమం రాదు. "నేడు సర్వులకు/నెల్లరకు" అనండి.
ధన్యవాదములు
సాగగ బ్రతుకు ప్రయాణమువేగమెచని బధిరులబడి పేర్మిని నేర్వన్భాగస్వామికి సంఙ్ఞలమూగవచింపగ జెవిటియె మోదమున వినెన్ఆగని శాస్త్రవేత్తల శ్రమంబది మార్చుచు వైద్యరీతులన్లోగడ లేనివెన్నొ యపురూపపు సాధనముల్ సృజింపగావేగమమర్చగా కనుల వీనుల కంఠములందు యంత్రముల్మూగ వచింపగన్ జెవిటి మోదముతోవినె గాంచెనంధుడే
భాగవతోత్తముల్ దమదు భావమునందున నిల్పికృష్ణునిన్మాగతి నీవెయే యనుచు మైమరపున్ భజనంబు సేయగామాగిన ప్రేమతత్పరత మన్నన సేయడె తొల్గలోపముల్మూగ వచింపగన్ జెవిటి మోదముతోవినె గాంచెనంధుడే
మీ మూడు పూరణలు ప్రశస్తంగా ఉన్నవి. అభినందనలు.
ధన్యాస్మి గురువర్యా! నమోనమః!🙏🙏🙏🙏
భాగవతుల్ రమాపతిని భావన సేసిరి భూరి భక్తి, నీవే గతియన్చు వేడగను వేగమె మాన్పెను బాధలన్ని, యేరోగము రోదనైన నవరోధము జేయగలేవు నమ్ము మీమూగ వచింపఁగన్ జెవిటి మోదముతో వినెఁ గాంచె నంధుఁడే
సైగలు వేడుక జేయగరాగాలాపనల వోలె రంజిలు రీతిన్యోగమ్ములేకనేమౌమూగ వచింపఁగఁ జెవిటియె మోదమున వినెన్
రాగలకాలమ్మందునకాగల మాఱుపు కమనీయ కన్విందులివేబాగుగ గమనించ వలెనుమూగ వచింపఁగఁ జెవిటియె మోదమున వినున్
రెండే పాదములో వుండాల్సిన మార్పు
మీ రెండు పూరణలు బాగున్నవి. అభినందనలు.
క్రొవ్విడి వెంకట రాజారావు: బాగుగ వేంకటేశ్వరుని పాదములంటుచు భక్తి భావమున్ సాగుచు నిత్య ప్రార్థనల సంస్తుతి జేయు కురూపు రూపులన్ వేగమె మారె చిత్రముగ వెన్నుని నచ్చపు నక్కసమ్మునన్ మూగ వచింపఁగన్ జెవిటి మోదముతో వినెఁ గాంచె నంధుఁడే1
సైగయె నోటి పలుకవగవేగమె గమనించు చూపె వీనుగ నుండన్కాగలదీగతి నిజముగ“మూగ వచింపఁగఁ జెవిటియె మోదమున వినెన్”
ఆగమ వినుతుండగు హరినా గరుడ గమను ననంతు నభ్యర్చింపన్యాగ ఫలంబుగ నత్తరిమూగ వచింపఁగఁ జెవిటియె మోదమున వినెన్
ఆ గమ్యము చూపింపనుమూగ, వచింపఁగఁ జెవిటియె, మోదమున వినెన్దాగిన నుత్సాహముతోవేగిర ముగ నంధుడొకడు వెంబడి చనుచున్!జిలేబి
అనఘా! పాపుల్లార! భువిని మూగ వచింపఁగన్ జెవిటి మోదముతో వినెఁ గాంచె నంధుఁడే! ప్రభువుని దీవెన! రండిటు కొలువుడి మన నాధున్!పరలోకపు తండ్రీవీరిని గాచుముఆమెన్జిలేబి
భోగములందుపారమునుమోహమునన్ దుదిగాంచియంత్యమందాగమునైతినంచునొకదాంతునితాంతుప్రశాంతుడౌమహాభాగునిపాదపద్మములబట్టిగతాఘములూడ్చిసాధనన్*“మూగ వచింపఁగన్ జెవిటి మోదముతో వినెఁ గాంచె నంధుఁడే”*
మీ పూరణ మనోహరంగా ఉన్నది. అభినందనలు.
రాగమువీడిమాధవునిప్రాంజలిజేసిమహావిరాగియైయోగముజేయుచున్ ప్రభుని యోగివిరాట్టుకృపావిశేషతన్భాగవతుండునయ్యెభవబంధమునూడ్చెవిముక్తిభుక్తియౌ*“మూగ వచింపఁగన్ జెవిటి మోదముతో వినెఁ గాంచె నంధుఁడే”*
సాగెనుమూకపంచశతిసాగరధారగఁబల్కనెవ్వరో?సాగిలిజెవ్వినన్బలుకశైలపుమల్లనయేమిజేసెనో?సాగుచువిశ్వరూపమునుచక్కగజూడగఁగన్నులివ్వగన్మూగ వచింపఁగన్ ,జెవిటి మోదముతో వినెఁ గాంచె నంధుఁడేకొరుప్రోలు రాధాకృష్ణరావు
రోగినివెజ్జుమార్చెనునిరోగిగవైద్యవిభూతిఛాయలోభోగములందివచ్చిననుమోహమడంచకరిక్తపథ్యమందాగమునయ్యెనంగమువదాన్యుడొసంగినసాధనంబుతోమూగవచింపఁగన్జెవిటిమోదముతోవినెఁగాంచెనంధుఁడే
(కురుక్షేత్ర యుధ్ధములో 9 వ రోజు భీష్ముని ప్రతాపము మిన్నంటిన సందర్భము)సాగర పత్ని పుత్రుడును సామ్యముజేసిన వీర యోధుడున్వేగపు బాణ ఘాతముల వేడిననర్జును ముంచె, కోపమున్వేగిన పాండు సేన తమ వీసర మర్చియు తల్లడిల్లగామూగ వచింపఁగన్ జెవిటి మోదముతో వినెఁ గాంచె నంధుఁడే”...భారతీనాథ్ చెన్నంశెట్టి...( సామ్యము= ప్రతిజ్ఞవీసర= లోపము)
రాగవిరక్తిసంగతనిరంతరభక్తిని శ్రీశుఁ గొల్వగామూగిన యాపదల్ దొలగి మోదముఁ గల్గి సుఖమ్ములబ్బవే!రాగనిమజ్జితాంధ్యధృతరాష్ట్రడె సాక్ష్యము, తత్కృపాప్తితో మూగ వచింపఁగన్ జెవిటి మోదముతో వినెఁ గాంచె నంధుఁడే.కంజర్ల రామాచార్య
మీ పూరణ అద్భుతంగా ఉన్నది. అభినందనలు.
మ్రోగగ కృష్ణుని వేణువుసాగరమంతయు నెగిసెను సంతోషముతోరాగముతో శరణ మనగమూగ వచింపఁగఁ జెవిటియె మోదమున వినెన్
ఏ గతి గద్దెనెక్కిరిది యెంతటి దుష్పరిపాలనమ్మహాఆగము జేసిరాంధ్రులను అన్నిట ద్రోహము సల్పుచుందగాహా గమనింప నద్భుతమెగా మన నేతల హావభావముల్మూగ వచింపఁగన్ జెవిటి మోదముతో వినెఁ గాంచె నంధుఁడే
బాగుగఁ జెవి దూదిని నిడి దాఁ గడపుచు నుండు భర్త తఱచు దినములన్ వేగ మొకనాఁడు శ్రీమతి మూఁగ వచింపఁగఁ జెవిటియె మోదమున వినెన్ [1. మూఁగ = మూఁగఁగ; 2. మూఁగ = హంస; 1. శ్రీమతి మూఁగఁగఁ జెప్పుటకు; 2. శ్రీమతి యను హంస వచింపఁగ] ఈ గతి వింత లారయ మహీతల మందు నసంభవంబు నా వాఁగెడు భక్తి హీనులకు భంగము గాఁగ నిజోగ్ర దర్పమే సాగరకన్యకుం బతిని శ్రద్ధగ భక్తినిఁ గొల్చి నంతనే మూఁగ వచింపఁగం జెవిటి మోదముతో వినెఁ గాంచె నంధుఁడే
రోగనిదానమివ్వుడని, రోజుకు రోజుకు దైవప్రార్ధనల్యాగక జేయుచున్ బ్రజలె ,యాతృతదగ్గెడు ప్రశ్నవేయగాపాగలుగాళ్ళువీరనుచు,ఫక్కుననవ్విరదేమిచోద్యమోమూగ వచింపగన్ జెవిటి ,మోదముతోవినె, గాంచెనంధుడే++++++++++++++++++++రావెల పురుషోత్తమరావు
త్రాగుచునూగగాజనులు,ధన్యతజెందిరినేతలందరున్వేగమె రామరాజ్యమని,వేలును లక్షలె వోట్లువేయగాసాగకనాగిపోయెగద సర్వులుశాంతినిగోలుపోవగామూగ వచింపగన్ జెవిటి ,మోదముతోవినె, గాంచెనంధుడే++++++++++++++++++++రావెల పురుషోత్తమరావు
ఆగమ వినుతుని దయచేసైగల గమనించి చాకచక్యము తోడన్రాగాలాపన లన్నియు*మూగ వచింపఁగఁ, జెవిటియె మోదమున వినెన్*భాగవతామృతమ్మునిటు వారము రోజులు శ్రద్ధగా వినన్రాగము తోడ పాటనిట రక్తియు కల్గెడి రీతిపా డగన్గోగణ సేవితుం డగుచు గోత్రము నెత్తిన శ్రీశునచ్చటన్“మూగ వచింపఁగన్, జెవిటి మోదముతో వినెఁ, గాంచె నంధుఁడే”
మ్రోగెను గంటలన్నియును ముద్దుగ దేవళ మందునన్ న్నెదోరాగము తాళముల్ వినగ రమ్యత గోచరమవ్వగా మదిన్వేగమె జెప్పవట్టె కడు వింతగ సైగలతోడను ముద్దు ముద్దుగామూగ వచింపఁగన్ జెవిటి మోదముతో వినెఁ గాంచె నంధుఁడే!!
సైగల జేయుచున్ తన వి చారము దెల్పె నొకండు చూడగన్,వేగముతో చరించ నట వీనుల నిల్పెను వైనమందుచున్,రాగ సుధా రసాంచిత ప రాగము లద్దిన భావ మందిలన్ -మూగ వచింపఁగన్; జెవిటి మోదముతో వినెఁ; గాంచె నంధుఁడే!
సమస్య - 363010-2-2021 (బుధవారం)ఈరోజు పూరింపవలసిన సమస్య ఇది....“మూగ వచింపఁగన్ జెవిటి మోదముతో వినెఁ గాంచె నంధుఁడే”నా పూరణ :-ఉ.యోగసునిష్ఠితాస్వనితయోజితమాధవభక్తిగల్గుచున్భోగవిహీనకర్మ పరిపూర్తవిరక్తసుభావబంధులైభాగవతోత్తముల్ కనగ భాగ్యమునొందుచు మారగానిటన్“మూగ వచింపఁగన్ జెవిటి మోదముతో వినెఁ గాంచె నంధుఁడే”ఆస్వనితము = చిత్తము(మూకం కరోతి వాచాలం పంగుం లంఘయతే గిరిమ్ ,యత్కృపా తమహం వందేపరమానందమాధవమ్ శ్లోకభావ ప్రేరణతో)🙏🙏🙏🙏🙏🙏✍️ కొరిడె విశ్వనాథ శర్మ.
రిప్లయితొలగించండిమైలవరపు వారి పూరణ
ఈ గతి మాకు వచ్చుటకునెట్టిదొ దోసము జేసియుంటిమో!
భోగము కోరియుంటిమొకొ పూర్వపు జన్మమునందు నీశ్వరా!
భోగివిభూష! కావుమని మ్రొక్కగనీశ్వరదివ్యసత్కృపన్
మూగ వచింప గన్ చెవిటి మోదముతో వినె గాంచెనంధుడే!!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండి
రిప్లయితొలగించండి"శ్రీ రాముని దయ చేతను..."
సరదా పూరణ:
"మూకం కరోతి వాచాలం"
మూగుచు చెట్టు క్రిందనహ ముగ్గురు మూర్ఖులు ముత్తుకూరునన్
వేగమె రాగనచ్చటకు వేదపు బ్రాహ్మణ పండితుండయో
త్రాగగ గీతనున్ తనరి తాటిది కల్లును వోలు తృప్తినిన్
మూగ వచింపఁగన్ జెవిటి మోదముతో వినెఁ గాంచె నంధుఁడే...
తొలగించండి* బోలు
తొలగించండి* మూగగ
మీ సరదా పూరణ బాగున్నది. అభినందనలు.
తొలగించండి__/\__
తొలగించండిరాగలయాపదయిదియని
రిప్లయితొలగించండిఆగనియార్తినిమునియునునాడెనునిజమున్
దాగినదౌర్బల్యంబున
మూగవచింపఁగఁజెవిటియెమోదమునవినెన్
మునియనగమాట్లాడనివాఁడు
మీ పూరణ బాగున్నది. అభినందనలు.
తొలగించండిసైగలను పలుకు రాదనె
రిప్లయితొలగించండిమూగ; వచింపఁగఁ జెవిటియె మోదమున వినెన్
భాగవత గాధ , కలిగెను
భోగము భాగ్యము సిరులును బొందెను రమతిన్
...భారతీనాథ్ చెన్నంశెట్టి...
( రమతి... స్వర్గము)
మీ పూరణ బాగున్నది. అభినందనలు.
తొలగించండిరోగిని తాకిన తోడనె
రిప్లయితొలగించండివేగము నయమౌట గనగ వింతగ నుండన్
త్యాగ ధనుడగు ముని వలన
మూగ వచింపగ జెవిటి యె మోదమున వినెన్
మీ పూరణ బాగున్నది. అభినందనలు.
తొలగించండిమూగలు బధిరుల కోసము
రిప్లయితొలగించండిసాగెడు కార్యక్రమమున చదువక వార్తల్
సైగలతో వివరించుచు
మూగ వచింపఁగఁ జెవిటియె మోదమున వినెన్
మీ పూరణ బాగున్నది. అభినందనలు.
తొలగించండికందం
రిప్లయితొలగించండిసాగింప జంట జీవన
రాగము, లోపాల మఱచి రసమయమనఁగన్
సైగలతో ముచ్చట్లను
మూగ వచింపఁగఁ జెవిటియె మోదమున వినెన్
ఉత్పలమాల
మూగ రచించ పాటొకటి ముచ్చటగన్ బధిరుండు పాడఁగా
నూగెను పూలతో లతలు నుత్సుక దృశ్యము గాంచినట్లుగన్
రాగముఁ గల్పి యంధుడట లాసము జేసెను! 'మానసమ్ముతో'
మూగ 'వచింపఁగన్' జెవిటి మోదముతో 'వినెఁ' 'గాంచె' నంధుఁడే!
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా🙏
తొలగించండివేఁగనురిత్తజీవితమువీఁడుముహింసనిమౌనిఁజెప్పగా
రిప్లయితొలగించండిఆగినబుద్ధితోనరుడునాశనువీడకపెట్టడేచెవిన్
తాఁగనెనంధుడున్నెరుకనాత్మనుపారముముట్టెగాతుదిన్
మూగవచింపగన్ఁజెవిటిమోదముతోవినెఁగాంచెనంధుడే
మీ పూరణ బాగున్నది. అభినందనలు.
తొలగించండి'హింస+అని' అన్నపుడు సంధి లేదు, యడాగమం వస్తుంది.
వేడుముహింసనుఅనివ్రాయాలి, తప్పుగావ్రాశాను
తొలగించండిలోగడ విఠలా చార్యుం
రిప్లయితొలగించండిడే గారడి చిత్రమొకటి నివ్విధి తీసెన్
జోగి యొకడు తాకిన తరి
మూగ వచింపఁగ జెవిటియె మోదమున వినెన్.
మీ పూరణ బాగున్నది. అభినందనలు.
తొలగించండినేగంటి ననెగ నంధుడు
రిప్లయితొలగించండిమూగ వచింపఁగఁ, జెవిటియె మోదమున వినెన్
జేగంటలు బలు మ్రోగెను
ఆగక, వైఙ్ఞానిక ప్రభ అనితరము సుమీ!
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఉ.
తొలగించండిభాగవతామృతంబు గొన పాపచయంబులు భస్మమౌట చే
వేగమె షడ్రిపుల్ సమయ, ప్రేమము తోడుత విష్ణుఁ వేడగా
యాగ శతాధికంబుల సమాచర పుణ్యఫలంబు లబ్బి.... యా
మూగ వచింపఁగన్ జెవిటి మోదముతో వినెఁ గాంచె నంధుఁడే.
వేగమె వృద్ధిజెందగను వేదము లందలి వైద్యశాస్త్రముల్
తొలగించండిరోగములెల్ల భీతిలుచు లోకము నందున దూరమయ్యెగా
నీగతి నశ్వినీసురులె యింపగు నింద్రియ దీప్తిగూర్చగన్
మూగ వచింపఁగన్ జెవిటి మోదముతో వినెఁ గాంచె నంధుఁడే.
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిసమస్య :
రిప్లయితొలగించండిమూగ వచింపగన్ జెవిటి
మోదముతో వినె గాంచె నంధుడే
( తన టేబుల్ పైనున్న మూతి , చెవులు , కళ్లు మూసుకున్న వానరత్రయప్రతిమను గురించి మిత్రునికి వివరిస్తున్న గాంధీజీ )
ఆగుము ! మూడు వానరము
లాదర మొప్పగ దెల్పుచుండెనే !
యే గతి నున్న చెడ్డనుడు
లెన్నడు పల్కకు ! నాలకించుటల్
వేగముతోడ మానుమయ !
వెర్రిగ దుష్క్రియ చూడబోకుమా !
మూగ వచింపగన్ ; జెవిటి
మోదముతో వినె ; గాంచె నంధుడే !
మీ పూరణ ప్రశస్తంగా ఉన్నది. అభినందనలు.
తొలగించండిలోగడ నెన్నొ చిత్రముల లోకుల నబ్బుర పర్చు రీతిలో
రిప్లయితొలగించండినాగువు తోడతీసె విఠలార్యుడు పెక్కుగ నొక్క దానిలో
జోగియె మంత్రదండమును జూపుచు చేతులు త్రిప్పినంతనే
మూగ వచింపఁగన్ జెవిటి మోదముతో వినెఁ గాంచె నంధుఁడే
మీ పూరణ బాగున్నది. అభినందనలు.
తొలగించండిఆగముసేయసాగిరిట యాంధ్రుల భాగ్యము కేంద్రపెద్దలే
రిప్లయితొలగించండివేగమె యాంధ్రబ్యాంకుగతి వీధికినీడ్చిరి పేరుబోవగా
నాగక దుష్టచర్యలిట,నాంధ్రులహక్కులనమ్మజూపగా
మూగవచింపగన్ జెవిటిమోదముతోవినె గాంచెనంధుడే
+++++++++++++
రావెల పురుషోత్తమరావు
మీ పూరణ బాగున్నది. అభినందనలు.
తొలగించండిDhanyavaadaalu guruvaryaa
తొలగించండిఉ:
రిప్లయితొలగించండివేగమె నేడు యెల్లరకు వేదిక వాత్సపు ఫేసుబుక్కులై
సాగుచు నుండ సర్వమును చప్పున చేరెడు వర్తమానముల్
భాగము నయ్యె జీవనము బాధ్యత నోచని కట్టుబాటులన్
మూగ వచింపగన్ జెవిటి మోదముతో వినె గాంచె నంధుడే
వై. చంద్రశేఖర్
వాత్సపు =whatsapp
తొలగించండిఫేసుబుక్కు=face book గా గుర్తించగలరు
మీ పూరణ బాగున్నది. అభినందనలు.
తొలగించండి'నేడు + ఎల్లరకు' అన్నపుడు యడాగమం రాదు. "నేడు సర్వులకు/నెల్లరకు" అనండి.
ధన్యవాదములు
తొలగించండిసాగగ బ్రతుకు ప్రయాణము
రిప్లయితొలగించండివేగమెచని బధిరులబడి పేర్మిని నేర్వన్
భాగస్వామికి సంఙ్ఞల
మూగవచింపగ జెవిటియె మోదమున వినెన్
ఆగని శాస్త్రవేత్తల శ్రమంబది మార్చుచు వైద్యరీతులన్
లోగడ లేనివెన్నొ యపురూపపు సాధనముల్ సృజింపగా
వేగమమర్చగా కనుల వీనుల కంఠములందు యంత్రముల్
మూగ వచింపగన్ జెవిటి మోదముతోవినె గాంచెనంధుడే
భాగవతోత్తముల్ దమదు భావమునందున నిల్పి
తొలగించండికృష్ణునిన్
మాగతి నీవెయే యనుచు మైమరపున్ భజనంబు సేయగా
మాగిన ప్రేమతత్పరత మన్నన సేయడె తొల్గలోపముల్
మూగ వచింపగన్ జెవిటి మోదముతోవినె గాంచెనంధుడే
మీ మూడు పూరణలు ప్రశస్తంగా ఉన్నవి. అభినందనలు.
తొలగించండిధన్యాస్మి గురువర్యా! నమోనమః!🙏🙏🙏🙏
తొలగించండిభాగవతుల్ రమాపతిని భావన సేసిరి భూరి భక్తి, నీ
రిప్లయితొలగించండివే గతియన్చు వేడగను వేగమె మాన్పెను బాధలన్ని, యే
రోగము రోదనైన నవరోధము జేయగలేవు నమ్ము మీ
మూగ వచింపఁగన్ జెవిటి మోదముతో వినెఁ గాంచె నంధుఁడే
మీ పూరణ ప్రశస్తంగా ఉన్నది. అభినందనలు.
తొలగించండిసైగలు వేడుక జేయగ
రిప్లయితొలగించండిరాగాలాపనల వోలె రంజిలు రీతిన్
యోగమ్ములేకనేమౌ
మూగ వచింపఁగఁ జెవిటియె మోదమున వినెన్
రాగలకాలమ్మందున
తొలగించండికాగల మాఱుపు కమనీయ కన్విందులివే
బాగుగ గమనించ వలెను
మూగ వచింపఁగఁ జెవిటియె మోదమున వినున్
తొలగించండిరెండే పాదములో వుండాల్సిన
మార్పు
మీ రెండు పూరణలు బాగున్నవి. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిబాగుగ వేంకటేశ్వరుని పాదములంటుచు భక్తి భావమున్
సాగుచు నిత్య ప్రార్థనల సంస్తుతి జేయు కురూపు రూపులన్
వేగమె మారె చిత్రముగ వెన్నుని నచ్చపు నక్కసమ్మునన్
మూగ వచింపఁగన్ జెవిటి మోదముతో వినెఁ గాంచె నంధుఁడే1
మీ పూరణ బాగున్నది. అభినందనలు.
తొలగించండిసైగయె నోటి పలుకవగ
రిప్లయితొలగించండివేగమె గమనించు చూపె వీనుగ నుండన్
కాగలదీగతి నిజముగ
“మూగ వచింపఁగఁ జెవిటియె మోదమున వినెన్”
మీ పూరణ బాగున్నది. అభినందనలు.
తొలగించండిఆగమ వినుతుండగు హరి
రిప్లయితొలగించండినా గరుడ గమను ననంతు నభ్యర్చింపన్
యాగ ఫలంబుగ నత్తరి
మూగ వచింపఁగఁ జెవిటియె మోదమున వినెన్
మీ పూరణ బాగున్నది. అభినందనలు.
తొలగించండి
రిప్లయితొలగించండిఆ గమ్యము చూపింపను
మూగ, వచింపఁగఁ జెవిటియె, మోదమున వినెన్
దాగిన నుత్సాహముతో
వేగిర ముగ నంధుడొకడు వెంబడి చనుచున్!
జిలేబి
మీ పూరణ బాగున్నది. అభినందనలు.
తొలగించండి
రిప్లయితొలగించండిఅనఘా! పాపుల్లార! భు
విని మూగ వచింపఁగన్ జెవిటి మోదముతో
వినెఁ గాంచె నంధుఁడే! ప్రభు
వుని దీవెన! రండిటు కొలువుడి మన నాధున్!
పరలోకపు తండ్రీ
వీరిని గాచుము
ఆమెన్
జిలేబి
మీ పూరణ ప్రశస్తంగా ఉన్నది. అభినందనలు.
తొలగించండిభోగములందుపారమునుమోహమునన్ దుదిగాంచియంత్యమం
రిప్లయితొలగించండిదాగమునైతినంచునొకదాంతునితాంతుప్రశాంతుడౌమహా
భాగునిపాదపద్మములబట్టిగతాఘములూడ్చిసాధనన్
*“మూగ వచింపఁగన్ జెవిటి మోదముతో వినెఁ గాంచె నంధుఁడే”*
మీ పూరణ మనోహరంగా ఉన్నది. అభినందనలు.
తొలగించండిరాగమువీడిమాధవునిప్రాంజలిజేసిమహావిరాగియై
రిప్లయితొలగించండియోగముజేయుచున్ ప్రభుని యోగివిరాట్టుకృపావిశేషతన్
భాగవతుండునయ్యెభవబంధమునూడ్చెవిముక్తిభుక్తియౌ
*“మూగ వచింపఁగన్ జెవిటి మోదముతో వినెఁ గాంచె నంధుఁడే”*
మీ పూరణ ప్రశస్తంగా ఉన్నది. అభినందనలు.
తొలగించండిసాగెనుమూకపంచశతిసాగరధారగఁబల్కనెవ్వ
రిప్లయితొలగించండిరో?
సాగిలిజెవ్వినన్బలుకశైలపుమల్లనయేమిజేసెనో?
సాగుచువిశ్వరూపమునుచక్కగజూడగఁగన్నులివ్వగన్
మూగ వచింపఁగన్ ,జెవిటి మోదముతో వినెఁ గాంచె నంధుఁడే
కొరుప్రోలు రాధాకృష్ణరావు
మీ పూరణ ప్రశస్తంగా ఉన్నది. అభినందనలు.
తొలగించండిరోగినివెజ్జుమార్చెనునిరోగిగవైద్యవిభూతిఛాయలో
రిప్లయితొలగించండిభోగములందివచ్చిననుమోహమడంచకరిక్తపథ్యమం
దాగమునయ్యెనంగమువదాన్యుడొసంగినసాధనంబుతో
మూగవచింపఁగన్జెవిటిమోదముతోవినెఁగాంచెనంధుఁడే
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండి(కురుక్షేత్ర యుధ్ధములో 9 వ రోజు భీష్ముని ప్రతాపము మిన్నంటిన సందర్భము)
రిప్లయితొలగించండిసాగర పత్ని పుత్రుడును సామ్యముజేసిన వీర యోధుడున్
వేగపు బాణ ఘాతముల వేడిననర్జును ముంచె, కోపము
న్వేగిన పాండు సేన తమ వీసర మర్చియు తల్లడిల్లగా
మూగ వచింపఁగన్ జెవిటి మోదముతో వినెఁ గాంచె నంధుఁడే”
...భారతీనాథ్ చెన్నంశెట్టి...
( సామ్యము= ప్రతిజ్ఞ
వీసర= లోపము)
మీ పూరణ బాగున్నది. అభినందనలు.
తొలగించండిరాగవిరక్తిసంగతనిరంతరభక్తిని శ్రీశుఁ గొల్వగా
రిప్లయితొలగించండిమూగిన యాపదల్ దొలగి మోదముఁ గల్గి సుఖమ్ములబ్బవే!
రాగనిమజ్జితాంధ్యధృతరాష్ట్రడె సాక్ష్యము, తత్కృపాప్తితో
మూగ వచింపఁగన్ జెవిటి మోదముతో వినెఁ గాంచె నంధుఁడే.
కంజర్ల రామాచార్య
మీ పూరణ అద్భుతంగా ఉన్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిమ్రోగగ కృష్ణుని వేణువు
రిప్లయితొలగించండిసాగరమంతయు నెగిసెను సంతోషముతో
రాగముతో శరణ మనగ
మూగ వచింపఁగఁ జెవిటియె మోదమున వినెన్
మీ పూరణ బాగున్నది. అభినందనలు.
తొలగించండిఏ గతి గద్దెనెక్కిరిది యెంతటి దుష్పరిపాలనమ్మహా
రిప్లయితొలగించండిఆగము జేసిరాంధ్రులను అన్నిట ద్రోహము సల్పుచుందగా
హా గమనింప నద్భుతమెగా మన నేతల హావభావముల్
మూగ వచింపఁగన్ జెవిటి మోదముతో వినెఁ గాంచె నంధుఁడే
బాగుగఁ జెవి దూదిని నిడి
రిప్లయితొలగించండిదాఁ గడపుచు నుండు భర్త తఱచు దినములన్
వేగ మొకనాఁడు శ్రీమతి
మూఁగ వచింపఁగఁ జెవిటియె మోదమున వినెన్
[1. మూఁగ = మూఁగఁగ; 2. మూఁగ = హంస; 1. శ్రీమతి మూఁగఁగఁ జెప్పుటకు; 2. శ్రీమతి యను హంస వచింపఁగ]
ఈ గతి వింత లారయ మహీతల మందు నసంభవంబు నా
వాఁగెడు భక్తి హీనులకు భంగము గాఁగ నిజోగ్ర దర్పమే
సాగరకన్యకుం బతిని శ్రద్ధగ భక్తినిఁ గొల్చి నంతనే
మూఁగ వచింపఁగం జెవిటి మోదముతో వినెఁ గాంచె నంధుఁడే
రోగనిదానమివ్వుడని, రోజుకు రోజుకు దైవప్రార్ధనల్
రిప్లయితొలగించండియాగక జేయుచున్ బ్రజలె ,యాతృతదగ్గెడు ప్రశ్నవేయగా
పాగలుగాళ్ళువీరనుచు,ఫక్కుననవ్విరదేమిచోద్యమో
మూగ వచింపగన్ జెవిటి ,మోదముతోవినె, గాంచెనంధుడే
++++++++++++++++++++
రావెల పురుషోత్తమరావు
త్రాగుచునూగగాజనులు,ధన్యతజెందిరినేతలందరున్
రిప్లయితొలగించండివేగమె రామరాజ్యమని,వేలును లక్షలె వోట్లువేయగా
సాగకనాగిపోయెగద సర్వులుశాంతినిగోలుపోవగా
మూగ వచింపగన్ జెవిటి ,మోదముతోవినె, గాంచెనంధుడే
++++++++++++++++++++
రావెల పురుషోత్తమరావు
ఆగమ వినుతుని దయచే
రిప్లయితొలగించండిసైగల గమనించి చాకచక్యము తోడన్
రాగాలాపన లన్నియు
*మూగ వచింపఁగఁ, జెవిటియె మోదమున వినెన్*
భాగవతామృతమ్మునిటు వారము రోజులు శ్రద్ధగా వినన్
రాగము తోడ పాటనిట రక్తియు కల్గెడి రీతిపా డగన్
గోగణ సేవితుం డగుచు గోత్రము నెత్తిన శ్రీశునచ్చటన్
“మూగ వచింపఁగన్, జెవిటి మోదముతో వినెఁ, గాంచె నంధుఁడే”
మ్రోగెను గంటలన్నియును ముద్దుగ దేవళ మందునన్ న్నెదో
రిప్లయితొలగించండిరాగము తాళముల్ వినగ రమ్యత గోచరమవ్వగా మదిన్
వేగమె జెప్పవట్టె కడు వింతగ సైగలతోడను ముద్దు ముద్దుగా
మూగ వచింపఁగన్ జెవిటి మోదముతో వినెఁ గాంచె నంధుఁడే!!
రిప్లయితొలగించండిసైగల జేయుచున్ తన వి
చారము దెల్పె నొకండు చూడగన్,
వేగముతో చరించ నట
వీనుల నిల్పెను వైనమందుచున్,
రాగ సుధా రసాంచిత ప
రాగము లద్దిన భావ మందిలన్ -
మూగ వచింపఁగన్; జెవిటి మోదముతో వినెఁ; గాంచె నంధుఁడే!
సమస్య - 3630
రిప్లయితొలగించండి10-2-2021 (బుధవారం)
ఈరోజు పూరింపవలసిన సమస్య ఇది....
“మూగ వచింపఁగన్ జెవిటి మోదముతో వినెఁ గాంచె నంధుఁడే”
నా పూరణ :-
ఉ.
యోగసునిష్ఠితాస్వనితయోజితమాధవభక్తిగల్గుచున్
భోగవిహీనకర్మ పరిపూర్తవిరక్తసుభావబంధులై
భాగవతోత్తముల్ కనగ భాగ్యమునొందుచు మారగానిటన్
“మూగ వచింపఁగన్ జెవిటి మోదముతో వినెఁ గాంచె నంధుఁడే”
ఆస్వనితము = చిత్తము
(మూకం కరోతి వాచాలం
పంగుం లంఘయతే గిరిమ్ ,
యత్కృపా తమహం వందే
పరమానందమాధవమ్
శ్లోకభావ ప్రేరణతో)
🙏🙏🙏🙏🙏🙏
✍️ కొరిడె విశ్వనాథ శర్మ.