24-8-2021 (మంగళవారం)
కవిమిత్రులారా,
ఈరోజు పూరింపవలసిన సమస్య ఇది...
“వికృత రూపముల్ గలవారు విధుఁడు మరుఁడు”
(లేదా...)
“మిగుల వికార రూపులని మెచ్చరు కంతు జయంతుఁ జంద్రునిన్”
కవిమిత్రులారా,
ఈరోజు పూరింపవలసిన సమస్య ఇది...
“వికృత రూపముల్ గలవారు విధుఁడు మరుఁడు”
(లేదా...)
“మిగుల వికార రూపులని మెచ్చరు కంతు జయంతుఁ జంద్రునిన్”
బ్రహ్మ సృష్టిని యసురులు రాక్షసులును
రిప్లయితొలగించండివికృత రూపముల్ గలవారు; విధుఁడు మరుఁడు,
పెరిగి తరుగుచు కవులనోటరిగి వెలుగు,
వలపు నెరపెడు దేవుడు, వరుస గాను.
మీ పూరణ బాగున్నది. అభినందనలు.
తొలగించండి"సృష్టిని నసురులు... దేవులు వరుసగాను" అనండి.
'నోటరిగి'?
నోట+ అరిగి=నోటరిగి
తొలగించండివేల సంవత్సరాల నుండి కవులు చంద్రుని వర్ణించగా వర్ణించగా వారి నోళ్ళలో కూడా అరుగుదల చెందాడని చెప్ప ప్రయత్నించాను గురువుగారు! ఏదైనా ఎక్కువగా వాడితే అరిగి పోతుంది కదా అని అతిశయోక్తి గాల వుంటుందని అకున్నానండీ!
ఇలా మార్పు చేసాను గురువు గారు!
బ్రహ్మ సృష్టిని నసురులు రాక్షసులును
వికృత రూపముల్ గలవారు; విధుఁడు మరుఁడు,
పెరిగి తరుగుచు నింగిని వెలుగు వాడు,
వలపు నెరపెడు దేవుడు, వరుస గాను.
రిప్లయితొలగించండితనదు గర్భముం బుట్టిన తనయు లనుచు
స్తన్యమిచ్చుచు బెంచెడి తన్వికెపుడు
సుందరులుగానె కనిపింత్రు, సూషణ కిల
వికృత రూపముల్ గలవారు విధుఁడు మరుఁడు.
మీ పూరణ బాగున్నది. అభినందనలు.
తొలగించండిపొగులగనేల కుబ్జలటు పొల్పుగనెంతటి మేలొనర్చినన్
రిప్లయితొలగించండిమిగుల వికార రూపులని మెచ్చరు; కంతు జయంతుఁ జంద్రునిన్
పొగడెదరందరందమున బోల్చగ వారల సాటి లేరనిన్
జగతిని బాహ్యరూపమె ప్రశస్తముగా గణియింతురక్కటా
మీ పూరణ బాగున్నది. అభినందనలు.
తొలగించండి'అనిన్' అన్న ప్రయోగం సాధువు కాదు.
చందమామకుమచ్చయచాలచేటు
రిప్లయితొలగించండిమనసుమాయకులొంగునుమరునివలన
మనిషిమటుమాయమౌనుగామర్మమరయ
వికృతరూపముల్గలవారువిధుడుమరుడు
మీ పూరణ బాగున్నది. అభినందనలు.
తొలగించండిసమస్య :
రిప్లయితొలగించండిమిగుల వికారరూపులని
మెచ్చరు కంతు జయంతు జంద్రునిన్
( ప్రసన్నవదనులు , దరహాసవదనులు
అందరకు ఆదరపాత్రులవుతారు )
చంపకమాల
------------
మొగముల శాంతహాసముల
ముచ్చటలొల్కగ నింపుకోవలెన్ ;
సెగల మొగాలవారలను
" చీ " యనుచున్ గలి రాహు కేతులన్
మిగుల వికారరూపులని
మెచ్చరు ; కంతు జయంతు జంద్రునిన్
మొగపు బ్రసన్నతన్ నగవు
ముందుగ గాంచుచు మెచ్చు లోకమే .
మీ పూరణ ప్రశస్తంగా ఉన్నది. అభినందనలు.
తొలగించండిమగువలు యందకత్తెలును మాన
రిప్లయితొలగించండిసమందున రూప హీనులన్
మిగుల వికార రూపులని మెచ్చరు,
కంతు జయంతు చంద్రులన్
సుగుణ విశాలకాయులను సుందర
రూపు గలట్టి వారలన్
జగమున మెచ్చుచుందురతి జవ్వను
లందరు పాడియేగదా
మీ పూరణ ప్రశస్తంగా ఉన్నది. అభినందనలు.
తొలగించండి"మగువలు నందకత్తెలును..." అనండి.
క్రమాలంకారంలో --
రిప్లయితొలగించండిఎట్టి రూపాలు దైత్యుల కిమిడి యుండు?
పెరిగి తరుగుచు నుండెడి వేల్ప దెవరు?
మనుజు లందున బుట్టించు మరుల దెవరు?
వికృత రూపముల్ గలవారు : విధుడు : మరుడు
మీ పూరణ బాగున్నది. అభినందనలు.
తొలగించండి"వేల్పెవండు... మరుల నెవరు" అనండి.
రిప్లయితొలగించండిమగువల యూహలందునొక మర్త్యుని రూపము నిల్పుకొన్నచో
మిగిలిన పూరుషాళి గన మింకిరిపుట్టును వాస్తవమ్మిదే
జగతిని సుందరుం డ్రనుచు జాతి నుతించిన నేమి వారలన్
మిగుల వికారరూపులని మెచ్చరు కంతు జయంతుఁ జంద్రునిన్.
మీ పూరణ బాగున్నది. అభినందనలు.
తొలగించండిచం:
రిప్లయితొలగించండిఅగుపడ కుండు నా మరుడు నంతము నొందగ శంభు శాపమున్
దిగబడు చందురుండు, నట దీరగ శాపము, కృష్ణ పక్షమున్
జగ మెరుగంగ నివ్విధిని సారము సర్వ మెఱుంగు వారలై
మిగుల వికార రూపులని మెచ్చరు కంతు జయంతు చంద్రునిన్
వై. చంద్రశేఖర్
మీ పూరణ బాగున్నది. అభినందనలు.
తొలగించండిధన్యవాదములు
తొలగించండివిగళితమానసాకరులువేగమచూపగవిచ్చుకత్తులన్
రిప్లయితొలగించండిఖగపతివాహనుండునటగానడుచూడగధామమందునన్
తగవదిలేదువారికినితాండవమాడగరంగభూమిలో
మిగులవికారరూపులనిమెచ్చరుకంతుజయంతుచంద్రునిన్
మీ పూరణ బాగున్నది. అభినందనలు.
తొలగించండిమరులు గూర్చును మారుని విరిశరంబు
రిప్లయితొలగించండివిరహమునుపెంపు జేయును విధుని హేల
ఒకఁడనంగుఁడు క్షీణించు నొకఁడు గాన
వికృత రూపముల్ గలవారు విధుఁడు మరుఁడు
మీ పూరణ బాగున్నది. అభినందనలు.
తొలగించండిపున్న మివెలుగు నిడిగాని , పూల శరము
రిప్లయితొలగించండివదలి గాని , గామమొసగు వారలయ్యు
క్షయము నొందొకండు ,మరి నకాయుడొకడు
వికృత రూపముల్ గలవారు విధుఁడు మరుఁడు
మీ పూరణ బాగున్నది. అభినందనలు.
తొలగించండిసృజన సహజమగు విధాత సృష్టి లోన
రిప్లయితొలగించండికలరు కలరోయి నతిభయంకర వికార
వికృత రూపముల్ గలవారు; విధుఁడు మరుఁడు
లోకమలరించు సుందర రూపు వారు
మీ పూరణ బాగున్నది. అభినందనలు.
తొలగించండిఅంతులేనివికృతచెష్ట పంతమైయ్యె
రిప్లయితొలగించండికామవాంచలుకలిగించు కరుణలేక
అందమునెలనయ్యదిమచ్చ చందమేంది
వికృతరూపుల్ గలవారు విధుడు మరుడు
...తోకల...
పగలును రేయిమానవులు పైమెరుగుల్గని మోసపోదురే!
రిప్లయితొలగించండివగలనురేపు మన్మథుడు వాడి శరంబులవా డనంగుడే
సెగలను పెంపుజేయు శశి క్షీణశరీరుడుకాదె? కోవిదుల్
మిగుల వికార రూపులని మెచ్చరు కంతు జయంతుఁ జంద్రునిన్
తగిలిన వాడె మారుడనిఁ దల్చి మనమ్మున వాని తోడుతన్
రిప్లయితొలగించండిమగువలు మున్గి ప్రేమమున మక్కువఁ జూపుచు నుందు రెప్పు, డీ
జగతినిఁ దాను మున్గినది జాహ్నవి యంచు విరాళిఁ బంచుచున్
మిగుల వికార రూపులని మెచ్చరు కంతు జయంతుఁ జంద్రునిన్
తేటగీతి
రిప్లయితొలగించండిక్రోథమెగయగ నరసింహ రూపమందుఁ
జెండె నా త్రిజగన్మోహనుండు దైత్యు,
నసుర మూకల దునుమాడు యవసరమున
వికృత రూపముల్ గలవారు విధుఁడు మరుఁడు
చంపకమాల
రగిలిన వైరభావమున రాక్షసుజంపె నృసింహరూపుడై
సొగసరి విష్ణుమూర్తి! యది చోద్యమె క్రోథము జూపువేళలన్?
జగమున దుష్టులన్ దునుమ సాగుచు మోమున క్రౌర్యమద్దినన్
మిగుల వికార రూపులని మెచ్చరు కంతు జయంతుఁ జంద్రునిన్
చంపకమాల
తొలగించండిమొగమున నగ్గికన్నుఁ గన పుఱ్ఱెలు మాలగ నాగ భూషలున్
దిగువన భస్మమున్ దనువుఁ దీర్చిన శూలి దిగంబరుండనన్
నగజను గాంచి తల్లి, యనె "నాదగు దృష్టి శుభంకరున్ గనన్
మిగుల వికార రూపులని మెచ్చరు కంతు జయంతుఁ జంద్రునిన్"
నగవులు జిందెడిన్ ముఖము నల్లనిమేనున మౌక్తికావళిన్
రిప్లయితొలగించండిసొగసుగ కేకిపింఛమును జొప్పిన శీర్షము సోగకన్నులన్
సగుణపు బ్రహ్మతత్త్వమగు శౌరిని దల్చెడి గోపికాంగనల్
మిగుల వికార రూపులని మెచ్చరు కంతుజయంతు జంద్రునిన్
విగుణములన్నవే గనని వీరుడు సత్యపరాక్రముండు
తొలగించండిమౌ
నిగణ మనంబులన్ వెలుగు నిత్యుడు దైత్యవిరోధి
పాలనన్
జగదభిరాముడై దనరు జానకినాథుని గాంచినంతనే
మిగుల వికార రూపులని మెచ్చరు కంతు జయంతు
జంద్రునిన్
మొదటి పద్యమున
తొలగించండినగవులుజిందు నెమ్మొగముగా చదువ ప్రార్ధన!
ఈ కామెంట్‌ను రచయిత తీసివేశారు.
రిప్లయితొలగించండిరాహుకేతువు లిరువురు రహినిజూడ
రిప్లయితొలగించండివికృత రూపముల్ గలవారు ,విధుడు మరుడు
వారి వారల వృత్తుల నారితేరి
జగము నందున బ్రఖ్యాతులగుట వినమె?
జగతిని రాహుకేతువుల చందము జూడగ దానవాంశమై
రిప్లయితొలగించండిమిగులవికార రూపులని మెచ్చరు,కంతుజయంతు చంద్రునిన్
మగువలు మెచ్చుకొందురిల మాన్యులునందపురాసులంచు,రే
బగలును వారినెప్పుడును భామల మానసచోరులౌటనే
తలపనొకనికి మచ్చలె తనువునిండ
రిప్లయితొలగించండితనువు లేకనె తిరుగును దానొకండు
వికృత రూపముల్ గలవారు విధుఁడు మరుఁడు
ననుచు మధుపాన మత్తుఁడొకండు పలికె
మచ్చ యొక్కని కుండంగ మధ్య మందుఁ
రిప్లయితొలగించండిగాయ మక్కట కరువయ్యెఁ గంతునకును
వింత వారి గణించిన వెఱ్ఱితనమె
వికృత రూపముల్ గలవారు విధుఁడు మరుఁడు
ధగ ధగ కాంతు లీను నిజ దర్శన సుందర భర్మ వర్ణ దే
హి గురు విధేయు శక్ర జలధీశ యమానల బృంద సన్ను తే
ద్ధ గుణ గణాఢ్య పూరుషునిఁ దన్నిష ధేశు నలాఖ్యుఁ గాంచినన్
మిగుల వికార రూపులని మెచ్చరు కంతు జయంతుఁ జంద్రునిన్
చం:
రిప్లయితొలగించండినిగమములందు వర్ణితము నీదగు జోక మనోహరమ్ము నై
నగముల నేలు దైవముగ నాకము జేర్తు వటంచు భక్తితో
తెగ గొరికెల్ల బంధములు తేరగ నీకృప నొందు వారలై
మిగుల వికార రూపులని మెచ్చరు కంతు జయంతు చంద్రునిన్
జోక=ఆకారము
తెగ గొరుకు=త్రుంచు
వై. చంద్రశేఖర్
గొరికెల్ల / దునుమాడి గా మార్చడమైనది.
తొలగించండిశంకరయ్య గారు మెచ్చరు కంతుజయంతుచంద్రునిన్ అన్న ప్రయోగం చిత్రంగా ఉంది. మెచ్ఛరు కంతజయంతచంద్రులన్ అంటే మరింత బాగుంటుందేమో యోచించండి.
రిప్లయితొలగించండి