7-8-2021 (శనివారం) కవిమిత్రులారా, ఈరోజు పూరింపవలసిన సమస్య ఇది... “జమునఁ జూడ విజయ శాంతి దక్కె” (లేదా...) “జముననుఁ జూడఁగా విజయ శాంతి లభించె జయప్రదమ్ముగన్” (పెక్కు అవధానాలలో అడిగిన సమస్య)
సమయము మించి పోయినది సావధి నింటనె నెమ్మదించుచున్ భ్రమగొన లేక నింక మరి భారమటంచు కరోన తీవ్రతన్ తమదగు పూరణమ్ము గని తాండవ మాడె మనస్సు నూహలన్ జమునను జూడగా విజయ శాంతి లభించె జయప్రదమ్ముగన్
ప్రమదల నాటి చిత్రముల ప్రాకటమెవ్వరి ప్రజ్ఞ జూడగా రమణి తనెవ్వరో మలి తరంబున దక్కెను చిత్రసీమకున్ తమ తమ పేర్లలో "జయ"ను దాకొలుపంగనికెట్లు సాగెనో జముననుఁ జూడఁగా; విజయ శాంతి లభించె; జయప్రదమ్ముగన్
కురుక్షేత్రం లో శ్రీకృష్ణపరమాత్మ అర్జునునితో..
రిప్లయితొలగించండిఆటవెలది
మోహమందుజిక్కి పోరువీడెదనంటె
గీత వినియు పార్థ! చేతనఁ గొని
కదనమున కురికెడు కర్తవ్యమున ముఖా
బ్జమునఁ జూడ విజయ! శాంతి దక్కె
ఈ కామెంట్‌ను రచయిత తీసివేశారు.
తొలగించండిచంపకమాల
తొలగించండిసమరము సేయలేననుచు ఛాపము వీడెద నంటె ఫల్గుణా!
శమనము గూర్చి మోహమును చాటుకు బంపెడు గీత బోధతో
కుమతుల కౌరవాధములఁ గూల్చు కుతూహలమొప్పు నీ ముఖా
బ్జముననుఁ జూడఁగా విజయ! శాంతి లభించె జయప్రదమ్ముగన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా!🙏
తొలగించండిచలన చిత్ర మందు చక్కని నాయకి
రిప్లయితొలగించండిజమున జూడ విజయ శాంతి దక్కె
ననుచు దర్శకుడనె నానంద మందుచు
పత్రిక లకు దెల్పె భాగ్య మనుచు
మీ పూరణ బాగున్నది. అభినందనలు.
తొలగించండిచిన్న తాత గోరు చిత్రమ్ము మూగమ
రిప్లయితొలగించండినసులు; మనుమడలిగి నసుగ గాంచి
నారు కలిసి వారు నాడు కర్తవ్యము
జమునఁ జూడ విజయ శాంతి దక్కె
మీ పూరణ బాగున్నది. అభినందనలు.
తొలగించండినిందమోపి తనను నేతయె నిలదీయ
రిప్లయితొలగించండిపదవి వదలితాను ప్రతిన బూని
తనకు మారు నిలుప దనభార్య యైనట్టి
జమునఁ జూడ విజయ శాంతి దక్కె.
మీ పూరణ బాగున్నది. అభినందనలు.
తొలగించండిసమస్య :
రిప్లయితొలగించండిజమునను జూడగా విజయ
శాంతి లభించె జయప్రదమ్ముగన్
( కాళియమర్దనం చేసి జమునలో జలకాలుష్యాన్ని
పోగొట్టిన కన్నయ్యను కౌగిలించుకొని యశోదమ్మ
తన చెలికత్తె విజయతో అంటున్నది )
ప్రమదము మిన్ను ముట్టె మన
పౌరుల గోవుల బక్షులందునన్ ;
సమదుడు కాళియుండు తన
సంతును భార్యలు వెంటనంటగా
గుములుచు సాగరంబునకు
గుంపుగ నేగెను బుద్ధిమంతుడై ;
జమునను జూడగా విజయ !
శాంతి లభించె జయప్రదమ్ముగన్ .
( జమున - యమున )
మీ పూరణ ప్రశస్తంగా ఉన్నది. అభినందనలు.
తొలగించండిమనసునెమ్మదుండుమార్గంబుగనరాక
రిప్లయితొలగించండితరలివెళ్లినానుదారివెదకి
పుణ్యమరసిబుద్దిపూర్ణంబుదెలిసితి
జమునణజూడవిజయశాంతిదక్కె
మీ పూరణ బాగున్నది. అభినందనలు.
తొలగించండి
రిప్లయితొలగించండిశాంతి గోరినాడు సమరము వలదన్న
కాలుదువ్వనేమి కయ్యమునకు
వారధర్మ పరులు పాపులెడల బల
జమున జూడ విజయ, శాంతి దక్కె.
మీ పూరణ బాగున్నది. అభినందనలు.
తొలగించండి'బలజమున'?
రిప్లయితొలగించండికుమతులధర్మవర్తనులు క్రూరులశాంతి ప్రియుండ్ర నెల్లరిన్
సమరము నందు గూల్చితివి సత్యము ధర్మము నిల్పగా ననిన్
విమలుడవైన నీవెగద విజ్ఞత తోడ చరింప నీదు తే
జముననుఁ జూడగా విజయ, శాంతిలభించె జయప్రదమ్మునన్.
మీ పూరణ ప్రశస్తంగా ఉన్నది. అభినందనలు.
తొలగించండిసమరముఁజేయపుట్టుకనుసంయమిగాగనుసాగుమాతుదిన్
రిప్లయితొలగించండికుమతులవోలెబాహ్యమునుకూర్పగరాదుగమోక్షమెప్పుడున్
అమరినసౌఖ్యమెంచకనుయానముజేయుచుసారసాంబురా
జముననుఁజూడగావిజయశాంతిలభించెజయప్రదమ్ముగన్
మీ పూరణ బాగున్నది. అభినందనలు.
తొలగించండిధన్యవాదములండిగురువుగారు
తొలగించండివివిధ కళల యందు వినుతి కెక్కినవారి
రిప్లయితొలగించండిచిత్ర పటములన్ని సేక రించ
నాటి చలన చిత్ర నాయికలందున
జమునఁ జూడ విజయ శాంతి దక్కె
మీ పూరణ బాగున్నది. అభినందనలు.
తొలగించండిచం:
రిప్లయితొలగించండిసమయము మించి పోయినది సావధి నింటనె నెమ్మదించుచున్
భ్రమగొన లేక నింక మరి భారమటంచు కరోన తీవ్రతన్
తమదగు పూరణమ్ము గని తాండవ మాడె మనస్సు నూహలన్
జమునను జూడగా విజయ శాంతి లభించె జయప్రదమ్ముగన్
వై. చంద్రశేఖర్
మీ పూరణ బాగున్నది. అభినందనలు.
తొలగించండి"లేక యింక.." అనండి.
ధన్యవాదములు ; సవరణ చేస్తాను
తొలగించండిశోకతప్త సీత చూడామణినిదెచ్చి
రిప్లయితొలగించండిరామలక్ష్మణులకు రయముతోడ
హనుమ జూప నామహాత్ముని దివ్యతే
జమునఁ జూడ విజయ శాంతి దక్కె
మీ పూరణ బాగున్నది. అభినందనలు.
తొలగించండిదూర సాగరాన, దుర్భిణీ కటకరా
రిప్లయితొలగించండిజమునఁ జూడ విజయ శాంతి, దక్కె
చెక్క నావ పైన కెక్కి తాన్నర్తించు
మంచి దృశ్య మొకటి, మదిని నిలిచె.
మీ పూరణ వైవిధ్యంగా ఉన్నది. అభినందనలు.
తొలగించండిగురువు గారికి ధన్యవాదములు 🙏
తొలగించండిసముచిత రీతి నున్నతుల సామ్య
రిప్లయితొలగించండిముకల్గు విధంబు జేయ , నా
సమయమునాటి నాయికల
చక్కదనంబును జూసి యెంతగన్
శ్రమమునకోర్చి చిత్రముల సంగ్రహ మందున రోయుచుండగన్
జముననుఁ జూడఁగా విజయ శాంతి లభించె జయప్రదమ్ముగన్
మీ పూరణ బాగున్నది. అభినందనలు.
తొలగించండిసుముఖతకల్గియాడిరట
రిప్లయితొలగించండిసుచ్చరితంబు పచీసు ఇంతివల్
అమరికచేసిగవ్వలవి
హస్తమునమ్రగవేసిరంతటన్
సమరముసాగెమధ్య యిది
సాద్యమ కాయను సంప, సంపు పం
జమునను జూడగా విజయ
శాంతి లభించె జయప్రదమ్ముగన్
.....తోకల....
మీ పూరణ బాగున్నది. అభినందనలు.
తొలగించండి'సచ్చరితము' ఉంది కాని 'సుచ్చరితము' లేదు. 'పంజము' మాండలికం.
బంతియాటయందు పంతమ్ము హెచ్చెను
రిప్లయితొలగించండిపరిణమించె తుదకు బవరమట్లు
వెసను బంతిపోవ వెదకిరి దాని కుం
జమునఁ జూడ విజయ, శాంతి దక్కె
మీ పూరణ బాగున్నది. అభినందనలు.
తొలగించండిచంపకమాల:
రిప్లయితొలగించండిసమముగ సానిటైజు ప్రతిసారి యొనర్తురు భీతిలేదు దూ
రము తగురీతినుంచుదురు రాసుకు పూసుకు నుండబోరు రో
గము గలవారి జాడ పసి గట్టి ప్రవేశము నాపివేతురే
సుముఖత జూపవే చెలియ సూపరు మార్కెటు కేగ నీ ముఖా
“బ్జముననుఁ జూడఁగా విజయ శాంతి లభించె జయప్రదమ్ముగన్”
--కటకం వేంకటరామశర్మ.
మీ పూరణ బాగున్నది. అభినందనలు.
తొలగించండిధన్యవాదములార్యా 🙏
తొలగించండిప్రమదముతోడవచ్చి కని బంధుల నొజ్జల, సంశయమ్ముతో
రిప్లయితొలగించండిసముదయమందునన్ నిలిచి చంపగ లేను స్వజనమ్మునంటివే
విమలపు బుద్ధితోడుతను విష్ణువు రూపము నీదు హృత్సరో
జముననుఁ జూడఁగా విజయ! శాంతి లభించె జయప్రదమ్ముగన్
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిసమస్య: జమునఁ జూడ విజయ శాంతి దక్కె.
రిప్లయితొలగించండిమనసు నందు "శాంతి" మసకబారినవేళ
తీర్థయాత్రకొరకు తీరు వెడల
నచట బారుచున్న యందాల నదియగు
జమునఁ జూడ విజయ! "శాంతి" దక్కె.
---గోలి.
నాదు మనుమరాలు నాట్యమాడగనిన్న
రిప్లయితొలగించండియూరివారలపుడ యుత్సుకతన
వేయి విధములుగను వినుతించ ముఖపంక
జమున జూడ విజయశాంతిదక్కె
ఈ కామెంట్‌ను రచయిత తీసివేశారు.
రిప్లయితొలగించండిసరదా ప్రయత్నము (ప్రాస సవరణతో)
తొలగించండిప్రమదల నాటి చిత్రముల ప్రాకటమెవ్వరి ప్రజ్ఞ జూడగా
రమణి తనెవ్వరో మలి తరంబున దక్కెను చిత్రసీమకున్
తమ తమ పేర్లలో "జయ"ను దాకొలుపంగనికెట్లు సాగెనో
జముననుఁ జూడఁగా; విజయ శాంతి లభించె; జయప్రదమ్ముగన్
(మూడవ పాదంలో జయప్రద, జయసుధ, జయమాలిని యిత్యాదుల నట ప్రస్థానం గురించి)
తమ నెలవుల నుండి తలిరుఁబో ళ్లేతెంచ
రిప్లయితొలగించండినొక్క చోటి కప్పు డక్కజముగఁ
బల్కె నొక్కఁ డిట్లు పన్నుగ వినఁబడ
జమునఁ జూడ విజయ శాంతి దక్కె
కుములుచు నిక్కుపాటులను గ్రుంకుచు మిక్కుట మెల్ల కోపులం
దమిఁ జని యేటి కింపుగఁ గతల్ విని బత్తి మునింగి నంతటన్
గము లయి వచ్చె సొమ్ములు దగన్ వడిఁ బట్టిన యెల్ల తావులన్
జముననుఁ జూడఁగా విజయ శాంతి లభించె జయప్రదమ్ముగన్
ఈ కామెంట్‌ను రచయిత తీసివేశారు.
రిప్లయితొలగించండివిమల మనంబు గల్గుచును వెన్నెలవోలెను వెల్గునాసతిం
రిప్లయితొలగించండిజమునను జూడగావిజయ శాంతిలభించెజయప్రదమ్ముగన్
మమతలె యుట్టి చెందగను మాన్యతతోడను జిత్రమందులీ
నమయినరీతి చిత్తమున నాట్యముజేయుచు నుండునేగదా
రిప్లయితొలగించండిచిన్ననాటి అనుభవాలను మిత్రనితో పంచుకొంటున్న శ్రీకృష్ణుడు
అమలిన స్నేహభావమున నాటలనాడుచు గోపగోపికల్
విమలజలమ్ము నెంచి దిగి వీడగ ప్రాణము ఖేదమందితిన్
జమునను జూడగా విజయ! శాంతి లభించె జయప్రదమ్ముగన్
సమయగ జిక్కులెల్ల ఘనసర్పము నంపగ దూరదేశమున్
మొదటిపాదమున గోపబాలురే గా చదువ ప్రార్ధన!
తొలగించండిఅమలిన నీటి రేడు ధరపై
రిప్లయితొలగించండిగురిపించె సమృద్ధి వర్షమున్
సమముగ దేశమంతటను
సర్వజనుల్ గడు సంతసించగా
నమనము జేసె భక్తిమెయి నమ్రత తో బ్రవహించునట్టి యా
జమునను జూడగా విజయ!
శాంతి లభించె జయప్రదమ్మునన్.