ఉ:బిట్టుగ క్రోథమున్ బరపి ,ఫెళ్లున శబ్దము జేయుచున్ "పడన్ గొట్టెద రాజరాజు తొడ ద్రుంచి" యటంచు మహోగ్రుడై తొడన్ గొట్టెను భీమసేనుఁడు సఖుల్ గన ,భానుమతీసతిన్ సభన్ బెట్టిన నా సుయోధనుడు భీతిన నామెకు గుండె యాగదే! (భీముడు ప్తతిజ్ఞ చేసిన సమయం లో భానుమతి సభలో ఉంటే ఆమెకి గుండె ఆగిపోయి ఉండేది అని.)
ఆ.వె:భర్త కొట్ట డెపుడు భార్య భానుమతిని నత్త కూడ చాల మెత్తనిదియె కట్టుబాటు లేక గారాన నొడలెల్ల వాయు సుతుడు కొట్టె భానుమతిని (ఇక్కడ భానుమతి దుర్యోధనుడి భార్య కాక లోకము లో ఎవరో భానుమతి.భర్త,అత్త ఆమెని మంచిగానే చూస్తారు కానీ గారాబం తో ఒళ్లు వాచిన కొడుకు ఆమె పై చెయ్యి చేసుకున్నాడు.)
25 కామెంట్లు:
కుటుంబము సభ తీరినపుడు చిన్నచిన్న సంఘటనలు సహజమని ఊహించి చేసిన పూరణలు:
ఆటవెలది
అహము భాషలోన సహదేవుని సతికి
ద్యోతకమ్మగుటను ద్రుంచనెంచి
వాక్కునుద్ధరింప వ్యంగ్య భాషణముతో
వాయుసుతుఁడు గొట్టె భానుమతిని
ఉత్పలమాల
దిట్టనటన్న రీతి సహదేవుని పత్నియహంపు పల్కులన్
గిట్టవటన్న భావమున గిల్లగనెంచుచు మొగ్గలోనఁ ద
గ్గట్టుగ వ్యంగ్య భాషణము ఘాటుగ నల్లుచు మాటతోడనే
కొట్టెను భీమసేనుఁడు సఖుల్ గన భానుమతీసతిన్ సభన్!
(సహదేవుని భార్య భానుమతి)
ద్రోవదికట జరిగె ద్రోహమటంచును
కుములు సేవకుండు శమనమందు
స్వప్నమొకటి గనెను సంలయమున నందు
వాయుసుతుఁడు గొట్టె భానుమతిని.
కట్టెదుటన్ పడంతి కులకాంతకు ఘోరపరాభవమ్ము వా
రెట్టుల నోర్చిరో ప్రణయు లేవురటంచు దలంచు వానికిన్
బట్టిన నిద్రలో గనెను స్వప్నము నొక్కటి యందు నుగ్రుడై
కొట్టెను భీమసేనుఁడు సఖుల్ గన భానుమతీసతిన్ సభన్.
నెత్తురు చవిగొనుట నిక్కమని తొడను
వాయుసుతుఁడు గొట్టె ; భానుమతిని
గృడ్డివాని సుతుడు కుస్తరించెనపుడః
భారత కథ లోని పదరు యిదియె
కట్టగ నాటకమ్మొకటి గ్రామము నందు కళాభిమానుల్
పట్టెను దర్శకత్వమును వాయుజు రూపును భీమనాముడౌ
చెట్టయు క్రుద్ధుఁడున్, మరువఁ జెప్పెడు పల్కులు ద్రోవదీనటిన్
గొట్టెను భీమసేనుఁడు సఖుల్ గన భానుమతీసతిన్ సభన్
హిడింబీ భీముల వివాహమును దుర్యోధనుడు భానుమతికి తెలియ జేయుట:-
ఎట్టు హిడింబి భీమునకు నింతిగ మారెనొ తెల్పుమంచు సా
మ్రాట్టునుఁ బల్క పత్ని కురురాజిటు పల్కెను! "భీమ!నన్ను చే
బట్టిన నన్న మర్మమును బల్కెదనంచు హిడింబి చెప్ప కన్
గొట్టెను భీమసేనుఁడు సఖుల్ గన భానుమతీ!సతిన్ సభన్"!!
పాండుపుత్రులరిగె పరికింప నెంచుచున్
వర్ణరంజితపు సభాభవనము
రమ్యరీతిని జదరంగపుటెత్తుల
వాయుసుతుఁడు గొట్టె భానుమతిని
కట్టిన దివ్యసౌధములఁ గాంచగ వచ్చిరి పాండు పుత్రులే
చుట్టరికంబుతోఁ బిలువ చూచుచునుండిరి కట్టడంబులన్
బట్టపు రాణిరాకఁ బొరపాటున గానక నొక్కమారు ఢీ
కొట్టెను భీమసేనుఁడు సఖుల్ గన భానుమతీసతిన్ సభన్
దాడి చేసి నట్టి దానవు వెంటాడి
వాయు సుతుడు గొట్టె,:: భానుమతిని
వలచి రాజ రాజు పరిణయ o బాడగ
పట్ట మహిషి య నెడు భాగ్య మబ్బె
ఎట్టియమాయకత్వమది? యెవ్వరు విన్నను నవ్విపోరె? నీ
బట్టినయట్టి కుందెలుకు పాదములున్నవి మూడటందువే!
యెట్టుల బల్కుదీవిటుల నెవ్వరు చెప్పితి రివ్విధంబుగన్
కొట్టెను భీమసేనుఁడు సఖుల్ గన భానుమతీసతిన్ సభన్?
మీ పూరణ బాగున్నది. అభినందనలు.
'గ్రుడ్డివాని... పదరిది కద' అనండి. (పదరు + ఇదియె అన్నపుడు యడాగమం రాదు)
మీ పూరణ ప్రశస్తంగా ఉన్నది. అభినందనలు.
మీ పూరణ ప్రశస్తంగా ఉన్నది. అభినందనలు.
మీ రెండు పూరణలు ప్రశస్తంగా ఉన్నవి. అభినందనలు.
మీ పూరణ బాగున్నది. అభినందనలు.
మీ పూరణ ప్రశస్తంగా ఉన్నది. అభినందనలు.
ధన్యవాదాలు గురూజీ 🙏
మత్తులోన నిటుల మాటాడుచుంటివో
లేక వచ్చెనేమొ రిమ్మతెగులు!
తెలివిమాలి యిటుల తెలుపగదగునొకో
వాయుసుతుఁడు గొట్టె భానుమతిని?
ఆ॥ ద్రౌపది యవమాన రాక్షస కృత్యము
మనముఁ గలఁచి వైచ మధనపడుచు
స్వప్నమందుఁ గాంచె ఫల్గుణుఁడీవిధి
వాయుసుతుఁడు గొట్టె భానుమతిని
ఉ॥ కట్టెదుటన్ మదోద్ధరుఁడు ఘాతుకుఁడౌచును సత్యసంధనే
యట్టుల సేయ మానసము నందున నుగ్రత పెచ్చరిల్లఁగన్
దట్టుకొనంగఁ జాలకను ధర్మజుఁడిట్టులఁ గాంచె స్వప్నమున్
గొట్టెను భీమసేనుఁడు సఖుల్ గన భానుమతీసతిన్ సభన్
ధర్మరాజు తన కోపమున లోకము మాడి పోగలదని కన్నులకు బట్టకట్టుకొని అడవికి పోతాడు కదండి
ఆ.వె:"రాజ రాజు తొడను వ్రయ్య జేతు"ననుచు
వాయుసుతుఁడు గొట్టె భానుమతిని
నడల జేయు రీతి ,డద దడ హస్తాన
తనదు తొడల పైన దర్ప మొప్ప
(భీముడు తన తొడపై తానే కొట్టుకున్నాడు.ఆ ప్రతిజ్ఞకి భానుమతి భయపడే విధం గా.)
ఉ:బిట్టుగ క్రోథమున్ బరపి ,ఫెళ్లున శబ్దము జేయుచున్ "పడన్
గొట్టెద రాజరాజు తొడ ద్రుంచి" యటంచు మహోగ్రుడై తొడన్
గొట్టెను భీమసేనుఁడు సఖుల్ గన ,భానుమతీసతిన్ సభన్
బెట్టిన నా సుయోధనుడు భీతిన నామెకు గుండె యాగదే!
(భీముడు ప్తతిజ్ఞ చేసిన సమయం లో భానుమతి సభలో ఉంటే ఆమెకి గుండె ఆగిపోయి ఉండేది అని.)
ఆ.వె:భర్త కొట్ట డెపుడు భార్య భానుమతిని
నత్త కూడ చాల మెత్తనిదియె
కట్టుబాటు లేక గారాన నొడలెల్ల
వాయు సుతుడు కొట్టె భానుమతిని
(ఇక్కడ భానుమతి దుర్యోధనుడి భార్య కాక లోకము లో ఎవరో భానుమతి.భర్త,అత్త ఆమెని మంచిగానే చూస్తారు కానీ గారాబం తో ఒళ్లు వాచిన కొడుకు ఆమె పై చెయ్యి చేసుకున్నాడు.)
భానుఁ డెంచు చుండఁ దాను దురా సదుఁ
డంచు మతిని నేరి కైన నింగి
కెగిరి భక్ష నార్థ మెంతొ రయమ్మున
వాయుసుతుఁడు గొట్టె భాను మతిని
ఇట్టి దురాగతమ్ము జను లెచ్చట నైనను గాంచ నేర్తురే
నెట్టనఁ బోయి ద్రోవదిని నీరజ నేత్రను శంక లేకయే
పట్టి శిరోజ సంచయము వాక్ఛర జాలము తోడ నక్కటా
కొట్టెను భీమసేనుఁడు సఖుల్ గన భానుమతీ! సతిన్ సభన్
పిన్నక నాగేశ్వరరావు.
హైదరాబాద్.
ప్రతిన చేసినటులె రారాజు తొడలను
వాయుసుతుడు గొట్టె; భానుమతిని
నాడు పెండ్లి యాడినట్టి సుయోధనుం
డామెకు కలిగించె నధిక వగపు.
పత్ని ద్రౌపదినట వాంచించుకీచకున్
*“వాయుసుతుఁడు గొట్టె, భానుమతిని”*
సతిగ స్వీకరించె సంతసమొప్పగా
నాసుయోధనుండునవనియందు
కామెంట్ను పోస్ట్ చేయండి