15, జూన్ 2017, గురువారం

సమస్య – 2385 (చచ్చె సింహము...)

కవిమిత్రులారా!
ఈరోజు పూరించవలసిన సమస్య ఇది...
"చచ్చె సింహము జింకచే నచ్చెరువుగ"
(లేదా...)
"చచ్చెన్ సింహము జింకచేత నకటా శౌర్యంబు వోనాడుచున్"
(ఆకాశవాణి వారి సమస్య...)

83 వ్యాఖ్యలు:

  1. ద్వాపర యుగ కధ , త్రేతా యుగ కధ



    ఎలుగు బంటుతో పోరాడి యలసి సొలసి
    చచ్చె సింహము, జింకచే నచ్చెరువుగ
    మురిసి పోయి శ్రీ రాముడు మోస పోవ
    పడతి దూరమాయెనుగదా అడవి లోన

    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ,
      మీ పూరణ బాగున్నది. అభినందనలు.

      తొలగించు
  2. వరము పొందిన యసురుడు భరము చేత
    భస్మ మొనరించ వెంటాడె భవుని శిరము
    సూక్ష్మ బుద్ధియె లేకున్న చోద్య మదియె
    చచ్చె సింహము జింకచే నచ్చె రువుగ

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ బాగున్నది. అభినందనలు.
      "పొంది యసురుడు కావరము చేత" అనండి.

      తొలగించు
    2. వరము పొంది యసురుడు కావరము చేత
      భస్మ మొనరించ వెంటాడె భవుని శిరము
      సూక్ష్మ బుద్ధియె లేకున్న చోద్య మదియె
      చచ్చె సింహము జింకచే నచ్చె రువుగ

      తొలగించు
  3. శాప వశమున నుడుగవే శక్తులన్ని!
    కృష్ణుడంతరించెనుగ నికృష్టముగను!
    పార్థుడంతరించెనుగద బభ్రు చేత!
    చచ్చె సింహము జింకచే నచ్చెరువుగ...

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  4. వచ్చెన్ శంకరు డుగ్రనేత్రుడగుచున్ వాత్సల్యమేపారగా
    రచ్చల్ సేయని భక్తునిన్ ,కరుణ,మార్కండేయుఁగాపాడగా
    మెచ్చెన్ బాలుని,పారె నా యముడు 'సామీ!రక్ష!మాంరక్ష'నాన్
    చచ్చెన్ సింహము జింకచేత నకటా శౌర్యంబు వోనాడుచున్

    మార్కండేయుడనే జింక యముడనే సింహాన్ని
    పారద్రోలెనని నా భావన

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ బాగున్నది. అభినందనలు.

      తొలగించు
  5. గురువు గారికి వందనములు. నిన్నటి నా పూరణ పరిశీలించ ప్రార్థన. ధన్యవాదములు.
    శ్రీకరుండె కలము చేతికిచ్చినటుల
    సిద్ధహస్తుడయ్యె సింగిరెడ్డి
    నామ వంశజుండు నారాయణుడనెడి
    రెడ్డి తెలుగు కవిత రెచ్చి పోవ!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      మీ పూరణ బాగున్నది. అభినందనలు.

      తొలగించు
  6. పరుగు పరుగున హరిణమ్ముఁ బట్ట నెంచి
    లక్ష్యమును పొందు దృష్టి యురకలు వేయ
    కనక బావిలోన బడుచు కాళ్లు విరిగి
    చచ్చె సింహము జింకచే నచ్చెరువుగ

    ప్రత్యుత్తరంతొలగించు
  7. సహదేవుడు గారూ,
    మీ పూరణ బాగున్నది. అభినందనలు.

    ప్రత్యుత్తరంతొలగించు
  8. డా.పిట్టా
    పచ్చి వలసవాదంబున రెచ్చిపోయి
    దేశముల నేలు బ్రిటను కావేశములను
    ఒక్క గాంధేయ తత్త్వమే యుక్కడంచె
    చచ్చె సింహము జింకచే నచ్చెరువుగ

    ప్రత్యుత్తరంతొలగించు
  9. డా.పిట్టానుండి
    కావేషము సాధువు.కావున "నిర్దేశ తతిని" గా స్వీకరించ మనవి.2వ పాదములో..

    ప్రత్యుత్తరంతొలగించు
  10. డా.పిట్టా
    వచ్చీ పోయెడు దగ్గు మిక్కుటమవన్ వారిచ్చిరీ యౌషధం
    బచ్చంగా నిదురించనిమ్మనుకొనిరి నప్పారిన్ సినారేకు నా
    డిచ్ఛన్ గొంతున కాని,పోని కఫమే డించెన్ మహద్వాణినిన్
    చచ్చెన్ సింహము జింక చేత నకటా!శౌర్యంబు వోనాడుచున్!!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.
      వృత్తం రెండవ పాదంలో గణదోషం. సవరించండి.
      (19వ తేదీ కవిసమ్మేళనానికి వస్తున్నారా?)

      తొలగించు
    2. డా.పిట్టానుండి
      ఆర్యా,ధన్యవాదాలు.సవరణ జరిగనది.19న వస్తున్నా.18 న కాక.కళా వైభ.కి మనవారిని పిలిచే యత్నం శ్రీరాం తో చేయించండి

      తొలగించు
  11. నటమృగేద్రము గణనమున్ నలిగిపోవ
    నూరుపేరు లేని మనిషి యుధృతిచేత
    జనులు పలికిరి కాంచి విస్మయముతోడ
    “చచ్చె సింహము జింకచే నచ్చెరువుగ”

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ పూరణ బాగున్నది. అభినందనలు.
      'గణనము, ఉధృతి'...?

      తొలగించు
    2. కల్వకుర్తి ఎన్నికలో ఊరూ పేరూ లేని వ్యక్తి చేతిలో ఎన్.టి.రామారావు గారు ఓడిపోయారు. ఆసంఘటన. గణనముః ఎన్నిక, ఉధృతిః తీవ్రమైన పోటీ.
      నటమృగేద్రము గణనమున్ నలిగిపోయె
      నూరుపేరు లేని మనిషి యుధృతినెదర
      జనులు పలికిరి కనుగొని సంతసముగ
      “చచ్చె సింహము జింకచే నచ్చెరువుగ”

      తొలగించు
  12. అతిశయోక్తుల స్పర్థలో నబ్బురముగ
    దోమకుత్తుక దూరెను సామజ మని
    యాడ నొక్కడు మరియొక్క డనియె నిట్లు
    చచ్చె సింహము జింకచే నచ్చెరువుగ.

    హ.వేం.స.న.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ అతిశయోక్తుల పోటీ పూరణ బాగున్నది. అభినందనలు.

      తొలగించు
  13. కచ్చన్ రాక్షస కూటమిన్ బనిపి తా కంసుండు శ్రీకృష్ణునిన్
    నిచ్చల్ జంపగనెంచినన్ దునిమె తా నెంతేని దర్పోధ్ధతిన్
    వచ్చెన్ సోదరుతోడ మామనుసురుల్ వాలయమై తీయగన్
    చచ్చెన్ సింహము జింకచేతనకటాశౌర్యమ్ము వోనాడుచున్
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ చాలా బాగున్నది. అభినందనలు.

      తొలగించు

  14. నీచ కీచకు భీముడే పీచమడచ
    నిజముదెలియక కృష్ణపై నిందవేసి
    వానిమిత్రులు తలపోసి పలికిరిట్లు
    చచ్చె సింహము జింకచే నచ్చెరువుగ.

    ప్రత్యుత్తరంతొలగించు
  15. రెచ్చెన్ వీరకిశోరమౌచుఁ దగ నాంగ్లేయాదు లల్లాడగన్
    వచ్చున్ కష్టము మన్యమెల్ల ననుచున్ భావించి యల్లూరి తా
    స్వచ్ఛందమ్ముగ లొంగిపోవ నెదనే సారించి తూటాడగన్
    జచ్చెన్ సింహము జింకచేత నకటా శౌర్యంబు వోనాడుచున్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ ప్రశస్తంగా ఉంది. అభినందనలు.

      తొలగించు
  16. నిన్న మొన్ననె క్రీడలో కన్ను తెరచి
    బ్యాటు మింటను రాణిగా పదును తేరి
    కనగ మారిను నోడించి తనరె సింధు
    చచ్చె సింహమ్ము జింక చే నచ్చెరువుగ
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.

      తొలగించు
  17. క్రొవ్విడి వెంకట రాజారావు:

    బలమది తెలివి నేర్పుల కలవడు నటు
    వేటలో సింహ మాజింక వెంట బడుచు
    యదియె దాటిన గర్తము నందున పడి
    చచ్చె సింహము జింకచే నచ్చెరువున




    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.
      '..బడుచు। నదియె...' అనండి.

      తొలగించు
  18. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      అద్భుతంగా ఉంది మీ పూరణ. అభినందనలు.

      తొలగించు
    2. గాంధీ గారి పరంగా మీ పూరణ బాగుంది. మూడవ పాదంలో యతి?

      తొలగించు
    3. గురువుగారూ నిన్న మీ రడిగిన ప్రశ్న ఇవాళ నిజమయింది.
      నా పూరణలో మూడవ పాదంలో యతి భంగమయింది. అందుచేత తొలగించాను.
      గుండా సహదేవుడు గారు గమనించి చెప్పారు.
      సవరించిన పూరణ ఇది:

      తెచ్చెన్స్వేచ్ఛను భారతావనికి తా ధీరత్వమేపారగా
      సచ్ఛీలత్వ మహింస సత్యములనే సంధించి మ్లేచ్ఛాళిపై
      తుచ్ఛుండేయ ప్రణామమున్సలుపుచున్ తూటా పడెన్ ధాత్రిపై
      చచ్చెన్ సింహము జింకచేత నకటా శౌర్యంబు వోనాడుచున్.

      గుండా వేంకట సుబ్బ సహదేవుడు గారికి ధన్యవాదములు.

      తొలగించు
    4. జరిగిన పొరపాటుకు చింతిస్తున్నాను.

      తొలగించు
  19. క్రొవ్విడి వెంకట రాజారావు
    :చిన్ని సవరణ-

    బలమది తెలివి నేర్పుల కలవడు నటు
    వేటయందు కురంగమ్ము వెంట బడుచు
    యదియె దాటిన గర్తము నందున పడి
    చచ్చె సింహము జింకచే నచ్చెరువున




    ప్రత్యుత్తరంతొలగించు
  20. అరయ కార్టూను చిత్రాల నద్భుతముగ
    ఎలుక పిల్లిని దరిమెను నెలమి తోడ
    ఈగ మనుజుని జంపెను వేగముగను
    చచ్చె సింహము జింకచే నచ్చెరువుగ!!!

    ప్రత్యుత్తరంతొలగించు
  21. ప్రత్యుత్తరాలు
    1. మీరి హరిణమ్ము తృణమును మేయు చుండ
      నంత మృగరాజు కుప్పించి యారగించెఁ
      గాంచి నంతనె సారంగ ఘాసము లట
      చచ్చె సింహము జింకచే నచ్చెరువుగ


      మచ్చం దెచ్చిరి దేశ కీర్తికిక సన్మానంపు గర్వమ్మునం
      గచ్చెన్ గెల్చెను బంతియాట నిట బంగ్లాదేశ మా పౌరులే
      మెచ్చంజూ పరులెల్ల భారతమునన్ మిథ్యోర్వి వర్తిల్లగం
      జచ్చెన్ సింహము జింకచేత నకటా శౌర్యంబు వోనాడుచున్

      తొలగించు
    2. కామేశ్వర రావు గారూ,
      మీ రెండు పూరణలు బాగున్నవి. ముఖ్యంగా సారంగ ఘాసాలు సింహ హరిణాలచే చచ్చాయన్న మొదటి పూరణ వినూత్నమైన పద్ధతిలో అద్భుతంగా ఉంది. అభినందనలు.

      తొలగించు
    3. పూజ్యులు శంకరయ్య గారికి వందనములు. ధన్యవాదములు

      తొలగించు

  22. పిన్నక నాగేశ్వరరావు.

    జింకను తరుముచుండగా సింహ
    మొకటి
    దారిలోని యగడ్తను దాటె జింక

    కందకమ్మును గానక యందున బడి

    చచ్చె సింహము జింకచే నచ్చెరువుగ.

    *****************************

    ప్రత్యుత్తరంతొలగించు
    ప్రత్యుత్తరాలు
    1. నాగేశ్వర రావు గారూ,
      మీ పూరణ బాగున్నది. అభినందనలు.

      తొలగించు
  23. బాహుబలి గొప్ప బలశాలి; పవరమందు
    నిత్య విజయుడు; కట్టప్ప నీతి మాలి
    వెన్నుపోటును పొడువంగ కన్నుమూసె;
    చచ్చె సింహము జింకచే నచ్చెరువుగను

    ప్రత్యుత్తరంతొలగించు
    ప్రత్యుత్తరాలు
    1. రాజశేఖర శర్మ గారూ,
      మీ పూరణ బాగున్నది. అభినందనలు.

      తొలగించు
  24. మందగమనుని మహిమచే మందభాగ్యు
    డౌచు ముక్కంటి యౌరౌర డంబమొదలి
    చెట్టు తొర్రలోదాగెనే చెడ్డవేళ
    చచ్చె సింహము జింకచే నచ్చెరువుగ!

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.
      'డంబము విడి' అనండి. ఒదలి అన్నది సాధువు కాదు.

      తొలగించు
  25. పట్టగా బుసలిడి పగబట్టు పాము
    చిట్టి చీమల చేజిక్కి పుట్టలోనె
    తుత్తునియలై నశించెను తుట్ట తుదకు
    చచ్చె సింహము జింకచే నచ్చెరువుగ

    శ్రీ కంది శంకరయ్య గారికి నమస్సులు
    నిన్న ప్రయాణపు తొందరలో తేటగీతి రచించాను
    అదే అంశం పై ఆటవెలదిని నేడు వ్రాసాను

    శ్రీ సి.నా.రె కిడిరి శ్రీ దేవి వాగ్దేవి
    సిరులు కవన ఝరులు చిత్ర గతిని
    నా "సుభాషితముల" నారసి మురిసి వా
    రెన్నొ దీవెనలను మున్నె యిడిరి

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ రెండు పూరణలు బాగున్నవి. అభినందనలు.
      మీ సుభాషితాలు సినారె గారి మెప్పును పొందినందుకు సంతోషం!

      తొలగించు
  26. కచ్చ గట్టిన యంబ శిఖండి యగుచు
    జనన మందెను భీష్ముని చంపెను గద
    హరిణమౌ యంబ యెదిరించ కురు హరీంద్రు,
    జచ్చె సింహము జింకచే నచ్చెరువుగను

    ప్రత్యుత్తరంతొలగించు
    ప్రత్యుత్తరాలు
    1. తిమ్మాజీ రావు గారూ,
      చక్కని పూరణ. అభినందనలు.

      తొలగించు
  27. చొచ్చెన్ క్రొత్తగ రాజకీయములలో సోద్యమ్ముగానప్పుడే
    వ్రచ్చెన్ భీకరమైన మొగ్గరములోరామయ్యనే వింతగా
    నచ్చంబౌ విజయమ్ముగాంచి జనముల్ హర్షమ్ముతో పల్కెడిన్
    “చచ్చెన్ సింహము జింకచేత నకటా శౌర్యంబు వోనాడుచున్”

    ప్రత్యుత్తరంతొలగించు
    ప్రత్యుత్తరాలు
    1. రెడ్డి గారూ,
      బాగున్నది మీ పూరణ. అభినందనలు.

      తొలగించు
  28. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  29. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  30. *గురజాడ ఫౌౌంండేషన్ USAవారి రాష్ట్రమరియు జాతీయ విశిష్టసాహితీసేవా పురస్కార గ్రహీత సహస్ర కవిరత్న సహస్ర కవిభూషణ*
    *శ్రీమతి జి సందిత బెంగుళూరు*

    15, జూన్ 2017, గురువారం

    *కవిమిత్రులారా!*

    ఈరోజు పూరించవలసిన సమస్య ఇది...

    *"చచ్చె సింహము జింకచే నచ్చెరువుగ"*

    (లేదా...)
    *"చచ్చెన్ సింహము జింకచేత నకటా శౌర్యంబు వోనాడుచున్"*

    *వచ్చెన్ దూకె క్షుదాప్రభావగతిఁనూర్ధ్వాభ్రప్లవద్వక్రయై*
    *గ్రుచ్చన్ గొమ్ములుశూలశీర్షములనన్ గుండెన్ వడిన్ చీల్చుచున్*
    *చచ్చెన్ జింకభయంబుచేయెడచవిచ్చన్ సింహనాదంబుచేన్*
    *"చచ్చెన్ సింహము జింకచేత నకటా శౌర్యంబు వోనాడుచున్"*

    *శ్రీమతి జి సందిత బెంగుళూరు*

    ప్రత్యుత్తరంతొలగించు
    ప్రత్యుత్తరాలు
    1. సందిత గారూ,
      మీ పూరణ బాగున్నది. అభినందనలు.
      మీరు కేవలం పూరణ ఇస్తే చాలు... అని గతంలోనూ చెప్పాను.

      తొలగించు
    2. క్షుధాప్రభావగతి కి బదులు క్షుదాప్రభావగతి యని పడినది.

      తొలగించు
  31. బదులు పలుకుదు ప్రశ్నకు బాగు ననెడు
    బుద్ధిమంతునడిగెనట బుడతకొడుకు
    తిట్టి తివితాతనికనాకు తీరునిదియ?
    చచ్చె సింహమ్ము జింకచే నచ్చెరువుగ

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      మీ పూరణ బాగున్నది. అభినందనలు.

      తొలగించు
  32. [15/06, 5:08 PM] సందిత బెంగుళూరు: *గురజాడ ఫౌౌంండేషన్ USAవారి రాష్ట్రమరియు జాతీయ విశిష్టసాహితీసేవా పురస్కార గ్రహీత సహస్ర కవిరత్న సహస్ర కవిభూషణ*
    *శ్రీమతి జి సందిత బెంగుళూరు*
    15, జూన్ 2017, గురువారం

    *కవిమిత్రులారా!*

    ఈరోజు పూరించవలసిన సమస్య ఇది...

    *"చచ్చె సింహము జింకచే నచ్చెరువుగ"*

    (లేదా...)
    *"చచ్చెన్ సింహము జింకచేత నకటా శౌర్యంబు వోనాడుచున్"*

    *వచ్చెన్ దూకె క్షుదాప్రభావగతిఁనూర్ధ్వాభ్రప్లవద్వక్రయై*
    *గ్రుచ్చన్ గొమ్ములుశూలశీర్షములనన్ గుండెన్ వడిన్ చీల్చుచున్*
    *చచ్చెన్ జింకభయంబుచేయెడద విచ్చన్ సింహనాదంబుచేన్*
    *"చచ్చెన్ సింహము జింకచేత నకటా శౌర్యంబు వోనాడుచున్"*

    *శ్రీమతి జి సందిత బెంగుళూరు*

    సవరణ అనంతరం...
    సింహము జింకపైకి దూకింది.కాసీ
    ఆకలిప్రభావంచే గతి తప్పిగురితప్పి ఆకాశంపైకి ఎగరటంలో తప్పుడువంపులకు గురియై...
    బల్లెములపదునైనకొనలతో పోల్చదగిన జింక కొమ్ములపై పడటంతో అవి గుండెల్లోకిచీల్చుకుంటూవెళ్ళాయి.సింహం అరుపుకే గుండె ఆగి జింక చచ్చింది. జింక వలన సింహమూ చచ్చింది యాదృఛ్ఛికంగా
    [15/06, 5:14 PM] సందిత బెంగుళూరు: ధన్యురాలను గురుదేవా.
    ఊర్ధ్వాభ్ర=ఆకాశంపై
    ప్లవత్ =తేలుతున్నప్పుడు
    వక్రయై= తప్పుడు వంపుతిరిగినదై

    మళ్ళీపోస్టు చేసినందుకు మన్నించండి ప్రయాణంలో బస్సులో పాట్లు🙏🌹🙏🌹�🙏

    ప్రత్యుత్తరంతొలగించు
  33. తే . గీ . చెట్టు చాటుకు రాముడు చేరి నక్కి

    విల్లు వేయగొల్లున "వాలి" విధి వశమున

    జచ్చె సింహము జింకచే నచ్చెరువుగ

    పోరు సలుపననుంజుని మీర గలఁడె ?

    ప్రత్యుత్తరంతొలగించు
    ప్రత్యుత్తరాలు
    1. శంకర ప్రసాద్ గారూ,
      ఎన్నాళ్ళకెన్నాళ్ళకు? సంతోషం!
      మీ పూరణ బాగున్నది. అభినందనలు.
      "పోరు సలుపగ ననుజుని మీరగలఁడె" అంటే బాగుంటుందేమో?

      తొలగించు
  34. వెడలె హిమ నిర్ఝరమునుండి వేడిగాలి,
    పూచెనే పూలు రాలకు, తోచె నదిగొ
    శిశిర మందున వర్షము, చిత్రమదియ,
    చచ్చె సింహము జింకచే నచ్చెరువుగ!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా వారూ,
      మీ పూరణ బాగున్నది. అభినందనలు.

      తొలగించు
  35. దుముక బోవ నా సింగము దుప్పి గాంచి
    వేట గాని శరమొకటి వేగిరమున
    చేరి నంత తప్పుకొనిన జింక బ్రతికె!
    చచ్చె సింహము జింకచే నచ్చెరువుగ!

    ప్రత్యుత్తరంతొలగించు
    ప్రత్యుత్తరాలు
    1. శ్రీధర రావు గారూ,
      మీ పూరణ బాగున్నది. అభినందనలు.

      తొలగించు

  36. చిచ్చున్ రేపె మనోభవుండిదె *మృగాక్షీ* ! నా మనంబెందుకో
    నచ్చెన్ నిన్నె యటన్న *సింహబలునిన్* నైపుణ్యమేపార రా
    నిచ్చెన్ *నర్తనశాల*కున్ మధువునందింపంగ నచ్చోటనే
    చచ్చెన్ *సింహము జింకచేత* నకటా శౌర్యంబు వోనాడుచున్ !!

    ప్రత్యుత్తరంతొలగించు
    ప్రత్యుత్తరాలు
    1. గాజు సింహము , మట్టితో గట్టిదైన
      జింక బొమ్మను వరుసల జేర్చనొకడు
      చేయి జార కేసరి పయిన్ జింక పడగ
      చచ్చె సింహము జింకచే నచ్చెరువుగ!!

      తొలగించు
    2. మురళీకృష్ణ గారూ,
      మీ రెండు పూరణలు అద్భుతంగా ఉన్నవి. అభినందనలు.

      తొలగించు

  37. జూలు విదిలించి క్రూరపు చూపు తోడ
    పైకి దూకుచు నుండంగ భయము చేత
    పరుగు దీసెనా హరిణమ్ము పట్టబోయి
    దాని ,పడిపోయి వలలోన దారి గనక
    చచ్చె సింహము జింకచే నచ్చెరువుగ.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ పూరణ బాగున్నది. అభినందనలు.

      తొలగించు
  38. వేటగాడు మచ్చుగ జింక పెట్టె ననెడు
    నెరుక లేక యాకట జింక కొరకు బోయి
    యుచ్చులో జిక్కి దీనయై యుస్సురనుచు
    చచ్చె సింహమ్ము జింకచే నచ్చెరువుగ
    (మచ్చు అనగా జంతువును వేటాడటానికి ఆహారంగా ఇచ్చే మరొక జంతువు)

    ప్రత్యుత్తరంతొలగించు