21, జూన్ 2017, బుధవారం

సమస్య – 2390 (కుంతీపుత్రుఁడు వినాయకుఁడు...)

కవిమిత్రులారా!
ఈరోజు పూరించవలసిన సమస్య ఇది...
"కుంతీపుత్రుఁడు వినాయకుఁడు సత్య మిదే"
(లేదా...)
"నమ్ముఁడు కుంతి పుత్రుఁడు వినాయకుఁడే జనులార చెప్పితిన్"
(తోపెల్ల బాలసుబ్రహ్మణ్య శర్మ గారికి ధన్యవాదాలు)

75 వ్యాఖ్యలు:

  1. అంతకుని తనయుడు ప్రధమ
    కుంతీ పుత్రుడు , వినాయకుడు సత్యమిదే
    ఇంతి శివ నలుగు పిండికి
    సంతసపడి ప్రాణమిడగ జననము నొందెన్

    ప్రత్యుత్తరంతొలగించు
    ప్రత్యుత్తరాలు
    1. పూసపాటి వారూ,
      విరుపుతో మీ పూరణ బాగున్నది. అభినందనలు.

      తొలగించు
  2. ఎంతో చిక్కగు ప్రాసను
    వింతగ పూరించి నవ్వి వివశము తోడన్
    పంతులు తోపెల్ల నుడివె:
    "కుంతీపుత్రుఁడు వినాయకుఁడు సత్య మిదే"

    ప్రత్యుత్తరంతొలగించు
    ప్రత్యుత్తరాలు
    1. మాన్య ప్రభాకర శాస్త్రిగారికి నమశ్శతాంజలి.

      తొలగించు
    2. ప్రభాకర శాస్త్రి గారూ,
      తోపెల్ల వారి మాటగా మీ పూరణ చమత్కారంతో ఎంతో బాగున్నది. అభినందనలు.

      తొలగించు
  3. శంకరయ్య గురువుగారికి నమస్సులతో

    అంతట తణిఖీ యంచును
    వంతుగ విద్యాధికారి పాఠితు నడుగన్
    చింతన జేయక జెప్పెను
    కుంతీపుత్రుఁడు వినాయకుఁడు సత్య మిదే

    (తప్పో ఓప్పో వెంటనే సమాధానం చెప్పాలి అనే సందర్భంగా పెద్దలు అనేమాట. దీనికి మాపెద్దలు చెప్పిన కథ
    ‘ఒక రోజు విద్యాధికారి పాఠశాల తణిఖీకి వచ్చి తెలుగు మాష్టారి తరగతిలో ఇలా ప్రశ్నించారుట “ నాయనా కుంతీ కుమారుని పేరు చెప్పండి” అని. ఎవరూ చెప్పక పోయేసరికి ఒకడు ధైర్యంగా లేచి గబగబా “ కుంతీ పుత్రుడు వినాయకుడు” అని చెప్పి కూర్చున్నాడుట. తెలుగు మాష్టారి గుండె గుభేల్ మన్నది. కాని విద్యాధి కారి ఇంకో దృష్టితో చూసి ఎవరూ సమాధానం చెప్పక పోయినా తప్పో ఒప్పో ముందు ధైర్యంగా చెప్పాడీ పిల్లవాడు అని మెచ్చుకుంటూ “ అబద్ధం వా సు బద్ధంవా కుంతీ పుత్రో వినాయకా” అని వెళ్ళి పోయారుట. తెలుగు మాష్టారి మనసు చల్లబడిందిట.)

    ప్రత్యుత్తరంతొలగించు
    ప్రత్యుత్తరాలు
    1. తోపెల్ల వారూ,
      చొరవ గల విద్యార్థి సమాధానంగా మీ పూరణ బాగున్నది. అభినందనలు. (ఈ 'అబద్ధం వా సుబద్ధంవా...' గతంలో విన్న నానుడియే!)

      తొలగించు
  4. క్రమ్మర లేడికూన తమకంబున సింహముఁజేరినట్లుగా;
    తెమ్మెరలెండమావి కడ తీరగ చల్లగ వీచనట్లుగా;
    సమ్ముదమందు చిత్రములు చాలగనున్నవదెట్టులప్నచో
    "నమ్ముడు కుంతిపుత్రుడు వినాయకుడే జనులార చెప్పితిన్"

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ 'చిత్రముల' పూరణ బాగున్నది. అభినందనలు.

      తొలగించు
  5. ఇంతికి తెలియని వింతది
    కుంతీ పుత్రుఁడు, వినాయకుఁడు సత్య మిదే
    పొంతన కుదురుట కొఱకని
    పంతముగా నిలిపె నంట పార్వతి ముదమున్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      పద్యం బాగున్నది. కాని పూరణ భావం అర్థం కాలేదు.

      తొలగించు
  6. సంతోషి సఖియతో ననె
    పంతులుగారికిని పత్ని భారతి విను మా
    కాంతారాయుడు కా దో
    కుంతీ! పుత్రుడు వినాయకుడు సత్య మిదే.

    హ.వేం.స.నా.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      కుంతీ శబ్దాన్ని సంబోధనగా చేసిన మీ పూరణ బాగున్నది. అభినందనలు.

      తొలగించు
  7. శాంతినిఁ గోరుచును బ్రజల
    వంతలఁ బోగొట్టి రాజ్యపాలనఁ జేసెన్
    వింత గలదె? ధర్మజుఁడను
    కుంతీపుత్రుఁడు వినాయకుఁడు సత్యమిదే

    (విశేషార్థాన్ని ఇచ్చే 'వి' అనే ఉపసర్గతో నాయకుడు; వినాయకుడు = విశిష్ట నాయకుడు)

    ప్రత్యుత్తరంతొలగించు
    ప్రత్యుత్తరాలు
    1. (వనవాసం చేస్తున్న పాండవుల గురించి బాధ పడుతున్న కుంతితో విదురుని మాటలు....)

      *ఇంతుల మేల్బంతి యుమకు
      కుంతీ! పుత్రుఁడు వినాయకుఁడు; సత్య మిదే
      వంతలు దొలఁగఁగ నీవు ని
      రంతర మాతనిఁ గొలిచిన నగు శుభము లికన్

      తొలగించు
    2. పూజ్యులు శంకరయ్య గారికి వందనములు. విశేషార్థోపసర్గతో మీపూరణ మనోహరము.
      నేను గూడ ముందు వ్యతిరేకార్థోపసర్గ గా కర్ణుని పరముగా పూరిద్దామనుకొని యనుమానముతో విరమించాను. ఇప్పుడు మీ పూరణతో ధైర్యము వచ్చింది.

      తొలగించు
  8. డా.పిట్టా
    వింతగ బుట్టిరి వీరలు
    సొంతము కర్ణుడును గణప చూడరు తండ్రిన్
    దొంతర(పరంపర)వెలుగుకు నలుగుకు
    కుంతీ పుత్రుడు(తండ్రిని గుర్తించని పుత్రుడు) వినాయకుడు సత్యమిదే!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పూరణ వైవిధ్యంగా చక్కగా ఉంది. అభినందనలు.

      తొలగించు
  9. డా.పిట్టా
    Plato యొక్కRepublic ను ఆధారంగా పూరణ
    అమ్ముడుబోరె చిత్రముగ నందరు నాయకు లాలు పిల్లలన్
    సొమ్ములవారి జేయ గొని ‌సొత్తును:ప్లాటొ రిపబ్లికున్ గనన్
    అమ్మల నయ్యవారలను హాయిని గూర్చిన సంతు పాలకుల్
    ఇమ్మహి స్వార్థ చింతనల కీగక రాజ్యము చేతురంచనెన్
    అమ్మల నయ్యలన్ యెరుగరాయెను కర్ణుడు నేకదంతుడున్
    నమ్ముడు కుంతి పుత్రుడు(తల్లిని,దండ్రిని తెలియని కొడుకు) వినాయకుడే జనులార చెప్పితిన్!
    ఆర్యా, ఇది Political Science తెలివి.

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ పూరణ బాగున్నది. అభినందనలు.
      'గనన్+అమ్మల... పాలకుల్+ఇమ్మహి...' ఇక్కడ విసంధిగా వ్రాయరాదు కదా! నయ్యలన్+ఎరుగ' అన్నపుడు యడాగమం రాదు. గమనించండి.

      తొలగించు
  10. వంతనుచు బండి తిండిని
    సుంతయుఁ జేర్చక బకునకు సుష్టుగ భీముం
    డంతయు తిని పరిమార్చెను
    కుంతీ పుత్రుడు వినాయకుఁడు సత్యమిదే!
    ( భీమునకు వినాయకుడు తినేంత ఆహారం అవసరమని భావం )

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  11. పంతులు గారి యింట ఋణపు
    కంతులు లెక్కించు మనిషగు కరణమునకున్
    కుంతియనెడి భార్య కలదుగ
    కుంతీ పుత్రుడు వినాయకుడు సత్యమిదే

    ప్రత్యుత్తరంతొలగించు
    ప్రత్యుత్తరాలు
    1. మూర్తి గారూ,
      మీ పూరణ బాగున్నది. కాని మూడు పాదాల్లోను గణదోషం. మీ పద్యానికి నా సవరణ....

      పంతులు గృహమ్మున ఋణపు
      కంతులు లెక్కించువాడు కరణమ్మునకున్
      కుంతియనెడి భార్య కలదు
      కుంతీ పుత్రుడు వినాయకుడు సత్యమిదే

      తొలగించు
    2. ధన్యవాదాలు. సహనంతో మీరందిస్తున్న ప్రోత్సాహం మరువలేనిది.

      తొలగించు
  12. *ఎంతని వగచెదవిటులను
    కుంతీ! పుత్రుడు వినాయకుడు, సత్యమిదే
    నంతముచేయునుబాధలు
    సంతసముగపూజసేయ శాంకరి పలికెన్

    ప్రత్యుత్తరంతొలగించు
    ప్రత్యుత్తరాలు
    1. శ్రీరామ్ గారూ,
      మీ పూరణ బాగున్నది. అభినందనలు.
      "..యంతము సేయును" అనండి.

      తొలగించు
  13. చింతింప కర్ణుడెవ్వడు?
    చింతలు తొలగించు నెవడు శివ పుత్రుండై?
    తంతు పటమేమి తెలుపును?
    కుంతీ పుత్రుడు - వినాయకుడు - సత్యమిదే
    (సవరణతో)

    ప్రత్యుత్తరంతొలగించు
    ప్రత్యుత్తరాలు
    1. విజయకుమార్ గారూ,
      క్రమాలంకారంలో మీ పూరణ బాగున్నది. అభినందనలు.

      తొలగించు
  14. వంతనుచు బండి తిండిని
    సుంతయుఁ జేర్చక బకునకు సుష్టుగ భీముం
    డంతయు తిని పరిమార్చెను
    కుంతీ పుత్రుడు వినాయకుఁడు సత్యమిదే!
    ( భీమునకు వినాయకుడు తినేంత ఆహారం అవసరమని భావం )

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  15. పొమ్మని భీమసేనునకుఁ బూన్చ బకాసుర భక్షణార్థమై
    కమ్మని బండెడన్నమును, గల్పుచుఁ దా తిని మొత్తమంత రే
    ద్రిమ్మరిఁ గూల్చివచ్చె పురి దీవెనలందగ, భోజనంబునన్
    నమ్ముఁడు కుంతి పుత్రుఁడు వినాయకుఁడే జనులార చెప్పితిన్!

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ రెండవ పూరణ బాగున్నది. అభినందనలు.

      తొలగించు
  16. క్రొవ్విడి వెంకట రాజారావు:

    ధర్మ మెంచెడి వారికీ ధరణి నందు
    యచ్చగు యుధిష్ఠరు డెవరనంగ వచ్చు?
    తనరు విఘ్నముల నణచు దైవ మెవరు?
    కుంతీపుత్రుడు; వినాయకుడు సత్యమిదె

    ప్రత్యుత్తరంతొలగించు
    ప్రత్యుత్తరాలు
    1. చివరి పాదం ఛందస్సు పరిశీలించ గలరు.

      తొలగించు
    2. రాజారావు గారూ,
      సమస్య కందపాదమైతే మీరు తేటగీతి వ్రాశారు. సవరించండి.

      తొలగించు

  17. పంతము నెరవేర్చుటకును
    సంతుష్టిగ నారగింప సమ్మోదమునన్
    సంతత మభయంబీయగ
    కుంతీపుత్రుడు వినాయకుడు సత్యమిదే!

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      ఇంతకీ మీ పద్యంలోని కుంతీపుత్రుడు భీముడే కదా! చక్కని పూరణ. అభినందనలు.

      తొలగించు
    2. అవును గురువుగారూ! ధన్యవాదములు!🙏🙏🙏🙏🙏

      తొలగించు
  18. అమ్ముని సంతసంబిడుచు యంగనకిచ్చె వరంబు యొక్కటిన్,
    నమ్మికతోడ వేడ జమునయ్య యొసంగెను, కర్ణుడే గదా
    నమ్ముడు కుంతి పుత్రుడు, వినాయకుడే జనులార చెప్పితిన్
    ఇమ్మహిలోన యెప్పుడును యిద్దరి తల్లుల ముద్దుబిడ్డడే.

    ప్రత్యుత్తరంతొలగించు
  19. గురువు గారికి వ్రత్త రచన నా రెండో ప్రయత్నము. పరిశీలించి సలహా లీయగలరు.

    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ,
      చాలా వరకు సాఫల్యం చెందారు. బాగుంది. మీరు వృత్తాలు చక్కగా వ్రాయగలరు. కొనసాగించండి.
      కొన్ని సంధి దోషాలు..."సంతసం బిడుచు నంగన... వరంబు నొక్కటిన్..లోన నెప్పుడును నిద్దరి..." అనండి. 'చెప్పితిన్ ఇమ్మహి' అని విసంధిగా వ్రాయరాదు. "చెప్పితి। న్నిమ్మహి..." అనవచ్చు.

      తొలగించు
  20. క్రొవ్విడి వెంకట రాజారావు:
    సవరించిన పద్యం:
    శాంతుడు ధర్మేంద్రు డెవరు?
    పంతుగ విఘ్నములనెల్ల పరిమార్చెడి యా
    శాంతికి యౌరసు డెవ్వరు?
    కుంతీ పుత్రుడు వినాయకుడు సత్యమిదే!

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ పూరణ బాగున్నది. అభినందనలు.

      తొలగించు
  21. క్రొవ్విడి వెంకట రాజారావు:
    నిన్నటి పూరణ:
    వక్తృజుడౌ రావణునకు
    వక్తృంబుల్ పది; కరములు పదివేలు గదా
    దృక్తృఆతుండౌ సూరికి;
    వక్తృత్వము వారిదెంచి పల్కెడి నపుడున్

    ప్రత్యుత్తరంతొలగించు
    ప్రత్యుత్తరాలు
    1. ఇది కాస్త ప్రశాంతంగా, ఓపికతో పరిశీలించాల్సిన పద్యం...

      తొలగించు
  22. కమ్మని పప్పుయన్నమును కాచిననెయ్యియు పిండివంటలున్
    నెమ్మది పొట్టనిండుగను నెయ్యముతో భుజియించు వేళలన్
    తమ్ములునన్నయున్నొకటి తానొక పంక్తిగ తల్లి పెట్టదే
    నమ్ముడు కుంతి పుత్రుడు వినాయకుడే జనులార చెప్పితిన్
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.

      తొలగించు
  23. వింతగ బుట్టిన కొమరుడె
    కుంతీ పుత్రుడు ,వినాయకుడు సత్యమిదియే
    కంతుని శత్రువు కొడుకే
    వింతేమీ లేదురమ్య! వివరణగోరన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      విరుపుతో మీ పూరణ బాగున్నది. అభినందనలు.

      తొలగించు



  24. శాంతముగా విను కవ్వడి

    కుంతీ పుత్రుడు,వినాయకుడు సత్యమిదే

    పంతముతో శశి కచ్చట

    వంతను కూర్చుచు శపించె జగతిన గనుమా!


    అంతయు వింటివిగా కథ

    కౌంతేయుడనంగనేమి? గట్టిగ చెపుమా

    నంతకహరు పుత్రు డెవరు?

    కుంతీ పుత్రుడు,వినాయకుడు సత్యమిదే.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ రెండు పూరణలు బాగున్నవి. అభినందనలు.

      తొలగించు
  25. క్రమాలంకారంలో
    ఎంతయు గోప్యతనినునికి
    వింతగ పుట్టిన కర్ణుడు, వేడ్కతొనుమ కే
    రింతగ చేసిన ప్రతిమయె
    కుంతీ పుత్రుడు వినాయకుడు సత్యమిదే
    వీటూరి భాస్కరమ్మ

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ క్రమాలంకార పూరణ బాగున్నది. అభినందనలు.
      'వేడ్కతొ' అని తో ప్రత్యయాన్ని హ్రస్వంగా ప్రయోగించరాదు. "వేడ్కను" అనండి.

      తొలగించు
  26. నమ్ముడు కుంతిపుత్రుడు వినాయకుడే జనులార చెప్పితిన్
    నమ్ముదుమార్య! మీపలుకు నగ్నపు సత్యము జెప్పిరేగదా
    యిమ్ముగ నారయంగనిల నీశుని పుత్రుడు తొండధారియే
    యమ్మరొ కర్ణుడున్గలిగె నాయమ సూర్యుని వేడగా దమిన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.
      'తొండధారి'...?

      తొలగించు
  27. సంతత విచార కర వి
    ఘ్నాంతవ్యాపార భార కార్ద్ర హృదయుఁడే
    యింతీ! యంబకు, వినుమా
    కుంతీ! పుత్రుఁడు వినాయకుఁడు సత్య మిదే


    ఇమ్ముగఁ బాండునందనుఁ డహీన పరాక్రమ సత్యవంతుఁడున్
    వమ్ముగ జూద మాడి తన వారినిఁ గూడి చరించెఁ గానలన్
    సమ్మతినిన్ విరాటునకు సచ్ఛరితుండు యుధిష్ఠిరుండు దా,
    నమ్ముఁడు, కుంతి పుత్రుఁడు వినాయకుఁడే జనులార చెప్పితిన్

    [వినాయకుఁడు = గురువు]

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు మనోహరంగా, ఉత్తమంగా ఉన్నవి. అభినందనలు.
      "యుధిష్ఠిరుం డగున్। నమ్ముఁడు..." అంటే బాగుంటుందేమో?

      తొలగించు
    2. పూజ్యులు శంకరయ్య గారికి నమః పూర్వక ధన్యవాదములు. మీ సవరణ బాగున్నది. ధన్యవాదములు.

      తొలగించు
  28. డా.పిట్టా
    వింతగ బుట్టిరి వీరలు
    సొంతము కర్ణుడును గణప చూడరు తండ్రిన్
    దొంతర(పరంపర)వెలుగుకు నలుగుకు
    కుంతీ పుత్రుడు(తండ్రిని గుర్తించని పుత్రుడు) వినాయకుడు సత్యమిదే!

    ప్రత్యుత్తరంతొలగించు
  29. అంతముజేసె సుయోధను
    కుంతీ పుత్రుడు, వినాయకుడు, సత్య మిదే,
    సంతుష్టిగ భుజియించుచు
    సంతసముగనెలుకపైన సతము చరించున్

    ప్రత్యుత్తరంతొలగించు
  30. కమ్మని భోజనమ్ముగొని కాంచు ముదమ్మును, ఖాదనమ్ములో
    నమ్ముడు కుంతిపుత్రుడు, వినాయకుడే జనులార చెప్పితిన్
    తమ్ములుతెచ్చు భోజనము తానెభుజించు సగమ్ముతృప్తిగా
    గుమ్ముగనిద్రబోవునిక కోల్పడి స్పందన నిద్రమత్తులో

    (బోజనము తినుటలో భీముడు వినయకుడితో సముడు)

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ రెండు పూరణలు బాగున్నవి. అభినందనలు.

      తొలగించు
  31. నమ్మిన వారి కష్టముల నార్తిగఁ దీర్చెడి సాకతంబునన్,
    వెమ్మున పెద్దలందరిని పెంపున గొల్చు విధేయతన్, సకా
    లమ్మున కార్యదీక్ష నచలంబుగ నుండెడి బుద్ధి కౌశతన్
    నమ్ముఁడు కుంతి పుత్రుఁడు వినాయకుఁడే జనులార చెప్పితిన్

    ప్రత్యుత్తరంతొలగించు
    ప్రత్యుత్తరాలు
    1. ఫణికుమార్ గారూ,
      మీ పూరణ బాగున్నది. అభినందనలు.
      'కౌశతన్'...?

      తొలగించు
  32. ధర్మజుడు శౌనకాది మునులనడిగిన సందర్భం....

    చింతాహేతువునడిగెను కుంతీపుత్రుఁడు , *వినాయకుఁడు సత్య మిదే* !
    *స్వాంతమున భక్తిఁగొలిచిన*
    *చింతలు తొలగించుననుచు* జెప్పిరి మునులున్ !!



    త్రాగుబోతు.... ( క్రింద పేరు రాసుకున్నాడనుకోకండి.. 😀)

    అమ్మ పయిన్ ప్రమాణమిదె! అబ్బ పయిన్ మఱి యొట్టు ! నేను మ..
    ద్యమ్మును త్రాగలేదు ! మరియాదను వీడగలేదు ! నేలపై
    సొమ్మసిలన్ బరుండినది జూచితిరా ! అది యేమి లేదు! నన్
    నమ్ముడు ! కుంతిపుత్రుఁడు వినాయకుడే ! జనులార ! చెప్పితిన్!!




    అమ్ముని మాట నమ్ముటకు నర్కుని బిల్చెను గుంతి , గౌరియున్
    బొమ్మకు బ్రాణమిచ్చి తనముద్దులపట్టిగ నెంచె , వారలే
    నమ్ముడు! కుంతిపుత్రుఁడు వినాయకుడే! జనులార! చెప్పితిన్!
    నెమ్మి యనంగ ధాత్రి నవనీతసమానము మాతృభావమే!!

    నెమ్మి... ప్రేమ / సంతోషము...

    మైలవరపు మురళీకృష్ణ వెంకటగిరి

    ప్రత్యుత్తరంతొలగించు
    ప్రత్యుత్తరాలు
    1. మైలవరపు వారూ,
      మీ మూడు పూరణలు అద్భుతంగా ఉన్నవి. అభినందనలు.

      తొలగించు
  33. ఎంతాలోచించిన నది
    అంతే! లంబోదరుడన ననిలజుడగునే?
    వింతగ పలుకకు! కాడే
    కుంతీ పుత్రుడు! వినాయకుడు సత్యమిదే

    ప్రత్యుత్తరంతొలగించు
    ప్రత్యుత్తరాలు
    1. రాజశేఖర శర్మ గారూ,
      మీ పూరణ బాగున్నది. అభినందనలు.
      "ఎంతగ నాలోచించిన। నంతయె" అనండి.

      తొలగించు
  34. అంతము లేని సమస్యల
    నెంతని సృష్టించ గలడు యే కవి యైనన్
    వింతగు సమస్య గాదిది
    కుంతీపుత్రుఁడు వినాయకుఁడు సత్య మిదే !

    చింతన విడి బలికితివన
    నంతయు నిజమనుచు బలికె నర్భకుడు సభన్
    వింతగ జన్మించిరి గద
    కుంతీపుత్రుఁడు, వినాయకుఁడు, సత్య మిదే !

    నిన్నటి సమస్యకు నా పూరణ

    1 వక్త్రము లసురున కెన్నన
    2 వక్త్రము గాకన్ కరములు పాపాత్మునికిన్ ,
    3 వక్త్రము లా హరికెన్నన
    వక్త్రంబుల్ పది/ కరములు పది / వేలు గదా!

    1 వక్త్రము = నోరు
    2 వక్త్రము = ముఖము
    3 వక్త్రము = వస్త్రము

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ మూడు పూరణలు బాగున్నవి. అభినందనలు.

      తొలగించు
  35. ఇమ్మహిలోన ధర్మగుణ
    మెవ్వని సొత్తయి తూగె నుర్విలో,
    నమ్ముడు కుంతి పుత్రుడు; వి
    నాయకుడే జనులార, చెప్పితి,
    న్నిమ్ముగ లోక రక్షణ వ
    హించెడి వాడయి దివ్యరూపుడై
    నెమ్మిని సర్వజీవులను
    నిక్కము బ్రోచు గదా దయాళువై!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ పూరణ బాగున్నది. అభినందనలు.

      తొలగించు