కవిమిత్రులారా,
ఈరోజు పూరించవలసిన సమస్య ఇది......
సంజ నిద్దుర చేకూర్చు సంపదలను.
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఈరోజు పూరించవలసిన సమస్య ఇది......
సంజ నిద్దుర చేకూర్చు సంపదలను.
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
లేని రోగములను దెచ్చి హాని జేయు
రిప్లయితొలగించండిసంజ నిద్దుర, చేకూర్చు సంపదలను
సత్య నిష్టతో పని జేయు సద్గుణులకు
రేయి నిద్దుర కలిగించు హాయిగాను
ఆది దేవుని ప్రార్ధించ నుదయ సంధ్య
రిప్లయితొలగించండియసుర సంధ్యని పేరొంది రసురు లనగ
మిట్ట మధ్యాహ్న వేళల గట్టి యెండ
సంజ నిద్దుర చేకూర్చు సంపద లను
యనెడి పలుకులు వినలేదు మునుపు నిజము
మూడు సంధ్యల యందున ముచ్చ టించ
బొడ్డు శంకరయ్య గారూ,
రిప్లయితొలగించండిమీ పూరణ బాగుంది. అభినందనలు.
*
రాజేశ్వరి అక్కయ్యా,
మీ పూరణ బాగుంది.
మొదటిపాదంలో ప్రాసయతి తప్పింది. ‘సంధ్య + అని’ అన్నప్పుడు యడాగమం వస్తుంది. ‘సంపదలను + అనెడి’ అన్నప్పుడు యడాగమం రాదు. అక్కడ సంధి నిత్యం.
శ్రీ శంకరయ్య గురుదేవులకు,శ్రీ నేమాని గురుదేవులకు వినమ్రవందనములతో.....
రిప్లయితొలగించండిఒక స్వామీజీ బలుకులు పరుల బలుకులు నమ్మవలదు,నాకు ముడుపు గట్టి పాద సేవ జేయ మనుచు
===========*=====================
సంజ నిద్దుర చేకూర్చు సంపద లను,
కోడి నిద్దుర దీర్చు ను గోర్కె లనని
బలుక నమ్మ వలదు మీరు,పాద సేవ
ముక్తి కోరి జేయ వలయు ముడుపు గట్టి ।
పండిత నేమాని గారికి పూజ్యులు గురుదేవులు
రిప్లయితొలగించండిశంకరయ్య గారికి వందనములు
రాతిరంతయు మేల్కొని రాజ్యమునకు
రక్ష నొనరించు సైనిక వ్రాతమునకు
సంజ నిద్దుర చేకూర్చు .సంపదలను
మించు సుఖమును అలపు తగ్గించు హాయి
లేమిఁ గలిగించు సత్వంబు లేకపోవు
రిప్లయితొలగించండిమందమతులుగచేయునమాంతముగను
సంజ నిద్దుర, చేకూర్చు సంపదలను
మనుషజాతికి నిజయుక్త మార్గమరయఁ.
రిప్లయితొలగించండిమంచి యలవాటు కాదార్య ! మానవునకు
సంజ నిద్దుర, చేకూర్చు సంపదలను
భక్తి శ్రధ్ధల బూజించ భర్గు నిలను
ఆయ నేకద ! మనలను నాదు కొనును
పెంచు సోమరి తనమును ముంచు చురుకు
రిప్లయితొలగించండిసంజ నిద్దుర, చేకూర్చు సంపదలను
నిత్య మొనరించు రాతిరి నిద్ర స్వస్థ్య
భాగ్య ములమించు నారోగ్య భాగ్య మొకటె.
సంజ నిద్దుర చేకూర్చు సంపదలను
రిప్లయితొలగించండిగూర్చి యేమన వలెనయ్య! కొంప మునుగు
పరమ శివుడా తరుణమున పరవశించు
నతని ధ్యానించుటే గూర్చు నతుల సుఖము
ఈ కామెంట్‌ను రచయిత తీసివేశారు.
రిప్లయితొలగించండిశ్రీ శంకరయ్య గారికి నమస్సులు
రిప్లయితొలగించండికళను పోషించి ప్రఖ్యాతి గాంచి నటులు
నిధికి గనులయి రాత్రులు నిదుర లేమి
నుదయ సాయంత్ర సంధ్యలె నిదురబోవ
సంజ నిద్దుర చేకూర్చు సంపదలను
మరొక పూరణ
నటుడు హరిదాసు చోరుడు నాట్యకత్తె
నిశిని నిదురకు నోచని దశకు చేరి
రుభయ సంధ్యల నిదురకునుద్యమించ
సంజ నిద్దుర చేకూర్చు సంపదలను
వరప్రసాద్ గారూ,
రిప్లయితొలగించండిబాగుంది మీ పూరణ. అభినందనలు.
*
కెంబాయి తిమ్మాజీ రావు గారూ,
మీ పూరణ బాగుంది. అభినందనలు.
*
సంపత్ కుమార్ శాస్త్రి గారూ,
మీ పూరణ బాగుంది. అభినందనలు.
*
సుబ్బారావు గారూ,
బాగుంది మీ పూరణ. అభినందనలు.
‘భర్గుని నిల/ నాయనే కద..’ అనండి.
*
గండూరి లక్ష్మినారాయణ గారూ,
మీ పూరణ బాగుంది. అభినందనలు.
‘స్వాస్థ్య’ మనండి.
*
పండిత నేమాని వారూ,
మీ ‘అతుల’ పూరణము మనోజ్ఞంగా ఉంది. అభినందనలు.
*
భాగవతుల కృష్ణారావు గారూ,
మీ రెండు పూరణలు బాగున్నవి. అభినందనలు.
వదలి చూడుము బాలుడా బద్ధకమును
రిప్లయితొలగించండిపరుల దూషణ, చాడీలు,వదలుమయ్య
పాపకర్మలు, హింసను వదలు, వదలు
సంజ నిద్దుర, చేకూర్చు సంపద లను,