నాగమణి గారూ, మీ పూరణ బాగున్నది. అభినందనలు. 'నాథుడు+అర్ధరాత్రి' అన్నపుడు సంధి నిత్యం. విసంధిగా వ్రాయరాదు. అక్కడ "అమెరికా నుండి నా నాథు డర్ధరాత్రి" అనండి.
కామేశ్వర రావు గారూ, మీ మొదటి పూరణ చదివిన వెంటనే 'తనువున విఱిగిన యలుగుల।ననువునఁ బుచ్చంగవచ్చు నతి నిష్ఠురతన్। మనమున నాటిన మాటలు। విను మెన్ని యుపాయములను వెడలునె యధిపా" పద్యం గుర్తుకు వచ్చింది. ఇక రెండవ పూరణలో అలిగిన ఇల్లాలి వాగ్బాణాలను ప్రస్తావించారు. రెండూ అద్భుతమైన పూరణలే అభినందనలు. 'వాగ్బాణపు'... పొరపాటున 'వాక్బాణపు' అని టైపు చేశారు.
కామేశ్వర రావు గారూ, మీ మొదటి పూరణ భారత పద్యం 'తనువున విఱిగిన యలుగుల...' గుర్తుకు తెచ్చింది. రెండవ పూరణలో అలిగిన ఇల్లాలి వాగ్బాణాలను ప్రస్తావించారు. రెండూ అద్భుతమైన పూరణలే. అభినందనలు. 'వాగ్బాణపు'... పొరపాటున 'వాక్బాణపు' అని టైపు చేశారు.
ప్రణామములు గురువుగారు.. హైదరాబాద్ ప్రయుతకవితా యజ్ఞంలో మిమ్మల్ని కలవలేకపోడం నాకు కన్నీళ్ళపర్యంతమైంది.. బల్లూరి ఉమాదేవిగారితో మాట్లాడి మీరు వెళ్లిపోతున్నప్పుడు చూసి మిమ్మల్ని వెదుకుచు అంతా చూసేసరికి మీరు కన్పించలేదు..అప్పడే మీకు ఫోన్ చేసాము..మీరు బస్ లో వున్నానని చెప్పారు..మీ ఆశీస్సులందుకోలేనందుకు చాలా బాధపడ్డాను..గత 3నెలలలుగా నా చేయి విరిగి కట్టుతో వున్నందున తొందరగా లేచి మిమ్మల్ని అనుసరించలేకపోయాను 2030 పద్యములు ప్రయుతకవితాయజ్ఞంలో వ్రాసిన సందర్భంలో సహస్రకవిచక్రవర్తి బిరుదు నిచ్చి నన్ను సన్నానించారు..చాలామంది నాపద్యములను మెచ్చుకున్నారు...దీనికంతటికీ కారణం మీరు నేర్పిన విద్యే,..అందరితో నేను అదే చెప్పాను ..ఏది ఏమైనా ఒకే వేదిక దగ్గర వుండి కూడ మిమ్మల్ని కలుసుకునేభాగ్యం లభించనందుకు ఎంతగానో చింతించాను..మీ ఆశీస్సులందుకునే రోజు కొరకు నిరీక్షిస్తూ ...కృతజ్ఞతలతో..శైలజ...
శైలజ గారూ, మిమ్మల్ని కలువకుండా మిమ్మల్ని నిరుత్సాహపరచినందుకు బాధపడుతున్నాను. మీ ఫోన్ ద్వారానే గండూరి వారి కూడా మాట్లాడారు. నిజానికి గండూరి వారి సన్మానం పొంది వేదిక దిగి తమ స్థానానికి చేరగానే వారి దగ్గరకు వెళ్ళి వారికి అభినందనలు తెల్పిన మొదటి వ్యక్తిని నేనే. వారు నన్ను గుర్తు పట్టలేదు. మళ్ళీ ఏదో ఒక సందర్భం రాకపోదు. మనం కలువ వచ్చు. ఒక వారం రోజుల్లో నేను హైదరాబాదులోని వృద్ధాశ్రమంలో చేరుతున్నాను. హైదరాబాదులోనే ఉంటాను కనుక సాహిత్య కార్యక్రమాలలో పాల్గొనడానికి అవకాశాలు ఎక్కువ. మీరు హైదరాబాదులోనే ఉంటారా?
మా వూరు విజయనగరం గురువుగారు..హైదరాబాద్ ఎప్పుడో గానీ రాలేను..హైదరాబాద్ లో వుంటే ఇప్పటివరకూనా ఎప్పుడో మిమ్మల్ని కలిసి మీ ఆశీర్వాదం తీసుకొందును..ఇకమీద ఎప్పడు అటువైపు వచ్చినా మీకు ఫోన్ చేసి మీరు వున్న చోటుకి వచ్చి తమరిని కలుస్తాను..మళ్ళీ ఆశ్రమంలో చేరుతున్నారా..?
ప్రాణ నాథుని విరహము భార మవగ
రిప్లయితొలగించండివార్త రాగనె ప్రియుడిక వచ్చు ననుచు
మారు మూలన నున్న మన్మధుని పుష్ప
బాణఘాతముల్ సుఖమిచ్చు పడుచులకును
ప్రభాకర శాస్త్రి గారూ,
తొలగించండిపుష్పబాణ ఘాతాలతో శుభారంభం చేశారు. చక్కని పూరణ. అభినందనలు.
గురువర్యా! శుభోదయం! నమోనమః!
రిప్లయితొలగించండిసాంద్రచంద్రికల్ గురియ వసంతకాల
రిప్లయితొలగించండిశోభలన్ బొంది ప్రకృతి మోజులను బెంచ
మలయమారుతములు సోక మదనుని సుమ
బాణఘాతముల్ సుఖమిచ్చుఁ బడుచులకును.
__/\__ __/\__ __/\__
తొలగించండివీణను మీటుటన్ సకలవిద్యలలో నెఱవైన బాలనే
రిప్లయితొలగించండిరాణిగ చేసుకొందునను రాజకుమారుడుఁ గాంచె నట్టి పూ
బోణిని సంతసించి వధువున్ వడి పెండిలియాడినంత పూ
బాణము దెబ్బలే పడుచు వారికి సౌఖ్యము నిచ్చు నెప్పుడున్
సోమయాజులు గారూ,
తొలగించండిమీ పూరణ బాగున్నది. అభినందనలు.
అమెరికా నుంచి నాధుడు అర్ధరాత్రి
రిప్లయితొలగించండిస్మార్టు ఫోనులో కనిపించి సంతసముగ
మాటలాడ, మదిని దోచు భాషణముల
బాణ ఘాతముల్ సుఖమిచ్చు పడచులకున్
నాగమణి గారూ,
తొలగించండిమీ పూరణ బాగున్నది. అభినందనలు.
'నాథుడు+అర్ధరాత్రి' అన్నపుడు సంధి నిత్యం. విసంధిగా వ్రాయరాదు. అక్కడ "అమెరికా నుండి నా నాథు డర్ధరాత్రి" అనండి.
ధన్యవాదములు సవరించుకుంటాను.
తొలగించండిడా.పిట్టా
రిప్లయితొలగించండివన వహారము కేగగ వలపుజంట
గాంధి పార్కున గలిసిన ఘడియ యందె
వరుణ దేవుని చిటపట వర్ష బిందు
బాణ ఘాతముల్ సుఖమిచ్చు పడుచులకును
డా.పిట్టా
రిప్లయితొలగించండిజాణ తనంబు పెంపెసగ జవ్వని పద్య విశేష భాషణల్
రాణను గన్న ప్రేమికుని రంగ ప్రవేశ ప్రసంగ వృత్తముల్
వీణను మీటినట్లు గన వీలగునా?"ముఖవాణి(ఫేస్ బుక్)వాదనా
బాణపు దెబ్బలే పడుచు వారికి సౌఖ్యము నిచ్చునెప్పుడున్
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండిజాణల చూడగన్ వలపు జాలము మేనిని చుట్టి వేయు నా
ఘ్రాణము జేయు పుష్పముల గండుక లాడుచు గుండు తుమ్మెదల్
రాణములై, జిలేబి, మజ ! రాసము మన్మధు సౌమనస్యమౌ
బాణపు దెబ్బలే పడుచు వారికి సౌఖ్యము నిచ్చు నెప్పుడున్
రిప్లయితొలగించండివేణి సౌగంధములలర వేణు నాద
ములట రమ్మని బిలువగా ముద్దు గుమ్మ
లగుచు మురిసిబోవు రమణు లార పుష్ప
బాణ ఘాతముల్ సుఖమిచ్చు పడచులకును
జిలేబి
జిలేబీ గారూ,
తొలగించండిమీ రెండు పూరణలు బాగున్నవి. అభినందనలు.
అతుల మైనట్టి యానంద మంద జేసి
రిప్లయితొలగించండియఖిల జగతికి నాధారమైన ప్రేమ
నంచితంబుగ బుట్టించు నట్టి పంచ
బాణఘాతముల్ సుఖమిచ్చు పడుచులకును.
ఘాతము=బాణము
హరి వేంకట సత్యనారాయణ మూర్తి గారూ,
తొలగించండిపంచబాణుని ఘాతము లంటూ ఘాత శబ్దానికి బాణమన్న అర్థం సాధించిన మీ పూరణ మనోహరంగా ఉంది. అభినందనలు.
ద్రోణ కృపాపగాసుతులు దొమ్మిని పొందిన వేమి? ప్రాయపుం
రిప్లయితొలగించండిజాణతనమ్ము సోయగము సాహస మెవ్వరి కుండు? శాంత మీ
క్షోణితలమ్మునన్ నరులకున్ సమకూర్చున దేమి? చెప్పుమా!
బాణపు దెబ్బలే; పడుచువారికి; సౌఖ్యము నిచ్చు నెప్పుడున్.
పరువమంకురు పదహారు ప్రాయమందు
రిప్లయితొలగించండిమరునితలపులు మనమున మాటువేయ
పొరుగు పోరగాండ్రు విసరు పూలవింటి
బాణఘాతముల్ సుఖమిచ్చు పడతులకును!
సీతాదేవి గారూ,
తొలగించండిమీ పూరణ రసవత్తరంగా ఉంది. అభినందనలు.
'పరువమంకురు'...?
గురువుగారికి నమస్సులు! పరువ మంకురించు యని భావన! గణాలకోసం కుదించడమైనది! క్షంతవ్యురాలను!
తొలగించండి"పర్వ ముదయింప..." అనండి.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిసహదేవుడు గారూ,
తొలగించండిమనోహరంగా ఉంది మీ పూరణ. అభినందనలు.
గురుదేవులకు ధన్యవాదములు పొరపాటున తొలగించబడింది మన్నించండి
తొలగించండిపెళ్లి సందడి మనసైన ప్రియులఁ గలుప
కార్యదర్శులై తిరిగెడు కన్యలఁగను
సుమధురమౌ ప్రియతముల చూడ్కులనెడు
భాణ ఘాతముల్ సుఖమిచ్చు పడుచులకును
కూలి జేయగ పడతులు కూటి కొఱకు
రిప్లయితొలగించండివేడి గాడ్పుల వేసవి వెతల లోన
కలలు పండినటుల తొలకరి చినుకుల
బాణఘాతముల్ సుఖమిచ్చు పడుచులకును
ప్రభాకర శాస్త్రి గారూ,
తొలగించండితొలకరి చినుకులతో మీ పూరణ ప్రశస్తంగా ఉంది. అభినందనలు.
ఈవసంతమాసమునందు నిమ్ముగాను
రిప్లయితొలగించండిమావి చెట్టుపై కోయిల మధురమైన
గానముల వినుచున్ సొక్క, కమ్మవిల్తు
బాణఘాతముల్ సుఖమిచ్చు పడుచులకును
సత్యనారాయణ రెడ్డి గారూ,
తొలగించండిమీ పూరణ మనోజ్ఞంగా ఉంది. అభినందనలు.
విరహ వేదన తోడన భీకరముగ
రిప్లయితొలగించండిబాధ పడుచుండు భారతి భర్త రాగ
ముదము కలుగుచు నొడలెల్ల ముడువ, పుష్ప
బాణ ఘాతముల్ సుఖమిచ్చు పడతులకును
సుబ్బారావు గారూ,
తొలగించండిచాలా బాగుంది మీ పూరణ. అభినందనలు.
'తోడను' అనండి.
కోరుకొనకనె పరువపు దారులందు
రిప్లయితొలగించండిపరవశమ్మున నెదలోన వలపు జిలుకు
రంగు పొంగారు కోమల రమ్య కుసుమ
బాణ ఘాతముల్ సుఖమిచ్చు పడుచులకును!
శర్మ గారూ,
తొలగించండిరమ్యంగా ఉంది మీ పూరణ. అభినందనలు.
దర్పణ నిభము మనమెంచ ధర్షితంపుఁ
రిప్లయితొలగించండిబల్కులను వ్రక్కలగు నింక బాధ కలిగి
దాని కంటె మేలగు నయ్య మేనికి నగు
బాణఘాతముల్ సుఖమిచ్చు పడుచులకును
పాణినిఁ జేకొనంగ దృఢ బంధము పన్నుగ నేర్పడంగ నొ
డ్డాణము గోర నీయ నన డంబపుఁ బల్కులు మాను మంచికన్
క్షోణి తలంబు పైన ననుకూలపు భార్య మనోజ్ఞ భావ వా
క్బాణపు దెబ్బలే పడుచు వారికి సౌఖ్యము నిచ్చు నెప్పుడున్
కామేశ్వర రావు గారూ,
తొలగించండిమీ మొదటి పూరణ చదివిన వెంటనే 'తనువున విఱిగిన యలుగుల।ననువునఁ బుచ్చంగవచ్చు నతి నిష్ఠురతన్। మనమున నాటిన మాటలు। విను మెన్ని యుపాయములను వెడలునె యధిపా" పద్యం గుర్తుకు వచ్చింది.
ఇక రెండవ పూరణలో అలిగిన ఇల్లాలి వాగ్బాణాలను ప్రస్తావించారు.
రెండూ అద్భుతమైన పూరణలే అభినందనలు.
'వాగ్బాణపు'... పొరపాటున 'వాక్బాణపు' అని టైపు చేశారు.
కామేశ్వర రావు గారూ,
తొలగించండిమీ మొదటి పూరణ భారత పద్యం 'తనువున విఱిగిన యలుగుల...' గుర్తుకు తెచ్చింది.
రెండవ పూరణలో అలిగిన ఇల్లాలి వాగ్బాణాలను ప్రస్తావించారు.
రెండూ అద్భుతమైన పూరణలే. అభినందనలు.
'వాగ్బాణపు'... పొరపాటున 'వాక్బాణపు' అని టైపు చేశారు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిఅవునండి పొరపాటు జరిగింది. సవరిస్తాను.
శోణితధారలన్ మిగులజోరుగపాఱగజేసి వాటిఁబా
రిప్లయితొలగించండిరాణిగఁబెట్టి యాడెడు కరాళనృతిన్ యమహేతుకంబులౌ
బాణపుదెబ్బ లేపడుచువారికి సౌఖ్యమునిచ్చు? నెప్పుడున్
ప్రాణమెతీపియందరకు పాయసప్రాయము శాంతియిద్ధరిన్!
రఘురామ్ గారూ,
తొలగించండిమీ పూరణ బాగున్నది. అభినందనలు.
'శాంతి యిద్దరిన్'.... "శాంతి యిద్ధరన్"?
ఏణములన్ వధించుటకు నిద్దరు మిత్రులు వేటకేగ , ని...
రిప్లయితొలగించండిద్రాణమునౌ మృగేంద్రము విదల్చగ జూలు పరస్పరమ్ముగా
బాణములందిపుచ్చుకొన వారలు , కేసరి నేల గూలెడిన్
బాణపు దెబ్బలే పడుచు .., వారికి సౌఖ్యము నిచ్చు నెప్పుడున్
ప్రాణ సమాన మైత్రియె ! ధరన్ మఱి దానికి సాటియున్నదే !!
ఏణములన్ =జింకలను
మైలవరపు మురళీకృష్ణ.. వెంకటగిరి
మురళీకృష్ణ గారూ,
తొలగించండిమీ యీ తాజా పూరణ వైవిధ్యంగా ఉండి అలరింపజేసింది. అభినందనలు.
🌺రాధికాప్రణయమ్🌺
రిప్లయితొలగించండిప్రాణమె నీవుగా దలచు రాధనురా ! పరికింపవేలరా !
జాణను గాను సత్యవలె చక్కగ కొంగుకు కట్టలేను ! పూ..
బాణపు దెబ్బలే పడుచు వారికి సౌఖ్యము నిచ్చు నెప్పుడున్ !
వేణుధరా! నిజమ్ము ! పెనవేసికొనంగ నినున్ సుఖమ్మురా !!
రాధ ప్రణయాన్ని అద్భుతముగా పూరణలో చొప్పించిన మురళీకృష్ణ గారికి అభినందనలు.
తొలగించండిచిత్రమైనట్టి బాణమ్ము ! చిచ్చు బెట్టి
రిప్లయితొలగించండికాంతఁ బ్రోషితభర్తృకన్ గాల్చుచుండు !
పతిని ముద్దాడు వేళలో పంచపుష్ప
బాణఘాతముల్ సుఖమిచ్చు పడుచులకును !!
మురళీకృష్ణ గారూ,
తొలగించండిమీ మూడు పూరణలు అద్భుతంగా ఉన్నవి. అభినందనలు.
శంకరయ్య గారూ హ. ధన్యవాదాలండీ.. నమోనమః
తొలగించండిబోణులు గొంతమం దిధర పూవిలు కానికి వశ్యమౌగబూ
రిప్లయితొలగించండిబాణపు దెబ్బలే పడుచు వారికి సౌఖ్యము నిచ్చుఐనెప్పుడున్
జాణలు దాముగా భువిని చాలిన బ్రీతిని నెల్లవారికిన్
జాణతనంబునన్దనదు శక్తిని రక్తిని జూపుచుండుగా
సుబ్బారావు గారూ,
తొలగించండిమీ పూరణ బాగున్నది. అభినందనలు.
శోభ నాన నఖక్షతల్ శోభనింప?
రిప్లయితొలగించండివధువుసిగ్గను మొగ్గను వలపుచేత
వరుడు వికసింప జేయగ వహ్వ పుష్ప
భాణ ఘాతముల్ సుఖమిచ్చు పడుచులకును|
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
బాణములట్లు చూపుల ప్రభావము జూపగ కన్య లిప్పటన్
రిప్లయితొలగించండిరాణి యటంచు దల్చి మగరాయడు తూలుచు తేలునీభువిన్
ప్రాణ సమాన మీవనుచు బల్కుచు ; పల్మరు వెంబడించడే
బాణపు దెబ్బలే పడుచు వారికి సౌఖ్యము నిచ్చు నెప్పుడున్
కృష్ణారావు గారూ,
తొలగించండిమీ పూరణ బాగున్నది. అభినందనలు.
వర్షమందున తడిసిన భామ పొంక
రిప్లయితొలగించండిములను గాంచి తమకమందు లలన జేరు
పురుషుని కనులు రాల్చు చూపులవి మదన
బాణ ఘాతముల్ సుఖమిచ్చు పడతులకు
వేణిన మల్లెలన్ దురిమి వెన్నెల గ్రోలెడు గొల్లభామలన్
వేణువు నూది పిల్వగను వెన్నుడె, యయ్యమునానదీ తటిన్
ప్రాణసఖుండజేరెదరు భామలు కృష్ణుడు రాల్చుచూపులా
బాణపు దెబ్బలే పడచువారికి సౌఖ్యము నిచ్చునెప్పుడున్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
తీర్థ యాత్రలు ఫలమిచ్చు దినమె నేడు
రిప్లయితొలగించండినిండు గర్భపు నెలలన్ని నిండె నేడు
ప్రాణ నాధుని తొలికాన్క ప్రాణ గీతి
బాణఘాతముల్ సుఖమిచ్చు పడుచులకును
...ప్రాణ గీతి = తొలి కేక (baby's first cry when it takes its first breath of oxygen)...
"ప్రాణ గీతి" ని వేరొక సందర్భమున శ్రీయుతులు మిస్సన్న గారు వాడియున్నారు:
తొలగించండిhttp://kandishankaraiah.blogspot.in/2013/09/blog-post_18.html?m=1
శాస్త్రి గారూ,
తొలగించండిఈ పూరణ మీ బహుముఖ ప్రజ్ఞకు, జ్ఞాపక శక్తికి తార్కాణం. బాగుంది. అభినందనలు.
__/\__
తొలగించండిఅది నా జ్ఞాపక శక్తి కాదు సార్! అంతర్జాల శోధనమే!
తొలగించండివీణనుమీటినట్లుగను వీనుల విందు యొనర్చుమాటలున్
రిప్లయితొలగించండిజాణతనమ్మునన్ మెలగు చక్కని కన్యను పెండ్లియాడ తా
రాణిగ వచ్చిచేరగను రాతిరివేళను శంబరారి పూ
బాణపు దెబ్బలే పడుచు వారికి సౌఖ్యము నిచ్చు నెప్పుడున్
రెడ్డి గారూ,
తొలగించండిమీ పూరణ బాగున్నది. అభినందనలు.
'విందు+ఒనర్చు' అన్నపుడు సంధి నిత్యం,యడాగమం రాదు. అక్కడ "విం దొనరించు మాటలున్" అనండి.
పతిని కొంగున ముడివేసి పట్టియుంచి
రిప్లయితొలగించండిపదుగురి యెదుట వారలఁ బలుచ చేసి
బాధ కలిగింప జేసెడు వాక్కులనెడు
బాణఘాతముల్ సుఖమిచ్చు పడుచులకును
రాజ్ కుమార్ గారూ,
తొలగించండిమీ పూరణ బాగున్నది. అభినందనలు.
మల్లె మొగ్గలు వేణిని యల్లు కొనగ
రిప్లయితొలగించండిమంద మారుత మీతరి మరులు గొలుప
మగని మురిపాలు ముడివేయ మదికి బాణ
బాణ ఘాతముల్ సుఖమిచ్చు పడుచులకును.
( బాణ = ఐదు)
శర్మ గారూ,
తొలగించండిమీ పూరణ బాగున్నది. అభినందనలు.
"తనవేణి నల్లుకొనగ" అనండి.. వినసొంపుగా ఉంటుంది.
రిప్లయితొలగించండిపిన్నక నాగేశ్వరరావు.
నూత్న దంపతు లెడబాయ నొక్క మాస
మా తదుపరి సమాగమ మధుర
క్షణము
కై నిరీక్షించు తరుణాన కాముని విరి
బాణ ఘాతముల్ సుఖమిచ్చు
పడతులకును.
****************************
నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
సమస్య:- *బాణఘాతముల్ సుఖమిచ్చు పడుచులకును!*
రిప్లయితొలగించండి🍀🍀🍀🍀🍀🍀🍀🍀🍀
నా పూరణ:-
*కట్న కానుకులందున* కఠినమైన,
యింతి బాధలు పడె *గృహహింసపైన*
మనుషుల మదిలో మొలిచేటి మలిన మతికి
*బాణఘాతముల్,సుఖమిచ్చు పడుచులకును!*
🍀🍀🍀🍀🍀🍀🍀🍀🍀
🌺🌺చెరుకూరి తరుణ్🌺🌺
తరుణ్ గారూ,
తొలగించండిశంకరాభరణం బ్లాగు మీకు స్వాగతం పలుకుతున్నది.
మీ పూరణ బాగున్నది. అభినందనలు.
ప్రణామములు గురువుగారు..
రిప్లయితొలగించండిహైదరాబాద్ ప్రయుతకవితా యజ్ఞంలో మిమ్మల్ని కలవలేకపోడం నాకు కన్నీళ్ళపర్యంతమైంది..
బల్లూరి ఉమాదేవిగారితో మాట్లాడి మీరు వెళ్లిపోతున్నప్పుడు చూసి మిమ్మల్ని వెదుకుచు అంతా చూసేసరికి మీరు కన్పించలేదు..అప్పడే మీకు ఫోన్ చేసాము..మీరు బస్ లో వున్నానని చెప్పారు..మీ ఆశీస్సులందుకోలేనందుకు చాలా బాధపడ్డాను..గత 3నెలలలుగా నా చేయి విరిగి కట్టుతో వున్నందున తొందరగా లేచి మిమ్మల్ని అనుసరించలేకపోయాను
2030 పద్యములు ప్రయుతకవితాయజ్ఞంలో వ్రాసిన సందర్భంలో సహస్రకవిచక్రవర్తి బిరుదు నిచ్చి నన్ను సన్నానించారు..చాలామంది నాపద్యములను మెచ్చుకున్నారు...దీనికంతటికీ కారణం మీరు నేర్పిన విద్యే,..అందరితో నేను అదే చెప్పాను ..ఏది ఏమైనా ఒకే వేదిక దగ్గర వుండి కూడ మిమ్మల్ని కలుసుకునేభాగ్యం లభించనందుకు ఎంతగానో చింతించాను..మీ ఆశీస్సులందుకునే రోజు కొరకు నిరీక్షిస్తూ ...కృతజ్ఞతలతో..శైలజ...
శైలజ గారూ,
తొలగించండిమిమ్మల్ని కలువకుండా మిమ్మల్ని నిరుత్సాహపరచినందుకు బాధపడుతున్నాను. మీ ఫోన్ ద్వారానే గండూరి వారి కూడా మాట్లాడారు.
నిజానికి గండూరి వారి సన్మానం పొంది వేదిక దిగి తమ స్థానానికి చేరగానే వారి దగ్గరకు వెళ్ళి వారికి అభినందనలు తెల్పిన మొదటి వ్యక్తిని నేనే. వారు నన్ను గుర్తు పట్టలేదు.
మళ్ళీ ఏదో ఒక సందర్భం రాకపోదు. మనం కలువ వచ్చు.
ఒక వారం రోజుల్లో నేను హైదరాబాదులోని వృద్ధాశ్రమంలో చేరుతున్నాను. హైదరాబాదులోనే ఉంటాను కనుక సాహిత్య కార్యక్రమాలలో పాల్గొనడానికి అవకాశాలు ఎక్కువ. మీరు హైదరాబాదులోనే ఉంటారా?
మా వూరు విజయనగరం గురువుగారు..హైదరాబాద్ ఎప్పుడో గానీ రాలేను..హైదరాబాద్ లో వుంటే ఇప్పటివరకూనా ఎప్పుడో మిమ్మల్ని కలిసి మీ ఆశీర్వాదం తీసుకొందును..ఇకమీద ఎప్పడు అటువైపు వచ్చినా మీకు ఫోన్ చేసి మీరు వున్న చోటుకి వచ్చి తమరిని కలుస్తాను..మళ్ళీ ఆశ్రమంలో చేరుతున్నారా..?
రిప్లయితొలగించండినాణెపు మోమునందునను నందము నిచ్చెడి సొట్టబుగ్గలున్
రిప్లయితొలగించండివాణిని మించెడిన్ తెలివి భామల హృత్తుల దొంగిలించగా
వీణను మీటు పల్కులను వింతగ సంధిలు డింపులయ్యవౌ
బాణపు దెబ్బలే పడుచు వారికి సౌఖ్యము నిచ్చు నెప్పుడున్!