ప్రభాకర శాస్త్రి గారూ, గాన, భక్తి, జ్ఞాన, కలహాలు అనే నలుగురు భార్యలు నారదునకు అని చక్కని పూరణ అందించారు. విరుపును ఆశ్రయించకుండా మంచి భావంతో పూరించారు. అభినందనలు.
పూజ్యులు శ్రీ శంకరయ్య గారికి వందనములు. విరుపు, క్రమాలంకారము ఇత్యాది క్రియలలో అన్వయం నాకు కష్టంగా ఉంటుంది. అందువలన సమస్యాపాదం యథాతథంగా ఉంచి పూరించే ప్రయత్నం లో క్రిందా మీదా పడుతుంటాను. నమస్సులు.
తోపెల్ల బాలసుబ్రహ్మణ్య శర్మ గారూ, విరుపుతో మంచి పూరణ అందించారు. అభినందనలు. కర్తృపదం 'ఆత్మజులు' బహువచనం. క్రియాపదం 'అభిమంత్రించెన్' ఏకవచనం. "హారతు లిచ్చిరి ముదమున నతి భక్తి మెయిన్" అంటే ఎలా ఉంటుంది?
గురువుగారికి ధన్యవాదములు. మీ సూచన ప్రకారము సరిచేయుచూ చేరగ నయోధ్యకత్తరి నారద మునిసత్తమునకు, నలువురు భార్యల్ చేర దశరథాత్మజులట "హారతు లిచ్చిరి ముదమున నతి భక్తి మెయిన్".
బ్రహ్మ వైవర్త పురాణ గాథ ప్రకారం ఒకరోజు బ్రహ్మ కుమారులను పిలిచి పెళ్ళి చేసుకొని ప్రజా సంతతి పెంచమని కొరగా అందరూ అంగీకరించినా నారదుడు సంసార బంథాలను తిరస్కరిస్తూ నాకు శ్రీహరి మీద తప్ప మరొకరి మీద మనసులేదని చెప్పగా బ్రహ్మకు కోపం వచ్చి నీవు కాముకుడవై పుట్టుమని శపింపగా “నీకు పూజా కవచములు లేకుండుగాక” యని బ్రహ్మకు ప్రతి శాపమిస్తాడు నారదుడు. తండ్రి శాప ప్రభావంచే ఓ గంధర్వుని ఇంట ఉప బర్హనుడై పుట్టి లాలావతిని ఆమె చెల్లెళ్ళను పెళ్ళాడతాడు. ఈ గాథ ప్రకారం పూరణ చెయ్యడం జరిగినది.
జిలేబీ గారూ, నారద శబ్దాన్ని సంబోధనగా చేసిన మీ పూరణ బాగున్నది. 'ఈరము'ను ఏ అర్థంలో ప్రయోగించారు. దానికి పొదరిల్లు, సాంద్రత (thickness) అన్న అర్థాలున్నవి.
కోరిక పరదేశములం దీరంగా చదివి వాడు దెలిపెను తానా గౌరీపతి కేశవుడే నారదముని సత్తమునకు నలుగురు భార్యల్.
కోరిక దీర విద్య లతి కూర్మిగ నేర్చి విదేశమందు నా కారము మార్చి వాడిచట గాంచిన గాకర గీకరా యనెన్ గౌరికి భర్త కేశవుడు కాంచు డటంచును బల్కె నీగతిన్ నారద మౌనిముఖ్యునకు నల్వురు భార్య లతిప్రసన్నులున్.
నారాయణ మంత్రము, కడు పార గలహ భోజనమును, పాయని పద సం చారము, గానములె సుమీ నారద ముని సత్తమునకు నలువురు భార్యల్!
చిన్న మార్పుతో మరలా వ్రాశాను, తప్పొప్పుల సూచింప ప్రార్థన. నారాయణ మంత్రము, కడు పారగ కలహముల తిండి, పాయని పద సం చారము, గానములె సుమీ నారద ముని సత్తమునకు నలువురు భార్యల్!
కవిమిత్రులారా, నిన్న ఉదయం సంగారెడ్డికి వెళ్ళి సాయంత్రం అక్కడి కవిసమ్మేళనంలో పాల్గొని హైదరాబాదు ద్వారా ప్రయాణం చేసి ఇప్పుడే ఇల్లు చేరాను. అందువల్ల మీ పూరణలను సమీక్షించలేకపోయాను. మన్నించండి.
నారాయణ యనుచు సతము
రిప్లయితొలగించండిపారాయణమందు గాన భక్తి జ్ఞాన
మ్మౌరాయన కలహమ్ములు
నారద మునిసత్తమునకు నలువురు భార్యల్
ప్రభాకర శాస్త్రి గారూ,
తొలగించండిగాన, భక్తి, జ్ఞాన, కలహాలు అనే నలుగురు భార్యలు నారదునకు అని చక్కని పూరణ అందించారు. విరుపును ఆశ్రయించకుండా మంచి భావంతో పూరించారు. అభినందనలు.
చక్కని పూరణ! 🙏🙏🙏🙏
తొలగించండి
తొలగించండిజీపీయెస్సు వారు
అదురహో !
ఔరాయను కలహమ్ములు,
నారాయణుని నామజపము నారద తీరుల్ :)
జిలేబి
పూజ్యులు శ్రీ శంకరయ్య గారికి వందనములు. విరుపు, క్రమాలంకారము ఇత్యాది క్రియలలో అన్వయం నాకు కష్టంగా ఉంటుంది. అందువలన సమస్యాపాదం యథాతథంగా ఉంచి పూరించే ప్రయత్నం లో క్రిందా మీదా పడుతుంటాను. నమస్సులు.
తొలగించండిసీతాదేవి గారికి, జిలేబి గారికి శతసహస్ర ధన్యవాదములు...ఇచ్చట క్రమాలంకారము లేదు ;)
తొలగించండిచేరగ నయోధ్యకత్తరి
రిప్లయితొలగించండినారద మునిసత్తమునకు, నలువురు భార్యల్
చేర దశరథాత్మజులట
హారతు లిచ్చుచు ముదమున నభిమంత్రించెన్.
తోపెల్ల బాలసుబ్రహ్మణ్య శర్మ గారూ,
తొలగించండివిరుపుతో మంచి పూరణ అందించారు. అభినందనలు.
కర్తృపదం 'ఆత్మజులు' బహువచనం. క్రియాపదం 'అభిమంత్రించెన్' ఏకవచనం. "హారతు లిచ్చిరి ముదమున నతి భక్తి మెయిన్" అంటే ఎలా ఉంటుంది?
గురువుగారికి ధన్యవాదములు. మీ సూచన ప్రకారము సరిచేయుచూ
తొలగించండిచేరగ నయోధ్యకత్తరి
నారద మునిసత్తమునకు, నలువురు భార్యల్
చేర దశరథాత్మజులట
"హారతు లిచ్చిరి ముదమున నతి భక్తి మెయిన్".
కోరగ పుత్రులన్ సతుల కోరివరింపగ నందరొప్పగా
రిప్లయితొలగించండినారదు డొప్పజాలకయె నాకిక శ్రీహరి ముఖ్యమౌననన్
ధారణుడీయ శాపమట తాజని యింపగ వేల్పుగాణకున్
నారద మౌని ము ఖ్యునకు నల్వురు భార్యలతి ప్రసన్నులున్.
తోపెల్ల వారూ,
తొలగించండిమీ రెండవ పూరణ పద్యం చక్కగా ఉంది. కాని చెప్పిన కథాంశం బోధ పడలేదు. వివరించండి.
శంకరార్యులకు నమస్సులు.
తొలగించండిధారణుడు= బ్రహ్మ. వేల్పుగాణకుడు = గంధర్వుడు.
బ్రహ్మ వైవర్త పురాణ గాథ ప్రకారం ఒకరోజు బ్రహ్మ కుమారులను పిలిచి పెళ్ళి చేసుకొని ప్రజా సంతతి పెంచమని కొరగా అందరూ అంగీకరించినా నారదుడు సంసార బంథాలను తిరస్కరిస్తూ నాకు శ్రీహరి మీద తప్ప మరొకరి మీద మనసులేదని చెప్పగా బ్రహ్మకు కోపం వచ్చి నీవు కాముకుడవై పుట్టుమని శపింపగా “నీకు పూజా కవచములు లేకుండుగాక” యని బ్రహ్మకు ప్రతి శాపమిస్తాడు నారదుడు. తండ్రి శాప ప్రభావంచే ఓ గంధర్వుని ఇంట ఉప బర్హనుడై పుట్టి లాలావతిని ఆమె చెల్లెళ్ళను పెళ్ళాడతాడు. ఈ గాథ ప్రకారం పూరణ చెయ్యడం జరిగినది.
రిప్లయితొలగించండిశారద పలికెను ముదమున
నారద ! మునిసత్తమునకు నలువురు భార్యల్
యీరము, శ్రద్ధ, వివేకము
ధారణ, వినుమా సమాధి తరమై గానన్ !
జిలేబి
జిలేబీ గారూ,
తొలగించండినారద శబ్దాన్ని సంబోధనగా చేసిన మీ పూరణ బాగున్నది.
'ఈరము'ను ఏ అర్థంలో ప్రయోగించారు. దానికి పొదరిల్లు, సాంద్రత (thickness) అన్న అర్థాలున్నవి.
తొలగించండిహృదయంలో తడి అన్న అర్థం లో ఆర్ద్రత అన్న అర్థం లో వాడానండి
జిలేబి
కోరిక పరదేశములం
రిప్లయితొలగించండిదీరంగా చదివి వాడు దెలిపెను తానా
గౌరీపతి కేశవుడే
నారదముని సత్తమునకు నలుగురు భార్యల్.
కోరిక దీర విద్య లతి కూర్మిగ నేర్చి విదేశమందు నా
కారము మార్చి వాడిచట గాంచిన గాకర గీకరా యనెన్
గౌరికి భర్త కేశవుడు కాంచు డటంచును బల్కె నీగతిన్
నారద మౌనిముఖ్యునకు నల్వురు భార్య లతిప్రసన్నులున్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
డా.పిట్టా
రిప్లయితొలగించండివారమదేమో పోని యు
దారుడు నేప్రియలు ఫూలు దానాడెనదో
కారణ కార్యములను గన
"నారద ముని సత్తమునకు నలువురు భార్యల్"
డా.పిట్టా
రిప్లయితొలగించండికోరి సకాలముం గలహ కారణుడౌటయె మోజు వానికిన్
సారములేని భోజనము సత్కృతి జేయుట కాలయాపనా
భారము దీర్చ నల్గురిని భార్యలుగా నిల బెంచె నా గతిన్
నారద మౌని ముఖ్యునకం నల్వురు భార్యలతి ప్రసన్నులున్
డా.పిట్టా
రిప్లయితొలగించండిముఖ్యుయునకు ఆసున్నా టైపాటు
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
తీరైన 'వాక్పటిమ'తో
రిప్లయితొలగించండి'వైరమ్ము'ను 'స్పర్ధఁ'గదిపి వ్యాజ్యమ్మందున్
గోరిన 'శ్రేయమ్ము' బడయ
నారద మునిసత్తమునకు నలువురు భార్యల్
నారాయణార్చనప్రియ
రిప్లయితొలగించండిశారదగానప్రియ నుతసంచారనయా
చారప్రియ కలహప్రియ
నారద మునిసత్తమునకు నలువురు భార్యల్
ఆరయ నగ్నిసాక్షిగ మను వాడిన సాక్ష్యము లెవ్వి లేకనే
జేరిరి ప్రేయసీమణులు చెంతకు నోలి హితార్థలోకసం
చారిణి భక్తిరూపిణి విశారదరాగిణి భేదనాంగనల్
నారద మౌనివర్యునకు నల్వురు భార్య లతిప్రసన్నులున్
నీరము భార్య పోయగ మునీంద్రుని పాద ద్వయంబు రాముడున్
రిప్లయితొలగించండికూరిమి యొప్పగా కడిగె, గొంతుకు గంధము పూసె సోదరుల్,
హారతి నిచ్చి మువ్వురును, హర్షము కూర్చెను కోసలీ మణుల్
నారద మౌనిముఖ్యునకు, నల్వురు భార్యలతి ప్రసన్నులై
ఆ ఋషులు నల్వు రప్పుడు
రిప్లయితొలగించండినారద మునిసత్తమునకు, నలువురు భార్యల్
నీరీయఁ గడిగి పదముల
పార ముదమ్మునఁ గొలిచిరి పరమాసక్తిన్
నారద! మౌని ముఖ్యునకు నల్వురు భార్య లతిప్రసన్నులు
న్నేరనఁ బల్కె భాగవతుఁ డింపగు మాటల నిశ్చయంబుగన్
ఘోర మదమ్ము లోభమును గోపము మోహము దా భరింపగన్
ధీర తపమ్ము చేత నిలఁ దీరును దార లనంగ వాటినిన్
ఆరయ భక్తియు కలహము
రిప్లయితొలగించండినారాయణు గాన మదియ జ్ఞానము లవియే
యూరా యనునటు గలుగుత
నారద ముని సత్తమునకు నలువురు భార్యల్
వారిజజుని శాపమునను
రిప్లయితొలగించండినారాయణ ప్రేరణమున నారీమణులన్
వీరునివలె బెండ్లాడగ
నారద మునిసత్తమునికి నలువురు భార్యల్!
బ్రహ్మశాపమున లీలావతి, చెల్లెండ్లను, విష్ణు వ్యూహమున సుకుమారిని నారదుడు పెండ్లియాడెనని పురాణగాధ
నారద మౌని ముఖ్యునకు నల్వురు భార్య లతి ప్రసన్నులు
రిప్లయితొలగించండిన్నూరక మాటలా విధము నోటిని బల్కగ నాయమేన? యో
వీరయ శాస్త్రి !నీ విపుడు వేమఱు బల్కుట , దెల్సుకో సుమీ
నారద మౌని సత్తముడు నాకము నందున వాసముండుగా
Repati samsya 2/4/2017
రిప్లయితొలగించండిNathalu maatada viniyenakkayu.vedkan
Or
Nathalu maatalaada vinanakkayu mikkili modamanduchun
Ichinavaru veeturi bhaskaramma
Vinenakkayu sir
రిప్లయితొలగించండిభారము పెండ్లి జీవితము బాధల కుప్పది, బ్రహ్మచర్యమే
రిప్లయితొలగించండిశౌరిని సంస్తుతించుటకు జక్కని మార్గము నిర్మలాత్యతో
నారద మౌని ముఖ్యునకు, నల్వురు భార్య లతిప్రసన్నులున్
గోరి వరించి రాము పిత గూరిమితోడను గూడియుండరే
ఈ కామెంట్‌ను రచయిత తీసివేశారు.
తొలగించండిభారము పెండ్లి జీవితము బాధల కుప్పది, బ్రహ్మచర్యమే
తొలగించండిశౌరిని సంస్తుతించుటకు జక్కని మార్గమ టంచు దేచె నా
నారద మౌని ముఖ్యునకు, నల్వురు భార్య లతిప్రసన్నులున్
గోరి వరించి రాము పిత గూరిమితోడను గూడియుండరే
నారాయణ మంత్రమ్మే
రిప్లయితొలగించండిపారాయణ జేయునట్టి పాత్రకుమేటై
చేరినకంపెని వాడే
నారద మునిసత్తమునకు నలువురు భార్యల్|
2.ప్రేరణనింపి రొక్కరును-వేషపు పోషణ నేర్పిరొక్కరున్
మారని రాగతాళములు-మౌనికి భక్తిగ పాటలొక్కరున్
ధారణయందునన్ నటనదర్పము బెంచిరి పాత్రదారికిన్|
నారద మౌని ముఖ్యునకు నల్వురుభార్యలతి ప్రసన్నలున్|
నారాయణ మంత్రము, కడు
రిప్లయితొలగించండిపార గలహ భోజనమును, పాయని పద సం
చారము, గానములె సుమీ
నారద ముని సత్తమునకు నలువురు భార్యల్!
చిన్న మార్పుతో మరలా వ్రాశాను, తప్పొప్పుల సూచింప ప్రార్థన.
నారాయణ మంత్రము, కడు
పారగ కలహముల తిండి, పాయని పద సం
చారము, గానములె సుమీ
నారద ముని సత్తమునకు నలువురు భార్యల్!
చక్కని పూరణ చేసిన కవిమిత్రులు శ్రీధర రావు గారికి నమస్సులు. ధన్యవాదములు.
తొలగించండికవి మిత్రులు సత్యనారాయణ రెడ్డి గారికి వందనములు. ధన్యవాదములు.
తొలగించండిశౌరిసతులు ద్వయ గములై,
రిప్లయితొలగించండినారదముని సత్తమునకు, నలుగురు భార్యల్
కోరికను తెలియజేసిరి
చేరుచు పీతాంబరుఁ దమ చెంతకటంచున్
నారాయణ నామజపము
రిప్లయితొలగించండివైరాగ్యము యుక్తి మరియు వాగ్వాదములే
కారణజన్ముండౌ యా
నారదమునిసత్తమునకు నలుగురు భార్యల్!!!
నీరజదళాక్షు భజనయు
రిప్లయితొలగించండిధారుణిఁ గలహాశనమ్ము తంబుర మ్రోతల్
తీరగు సంచారమ్ములు / (తీరుగ జగముల తిరుగుట)
నారదముని సత్తమునకు, నలుగురు భార్యల్
ఔరా! ఎవడికట కలహ
రిప్లయితొలగించండికారుండనిపేరు? కుంతి కనెనెందరినో?
దారలనగానెవరిలను
నారద ముని సత్తమునకు, నల్వురు, భార్యల్.
భారతి దల్లిగా కొలుచు భాగ్యము దక్కెనెవండకో గదా?
మారిషపుత్రి కుంతికి కుమారులుగా నిల బుట్టిరెందరో
దారలనంగ నెవ్వరు? సుధార్థులు దేవత లెట్టివారలో
నారద మౌని మూఖ్యునకు, నల్వురు, భార్యలతి ప్రసన్నులున్.
కారణజన్ముడున్ఁ దపసి గానకళా పరిపూర్ణ వేదియున్
రిప్లయితొలగించండిశారద వద్ద విద్యలను చక్కగ నేర్వగ, గొల్వ నిత్యమున్
వారిజనేత్రు, సారమతి భైరవి మోహన్ తోడి రాగముల్
నారద మౌనిముఖ్యునకు నల్వురు భార్య లతిప్రసన్నులున్
నీరజ నేత్రుకొల్చుటయు నిత్యము నిశ్చల మానసమ్ముతో
రిప్లయితొలగించండితీరుగ సంచరించుటయు ధీషణతోడప్రపంచమంతయున్
తేరగ చిక్కుకయ్యముల తిండియు, తీగల వాద్యఘోషయున్
నారద మౌనిముఖ్యునకు నల్వురు భార్య లతిప్రసన్నులున్
కవిమిత్రులారా,
రిప్లయితొలగించండినిన్న ఉదయం సంగారెడ్డికి వెళ్ళి సాయంత్రం అక్కడి కవిసమ్మేళనంలో పాల్గొని హైదరాబాదు ద్వారా ప్రయాణం చేసి ఇప్పుడే ఇల్లు చేరాను. అందువల్ల మీ పూరణలను సమీక్షించలేకపోయాను. మన్నించండి.
వారము వారమున్ వడిగ భారిగ సాగుచు సర్వలోకముల్
రిప్లయితొలగించండికారణ జన్ముడై భళిగ కైటభవైరిని ప్రస్తుతించెడిన్
నారద మౌనిముఖ్యునకు నల్వురు భార్య లతిప్రసన్నులున్
గారవ రీతినిన్ వెలయు గానము భక్తియు జ్ఞానకల్హముల్