కవిమిత్రులారా!
ఈరోజు పూరించవలసిన సమస్య ఇది....
"శ్రీనాథుని కృతిగ మనుచరిత్రయె యొప్పున్"
(లేదా...)
"శ్రీనాథుండు రచించి మించె మనుచారిత్రమ్మునున్ బ్రీతితో"
(కవిమిత్రులకు మనవి... ఈరోజు మా బావమరది దశదిన కర్మకాండకు వెళ్తున్నాను. రోజంతా వ్యాస్తుడనై ఉంటాను. కనుక దయచేసి పరస్పర గుణదోష విచారణ చేసికొన వలసిందిగా మనవి.)
ఈ కామెంట్‌ను రచయిత తీసివేశారు.
రిప్లయితొలగించండిశ్రీ నగరాజ తనయగొన
తొలగించండినా నాగాభరణ ధరుని యాతన దెలుపన్
దా నుడువ "హరవిలాసము"
శ్రీనాథుని కృతిగ మను; చరిత్రయె యొప్పున్!
శిష్ట్లా శర్మ గారూ,
తొలగించండి'మను-చరిత్ర'ను విలక్షణమైన విరుపుతో క్రొత్త అర్థాన్ని సాధించి చక్కని పూరణ చెప్పారు. అభినందనలు.
ఔనా? నైషధ మేనోయ్
రిప్లయితొలగించండిశ్రీనాథుని కృతిగ! మనుచరిత్రయె యొప్పున్
కానగ పెద్దన రచనే;
తానే యాంధ్ర కవితా పితామహు డాయెన్!
ప్రభాకర శాస్త్రి గారూ,
తొలగించండివిరుపుతో మీ పూరణ అద్భుతంగా ఉంది. అభినందనలు.
__/\__
తొలగించండికానగ కాశీ ఖండము
రిప్లయితొలగించండి"శ్రీనాథుని కృతిగ, మనుచరిత్రయె యొప్పున్"
తానల్ల సాని కృతియని
మానిత గ్రంథము లవియె సు మా యాంధ్రమునన్
శర్మ గారూ,
తొలగించండివిరుపుతో చక్కని పూరణ నందించారు. చాలా బాగుంది. అభినందనలు.
రిప్లయితొలగించండిమానిని! కాశీ ఖండం
శ్రీనాథుని కృతిగ, మనుచరిత్రయె యొప్పున్
తానౌ పెద్దన కృతిగన్
గానన్నీ రెండు మేలు కావ్యములనఘా !
జిలేబి
జిలేబి గారూ,
తొలగించండిమీ పూరణ ప్రశస్తంగా ఉంది. అభినందనలు.
'ఖండము' అనండి.
ఈ కామెంట్‌ను రచయిత తీసివేశారు.
తొలగించండిదీనారంబుల దీర్థమాడి కవి ప్రీతిన్ మానసోల్లాసమున్
రిప్లయితొలగించండి"శ్రీనాథుండు రచించి మించె; మనుచారిత్రమ్మునున్ బ్రీతి తో"
తానందించి తెనుంగునన్ సుకవితా తాదృక్ష మానంబు గా
తానల్లెన్ కన నల్లసాని కవితా దాక్షిణ్య మొప్పారగన్.
తాదృక్ష మానము = అటువంటిదనునట్లు
దాక్షిణ్యము = చాతుర్యము, నేర్పు.
శర్మ గారూ,
తొలగించండిఅద్భుతమైన పూరణ. అభినందనలు.
ఆనందాంబుధి తేల్చు భాగవత మాహ్లాదంబుగా వ్రాసె నా
రిప్లయితొలగించండిజ్ఞానీశుండగు పోతరాజు, నిషధున్ చారిత్రమున్ మేటియై
శ్రీనాథుండు రచించి మించె, మనుచారిత్రంబునున్ఁ బ్రీతితో
తేనెల్ జిల్కుచు వ్రాసె పెద్దన మహాతేజంబు నింపాఱగన్
సోమయాజులు గారూ,
తొలగించండిచక్కని పూరణ. చాలా బాగుంది. అభినందనలు.
ఈ కామెంట్‌ను రచయిత తీసివేశారు.
తొలగించండినానా కవులకు పాఠ్యం
రిప్లయితొలగించండికానగ కవులంత మెచ్చు కావ్యముగానూ
నీ,నా పెద్దన కవితా
శ్రీనాథుని కృతిగ మనుచరిత్రయె యొప్పున్
రాజ్ కుమార్ గారూ,
తొలగించండిపెద్దనను కవితా శ్రీనాథుడు అనడం వైవిధ్యంగా ఉంది. మంచి పూరణ. అభినందనలు.
'పాఠ్యము... కావ్యము గానన్/గనుకన్' అనండి.
మానితము హరవిలాసము
రిప్లయితొలగించండిశ్రీనాథుని కృతిగ; మనుచరిత్రయె యొప్పున్
దా నెల్ల కవుల పెద్దన
గా నెగడిన పెద్దనార్యు కావ్య మనంగన్.
డా.పిట్టా
రిప్లయితొలగించండిఈనాడెంతటి దీక్షయొ
పోనాడిరి గతమునెల్ల పూర్ణ వికాసం
బేనాడు నౌను యువకా!
"శ్రీనాథుని కృతిగ మను చరిత్రయె యొప్పెన్?!"
డా.పిట్టా
రిప్లయితొలగించండిశ్రీనాథుండు రచించి మించె;మనుచారిత్రమ్మునున్ బ్రీతితో
ధ్వానా శాస్త్రియె వ్రాసె నంచనరె, యీ వాసిన్ గనన్ కావ్య సం
ధానాల్ చారితులేల నేడు గన పంథాలెల్ల మారెన్ గదా!
"పోనీ!పద్యమటన్న'కంది' వినడే! భోషాణముల్ నింపెడిన్?!
నానీ ! యిటు వ్రాసితివొకొ ?
రిప్లయితొలగించండి"శ్రీనాథుని కృతిగ మనుచరిత్రంబొప్పున్
గానగ "నని , దోసమ్మిది,
నేనెట్టుల గుణములిత్తు , నిదె సున్నాయే!!
👏👏👏👏👏
తొలగించండిధన్యవాదాలండీ.. శాస్త్రిగారూ🙏🙏🙏
తొలగించండిశ్రీనాధుండన బరగుచు
రిప్లయితొలగించండిశ్రీనాధుని గొల్చుసతము శ్రీకరముగను
స్త్రీనాధుండుగ నొప్పగ
శ్రీనాధుని కృతిగ మను; చరిత్రయె యొప్పున్!
శ్రీనాధుడు = శ్రీమంతుడు
శ్రీనాధుడు = శ్రీ చేత పూజింప బడినవాడు = ఈశ్వరుడు
కృతిగ =కార్యముగ
రెండవ పాదంలొ శ్రీకరముగనే యని చదవ ప్రార్ధన!
తొలగించండిశ్రీదేవిగారూ! పద్యం బాగుంది.
తొలగించండిమీ పేరే శ్రీదేవి. శ్రీదేవి అంటే లక్ష్మి కదా, శ్రీనాథుడు విష్ణువు కదా. మరి శివుడన్నారే? శివుడనడంలో ఏమైనా విశేషార్థముందా?
నేమానిగారూ నమస్కారము!
తొలగించండిఇక్కడ శ్రీ ని శ్రీకాళహస్తి లోని శ్రీ యనగా సాలెపురుగు యనే అర్ధంలో వాడాను! శ్రీ చేత పూజింపబడ్డాడు కాబట్టి శ్రీనాధుడని భావన!
క్రింద పాదసూచీ యిచ్చాను గమనించ గలరు!
పద్యం నచ్చినందుకు ధన్యవాదాలు!
నా పేరు సీతాదేవి!
సోమయాజులు గారికి నమస్సులు.
తొలగించండికవయిత్రి పేరు "సీతా దేవి". గమనించ ప్రార్ధన. ఐనా పేరులో ఏముంది పెన్నిధి?
G P Sastry (gps1943@yahoo.com)ఫిబ్రవరి 19, 2017 1:13 AM
"శాస్త్రి" పేరున్న వారెల్ల శాస్త్రులవరు
"సోమయాజులు" జేయరు హోమములను
"వెంకటావధాని" వణికి వీవ లోన
పృచ్ఛకులఁ గాంచి "యవధాని" బెదరి పాఱె
వీవ = Viva Voce
ప్రత్యుత్తరంతొలగించు
ప్రత్యుత్తరాలు

కంది శంకరయ్యఫిబ్రవరి 19, 2017 10:58 PM
ప్రభాకర శాస్త్రి గారూ,
పేరులో నేమున్నది పెన్నిధి అన్నట్టు చెప్పిన మీ పూరణ మనోరంజకంగా ఉంది. అభినందనలు.
సీతాదేవిగారూ! వివరణకి ధన్యవాదములు
తొలగించండిశాస్త్రిగారూ! మీరు చెప్పినది నిజం.
తొలగించండిశంకరయ్యగారు నాగురించు బాగా కనుగొన్నారు, నేనెప్పుడూ హోమం చేయలేదని.
అనాటి యల్లసానియె
రిప్లయితొలగించండితానే మనుచరిత వ్రాసె ధారుణి, వినుమా
కానగ కాశీ ఖండము
శ్రీనాథుని కృతిగ మను, చరిత్రయె యొప్పున్
సానందామృతధారగా హరవిలాసమ్మున్ గడున్ భక్తితో
రిప్లయితొలగించండిశ్రీనాథుండు రచించి మించె ! మనుచారిత్రమ్మునున్ బ్రీతితో
ధ్యానాంతఃకరణుండు పెద్దన బృహద్గ్రంథమ్ముగా వ్రాసె ! ది
వ్యానందమ్ము లభించు మార్గమన గావ్యాలపనమ్మొక్కటే !!
మురళీకృష్ణ గారూ! అద్భుత ధారతో సాగిన మీ పూరణకు మీకు నమస్సులు.అభినందనలు." కావ్యాలాపన"
తొలగించండిఅన్నచోట ముద్రారాక్షసం దొర్లినది.
శ్రీ బాలసుబ్రమణ్యశర్మ గారూ.. నమోనమః.. ముద్రారాక్షసము గమనింపలేదు.
తొలగించండిసానందామృతధారగా హరవిలాసమ్మున్ గడున్ భక్తితో
శ్రీనాథుండు రచించి మించె ! మనుచారిత్రమ్మునున్ బ్రీతితో
ధ్యానాంతఃకరణుండు పెద్దన బృహద్గ్రంథమ్ముగా వ్రాసె ! ది
వ్యానందమ్ము లభించు మార్గమన గావ్యాలాపనమ్మొక్కటే !!..
ధన్యవాదాలండీ.. 🙏🙏🙏🙏
కానవలె హరవిలాసము
రిప్లయితొలగించండిశ్రీనాధుని కృతిగ,మనుచరిత్రయె యొప్పున్
మానన మొందిన పెద్దన
భానుని బింబం బుగాన భముపై వెలుగన్
కానవలె హరవిలాసము
రిప్లయితొలగించండిశ్రీనాధుని కృతిగ,మనుచరిత్రయె యొప్పున్
మానన మొందిన పెద్దన
భానుని బింబంబు గా నభముపై వెలుగన్
తోటి కవి వరులకు నమస్కారములు. ఈ పద్యమును పరిశీలించి తప్పులున్న సూచించిన
తొలగించండిసరి చేసుకుందును
నాగమణి గారు మీ పూరణ చాలా బాగుంది. “మానన ఆ కారాంత స్త్రీ లింగ పదము. “మానన” తత్సమము. “మానన నందిన పెద్దన” అనండి బాగుంటుంది.
తొలగించండిధన్యవాదములు కామేశ్వర రావు గారు. ఇప్పుడే పద్యాలలో ఓనమాలు నేర్చుకుంటున్నాను. తప్పులు సవరించుకుంటాను.
తొలగించండిఈ కామెంట్‌ను రచయిత తీసివేశారు.
రిప్లయితొలగించండినేనును కవినని యొకడనె
రిప్లయితొలగించండిశ్రీనాథుని కృతిగ మనుచరిత్రయె యొప్పున్;
నేనున్నేగెద హిమగిరి
నానాతి వరూధినిఁగొన నా ప్రియ సతిగన్
ఆ నైషధ మెప్పును గద
శ్రీనాథుని కృతిగ; మనుచరిత్రయె యొప్పు
న్నూనుచు జిగిబిగి కవితకు
తానే యను నల్లసాని ధర యెరుగంగన్
తానున్ వేడ్కతొ కృష్ణరాయల సభా స్థానమ్మున్ రంజిలన్
రిప్లయితొలగించండివేనోళ్ళన్ నుతియించి రాజు కవిగన్ వేమారు నర్పింపగన్
కానంగన్ సిరులెల్ల నిండునెడలన్ కాడే నాడు పెద్దన్న తా
శ్రీనాథుండు రచించి మించె మను చారిత్రమ్మునున్ బ్రీతితో
శ్యామలగారూ, పద్యం బాగుంది. కొన్ని సవరణలు.
తొలగించండితొ, చె అని హ్రస్వం వాడకూడదు.
మొదటి పాదం చివరలో గణదోషం వచ్చింది. కాబట్టి మొదటి పాదం ఇలా మారిస్తే బాగుంటుందేమో
తానున్ వేడ్కగ కృష్ణరాయల సభాస్థానమ్ము రంజింపగా
మూడవ పాదంలొ కూడా గణదోషముంది.
కానంగన్ సిరులెల్ల నిండునెడలన్ కాలేడు పెద్దన్న తా
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిభూనాథుడు కృతి నందుచు
రిప్లయితొలగించండితానే పల్లకిని మోసె తత్స్థితు డగు నా
ధీనిధి పెద్దన సుయశ
శ్శ్రీనాథుని కృతిగ మనుచరిత్రయె యొప్పున్.
భూనాథుం డగు కృష్ణరాయవిభు డా పుణ్యాత్ముడౌ పెద్దనన్
జ్ఞానాఢ్యున్ సభలోన పెద్ద యనుచున్ నానాప్రకారంబు స
న్మానించన్ ఘను డల్లసాని కవి తా మన్నించుచున్ సద్యశ
శ్శ్రీనాథుండు రచించి మించె మనుచారిత్రమ్మునున్ బ్రీతితో.
హ.వేం.స.నా.మూర్తి.
శ్రీ హరి మూర్తి గారూ! పెద్దన గొప్పతనాన్ని పొందిన మర్యాదలను కూడా ప్రస్తావవించిన మీ పురాణం అద్భుతంగ ఉన్నది. అభినందనలు.
తొలగించండిఆర్యా!
తొలగించండిధన్యవాదములు.
నమస్కారం.
అద్భుతమైన పద్యం.. అందుకోండి అభినందనలు
తొలగించండిఆర్యా!
తొలగించండినమస్కారములు.
మూర్తి గారు యశశ్శ్రీ నాథునిగా పెద్దనార్యునకు తగిన విశేషణము వాడినారు. చాలా బాగుంది.
తొలగించండిహరిగారూ! మీ పూరణ చక్కగా ఉంది.
తొలగించండిఅద్భుతమైన పూరణ
తొలగించండిఆర్యులందరికీ ధన్యవాదములు, నమస్కారములు.
తొలగించండిదానగుణుండు పవిత్రం
రిప్లయితొలగించండిబైన ద్విజ కులోద్భవుఁడు మహా కవులకుఁ బ్రా
చీనుఁడు పెద్దన, భక్తుఁడు
శ్రీనాథుని, కృతిగ మనుచరిత్రయె యొప్పున్
వేనోళ్లం బొగడంగ భూజనులు సంప్రీతిన్ ధరాధీశుఁడుం
దా నత్యంత ముదంబునం దొడిగె నంతన్ గండపెండేరమున్
నానాసూక్తుల నల్లసానికుల రత్నంబాంధ్ర సద్వాఙ్మయ
శ్రీ నాథుండు రచించి మించె మనుచారిత్రమ్మునుం బ్రీతితో
అద్భుతమండీ పోచిరాజు వారు
తొలగించండిజిలేబి
"వేనోళ్లం బొగడంగ" ఇంతకన్నా ఏమి చెప్పగలను మీ పూరణలకు. శతనమస్కార పూర్వకాభినదనలు పోచిరాజ వరేణ్య.
తొలగించండిజిలేబి గారికి, శర్మ గారికి మనఃపూర్వక ధన్యవాదములు.
తొలగించండిశ్రీ పోచిరాజు కామేశ్వరరావు గారూ...మనోహరమైన పూరణ.. అభివందనచందనములు
తొలగించండిమురళీకృష్ణ గారు నమఃపూర్వక ధన్యవాదములు. మీ పూరణము గూడ మనోజ్ఞముగా నున్నది.
తొలగించండిఅత్యంత మనోహరమైన పూరణలండి. నమస్సులు.
తొలగించండిమూర్తి గారు నమఃపూర్వక ధన్యవాదములు.
తొలగించండిఈ కామెంట్‌ను రచయిత తీసివేశారు.
తొలగించండిఅయ్యా పోచిరాజువారూ! మీ పూరణలు చాలా బాగున్నాయి. నా ఈమైల్ nsomaya@gmail.com ; అభ్యంతరం లేకపోతే మే ఈమైల్ పంపగలరు.
తొలగించండిసోమ్ నేమాని గారు ధన్యవాదములు. E-mail: kamesh_pochiraju@yahoo.co.in.
తొలగించండినా పేరు మీద నొక్కితే నా బ్లాగు లో నా రచన లన్ని చూడ వచ్చును.
రిప్లయితొలగించండిఓనామాలను నేర్వ లేదు, యువిదన్నో శంకరార్యా! వశా,
శ్రీనాథుండు రచించి మించె మనుచారిత్రమ్మునున్ బ్రీతితో
ఓనా తల్లి యనన్ జిలేబి సరియేమో శంకరుల్ పల్కు లే
మానాదంబని నేర్చునయ్య వినుచున్ మారెప్పుడున్జెప్పదౌ !
జిలేబి
ఏమిటి జిలేబి లేమా?
రిప్లయితొలగించండికొమ్మరొ సందేహము తను కొంటె పురుషుడే!
భామా రుక్మిణి గబ్లా
గుమాట వినలేదొ కంది గురువులు నెట్లో!
With due apologies to Jilebi garu!
తొలగించండిసీతాదేవి గారు
నమో నమః మీ కందంతో మరో శార్దూలం తయార్ :)
యేతావున్ గలవే జిలేబి రమణీ ! యేవూరు మీదమ్మ యీ
రాతల్లెక్కడ నేర్చినావు కవితా రావంబు పేర్పుల్ వెతల్
కోతల్ గాన బిలేజి లేమ నిజమే ? కొంగీడ్చ వచ్చెన్ గదా !
సీతాదేవికి సందియంబు యువిదే? శీఘ్రంబు గా జెప్పవే :)
జిలేబి
వినబడు కాశీఖండము
రిప్లయితొలగించండిశ్రీనాధునికృతిగ. మనుచరిత్రయె యొప్పున్
వినసొంపగుకధలుగలిగి
మనుగడ నేనేర్పెనార్య! మనుసంతతికిన్
ఈ కామెంట్‌ను రచయిత తీసివేశారు.
రిప్లయితొలగించండిశ్రీనాథునివలె మునుపున్
రిప్లయితొలగించండివీనుల విందుగ పలికెడు పెద్దన పాత్రల్
ఓనటుఁడు నటించ, నెటుల్
శ్రీనాథుని కృతిగ మనుచరిత్రయె యొప్పున్?
మానితము హరవిలాసము
రిప్లయితొలగించండిశ్రీనాథుని కృతిగ, మనుచరిత్రయె యొప్పున్
తేనియలొలుకు ప్రబంధము
గానది పెద్దన రచించె కావ్యమ్మనగన్.
మీనాక్షీ! విను నన్నయార్యుడట భూమీశుండు కోరంగనే
తానాద్యుండయి యాంధ్రభారతము సత్కావ్యమ్ము నేవ్రాసెనే
కానంగన్ రమణీయమౌ సరస శృంగారంపు గ్రంథంబులే
శ్రీనాథుండు రచించి మించె, మనుచరిత్రమ్మున్ బ్రీతితో
నేనాడో గద యల్లసాని కవి ప్రత్యేకమ్ముగా వ్రాసెనే
మనుచరిత్ర తెలుగులోని మొదటి ప్రబంధము కనుక ప్రత్యేకముగా వ్రాసాడనే భావంతో చెప్పాను.
ఆనైషధ మొప్పెనుగద
రిప్లయితొలగించండిశ్రీనాథునికృతిగ, మనుచరిత్రయె యొప్పున్
మానిత పెద్దన కృతిగన్
భూనాథుదు కృష్ణ రాట్టు భూషించంగన్
"ఆనాటి సాక్షు లేరీ?
రిప్లయితొలగించండికానగ పేటెంట్లు లేవు కాపీ రైటుల్!"
ఈనాటి లాయరు నుడివె:
"శ్రీనాథుని కృతిగ మనుచరిత్రయె యొప్పున్!"
రిప్లయితొలగించండితానున్ సత్కవి సార్వభౌముడయి పూ
తంబందగా వేడ్కతో
వేనోళ్ళన్ గొనియాడు పద్యముల తావింబంచు శ్రీ నైషధిన్
శ్రీనాథుండు రచించి మించె; మను చా
రిత్రమ్మునున్ బ్రీతితో
నానాడే విరచించి పెద్దనయె తా
నందెన్ గదా దీధితుల్!
వేనోళ్ళనె "హరివంశము"
రిప్లయితొలగించండిశ్రీనాథుని కృతిగ, మనుచరిత్రయె యొప్పు
న్నీనాటికి పెద్దన కృతి
మానవ మానసములందు మసలుచునుండెన్.
అయ్యా లక్ష్మీనారాయణగారూ! హరివంశమును ఎఱ్ఱన వ్రాసేడనుకున్నా నిన్నాళ్లూ.
రిప్లయితొలగించండిమీరనుకున్నదే నిజం శాకుంతల వ్రాసిండా లేదా
తొలగించండిమీరనుకున్నదే నిజం శాకుంతల వ్రాసిండా లేదా
తొలగించండివివరణకి ధన్యవాదములు.
తొలగించండిపెద్దలు లక్ష్మీనారాయణ గారికి నమస్సులు. తెనుగున శృంగార శాకుంతలం పేరున పిల్లలమఱ్ఱి పిన వీరభద్రుడు కావ్యము వ్రాసినారు. శ్రీనాథుడు శృంగార నైషధం వ్రాసెను. శ్రీనాథుని రచనలుః
తొలగించండిమరుత్తరాట్చరిత్ర::శాలివాహన సప్తశతి::శృంగార నైషధము ::భీమేశ్వర పురాణము::ధనుంజయ విజయము::కాశీ ఖండము::హర విలాసము::శివరాత్రి మాహాత్యము:: పండితారాధ్య చరిత్రము::నందనందన చరిత్రము::మానసోల్లాసము::పల్నాటి వీరచరిత్రము:: క్రీడాభిరామము( ఈ విషయంలో తర్కవితర్కాలున్నవి)::రామాయణము పాటలు
.శ్రీనాథుని శృంగారము
రిప్లయితొలగించండిశ్రీనాథుని కృతిగ?”మనుచరిత్రయె యొప్పున్
మానిని వరూధుని,ప్రవర
దీనతలో దివ్య తత్వ దీక్షయు గాంచన్|
శ్రీమతి జి సంందిత బెంంగుళూరు
రిప్లయితొలగించండికానన్ యజ్ఞాగ్నికగుస
మానముసాహిత్యయజ్ఞమంందున కావ్యంం
బానాటికాంంధ్రభాషా
శ్రీనాధుని కృృతిగ మనుచరిత్రయె యొప్పున్
శ్రీమతి జి సంందిత బెంంగుళూరు
ఆనాటి ఆంంధ్రసాహిత్య యజ్ఞము జరుగునప్పుడు భాషా సంంపత్తిలో హోమాగ్ని ధుని కృృతిగ మనుచరిత్ర సరిపోయింంది ప్రవరుని ప్రాయోప్రవేశాగ్నిని సూచన ప్రాయంంగా స్వీకరిస్తూ
భాషాశ్రీన్ +ఆ ధుని కృృతిగ అని గ్రహింంచ ప్రార్థన
ఆనందమ్మున వ్రాసె నాడుచునుతా నాముక్త మాల్యద్నహా
రిప్లయితొలగించండిపానీయమ్ముకు దుడ్డు లేమియునునా పాండ్రంగ మాహాత్మ్యమున్
దీనావస్థయె దాపురించ నయయో! దీనార్లు క్షీణించగా
శ్రీనాథుండు రచించి మించె మనుచారిత్రమ్మునున్ బ్రీతితో!