శంకరయ్య గారూ.. మీ యీ మొదటి పద్యం చూస్తే నేను వ్రాసిన వేంకటేశ్వర శతకం ( ముద్రణ దశలో ఉంది) లో స్వామివారి మేలుకొలుపు స్మృతిపథంలో మెదిలింది.. మిత్రులతో పంచుకోవాలని పంపిస్తున్నాను అవధరించండి.. ఆశీర్వదించండి... 🙏🙏
🌺🙏ఓం నమో వేంకటేశాయ 🙏🌺 ద్వాదశ తీర్థ సంకలిత వారి విభాసిత పాత్రధారులై వేద పవిత్ర మంత్ర శ్రుతిపేయ సునాద విభూషితాస్యులై పాదయుగాభిషేకమతి వచ్చిరి విప్రులు , మేలుకొమ్ము ! భా.. గ్యోదయకారకా! దినకరోదయమైనది వేంకటేశ్వరా !!
శ్రీ పోచిరాజు కామేశ్వరరావు గారికి నమస్సులు.. మీ వంటి వారల మార్గమే మా బోంట్లకు అనుసరణీయము.. మీ పూరణలలోని అర్థభేదాలు చాలా ఆసక్తికరంగా ఉంటాయి అనుట అతిశయోక్తి గానేరదు. శతకం రూపు దిద్దుకొన్న తరువాత తమరికి అందజేయగలను. మీ ప్రశంసకు ధన్యవాదాలతో... మురళీకృష్ణ
శ్యామల గారూ, ధన్యవాదాలు. ఏదో నాకు, నా ద్వారా కొందరికి కాలక్షేపానికి, మరి కొందరికి పద్యరచనాభ్యాసానికే ఈ బ్లాగు నిర్వహణ తప్ప భాషా సాహిత్య సేవల వంటి పెద్ద మాటలకు అర్హుణ్ణి కాను.
శ్రీరమణీస్వరూపయగు సీతను బెండిలి యాడ ప్రేమతో సారసనాభుడే ధరణి చక్కని రూపము దాల్చి రాముడై చేరియు శైవకార్ముకము చేత ధరించి బిగించి చేయు టం.. కారమె వారి పెండ్లి కొక కారణ మయ్యెను వింటివే చెలీ!!
(శ్రీపండితారాధ్యుల) S.P బాలసుబ్రహ్మణ్యం గారు నిర్వహించే “పాడుతా తీయగా” పోటీలో పాల్గొని “మల్లికాపూర్ణిమ”లు
రిప్లయితొలగించండిదంపతులైన సందర్భాన్ని దృష్టిలో ఉంచుకుని.
చేరిరి పోటీ యందున
కోరిన పాటలట పాడ కూరిమి పెరుగన్
మీరగ “బాలు”డి డిన స
"త్కారమె వారలకు పెండ్లి కారణమయ్యెన్"
శర్మ గారూ,
తొలగించండిసత్కారంతో మీ పూరణ బాగున్నది. అభినందనలు.
కౌరవ దుష్టకోటి పథకంబున యాదవ పొత్తు కోరినన్
రిప్లయితొలగించండివారల మాయజేసి కడు భద్రముగన్ శశిరేఖ మెచ్చెడిన్
వీరుని కృష్ణయానతిని వేదిక జేర్చిన లోకభీకరా
కారమె వారి పెండ్లి కొక కారణ మయ్యెను వింటివే చెలీ
ఫణికుమార్ గారూ,
తొలగించండిభారతంలో లేని ఘట్టమైనా ఘటోత్కచుని ప్రస్తావనతో చక్కని పూరణ చెప్పారు. అభినందనలు.
"కృష్ణు నానతి" అనండి.
గురువుగారూ నమస్సులు. ధన్యవాదములు.
తొలగించండి
రిప్లయితొలగించండిఓరకనుల జూచుకొనుచు
జోరుగనుచు జోడుగట్టి సోరణిదివియల్
పాఱింప సయాటల చెలి
కారమె వారలకు పెండ్లి కారణమయ్యెన్ !
జిలేబి
జిలేబీ గారూ,
తొలగించండిస్నేహమనే చెలికారంతో మీ పూరణ బాగున్నది. 'సోరణిదివియల'కోసం ఆంధ్రభారతిని సంప్రదించవలసి వచ్చింది. మీ నూతన పదప్రయోగ నైపుణ్యానికి జోహార్లు.
తీరుగ శకుంత లొకతరి
రిప్లయితొలగించండితారట లాడగ వలపుల తలపుల వనిలో
జోరైన తుమ్మెదల ఝం
కారమె వారలకు పెండ్లి కారణమయ్యెన్
ప్రభాకర శాస్త్రి గారూ,
తొలగించండిభ్రమర ఝంకారంతో మీ పూరణ బాగున్నది. అభినందనలు.
'శకుంతల+ఒక' అన్నపుడు సంధి లేదు, యడాగమం వస్తుంది. "శకుంతల యొకట" అనండి.
ఒకసారి కాకుండా ఒకచోట అన్న అర్థం వస్తుంది.
తొలగించండి__/\__
తొలగించండియడాగమ నుగాగములు మధు కైటభులు...
తొలగించండి
తొలగించండిమధుకై టభులు జిలేబ
మ్మ, దొరకక తిరిగు నుగాగమ యడాగమముల్
సదనంబందు నటునిటు మ
న దుంప త్రెంచుచు సయాటన యిటునటుగనున్ :)
జిలేబి
👏👏👏👏👏
తొలగించండి
రిప్లయితొలగించండిచారణుడాడ, నట్టువము సాధన జేసిరి యిర్వురున్నటన్
జోరుగ జోడు గట్టి యట జొంపపు మాటున ముద్దులాటలన్
జేరుచు సోర పిల్లడటు చెంపకు గంధము బూయగన్నలం
కారమె వారి పెండ్లి కొక కారణ మయ్యెను వింటివే చెలీ !
జిలేబి
జిలేబీ గారూ,
తొలగించండిక్రొత్త పదాల అలంకరిస్తున్న మీ పూరణ బాగున్నది. అభినందనలు.
పదాలను
తొలగించండికారము కోరనేలనొ వికారము కల్గు భుజింప హెచ్చు శ్రీ
రిప్లయితొలగించండికారము చేయవేల సహకారము చేయగ వీడి నీ యహం
కారమటంచు వేడగ నకారము తెల్పని రాకుమారు స్వీ
కారమె వారి పెండ్లికొక కారణ మయ్యెను వింటివే చెలీ
సోమయాజులు గారూ,
తొలగించండిఅబ్బో... ఎన్ని కారాలు!? పలు రకాల కారాలతో మీ పూరణ పురస్కారానికి తగి ఉన్నది. అభినందనలు.
ధన్యవాదాలండీ. నమస్"కారము"లు.
తొలగించండినారి సుభద్రను పార్థుడు
రిప్లయితొలగించండికోరుచు మునివేషమందు కోమలి జేరన్
భూరిగనా కృష్ణుని మమ
కారమె వారలకు పెండ్లి కారణమయ్యెన్
విరించి గారూ,
తొలగించండిసుభద్రా పరిణయం విషయంగా మీ పూరణ బాగున్నది. అభినందనలు.
మమకారం కంటే కృష్ణుని సహకార మంటే ఇంకా బాగుంటుందేమో!
కేరింతలతో నిరువురు
రిప్లయితొలగించండిజోరుగ బాల్యము గడుపగ, సోయగములిడన్
మారుడు, పెరిగిన మదనవి
కారమె వారలకు పెండ్లికి కారణమయ్యెన్
నాగమణి గారూ,
తొలగించండియౌవనంలోని మదన వికారంతో మీ పూరణ మనోజ్ఞంగా ఉంది. అభినందనలు.
వారిద్దరి చూపుల తొలి
రిప్లయితొలగించండిసారియె ప్రేమంబు గల్గె సర్వవిధాలన్
కూరిమి నిండిన యా మమ
కారమె వారలకు పెండ్లి కారణ మయ్యెన్.
వారొక యుత్సవంబునను బాల్గొన గోరుచు నేడనుండియో
చేరినవేళ చూపులకు చిక్కిరి యంతట ప్రేమభావ మా
మారుడు కల్గజేసె నను మానము లేదను రక్తికందు శ్రీ
కారమె వారి పెండ్లి కొక కారణ మయ్యెను వింటివే చెలీ.
హ.వేం.స.నా.మూర్తి.
మూర్తి గారూ,
తొలగించండిమమకారంతో అనురక్తికి శ్రీకారం చుట్టిన మీ రెండు పూరణలు అద్భుతంగా ఉన్నవి. అభినందనలు.
డా.పిట్టా
రిప్లయితొలగించండిపారము లేనిది శాస్త్రము
తీరని కుజ దోషమన్న దివిజుని శమనం
బారడి మాన్చెను జప మోం
కారమె వారలకు పెండ్లి కారణమయ్యెన్
డా.పిట్టా
రిప్లయితొలగించండిసారము లేని కట్టుకథ సై యన నాయిక ప్రేమ యత్నమున్
పారగనీదు; దర్శకుడు బట్టిన నాయకు నెల్ల వేళలన్
ఘోర వికర్షణన్ గలియ గూర్చెను వేసట;వానిపైని ఛీ
త్కారమె వారి పెళ్లికొక కారణమయ్యెను వింటివే చెలీ!
(నాయిక ఛీత్కారమే నాయకుని పొందుకు కారణమవడం, సినిమా కథ)
డా. పిట్టా వారూ,
తొలగించండిఓంకార, చీత్కారాలతో మీ రెండు పూరణలు చక్కగా ఉన్నవి. అభినందనలు.
వీర వరేణ్యుడు రాముఁడు
రిప్లయితొలగించండితీరుగ హరు విల్లుఁద్రుంచ ధీరుల్ దిక్కుల్
హోరున కంపించఁగ టం
కారమె వారలకుఁ బెండ్లి కారణమయ్యెన్
సహదేవుడు గారూ,
తొలగించండిధనుష్టంకారంతో మీ పూరణ ప్రశస్తంగా ఉంది. అభినందనలు.
గురుదేవులకు ధన్యవాదములు
తొలగించండిగురుదేవులకు ధన్యవాదములు
తొలగించండిధీరగుణుండునౌ వరుడు దేహరుచిన్ నవమన్మథుండు , శృం....
రిప్లయితొలగించండిగార రసాధిదేవి యనగా సుదతీమణియౌ, పరస్పరా..
కారములిట్టులొండొరులకై సృజియించెనొ బ్రహ్మ ! మోహనా..
కారమె వారి పెండ్లి కొక కారణ మయ్యెను వింటివే చెలీ"
మైలవరపు వారూ,
తొలగించండిపరస్పర మోహనాకారాలపై మీ పూరణ మనోహరంగా ఉంది. అభినందనలు.
ధన్యవాదాలండీ.. నమోనమః
తొలగించండిసారసగర్భుని రాతయె
రిప్లయితొలగించండివారిరువురి మధ్యలోన వలపును బెంచన్
సారము గల్గిన యా మమ
కారమె వారలకు పెండ్లికారణమయ్యెన్!!!
వారిరువురి ప్రేమనెవరు
దీరుగ మరి యొప్పుకొనక దిట్టగ నిండ్లన్
కూరిమి గల మిత్రుల సహ
కారమె వారలకు పెండ్లి కారణమయ్యెన్!!!
శైలజ గారూ,
తొలగించండిమమకార, సహకారాలతో మీ రెండు పూరణలు ప్రశస్తంగా ఉన్నవి. అభినందనలు.
డా.పిట్టా
రిప్లయితొలగించండిసారము లేని కట్టుకథ సై యన నాయిక ప్రేమ యత్నమున్
పారగనీదు; దర్శకుడు బట్టిన నాయకు నెల్ల వేళలన్
ఘోర వికర్షణన్ గలియ గూర్చెను వేసట;వానిపైని ఛీ
త్కారమె వారి పెళ్లికొక కారణమయ్యెను వింటివే చెలీ!
(నాయిక ఛీత్కారమే నాయకుని పొందుకు కారణమవడం, సినిమా కథ)
ఈ కామెంట్‌ను రచయిత తీసివేశారు.
రిప్లయితొలగించండితారకు సంహా రమునకు
తొలగించండిమారుని పొగరణచు కొరకు మార్గమ్మైనన్
గౌరీశానుల యంగీ
కారమె వారలకుఁ బెండ్లి కారణమయ్యెన్
దారినఁబోవు రాజు యిటుఁదాపసిఁజూడగ వచ్చు చుండగా
తొలగించండిగోరెనొ బ్రహ్మ వారలనుఁగూర్ప శకుంతల కూతపెట్టెనే!
బారుగ వచ్చుతుమ్మెదలుఁపైబడు నంచు,మిళింద కోటి ఝం
కారమె వారి పెండ్లి కొక కారణ మయ్యెను వింటివే చెలీ
రాజ్ కుమార్ గారూ,
తొలగించండిఅంగీకార, ఝంకారాలతో మీ రెండు పూరణలు బాగున్నవి. అభినందనలు.
'రాజు+ఇటు' అన్నపుడు సంధి నిత్యం. యడాగమం రాదు. "భూపు డిటు" అనండి.
ప్రభాకర శాస్త్రిగారి ఝంకారానికి కృతజ్ఞతాంజలులు
తొలగించండి__/\__
తొలగించండిధన్యవాదాలు శంకరయ్యగారు.
తొలగించండి"రాజుయిటు"... ×
"భూవరుడు" √
తెల్లవారగానె యుల్లము రంజిల్ల
రిప్లయితొలగించండినెన్నొ పూరణమ్ము లిచట నా స
మీక్ష కొఱకు నివె ప్రతీక్షించుచున్నవి
వ్రాసిన కవులార! వందనములు.
కారము సత్కారము సహ
కారము సంస్కారము మమకారము మోహా
కారము టంకారము ఝం
కారము స్వీకారములె వికారము లేదే!
శంకరయ్య గారూ.. మీ యీ మొదటి పద్యం చూస్తే నేను వ్రాసిన వేంకటేశ్వర శతకం ( ముద్రణ దశలో ఉంది) లో స్వామివారి మేలుకొలుపు స్మృతిపథంలో మెదిలింది.. మిత్రులతో పంచుకోవాలని పంపిస్తున్నాను అవధరించండి.. ఆశీర్వదించండి... 🙏🙏
తొలగించండి🌺🙏ఓం నమో వేంకటేశాయ 🙏🌺
ద్వాదశ తీర్థ సంకలిత వారి విభాసిత పాత్రధారులై
వేద పవిత్ర మంత్ర శ్రుతిపేయ సునాద విభూషితాస్యులై
పాదయుగాభిషేకమతి వచ్చిరి విప్రులు , మేలుకొమ్ము ! భా..
గ్యోదయకారకా! దినకరోదయమైనది వేంకటేశ్వరా !!
చాలాబాగుందండీపద్యం.
తొలగించండిధన్యవాదాలండీ మిస్సన్న గారూ..
తొలగించండిమైలవరపు మురళీకృష్ణ గారు మీ మేలుకొలుపు పద్దెపు వింజామర మనోహరముగా నున్నది. ఈ పద్యమొక్కటి చాలు మీ శతకాభిరామ దర్శనమునకు. అభినందనలు.
తొలగించండిశ్రీ పోచిరాజు కామేశ్వరరావు గారికి నమస్సులు.. మీ వంటి వారల మార్గమే మా బోంట్లకు అనుసరణీయము.. మీ పూరణలలోని అర్థభేదాలు చాలా ఆసక్తికరంగా ఉంటాయి అనుట అతిశయోక్తి గానేరదు. శతకం రూపు దిద్దుకొన్న తరువాత తమరికి అందజేయగలను. మీ ప్రశంసకు ధన్యవాదాలతో... మురళీకృష్ణ
తొలగించండిమైలవరపు వారు:
తొలగించండిపోచిరాజు వారి "వేంకటేశ్వరా శతకము"ను ఇచ్చట చూడగలరు:
http://kraopochiraju4.blogspot.com/2016/09/blog-post.html
అవశ్యం.... ధన్యవాదాలండీ
తొలగించండిశంకరయ్యగారు! అందరి కారాలతో మీ కందం అదిరింది.నమస్కారం.
తొలగించండిచారెడు కన్నులున్ తెలుపు చాయయు చక్కని మోము నల్లనౌ
రిప్లయితొలగించండిబారెడు జుట్టుతో పధువు, పాతికలోపు వయస్సు కల్గినన్
తీరగునాకృతిన్ వరుడు తేజమునొల్కగ వారి మోహనా
కారమె వారిపెండ్లికొక కారణమయ్యెను వింటివే చెలీ
వీటూరి భాస్కరమ్మ
భాస్కరమ్మ గారూ,
తొలగించండివధూవరుల మోహనాకారాలతో మీ పూరణ మనోహరంగా ఉంది. అభినందనలు.
టైపాటువల్ల వధువు.. పధువు అయింది.
ఆ రెండు కుటుంబమ్ములు
రిప్లయితొలగించండివారక మేలగు మిరపను పండించుటచేఁ
గోరియు వియ్యము నందిరి
కారమె వారలకుఁ బెండ్లి కారణ మయ్యెన్.
గురుదేవులకు నమస్సులు!! ఏ కారమును కూర్చకుండా అచ్చమైన కారంతోనే పెండ్లి చేసిన మీ చమత్కారానికి జోతలు!!
తొలగించండిఅత్యుత్తమమైన పూరణ!🙏🙏🙏🙏
నిరుపేద అయిన చక్కని
రిప్లయితొలగించండితరుణిని ప్రేమించెనొకడు తద్దయువేడ్కన్
పరికింప స్నేహితుల సహ
కారమె వారిపెండ్లికిని కారణమయ్యెన్
వీటూరి భాస్కరమ్మ
భాస్కరమ్మ గారూ,
తొలగించండిసహకారంతో మీ రెండవ పూరణ బాగున్నది. అభినందనలు.
మొదటి మూడు పాదములలో మొదటి అక్షరం దీర్ఘముగా సరిజేయమనవి
తొలగించండిఈ కామెంట్‌ను రచయిత తీసివేశారు.
రిప్లయితొలగించండిచేరిరి పాండవుల్సభకు శ్రీకరభూసుర రూపధారులై
రిప్లయితొలగించండియోరగజూచె ధర్మజుడు నూయని తమ్మునివైపు పార్థుడున్
నారిని జూచి యంత్రముననాటెనుకోలను మెచ్చగా ఝషా
కారమె వారి పెండ్లి కొక కారణ మయ్యెను వింటివే చెలీ
మిస్సన్న గారూ,
తొలగించండిమత్స్యయంత్ర భేదనం విషయంగా మీ పూరణ ప్రశస్తంగా ఉన్నది. అభినందనలు.
శంకరయ్య గారు మీకు నా నమస్కారం మీలాంటి వారి వల్ల తెలుగు వెలుగుతోంది
రిప్లయితొలగించండిశ్యామల
శ్యామలా శంక లే దిది సత్య మమ్మ.
తొలగించండిశ్యామల గారూ,
తొలగించండిధన్యవాదాలు.
ఏదో నాకు, నా ద్వారా కొందరికి కాలక్షేపానికి, మరి కొందరికి పద్యరచనాభ్యాసానికే ఈ బ్లాగు నిర్వహణ తప్ప భాషా సాహిత్య సేవల వంటి పెద్ద మాటలకు అర్హుణ్ణి కాను.
ఘోరతపమ్మున మున్గిన
రిప్లయితొలగించండికారణమున హరుడె యుమను గాంచకయున్నన్
మారుని పూబాణపు శ్రీ
కారమె వారలకు పెండ్లి కారణమయ్యెన్
కృష్ణారావు గారూ,
తొలగించండిమదనుడు పూలబాణాలతో ఉమాశంకరుల ప్రణయ కథకు శ్రీకారం చుట్టాడన్న మీ పూరణ చక్కగా ఉంది. అభినందనలు.
కోరిన వాడే కనబడి
రిప్లయితొలగించండితీరుగ మాటిచ్చి కలలు తీరగ మనువున్
కోరగ వారిరువురిమమ
కారమె వారలకు పెండ్లి కారణమయ్యెన్
శ్రీరామ్ గారూ,
తొలగించండిపరస్పర మమకారంపై మీరు వ్రాసిన పూరణ బాగున్నది. అభినందనలు.
క్రూరమ్మగు చూపులతో
రిప్లయితొలగించండితోరమ్ముగ నొకరి నొకరు దూరుచు ప్రతినల్
తీరుగ నొనరించిన ధి
క్కారమె వారలకు పెండ్లి కారణమయ్యెన్
{మంగమ్మ శపథము}
తిమ్మాజీ రావు గారూ,
తొలగించండిమంగమ్మ శపథం కధా ప్రస్తావనతో మీ పూరణ బాగున్నది. అభినందనలు.
నేరమని ప్రేమజీవుల
రిప్లయితొలగించండినారడి పెట్ట స్వజనమ్ము లావేశముతో
ధీరత్వమునఁ బ్రజల సహ
కారమె వారలకు పెండ్లి కారణమయ్యెన్
అన్నపరెడ్డి వారూ,
తొలగించండిమీ ప్రజా సహకారపు పూరణ బాగున్నది. అభినందనలు.
రిప్లయితొలగించండిమీ ప్రోత్సాహాలకు నెనర్లండీ కందివారు
సోరణి దివియల్ తీరున
బారులు దీర్చుచు జిలేబి పదముల్ బేర్చెన్ ;). అంతే
మీ ప్రోత్సాహమునకు మా
కై ప్రాతః కాలమిచ్చు కైపదములకున్
మీ ప్రేరణలకు నెనరుల్
మీ ప్రాపులు వన్నె దీర్చె మేలున్ గూర్చెన్ !
జిలేబి
సవినయ నమస్కృతులు!
తొలగించండితోరపు విద్య ఘనముగ కు
రిప్లయితొలగించండిబేరుని మించు ధనరాశి విశ్రుత కులమున్
మారునిఁ బోలు వరుని యా
కారమె వారలకు పెండ్లి కారణమయ్యెన్
దూరము నుండి వచ్చిన సుదూరపు బంధు గణమ్ముఁ జూచి వే
గౌరవ భావ మేర్పడగఁ గమ్మని పల్కుల నాదరించుచున్
భారమ యంచు నెంచకయె పన్నుగ వా రొనరించి నట్టి స
త్కారమె వారి పెండ్లి కొక కారణ మయ్యెను వింటివే చెలీ
కామేశ్వర రావు గారూ,
తొలగించండివరుని శుభాకారం, బంధు సత్కారాలతో మీ రెండు పూరణలు ప్రశస్తంగా ఉన్నవి. అభినందనలు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిప్రేరణ నివ్వకంజముఖి వేంకట నాథుని మందిరమ్మునన్
రిప్లయితొలగించండిచేరెనొకండు శీఘ్రముగ చేడియ చెంతకు నిష్టపూర్తిగా
నేరమటంచు వంశజులు నీతులఁ జెప్పగఁ బ్రేమజంట ధి
క్కారమె వారి పెండ్లి కొక కారణ మయ్యెను వింటివే చెలీ
అన్నపరెడ్డి వారూ,
తొలగించండిప్రేమికుల బంధు ధిక్కారంతో మీ పూరణ చక్కగా ఉంది. అభినందనలు.
గురువర్యులకు నమస్సులు ధన్యవాదములు.
తొలగించండిమీరెను పెద్దల మాటలు
రిప్లయితొలగించండికోరక వరకట్నమేమి, కూరిమి కలుగన్
చారు గుణ శీలవతి సం
స్కారమె వారలకు పెండ్లి కారణమయ్యన్.
గండూరి వారూ,
తొలగించండికట్నం కాకుండా సంస్కారమే పెండ్లి కారణమయిందన్న మీ పూరణ బాగున్నది. అభినందనలు.
జోరుగ వచ్చిన లైకులు
రిప్లయితొలగించండిపేరుప్రతిష్టల నొసగగ, ఫేస్బుక్ ద్వారా
కూరిమి తో పొందిన మమ
కారమె వారలకు పెండ్లికి కారణమయ్యెన్
నాగమణి గారూ,
తొలగించండిముఖ పుస్తక ప్రేమాయణంతో మీ పూరణ వైవిధ్యంగా ఉంది. అభినందనలు.
కోరగ వైదర్భి వలచి
రిప్లయితొలగించండికూరిమితో నిషధరాజు కూడగ పతిగన్
సారెకు సారెకు యమిసహ
కారమె వారలకు పెండ్లి కారణమయ్యెన్
సీతాదేవి గారూ,
తొలగించండిహంస సహకారంతో మీ పూరణ బాగున్నది. అభినందనలు.
.ప్రేరణగూర్చగ తగుసహ
రిప్లయితొలగించండికారమె వారలకు పెండ్లి కారణ మయ్యెన్|
మారెడి సమాజ మందున
జేరినయవ్వనము జేయుచేష్టల చేతన్|
2.కారమె గాదు తీపి మమకారమునన్ సహకార వాంచలా
కారమె కంటిపాప లుపకారముజేర?వధూవరాజ్ఞ సం
స్కారమునందు పందిట “ల”కారముజేర్చగ తాళిగట్టె|శ్రీ
కారమె వారి పెండ్లి కొకకారణ మయ్యెను వింటివే చెలీ?
ఈశ్వరప్ప గారూ,
తొలగించండిఆహా! రెండవ పూరణలో ఎన్ని 'కారాలు'! జనవ్యవహారంలోని లకారాన్ని కూడా చేర్చారు. రెండు పూరణలు చక్కగా ఉన్నవి. అభినందనలు.
శ్రీరమణీస్వరూపయగు సీతను బెండిలి యాడ ప్రేమతో
రిప్లయితొలగించండిసారసనాభుడే ధరణి చక్కని రూపము దాల్చి రాముడై
చేరియు శైవకార్ముకము చేత ధరించి బిగించి చేయు టం..
కారమె వారి పెండ్లి కొక కారణ మయ్యెను వింటివే చెలీ!!
మైలవరపు వారూ,
తొలగించండిధనుష్టంకారంతో మీ పూరణ మనోహరంగా ఉంది. అభినందనలు.
చేరగ లైలా మజునూ
రిప్లయితొలగించండిదూరపు టైయ్యైటి లోన దోరగ వయసుల్
మీరగ, ద్వైయాంశిక గుణ
కారమె వారలకు పెండ్లి కారణమయ్యెన్
ద్వైయాంశిక గుణకారము = binary multiplication
శాస్త్రి గారూ,
తొలగించండిమీ శాస్త్రియ గుణకారపు పూరణ వైవిధ్యంగా ఉంది. అభినందనలు.
కోరుకొనిన మిథునపు సం
రిప్లయితొలగించండిస్కారము, వియ్యంకుల సహకారము కన్నన్
కారము దరి చేరని మమ
కారమె వారలకు బెండ్లి కారణ మయ్యెన్!
శ్రీధర రావు గారూ,
తొలగించండివివిధాలైన కారాలతో మీ పూరణ చక్కగా ఉంది. అభినందనలు.
ధీర సమీరే యమునా
రిప్లయితొలగించండితీరే వసతి " యని వధువు తీయగ పాడన్
కోరి , జయదేవ గీతా
కారమె* వారలకు బెండ్లి కారణమయ్యెన్!!
మైలవరపు వారూ,
తొలగించండిఅష్టపది పల్లవితో మీ పూరణ అద్భుతంగా ఉంది. అభినందనలు.
నారాయణమ్మ యొకపరి
రిప్లయితొలగించండిదారినిదాబోవుచుండి ధర్మునిజూడ
న్నిరువురి చూపులగలమమ
కారమె వారలకు పెండ్లి కారణ మయ్యెన్
సుబ్బారావు గారూ,
తొలగించండిమమకారంతో మీ పూరణ బాగున్నది. అభినందనలు.
చేరగ రాక్షస వనమున
రిప్లయితొలగించండివీరులు పాండవులు కుంతి; భీముని గాంచన్
క్రూర హిడింబుని హాహా
కారమె వారలకు పెండ్లి కారణమయ్యెన్
శాస్త్రి గారూ,
తొలగించండిహిడింబుని హాహాకారంతో మీ పూరణ చక్కగా ఉంది. అభినందనలు.
వారపు సంతకున్వెడలి భారతి మోహనుజూచి ,తోడనే
రిప్లయితొలగించండిమారుని బాణమున్బడగ మాటలు చేష్టలు లేకయుండినన్
వారల రూపు రేఖలును వారల జాలితనంబు మో హనా
కారమె వారి పెండ్లి కొకకారణ మయ్యెను వింటివే చెలీ!
సుబ్బారావు గారూ,
తొలగించండిమీ రెండవ పూరణ బాగున్నది. అభినందనలు.
ధీర సమీరే యమునా
రిప్లయితొలగించండితీరే వసతి" యని వధువు తీయగ పాడన్
కోరి , జయదేవ గీతా
కారమె వారలకు బెండ్లి కారణమయ్యెన్!!
కూరకు నారకున్ కొసరి కూరిమి లేకయె వంగ భూమిలో
రిప్లయితొలగించండితీరని కోర్కెతో గతికి తీపి జిలేబులు రాజభోగులన్
కోరిక మీరగా తినిన కోమలి తెచ్చిన నావకాయదౌ
కారమె వారి పెండ్లి కొక కారణ మయ్యెను వింటివే చెలీ!