నాగమణి గారూ, కవుల గ్రంథాలే హారాలై భారతీదేవి గళసీమ నలంకరించాయని చెప్పిన మీ పూరణ బాగున్నది. అభినందనలు. 'రేఫసంయుక్తాక్షరం ముందున్న పూర్వపదాంతాక్షరం లఘువు కాని, గురువు కాని కావచ్చు'. కాని ఎందుకో కవిత్రయంలో 'వి' గురువే అవుతుందని నాకు తోస్తున్నది.
పూజ్యులు శంకరయ్య గారికి వందనములు. అవునండి కవిత్రయములో వి గురువే. ప్ర, బ్ర, క్ర, మరియు హ తో గూడిన సంయుక్తాక్షరములు నాలుగు తప్ప మిగిలిన యన్ని సంయుకాక్షరములకు పూర్వాక్షరము గురువే యగునని నేను జదివితిని. ఆ నాలుగు సందర్భములలోనే యవసరార్థము గురులఘువు గా తీసుకొన వచ్చునని.
కామేశ్వర రావు గారూ, వ్రతసూత్రం, చేదారం లేని హారలను గురించిన మీ పూరణలు ఉత్తమంగా ఉన్నవి. ముఖ్యంగా 'చేదారము' ప్రయోగం అభినందించదగినది. మీ పద్యనిర్మాణ శక్తికి, సుమకోమల భావనలకు, అతిలోక చమత్కృతికి జోహారులు.
హారధారియై పతివిరహంబునోప
రిప్లయితొలగించండిజాలక సరససల్లాప చర్యలందు
తగుల గాఢపరిష్వంగ తరుణ మందు
"దారమే లేని హారము తరుణి దాల్చె"
శర్మ గారూ,
తొలగించండిపతి బాహువులే హారమయ్యాయన్న మాట! సరసంగా ఉంది మీ పూరణ. అభినందనలు.
కోటి కోటీశ్వరుని చిన్న కూతు రామె
రిప్లయితొలగించండితండ్రి బంగారు వజ్రాల తత్వ వేత్త
పసిడి తీగతో చుట్టగ పలుపు; నూలు
దారమే లేని హారము తరుణి దాల్చె
శాస్త్రి గారూ,
తొలగించండిపసిడితీగతో హారం... చక్కని పూరణ. అభినందనలు.
ఆదిభిక్షువు యర్ధాంగి యద్రిపుత్రి
రిప్లయితొలగించండికౌగిలింపగ కామారి కంజనయన
కంఠసీమను యురగము గప్పుగొనగ
దారమేలేని హారము తరుణి దాల్చె!
సీతాదేవి గారూ,
తొలగించండినాగేంద్రహారుని కౌగిలింతతో చక్కని పూరణ చెప్పారు. అభినందనలు.
'ఆదిభిక్షుని యర్ధాంగి/ ఆదిభిక్షువు పెండ్లాము' అనండి.
గురుదేవులకు నమస్సులు! మీ సవరణకు వివరణ మా పినతండ్రిగారు ఇచ్చినారు! అది అమోఘమని కూడ సెలవిచ్చారు! మీకు మనఃపూర్వక ధన్యవాదములు!🙏🙏🙏
తొలగించండికం: కోతలతో మురి పింతురు
రిప్లయితొలగించండిభీతిల్లిన వారలు , రణవీరులు ధీరుల్
చేతలతో పోరి విజయ
జ్యోతిని తెత్తురు సతతము చూడుము రాజా
ధర్మరాజు విరాటునికి ఉత్తర కుమారునికి విజయము వరించలేదని విజయుడే విజయము గైకొని వచ్చునని చెప్పు సందర్భము
నాగమణి గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండివారి నటవోర గన్నుల వారిజాక్షి
జూసె, మురిపెము గానుచు జుంజుఱించు
మదియు తూగగ సుమముల మర్చి కోవి
దారమే లేని హారము తరుణి దాల్చె!
జిలేబి
రిప్లయితొలగించండివారిని జూడ తూగె మది వాకలువేసె మరింత గానటన్
సారము గాంచె జీవితము, సాజము గాద సమీచికిన్ జిలే
బీ, రస రమ్య వేళనటు బింకపు పట్టును వీడి ముద్దమం
దారము లేని హారము నితంబిని దాల్చెను సంతసంబునన్ !
జిలేబి
జిలేబీ గారూ,
తొలగించండికోవిదారం, ముద్దమందారం లేని హారాలతో అలంకరించిన మీ రెండు పూరణలు బాగున్నవి. అభినందనలు.
పోతనార్యుని గ్రంధమ్ము భూష ణంబు
రిప్లయితొలగించండిఅయ్యి గళసీమ పైచేరి హాయి నొసగ,
కాళిదాసురచన చేరె కంఠమందు,
కవిత్రయపు కావ్యరాజమ్ము కంధరమ్ము
పైన చేరంగ, వాల్మీకి పసిడి రచన
కుతుక సరసన ఘనముగా అతికి పోయె,
పెద్ద నయ్య మనుచరిత పీక చేర,
కవుల గ్రంధాలు భారతి కంఠ మందు
వలదు వలదన్న వేగాన వచ్చు చుండ
దారమేలేని హారాలు తరుణి దాల్చె
నాగమణి గారూ,
తొలగించండికవుల గ్రంథాలే హారాలై భారతీదేవి గళసీమ నలంకరించాయని చెప్పిన మీ పూరణ బాగున్నది. అభినందనలు.
'రేఫసంయుక్తాక్షరం ముందున్న పూర్వపదాంతాక్షరం లఘువు కాని, గురువు కాని కావచ్చు'. కాని ఎందుకో కవిత్రయంలో 'వి' గురువే అవుతుందని నాకు తోస్తున్నది.
ధన్యవాదములు త్ర ముందు అక్షరముతో ఊద బడలేదని తలచి లఘువుగా స్వీకరించాను. క్షమించండి సరిదిద్దుకుంటాను. కవుల మువ్వురి కావ్యమ్ము కంధరమ్ము అనవచ్చు గదా
తొలగించండిఅనవచ్చు... బాగుంది.
తొలగించండిపూజ్యులు శంకరయ్య గారికి వందనములు. అవునండి కవిత్రయములో వి గురువే.
తొలగించండిప్ర, బ్ర, క్ర, మరియు హ తో గూడిన సంయుక్తాక్షరములు నాలుగు తప్ప మిగిలిన యన్ని సంయుకాక్షరములకు పూర్వాక్షరము గురువే యగునని నేను జదివితిని. ఆ నాలుగు సందర్భములలోనే యవసరార్థము గురులఘువు గా తీసుకొన వచ్చునని.
డా.పిట్టా
రిప్లయితొలగించండిసారమే లేని సంసార సాగరాన
పూవులే భూషణాలగు ,పూచి రాలు
బొడ్డుమల్లెల నెల్లను బ్రోవు జేసి
దారమే లేని హారము తరుణి దాల్చె!
(బొడ్డుమల్లె కాడలతో జడనల్లినట్లు హారాల నల్లవచ్చును.)
డా.పిట్టా
రిప్లయితొలగించండిచూరగొనంగ నందములు చొప్పడ నా వనవాసి సీతకౌ
ఆరడి స్వర్ణహారముల నందని దుస్థితి లోన పూచి వి
ప్పారిన పూలు కాడల విభావరి జార్చగ నల్లె సత్కళన్
దారము లేని హారము నితంబిని దాల్చెను సంతసంబునన్!
డా.పిట్టా వారూ,
తొలగించండిమీ రెండు పూరణలు మనోహరంగా ఉన్నవి. అభినందనలు.
డా.పిట్టానుండి
తొలగించండిఆర్యా, ధన్యవాదములు
లింగ భేదమే లేకుండ రంగు గలిపి
రిప్లయితొలగించండిమేనిపై పొడిచెడు 'టాటు' మెచ్చి మదిని
తనదు ప్రత్యేకతను చాటు తపన ముదిరి
దారము లేని హారము తరుణి దాల్చె
కోరిన చోటున తనువున
దీరును రంగులు పొడవగ తిరమౌ 'టాటూ'
మీరఁగ మక్కువ, గళమున
దారము లేనట్టి దండ తరుణియె దాల్చెన్
సహదేవుడు గారూ,
తొలగించండిమీ రెండు పూరణలు బాగున్నవి. అభినందనలు.
……………………………………………………
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,,,,
{ ఒక గారడి వాడు పలు వి౦తలను చేస్తూ
పూలను గాలి లోనికి ఎగర వేశాడు . అపు డా
పూ లన్ని గారడి చూస్తున్న ఒక ఆవిడ
మెడలో హారమై పడినవి }
్
ి
గారడి వాడు బొమ్మలను గ౦తులు
…………… వేయగ జేసె గాలిలో !
కారము బ౦చదార రుచి గల్గగ జేసెను !
………………… గాజు పె౦కు బ౦
గారపు రూక మాదిరి యొనర్చెను !
………………… పై కెగిరి౦పగా విరుల్ ,
దారము లేని హారము నిత౦బిని దాల్చెను
………………… స౦తస౦బునన్ ! !
గురుమూర్తి గారూ,
తొలగించండిమీ గారడీ పూరణ చక్కగా ఉంది. అభినందనలు.
కూరిమి భర్త జేర , సతి కోపనయై *పొరుగింటి "గౌరి"*" బం..
రిప్లయితొలగించండిగారము దాల్చె ! మీరు కొనగా వలె ! దెమ్మని బల్క నాతడున్
హారము దెచ్చె స్వర్ణ మయమైనది క్రొత్తది ! నూలు పోగులౌ
దారములేని హారము నితంబిని దాల్చెను సంతసమ్మునన్ !!
ధారుణి గాంచగా నిది *విధాతృ రమేశులకైన* దప్పునే ?!!
మురళీకృష్ణ గారూ,
తొలగించండిమీ పూరణ ప్రశస్తంగా ఉంది. అభినందనలు.
మారిపోయెను కాలమ్ము మంజులముగ
రిప్లయితొలగించండిఅసలుపూలను మరపించి అలరుచుండె
మాయ ప్లాస్టిక్కు పూవులు మరులుగొలుప
దారమేలేని హారము తరుణి దాల్చె
వీటూరి భాస్కరమ్మ
భాస్కరమ్మ గారూ,
తొలగించండిమీ పూరణ బాగున్నది. అభినందనలు.
ఆరయ పూవులెన్నొ ముదమారగ దండగగ్రుచ్చివేడ్క సిం
రిప్లయితొలగించండిగారము చేసుకొన్నయని కాంతయొకర్తుక కంఠసీమలో
సారెకు పూవులన్నియును చక్కగనుండినగానియొక్క మం
దారము లేనిహారమును దాల్చెనితంబిని సంతసమ్మున్
వీటూరి భాస్కరమ్మ
భాస్కరమ్మ గారూ,
తొలగించండిమీ రెండవ పూరణ బాగున్నది. అభినందనలు.
'చేసుకొన్నయని'...?
'చేసుకొన్నయది'..
తొలగించండిధన్యవాదములు.
నగల యందమితము ప్రేమ నారులకును
రిప్లయితొలగించండిమగనిఁ దలతురు నిధి యని మగువ లెపుడు
పండుగ దినమన నొనర్చి వ్రతము నోము
దారమే లేని హారము తరుణి దాల్చె
[నోము దారము = వ్రత సూత్రము; వ్రతసూత్రము లేని తరుణి హారము దాల్చె]
వారలు వీరలందున నవారితమై వెలు గొందగా వలెం
దారల వోలె నాదు ముఖ తామరసమ్మని యెంచి యత్తరిన్
భారము కాదు చేకొన నపారము చెల్వము నందుఁ జూడ చే
దారము లేని హారము నితంబిని దాల్చెను సంతసంబునన్
[చేదారము = నగలలోని తఱుఁగు]
కామేశ్వర రావు గారూ,
తొలగించండివ్రతసూత్రం, చేదారం లేని హారలను గురించిన మీ పూరణలు ఉత్తమంగా ఉన్నవి. ముఖ్యంగా 'చేదారము' ప్రయోగం అభినందించదగినది. మీ పద్యనిర్మాణ శక్తికి, సుమకోమల భావనలకు, అతిలోక చమత్కృతికి జోహారులు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిదారము లేని హారము దరుణిదాల్చె
రిప్లయితొలగించండిదాల్చ వచ్చును హారము దరుణి యార్య!
పసిడి హారము నకదియ వసరముగలు
గదుక దయికయా దారము కనుగొనంగ
సుబ్బారావు గారూ,
తొలగించండిమీ పూరణ బాగున్నది. అభినందనలు.
'దారమే' అనండి. లేకుంటే గణదోషం.
వెన్నెలట్టుల విరిసెడి వన్నె లందు
రిప్లయితొలగించండిచల్ల చల్లని తావిని నుల్లమలరి
వఱలు పున్నాగ పూవుల బట్టి చుట్టి
దారమేలేని హారమ్ము తరుణి దాల్చె!
శర్మ గారూ,
తొలగించండిమీ ఈ తాజా పూరణ పున్నాగ పూల తావిని వెదజల్లుతూ ఆనందాన్ని ఇచ్చింది. అభినందనలు.
మరచి ముడినుంచ మంచి సుమముల దండ
రిప్లయితొలగించండివాగు దరిగాంచి వనమున తీగమల్లె,
మల్లెతీగనె దండగా మడచి ముడిచె;
దారమే లేని హారము తరుణి దాల్చె
కృష్ణారావు గారూ,
తొలగించండిపూలతీగెనే అలంకరించుకున్నప్పుడు దారముతో పనేముంది? చక్కని భావం. అందమైన పూరణ. అభినందనలు.
దారము లేనిహారము నితంబిని దాల్చెను సంతసంబునన్
రిప్లయితొలగించండిహారము కాదుగా నదియ హారము నాబడు దారముండినన్
దారము దోడగూడగను దానిని నందురు హారమున్నిలన్
హారము జేతురే కదిక యభ్రము జేతను హేమకారుడున్
సుబ్బారావు గారూ,
తొలగించండిమీ పూరణ బాగున్నది.
'కాదు కా దదియు.. దానినె యందురు...' అనండి.
శాస్త్రసమ్మత పద్ధతి సరకుగొనక
రిప్లయితొలగించండిసంతకమ్ముల పెండ్లిని సలుప వసతి
కనక హారమునిడ భర్త గళము, నూలు
దారమే లేని హారము తరుణి దాల్చె
రెడ్డి గారూ,
తొలగించండిమీ పూరణ చక్కగా ఉన్నది. అభినందనలు.
దార కోరిన కోరికన్ దాను తీర్చ
రిప్లయితొలగించండినేడు వారాల నగలనే యిష్టపడుచు
ముగ్దకివ్వగ నామెయే మురిసి పోయి
దారమే లేనిహారము తరుణి దాల్చె
*నా రెండవ పూరణము*
నిపుణుడైనట్టి కంసాలి నేర్పుతోడ
మలచి పచ్చలహారమ్ము మగువ కివ్వ
మురిసి పోవుచు నాయింతి మోదమలర
దారమే లేని హారము తరుణి దాల్చె.
జారుడు చెంతజేరగను జారిణి యొక్కతె కామకేళిలో
గారపు మాటలాడి నయగారము బోవుచు ముద్దులాడుచున్
కోరెను స్వర్ణభూషణము, కోమలి కోరిక దీర్చినంత నా
దారము లేని హారము నితంబిని దాల్చెను సంతసంబునన్
విరించి గారూ,
తొలగించండిమీ మూడు పూరణలు బాగున్నవి. అభినందనలు.
హారమనోహరమ్ము పరిహారము గాదు మనోహరా|యిటన్
రిప్లయితొలగించండిప్రేరణ గూర్చ పువ్వుల వివేకపు నవ్వులశోభనంబు సం
స్కారము వీడు కాంక్షలతిసారమటంచునుకామితార్థపున్
దారము లేని హారము నితంబిని దాల్చెను సంతసంబునన్|
2.పద్య తోరణమల్లియు పడతి కొసగ
దారమేలేని హారము తరుణి దాల్చె|
మనసునందున మమతల మల్లియలగ
విరిసె విరబోణిబంధమై ప్రేమలాగ|
ఈశ్వరప్ప గారూ,
తొలగించండిమీ రెండు పూరణలు మనోహరంగా ఉన్నవి. అభినందనలు.
కనపడని బొట్టు నంటించె కాంత నేడు
రిప్లయితొలగించండిజుట్టు కత్తిరించుకొనియె పొట్టి గాను
నాధునికత చాటు కొనగ నంత కోవి
దారమే లేని హారము తరుణి దాల్చె!
(కోవిదారము = బంగారు)
గురువు గారికి వందనములు. నిన్నటి నా పూరణను కూడా పరిశీలించ గోరుతాను. ధన్యవాదములు.
జాతి యనగ మదిని భరత
జాతి యడర రిపు నెదిరిన సైనికులె సుమా
జాతీయతను విడనాడగ
భీతిల్లిన వారలు రణ వీరులు ధీరుల్!
శ్రీధర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
నిన్నటి పూరణలో మూడవ పాదంలో గణదోషం. 'జాతీయత విడనాడగ' అనండి.
కోరివరించియన్యకులకొమ్మను, గూఢ ప్రదేశమందునన్
రిప్లయితొలగించండిచేరననుంగుమిత్రులును, చెన్నగు కాంతగళమ్ము నుంచగా
ధీరవరుండు బంగరపు తీగెసరమ్మును, మెచ్చ స్నేహితుల్
దారము లేని హారము నితంబిని దాల్చెను సంతసంబునన్
రెడ్డి గారూ,
తొలగించండిమీ యీ రెండవ పూరణ మనోజ్ఞంగా ఉంది. అభినందనలు.
'కుల కొమ్మను' దుష్ట సమాసం. 'కోరి వరించె నన్య కుల కోమలి...' అనండి.
పొద్దు బొడవగ ప్రియమార పూర్వదిశను
రిప్లయితొలగించండిభానునరుణ కిరణములు బ్రాకివచ్చి
వేయ భూమాత మెడలోన వెచ్చగాను
దారమేలేని హారము తరుణి దాల్చె!
సీతాదేవి గారూ,
తొలగించండిభూదేవికి కిరణాల హారాన్ని వేసిన మీ పూరణ మనోహరంగా ఉంది. అభినందనలు.
తొలగించండికిరణంబుల హారంబును
సిరితోడై నెలయు చిన్న చెలియకు కంఠా
భరణంబుగ వేసితివ
మ్మ రమణి జోతలివియే సుమతి సీతమ్మా !
జిలేబి
👏👏👏👏
తొలగించండిజిలేబిగారికి నమోనమః!!🙏🙏🙏🙏
తొలగించండిమల్లె మాలతి సంపెంగ మరువమున్న
రిప్లయితొలగించండిదారమదిలేక గూర్చగ, నీరజముల
తూడులను ద్రుంచి యల్లుచు తుష్టితోడ
దారమేలేని హారము తరుణి దాల్చె!!!
శైలజ గారూ,
తొలగించండిమీ పూరణ చక్కగా ఉంది. అభినందనలు.
తండ్రి జగను పార్టీ నేత తల్లి కూడ
రిప్లయితొలగించండితెలుగు దేశమున్ దలచిన కలుగు దుగ్ధ
ధర్మ పత్నియౌ ఘడియలో తాళి పసుపు
దారమే లేని హారము తరుణి దాల్చె
శాస్త్రి గారూ,
తొలగించండిమీ తాజా పూరణ బాగున్నది. అభినందనలు.
దారమే లేని *హారము* తరుణి దాల్చె
రిప్లయితొలగించండిదండ కానట్టి *దండ*ను దన్వి మెచ్చె
కోడియే కాని *కోడి*ని కోరె సుదతి
పొడుపుకథలివి *నీకైప* విడుపులగును!!
👏👏👏👏👏👏
తొలగించండిమురళీకృష్ణ గారూ,
తొలగించండిమీ పొడుపుకథ పూరణ అద్భుతంగా ఉంది. అభినందనలు.
హారమే కావలే నని తరుణి కోరె
రిప్లయితొలగించండిభర్త బంగరు హారము భరణి తెచ్చె
నీరజాక్షి మెచ్చు కొనెను నిండు మనసు
దారమే లేని హారము తరుణి దాల్చె
ఆర్యా, (దయచేసి మీ పేరును పద్యం ముందు కాని తరువాత కాని టైప్ చెయ్యండి),
తొలగించండిమీ పూరణ బాగున్నది. అభినందనలు.
'హారమే కావలె ననుచు..." అనండి.
గురువుగారూ నాపేరు వడ్డూరి రామకృష్ణ
తొలగించండిసూరుడు గ్రుంకుచుండగను సుందరి సోనయె ముద్దులాడగా
రిప్లయితొలగించండిదూరపు కొండలన్ తడివి దొంతరి పేర్చుచు నేడురంగులన్
కూరిమి మీరగా పృథివి గూర్చుచు చేర్చిన నింద్రచాపమౌ
దారము లేని హారము నితంబిని దాల్చెను సంతసంబునన్ :)