నీమము దప్పు చుండుటయు, నిర్మల భావము వీడుచుండుటల్ రాముని రాజ్యమందుఁ గనరావు గదా, శ్రుతి ధర్మపద్ధతుల్, క్షేమకరంబులై వెలుగు శ్రేయము లందగ జేయు కర్మ లా భూమిని సర్వకాలమును పూర్ణదృఢత్వము నంది యుండగన్. హ.వేం.స.నా.మూర్తి.
సోమయాజులు గారూ, దుర్యోధనుని రాజ్యమంటూ వైవిధ్యంగా పూరించే మీ ప్రయత్నం ప్రశంసనీయం. కాని భానుమతిని భాన్మతి అనడం సాధువు కాదు. "కాననగున్ కురురాజ్య దుష్కృతా।రాముని..." అంటే ఎలా ఉంటుంది?
ధామము, పుణ్యకార్యశుభ తర్షిత మానస బృంద గానయా రామము, నీతి, ధర్మచయరంజిత శోభల పంచు సౌధమున్ నీమము దప్పనట్టిదగు నేలగ పేరును పొందె, నేడు ఆ రాముని రాజ్యమందు గనరావుకదా శ్రుతి ధర్మ పద్దతుల్
ఆత్యవసరస్తితి యనుచు అర్ధ రాత్రి భరత భూమిలో ప్రకటించె తిరుగు లేక నాడు ఇందిరా గాంధి, తనయుడు రెచ్చి, కరుడు గట్టిన గుండెతో కరుణ లేక పాత్రి కేయుల నోళ్లకు బంధనములు వేసి, ఎదురు తిరిగినట్టి వీర వరుల నెల్ల జైళ్లలో కుక్కించి, పిల్ల లొద్దు యనుచు ఆపరేషన్లను అదుపు లేక విచ్చలవిడిగా చేయించి రచ్చ తోడ దేశమును భ్రష్టు పట్టించె, దేహి యన్న వారలనుగాచి దుష్టులం చేర దీయు రామ రాజ్యమ్మునన్ కన రాదు నీతి
దొంగ రాముణ్ణి సావిత్రి దోచు కొనెను, అక్కి నేనియే సావిత్రి ప్రక్క చేరి అయ్యెనట భలే రాముడు, వియ్య మొందె లతను అందాల రాముడై లక్షణముగ, అగ్గి రాముడెంటీఆరు బుగ్గ గిల్లి భానుమతితోనటించెను భంగ పడక, పిడుగు రాముడై రాజశ్రీ నడుము పైన చేయి వేసి నటన మాడె,హాయి నిచ్చు జయసుధ జయప్ర దలుకూడ జాయి చేసె అడవి రాముడై, డ్రైవరై ఆడెను సుధ తోడ, సర్కసు చూపెను కూడి ప్రదకు, కలియుగపురాముడై చేసె చిలిపి చేష్ట రతిని కూడి నాడు సరదా రాము డాయె జయసుధకలసి నర్తించ , జయము నిడిన రాముని సినిమా లెన్నియో రక్తి కట్టి తెలుగు సినిమాలు ఎన్నియో వెలుగులిడగ శాస్త్రి గారు తెలిపినట్లు చలన చిత్ర రామ రాజ్యమ్మునన్ కన రాదు నీతి
ఆర్యా నమస్కారములు. నేను సినిమా పేర్లను మాత్రమే తీసుకున్నాను. తోట రాముడు ఒక పాత్ర. ఐనను ఇంకను రాముడి మీద చాలా సినిమాలు వున్నాయి. తోట రాముడు అన్న సినిమాలో చలం హీరో. జానకి రాముడు కల్యాణరాముడు రాముని మించిన రాముడు రావణుడే రాముడైతే , అల్లరి రాముడు, కళ్యాణ రాముడు రాము బండ రాముడు ఇంక రాముని పేర్లు కూడినవి మధ్యలో చాలా ఉన్నాయి. అందు కోసము పాత్రలను ఎంచుకోలేదు. ధన్యవాదములు
రాముని రాజ్యమందు గనరావుగదా శ్రుతి ధర్మ పధ్ధతుల్ యేమని మాటలా డితిరి!యీశుడు రాముని రాజ్యమందు నన్ సేమము నుండిరే కదిల చిన్నలు పెద్దలు ధర్మ పధ్ధతి న్నేమరు లేదుగా నపుడ యీశ్రుతి,ధర్మము లెన్నడున్ధగన్
డా.పిట్టా ఏమనె ధర్మశాస్త్రములు? యేవి స్వయం పరి పోషణాధృతుల్ నీమమె"మేకినిండియ"యె నీదగు కాళ్ళను నిల్చుటెన్నడో? క్షేమమె రూక లేని గతి ?గీకిన వచ్చెడి డబ్బు రీతులున్ ఏమయె రామ భూమి?గనమే యవినీతి,యివెల్ల "మోడి"వౌ రాముని రాజ్యమందు; గనరావుగదా శ్రుతి ధర్మ పద్ధతుల్!
దొంగ రాముణ్ణి సావిత్రి దోచు కొనెను, అక్కి నేనియే సావిత్రి ప్రక్క చేరి అయ్యెనట భలే రాముడు, వియ్య మొందె లతను అందాల రాముడై లక్షణముగ, అగ్గి రాముడెంటీఆరు బుగ్గ గిల్లి భానుమతితోనటించెను భంగ పడక, పిడుగు రాముడై రాజశ్రీ నడుము పైన చేయి వేసి నటన మాడె,హాయి నిచ్చు జయసుధ జయప్ర దలుకూడ జాయి చేసె అడవి రాముడై, డ్రైవరై ఆడెను సుధ తోడ, సర్కసు చూపెను కూడి ప్రదకు, కలియుగపురాముడై చేసె చిలిపి చేష్ట రతిని కూడి, నాడు సరదా రాము డాయె జయసుధ కలసి నర్తించ , జయము నిడిన రాముని సినిమా లెన్నియో రక్తి కట్టి తెలుగు సినిమాలు ఎన్నియో వెలుగులిడగ శాస్త్రి గారు తెలిపినట్లు చలన చిత్ర రామ రాజ్యమ్మునన్ కన రాదు నీతి
రాముడు ధర్మ పాలకుడు రాముని రాజ్యమునేగదాభువిన్ రాముని రామరాజ్యమున రాజిత భక్తిగరామునే సదా రామునితోడపాలనము రాజులు జేయగఆదరంబుగా రాముని రాజ్యమందుఁ గనరావు గదా శ్రుతి ధర్మపద్ధతుల్
రామ రాజ్యమ్మునన్ గనరాదు నీతి
రిప్లయితొలగించండిమాలిన పనుల ధర్మపు మార్గ ములును,
సచ్చరితజనా శ్రయమది శాంతి నిచ్చు
రామ రాజ్యమ్ము సుమ్మీ!ధ రణిని జూడ.
తోపెల్ల వారూ,
తొలగించండినీతిమాలిన పనులు లేవన్న మీ పూరణ చక్కగా ఉంది. అభినందనలు.
'పనుల ధర్మపు' అన్నదానిని "పను లధర్మపు" అంటే స్పష్టత ఉంటుంది.
ప్రజల సొమ్ములు దోచెడి ప్రభువు లుండ
రిప్లయితొలగించండిమంత్రు లెల్లరు చోరులై మాయ మవగ
తప్ప త్రాగిన భటులెల్ల తడబడెడు వి
రామ రాజ్యమ్మునన్ గనరాదు నీతి
ప్రభాకర శాస్త్రి గారూ,
తొలగించండివిరామ రాజ్యంతో మీ పూరణ బాగున్నది. అభినందనలు.
ఓట్లఁ గోరిన వారలై పాట్లుఁ బడుచు
రిప్లయితొలగించండిమభ్య పెట్టెడు మాటల నభ్యసించి
ప్రభుత చేతికందఁగ లేదె పలుకు? రామ!
రామ! రాజ్యమునన్ గనరాదు నీతి!!
సీత నగ్ని పునీతను చిన్న బుచ్చి
రిప్లయితొలగించండి"యసురు నింటను గడపిన నాలి నేలె!"
ననుచు వాగె మడేలన్న యయ్యొ! రామ!
రామ!! రాజ్యమునన్ గనరాదు నీతి!!!
సహదేవుడు గారూ,
తొలగించండి"రామ! రామ!" అంటూ మీ చెప్పిన మీ రెండు పూరణలు చక్కగా ఉన్నవి. అభినందనలు.
గురుదేవులకు ధన్యవాదములు
తొలగించండి
రిప్లయితొలగించండినీమముల తప్పు నడవడి, నిశ్చయముగ
రామ రాజ్యమ్మునన్ గనరాదు, నీతి
పరుల లోకమది జిలేబి పదరు గనక
భద్రము గనుచు జనులెల్ల పసిడి గాంచె !
జిలేబి
జిలేబీ గారూ,
తొలగించండివిరుపుతో మీ పూరణ బాగున్నది. అభినందనలు.
"జనులు శుభమ్ము గనిరి" అంటే బాగుంటుందేమో?
రిప్లయితొలగించండికామము, నీతిబాహ్యమగు కార్యము, దోపిడి దుష్టచర్యలున్
రాముని రాజ్యమందుఁ గనరావు గదా! శ్రుతి ధర్మపద్ధతుల్,
సామము హెచ్చుగా జనులు సత్యము శాంతము యజ్ఞయాగముల్
నేమము గాంచిరౌత, భళి నెమ్మికి మారగు పేరు నేటికిన్ !
జిలేబి
జిలేబీ గారూ,
తొలగించండివిరుపుతో మీ రెండవ పూరణ చక్కగా ఉంది. అభినందనలు.
"..గాంచి రౌర భళి..." అనండి.
ధర్మ బద్ధులు ప్రజలు సత్కర్మ లందు
రిప్లయితొలగించండిసంత తాసక్తు లేందేని శ్రద్ధ లేమి
రామరాజ్యమ్మునన్ గనరాదు, నీతి
యచట నాబాల గోపాల మలమి యుండె.
హ.వె.స.నా.మూర్తి
నీమము దప్పు చుండుటయు, నిర్మల భావము వీడుచుండుటల్
రిప్లయితొలగించండిరాముని రాజ్యమందుఁ గనరావు గదా, శ్రుతి ధర్మపద్ధతుల్,
క్షేమకరంబులై వెలుగు శ్రేయము లందగ జేయు కర్మ లా
భూమిని సర్వకాలమును పూర్ణదృఢత్వము నంది యుండగన్.
హ.వేం.స.నా.మూర్తి.
మూర్తి గారూ,
తొలగించండివిరుపుతో మీ రెండు పూరణలు చక్కగా ఉన్నవి. అభినందనలు.
క్షేమము శాంతిభద్రతలు క్షీణము నొందెను, భక్తి భావముల్
రిప్లయితొలగించండినీమము నీతి యెట్లు ధరణీతలందున నుండబోవునో
కామపిశాచి నృత్యములు కాననగున్ దిశలందు భాన్మతీ
రాముని రాజ్యమందు, గనరావు గదా శ్రుతి ధర్మపద్ధతుల్
(భానుమతీ రాముడు = దుర్యోధనుడు)
సోమయాజులు గారూ,
తొలగించండిదుర్యోధనుని రాజ్యమంటూ వైవిధ్యంగా పూరించే మీ ప్రయత్నం ప్రశంసనీయం. కాని భానుమతిని భాన్మతి అనడం సాధువు కాదు. "కాననగున్ కురురాజ్య దుష్కృతా।రాముని..." అంటే ఎలా ఉంటుంది?
ఆర్యా! నమస్తే. మీ సవరణకు ధన్యవాదములు.
తొలగించండినీతి నియమాలు నడవడి నిండు మనము
రిప్లయితొలగించండిబాల్యమందున నేర్చిన వదలి పోవు
సీరియళ్ళును సినిమాలు చెప్పు కథల
రామ రాజ్యమ్మునన్ గన,రాదు నీతి
రాజ్ కుమార్ గారూ,
తొలగించండిచక్కని పూరణ. అభినందనలు.
ఏమని వెల్లడింతుఁ నిట నెక్కడ జూచిన నాంగ్లవిద్యయే!
తొలగించండికామము బెంచు పశ్చిమపు గాలుల జోరును హెచ్చె నంతటన్!
నీమము తోడ బాలురకు నేర్పక నేడనె కాదు నాటిదౌ
రాముని రాజ్యమందుఁ గన,రావు గదా శ్రుతి ధర్మపద్ధతుల్
ఈ కామెంట్‌ను రచయిత తీసివేశారు.
రిప్లయితొలగించండిచిన్న సవరణతో.. ( మన్నించండి)
తొలగించండి"ఏమిది ! యింతినొల్లనిక ! ఏందిది ? యొప్పునె ? రాములోరి పెం..
డ్లామును బోలి యెక్కడొ కులాసగనుండె ! మొగుండ నా పయిన్
ప్రేమయె లేదు దీనికని "బిగ్గరగా నొకడిట్లు బల్కె శ్రీ
రాముని రాజ్యమందుఁ గనరావు గదా శ్రుతి ధర్మపద్ధతుల్"!!
మైలవరపు వారూ,
తొలగించండిపాత్రోచిత భాషాప్రయోగంతో మీ పూరణ ప్రశస్తంగా ఉంది. అభినందనలు.
కామము జన్మహక్కు మనకౌతుక మొప్పగ నన్యకాంతల
తొలగించండిన్నీమము లెంచకన్కలయు నీతిని నమ్మినవారమంచు దు
ష్కాముకులై చరింతురు వికారులు దానవులా మయాత్మజా
రాముని రాజ్యమందుఁ గనరావు గదా శ్రుతి ధర్మపద్ధతుల్.
మిస్సన్న గారూ,
తొలగించండిమయుని అల్లుని రాజ్యంలో... అంటూ చక్కని పూరణ నందించారు. అభినందనలు.
ఈ కామెంట్‌ను రచయిత తీసివేశారు.
తొలగించండిమాటలాడుము చక్కగ మదిని తలచి
రిప్లయితొలగించండిపెదవి దాటిన మాటలు పృధివి దాటు
రామరాజ్యమునన్ గనరాదు నీతి
అనుచు పలుకనొకడు సీత నడవి చేరె
శ్రీరామ్ గారూ,
తొలగించండిమీ పూరణ బాగున్నది. అభినందనలు.
వంశ పాలనయే తమ ప్రముఖ ధ్యేయ
రిప్లయితొలగించండిమనెడి రీతిని సాగించి మనుట జూడ
వంశజులె మంత్రులయి నేడు బరగ రామ !
రామ! రాజ్యమ్మునన్ గనరాదు నీతి
నకలు తైలము చక్కెర నకలు పాలు
రిప్లయితొలగించండినకలు యోగులు బాబాలు నకలు మునులు
నకలు నోట్లు నాణెమ్ములు నగలు...నకలు
రామరాజ్యమ్మునన్ గనరాదు నీతి
"శాస్త్రి గారూ, బాగుంది మీ పూరణ. అభినందనలు. మరి ఇది ఏ రాముని రాజ్యంలో? 'నేటి రామరాజ్యమ్మునన్..' అంటే బాగుండేదేమో?"
తొలగించండిశ్రీయుతులు గురువర్యులు:
అద్భుతమైన సవరణలలో మీకు మీరే సాటి. ఎంత అవలీలగా పందిని నంది చేస్తారో!!!
__/\__
నకలు తైలము చక్కెర నకలు పాలు
నకలు యోగులు బాబాలు నకలు మునులు
నకలు నోట్లు నాణెమ్ములు నగలు...నేటి
రామరాజ్యమ్మునన్ గనరాదు నీతి
ద్రోహబుద్ధియు లేమియు దుండగమ్ము
రిప్లయితొలగించండిదర్మమార్గము దప్పుట తధ్యముగను
రామరాజ్యమ్మునన్ గనరాదు, నీతి
నియమములచట రాజిల్లు నిచ్చలముగ!!!
శైలజ గారూ,
తొలగించండిమీ పూరణ బాగున్నది. అభినందనలు.
………….……………………………
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,,,,
" రామరాజ్యమ్మునన్ గనరాదు నీతి "
యనుచు ర౦గనాయకి వ్రాసె నక్కట " విష
వృక్ష " మను గ్ర౦థ మొక్కటి | విసిగి జనులు
ె
తూ తు యనిరి | సామెత గలదు గద యొకటి
మోటు ము౦డ కొక మొగలి పువ్వు నిడగ ,
కొప్పున నిడక •••••••• ఛీ నేను చెప్ప లేను
గురుమూర్తి ఆచారి గారూ,
తొలగించండిబాగున్నది మీ పూరణ. అభినందనలు.
_/\_
డా.పిట్టా
రిప్లయితొలగించండిధన్యవాదములు
ధామము, పుణ్యకార్యశుభ తర్షిత మానస బృంద గానయా
రిప్లయితొలగించండిరామము, నీతి, ధర్మచయరంజిత శోభల పంచు సౌధమున్
నీమము దప్పనట్టిదగు నేలగ పేరును పొందె, నేడు ఆ
రాముని రాజ్యమందు గనరావుకదా శ్రుతి ధర్మ పద్దతుల్
శ్రీరామ్ గారూ,
తొలగించండిమీ పూరణ బాగున్నది. అభినందనలు.
'గాన+ఆరామము = గానారామము' అని సవర్ణదీర్ఘ సంధి. అక్కడ యడాగమం రాదు.
క్షామమ,శాంతి,హింస,మరి చౌర్యమ,సత్యము,బేధ భావముల్
రిప్లయితొలగించండిఆ మహితాత్మడైన జన కాత్మజ నాథుని నీతిమంతు డా
రాముని రాజ్యమందుఁ గనరావు గదా, శ్రుతి ధర్మపద్ధతుల్
ధామము ధామమందును సదా కను గొందుము రామకీర్తనల్
లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
ఆత్యవసరస్తితి యనుచు అర్ధ రాత్రి
రిప్లయితొలగించండిభరత భూమిలో ప్రకటించె తిరుగు లేక
నాడు ఇందిరా గాంధి, తనయుడు రెచ్చి,
కరుడు గట్టిన గుండెతో కరుణ లేక
పాత్రి కేయుల నోళ్లకు బంధనములు
వేసి, ఎదురు తిరిగినట్టి వీర వరుల
నెల్ల జైళ్లలో కుక్కించి, పిల్ల లొద్దు
యనుచు ఆపరేషన్లను అదుపు లేక
విచ్చలవిడిగా చేయించి రచ్చ తోడ
దేశమును భ్రష్టు పట్టించె, దేహి యన్న
వారలనుగాచి దుష్టులం చేర దీయు
రామ రాజ్యమ్మునన్ కన రాదు నీతి
నాగమణి గారూ,
తొలగించండిమీ పూరణ బాగున్నది. అభినందనలు.
'వద్దు'ను 'ఒద్దు' అన్నారు. అక్కడ "పిల్ల లేల। యనుచు నాపరేషనుల తా నదుపులేక ..." అనండి.
ధన్యవాదములు సరిదిద్దుకుంటాను.
తొలగించండిధర్మదూరమైన పనులు దనర వెచట?
రిప్లయితొలగించండిశాంతి సౌభాగ్య సంపదల్ సంచరించు
రామ రాజ్యమ్మునన్; గనరాదు నీతి
కలిని పాపపు బుద్ధుల కలయ బోత!
సీతాదేవి గారూ,
తొలగించండిమీ పూరణ బాగున్నది. అభినందనలు.
మంచి తానాచరించి బోధించి మించు
రిప్లయితొలగించండిసుజనులకు కష్టమెన్నడు సుంత యైన
రామరాజ్యమ్మునన్ గనరాదు, నీతి
సత్య హిత ధర్మ శాంతి పుష్పములు విరియు!!
మైలవరపు వారూ,
తొలగించండిమీ పూరణ ప్రశస్తంగా ఉంది. అభినందనలు.
స్వార్థమవినీతి పరహింస బంధుప్రీతి
రిప్లయితొలగించండిరామరాజ్యమునన్ గనరాదు, నీతి
గలిగినట్టిపాలకులె యా కాలమందు
ధరణి నేలిరి ధర్మవర్తనులె సుమ్ము
కుటిల పన్నాగములతోడ కువలయమ్ము
నేలుచుండిరి గుణహీన నేతలిపుడు
స్వార్థమవినీతి పరహింస ప్రబలె రామ
రామ! రాజ్యమునన్ గనరాదు నీతి.
సోమరులైన కర్షకులు శోకితులైనపడంతులున్ భువిన్
క్షామము నిండు గ్రామములు శాస్త్రమెఱుంగని బ్రాహ్మణోత్తముల్
రాముని రాజ్యమందుగనరావు గదా, శ్రుతి ధర్మపద్ధతుల్
నేమము తో జరించెడవనీశుల బృందము గూడియుండెనే.
విరించి గారూ,
తొలగించండిమీ మూడు పూరణలు చక్కగా ఉన్నవి. అభినందనలు.
'...జరించు నవనీశుల...' అనండి.
ధన్యవాదములంండీ గురువుగారూ! మీ సూచన శిరోధార్యము
తొలగించండి"అగ్గి" రాముని జూచితి సిగ్గు పడుచు
రిప్లయితొలగించండి"తోట" రాముండొకడు మరి "దొంగ" యొకడు
చక్క నయ్యలమ్మల "భలే" చలన చిత్ర
రామరాజ్యమ్మునన్ గనరాదు నీతి
అగ్గి రాముడు (1954)
తోట రాముడు (పాతాళ భైరవి 1951)
దొంగ రాముడు (1955)
భలే రాముడు (1956)
శాస్త్రి గారూ,
తొలగించండిమీ సినిమా రాముల పూరణ వైవిధ్యంగా ఉంది. అభినందనలు.
__/\__
తొలగించండిదొంగ రాముణ్ణి సావిత్రి దోచు కొనెను,
తొలగించండిఅక్కి నేనియే సావిత్రి ప్రక్క చేరి
అయ్యెనట భలే రాముడు, వియ్య మొందె
లతను అందాల రాముడై లక్షణముగ,
అగ్గి రాముడెంటీఆరు బుగ్గ గిల్లి
భానుమతితోనటించెను భంగ పడక,
పిడుగు రాముడై రాజశ్రీ నడుము పైన
చేయి వేసి నటన మాడె,హాయి నిచ్చు
జయసుధ జయప్ర దలుకూడ జాయి చేసె
అడవి రాముడై, డ్రైవరై ఆడెను సుధ
తోడ, సర్కసు చూపెను కూడి ప్రదకు,
కలియుగపురాముడై చేసె చిలిపి చేష్ట
రతిని కూడి నాడు సరదా రాము డాయె
జయసుధకలసి నర్తించ , జయము నిడిన
రాముని సినిమా లెన్నియో రక్తి కట్టి
తెలుగు సినిమాలు ఎన్నియో వెలుగులిడగ
శాస్త్రి గారు తెలిపినట్లు చలన చిత్ర
రామ రాజ్యమ్మునన్ కన రాదు నీతి
ఈ కామెంట్‌ను రచయిత తీసివేశారు.
తొలగించండిWoW!!!!!!!!!!
తొలగించండిఅత్యద్భుతం నాగమణి గారు! పాపం "ప్రేమ కోసమై వలలో పడిన" తోట రాముడో? (పాతాళ భైరవి)...
తొలగించండిఆర్యా నమస్కారములు. నేను సినిమా పేర్లను మాత్రమే తీసుకున్నాను. తోట రాముడు ఒక పాత్ర. ఐనను ఇంకను రాముడి మీద చాలా సినిమాలు వున్నాయి. తోట రాముడు అన్న సినిమాలో చలం హీరో. జానకి రాముడు కల్యాణరాముడు రాముని మించిన రాముడు రావణుడే రాముడైతే , అల్లరి రాముడు, కళ్యాణ రాముడు రాము బండ రాముడు ఇంక రాముని పేర్లు కూడినవి మధ్యలో చాలా ఉన్నాయి. అందు కోసము పాత్రలను ఎంచుకోలేదు. ధన్యవాదములు
తొలగించండిప్రజలు సుఖముగ నుండిరి రాగమలర
రిప్లయితొలగించండిరామరాజ్యమ్మునన్ గనరాదు నీతి
నేటి పాలన యందున నిజము గాను
బాలకులుబాలితుల బంధ మలర వలయు
రాముని రాజ్యమందు గనరావుగదా శ్రుతి ధర్మ పధ్ధతుల్
రిప్లయితొలగించండియేమని మాటలా డితిరి!యీశుడు రాముని రాజ్యమందు నన్
సేమము నుండిరే కదిల చిన్నలు పెద్దలు ధర్మ పధ్ధతి
న్నేమరు లేదుగా నపుడ యీశ్రుతి,ధర్మము లెన్నడున్ధగన్
సుబ్బారావు గారూ,
తొలగించండిమీ రెండు పూరణలు బాగున్నవి. అభినందనలు.
'సేమము నందినారు కద... లేదుగా యపుడ...' అనండి.
డా}.పిట్టా
రిప్లయితొలగించండిప్రేమమీరగ నిధులను పెంచి పంచు
కేసియారన ఖ్యాతి నికేతనమ్మె
లంచగొండు గండిని బెంచు వంచనలన
నా తెలంగాణ మేర్పడ నౌనె ప్రగతి?
రామ!!రాజ్యమునన్ గన రాదు నీతి!
డా}.పిట్టా
రిప్లయితొలగించండి"వంచనలను"గా 3వ పాదంలో చదువ గలరు.
డా.పిట్టా
రిప్లయితొలగించండిఏమనె ధర్మశాస్త్రములు? యేవి స్వయం పరి పోషణాధృతుల్
నీమమె"మేకినిండియ"యె నీదగు కాళ్ళను నిల్చుటెన్నడో?
క్షేమమె రూక లేని గతి ?గీకిన వచ్చెడి డబ్బు రీతులున్
ఏమయె రామ భూమి?గనమే యవినీతి,యివెల్ల "మోడి"వౌ
రాముని రాజ్యమందు; గనరావుగదా శ్రుతి ధర్మ పద్ధతుల్!
పిట్టా వారూ,
తొలగించండిమీ రెండు పూరణలు బాగున్నవి. అభినందనలు.
'శాస్త్రములు నేవి...' అనండి. (శాస్త్రములు+ఏవి = శాస్త్రములేవి.. అవుతుంది, యడాగమం రాదు).
కోసలమ్మున నవినీతి కొంచెమైన
రిప్లయితొలగించండిరామరాజ్యమ్మునన్ గనరాదు, నీతి
నియమములుగల్గి నిశ్చలముగ
ప్రజలు సుఖజీవితమ్ముల ప్రబలిరపుడు
అన్నపరెడ్డి వారూ,
తొలగించండిమీ పూరణ చక్కగా ఉంది. అభినందనలు.
గురువర్యులకు నమస్సుయ్లు. ధన్యవాదములు.
తొలగించండినియమములు గల్గి సతతము నిశ్చలముగ - మూడవపాదంలో సవరణ గమనించ ప్రార్ధన
రిప్లయితొలగించండి“ప్రజల బాగోగు లెంచెడి ప్రభువుగాన?
రిప్లయితొలగించండికష్ట నష్టము లెవరికి గలుగ వెపుడు|
రామరాజ్యమ్ము నన్ గన”?”రాదునీతి
నేటి పరిపాలకుల్ సొంత నేర్పునందు”|
2.క్షామము లుంచు వర్షములు ,కర్షక వర్యుల నష్ట జాతకాల్
ప్రేమగు సంతు సౌఖ్య మవివేకమునందున గూర్చుకష్ట “మౌ
రా|మునిరాజ్యమందు గనరావుగదా?”శ్రుతి ధర్మ పద్ధతుల్
కాముకు లైన దుష్టుల వికారపు నాయకులుండ?దండలౌ|”
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిశ్రీ తోపెల్ల సత్యనారాయణ మూర్తి గారు వారి పద్యాన్ని సవరిస్తూ పంపినది
రిప్లయితొలగించండిఅరయ నిధి కుంభ కోణము లంత వెలసె
మహిళ మానసం రక్షణ మాసి పోయె
బడుగు జీవితము కనగ భారమయ్యె
రామ! రాజ్యమ్మునన్ గనరాదు నీతి.
శర్మ గారూ,
తొలగించండిమీ పూరణ బాగున్నది. అభినందనలు.
అరయ నిధి కుంభ కోణములంత వెలిసె
రిప్లయితొలగించండిమహిళ మాన సంరక్షణ మాసి పోయె
బడుగు జీవితము కనగ భార మయ్యె
రామ! రాజూమ్మునన్ గనరాదు నీతి.
మూర్తి గారూ,
తొలగించండిమీ పూరణ బాగున్నది. అభినందనలు.
ప్రేమను పంచుచున్ కరము విశ్వసనీయత జూపగా, ప్రజల్
రిప్లయితొలగించండిక్షేమముగావసించిరి విశేషసుఖమ్ములతోడ, దుఃఖముల్
రాముని రాజ్యమందుఁ గనరావు గదా, శ్రుతి ధర్మపద్ధతుల్
నీమముతోచెలంగె నవనీశుడు సల్పిన సత్యపాలనన్
అన్నపరెడ్డి వారూ,
తొలగించండిమీ పూరణ చక్కగా ఉంది. అభినందనలు.
గురువర్యులకు నమస్సులు. ధన్యవాదములు.
తొలగించండిదొంగ రాముణ్ణి సావిత్రి దోచు కొనెను,
రిప్లయితొలగించండిఅక్కి నేనియే సావిత్రి ప్రక్క చేరి
అయ్యెనట భలే రాముడు, వియ్య మొందె
లతను అందాల రాముడై లక్షణముగ,
అగ్గి రాముడెంటీఆరు బుగ్గ గిల్లి
భానుమతితోనటించెను భంగ పడక,
పిడుగు రాముడై రాజశ్రీ నడుము పైన
చేయి వేసి నటన మాడె,హాయి నిచ్చు
జయసుధ జయప్ర దలుకూడ జాయి చేసె
అడవి రాముడై, డ్రైవరై ఆడెను సుధ
తోడ, సర్కసు చూపెను కూడి ప్రదకు,
కలియుగపురాముడై చేసె చిలిపి చేష్ట
రతిని కూడి, నాడు సరదా రాము డాయె
జయసుధ కలసి నర్తించ , జయము నిడిన
రాముని సినిమా లెన్నియో రక్తి కట్టి
తెలుగు సినిమాలు ఎన్నియో వెలుగులిడగ
శాస్త్రి గారు తెలిపినట్లు చలన చిత్ర
రామ రాజ్యమ్మునన్ కన రాదు నీతి
నాగమణి గారూ,
తొలగించండిఅందరు సినీ రాముళ్ళను ఒకచోట చేర్చి చక్కని పద్యం చెప్పారు. బాగుంది.
'రాజశ్రీ' అన్నపుడు గణదోషం.
క్షమించండి రాముళ్ళు పూనుకునేటప్పటికి గణము మరిచాను
తొలగించండిరామ రాజ్యమ్మునం గనరాదు నీతి
రిప్లయితొలగించండిబాహ్యము నధర్మము ననృత భాషణమ్ము
చోర భయమును బౌరుల శుల్క భార
మించుకయు రామ భక్తులె యెల్ల జనులు
కామ విలాస లాలస సుగర్విత కార్య కలాప తోషి యా
భీమ శరీర భీకర వివేక విహీన మనో విచార సం
గ్రామ వికార రావణుని రాక్షస సింహుని, ఘోర శత్రువా
రాముని, రాజ్యమందుఁ గనరావు గదా శ్రుతి ధర్మపద్ధతుల్
కామేశ్వర రావు గారూ,
తొలగించండినీతి బాహ్యత, రామవైరులతో మీ పూరణలు ప్రత్యేకతను సంతరించుకున్నాయి. అద్భుతమైన పూరణలు. అభినందనలు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిమీ పూరణ కోసం చాలా సేపు నిరీక్షించడమైనది. రావణుడను ఆకాశానికెత్తి సముద్రం లో విసిరి వేశారు.
రిప్లయితొలగించండి__/\__
శాస్త్రి గారు నమస్సులు. కార్యార్థము హైదరాబాదు వచ్చితిని. బయటపనులు చూచుకొని యింటికి వచ్చేసరికి ఆలస్యమయినది. రేపు గూడ యిదే పరిస్థితి.
తొలగించండిరాముడు ధర్మ పాలకుడు రాముని రాజ్యమునేగదాభువిన్
రిప్లయితొలగించండిరాముని రామరాజ్యమున రాజిత భక్తిగరామునే సదా
రామునితోడపాలనము రాజులు జేయగఆదరంబుగా
రాముని రాజ్యమందుఁ గనరావు గదా శ్రుతి ధర్మపద్ధతుల్
రామకృష్ణ గారూ,
తొలగించండిమీ పూరణ బాగున్నది. అభినందనలు.
ధన్యవాదములు గురువుగారూ
తొలగించండి[20/04, 3:23 PM] సందిత బెంగుళూరు: *శ్రీమతి జి సందిత బెంగుళూరు*
రిప్లయితొలగించండి"రామరాజ్యమ్మునన్ గనరాదు నీతి"
(లేదా...)
భీమపరాక్రమోద్ధతులభీతిలజేసిదురాత్ములన్ మహిన్
క్షేమముగూర్చి సజ్జనులచింతలబాపుటక్షత్రియోచితం
బౌమునివైతపంబె?తలపన్ దగదందురుబాందవుల్ !కుమా
*రా!ముని!రాజ్యమందుఁ గనరావు గదా శ్రుతి ధర్మపద్ధతుల్"*
*శ్రీమతి జి సందిత బెంగుళూరు*
[20/04, 3:27 PM] సందిత బెంగుళూరు: క్షత్రియుడైన తనకూమారుడు తపస్సు చేస్తూంటే బాంధవులు మెచ్చరు రాజ్యమందు ధర్మము అదృశ్యమౌతున్న తరుణంలో రాజులు పరాక్రమంజూపి పునరుద్దరించాలని పల్కిన సందర్భం🙏🌺🙏
సందిత గారూ,
తొలగించండిమీ పూరణ వైవిధ్యంగా చక్కగా ఉంది. అభినందనలు.
కామము క్రోధమున్ విడిచి కారలు మార్క్సుకు మ్రొక్కినాడయో
రిప్లయితొలగించండిభీముని వోలె గర్జనలు భీకర రీతిని జేసినాడయో
నీమము వీడి యేచురుడు నేడిటు రాహులు కాళ్ళుబట్ట...నీ
రాముని రాజ్యమందుఁ గనరావు గదా శ్రుతి ధర్మపద్ధతుల్!
రిప్లయితొలగించండినీమము తప్పి నాయకుల నేరుగ తిట్టుచు చూపె దర్పమున్
కామము తోడు మూసుకొని కన్నుల చేసెను తప్పులెన్నియో
ప్రేమయొకింత లేదరరె! పేరుకు మాత్రము రాముడైన నా
రాముని రాజ్యమందుఁ గనరావు గదా శ్రుతి ధర్మపద్ధతుల్!
జిలేబి