కవిమిత్రులారా,
ఈరోజు పూరింపవలసిన సమస్య ఇది...
"దుర్వినయమ్మునను మనసు దోచెదరు హితుల్"
(లేదా...)
"దుర్వినయమ్ముతో మనసు దోచెడువారు హితైషులే కదా"
('పద్యానంద లహరి' గ్రంథం నుండి)
(లేదా...)
"దుర్వినయమ్ముతో మనసు దోచెడువారు హితైషులే కదా"
('పద్యానంద లహరి' గ్రంథం నుండి)
ప్రాతః కాలపు సరదా పూరణ:
రిప్లయితొలగించండిపర్వము జేసి ముద్దులిడి ఫక్కున నవ్వుచు నెత్తినెక్కుచున్
గర్వము లేకయే సుఖము కష్టము తోషములన్ని వేడుకన్
సర్వము తాతగారికిడి చక్కగ మొట్టుచు గుండుపైన భల్
దుర్వినయమ్ముతో మనసు దోచెడువారు హితైషులే కదా
మనుమల, మనుమరాండ్ర ఆగడాలను చక్కగా వర్ణించారు. మీ పూరణ బాగున్నది. అభినందనలు.
తొలగించండి🙏
తొలగించండిసర్వము నీవే యనుచును
రిప్లయితొలగించండిపర్వము గాపొగి డిపొగిడి బహుమేధ యనన్
గర్వముతో పొంగి మరిమరి
దుర్విన యమ్మునను మనసు దోచెదరు హితుల్
మీ పూరణ బాగున్నది. అభినందనలు.
తొలగించండి'పొగడి పొగడి' అనండి. మూడవ పాదంలో గణదోషం. "గర్వమున బొంగి మరిమరి" అనండి.
ఉర్విన నారసి జూడగ
రిప్లయితొలగించండిసర్వుల రీతులవి వేరు సద్భావమునన్
గుర్వులుగ దలచిసాగిన
దుర్వినయమ్మునను మనసు దోచెదరు హితుల్
మీ పూరణ బాగున్నది. అభినందనలు.
తొలగించండి'ఉర్విని' అనండి.
ఊర్వశి నర్జును బొడఁగని
రిప్లయితొలగించండిసర్వము నీదే నటంచు సరసము గోరన్
యుర్వీ నాథుడు దలచెను
దుర్వినయమ్మునను మనసు దోచెదరు హితుల్
మీ పూరణ బాగున్నది. అభినందనలు.
తొలగించండి'నీదే యటంచు' అనండి. 'కోరన్ + ఉర్వీ..' అన్నపుడు యడాగమం రాదు. "సరస మడుగగా । నుర్వీ..." అందామా?
నమోన్నమః
తొలగించండిఊర్వశి నర్జును బొడఁగని
సర్వము నీదే యటంచు సరసమడుగగా
నుర్వీ నాథుడు దలచెను
దుర్వినయమ్మునను మనసు దోచెదరు హితుల్
రిప్లయితొలగించండిసర్వారాయుడు :)
సర్వరులై యడుగగనే
సర్వము మీకే జిలేబి సాదరముగ యం
చర్వపు తెలివిడి తోడై
దుర్వినయమ్మునను మనసు దోచెదరు! హితుల్!
జిలేబి
మీ పూరణ బాగున్నది. అభినందనలు.
తొలగించండి'సాదరముగ నం।చర్వపు...' అనండి.
మైలవరపు వారి పూరణ
రిప్లయితొలగించండిసుయోధనుని స్వగతమ్..
గర్వమదాంధతన్ బిలువగా మము జూడగ రాజసూయమున్
బూర్వవిరోధులే యయిన బోవక తప్పదు., వారి భోగమున్
సర్వము జూడవచ్చు., నృపసౌఖ్యము, గారవమందగానగున్
దుర్వినయమ్ముతో మనసు దోచెడువారు హితైషులే కదా"!
మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది. అభినందనలు.
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
సర్వము కోలుపోవనిక చాకలి పద్దులు వ్రాయబూనగా
పుర్వులు పట్టు కాంగ్రెసున ముద్దుగ పల్కుచు మోడివర్యుపై
గర్వము మీర నిందలిక ఘాటుగ మోపుట మానుమంచు భల్
దుర్వినయమ్ముతో మనసు దోచెడువారు హితైషులే కదా
(Congress Rebels:
Jairam Ramesh, Abhishek Manisinghvi, Shashi Tharoor et. al.)
తొలగించండిఉర్విని కాంగ్రెస్ నేతలు
దుర్వినయమ్మునను మనసు దోచెదరు! హితుల్
గర్వము లేక ప్రధానిగ
సర్వస్వము సేవగ మన సై నిల్తురుగా !
జిలేబి
శాస్త్రి గారూ,
తొలగించండిమీ పూరణ అద్భుతంగా ఉన్నది. అభినందనలు.
*****
జిలేబి గారూ,
మీ పూరణ బాగున్నది. అభినందనలు.
🙏
తొలగించండి
రిప్లయితొలగించండిదుర్వినియమంటే యిదేనా :)
"దుర్వినయమ్ముతో మనసు దోచెడువారు హితైషులే కదా?"
సర్వము పృచ్ఛకేశ్వరుడ ! చక్కగ మీకెరుకైన దేను!మా
గర్వము వీడ కైపదపు గాఢత నేర్పను మీరు చేర్చిరీ
పర్వము గాదె సభ్యుల ప్రభాతపు వేళని మేలుకొల్పగా !
జిలేబి
మీ పూరణ బాగున్నది. అభినందనలు.
తొలగించండిఖర్వులు,జార చోరులును,గర్వ మదాంధులు,నేర పూరితుల్,
రిప్లయితొలగించండిసర్వము నష్టమైన తరి చక్కని నీతులు బోధ సేతురే
దుర్వినయమ్ముతో;మనసు దోచెడు వారు హితైషులే కదా
పర్విన కష్టముల్ గడచు బాటను తెల్పు మహోదయోత్తముల్.
విరుపుతో మీ పూరణ ప్రశస్తంగా ఉన్నది. అభినందనలు.
తొలగించండిధన్యవాదములు
తొలగించండి
రిప్లయితొలగించండిఉర్విని కింకరులకటా
దుర్వినయమ్మునను మనసు దోచెదరు! హితుల్
సర్వంబాలోచింపన్
పర్వంబున కేది సరి సభని పల్కురదే !
జిలేబి
మీ పూరణ బాగున్నది. అభినందనలు.
తొలగించండిసర్వుల సేమము నరయుచు
రిప్లయితొలగించండిపర్వుచు పరహితము గోరు పావన మతులై
గర్వ రహితులై వీడియు
దుర్వినయమ్మును మనసు దోచెదరు హితుల్
మీ పూరణ బాగున్నది. అభినందనలు.
తొలగించండిఉర్విని నయ వంచకులే
రిప్లయితొలగించండిదుర్వినయమ్మునను మనసు దోచెదరు; హితుల్
గర్వము జూపిన నయ్యది
సర్వజ్ఞత వలనె గాని సాత్విక గుణులే
విరుపుతో మీ పూరణ బాగున్నది. అభినందనలు.
తొలగించండిగర్వమొకింతయు లేకను
రిప్లయితొలగించండిసర్వము తెల్యంగ కోప చార్వాకుండే!
సర్వులకు జేయు వైద్యము
దుర్వినయమ్మునను మనసు దోచెదరు హితుల్!
మీ పూరణ బాగున్నది. అభినందనలు.
తొలగించండి'తెలియంగ' అనండి.
అర్వానులు స్వార్థముతో
రిప్లయితొలగించండిదుర్వినయమ్మునను మనసు దోచెదరు, హితుల్
సర్వావస్థల యందున
నుర్విని మనమేలు గోరెడుపకారులెరా!
మీ పూరణ బాగున్నది. అభినందనలు.
తొలగించండి
రిప్లయితొలగించండిపిన్నక నాగేశ్వరరావు.
సర్వోన్నతుడవు నీవే
నిర్విఘ్నముగా కలుగును నీకు జయంబున్
పర్వమె ప్రతిరో జనుచును
దుర్వినయమునను మనసు దోచెదరు
హితుల్.
మీ పూరణ బాగున్నది. అభినందనలు.
తొలగించండిసర్వము తామే యని ప్రతి
రిప్లయితొలగించండిపర్వముకున్ బిలచి యింట పాయసమిడుచున్
గర్వముఁ జూపర! నిజమే!!
"దుర్వినయమ్మునను మనసు దోచెదరు హితుల్"
మీ పూరణ బాగున్నది. అభినందనలు.
తొలగించండి'పర్వమునకు బిలిచి' అనండి. 'పర్వముకు' అనరాదు.
రిప్లయితొలగించండిజీపీయెస్ వారూ మీ కో సమస్యా పూరణ :)
కొట్టిరి కోమలియె శ్రీమకుటమార్జింపన్ !
జిలేబి
తొలగించండికొట్టిరి కోమలియె పసిడి కొట్డుకు రాగన్ :)
జిలేబి
క్షమించాలి...వృత్త పాద సమస్యలే సరి...వృద్ధుడిని కదా...77 లో పడ్డాను మొన్ననే
తొలగించండి😊
తొలగించండిసరే మీకని వృత్తపు పాద సమస్య :)
కొట్టిరి కోమలియె పసిడి కొట్టుకు తిరుగన్
వృత్తమేమిటో "కనుక్కొని " పూరించుడీ :)
జిలేబి
అంత ఓపిక లేదు బాబూ..
తొలగించండి🙏
అది ఏ వృత్తపాదంలోని భాగమో నేనూ తెలిసికోలేకున్నాను. వరుసగా రెండు నగణాలు వచ్చాయి.
తొలగించండి
తొలగించండికామేశ వృత్తము !
మంగళ మేళమణి వృత్తము
జిలేబి
తొలగించండిపట్టుగ గెల్వంగా జై
కొట్టిరి; కోమలియె పసిడి కొట్టుకు రాగన్
పట్టిరి బ్రహ్మ రథమ్మును
పట్టమిదే స్వర్ణ సింధు ! భారత్స్ రత్నా !
జిలేబి
రిప్లయితొలగించండిపిన్నక నాగేశ్వరరావు.
( రెండవ పూరణము.)
గర్వముతో స్వార్ధ పరులు
దుర్వినయమ్మునను మనసు దోచెదరు;
హితుల్
నిర్వర్తింతురు సాయము
సర్వము తామై నడచుచు సద్విన
యముతో.
మీ పూరణ బాగున్నది. అభినందనలు.
తొలగించండిసర్వముగోల్పోవుదురుగ
రిప్లయితొలగించండిదుర్వినయమ్మునను,మనసుదోచెదరుహితుల్
సర్వఙ్ఞుడవీవనుచును
నుర్వినిదాబొగడుచుండియుత్సుకతలతోన్
మీ పూరణ బాగున్నది. అభినందనలు.
తొలగించండి'కదా' అనే అర్థంలో 'గ' ప్రయోగం సాధువు కాదు.
సర్వముగోల్పోవునుగద
తొలగించండిసర్వము తామె యంచు తమ జాలపు మాటల యుచ్చులల్లుచున్
రిప్లయితొలగించండిదుర్వినయమ్ముతో మనసు దోచెడువారు దురాత్ములైన నా
గర్వితుడా మదోద్ధరుడు కౌరవ రాజుకు నిత్య భృత్యులై
దుర్వినయమ్ముతో మనసు దోచెడువారు హితైషులే కదా
చక్కని పూరణ. అభినందనలు.
తొలగించండికపట నాటక సూత్రధారీ! గోకుల విహారీ! హరీ!...
రిప్లయితొలగించండిఉత్పలమాల
సర్వమెరింగి ముందుగనె సన్నిథి జేరిన నస్సుయోధనున్
గర్వము మిన్నుముట్టెనని కాదని, కవ్వడి వచ్చినంతటన్
చేర్వగ ముందుఁ జూచితని సేవలు నావల నంచు వైరులన్
దుర్వినయమ్ముతో మనసు దోచెడువారు హితైషులే కదా!
మీ పూరణ బాగున్నది. అభినందనలు.
తొలగించండి'చేర్వగ' ? 'చూచి + అతని' అన్నపుడు సంధి లేదు.
గురుదేవులకు ధన్యవాదములు
తొలగించండిచేర్వగ = చేరువగ
చూచితి + అని = చూచితని
పరిశీలించ ప్రార్థన.
గర్వము సర్వము జెఱచును
రిప్లయితొలగించండిపర్వును మాయంగ జేయు భద్రము సుమ్మీ
మర్వకు మని, సఖుడు మెలగ
దుర్వినయమ్మునను, మనసు దోచెదరు హితుల్.
చక్కని విరుపుతో ప్రశస్తమైన పూరణ. అభినందనలు.
తొలగించండిధన్యవాదాలు గురువు గారూ.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిదుర్వినయమ్ముతో మనసుదోచెడువారుహితైషులేకదా
రిప్లయితొలగించండిదుర్వినయమ్ముతోనయిన దోచుటయౌటను గారణంబుగా
సర్వుల గౌరవించగను జక్కగనొప్పు హితైషులేయనన్
గర్వవిహీనులై భువినిగాచుచునుందురుమంచివారలే
మీ పూరణ బాగున్నది. అభినందనలు.
తొలగించండిదుర్విధలు మోసగించగ
రిప్లయితొలగించండిదుర్వినయమ్మునను మనసు దోచెదరు ; హితుల్
సర్వమున సహకరించుచు
దుర్వారముగ మనమనము దోచెదరెపుడున్
దుర్వారము = inevitable
మీ పూరణ బాగున్నది. అభినందనలు.
తొలగించండిఅష్టి చందము, నూతన వృత్తముగ, పేరు: గురువు గారిని సూచించఁ గోరేదను.
రిప్లయితొలగించండిపర్వము నందు నిజ జనకు వస్తువు కొఱకై
ఖర్వము నెంచక నెడఁదను గర్వ మడరఁ దాఁ
జేర్వకు దూఱుచు వడివడిఁ జేరి పలికినన్
దుర్వినయమ్మునను మనసు దోఁచెదరు హితుల్
[పర్వము = పరువము; చేర్వ = చేరువ]
ప్రాసేతరముగ:
కుము లన్నేరరు గద కఠి
నముగాఁ బల్కినను నందన వచనములకుం
గొమరులు దుర్విన యమ్మున
ను మనసు దోఁచెదరు హితు లనువుగ నిరతమున్
పర్వము నంద కాక ఘన బాధలు దుఃఖము లందుఁ దోడుగన్
సర్వుల వెంట నుండి తగు సాయము చేయుచు నూఱడించి తా
రుర్వి సుపర్వ పండిత నరోత్తమ మండలి కుండ కెన్నఁడున్
దుర్వినయమ్ముతో, మనసు దోఁచెడువారు హితైషులే కదా
తొలగించండిమంగళ మేళమణి పలికె మంగళ కరమై
మంగళ మేళమణి వృత్తమంటే బాగుంటుందాండి పోచిరాజు వారు ?
జిలేబి
*ఈవృత్త వివరములు:
తొలగించండిఛందము సంఖ్య : 16, అష్టి
వృత్తము సంఖ్య : 31735
మీ మూడు విధాలైన పూరణలు వైవిధ్యంగా ఉత్తమంగా ఉన్నవి.
తొలగించండిఏదో పేరు ఎందుకు? దీనికి 'కామేశ వృత్తము' అని పేరు పెడితే సరి!
పూజ్యులు శంకరయ్య గారికి నమః పూర్వక ధన్యవాదములు.
తొలగించండిధన్యోస్మి. మీ సూచన శిరోధార్యము.
జిలేబి గారు ధన్యవాదములు. మంగళ మణి లో మణి కి మంగళమునకు మేళ (కూడిక) చేర్చిన మీ నేర్పు ప్రశంసనీయము.
తొలగించండిమేళమణి అంటే సిరాబుడ్డి అని ఆంధ్రభారతి చెబ్తేను, మంగళమణి వృత్తానికి మీ వృత్తము తొంభై శాతము మేచ్ అయితేను వావ్ ఇది మీ సిరా నుంచి జాలువారినది కాబట్టి మంగళ మేళమణి అని అన్నానండి పోచిరాజు వారు :)
కందివారు
కామేశ వృత్తమునకు రేపే శంకరాభరణము లో సమస్యా పాదమును ఇవ్వవలె !
పీ వీ సింధూ నేపధ్యంలో ( పైన మీరడిగినారు ఇది యేమి ఛందమో అని :))
కామేశ వృత్తమనబడు మంగళ మేళమణి !
కొట్టిరి కోమలియె పసిడి కొట్టుకు తిరుగన్
జిలేబి
ఓహో అలాగా బాగుంది. కాని మంగళ తో మీరన్న యర్థమున నది సమసింపఁ దగదు.
తొలగించండిఈనెలాఖరు వరకు సమస్యలు షెడ్యూల్ చేసి ఉంచాను. తరువాత ఇస్తాను.
తొలగించండి
తొలగించండికొట్టిరి సింధును పసిండి కొట్టుకు రాఁగన్
తొలగించండిఅదురహో సమస్య !
దిట్టగ గెల్వంగా జై
కొట్టిరి; సింధును పసిండి కొట్టుకు రాఁగన్
పట్టుగ నూరేగింపన్
పట్టము గట్టన్ జనాళి వరుసన్‌ గనిరే!
జిలేబి
సర్వము గోల్పోవు జనులు
రిప్లయితొలగించండిదుర్వినయమ్మునను, మనసు దోచెదరు హితుల్
సర్వజనీనమగు గతిని
గర్వము లేకుండ తాము గదలుచు భువిలో!!!
మీ పూరణ బాగున్నది. అభినందనలు.
తొలగించండిఉర్విని నష్టమగు నెపుడు
రిప్లయితొలగించండిదుర్వినయమ్మునను, మనసు దోచెదరు హితుల్
గర్వమ్మును విడి పాలన
సర్వజనుల మేలుకొరకు సాగించ ధృతిన్
మీ పూరణ బాగున్నది. అభినందనలు.
తొలగించండిచర్విత చర్వణమ్ముగను చానలు భర్తల తప్పులెన్నుచో
రిప్లయితొలగించండిసర్వము నీవెయంచునిది సత్యము నమ్ముమటంచు సుంతయున్
గర్వముచేరనీక మది కాంతల శాంతిలజేయ కేళిగా
దుర్వినయమ్ముతో మనసు దోచెడువారు హితైషులే కదా!
మీ పూరణ బాగున్నది. అభినందనలు.
తొలగించండిసర్వము దోచగన్ గఱటి సజ్జనువోలె నటించు వారెరా
రిప్లయితొలగించండిదుర్వినయమ్ముతో మనసు దోచెడువారు, హితైషులే కదా
యుర్విని బాగుకోరుచుమహోన్నతమౌ సలహాలనిచ్చుచున్
జర్విత చర్వణమ్ములుగ సామము లెన్నియొ చెప్పువారలే.
మీ పూరణ బాగున్నది. అభినందనలు.
తొలగించండిగర్వమ్మొకింత లేకయె
రిప్లయితొలగించండిసర్వము పరమాత్మ లీల సారమ్మనియే
యుర్విని యశమును చేకొం
దుర్వినయమ్మునను మనసు దోచెదరు హితుల్
రిప్లయితొలగించండిగర్వమ్మొకింత లేకయె
సర్వము పరమాత్మ లీల సారమ్మనియే
యుర్విని యశమును చేకొం
దుర్వినయమ్మునను మనసు దోచెదరు హితుల్
**)(**
(చేకొందుర్ + వినయమ్మునను........)
మీ పూరణ బాగున్నది. అభినందనలు.
తొలగించండిచేకొందుర్ అని హలంతంగా ప్రయోగించరాదు.
చర్విత చర్వణమ్ముగను, చక్కనిపద్దెములల్లు వారలన్
రిప్లయితొలగించండిగర్వముబూనకెప్పుడును,గారవమందగ జేసి సూచనల్
సర్వమునొక్కడై నిలిచి, సాహితికెంతయొ సేవజేయునా
దుర్వినయమ్ముతోమనసు, దోచెడు వారుహితైషులేగదా!
మీ పూరణ బాగున్నది. అభినందనలు.
తొలగించండికందం
రిప్లయితొలగించండిగర్వమ్మైంతున్నను తా
ముర్విని దంపతులమంచు నోరిమి తోడన్
బర్వముఁ జేసుకొన బ్రతుకు
దుర్వినయమ్మునను మనసు దోచెదరు హితుల్
మీ పూరణ బాగున్నది. అభినందనలు.
తొలగించండి[26/08, 15:59] Chandrashekhar Yelisetty: కం.
రిప్లయితొలగించండిపర్వము నెఱిఁగిన బాలలు
సర్వము తామే యనుచును సందడి జేయన్
పర్వాలేదన పెద్దలు
దుర్వినయమ్మునను మనసు దోచెదరు హితుల్
వై. చంద్రశేఖర్
[26/08, 16:16] Chandrashekhar Yelisetty: కం.
నిర్వాణము చే గోరగ
నిర్వేదము విడచి విఠలు నిరతము గొలువన్
సర్వాంతర్యామియె తా
దుర్వినయమ్మునను మనసు దోచెదరు హితుల్
వై. చంద్రశేఖర్
మీ రెండు పూరణలు బాగున్నవి. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండి