3, డిసెంబర్ 2019, మంగళవారం

సమస్య - 3210 (సానిన్ ముద్దాడె...)

కవిమిత్రులారా,
ఈరోజు పూరింపవలసిన సమస్య ఇది...
"సానిన్ ముద్దాడె యోగి సద్గతిఁ బొందన్"
(లేదా...)
"సానిని ముద్దుపెట్టుకొనె సంయమి సద్గతిఁ బొందఁ గోరుచున్"

64 వ్యాఖ్యలు:


  1. నడిరేయి సరదా పూరణ:

    కోనల కొండలన్ దవిలి కొండొక రీతిని శాంతిగోరుచున్
    కానగరాక తా నిలిచి కన్నుల నీరిడి కాళ్ళు మ్రొక్కుచున్
    మౌనము మీరగా నతని మానసమున్ భళి నేలుచున్న నా
    సానిని ముద్దుపెట్టుకొనె సంయమి సద్గతిఁ బొందఁ గోరుచున్

    సాని = అధిపురాలు (శబ్దరత్నాకరము)

    ప్రత్యుత్తరంతొలగించు
  2. కూనని జెప్పి బుడత దొర
    సానిన్ ముద్దాడె, యోగి సద్గతిఁ బొందన్
    వీనిని జూచిన పిదపనె
    దేనిని కాదని వెడలెను దేశమొదిలికన్
    🙏🙏

    ప్రత్యుత్తరంతొలగించు
    ప్రత్యుత్తరాలు
    1. కానదు సత్యము నెపుడును
      నేననునది కాదు నిజము నెరుగరు జనులున్
      ఏనాడైనను కాదిది
      సానిన్ ముద్దాడె యోగి సద్గతిఁ బొందన్
      🙏🙏

      తొలగించు

  3. ఆటవిడుపు సరదా పూరణ:
    (జిలేబి గారికి అంకితం)

    విప్రనారాయణ సినిమా (1954):

    మౌనము దాల్చుచున్ చెలగి మన్నన లొందిన యక్కినేని హా!
    దీనుని వోలె మారుచును దిట్టగ వేషము వేయుచున్ భళా!
    వానల నెండలన్ తడిసి భానుమతమ్మగ వేషధారియౌ
    సానిని ముద్దుపెట్టుకొనె సంయమి సద్గతిఁ బొందఁ గోరుచున్

    ప్రత్యుత్తరంతొలగించు
    ప్రత్యుత్తరాలు

    1. "ఆర్యా, మీపూరణ చాలా బాగున్నది. ధన్యవాదములు. జిలేబి గారు ఎవరో తెలిసి కోవలెనని మనసు ఉవ్విల్లూరు చున్నది. తెలుప గలరు.

      పి.మోహన్ రెడ్డి."

      తొలగించు


    2. వారెవరో యెవిరికెరుక!


      ఎవరోయి జిలేబీ తా
      నెవరోయీ ? మదిని తొలుచు నేస్తంబై ని
      ల్చు విరాట్టెవరోయీ? రె
      డ్డి, వివరములరయగ బాపురే మన తరమా


      జిలేబి

      తొలగించు
    3. చక్రవర్తి ఉవాచ:

      "4 లో యతి??"

      తొలగించు

    4. డ ర లకు యతి భేదము లేదోయ్ :)

      తొలగించు


    5. ఎవరోయి జిలేబీ తా
      నెవరోయీ ? మదిని తొలుచు నేస్తంబై ని
      ల్చు విరాట్టెవరోయీ? రె
      డ్డి, వివరములరయగ తెల్పుడీ మన తరమా :)


      జిలేబి

      తొలగించు
  4. అన్నయ్యను అనుసరిస్తూ

    మానిని దాకని విప్రుడు
    జాణతనంబునకు లొంగి చపలత్వమునన్
    ధ్యానము జేయుచు దేవిని
    సానిన్ ముద్దాడె యోగి సద్గతిబొందన్
    విప్రుడు = విప్ర నారాయణ
    దేవి = దేవదేవి

    ప్రత్యుత్తరంతొలగించు
  5. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !
    https://te.wikipedia.org/wiki/%E0%B0%86%E0%B0%A6%E0%B0%BF_

    %E0%B0%B6%E0%B0%82%E0%B0%95%E0%B0%B0%E0%B0%BE%E0%B0%9A

    %E0%B0%BE%E0%B0%B0%E0%B1%8D%E0%B0%AF

    %E0%B1%81%E0%B0%B2%E0%B1%81

    A-1)
    ఆదిశంకరుడు కామరూపమున రాణిని :
    __________________________

    ఆనాడొక స్త్రీని గెలువ
    గా నెంచిన శంకరుండు - ఙ్ఞానము కొరకై
    తానే రాజుగ మారుట;
    సానిన్ ముద్దాడె యోగి - సద్గతిఁ బొందన్ !
    __________________________
    సాని = రాణి
    స్త్రీ = ఉభయభారతి, ఙ్ఞానము = కామఙ్ఞానము

    వసంత కిశోర్ (కవులూరు రమేష్)

    ప్రత్యుత్తరంతొలగించు
  6. వేనకు వే లగు దృశ్యము
    లానందము గూర్చు కరణి నాకర్షిం ప న్
    వానికి లొంగని దౌ మన
    సా నిన్ ముద్దా డె యోగి సద్గ తి బొంద న్

    ప్రత్యుత్తరంతొలగించు
  7. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    A-2)
    కపటయోగి :
    __________________________

    గానము జేయుచు కపటియె
    ఙ్ఞానము భోధించుచుండు - జనులకు నెల్లన్ !
    యా నారంగుడు శమనిని
    సానిన్ ముద్దాడె యోగి - సద్గతిఁ బొందన్ !
    __________________________
    శమని = రాత్రి

    వసంత కిశోర్ (కవులూరు రమేష్)

    ప్రత్యుత్తరంతొలగించు
  8. ప్రత్యుత్తరాలు
    1. జ్ఞానము పొందని నెపమున
      కానని దేవుని హేల కలత పడంగా
      మీనాక్షి జేరగ మరిదొర
      సానిన్ ముద్దాడె యోగి సద్గతి బొందన్

      తొలగించు
  9. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !
    https://te.wikipedia.org/wiki/%E0%B0%B5%E0%B1%87%E0%B0%AE

    %E0%B0%A8
    A-3)
    పూర్వాశ్రమమందు వేమన :
    __________________________

    ఆ నాటి యోగి వేమన
    తానొక రసికుండు గాన - తరుణిమ నందున్
    సానసి నిధినిన్నిడుచున్
    సానిన్ ముద్దాడె యోగి - సద్గతిఁ బొందన్ !
    __________________________
    సానసి = బంగారు

    వసంత కిశోర్ (కవులూరు రమేష్)

    ప్రత్యుత్తరంతొలగించు
    ప్రత్యుత్తరాలు
    1. A-3)
      సవరణతో :
      __________________________

      ఆ నాటి యోగి వేమన
      తానొక రసికుండు గాన - తరుణిమ నందున్
      సానసి నిధినే యిడుచున్
      సానిన్ ముద్దాడె యోగి - సద్గతిఁ బొందన్ !
      __________________________

      తొలగించు
  10. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    A-4)
    విప్రనారాయణుడు :
    __________________________

    గానము, నాట్యము, భక్తియె
    తానై మురిపింప వేశ్య; - తన్మయ మందున్
    తానే వ్యసనన్ మునుగుట
    సానిన్ ముద్దాడె యోగి - సద్గతిఁ బొందన్ !
    __________________________
    వ్యసన = విశేషంగా భ్రష్టమగుట

    వసంత కిశోర్ (కవులూరు రమేష్)

    ప్రత్యుత్తరంతొలగించు
  11. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    A-5)
    విశ్వామిత్రుడు :
    __________________________

    మౌనికి భంగము జేయగ
    మేనక నాట్యమును సేయ; - మెచ్చుచు రెచ్చెన్
    మానము విడుచుచు, ప్రేమగ
    సానిన్ ముద్దాడె యోగి - సద్గతిఁ బొందన్ !
    __________________________

    వసంత కిశోర్ (కవులూరు రమేష్)

    ప్రత్యుత్తరంతొలగించు
  12. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    B-1)
    విశ్వామిత్రుడు :
    __________________________

    మౌనిని నాట్య గానముల - మచ్చిక జేయగ జేర, మేనకన్
    మానము విస్మరించి ముని - మానెను మొత్తము మంత్రతంత్రముల్ !
    మానిని పొందు గోరి, తన - మానస మందనురక్తి హెచ్చగన్
    సానిని ముద్దుపెట్టుకొనె - సంయమి సద్గతిఁ బొందఁ గోరుచున్
    __________________________

    వసంత కిశోర్ (కవులూరు రమేష్)

    ప్రత్యుత్తరంతొలగించు
  13. కానిది కాకమానదని,కాంతల వేటన పండెముగ్ధుడై
    సాననుబెట్టురత్నమవు, సంపదనిచ్చెదరమ్మురమ్మనెన్
    కోనలు కోండలన్ దిరుగు, కోవిదులెవ్వరు యొప్పనట్లుగా
    సానినిముద్దుపెట్టుకొనె,సంయమిసద్గతిబొందగోరుచున్.

    ప్రత్యుత్తరంతొలగించు
  14. పూనకమొచ్చె నాతనికి,పొందునుగోరును కాంత తోడనున్
    సేనగ యాడ శిష్యులను,సేవలపేరిట రమ్ము రమ్మనెన్
    తానొక మన్మధుండనను,త్రాణను గల్గిన కాముకుండునై
    సానినిముద్దుపెట్టుకొనె,సం యమిసద్గతిబొందగోరుచున్.

    ప్రత్యుత్తరంతొలగించు
  15. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    A-1)
    నిన్నటి పూరణ :
    గండుడి కొండ>(కుక్కపిల్ల) :
    __________________________

    కొండ యనుచు బెంచె - గండుడు తన వేపి
    గండుపిల్లి తరుమ - గుండె జారి
    భషణ మిడుచు నాయి - భళ్ళున పారుచున్
    కుండలోనఁ జొచ్చెఁ - గొండ గనుఁడు !
    __________________________

    వసంత కిశోర్ (కవులూరు రమేష్)

    ప్రత్యుత్తరంతొలగించు
  16. సమస్య :-
    "సానిన్ ముద్దాడె యోగి సద్గతిఁ బొందన్"

    *కందం**

    వానలు గురిసెడు సమయము
    చీనాంబర లేమితోడ శ్రీశైల మునన్
    గానముతో శివ యని మన
    సా,నిన్ ముద్దాడె యోగి సద్గతిఁ బొందన్
    ...‌‌..‌.............✍చక్రి

    ప్రత్యుత్తరంతొలగించు
  17. జ్ఞానమ్మును వీడుచు న
    జ్ఞానపు మాటలవి యేల చాలిక నీకున్
    మౌనమ్మే మేలగు, నే
    సానిన్ ముద్దాడె యోగి సద్గతి బొందన్?

    ప్రత్యుత్తరంతొలగించు
  18. మైలవరపు వారి పూరణ

    మానవజన్మమెన్న బహుమానము, దుర్లభమైనదండ్రు ! ప్ర..
    జ్ఞానమెరుంగ దీక్షగొని సాధన జేసెదనంచు గూర్చొనన్
    సాని యొకర్తె నన్ను సరసమ్మున దేల్చక వీడి పోననన్
    సానిని ముద్దుపెట్టుకొనె సంయమి సద్గతిఁ బొందఁ గోరుచున్ !!

    మైలవరపు మురళీకృష్ణ వెంకటగిరి

    ప్రత్యుత్తరంతొలగించు
    ప్రత్యుత్తరాలు
    1. శంకరాభరణం.. సమస్యాపూరణం..

      సానిని ముద్దుపెట్టుకొనె సంయమి సద్గతిఁ బొందఁ గోరుచున్!

      మానవజన్మమెన్న బహుమానము, దుర్లభమైనదండ్రు ! ప్ర..
      జ్ఞానమెరుంగ దీక్షగొని సాధన జేసెదనంచు గూర్చొనన్
      సాని యొకర్తె *నన్ను సరసమ్మున దేల్చక వీడి పో* ననన్
      సానిని ముద్దుపెట్టుకొనె సంయమి సద్గతిఁ బొందఁ గోరుచున్ !!

      మైలవరపు మురళీకృష్ణ వెంకటగిరి

      తొలగించు


  19. మేని సుఖములకు భోగియె
    సానిన్ ముద్దాడె, యోగి సద్గతిఁ బొందన్
    కాననమున ముద్దాడెను
    ధ్యానమ్మును, మది నడతని దాని ఫలితముల్!


    శుభోదయం
    జిలేబి

    ప్రత్యుత్తరంతొలగించు
  20. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    B-1)
    నిన్నటి పూరణ :
    గండుడి కొండ >(కుక్క) :
    __________________________

    గండుడు ముద్దు బెంచెనదె - గ్రామమృగంబును కొండ పేరిటన్
    కొండయు పెద్దగా పెరిగి - కోళ్ళను కుక్కల పాఱదోలెడిన్ !
    గండపు రూపునొచ్చె నొక - ఘస్రము నందున గండుపిల్లిగన్
    కొండొక దారిలేక పెను - కొందలమందుచు పర్వులెత్తుచున్
    కుండను గొండ సొచ్చె నిది - గో కనులారఁగఁ జూచి నమ్ముమా !
    __________________________

    వసంత కిశోర్ (కవులూరు రమేష్)

    ప్రత్యుత్తరంతొలగించు
    ప్రత్యుత్తరాలు
    1. B-1)
      నిన్నటి పూరణ :
      సవరణతో :
      గండుడి కొండ >(కుక్క) :
      __________________________

      గండుడు ముద్దు బెంచెనదె - గ్రామమృగంబును కొండ పేరిటన్
      కొండయు పెద్దగా పెరిగి - కోళ్ళను కుక్కల పాఱదోలెడిన్ !
      గండము గండుపిల్లి వలె - గర్జన జేయుచు పైకి దూకినన్
      కొండొక దారిలేక పెను - కొందలమందుచు పర్వులెత్తుచున్
      కుండను గొండ సొచ్చె నిది - గో కనులారఁగఁ జూచి నమ్ముమా !
      __________________________

      తొలగించు
  21. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు


  22. మేని సుఖమ్ములన్ బడయ మేలములాడుచు భోగి నెయ్యమిన్
    సానిని ముద్దుపెట్టుకొనె, సంయమి సద్గతిఁ బొందఁ గోరుచున్
    కాననమందు దీక్షని వికారము లెల్లతొలంగ చిత్తమున్
    ధ్యానము నందు నిల్పె; మది దారిని దాని ఫలమ్ము జీవికిన్!


    జిలేబి

    ప్రత్యుత్తరంతొలగించు
  23. తానొక యొజ్జ శిష్యునకు తన్మయు డౌచును విద్యనేర్పి య
    వ్వాని బరీక్షవేళ నొకపద్యము సొంతగ జెప్పుమన్న నా
    కూన తడంబడెన్ వణకి కూర్చెను "సామి"కి మారుగా యిటుల్
    సానిని ముద్దుపెట్టుకొనె సంయమి సద్గతిఁ బొందఁ గోరుచున్

    ప్రత్యుత్తరంతొలగించు
  24. (నారీభేదమే యెరుగని ఋశ్యశృంగుని తన రాజ్యానికి రప్పించుకోవాలని రోమపాద మహారాజు వారకాంతలను పంపించాడు .వారితో మన యువముని .)
    కానల కందమూలముల
    గాంచి భుజించెడి ఋశ్యశృంగుడే
    కానని వారకాంతలను
    గారవ మొప్పగ జేరి ముగ్ధుడై
    చానల నందరన్ మధుర
    సన్మునులంచును కౌగిలింతతో -
    సానిని ముద్దుపెట్టుకొనె
    సంయమి సద్గతి బొందగోరుచున్ .

    ప్రత్యుత్తరంతొలగించు


  25. మేనక తిలోత్తములు మన
    సా నిన్ ముద్దాడె! యోగి! సద్గతిఁ బొందన్
    దేనికి లొంగక నీవా
    ధ్యానమున నిమగ్నమై సదా యుంటివిగా!


    జిలేబి

    ప్రత్యుత్తరంతొలగించు


  26. చానలతో సరసమె "ని
    త్యానంద" మటంచు రసికతయె మార్గముగా
    పానుపు పైపవళింపుల
    సానిన్ ముద్దాడె యోగి సద్గతిఁ బొందన్!


    జిలేబి

    ప్రత్యుత్తరంతొలగించు
  27. కం.
    రాణించగ గని మీర్జా
    సానిన్ ముద్దాడె, యోగి సద్గతిఁ బొందన్ !
    భానునివలె తేజోమయ
    కానుక యాదిత్యనాథ్ సకాశము నొసగెన్ !!

    ప్రత్యుత్తరంతొలగించు


  28. గృహస్తాశ్రమ ధర్మము

    మీనా కుమారి సుదతిని
    మేనిని తా నిడుకొని పరిమితపిలఱేడై
    ధ్యాన పథము విడువక దొ
    ర్సానిన్ ముద్దాడె యోగి సద్గతిఁ బొందన్!


    జిలేబి

    ప్రత్యుత్తరంతొలగించు
  29. జరత్కారుడు జరత్కారువును పెండ్లాడుట.

    ఆనాటి తాతలంతయు
    నా నాకము జేరక బహు నాయస బడగా
    తానుఁ జరత్కారువునా
    సానిన్ ముద్దాడె యోగి సద్గతిఁ బొందన్

    ప్రత్యుత్తరంతొలగించు

  30. మానవ సందోహము విడి
    కాననములకేగి యజితు గడనను జేయన్
    మానసమొందగ నొప్పని
    సానిన్ ముద్దాడె యోగి సద్గతిఁ బొందన్
    సాని = భార్య , ముద్దాడు = బుజ్జగించు

    ప్రత్యుత్తరంతొలగించు
  31. ధ్యానము, వీడక చేయుచు
    పానము , కుడుచుట నెరుగక పావన విధులన్ |

    మౌనిగనయె, మోక్షపు దొర
    "సానిన్ ముద్దాడె యోగి సద్గతిఁ బొందన్

    ప్రత్యుత్తరంతొలగించు
  32. భానోదయమునకు మునుపె
    మానస మందున గొలుచుచు మధుసూధనునిన్
    మౌనమున ముక్తియను దొర
    సానిన్ ముద్దాడె యోగి సద్గతి బొందన్.

    ప్రత్యుత్తరంతొలగించు
  33. దత్తాత్రేయ స్వరూపం

    పానము జేసెను కల్లును
    సానిన్ ముద్దాడె యోగి, సద్గతిఁ బొందన్
    వాని నిజ రూపము గనుము
    దీన దయాళుడతడేను ధీమతి దెలియున్

    ప్రత్యుత్తరంతొలగించు
  34. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  35. పానముజేయుతమద్యము
    మానసమేవికలమగుచుమందుడెయగుచున్
    మేనునుదాకుచు నాదొర
    సానిన్ ముద్దాడెయోగి సద్గతిబొందన్

    ప్రత్యుత్తరంతొలగించు
  36. దానముగొని తిరుపరి దొర
    సానిన్ ముద్దాడె, యోగి సద్గతిఁ బొందన్
    తానొనరించె తపమ్మును
    గానన్ యోగియునునొక్కకార్కటుడిలలో
    (తిరుపరి, కార్కటుడు = యాచకుడు\అర్థి)

    ప్రత్యుత్తరంతొలగించు
  37. కానము మాన విహీనుల
    నీ నగరమ్మున వసించ నివ్విధి మునులన్
    నే నిది నమ్మ నెపుడు నే
    సానిన్ ముద్దాడె యోగి సద్గతిఁ బొందన్


    ఆ నలినాక్షు నచ్యుతు ననంతుని భక్త వహించి కొల్చుచుం
    గానల నుండి సంతతము కాయల దుంపల నారగించుచున్
    మే నలయంగఁ జిత్తమున మించి తలంచుచు ముక్తికన్య నా
    సానిని ముద్దుపెట్టుకొనె సంయమి సద్గతిఁ బొందఁ గోరుచున్

    [సాని = అధిపురాలు]

    ప్రత్యుత్తరంతొలగించు
  38. దానమొసంగరూకలనుతాలిమితో దొరసాని యర్థియా
    సానిని ముద్దుపెట్టుకొనె, సంయమి సద్గతిఁ బొందఁ గోరుచున్
    తానుచరించె నొంటరిగ తాపసియై గహనాటవీస్థలిన్
    గానఁగఁ నిర్వురున్ తిరిపగాళ్ళెగ జూడగ సూక్ష్మదృష్టితో.

    ప్రత్యుత్తరంతొలగించు
  39. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  40. పానముజేయుటన్ సురనుమానసరోగిగమారగాఖురా
    సానినిముద్దుపెట్టుకొనె సంయమిసద్గతిబొందగోరుచున్
    బానముజేయునాతడిలభ్రష్టుడు,మూర్ఖుడు,త్రాగుబోతునై
    గానడుమన్నుమిన్నునికకాంతలజోలికిబోవుచుండునే

    ప్రత్యుత్తరంతొలగించు
  41. నేనే దైవమ్ము ననుచు
    సానిన్ ముద్దాడె యోగి; సద్గతిఁ బొందన్
    సానుల కవకాశమ్మిది
    దానే శరణమ్మటంచు దంభపు బోధన్

    ప్రత్యుత్తరంతొలగించు
  42. కం.

    కానగ దుడుకడు యిందిన
    మౌనిగ గొప్పలు పలుకుచు మధువుల గ్రోలన్
    తానై జేరగ స్వర్గము
    సానిన్ ముద్దాడె యోగి సద్గతి పొందన్

    వై. చంద్రశేఖర్

    ప్రత్యుత్తరంతొలగించు
  43. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    సానిన్ ముద్దాడె యోగి సద్గతిఁ బొందన్

    సందర్భము: విశ్వామిత్రుడు దశరథుని కడకు వచ్చి మారీచ సుబాహులు యజ్ఞ భంగం చేస్తున్నా రని రాముని పంపించ మన్నాడు యజ్ఞ రక్షణకోసం. దశరథుడు పుత్ర వ్యామోహంతో ఒప్పుకోలేదు.
    "బాలం మే తనయం బ్రహ్మన్
    నైవ దాస్యామి పుత్రకమ్"
    (బాలుడైన నా కుమారుడు రాముణ్ణి నే నీయజాలను.) అన్నాడు. ఐనా కొండలూ చెట్లూ పుట్టలూ అడవులూ ఎక్కడం దిగడం తిరుగడం తాపసులకు ఆటవికులకు చెల్లునేమో గాని సుకుమారులైన రాచబిడ్డల కేం తెలుసు.. అనుకున్నాడు. చివరకు వశిష్ఠుని సలహాతో పంపించాడు.
    మోహం గల వారందరికీ సుపుత్రులు లేరు. అవతార పురుషులే పుత్రులైన వారు అసలే లేరు.
    దశరథుడు పుత్ర సంతానం కోరినాడే గాని నలుగురు పుత్రులను కోరనే లేదు. (అసలే లేనిదానికంటె ఏదో ఒక్కడు చాలు కదా వంశం నిలుపడానికి!) కాని దైవయోగంవల్ల నలుగురు కలిగారు. కేవల సుపుత్రులే కాదు. అవతార పురుషులు.
    అందువల్ల దశరథునిది మోహం కాదు. మోహమే అనుకున్నా అంతకంటె బలవత్తరమైనది అతణ్ణి వరించిన యోగం.
    రాముడు వనవాసంలో అగస్త్య మహర్షిని కలుసుకున్నాడు. తన వృత్తాంతం చెప్పినాడు. అప్పుడు అగస్త్యుడు ప్రస్తుతిస్తూ ఇలా అన్నాడు..
    "సుపుత్రయోగం కలవాడు సుపుత్ర యోగి. దశరథు డట్టి యోగి.. అతనిది మోహం కాదు. యోగం. ఆ యోగి నిన్ను ముద్దాడినాడు. నీవు యతివాసుడవు.. యతుల (యోగుల)లో వసించే వాడవు. యతులే వాసముగా కలవాడవు."
    యోగిసద్గతి= యోగులు పొందే సద్గతి
    ~~~~~~~~~~~~~~~~~~~~~~~
    మానిత! నీ పిత "మోహి"యె!

    ఆ నృపుడు "సుపుత్ర యోగి" యనదగు వా డౌ

    గాని, కనుకనే యతి వా

    సా! నిన్ ముద్దాడె యోగిసద్గతిఁ బొందన్

    ✍️~డా.వెలుదండ సత్యనారాయణ
    పరమార్థ కవి
    3.12.19
    -----------------------------------------------------------

    ప్రత్యుత్తరంతొలగించు
  44. జ్ఞానులు వారు మోక్షమను సంపద గోరెడి వారు ధాత్రిలో
    మానిని పొందు గోరుదురె? మౌనులు త్యాగధనుల్ మహాత్ములున్
    మానుము వట్టిమాటలవమానము జేయగనేలనోయి, యే
    సానిని ముద్దుపెట్టుకొనె సంయమి సద్గతిఁ బొందఁ గోరుచున్

    ప్రత్యుత్తరంతొలగించు

  45. కందం
    జ్ఞాన ప్రభంజనమునఁ దాఁ
    బేనుచు శతకమ్ము నాట వెలదీ! నీతుల్
    వీనుల విందొనరఁగ వచ
    సా నిన్ ముద్దాడె యోగి సద్గతిఁ బొందన్

    ఉత్పలమాల
    వేనకు వేల వేశ్యలెటు విశ్వద సాటి యటంచు మోహియై
    జ్ఞాన ప్రభంజనమ్మున వికారము బాయుచు నీతిఁ దోడగన్
    దోనెలనంగ పద్యములతో, వచసా కొని యాటవెల్దియన్
    సానిని ముద్దుపెట్టుకొనె సంయమి సద్గతిఁ బొందఁ గోరుచున్

    ప్రత్యుత్తరంతొలగించు
  46. మౌనముగ తపము చేయుచు
    కాననమున, నూర్వసిఁ గని కరమౌ యిచ్చన్
    మానసిక వికారముతో
    సానిన్ ముద్దాడె యోగి సద్గతిఁ బొందన్

    ప్రత్యుత్తరంతొలగించు
  47. దేనిని కనుగొన ముక్తియె,
    దేనిని బూర్తిగ గ్రహింప తీరును వెతల
    ద్దానివి సఖి! యో మన
    సా!నిన్ ముద్దాడె యోగి సద్గతిఁ బొందన్!

    ప్రత్యుత్తరంతొలగించు
  48. నేడు నా శ్రీమదాంధ్ర శ్రీమన్నారాయణీయము పూర్తి యయినదని తెలుపుటకు సంతోషించు చుంటిని. దీనికి మూలము శ్రీనారాయణ భట్ట తిరి కృత శ్రీమన్నారాయణీయము.

    ఇందు 12 స్కంధ పరిచ్ఛేదములు, 100 దశకములు 1041 పద్యములు కలవు.
    ఇప్పుడింక సునిశిత సమీక్ష చేయ నుద్యమించు వాఁడను.


    100 వ దశకములోని నేటి పద్యములు:

    తను లేప్యమ్ముల సౌరభమ్ము జన చిత్తవ్రాతమున్ లాగగం
    దను మధ్యమ్ము లతా నిభమ్ము త్రిజగద్ధార్యమ్మునై వెల్గఁగన్
    ఘన నీలాశ్మ సువర్ణ పీత వసనాంగత్విట్టు లేపార ని
    స్వన కాంచీ స్థిత కింకిణీ లసిత చిద్బాలున్ నినుం గొల్చెదన్ .... శ్రీమన్నా. 100. 7.


    ఆఖరి పద్యద్వయము:
    యోగి వరేణ్య కాయమున కుత్తమ పాదము లంగకమ్ములన్
    బాగుగ తీపి ముక్తిఁ గను వారల వేశ్మము కల్ప భూజముల్
    వేగమ తీర్చఁ గోరికలు వీటిని నా మది నుంచుమా దయా
    సాగర కృష్ణ హర్ష మిడు శారపురాధిప త్రుంచి తాపముల్ .... శ్రీమన్నా. 100. 10.


    క్షమియింపం దగు విశ్వనాథ నను వక్కాణించ నే నేరకుం
    డ మహత్త్వమ్మును జేయ స్తోత్రమును గాఢమ్మే సహస్రాధికం
    బు మహిం బద్య సుమమ్ము లింపుగను సంపూర్ణంపు టారోగ్యమున్
    గమి సౌఖ్యంబుల నిమ్ము కైకొని నమస్కారమ్ము నారాయణా .... శ్రీమన్నా. 100. 11.

    ప్రత్యుత్తరంతొలగించు
  49. దేనిన్ పట్టించుకొనక
    తాఁ నిన్ బాలునిగ నెంచి తాదాత్మ్యమునన్
    లోనన్ బృందావన వా
    సా ! నిన్ ముద్దాడె యోగి సద్గతి బొందన్

    ( "శ్రీ కృష్ణలీలాతరంగిణి" రచించిన నారాయణ తీర్థులు కృష్ణుని అలానే భావించేవాడట )

    ప్రత్యుత్తరంతొలగించు
  50. కానలనుండివచ్చితిని కాగలకార్యముబోధసేతు,రా
    మేనునగొప్పయోగమును మేలుగబొందగజేతురమ్మనున్
    వీనులవిందుగాబలికి,వేటునువేసెడు నేరబుద్ధితో
    సానినిముద్దుపెట్టుకొనె,సంయమిసద్గతిబొందగోరుచున్.

    ప్రత్యుత్తరంతొలగించు
  51. సమస్య:
    సానిని ముద్దు పెట్టుకొనె సంయమి సద్గతి బొంద గోరుచున్!

    పూరణ:
    ఉ॥
    ధ్యానఖలీనసాధనవిధానమునన్ బహువేగచారియౌ చల
    న్మా నసదుస్తరంగిణినిమర్మమెఱింగియునిల్వరించెనా
    జ్ఞానియుసంచితంబిగురజన్మమునెత్తతలంచిగర్భవా
    *సానిని ముద్దు పెట్టుకొనె సంయమి సద్గతి బొందగోరుచున్!*

    *గాదిరాజు మధుసూదన రాజు*


    సంచిత కర్మఫలము మిగిలియుండటం వలన మోక్షమందుటకు నొక్క జన్మనెత్తక తప్పదని మాతృగర్భాన్ని ఆశ్రయించి ముద్దాడాడు🕉🕉

    ప్రత్యుత్తరంతొలగించు
  52. మానస మందున గోరెను
    ఆనందమ్ముగ కవితల నాశించంగన్
    నానీలవ్రాయ బూనిన
    సానిన్ ముద్దాడె యోగి సద్గతిఁ బొందన్!

    ప్రత్యుత్తరంతొలగించు