19, డిసెంబర్ 2019, గురువారం

సమస్య - 3225 (కలువలు వికసించె...)

కవిమిత్రులారా,
ఈరోజు పూరింపవలసిన సమస్య ఇది...
"కలువలు వికసించె రవినిఁ గాంచి ముదమునన్"
(లేదా...)
"కలువలు విచ్చె భాస్కరునిఁ గాంచిన వెంటనె మోదమందుచున్"

61 కామెంట్‌లు:


  1. నడిరేయి సరదా పూరణ:

    మెలకువ వచ్చినంతటనె మేదిని పూలకు కాంతినిచ్చుటన్
    మిలమిల లాడి కష్టమున మిన్నున దొర్లుచు శీతకమ్మునన్
    చలికిక తాళ జాలకయె చల్లగ భానుడు క్రుంగుచుండగా
    కలువలు విచ్చె భాస్కరునిఁ గాంచిన వెంటనె మోదమందుచున్

    రిప్లయితొలగించు

  2. ఆటవిడుపు సరదా పూరణ:
    (జిలేబి గారికి అంకితం)

    పలువురు బ్రహ్మలన్ పిలిచి బంగరు కాసులు దానమిచ్చుచున్
    కిలకిల నవ్వి యాగముల క్రీడల తేలుచు కార్తికమ్మునన్
    కలువలకుంట్ల చంద్రుడట కన్నులు మూయుచు మాయజేయగా
    కలువలు విచ్చె భాస్కరునిఁ గాంచిన వెంటనె మోదమందుచున్

    రిప్లయితొలగించు
  3. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    A-1)
    వేశ్యాలోలుడు-రవిని గాంచి :
    __________________________

    వెలవెలదుల కమరము నిడి
    కళలను కుదుపెడి; మరుగవ - కతిపయ దినముల్ !
    వెలచెలువల వదన నయన
    కలువలు వికసించె రవినిఁ - గాంచి ముదమునన్ !
    __________________________

    వసంత కిశోర్ (కవులూరు రమేష్)

    రిప్లయితొలగించు


  4. సిటీ వాసులకేమి తెలుసు ఏదో ఒహటి రాసి పడేస్తారు :)


    కలుహారములకు మరియు క
    మలములకున్ తారతమ్య మరయని నగరం
    పు లలన జిలేబి పలికెన్
    కలువలు వికసించె రవినిఁ గాంచి ముదమునన్


    జిలేబి

    రిప్లయితొలగించు
  5. చెలువము గోరుచు ప్రియముగ
    కలువలు వికసించె, రవినిఁ గాంచి ముదమునన్
    నెలరాజు సిగ్గిలి మరలుచు
    నలినము కైవెద కెనంట నలుదెశ లందున్

    రిప్లయితొలగించు
  6. అక్కయ్యా
    మీ పూరణ బాగున్నది. అభినందనలు
    మూడవ పాదంలో గణదోషం నలుదెసలందున్. .. అనండి.

    రిప్లయితొలగించు
  7. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    A-2)
    కళవళ పడి యిటుల పలికె :
    __________________________

    నలములు వికసించు నెటుల ?
    తులుచన నుడువు మన గురువు - తొడరిన వటువే
    కళవళ పడి యిటుల పలికె
    "కలువలు వికసించె రవినిఁ - గాంచి ముదమునన్" !
    __________________________

    వసంత కిశోర్ (కవులూరు రమేష్)

    రిప్లయితొలగించు
  8. శంకరార్యా ! శుభోదయం !
    భాగ్యనగరం చేరిపోయారా క్షేమముగా

    రిప్లయితొలగించు
    రిప్లయిలు
    1. ఇంకా ప్రయాణంలోనే ఉన్నాను. మరో గంటలో సికింద్రాబాద్ చేరుకుంటాను.

      తొలగించు
    2. అవునా ! చేరిపోయారనుకున్నా !
      మీ పర్యటన దిగ్విజయంగా ముగిసినందులకు
      సంతోషం 1

      తొలగించు
  9. చలిమిరి చంద్రుని గాంచగ
    కలువలు వికసించె , రవినిఁ గాంచి ముదమునన్
    అలరా రుచుండు కమలము
    యిలపైనీపూలు పూయ విరువురు లేకన్

    రిప్లయితొలగించు
    రిప్లయిలు
    1. మీ పూరణ బాగున్నది అభినందనలు
      కమలము+ఇలపై... అన్నపుడు యడాగమం రాదు. అక్కడ "కమల| మ్మిలపై" అనండి.

      తొలగించు
  10. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    B-1)
    వేశ్యాలోలుడు-భాస్కరరావును గాంచి :
    __________________________

    విలవిల లాడె వేదనను - వేశ్యలు భాస్కరరావు కోసమై
    జలజల సొమ్ము రాల్చుచును - చక్కిలిగింతల దేల్చు నిత్యము
    న్నలుకను జెంది మాయమయె - నంచును ! వేచిన వారి లోచనా
    కలువలు విచ్చె భాస్కరునిఁ - గాంచిన వెంటనె మోదమందుచున్ !
    __________________________

    వసంత కిశోర్ (కవులూరు రమేష్)

    రిప్లయితొలగించు
    రిప్లయిలు
    1. మీ పూరణ బాగున్నది అభినందనలు
      లోచనా కలువలు ... దుష్ట సమాసం. వారల లోచనమ్ములౌ కలువలు.. అందామా

      తొలగించు
    2. శంకరార్యా ! ధన్యవాదములు !
      B-1)
      సవరణతో :
      వేశ్యాలోలుడు-భాస్కరరావును గాంచి :
      __________________________

      విలవిల లాడె వేదనను - వేశ్యలు భాస్కరరావు కోసమై
      జలజల సొమ్ము రాల్చుచును - చక్కిలిగింతల దేల్చు నిత్యము
      న్నలుకను జెంది మాయమయె - నంచును ! వారల లోచనమ్ములౌ
      కలువలు విచ్చె భాస్కరునిఁ - గాంచిన వెంటనె మోదమందుచున్ !
      __________________________

      తొలగించు
  11. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    B-2)
    భాస్కరునిఁ గాంచిన వెంటనె మోదమందుచున్ :
    __________________________

    మిలమిల లాడ వెన్నెలలు - మేదిని పైన తటాక మందునన్
    కలువలు విచ్చె ! భాస్కరునిఁ - గాంచిన వెంటనె మోదమందుచున్
    నలములు నవ్వి విచ్చుకొనె - నందముగా మది యుల్లసిల్లగన్ !
    వెలుగులు నిండ , వేడియదె - వెచ్చగ తాకెను జంతుజాలమున్ !
    __________________________

    వసంత కిశోర్ (కవులూరు రమేష్)

    రిప్లయితొలగించు
  12. తొలికోడి కూసి నంతనె
    చలిదాయయె పొడిచినంత శ్యామిక పారన్
    వెలుగును గని చెలి కన్నుల
    కలువలు వికసించె రవినిఁ గాంచి ముదమునన్

    రిప్లయితొలగించు
  13. అందరికీ వందనములు !
    అందరి పూరణలూ అలరించు చున్నవి !
    అలరించ నున్నవి !

    A-3)
    మిలమిల లాడగ వెన్నెల :
    __________________________

    మిలమిల లాడగ వెన్నెల
    కలువలు వికసించె ! రవినిఁ - గాంచి ముదమునన్
    దళములు విప్పార మహో
    త్పలములు మురిపించె మదిని -ధ్వాంతారాతిన్ !
    __________________________

    వసంత కిశోర్ (కవులూరు రమేష్)

    రిప్లయితొలగించు
  14. చెలువపు కౌముది కాంతికి
    కలువలు వికసించె : రవిని గాంచి ముదమున న్
    కొ ల కుల లో కమలంబు లు
    బిల బిల మని విరి సెను గద ప్రీతిని గూర్ప న్

    రిప్లయితొలగించు
  15. (రామాయణరచనలో పుత్రుడు మల్లికార్జు
    నుని , శిష్యుడు రుద్రదేవుని , మిత్రుడు అయ్యలార్యుని భాగస్వాములను కావించుతున్న భాస్కరమహాకవి )
    " మెలకువతోడ వ్రాయవలె
    మించిన నైపుణి మీరలందరున్ ;
    జిలుకుడు బద్యవర్ష " మని
    చెన్నుగ బల్కగ రుద్రదేవు డ
    య్యలయయు మల్లికార్జునుడు
    " న " ట్లని మ్రొక్కగ వారి నేత్రపుం
    గలువలు విచ్చె భాస్కరుని
    గాంచిన వెంటనె మోదమందుచున్ .
    (పద్నాల్గవ శతాబ్దంలో వెలసిన మహాకావ్యం భాస్కరరామాయణం )

    రిప్లయితొలగించు
  16. గురువులకు నమస్సుమాంజలి 🙏🙏
    *కలువలు వికసించె రవినిఁ గాంచి ముదమునన్*

    *కం||*

    ఇల చలి చంద్రుని జూడగ
    కలువలు వికసించె, రవినిఁ గాంచి ముదమునన్
    వలచిన నా చెలి బిగి కౌ
    గిలి పట్టిటతొలి చలి గిలి గింతలు బెట్టెన్!

    *కళ్యాణ్ చక్రవర్తి, ముంబాయి**
    💐🌸💐🌸💐🌸

    రిప్లయితొలగించు
    రిప్లయిలు
    1. రెండవ పూరణ 🙏🙏

      *కం::*

      కలికాలము లో నిజమిది
      విల విల లాడగ కలుషిత విపరీతమునన్
      కలకాదు జరుగు నమ్ముము
      కలువలు వికసించె రవినిఁ గాంచి ముదమునన్

      *కళ్యాణ్ చక్రవర్తి, ముంబాయి**
      🙏🙏💐💐🌸🌸🌹🌹

      తొలగించు
    2. మీ రెండు పూరణలు బాగున్నవి. అభినందనలు.

      తొలగించు
  17. కలువల రాయని బొడగని
    గలువలు వికసించె;రవిని గాంచి ముదమునన్
    పలువురు దోయిలి యొగ్గిరి
    నలువపినాకి హరుడంచు నర్ఘ్యములిడుచున్

    రిప్లయితొలగించు
  18. తెలతెలవాఱ దిగంత
    మ్ములు చెలరేఁగి పొడవంగఁ బుణ్యాద్రి వెసం
    దలుకునఁ దామర, లేడ్వం
    గలువలు, వికసించె రవినిఁ గాంచి ముదమునన్

    [అద్రి = సూర్యుఁడు]


    కలువల జంట కన్నుగవ గాఁగ శశాంకుని బోలు మోముతో
    వెలుఁగుచు భక్తి తత్పరత విష్ణు మనోరమ లక్ష్మి నెంచుచుం
    జెలియలు నోము నోచుకొని చెన్నుగ నక్కకుఁ బ్రేమ తోడ రూ
    కలు వలు విచ్చె భాస్కరునిఁ గాంచిన వెంటనె మోదమందుచున్

    [వలువు = వస్త్రము; భాస్కరునిఁ గాంచిన వెంటనె : ఉదయము కాఁగానే]

    రిప్లయితొలగించు
  19. నెలరాజు నింగికెగయగ
    కలువలు వికసించె, రవినిఁ గాంచి ముదమునన్
    తెలతెలవారుచునుండగ
    నలినములన్నియునువిరిసినందముగూర్చెన్

    రిప్లయితొలగించు
  20. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    "కలువలు విచ్చె భాస్కరునిఁ గాంచిన వెంటనె
    మోద మందుచున్"

    సందర్భము:
    యస్మిన్ రమంతే మునయో
    విద్యయా౽జ్ఞాన విప్లవే
    తం గురుః ప్రాహ రామేతి
    రమణా ద్రామ ఇత్యపి
    (అధ్యాత్మ రామాయణం బా.కాం.3-40)
    జ్ఞానంతో అజ్ఞానం నశించినాక మును లెవనియందు రమిస్తారో యెవడు సౌందర్యంతో నానందింపజేస్తాడో అతనికి రాము డని వశిష్ఠుడు నామకరణం చేశాడు.
    "రము క్రీడ యని ధాతు రమ్యార్థ మమరు
    రమయతి యన నొప్పు రామ నామంబు.."
    (శ్రీ రంగనాథ రామాయణం బా.కాం.)
    రామచంద్రు డనీ రామభద్రు డనీ జనులు పిలువసాగిరి. రామచంద్రు డంటే రాము డనే చంద్రుడు. రామచంద్రు డని పిలుస్తున్నప్పుడు రామసూర్యు డని మాత్రం ఎందుకు పిలువకూడదు? రాము డనెడు సూర్యు డని అర్థం. ఇది ఈ పద్యంలో కొత్త ప్రయోగం.
    రాముడు వానర సేనతో లంకను ముట్టడించగానే ఇదివరకే (ఆంజనేయుని లంకాదహనంలాంటి భీకర కృత్యాల చూచినారు కాబట్టి) కలువ ల్లాంటి అనేక రాక్షసుల ముఖాలు ముడుచుకోసాగినవి ముం దేం జరుగుతుందో అని.. ఎందుకంటే *రామ సూర్యుడు* అని తోచింది వారికి. సూర్యుడు రాగానే కలువలు ముడుచుకుంటాయి కదా!
    కొద్దిమంది రాక్షసుల ముఖాలు మాత్రం వికసించసాగినవి. ముందు ధర్మమే జయిస్తుందని.. ఎందుకంటే *రామచంద్రుడు* అని తోచింది వారికి. చంద్రుడు రాగానే కలువలు విచ్చుకుంటాయి కదా! వారు విభీషణ మిత్ర బాంధవులు.. వారంతా ధర్మ ప్రియులు.
    ఈ విషయం గమనించిన దేవతలు "కలువలు విచ్చె భాస్కరుని గాంచిన వెంటనే.." అనుకున్నారు.

    విభీషణాప్తులు= విభీషణునికి ఆప్తులు.. ధర్మ ప్రియులు
    ~~~~~~~~~~~~~~~~~~~~~~~
    లలిని సహస్రరశ్మివలె .
    రాముడు లంకను ముట్టడింప దై
    త్యులకును *రామసూర్యు* డని
    తోచె.. ననేక ముఖాలు కల్వలై
    వెలవెలబోయెఁ.. గల్వ లటు
    విచ్చెను కొన్ని ముఖాల్ విభీషణా
    ప్తులకును *రామచంద్రు* డని
    తోచి, సురల్ గనిపెట్టి యి ట్లనన్
    "కలువలు విచ్చె భాస్కరునిఁ
    గాంచిన వెంటనె మోద మందుచున్"

    ✍️~డా.వెలుదండ సత్యనారాయణ
    పరమార్థ కవి
    19.12.19
    -----------------------------------------------------------

    రిప్లయితొలగించు
  21. కం.

    కలికాలము పొగచూరగ
    కలుషిత వాతావరణము క్రమ్మగ ధరణిన్
    తెలియక రాత్రో పగలన
    కలువలు వికసించె రవిని గాంచి ముదమునన్

    వై. చంద్రశేఖర్

    రిప్లయితొలగించు
  22. చలిదాయ పొడిచి నంతనె
    నులివెచ్చని కాంతిరేఖ నుదుటిని ముద్దా
    డ లలన విశాలమౌ కను
    గలువలు వికసించె రవినిఁ గాంచి ముదమునన్

    రిప్లయితొలగించు
  23. జలజుని గాంచిన తోడనె
    కలువలు వికసించె, రవినిఁ గాంచి ముదమునన్
    కొలనున గల తామరలే
    యలరారెను గాంచుమంటి యద్భుత రీతిన్.

    రిప్లయితొలగించు
  24. పిలిచెను కుక్కుటమ్మనుచు వేగిరమందున తూర్పుదిక్కులో
    వెలుగుల ఱేడు వచ్చె నులివెచ్చని కాంతిమయూఖ యుక్తుడై
    పొలతి కపోలమందవియె ముద్దిడ ముద్దియ లోచనాలనే
    కలువలు విచ్చె భాస్కరునిఁ గాంచిన వెంటనె మోదమందుచున్

    రిప్లయితొలగించు
  25. చలిపులి బారినం బడిన శారదరాత్రిని వాంఛ హెచ్చగా
    నిలునిలు మంచు మోహమున నెచ్చెలి నందుచు నా మగండు తాఁ
    జెలఁగుచుఁ గన్ను’లెర్రబడి’ చెక్కిలి ముద్దిడ, గేస్తురాలి కన్
    "గలువలు విచ్చె భాస్కరునిఁ గాంచిన వెంటనె మోదమందుచున్"

    రిప్లయితొలగించు
  26. కళకళలసోముగనుగొని
    కలువలువికసించె,రవినిగాంచిముదమునన్
    నిలమసలుప్రాణులన్నియు
    కలకాలముబ్రదుకదలచెగలియుగమందున్

    రిప్లయితొలగించు
  27. వలవెలుగుఁ గాంచి నంతనె
    యలరారును కలువలన్ని యద్భుత రీతిన్
    తెలియక పలుకకు, మెక్కడ
    కలువలు వికసించె రవినిఁ గాంచి ముదమునన్?

    రిప్లయితొలగించు
  28. చలువల బచ్చరాల్చు కడు చల్లని కౌముది సోకినంతనే
    కలువలు విచ్చె, భాస్కరునిఁ గాంచిన వెంటనె మోదమందుచున్
    కొలనున తామరల్ విరిసె కోమ్మల పైగల పక్షిరాజముల్
    పలికెను స్వాగతమ్ములట పాఱగ ధ్వాంతము, వెల్గునిండెనే.

    రిప్లయితొలగించు
  29. చలువలరాయని వెలుగుల
    కలువలు వికసించె; రవినిఁ గాంచి ముదమునన్
    జలజములు విరిసె సరసున;
    వలపున సఖుఁ గని మురియుట పరిపాటి గదా

    రిప్లయితొలగించు
  30. చంపకమాల
    వెలుగుచు మంత్రులై పడసి పేర్మిని సంపద లెన్నొ, యెన్నికన్
    స్ఖలనము నంది నాయకుడుఁ జంద్రుని బోలుచు నస్తమించగన్
    గల కల సూర్యతేజమున గద్దియ నెక్కిన నేతఁ జేరఁ గ
    న్గలువలు విచ్చె భాస్కరునిఁ గాంచిన వెంటనె మోదమందుచున్

    రిప్లయితొలగించు
  31. కలువలరాయడంబరము కాంతులనింపగ సమ్ముదంబుగా
    కలువలు విచ్చె, భాస్కరునిఁ గాంచిన వెంటనె మోదమందుచున్
    నలినములన్ని మానసము నందమునొందగ విచ్చె నీటిలో
    సలలిత భావవీచికలు సత్కవి డెందము సందడించగన్.

    రిప్లయితొలగించు
  32. మూడవ పాదం సవరణ
    నలినములన్ని చూడ్కులకు నందముగూర్చుచు విచ్చె నీటిలో

    రిప్లయితొలగించు
  33. కలువలువిచ్చెభాస్కరునిగాంచినవెంటనెమోదమందుచున్
    కలువలువిచ్చవెన్నటికిఖాంకునిజూడగనెట్టిచోటులన్
    గలువలువిచ్చురేవెలుగుగాంచినవెంటనెసంతసంబునన్
    నలికులవేణి!నీమదినినాయతరీతినినెంచుమాయిదిన్

    రిప్లయితొలగించు
  34. కందం
    ఫెళఫెళ శివధనువు విఱచి
    పొలయఁగ రాముండు వంశ మూలపురుషుఁడై
    పులకల కుజ మోమునఁ గ
    న్గలువలు వికసించె రవినిఁ గాంచి ముదమునన్

    రిప్లయితొలగించు