శంకరార్యుల కల! దుష్టులెల్ల రాముని లా మారి పరిపాలిస్తే ఎంత బాగుండునో నద్వందమై, ఏకం సత్ గా వెల్గు భువి కదా!
ఆ ముని మాపు వేళ కల నాకొక టొచ్చెను కైపదమ్ముగా సామము గాను దోచినది చక్కటి పూరణ లెల్ల చేయనా రాముఖ మైన వాక్యమదె! రండి సవాలును స్వీకరించుడీ "రాముఁడె రావణుండయి ధరాతల మేలుట పాడియౌఁ గదా"
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండినడిరేయి సరదా పూరణ:
దోమలు త్రోలగా తనరి తొంగుచు దిల్లిని తల్లి పుత్రుడున్
కామము క్రోధమున్ విడిచి కాంగ్రెసు నేతయె రాజభూమినిన్
నీమము లేని దేశమున నీటుగ పార్టిని జంపుజేయుచున్
రాముఁడె రావణుండయి ధరాతల మేలుట పాడియౌఁ గదా
రాజభూమి = Rajasthan
మన పార్టీలో ఉంటే రాముడు. పార్టీ మారితే రావణుడు. బాగుంది మీ సరదా పూరణ. అభినందనలు.
తొలగించండి🙏
తొలగించండిలడ్డకునచొచ్చిసైనికు లంత జంప
రిప్లయితొలగించండియత్న మొనరించ చైనాకు నడ్డు దగిలి
శాంతి పన్నాలు జెప్పని శాల్తి, యగ్గి
రాముఁడే రావణుండైన ప్రజకు మేలు.
శాల్తి-రూపము
అగ్గిరాముడు-సమర్థుడు
మీ పూరణ బాగున్నది. అభినందనలు.
తొలగించండి
రిప్లయితొలగించండినీమపు కే.వి.రెడ్డి భళి నేరుపు మీరగ నాకమందునన్
ప్రేమను రామగాథగొని పిక్చరు తీయగ నాంధ్రభాషనున్
గోముగ మెండు పాత్రలను గొప్పగ నాడెడు నందమూరుడౌ
రాముఁడె రావణుండయి ధరాతల మేలుట పాడియౌఁ గదా
తొలగించండిఆటవిడుపు సరదా పూరణ:
(జిలేబి గారికి అంకితం) 👆
రాముడుగా, రావణుడుగా నటించి మెప్పించిన ఎన్టీఆర్ ను ప్రస్తావించిన మీ పూరణ బాగున్నది. అభినందనలు.
తొలగించండి🙏
తొలగించండిసమస్య :-
రిప్లయితొలగించండి"రాముఁడె రావణుండయి ధరాతల మేలుట పాడియౌఁ గదా"
*కందం**
కటువైన మనసు గల్గిన
యిట రాముఁడె రావణుండయి ధరాతల మే
లుట పాడియౌఁ గదా ! హిత
మెటులైనను జేయనెంచ యిష్టము పడరే
...................✍️చక్రి
ఉత్పలమాల పాదాన్ని కందంలో ఇమిడ్చి చేసిన మీ పూరణ బాగున్నది. అభినందనలు.
తొలగించండి"...గల్గిన నిట..." అనండి.
రిప్లయితొలగించండిరాముఁడే రావణుండైన ప్రజకు మేలు
కలుగ నా జిలేబి యతడక్షరుని పుట్టు
కయని కొనియాడ బడునకొ? కర్మసాక్షి
వంశమునకు కీర్తియు మరి వచ్చు భువిని?
జిలేబి
క్షమించాలి. మీ పద్యంలోని భావం నాకు బోధపడలేదు.
తొలగించండి
రిప్లయితొలగించండికందోత్పల
తృటికాలము తలచితి బా
యిట రాముఁడె రావణుండయి ధరాతల మే
లుట పాడియౌఁ గదా యని!
తటాలు వచ్చెనదె నవ్వు తన్నుకొని సుమా!
జిలేబి
మీ కందోత్పలమాల బాగున్నది. అభినందనలు.
తొలగించండినేటి శం కరాభరణము వారి సమస్య
రిప్లయితొలగించండిదుర్వ్యాపారంబెజనుల దు:ఖము ద్రోచున్
ఇచ్చిన పాదము కందము
నా పూరణ మహాక్కరలో
స్వర్గ లోకములో అర్జునుని తో ఊర్వసి పలుకు పలుకులు
ఘనముగ నగారి వరముతో బుట్టిన కౌంతేయ! పెరిగె నీ పైకోరిక ,
తనువున ఘడియ ఘడియకును మదన తాపంబు తీవ్రమై బాధించగ
మనసు వశము దప్పుచు నుండె, ,మగువకు మచ్చను గూర్చు దుర్య్వాపారంబె
జనుల దు: ఖము ద్రోచునని కడు దోషంబుగ పల్కుట పాడికాదు,
వినుము విజయా!యిచట లేవు నైతిక విలువలనుచు నూర్వసి వచించెను
మీ పూరణ బాగున్నది. అభినందనలు.
తొలగించండిలవకుశులు అయోధ్య నుంచి తిరిగి వచ్చి బాధతో తమ తల్లితో పలుకు సందర్భము
రిప్లయితొలగించండిగర్భ వతియగు సీతను కారడవికి
పంపెను జననీ ,ఘనుడని పలుక లేము
రాముడే రావణుండైన ప్రజకు మేలు
కలుగ దనుచు లవకుశులు పలికె రపుడు
మీ పూరణ బాగున్నది. అభినందనలు.
తొలగించండి"పలికి రపుడు" టైపాటు.
నీమము తప్పకూడదని ,నెమ్మి ని కూర్చుచు పాలనంబు నే
రిప్లయితొలగించండినీ మహి లోన చేతునుగ నెన్నడు, భార్యను కానల కంపగన్ ప్రజా
క్షేమము కల్గుగా ననుచు చింతన చేయచు నుండునట్టి శ్రీ
రాముడె రావణుం డయి ధరాతల మేలుట పాడియౌ గదా
గర్భవతి సీతను అడవులకు పంపిన సమయములో కౌసల్య రాముని కాంచి ఆవేశముగా పలికిన పల్కులు
మీ పూరణ బాగున్నది. అభినందనలు.
తొలగించండిరెండవ పాదంలో గణభంగం. సవరించండి.
రాముడు కృష్ణుడై వెలిగి రంజిలజేసి ప్రజాళినంతటన్
రిప్లయితొలగించండివేమన పాత్రదాల్చి కనువిందొనరించిన నాయకుండు సం
గ్రామము జేసి విప్రులకు గ్రాసము ద్రుంచెను; చిత్రసీమలో
రాముఁడె, రావణుండయి ధరాతల మేలుట పాడియౌఁ గదా
మీ పూరణ ప్రశస్తంగా ఉన్నది. అభినందనలు.
తొలగించండి(సీతాపరిత్యాగం కావించిన శ్రీరాముని
రిప్లయితొలగించండిగూర్చి భరతునితో నిష్ఠురమాడుతున్న శత్రుఘ్నుడు )
ఆ మునిసన్నుతాంగుడు ; నృ
పాగ్రణి ; మంజులభాషణుండునున్ ;
శ్యామలకోమలాంగుడును ;
శాంతుడు ; శాత్రవభీకరుండునున్ ;
వామవిలోలలోచనను
వందిత ; జానకి నంపె గానకున్
రాముడె రావణుండయి ; ధ
రాతల మేలుట పాడియౌ గదా !!
మీ పూరణ ప్రశస్తంగా ఉన్నది. అభినందనలు.
తొలగించండి
రిప్లయితొలగించండిశంకరార్యుల కల! దుష్టులెల్ల రాముని లా మారి పరిపాలిస్తే ఎంత బాగుండునో నద్వందమై, ఏకం సత్ గా వెల్గు భువి కదా!
ఆ ముని మాపు వేళ కల నాకొక టొచ్చెను కైపదమ్ముగా
సామము గాను దోచినది చక్కటి పూరణ లెల్ల చేయనా
రాముఖ మైన వాక్యమదె! రండి సవాలును స్వీకరించుడీ
"రాముఁడె రావణుండయి ధరాతల మేలుట పాడియౌఁ గదా"
జిలేబి
మీ పూరణ బాగున్నది. అభినందనలు.
తొలగించండి'వచ్చెను'ను 'ఒచ్చెను' అనడం వ్యావహారికం.
కనగ యవినీతి పెరిగిన కాలమ౦దు
రిప్లయితొలగించండిచక్క పాలన చేయ౦గ సాధ్యమగునె
నేరగాళ్ళను సిక్షి౦ప ఘోరమైన
రాముడే రావణు౦డైన ప్రజకు మేలు
మీ పూరణ బాగున్నది. అభినందనలు.
తొలగించండి"కనగ నవినీతి... చక్కగా పాలనము జేయ సాధ్యమగునె నేరగాండ్రను శిక్షింప..."
ఉత్తరమున మేలయిన నాసత్తి జూపి
రిప్లయితొలగించండిప్రజలు మెచ్చెడి రీతిన పాలననిడు
రాముఁడే రావణుండైన ప్రజకు మేలు
దక్షిణమున తలంచిరి లక్షణముగ
మీ పూరణ బాగున్నది. అభినందనలు.
తొలగించండిమైలవరపు వారి పూరణ
రిప్లయితొలగించండిభీముడు దుస్ససేనుఁగని భీతిని పారిననాడు., నింగిలో
సోముడు మండుటెండలను సూర్యుని వోలె దహించునప్డుడా...
పాములు కోరలన్ సుధలు పంచెడి కాలమునందునెంచ శ్రీ...
రాముఁడు రావణుండయి ధరాతలమేలుట పాడియౌ కదా!
మైలవరపు మురళీకృష్ణ వెంకటగిరి
మరొక పూరణ 🙏
తొలగించండిలంకలోని ఇద్దరు రాక్షసస్త్రీలు ఇలా అనుకొంటున్నారట..
🙏శ్రీరామచంద్రం భజే💐🙏
ప్రేమకు మారురూపమట., పెద్దల గాంచిన మ్రొక్కునంట., యెం..
తో మురిపించు మాటలట., యోర్మికి దా ప్రతిరూపమంట., ఆ..
నామమె బల్క జాలునట., న్యాయము ధర్మము దప్పడంట., యీ..
భూమిజ లేని దుఃఖమున భోరునయేడ్చుచునుండెనంట.,శ్రీ రాముడు.,.. *వీని పాలనను* రక్తపుటేరులు పారు., లంకలో
నేమి సుఖమ్ము పొందితిమి., ఎప్పుడు యుద్ధమటన్నభీతియే!
నేమము దప్పి దెచ్చెనవనీతనయన్., హితులెంత చెప్పినన్
కాముకవృత్తి మానడిక గర్వపుపాలును మెండు వీనికిన్!
భామిని! కోరుకొందమిటు భావ్యమెయౌ గద! కొంతకాలమేన్
రాముడు రావణుండయి ధరాతలమేలుట పాడియౌ కదా!
మైలవరపు మురళీకృష్ణ వెంకటగిరి.
మైలవరపు వారి పూరణలు రెండూ ప్రశస్తంగా ఉన్నవి.
తొలగించండిఅష్ట కష్టాలు తప్పవీ యవని యందు
రిప్లయితొలగించండిరాముడే రావణుండైన : ప్రజకు మేలు
రాముడే రాముడై యుండ రహి చెలంగి
సౌఖ్య భోగాల దే లరే సంత సమున
విరుపుతో మీ పూరణ బాగున్నది. అభినందనలు.
తొలగించండినేమముతోడ పాలనము నిర్మలమౌ గతి చేయుచున్ ప్రజా
రిప్లయితొలగించండిక్షేమము కల్గజేయునట చిన్మయ రూపుడు, నీతిలేని యీ
కాముకుడై చరించు దశకంఠని కంటెను, మేలు గల్గ యా
రాముఁడె రావణుండయి ధరాతల మేలుట పాడియౌఁ గదా
మీ పూరణ బాగున్నది. అభినందనలు.
తొలగించండి"మేలు గల్గ నా రాముడె"
ఏమర జేయుచున్ బ్రజల నేలుచు నేలిక మత్సరమ్మునన్
రిప్లయితొలగించండినీమములెంచ కుండ ప్రతి నేతల, వారల మెచ్చు వారలన్
బాముల పాలు చేయు నెడ పాలనమున్ తగ మార్పు జేయగా
రాముడె రావణుండయి ధరాతల మేలుట పాడియౌ గదా!
మీ పూరణ బాగున్నది. అభినందనలు.
తొలగించండిరామ రాజ్యమాదర్శము రక్ష నొసగ!
రిప్లయితొలగించండిసద్గుణుండు రాముడమిత సౌమ్యశాలి!
పోల్చ నిట్లు తగదెపుడు బుద్ధి మాలి!
"రాముఁడే రావణుండైన ప్రజకు మేలు"
మీ పూరణ బాగున్నది. అభినందనలు.
తొలగించండిఏమని యందు నేడు మతి హీనులు వేదికలెక్కి బల్కిరే
రిప్లయితొలగించండి"రాముఁడె రావణుండయి ధరాతల మేలుట పాడియౌఁ గదా"
ఆ మహనీయ మూర్తి సుగుణాత్ముడు శ్రీ రఘురాముడే గదా
తామసుడా మదోద్ధరు నధార్మికు గూల్చి జగమ్ము గాచెగా
మీ పూరణ బాగున్నది. అభినందనలు.
తొలగించండి13.07.2020
రిప్లయితొలగించండిఅందరికీ నమస్సులు🙏
సమస్యాపూరణం..
*తే గీ*
లాకు డౌనున గూడను రక్ష నిడక
మంచి జెప్పిన వినలేని మానవులకు
మంచి నేతల యందున మార్పు వచ్చి
*"రాముఁడే రావణుండైన ప్రజకు మేలు"*
*కళ్యాణ్ చక్రవర్తి, ముంబాయి*
🙏🙏
మీ పూరణ బాగున్నది. అభినందనలు.
తొలగించండిధన్యవాదాలు గురువు గారు 🙏🙏
తొలగించండిఏమని జెప్పగా నగును యెంతయొనేర్పున నందమూరియే
రిప్లయితొలగించండిరాముఁడు కృష్ణుఁడై మరియు రావణ, కర్ణుడు చక్రవర్తి గా
ధీమతి యైవెలుం గనగ ధీరుడు వైభవ తారకా మనో
రాముఁడె రావణుండయి ధరాతల మేలుట పాడియౌఁ గదా!
మీ పూరణ బాగున్నది. అభినందనలు.
తొలగించండిచట్టమేమిసేయుననుచుజాఁగుతోను
రిప్లయితొలగించండిసంచరించెడిప్రజలనుసమయమెంచి
అంకుశంబునదరుముటహానికాదు
రాముఁడేరావణుండైనప్రజకుమేలు
మీ పూరణ బాగున్నది. అభినందనలు.
తొలగించండిరాముఁడుసకలసద్గుణధాముఁడిలను
రిప్లయితొలగించండిరామునాదర్శముగనెంచి నీమముగను
సత్యమార్గానచరియించు సద్గుణాభి
రాముఁడే రావణుండైన ప్రజకు మేలు
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిరాముడేరావణుండైనప్రజకుమేలు
రిప్లయితొలగించండికలుగకుండగగీడునేగలుగునెపుడు
పరమరక్కసులగుటనుబాల!వారి
సత్వమందుననుండవుజాలిదయలు
మీ పూరణ బాగున్నది. అభినందనలు.
తొలగించండిలోకములు మురియు నసుర లోక మణఁగు
రిప్లయితొలగించండిమునిగణ మడరు జీవించు జన గణమ్ము
భండనం బందు రవణమ్ము బాణ మూని
రాముఁడే రావణుండైన ప్రజకు మేలు
నీ మది శంక వీడు తగు నేర్పున నింపుగఁ బేర్చ శబ్దముల్
నీమము నెంచి పద్యముల లీలఁగ నౌనిక నర్థవంతముల్
గ్రామణి పాద మౌచితినిఁ గన్పడు గాంచుమ పండితోత్తమా
రాముఁడె రావణుండయి ధరాతల మేలుట పాడియౌఁ గదా
[పద విభజన: రావణుండు – రాముడె – అయి - ధరాతల మేలుట పాడియౌఁ గదా]
మీ రెండు పూరణలు ప్రశస్తంగ ఉన్నవి. అభినందనలు.
తొలగించండిపూజ్యులు శంకరయ్య గారికి నమఃపూర్వక ధన్యవాదములు.
తొలగించండిఏక పత్నీవ్రతుడతడు శోకహారి
రిప్లయితొలగించండిసకల జనవంద్యుడతగాడు సద్గుణుండు
రాముఁడే రావణుండైన ప్రజకు మేల
టంచు త్రిజట చెప్పెనటయా యంగనలకు.
నేమము తప్పకుండ కడు నిష్ఠగ ధర్మము నిల్పువాడె యీ
రిప్లయితొలగించండిభువిని పుట్టినట్టి జనపూజ్యుడు సద్గుణ శీలియైన యా
రాముడె రావణుండయి ధరాతలమేలుట పాడియౌఁ గదా
భామను బంధి సేయుటను పాపపు కృత్యమె లేకపోవునే.
రాముడెరావణుండయిధరాతలమేలుటపాడియౌగదా
రిప్లయితొలగించండిరాముడురావణుండయినలాభమెచేకురులంకకంతకున్
రామునిజన్మమున్నరయలంకవినాశనమొందజేయుచున్
భూమినిరక్షజేయగనుబుట్టెనువిష్ణువురాముగాభువిన్
నీమములేకదాయలునుతీరునుగాదనిహానిసేయగా
రిప్లయితొలగించండిసామముపాడిగాదనుచుసాయుధహస్తముచూపునయ్యెడన్
సేమముదేశమంతటనుసేఁగిఁదీర్చుచురాజునుండెగా
రాముఁడెరావణుండయిధరాతలమేలుటపాడియౌగదా
ఉ:
రిప్లయితొలగించండిసామెత నెంచ రక్కసుడు చక్కని చుక్కల పొందుగోరుటే
కాముకు డన్నతప్పిదము, కానెడ,సుంతయురాజ్య క్షేమమున్
నీమము తప్పలేదు గన నెట్టుల నివ్విధి భేదమెంచనో
రాముఁడె రావణుండయి ధరాతల మేలుట పాడియౌఁ గదా
వై. చంద్రశేఖర్
తేటగీతి
రిప్లయితొలగించండిబంగరుమయంపు లంకకు లింగని మది
నిల్పి పాండితీ ప్రభవెల్గు నేతయనఁగ
కాముకతవీడి ధర్మవిగ్రహమనఁదగు
రాముఁడే రావణుండైన ప్రజకు మేలు!
ఉత్పలమాల
హేమవినిర్మితమ్మనఁగ నింపొన గూర్చెడు లంకనేలుచున్
సోముని భక్తుడై మఱచి సుందరరామునిఁ గుందజేసెనే
కాముకుడౌచు నాశనము గాకను విగ్రహమైన ధర్మమే
రాముఁడె రావణుండయి ధరాతల మేలుట పాడియౌఁ గదా
ఈమహి ధర్మపాలనమె ధ్యేయముగా జనియించినాడు తా
రిప్లయితొలగించండినీమము దప్పడెన్నడును నెయ్యముజూపును సజ్జనాళిపై
భీముడు భండనమ్మునను పేదలపాలిటి దైవ మెవ్విధిన్
రాముడు రావణుండయి ధరాతలమేలుట పాడియౌగదా?
పాపులగు ఖలులను చ౦పి పాతకముల
రిప్లయితొలగించండిజేయు ద్రోహుల చంపడే శేషశాయి
హీను డనుభవి౦చవలెనుగా యె౦దునైన
ఆట్టి శిక్షను దైవమే యమలుపరచు
జనుల మాటల నాలించి జాలి వీడి
రిప్లయితొలగించండిపంపెనటసీతమాతను వనికి వేగ
రాముడే రావణుండైన ప్రజకు మేలు
కల్గునెట్లని లవకుశుల్ కలత బడిరి