తెలుగు భాషకు ఆస్ట్రేలియాలో అరుదైన గౌరవం లభించింది. అక్కడి బడుల్లో తెలుగును ఐచ్ఛిక అంశంగా చేరుస్తూ ఆస్ట్రేలియా ప్రభుత్వం కీలక ఆదేశాలిచ్చింది. దీంతో పన్నెండో తరగతి వరకు ప్రాథమిక, మాధ్యమిక పాఠశాలల్లో ఇకపై తెలుగు భాషను నేర్చుకునే అవకాశం కలగనుంది. ఈ ప్రకటన యావత్‌ ప్రపంచంలోని తెలుగు వారికి ఆనందాన్ని కలిగిస్తోంది. ఆస్ట్రేలియాలో ఇప్పటి వరకు హిందీ, పంజాబీ, తమిళ భాషలకే అక్కడి ప్రభుత్వ గుర్తింపు లభించింది. తాజాగా ఆ జాబితాలో నాలుగో భాషగా తెలుగు చేరింది. దీంతో ఆస్ట్రేలియాలోని వివిధ రాష్ట్రాల్లోని తెలుగు వారికి ప్రయోజనం కలగనుంది.తాజా ఆదేశాలతో తెలుగు భాషను ఆప్షనల్‌గా ఎంపిక చేసుకొన్న వారికి ఉత్తీర్ణతలో ఐదు పాయింట్లు అదనంగా ఇవ్వనున్నారు. ఇకపై శాశ్వత నివాసం కోసం తెలుగు భాష ఆధారంగా దరఖాస్తు చేసుకోవచ్చని ఆదేశాల్లో పేర్కొన్నారు. ఆస్ట్రేలియా ప్రభుత్వ ప్రకటన పట్ల స్థానిక తెలుగు సంఘాలు హర్షం వ్యక్తం చేశాయి. తెలుగు సమాఖ్య సభ్యులు, తెలుగుమల్లి, భువన విజయం వంటి సాంస్కృతిక సంస్థలు ఏళ్లుగా చేస్తున్న కృషికి దక్కిన ఫలితం ఇది.
వ్యాఘ్రుగ బుట్టె నీ వరుడు వాసిధనాఢ్యుగ తా ధనిష్ఠ యం దున్ ఘ్రుణియంగ చిత్తభజతో కరమందగ గాంచెనో సుతున్ శీఘ్రమె విష్ణు ఋక్షమున శ్రీలను గూర్చగ నెంచిచూడ నీ వ్యాఘ్రము సింహమున్ గలియ వానరు డొక్కడు పుట్టె వింతగన్
వ్యాఘ్ర = స్వకుల శ్రేష్ఠుడు. ధనిష్ట = ఈ నక్షత్రంలో పుట్టిన యోని సింహమగును. ఘ్రుణి = కాంతి చిత్తభజ = చిత్తా నక్షత్రంలో పుట్టిన కన్య (పులి యోని) విష్ణు నక్షత్రం = శ్రవణ నక్షత్రంలో జన్మించిన కోతి యోని.
ఈ విధంగా పై సమస్యను అనుసరించి చూడగా సింహమునకు పులికిని కోతి పుట్టినది చిత్రమే కదా !
రిప్లయితొలగించండినడిరేయి సరదా పూరణ:
వ్యాఘ్రపు కన్యనున్ వెదికి బంధువు లందున కానరాకయో
శీఘ్రపు రీతినిన్ కడకు సింహము గొల్లున గోలపెట్టగా
వ్యాఘ్రము దెచ్చి రోమునను వల్లభు నీయగ దిల్లి నందునన్
వ్యాఘ్రము సింహమున్ గలియ వానరుఁ డొక్కఁడు పుట్టె వింతగన్
మీ సరదా పూరణ బాగున్నది. అభినందనలు.
తొలగించండిసింహానికీ పులికీ పుట్టిన కోతి ఎవరో అందరికీ తెలిసినదే... :-)
🙏
తొలగించండిఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
గాఘ్రపు నామమున్ నదికి గారవ మొప్పెడు తీరమందునన్
గాఘ్రను చోళినిన్ గొనుచు గంతులు వేసెడి మర్కటమ్ములన్
శీఘ్రపు పొందు చూడగను సిగ్గును వీడుచు కాననమ్మునన్
వ్యాఘ్రము సింహమున్ గలియ; వానరుఁ డొక్కఁడు పుట్టె వింతగన్
తొలగించండి* నామపున్
మీ ఆటవిడుపు పూరణ బాగున్నది. అభినందనలు.
తొలగించండి"వీడుచు జూడ కానలో వ్యాఘ్రము సింహమున్; గలియ..." అంటే అన్వయం ఇంకా బాగుంటుందేమో?
🙏
తొలగించండిశీఘ్రమె రమ్ము సేనలను చిందర వందర జేసెనాతడే
రిప్లయితొలగించండివ్యాఘ్రము వోలె దూకి పగ వారల నందర జీల్చి చెండెనే
వ్యాఘ్రనఖాయుధుండతడవక్రపరాక్రముడాతడే భళా
వ్యాఘ్రము సింహమున్ గలియ వానరుఁ డొక్కఁడు పుట్టె వింతగన్
మీ పూరణ బాగున్నది. అభినందనలు.
తొలగించండికాననంబే మృగములకు కలను తెలుపు,
రిప్లయితొలగించండిఋక్ష రజుని సౌందర్యంబు ఋతుడు గాంచి
సంగమము నొనర్చగ నేమి సంభవించె,
వ్యాఘ్ర సింహములకు ,పుట్టె వానరుండు
మీ క్రమాలంకార పూరణ బాగున్నది. అభినందనలు.
తొలగించండిఋక్ష రజుడు శాప ము వలన. స్త్రీ ఐ సూర్యుడు ఇంద్రుడు సంగమము వలన వాలి సుగ్రీవులకు జనన మిస్తాడు
రిప్లయితొలగించండి
రిప్లయితొలగించండివాల్టు డిస్ని చిత్రము సహవాసమైన
వ్యాఘ్ర సింహములకుఁ బుట్టె వానరుండు
వేయ గాను గంతులు, సన్నివేశములకు
పిల్ల వాండ్రు పడిపడి నవ్విరి జిలేబి
జిలేబి
హాలీవుడ్ వాళ్ళు ఏమైనా చూపగలరు. మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండివడివడి మొక్కలము! పరుగు
లిడి "వ్యాఘ్రము సింహమున్ గలియ వానరుఁ డొ
క్కఁడు పుట్టె వింతగన్" వా
ల్టు డిస్ని చిత్రమును పిల్లలు పొడగనిరిగా
జిలేబి
మీ కందోత్పల పూరణ బాగున్నది. అభినందనలు.
తొలగించండివ్యాఘ్రమై సతి పతిపట్ల వ్యవహరించ
రిప్లయితొలగించండిచీల్చ వ్యాఘ్రంబుఁ గర్జన సేయు పతియు
కాదె నట్టి మృగంబుల కాపురంబుఁ
వ్యాఘ్ర సింహములకుఁ బుట్టె వానరుండు
మీ పూరణ బాగున్నది. అభినందనలు.
తొలగించండి"కాదె యట్టి..." అనండి.
నమస్కారము గురువుగారు
తొలగించండివ్యాఘ్రమై సతి పతిపట్ల వ్యవహరించ
తొలగించండిచీల్చ వ్యాఘ్రంబుఁ గర్జన సేయు పతియు
కాదె యట్టి మృగంబుల కాపురంబుఁ
వ్యాఘ్ర సింహములకుఁ బుట్టె వానరుండు
అవని జీవుల సింకారయనెడు జంతు
రిప్లయితొలగించండివ్యాఘ్ర సింహములకు బుట్టె-వానరుండు
నరునకున్ పూర్వరూపంబు నరయ నిట్టి
వింతలెన్నియో గలవు ఈ విశ్వచరిత!
విరుపుతో మీ పూరణ బాగున్నది. అభినందనలు.
తొలగించండిశీఘ్రత ప్రేమ జంటకిల జీవిక లేగతి పోయినన్ సరే
రిప్లయితొలగించండిశీఘ్రమె కావలెన్ పనులు సేమము కూడిన కూడకుండినన్
శీఘ్రపు తాళిబంధమున చేగొన సంతును వావిచెల్లకన్
వ్యాఘ్రము సింహమున్ గలియ వానరుడొక్కడు పుట్టె వింతగన్
మీ పూరణ బాగున్నది. అభినందనలు.
తొలగించండితండ్రి ఐపిఎస్ అధికారి తల్లి యట్లె
రిప్లయితొలగించండిఐయెయెస్ అధికారిణి యయ్యుఁ గొడుకు
పదియుఁ బాసుకాడె! జనులు పలికిరిట్లు
వ్యాఘ్ర సింహములకుఁ బుట్టె వానరుండు!
చక్కని పూరణ. అభినందనలు.
తొలగించండిశౌర్యమును జూపుటందున సాటియయ్యె
రిప్లయితొలగించండివ్యాఘ్ర సింహములకుఁ ; బుట్టె వానరుండు
ధరణిపయి రామబంటుగ , దనుజునుండి
పొలతి భూమిపుత్రికకు విముక్తి జేయ
విరుపుతో మీ పూరణ బాగున్నది. అభినందనలు.
తొలగించండిమైలవరపు వారి పూరణ
రిప్లయితొలగించండిఅడవిని గన భీతిని గూ..
ర్చెడు..
వ్యాఘ్రము సింహమున్ గలియ వానరుఁ డొ
క్కఁడు పుట్టె వింతగన్ ., మరి
వెడ కురురాడ్జన్మమట్టివేళనె జరిగెన్!!
మైలవరపు మురళీకృష్ణ వెంకటగిరి
తొలగించండిమైలవరపు వారు కూడా జిలేబీయమై కందోత్పలము లోనికి దిగిపోయేరు :)
వెల్కం టు ది వరల్డ్ ఆఫ్ జిలేబీ :)
జిలేబి
మైలవరపు వారి పూరణ ప్రశస్తంగా ఉన్నది.
తొలగించండిచెప్పిరేనాడొ బ్రహ్మము చెవిని పెట్ట
రిప్లయితొలగించండివి౦త లెన్నియొ జగతిని వెలుగు చూచు
న౦చు జరిగెగా నేడది అమలున౦దు
వ్యాఘ్ర సింహములకుఁ బుట్టె వానరుండు
మీ పూరణ బాగున్నది. అభినందనలు.
తొలగించండిపండితునకును శుంఠ సంప్రాప్తుడగును
రిప్లయితొలగించండిబాహుబలునకు కొరగాని వాడుఁగల్గు
వ్యాఘ్ర సింహములకుఁబుట్టె వానరుండు
కలిని వింతలు చోద్యమై చెలగుఁగాదె!
మీ పూరణ బాగున్నది. అభినందనలు.
తొలగించండిధన్యవాదములు
తొలగించండిధన్యవాదములు
తొలగించండితే.గీ//
రిప్లయితొలగించండినిత్య నైమిత్తికము నందు సత్యమైన
వైశ్వదేవ మహిమచేత వైద్యశాల l
నందు, వింతగొలుపు నట్టి చందమునకు
వ్యాఘ్ర సింహములకుఁ బుట్టె వానరుండు ll
మీ పూరణ బాగున్నది. అభినందనలు.
తొలగించండివిపిన మందున వసియించు భీకరంపు
రిప్లయితొలగించండిక్రూర మృగములకు తగవు గొప్ప గాను
వ్యాఘ్ర సింహములకు బుట్టె : వానరంబు
తరువు పైనుండి గాంచెను దాని నచట
విరుపుతో మీ పూరణ బాగున్నది. అభినందనలు.
తొలగించండికోరిరనుచు జాతకమును కోవిదుండు
రిప్లయితొలగించండిచెప్పెను ధనిష్ఠ దారయు చిత్త మగడు
సంపరాయుడు చూడగా శ్రవణము గన
వ్యాఘ్ర సింహములకుఁ బుట్టె వానరుండు
శీఘ్రముగన్ గనంగిటు నిశీధిని గూర్చిరి పూరణన్చు నే
రిప్లయితొలగించండిడీ "ఘ్ర"ను ప్రాస నిచ్చి రిట నేవిధి పూరణ సేయ జూడ గీ
దుర్ "ఘ్ర" నిటేవిధిన్ కలువదోర్పుగ గూర్చగ, నిక్కమేను యీ
వ్యాఘ్రము సింహమున్ గలియ వానరుఁ డొక్కడు పుట్టె వింతగన్
వాఘ్రె కుటుంబమన్న ధన వంతు లటంచు ధనిష్ఠ ధీతకున్
రిప్లయితొలగించండివ్యాఘ్రమె యోనియౌ వరుడు వాఘ్రెకు పెండిలి చేసినంతనే
శీఘ్రము గానుపుట్టెనొక జీవనుడే శ్రవణమ్ములో గనన్
వ్యాఘ్రము సింహమున్ గలియ వానరుఁ డొక్కఁడు పుట్టె వింతగన్
విరించివర్య ! వినూత్న ఊహ జేసిన మీకు జోహార్లు ! అయితే చిత్తను గూర్చియుండిన ఇంకా రసవత్తరంగా ఉండేదేమో !
తొలగించండివాఘ్రె కుటుంబమన్న ధన వంతు లటంచు ధనిష్ఠ ధీతకున్
రిప్లయితొలగించండివ్యాఘ్రమె యోనియౌ వరుడు వాఘ్రెకు పెండిలి చేసినంతనే
శీఘ్రము గానుపుట్టెనొక జీవనుడే శ్రవణమ్ములో గనన్
వ్యాఘ్రము సింహమున్ గలియ వానరుఁ డొక్కఁడు పుట్టె వింతగన్
వ్యాఘ్రము కేసరిన్ లలి దవమ్మున క్రుమ్మర పుట్టె సింఘ్రి యా
రిప్లయితొలగించండివ్యాఘ్రము సింహమున్ గలియ, వానరుఁ డొక్కఁడు పుట్టె వింతగన్
శీఘ్రముగా చరించుచును చేయుచు కోతులఁ బోలు కృత్యముల్
వ్యాఘ్రము వంటి వీరునకు పండిత పుత్రుడె యన్నరీతిగా
కలియుగపుమాయచేతనుగక్ష్యకమున
రిప్లయితొలగించండివ్యాఘ్రసింహములకుబుట్టెవానరుండు
చూచుచుంటిమియటువంటిచోద్యములను
వీరబ్రహ్మమువ్రాసెవిచిత్రములను
వ్యాఘ్రముసింహమున్గలియవానరుడొక్కడుపుట్టెవింతగన్
రిప్లయితొలగించండివ్యాఘ్రముసింహముల్దలపబద్ధవిరోధులుగాదెజూడగా
వ్యాఘ్రపుసంగమంబునటవానరమొక్కటిపుట్టవింతయే
శీఘ్రపుమాటలోనటులజెప్పెనుబాలుడుతల్లడింపుతో
వ్యాఘ్రమైసతిపతినెప్డు వ్యగ్రఁబరుప
రిప్లయితొలగించండిశీఘ్రమేమారునాతఁడు సింగముగను
వారి సంసారగమనమీతీరునుండ
వ్యాఘ్ర సింహములకుఁ బుట్టె వానరుండు
పుట్టెను గరోన సమయించఁ బుడమి నెల్లఁ
రిప్లయితొలగించండిగన్న కొడు కైనఁ దండ్రినిఁ గాంచ రాఁడు
కలియుగ మహిమ మేమని పలుకఁ గలను
వ్యాఘ్ర సింహములకుఁ బుట్టె వానరుండు
[వానరుఁడు = వన సంబంధములను భక్షించు వాఁడు]
దఘ్రత దైవలీల లవి ధారుణి వింతలు కావె చూడ నా
దఘ్రయ సంభ్రమమ్మది వృథాగతి యయ్యెను గాంచఁగా ననన్
వ్యాఘ్రిని సింహినిం దమిని నామృగ రక్షణ శాల నింపుగా
వ్యాఘ్రము సింహముం గలియ వానరుఁ డొక్కఁడు పుట్టె వింతగన్
[ఆదఘ్ +రయ = ఆదఘ్రయ: నిరాశ వేగము; దఘ్ +రత =దఘ్రత: కాపాడ నాసక్తి]
నరుఁడువిజ్ఞానశాస్త్రంబుమర్మమరయ
రిప్లయితొలగించండిజీవగతులనుశోధించిచేవఁదెలిసె
కానిదేమున్నదీరీతికాంక్షయుండ
వ్యాఘ్రసింహములకుఁబుట్టెవానరుండు
తెలుగు భాషకు ఆస్ట్రేలియాలో అరుదైన గౌరవం లభించింది. అక్కడి బడుల్లో తెలుగును ఐచ్ఛిక అంశంగా చేరుస్తూ ఆస్ట్రేలియా ప్రభుత్వం కీలక ఆదేశాలిచ్చింది. దీంతో పన్నెండో తరగతి వరకు ప్రాథమిక, మాధ్యమిక పాఠశాలల్లో ఇకపై తెలుగు భాషను నేర్చుకునే అవకాశం కలగనుంది. ఈ ప్రకటన యావత్‌ ప్రపంచంలోని తెలుగు వారికి ఆనందాన్ని కలిగిస్తోంది. ఆస్ట్రేలియాలో ఇప్పటి వరకు హిందీ, పంజాబీ, తమిళ భాషలకే అక్కడి ప్రభుత్వ గుర్తింపు లభించింది. తాజాగా ఆ జాబితాలో నాలుగో భాషగా తెలుగు చేరింది. దీంతో ఆస్ట్రేలియాలోని వివిధ రాష్ట్రాల్లోని తెలుగు వారికి ప్రయోజనం కలగనుంది.తాజా ఆదేశాలతో తెలుగు భాషను ఆప్షనల్‌గా ఎంపిక చేసుకొన్న వారికి ఉత్తీర్ణతలో ఐదు పాయింట్లు అదనంగా ఇవ్వనున్నారు. ఇకపై శాశ్వత నివాసం కోసం తెలుగు భాష ఆధారంగా దరఖాస్తు చేసుకోవచ్చని ఆదేశాల్లో పేర్కొన్నారు. ఆస్ట్రేలియా ప్రభుత్వ ప్రకటన పట్ల స్థానిక తెలుగు సంఘాలు హర్షం వ్యక్తం చేశాయి. తెలుగు సమాఖ్య సభ్యులు, తెలుగుమల్లి, భువన విజయం వంటి సాంస్కృతిక సంస్థలు ఏళ్లుగా చేస్తున్న కృషికి దక్కిన ఫలితం ఇది.
రిప్లయితొలగించండి
తొలగించండిఇక అక్కడ కూడా జిలేబీలను వేసుకోవచ్చన్న మాట :)
ఓ భేషుగ్గా ను
తొలగించండిఓ భేషుగ్గా ను
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఉ:
తొలగించండివ్యాఘ్రము వోలు దర్పమున వర్ధిలు భూసురు డింతియెంపికై
వ్యాఘ్రస మెంచి చేరగొనె వక్రత గాంచెను సింహ రూపమున్
శీఘ్రమె కోర్కెదీర గనె చిన్ని కుమారుని లోకులిట్లనన్
వ్యాఘ్రము సింహమున్ గలియ వానరుడొక్కడు పుట్టె వింతగన్
వై. చంద్రశేఖర్
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండివ్యాఘ్రుగ బుట్టె నీ వరుడు వాసిధనాఢ్యుగ తా ధనిష్ఠ యం
రిప్లయితొలగించండిదున్ ఘ్రుణియంగ చిత్తభజతో కరమందగ గాంచెనో సుతున్
శీఘ్రమె విష్ణు ఋక్షమున శ్రీలను గూర్చగ నెంచిచూడ నీ
వ్యాఘ్రము సింహమున్ గలియ వానరు డొక్కడు పుట్టె వింతగన్
వ్యాఘ్ర = స్వకుల శ్రేష్ఠుడు.
ధనిష్ట = ఈ నక్షత్రంలో పుట్టిన యోని సింహమగును.
ఘ్రుణి = కాంతి
చిత్తభజ = చిత్తా నక్షత్రంలో పుట్టిన కన్య (పులి యోని)
విష్ణు నక్షత్రం = శ్రవణ నక్షత్రంలో జన్మించిన కోతి యోని.
ఈ విధంగా పై సమస్యను అనుసరించి చూడగా సింహమునకు పులికిని కోతి పుట్టినది చిత్రమే కదా !