ఇంద్రుని భార్య భానుమతి యెల్లరకుం బ్రణమిల్లె భక్తితోన్
( కౌరవసభలో రారాజు పత్ని భానుమతి ప్రవేశించి ప్రజలకు అభివాదనం కావిస్తున్నది )
ఉత్పలమాల ------------
చంద్రుని వంశ్యుడై గదను జక్కగ ద్రిప్పు సుయోధనున్ ఘనుల్ సాంద్రత జుట్టుముట్టి తమ సర్వసమర్పణ జేయు దమ్ములున్ ; సంద్రము నంత భక్తి గల సభ్యులు గాంచుచునుండ ; ధీరరా జేంద్రుని భార్య ; భానుమతి యెల్లరకుం బ్రణమిల్లె భక్తితోన్ .
భద్రత లేదు భర్త కని, పాండవ సైన్యము తోడయుద్ధమున్ ఛిద్రము చేయు వంశమని, చేటని స్వప్నము కాంచెనిట్టులన్ నిద్రను జారి స్వర్గమున నిశ్చలతత్వము నేర్చె చెప్పగా ఇంద్రుని భార్య, భానుమతి యెల్లరకుం బ్రణమిల్లె భక్తితోన్
తనయుపెండ్లినిఁజూడంగతరలివచ్చు
రిప్లయితొలగించండిరాజులందరియెదుటనురాజసముగ
వీరురారాజుభార్యగావేడ్కనవని
నింద్రసతిభానుమతిమ్రోక్కెనెల్లరకును
మీ పద్యం బాగున్నది. కాని పూరణ యొక్క భావం అవగతం కాలేదు.
తొలగించండిపెండ్లికివచ్చినఅతిధులకునమస్కరించుటఅనుభావములోవ్రాసితిని
తొలగించండిక్రమముగా
రిప్లయితొలగించండిసంద్రము జిల్కబుట్టినది చక్కని వృక్షము గొన్నదెవ్వరో?
ఇంద్రుని పుత్రునిన్ గెలువ నెంచిన వీరుని భార్యయెవ్వరో
చంద్రుని మించుమోముగల చక్కని ద్రౌపది కృష్ణుడాదిగా
ఇంద్రుని భార్య, భానుమతి ,యెల్లరకున్ బ్రణమిల్లె
భక్తితోన్
మీ క్రమాలంకార పూరణ బాగున్నది. అభినందనలు.
తొలగించండిధన్యవాదములాచార్యా! నమోనమః!🙏🙏🙏
తొలగించండి
రిప్లయితొలగించండిమౌఖిక పరీక్ష యందున మగువ తెలిపె
లక్ష్మి భర్తయె శ్రీ హరి, లలన గౌరి
శంకరునిసతి యంచును శచియె కాదె
ఇంద్రసతి, భానుమతి మ్రొక్కె నెల్లరకును
చివర తనవిజయానికి చిహ్నముగను.
మీ పూరణ బాగున్నది. అభినందనలు.
తొలగించండిసమస్య :
రిప్లయితొలగించండిఇంద్రుని భార్య భానుమతి
యెల్లరకుం బ్రణమిల్లె భక్తితోన్
( కౌరవసభలో రారాజు పత్ని భానుమతి ప్రవేశించి ప్రజలకు అభివాదనం కావిస్తున్నది )
ఉత్పలమాల
------------
చంద్రుని వంశ్యుడై గదను
జక్కగ ద్రిప్పు సుయోధనున్ ఘనుల్
సాంద్రత జుట్టుముట్టి తమ
సర్వసమర్పణ జేయు దమ్ములున్ ;
సంద్రము నంత భక్తి గల
సభ్యులు గాంచుచునుండ ; ధీరరా
జేంద్రుని భార్య ; భానుమతి
యెల్లరకుం బ్రణమిల్లె భక్తితోన్ .
మీ పూరణ అద్భుతంగా ఉన్నది. అభినందనలు.
తొలగించండితెలుపుము రయముగా శచీ దేవి యెవరొ,
రిప్లయితొలగించండిరాజరాజు సతి యెవరు,రాము
డేమి,
చేసె మకుటమున్ బెట్టగా శిరము పైన
ఇంద్రసతి, భానుమతి, మ్రొక్కె నెల్లరకను
మీ క్రమాలంకార పూరణ బాగున్నది. అభినందనలు.
తొలగించండినహుషుడు దరి చేరగ రాగ నలత చెందె
రిప్లయితొలగించండిఇంద్రసతి ; భానుమతి మ్రొక్కె నెల్లరకును
కురుకులాభి వృధ్ధిని కోరు వారలకును
కౌరవ కుల వినాశకు కరము పట్టి
...భారతీనాథ్ చెన్నంశెట్టి...
మీ పూరణ బాగున్నది. అభినందనలు.
తొలగించండిక్రమాలంకారంలో -----
రిప్లయితొలగించండిదేశికా !తెలుపు ము శచీ దేవి యెవరు?
ఎవరు దుర్యోధనుని సతి యెఱుక పరచు?
ఏమి చేసె రాముడు వని కేగు వేళ?
ఇంద్ర సతి : భానుమతి : మ్రొక్కె నెల్లరకు ను
మీ పూరణ బాగున్నది. అభినందనలు.
తొలగించండి"...దేవి యెవ్వ । రెవరు... పరచు । మేమి...వేళ। నింద్రసతి.." అనండి. (పద్యం మధ్య అచ్చులు రాకుండా చూడండి)
ఈ కామెంట్‌ను రచయిత తీసివేశారు.
రిప్లయితొలగించండిమీ రెండు పూరణలు బాగున్నవి. అభినందనలు.
తొలగించండి1. సహదేవుని కురు వరేంద్రుఁ డన రాదండి. కౌరవేంద్రుఁ డన వచ్చును. కురువు చక్రవర్తి. యతని వంశము వారు కౌరవులు. ధర్మరా జాదులు దుర్యోధనాదు లిరువురుఁ గౌరవులే.
తొలగించండి2. ఈ సహదేవుని భార్య విజయ, యీమె యందుఁ బుట్టిన సుతుఁడు సుహోత్రుఁడు.
కురు వరేంద్రుఁడు. ఒక విధముగా సాధువే. కురు వంశమందు గొప్ప వారిలో గొప్పవాఁడు. రఘువరుని వలె.
తొలగించండితేటగీతి
తొలగించండివలచి సహదేవుఁడందరి పదములంటి
చక్రి పినతండ్రి కూతును సతిగఁ గొనఁగ
సంతసంబునందుచు జరాసంధ సుత వ
రేంద్రసతి భానుమతి మ్రొక్కె నెల్లరకును
ఉత్పలమాల
ఉత్పలమాల
సాంద్ర పరాక్ర మోన్నతుడు సద్గుణుడౌ సహదేవుడచ్చటన్
చంద్ర ముఖాన్వితన్ గొనఁగ చక్రికి చెల్లెలి వావియౌననన్
చంద్రిక జీవితానికను సంస్మరణన్, మగధంపురాజ పు
త్రేంద్రుని భార్య భానుమతి యెల్లరకుం బ్రణమిల్లె భక్తితోన్
రిప్లయితొలగించండిఇంద్రజ చిత్రరాజములనింపుగ పేర్చితి రమ్మనంగనే
చంద్రిక యామె మిత్రులును సంతస మందుచు కాంచి రచ్చటన్
చంద్రధరుండు పార్వతిని చక్రిని నాశచి దేవి యామెయే
యింద్రుని భార్య, భానుమతి యెల్లరుకున్ బ్రణమిల్లె భక్తితోన్.
మంచి పూరణ. అభినందనలు.
తొలగించండిచంద్రునివంటిమోముగలచానకుతోడుగరాజసంబునన్
రిప్లయితొలగించండిసంద్రముఁజుట్టినట్టిధరసామమునేలెడిరాజరాజునై
సాంద్రముగాగపౌరుషముచయ్యనజూపుసుయోధనున్ధరన్
ఇంద్రునిభార్యభానుమతియెల్లరకున్బ్రణమిల్లెభక్తితోన్
మీ పూరణ బాగున్నది. అభినందనలు.
తొలగించండి( వర లక్ష్మీ వ్రతమునకు వచ్చిన పేరంటాళ్ళకు, ఇంద్రుని భార్య, శచీ దేవి మరియు భాను మతి ఆహ్వానము పలపకుతున్నారు)
రిప్లయితొలగించండిచంద్రుని చెల్లి నోములను చక్కగ సేయగ వాణి పార్వతుల్
మంద్రపు మంత్ర ఘోషలటనంబరమంటగ , పేరటాలుకున్
సంద్రపు చల్ల గాలులును చక్కని పువ్వుల సౌరభమ్ముతో
ఇంద్రుని భార్య , భానుమతి యెల్లరకుం బ్రణమిల్లె భక్తితోన్”
...భారతీనాథ్ చెన్నంశెట్టి...
మీ పూరణ బాగున్నది. అభినందనలు.
తొలగించండివిప్రనారాయణ నగాసు విస్తృతముగ
రిప్లయితొలగించండిసిరులు గురిపించ , జలన జిత్ర దర్శ
కేంద్రసతి భానుమతి మ్రొక్కె నెల్లరకును
శతదినోత్సవ పండుగ సమయమందు
మీ పూరణ బాగున్నది. అభినందనలు.
తొలగించండిరెండవ పాదంలో గణభంగం. "గురిపించగ జలన.." అనండి.
🙏🏽
తొలగించండిభానుమతీ స్వప్నము.
రిప్లయితొలగించండిచంద్రుని వంశమంతయును సంగర మందున గూలిపోయి, క
ర్మేంద్రియముల్ దెగ న్స్వపము నేర్పడ దెల్పుచు భీతిజెంది రా
జేంద్రుల గావగా దలఁచి, చేతుల నెత్తి సుయోధనాధిరా
జేంద్రుని భార్య భానుమతి యెల్లరకుం బ్రణమిల్లె భక్తితోన్.
స్వపము-స్వప్నము (ఆం.భా)
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఅంగరంగవైభవమౌ కళింగ రాజ
రిప్లయితొలగించండిపుత్రికా స్వయంవరమును మిత్ర బృంద
సహితయై గాంచనేతెంచె స్వర్గ రాజ్ఞి
ఇంద్రసతి; భానుమతి మ్రొక్కె నెల్లరకును
మీ పూరణ బాగున్నది. అభినందనలు.
తొలగించండిఉ:
రిప్లయితొలగించండిఅంధ్రము నందు నొక్కనటి యాడుచు పాడుచు చిత్ర సీమలో
మంద్రక మైన మాటలును మత్తును గొల్పెడి గాన మాధురిన్
నింద్రుని భార్య తీరు నటియించిన చిత్రము ఖ్యాతి గాంచ నా
యింద్రుని భార్య, భానుమతి యెల్లరకుం బ్రణమిల్లె భక్తితోన్
అంధ్రము=తెలుగు దేశము
వై. చంద్రశేఖర్
మీ పూరణ బాగున్నది. అభినందనలు.
తొలగించండిధన్యవాదములు
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఇంద్రసుఖప్రదాఖిలమహీపరిపాలనగాఢవాంఛలన్
రిప్లయితొలగించండిసాంద్రదురాశయుండు ననుజన్ములు దోడ్పడ పాండుపుత్రరా
జేంద్రుల డాగురించి యభిషిక్తుడునౌ తరి నట్టి సార్వభౌ
మేంద్రుని భార్య భానుమతి యెల్లరకుం బ్రణమిల్లె భక్తితోన్.
కంజర్ల రామాచార్య.
మీ పూరణ అద్భుతంగా ఉన్నది. అభినందనలు.
తొలగించండి🙏🙏 రమణీయం, కమనీయం.
తొలగించండి~~~~~~~~~~~~~~~~~~~~
రిప్లయితొలగించండిసంద్రము రీతి రాజులును సజ్జ
నులున్ దృతరాష్టు పుత్రుడా
చంద్రకులోన్నతుండతని చక్క
ని పెండ్లికి వచ్చిరెందరో
మంద్రపు కంఠనాదమున మా
న్యులకున్ కమలాక్షి రాజ రా
జేంద్రుని భార్య భానుమతి
యెల్లరకున్ బ్రణమిల్లె భక్తితోన్
~~~~~~~~~~~~~~~~~~~~
విను శచీదేవియేగద విమల చరిత!
రిప్లయితొలగించండియింద్రసతి, భానుమతి మ్రొక్కె నెల్లరకును
దనదు పెండ్లికి మోదాన తరలి వచ్చు
దేశ దేశాల ప్రభువులు,తెరువరులకు
బలరిపుం డింద్రు వీక్షింప వచ్చినట్టి
రిప్లయితొలగించండిదేవమునులను గని శచీ దేవి నిత్య
తరుణి పౌలోమియె పతివ్రతా మతల్లి
యింద్రసతి భానుమతి మ్రొక్కె నెల్లరకును
[భానుమతి = ప్రకాశించునది]
ఇంద్ర సతీ సమాన తరళేక్షణ సువ్రత చారుశీల దే
వేంద్ర పురాభ పట్టణవ రేశ్వర వల్లభ గాంచి వ్యాస మౌ
నీంద్ర వరద్విజావలిని నింపుగ నంతట ధార్తరాష్ట్రు రా
జేంద్రుని భార్య భానుమతి యెల్లరకుం బ్రణమిల్లె భక్తితోన్
మంద్ర మనోజ్ఞ గానమున మానినులందరు స్వాగతింపనా
రిప్లయితొలగించండిచంద్రముఖిన్ శుభాంగినభిజాతను వేడ్కగ రాణివాసమున్
చంద్రకులోద్భవుండమితశక్తియుతుండు సుయోధనాఖ్య రా
జేంద్రుని భార్య భానుమతి యెల్లరకుం బ్రణమిల్లె భక్తితోన్
చంద్రుని బింబమున్ వలెను జక్కటి రూపుననుండునామెయే
రిప్లయితొలగించండియింద్రునిభార్య,భానుమతి యెల్లరకుంబ్రణమిల్లె భక్తితోన్
నింద్ర సమాన తేజులగు హైందవరాజుల రాకతోనొగిన్
చంద్రముఖారవిందయయి సంతస మప్పుడు పిక్కటీల్లగన్
రాజ రాజు చేయించెను రవ్వ నగలు
రిప్లయితొలగించండిసభను పుట్టిన దినమున సతికి నిచ్చె
తోసిరాజను చింద్రుని వాసి, కుమిలె
నింద్రసతి, భానుమతి మ్రొక్కె నెల్లరకును.
రిప్లయితొలగించండిఇంద్రుడు, జంద్రుడీతడన నిమ్ముగ జేకొనె నంచు నెంచుచున్
చంద్ర కులోద్భవున్ మదిని సన్నుతి జేసి సమాగమమ్మునన్
మంద్రముగా ధ్వనించు రస మాధురి వో లె వచించి రాజ రా
జేంద్రుని భార్య భానుమతి యెల్లరకుం బ్రణమిల్లె భక్తి తోన్!
-మాచవోలు శ్రీధరరావు
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిఉ: చంద్రుని బోలు నాననము చక్కని నాసిక శ్రోణి యందమున్
సాంద్రపు నీలి ముంగురులు శంఖు గళమ్మును కల్గి మించుచున్
మంద్ర గళమ్ముఁ గల్గు యభిమానధనుండుగు హస్తి వీడు రా
జేంద్రుని భార్య భానుమతి యెల్లరకుం బ్రణమిల్లె భక్తితోన్
భద్రత లేదు భర్త కని, పాండవ సైన్యము తోడయుద్ధమున్
రిప్లయితొలగించండిఛిద్రము చేయు వంశమని, చేటని స్వప్నము కాంచెనిట్టులన్
నిద్రను జారి స్వర్గమున నిశ్చలతత్వము నేర్చె చెప్పగా
ఇంద్రుని భార్య, భానుమతి యెల్లరకుం బ్రణమిల్లె భక్తితోన్