23-1-2023 (సోమవారం) కవిమిత్రులారా, ఈరోజు పూరింపవలసిన సమస్య ఇది... “పలుకన్ రానట్టి వాఁడు పాటలు పాడెన్” (లేదా...) “పలుకులు రానివాఁడు పలు పాటలు పాడె జనమ్ము మెచ్చఁగా” (జంధ్యాల సుబ్బలక్ష్మి గారి శతావధానంలో మల్లెల నాగరాజు గారి సమస్య)
కలుగక విద్య కైకొనియె కర్షక వృత్తిని గ్రామమందునన్ పలువురు గానకోవిదుల పాటల నిత్యము నాలకించుచున్ సులువుగ ధారణన్ సలిపి చోద్యముగానొక కూటమందునన్ పలుకులు రానివాఁడు పలు పాటలు పాడె జనమ్ము మెచ్చఁగా
కం:పలువురు గలగల లాడుచు కలసిరి చీటీ కి,మూగ గా శ్రమ పడుచున్ కలమును,కాగితమును గొని పలుకన్ రానట్టి వాడు పాటలు పాడెన్ (చీటీ పాటకి అంతా వచ్చారు.పలుకు రాని మూగ కలము,కాగితం తీసుకొని రాస్తూ పాటలు పాడాడు.)
చం:పలుకును నాస్తికత్వమునె,భ గ్గను రాముని పేరు చెప్పగా వలచెను గానవిద్య తన బాల్యమునందున గాన పాండితిన్ దెలుపగ రామచంద్రు పయి ,దేవుని దల్చెడు నాలుగేనియున్ పలుకులు రాని వాడు పలు పాటలు పాడె జనమ్ము మెచ్చగా (అతడికి రాముడి పై భక్తి లేదు.అలాంటి నాలుగు పలుకులు కూడా రావు.కానీ పాండిత్య ప్రదర్శన కోసం రాముడి పై సంగీతం పాడాడు.)
పలుకుల తల్లికరుణతో
రిప్లయితొలగించండినలవోకగబాలుడొకడునందరుమెచ్చన్
న్నతిసులువుగనేమాటలు
పలుకన్ రానట్టి వాఁడు పాటలు పాడెన్
మీ పూరణ బాగున్నది. అభినందనలు.
తొలగించండికందం
రిప్లయితొలగించండిచెలువంపు రూపమందునఁ
గులుకుచు నేపథ్య గాయకుఁడమర నటుడై
కిలకిల నగవులు సిందుచుఁ
బలుకన్ రానట్టి వాఁడు పాటలు పాడెన్
చంపకమాల
చెలువపు రూపమున్ గలుగ చేరె నటుండుగ చిత్రసీమలో
వెలయుచు వేషమందు తెర వెన్కను పాడఁగనుండ గాయకుం
డలరుచు హావభావముల నాంగికమొప్పగఁ బాత్రధారిగన్
బలుకులు రానివాఁడు పలు పాటలు పాడె జనమ్ము మెచ్చఁగా
మీ రెండు పూరణలు ప్రశస్తంగా ఉన్నవి. అభినందనలు.
తొలగించండివెలది యగు దెలుగు భాషన
రిప్లయితొలగించండిపలుకన్ రానట్టి వాఁడు , పాటలు పాడెన్
బొలమున నుండిన రైతులు
లలినొందునటుల సరియగు రసికత తోడన్
వెలది = నిర్మలము
మీ పూరణ బాగున్నది. అభినందనలు.
తొలగించండి"భాషను" అనండి.
🙏🏽
తొలగించండిఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిఇల మహ్మద్రఫియే కద
యలవోకగ తెలుగుపాట లవియెన్నియొ తా
బలుచిత్రములందు తెనుగు
పలుకన్ రానట్టి వాఁడు పాటలు పాడెన్.
మీ పూరణ బాగున్నది. అభినందనలు.
తొలగించండిపలుభాషా చిత్రములం
రిప్లయితొలగించండిదలవోకగ పాడగలుగునా గాయకుడే
తెలుగున నవకాశమొదవ
పలుకన్ రానట్టి వాఁడు పాటలు పాడెన్
మీ పూరణ బాగున్నది. అభినందనలు.
తొలగించండిఇల కడు హీనమైన గతి నిర్వురు యాచకులుండె హేలగన్
రిప్లయితొలగించండివెలయగ నాట్యమాడి యొక భిక్షువు తాను గడించె నూకలన్
సలుపగ రాని నాట్యమును సల్పక, యోచన చేయ, బియ్యపున్
బలుకులు రానివాఁడు పలు పాటలు పాడె జనమ్ము మెచ్చఁగా
బియ్యపుంబలుకులు =నూకలు
వైవిధ్యమైన చక్కని పూరణ. అభినందనలు.
తొలగించండి'యాచకులు' బహువచనం, 'ఉండె' ఏకవచనం. *యాచకులుండ* అనవచ్చు.
ధన్యవాదములు గురుదేవ!
తొలగించండి
రిప్లయితొలగించండికళలకు భాషతోడపని కానగరాదు నిజమ్మిదే సుమా
యిల గన మహ్మదీయుడట యింపగు గాత్రము తోడ నెన్నియో
పలువురు భేషు భేషనెడు భంగిని పాడెను గాంచ తెన్గులో
పలుకులు రానివాఁడు పలు పాటలు పాడె జనమ్ము మెచ్చఁగా.
మీ పూరణ బాగున్నది. అభినందనలు.
తొలగించండిపలు సినిమాలను జూచుచు
రిప్లయితొలగించండివలచిన గీతాల కెల్ల పర వశు డగుచున్
జెలువపు మన నము వలనన్
బలుకగ రానట్టి వాడు పాటలు పాడెన్
మీ పూరణ బాగున్నది. అభినందనలు.
తొలగించండిమరొక పూరణ
రిప్లయితొలగించండిపలువురువార్షికోత్సవసభన్గళమెత్తుచునాలపించగన్
నెలతలుహావభావములనెమ్మినిచూపుచునాట్యమాడగన్
పలుకులతల్లిదీవెనిడ వాగ్ఝరిధారగనొక్కసారిగా
*"పలుకులు రానివాఁడు పలు పాటలు పాడె జనమ్ము మెచ్చఁగా*
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిసలలితముగ బాల్యమునన్
తొలగించండిబలుకన్ రానట్టి వాఁడు పాటలు పాడెన్
బలికించుచు నవరసములు
కలరవములతోడ విమల గాంధర్వంబున్
విలసితమైన పల్కులను వెంబడి నేర్వక బాల్యమందునన్
బలుకులు రానివాఁడు పలు పాటలు పాడె జనమ్ము మెచ్చఁగా
కలరవ కూజితంబనగ కమ్మని గానము వెల్వరించుచున్
బలువురు కోవిదుల్ పొగడి పద్మపురస్కృతి నిచ్చునంతగా
మీ రెండు పూరణలు బాగున్నవి. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండికందం
రిప్లయితొలగించండిఇలలో కామాక్షీకృప
కలుగ పలుకువచ్చె, మూకకవి పంచశతిన్
బలికి కొలిచె మాతనపుడు
పలుకులు రానట్టి వాడు పాటలు పాడెన్
ప్రబల వేంకట సుబ్రహ్మణ్య శాస్త్రి
ఉండవల్లి సెంటరు.
మీ పూరణ బాగున్నది. అభినందనలు.
తొలగించండిపలువురు మెచ్చురీతి పలుభాషల చిత్రములందు గానమున్
రిప్లయితొలగించండిసలిపెడు గాయకుండతడు శ్రావ్యములాతని గానమాధురుల్
తెలుగును నేర్వ లేదెపుఁడుతీయని తేనియలూరు గొంతుతో
పలుకులు రానివాఁడు పలుపాటలు పాడె జనమ్ము మెచ్చఁగా
మీ పూరణ ప్రశస్తంగా ఉన్నది. అభినందనలు.
తొలగించండిఅల! తెలుఁగు వాఁడు గాఁడే
రిప్లయితొలగించండిచెలరేఁగుచు శ్రావ్యముగ వశీకరణుండై
లలితంపు టన్య భాషం
బలుకన్ రానట్టి వాఁడు పాటలు పాడెన్
చలము సెలంగ డెందములఁ జక్కని కంఠము గాంచి నంత ను
త్తలము జనింప మిక్కుటము తత్తఱ పాటునఁ బట్టణమ్ములోఁ
బలువురు రిక్త నిందలను బాధ లొసంగినఁ గూడ ఱేపుమా
పలుకులు రానివాఁడు పలు పాటలు పాడె జనమ్ము మెచ్చఁగా
[ఱేపుమాపు + అలుకలు = ఱేపుమా పలుకలు]
మీ రెండు పూరణలు అద్భుతంగా ఉన్నవి. అభినందనలు.
తొలగించండికలుగక విద్య కైకొనియె కర్షక వృత్తిని గ్రామమందునన్
రిప్లయితొలగించండిపలువురు గానకోవిదుల పాటల నిత్యము నాలకించుచున్
సులువుగ ధారణన్ సలిపి చోద్యముగానొక కూటమందునన్
పలుకులు రానివాఁడు పలు పాటలు పాడె జనమ్ము మెచ్చఁగా
మీ పూరణ బాగున్నది. అభినందనలు.
తొలగించండిపలుకులరాణి సత్కృపయొ బాలుడు
రిప్లయితొలగించండిమండెడు పొట్టకోసమై
యలసటలేక తిర్గుచు మహాద్భత
మొప్పగ రైలుపెట్టెలో
కలరవమోలె సక్కగను గానము సేయగ
ముర్సిరందరున్
పలుకులు రానివాడు పలు పాటలు పాడె జనమ్ము మెచ్చగా
మీ పూరణ బాగున్నది. అభినందనలు.
తొలగించండి'వలె'ను 'ఓలె' అనరాదు.
కం:పలువురు గలగల లాడుచు
రిప్లయితొలగించండికలసిరి చీటీ కి,మూగ గా శ్రమ పడుచున్
కలమును,కాగితమును గొని
పలుకన్ రానట్టి వాడు పాటలు పాడెన్
(చీటీ పాటకి అంతా వచ్చారు.పలుకు రాని మూగ కలము,కాగితం తీసుకొని రాస్తూ పాటలు పాడాడు.)
మీ పూరణ బాగున్నది. అభినందనలు.
తొలగించండిఅయ్యా!ధన్యవాదం.
తొలగించండిచం:పలుకును నాస్తికత్వమునె,భ గ్గను రాముని పేరు చెప్పగా
రిప్లయితొలగించండివలచెను గానవిద్య తన బాల్యమునందున గాన పాండితిన్
దెలుపగ రామచంద్రు పయి ,దేవుని దల్చెడు నాలుగేనియున్
పలుకులు రాని వాడు పలు పాటలు పాడె జనమ్ము మెచ్చగా
(అతడికి రాముడి పై భక్తి లేదు.అలాంటి నాలుగు పలుకులు కూడా రావు.కానీ పాండిత్య ప్రదర్శన కోసం రాముడి పై సంగీతం పాడాడు.)
మీ పూరణ ప్రశస్తంగా ఉన్నది. అభినందనలు.
తొలగించండిఅయ్యా!ధన్యవాదం.
తొలగించండితెలియనిభాషలునేర్వక
రిప్లయితొలగించండిఅలవోకగ పాటపాడు యనుకరణలచే
తెలసిన భాషన చదువుచు
పలుకన్ రానట్టివాడు పాటలుపాడెన్.
మీ పూరణ బాగున్నది. అభినందనలు.
తొలగించండి
రిప్లయితొలగించండిపిన్నక నాగేశ్వరరావు.
నలుగురు మెచ్చు విధంబుగ
నలరించుచు రాగ,తాళ మనుగుణ్యముగా
లలితముగా మురళిపయిన,
పలుకన్ రానట్టివాడు, పాటలు పాడెన్.