8-1-2023 (ఆదివారం)కవిమిత్రులారా,ఈరోజు పూరింపవలసిన సమస్య ఇది...“అన్ననుఁ బెండ్లాడె నతివ యందఱు మెచ్చన్”(లేదా...)“అన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్”(ఉప్పలధడియం భరత్ శర్మ శతావధానంలో ముద్దు రాజయ్య గారి సమస్య)
కందంఎన్నియు రుక్మిణి కృష్ణునిమన్ననఁ గమలాక్షుఁజేరి మందిరము కడన్గ్రన్నన సోదరుఁడల వద్దన్ననుఁ బెండ్లాడె నతివ యందఱు మెచ్చన్
ఉత్పలమాలఎన్నియు బాపనిన్ బనిపి యిష్టము జూపుచు కృష్ణమూర్తిపైమన్నన మందిరమ్ముకడ మానిని నందెద రాక్షసమ్మునన్గ్రన్నన రమ్మనన్ గదలి రాగనె, రుక్మిణి సోదరుండు వద్దన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ రెండు పూరణలు ప్రశస్తంగా ఉన్నవి. అభినందనలు.
🙏ధన్యోస్మి గురుదేవా!🙏
ఎన్నగ సద్గుణ శీలుడుకన్నడ దేశస్థుడైన కరుణామయుడంచన్నలిరువురెంతగ వద్దన్ననుఁ బెండ్లాడె నతివ యందఱు మెచ్చన్.
మీ పూరణ బాగున్నది. అభినందనలు.
కున్నె యటంచు స్తన్యమిడు కోమలి పూతన గూల్చె శార్వరుల్ వెన్నను దొంగిలించె నలివేణుల చేలములన్ హరించెనా కన్నడు దుర్విదగ్దుడని కాంతకు జెప్పుచునన్న రుక్మి వద్దన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్.
గ్రన్నన శివ ధనువు వి ఱ చమన్నన తో గాంచి సీత మరులును గొనుచున్జెన్నగు వలపు న నా రామన్నను బెండ్లాడె నతివ యందరు మెచ్చ న్
క్రొవ్విడి వెంకట రాజారావు: మిన్నగు గుణములు కలిగియు మన్ననతో సాటివారి మనసులు దోచే తెన్నును గూడెడి యా పె ద్దన్ననుఁ బెండ్లాడె నతివ యందఱు మెచ్చన్
మీ పూరణ బాగున్నది. అభినందనలు. 'దోచే' అనడం వ్యావహారికం.
కొన్ని నెలవులందు నెఱిగమన్నన నొందె దన మేనమామను పతిగన్నెన్నగ , గాన తన జననియన్ననుఁ బెండ్లాడె నతివ యందఱు మెచ్చన్
మీ పూరణ బాగున్నది. అభినందనలు. "పతిగా నెన్నగ" అనండి. తల్లికి అన్న అంటే వయోవ్యత్యాసం ఎక్కువగా ఉంటుందేమో?
క్రొవ్విడి వెంకట రాజారావు: మిన్నగు శీలమున్ గలిగి మెల్పగు పోడిమితో వెలుంగుచున్ మన్ననగూర్చుచున్ పరుల మానసముల్ నలరించుచుండునౌ తెన్నునుగూడు విశ్రుతుడు తీరున దోరెడి యున్నతుండు పె ద్దన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ పూరణ బాగున్నది. అభినందనలు. 'మానసముల్ + అలరించు' అన్నపుడు నుగాగమం రాదు.
ఈ కామెంట్‌ను రచయిత తీసివేశారు.
మీ రెండు పూరణలు బాగున్నవి. అభినందనలు. కందంలో 'అన్నులమిన్నయె జానకి...' అనండి. వృత్తంలో 'విలసిల్లువాడు నాపన్నుల... యజ్ఞరక్షకై పెన్నిధి...' అనండి. (రక్షణా పెన్నిది... దుష్టసమాసం)
సవరణలతో...అన్నుల మిన్నయె జానకికన్నుల ముందఱ నిలిచిన కమలాక్షుని కన్గొన్నది పరవశయై రామన్ననుఁ బెండ్లాడె నతివ యందఱు మెచ్చన్అన్నుల మిన్నకున్ దగిన యందము తోవిలసిల్లు వాడు నాపన్నులఁ గాచి వారలకు బాసటయై ఘన యజ్ఞరక్షకైపెన్నిధియైనవాడు రఘు వీరుడు లక్ష్మణ సోదరుండు రామన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
అన్నులమిన్న రుక్మిణి మురారిని బ్రీతి వరించి భక్తితోబన్నుగ లోదలంపు దెలుపన్ దగ బంపగ బ్రాహ్మణోత్తమున్విన్నపమెంచి మాధవుడు వేగమె చేకొనినంత యన్న కా దన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ పూరణ ప్రశస్తంగా ఉన్నది. అభినందనలు.
కన్నుల పండువ ౘూఁడను అన్నున రుక్మిణి గ్రహించి హరి కుడిచేతిన్వెన్నడికొను సోదరుడు వద్దన్నను బెండ్లాడె నతివ యందఱు మెచ్చన్ చివుకుల అచ్యుత దేవరాయలు, అమెరికా
మీ పూరణ బాగున్నది. అభినందనలు. మూడవ పాదంలో గణభంగం. 'వెన్నడికొను' ? సవరించండి.
క్రన్నన నీశుని చాపముచెన్నుగ సంధించి విరిచి సీతమ్మ మదిన్మిన్నగ దోచిన రఘురామన్ననుఁ బెండ్లాడె నతివ యందఱు మెచ్చన్
వెన్నుని రూపుతోడుతను వేడుకఁ గూర్చుచు చెంగలించుచున్మన్నన జేసి యొజ్జను నుమాపతి విల్లును పట్టి యెత్తగాక్రన్నన భేదిలన్ ధనువు, కాంచుచు మోదముతోడ మించి రామన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
కం.దన్నును విల్లును విరిచినపున్నమి చందురునిబోలు పురుషోత్తమునిన్మన్నన సేయగ నా రా*మన్ననుఁ బెండ్లాడె నతివ యందఱు మెచ్చన్*ఉ.మా.వెన్నెలరేని తీరుగను వెల్గుల బంచెడి రామచంద్రుడేదన్నును జూపి విల్లుగొని తత్క్షణమందున నెక్కుపెట్టగన్,మన్ననసేయ డెందమున,మాలను వేయుచు బ్రీతినొంది, రా*మన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్*
ధన్యవాదములు గురుదేవా🙏🙏
మన్నించి తరళ లోచన తన్ను వరించె నని పద్మ దళ నిభ నయనుం గ్రన్నన వరించి నెచ్చెలి యన్ననుఁ బెండ్లాడె నతివ యందఱు మెచ్చన్కన్నల కింపు గొల్ప జనకప్రభు ముద్దుల పట్టి దేవతాసన్నిచయంబు డెందముల సంతస మంద నభస్స్థలమ్ములో నన్నుల మిన్న సీత వనజాయత పత్ర నిభాక్షి వీరు రామన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ రెండు పూరణలు మనోహరంగా, అద్భుతంగా ఉన్నవి. అభినందనలు.
పూజ్యులు శంకరయ్య గారికి నమః పూర్వక ధన్యవాదములు.
క్రన్నన శైవచాపమును రాఘవుఁడెక్కిడ బోవునంతలో,యన్నులమిన్న మైథిలికి హ్లాదమెసంగగ, భంగమొందగన్ బన్నుగ మాలచేతగొని పావని యుల్లము పల్లవించ రామన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ పూరణ బాగున్నది. అభినందనలు. "... నంతలో నన్నులమిన్న" అనండి.
మన్నన బొందినట్టి ఘన మాన్యులు రాజులుచూచుచండగాచెన్నుడు గార్ముకంబు విరచెన్నవలీలసభాముఖంబునన్కన్నియ యందెగత్తె కలకంఠి మహీసుతగాంచి శ్రేష్ఠ రామన్నను బెండ్లి యాడె సుగుణాంబుది బంధువులెల్ల మెచ్చగన్
కం:అన్నగరమ్మున నాయకుడన్న ,ధనికు డన్న గాని యామె జనకుడేయన్న యహము నొందక మా యన్నను బెండ్లాడె నతివ యందరు మెచ్చన్
జన్నము గాచి గాధి సుతు సంతస మందగ జేసి మౌనిచేసన్నుతులందుచున్ శిలను చానగ దీర్చియు నీశు జాపమున్ జెన్నుగ ద్రుంచ సీత యట చిన్మయుడా యవతారమూర్తి రామన్నను బెండ్లి యాడెను సుగుణాంబుధి బంధువులెల్ల మెచ్చగన్!
ఉ:"అన్న పురోహితుండు,మరి యాస్తి యొకింతయు గూడ బెట్ట లే"దన్నను,"వేదవిద్య తన యాస్తి" యటన్నను,"భక్తపాలకుండ న్నరసింహుడే తమకు నండ" యటంచు ధనము లేని రామన్నను బెండ్లి యాడె సుగుణాంబుధి బంధువు లెల్ల మెచ్చగన్
చెన్నగు నీశుని ధనువును గ్రన్నన సంధించి విఱువ కనుగొని యంతన్చెన్నుగ నుండిన యారా మన్ననుఁ బెండ్లాడె నతివ యందఱు మెచ్చన్
డా బల్లూరి ఉమాదేవి పిన్నతనమునుండివినుచుకన్నని కథలను వలచెను గాఢముగాతానన్నయుయా కృష్ణునికాదన్నను బెండ్లాడె నతివ యందురు మెచ్చన్
చెన్నగు రూపుతోడ విల సిల్లెడు వాడును నీలదేహుడున్ క్రన్నన నీశుచాపమును ఖండనఁజేయుటఁగాంచి మోదయై మిన్నగు శౌర్యవంతుఁడును మృత్యువు బారిని రక్షఁజేయు రా మన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
కందం
రిప్లయితొలగించండిఎన్నియు రుక్మిణి కృష్ణుని
మన్ననఁ గమలాక్షుఁజేరి మందిరము కడన్
గ్రన్నన సోదరుఁడల వ
ద్దన్ననుఁ బెండ్లాడె నతివ యందఱు మెచ్చన్
ఉత్పలమాల
తొలగించండిఎన్నియు బాపనిన్ బనిపి యిష్టము జూపుచు కృష్ణమూర్తిపై
మన్నన మందిరమ్ముకడ మానిని నందెద రాక్షసమ్మునన్
గ్రన్నన రమ్మనన్ గదలి రాగనె, రుక్మిణి సోదరుండు వ
ద్దన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా!🙏
తొలగించండి
రిప్లయితొలగించండిఎన్నగ సద్గుణ శీలుడు
కన్నడ దేశస్థుడైన కరుణామయుడం
చన్నలిరువురెంతగ వ
ద్దన్ననుఁ బెండ్లాడె నతివ యందఱు మెచ్చన్.
మీ పూరణ బాగున్నది. అభినందనలు.
తొలగించండి
రిప్లయితొలగించండికున్నె యటంచు స్తన్యమిడు కోమలి పూతన గూల్చె శార్వరుల్
వెన్నను దొంగిలించె నలివేణుల చేలములన్ హరించెనా
కన్నడు దుర్విదగ్దుడని కాంతకు జెప్పుచునన్న రుక్మి వ
ద్దన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్.
మీ పూరణ బాగున్నది. అభినందనలు.
తొలగించండిగ్రన్నన శివ ధనువు వి ఱ చ
రిప్లయితొలగించండిమన్నన తో గాంచి సీత మరులును గొనుచున్
జెన్నగు వలపు న నా రా
మన్నను బెండ్లాడె నతివ యందరు మెచ్చ న్
మీ పూరణ బాగున్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిమిన్నగు గుణములు కలిగియు
మన్ననతో సాటివారి మనసులు దోచే
తెన్నును గూడెడి యా పె
ద్దన్ననుఁ బెండ్లాడె నతివ యందఱు మెచ్చన్
మీ పూరణ బాగున్నది. అభినందనలు.
తొలగించండి'దోచే' అనడం వ్యావహారికం.
కొన్ని నెలవులందు నెఱిగ
రిప్లయితొలగించండిమన్నన నొందె దన మేనమామను పతిగన్
నెన్నగ , గాన తన జనని
యన్ననుఁ బెండ్లాడె నతివ యందఱు మెచ్చన్
మీ పూరణ బాగున్నది. అభినందనలు.
తొలగించండి"పతిగా నెన్నగ" అనండి. తల్లికి అన్న అంటే వయోవ్యత్యాసం ఎక్కువగా ఉంటుందేమో?
క్రొవ్విడి వెంకట రాజారావు:
రిప్లయితొలగించండిమిన్నగు శీలమున్ గలిగి మెల్పగు పోడిమితో వెలుంగుచున్
మన్ననగూర్చుచున్ పరుల మానసముల్ నలరించుచుండునౌ
తెన్నునుగూడు విశ్రుతుడు తీరున దోరెడి యున్నతుండు పె
ద్దన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ పూరణ బాగున్నది. అభినందనలు.
తొలగించండి'మానసముల్ + అలరించు' అన్నపుడు నుగాగమం రాదు.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండిమీ రెండు పూరణలు బాగున్నవి. అభినందనలు.
తొలగించండికందంలో 'అన్నులమిన్నయె జానకి...' అనండి.
వృత్తంలో 'విలసిల్లువాడు నాపన్నుల... యజ్ఞరక్షకై పెన్నిధి...' అనండి. (రక్షణా పెన్నిది... దుష్టసమాసం)
సవరణలతో...
తొలగించండిఅన్నుల మిన్నయె జానకి
కన్నుల ముందఱ నిలిచిన కమలాక్షుని కన్
గొన్నది పరవశయై రా
మన్ననుఁ బెండ్లాడె నతివ యందఱు మెచ్చన్
అన్నుల మిన్నకున్ దగిన యందము తోవిలసిల్లు వాడు నా
పన్నులఁ గాచి వారలకు బాసటయై ఘన యజ్ఞరక్షకై
పెన్నిధియైనవాడు రఘు వీరుడు లక్ష్మణ సోదరుండు రా
మన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
అన్నులమిన్న రుక్మిణి మురారిని బ్రీతి వరించి భక్తితో
రిప్లయితొలగించండిబన్నుగ లోదలంపు దెలుపన్ దగ బంపగ బ్రాహ్మణోత్తమున్
విన్నపమెంచి మాధవుడు వేగమె చేకొనినంత యన్న కా
దన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ పూరణ ప్రశస్తంగా ఉన్నది. అభినందనలు.
తొలగించండికన్నుల పండువ ౘూఁడను
రిప్లయితొలగించండిఅన్నున రుక్మిణి గ్రహించి హరి కుడిచేతిన్
వెన్నడికొను సోదరుడు వ
ద్దన్నను బెండ్లాడె నతివ యందఱు మెచ్చన్
చివుకుల అచ్యుత దేవరాయలు, అమెరికా
మీ పూరణ బాగున్నది. అభినందనలు.
తొలగించండిమూడవ పాదంలో గణభంగం. 'వెన్నడికొను' ? సవరించండి.
క్రన్నన నీశుని చాపము
రిప్లయితొలగించండిచెన్నుగ సంధించి విరిచి సీతమ్మ మదిన్
మిన్నగ దోచిన రఘురా
మన్ననుఁ బెండ్లాడె నతివ యందఱు మెచ్చన్
మీ పూరణ బాగున్నది. అభినందనలు.
తొలగించండివెన్నుని రూపుతోడుతను వేడుకఁ గూర్చుచు చెంగలించుచున్
రిప్లయితొలగించండిమన్నన జేసి యొజ్జను నుమాపతి విల్లును పట్టి యెత్తగా
క్రన్నన భేదిలన్ ధనువు, కాంచుచు మోదముతోడ మించి రా
మన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ పూరణ ప్రశస్తంగా ఉన్నది. అభినందనలు.
తొలగించండికం.
రిప్లయితొలగించండిదన్నును విల్లును విరిచిన
పున్నమి చందురునిబోలు పురుషోత్తమునిన్
మన్నన సేయగ నా రా
*మన్ననుఁ బెండ్లాడె నతివ యందఱు మెచ్చన్*
ఉ.మా.
వెన్నెలరేని తీరుగను వెల్గుల బంచెడి రామచంద్రుడే
దన్నును జూపి విల్లుగొని తత్క్షణమందున నెక్కుపెట్టగన్,
మన్ననసేయ డెందమున,మాలను వేయుచు బ్రీతినొంది, రా
*మన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్*
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిధన్యవాదములు గురుదేవా🙏🙏
తొలగించండిమన్నించి తరళ లోచన
రిప్లయితొలగించండితన్ను వరించె నని పద్మ దళ నిభ నయనుం
గ్రన్నన వరించి నెచ్చెలి
యన్ననుఁ బెండ్లాడె నతివ యందఱు మెచ్చన్
కన్నల కింపు గొల్ప జనకప్రభు ముద్దుల పట్టి దేవతా
సన్నిచయంబు డెందముల సంతస మంద నభస్స్థలమ్ములో
నన్నుల మిన్న సీత వనజాయత పత్ర నిభాక్షి వీరు రా
మన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ రెండు పూరణలు మనోహరంగా, అద్భుతంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిక్రన్నన శైవచాపమును రాఘవుఁడెక్కిడ బోవునంతలో,
రిప్లయితొలగించండియన్నులమిన్న మైథిలికి హ్లాదమెసంగగ, భంగమొందగన్
బన్నుగ మాలచేతగొని పావని యుల్లము పల్లవించ రా
మన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్
మీ పూరణ బాగున్నది. అభినందనలు.
తొలగించండి"... నంతలో నన్నులమిన్న" అనండి.
మన్నన బొందినట్టి ఘన మాన్యులు రాజులు
రిప్లయితొలగించండిచూచుచండగా
చెన్నుడు గార్ముకంబు విరచెన్నవలీల
సభాముఖంబునన్
కన్నియ యందెగత్తె కలకంఠి మహీసుత
గాంచి శ్రేష్ఠ రా
మన్నను బెండ్లి యాడె సుగుణాంబుది
బంధువులెల్ల మెచ్చగన్
కం:అన్నగరమ్మున నాయకు
రిప్లయితొలగించండిడన్న ,ధనికు డన్న గాని యామె జనకుడే
యన్న యహము నొందక మా
యన్నను బెండ్లాడె నతివ యందరు మెచ్చన్
జన్నము గాచి గాధి సుతు సంతస మందగ జేసి మౌనిచే
రిప్లయితొలగించండిసన్నుతులందుచున్ శిలను చానగ దీర్చియు నీశు జాపమున్
జెన్నుగ ద్రుంచ సీత యట చిన్మయుడా యవతారమూర్తి రా
మన్నను బెండ్లి యాడెను సుగుణాంబుధి బంధువులెల్ల మెచ్చగన్!
ఉ:"అన్న పురోహితుండు,మరి యాస్తి యొకింతయు గూడ బెట్ట లే"
రిప్లయితొలగించండిదన్నను,"వేదవిద్య తన యాస్తి" యటన్నను,"భక్తపాలకుం
డ న్నరసింహుడే తమకు నండ" యటంచు ధనము లేని రా
మన్నను బెండ్లి యాడె సుగుణాంబుధి బంధువు లెల్ల మెచ్చగన్
చెన్నగు నీశుని ధనువును
రిప్లయితొలగించండిగ్రన్నన సంధించి విఱువ కనుగొని యంతన్
చెన్నుగ నుండిన యారా
మన్ననుఁ బెండ్లాడె నతివ యందఱు మెచ్చన్
డా బల్లూరి ఉమాదేవి
రిప్లయితొలగించండిపిన్నతనమునుండివినుచు
కన్నని కథలను వలచెను గాఢముగాతా
నన్నయుయా కృష్ణునికా
దన్నను బెండ్లాడె నతివ యందురు మెచ్చన్
చెన్నగు రూపుతోడ విల సిల్లెడు వాడును నీలదేహుడున్
రిప్లయితొలగించండిక్రన్నన నీశుచాపమును ఖండనఁజేయుటఁగాంచి మోదయై
మిన్నగు శౌర్యవంతుఁడును మృత్యువు బారిని రక్షఁజేయు రా
మన్ననుఁ బెండ్లియాడె సుగుణాంబుధి బంధువులెల్ల మెచ్చఁగన్