సహదేవుఁడు గారు మీ యూహ మంచిదే. రోమంబుల కూర = రోమముల యొక్క కూర, లడాగమము. తొలఁగించియు /రోమంబులను : అన్న యర్థములో తొలఁగించియు /రోమంబులఁ గూర యనుట సాధువు. కాని సమస్యా పాదములో నరసున్న లేదు కదండి. మఱి కొందఱు కవులు కూడ నీ భావములోఁ బూరించిరి. న్యాయ సమ్మతము కాదు. ఇది నా భావము.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండికందం
తొలగించండిభామామణి కందింపగ
కామితమని యడవిపంది కలిమము పతియే
సేమమనగఁ దొలగించియు
రోమంబుల, కూరఁ జేయ రుచిగ భుజించెన్!
శార్దూలవిక్రీడితము
భామా! వేచితి నెంతయో నడవిదౌ పందిన్ భుజింపంగ,నా
కామంబొప్పగ నేటికిన్ దొరికెనే కమ్మంగ వండ్డింపమన్
శ్రీమంతున్ సతి యూరడించి మిగులన్ సేమానఁ దొల్గించియున్
రోమంబుల్, వడిఁ దెచ్చి వండినఁ గడున్ రుచ్యంబుగా మెక్కెనే
సహదేవుఁడు గారు మీ యూహ మంచిదే.
తొలగించండిరోమంబుల కూర = రోమముల యొక్క కూర, లడాగమము.
తొలఁగించియు /రోమంబులను : అన్న యర్థములో
తొలఁగించియు /రోమంబులఁ గూర యనుట సాధువు.
కాని సమస్యా పాదములో నరసున్న లేదు కదండి.
మఱి కొందఱు కవులు కూడ నీ భావములోఁ బూరించిరి. న్యాయ సమ్మతము కాదు. ఇది నా భావము.
ఆర్యా! దయతో సమీక్షించినందులకు ధన్యవాదములు. తరుణోపాయము సూచింప మనవి.
తొలగించండిభామామణిముడివేయుచు
రిప్లయితొలగించండిరోమంబుల,కూరచేయ రుచిగభుజించెన్
నేమాత్రముశంకించక
తామెచ్చుచుసహచరినట తాదాత్మ్యతతో
ప్రేమగ పతి దేవుని కై
రిప్లయితొలగించండికోమలి శాకము నొకటిని కొనగా. నందున్
సేమము కై తొలగించి యు
రోమంబులు ::కూర జేయ రుచిగ భుజించెన్
శ్రీమంతుడు వేటాడి, శి
రిప్లయితొలగించండిలీముఖములతో శశముల రెంటిని చంపన్,
ప్రేమగ నిల్లాలును, మృదు
రోమంబుల కూరఁ జేయ రుచిగ భుజించెన్.
శిలీముఖము-బాణము
మృదురోమము-కుందేలు
శా.
రిప్లయితొలగించండిక్షేమంబే గద కూరగాయలఁ దినన్ క్షేత్రంబుఁ బండించెడిన్
పాముల్ భోజనమందు వండి నమలున్ బక్వంబు నిష్టంబుగన్
నేమంబున్ విడి ముండ్లపంది ములులన్ నేరంబుతో భుక్తిగా
*రోమంబుల్ వడిఁ దెచ్చి వండినఁ గడున్ రుచ్యంబుగా మెక్కెనే.*
రిప్లయితొలగించండిప్రేమగ నత్తయె చెప్పగ
జామాతయె వచ్చెనంచు సంతోషముతో
స్వామియె తెప్పించిన పృథు
రోమంబుల కూరఁ జేయ రుచిగ భుజించెన్.
(పృథురోమము =పెద్దరోమాలు గల చేప)
సామాన్యుండతగాడు కాదు మనకున్ జామాతయే కాదుటే
ప్రేమాప్యాయత జూపగా వలయునే వేధింపకే నన్నికన్
భామా! కోడిని మిత్రుడొక్కడిటకున్ బంపించె మారించుచున్
రోమంబుల్ వడిఁ, దెచ్చి వండినఁ గడున్ రుచ్యంబుగా మెక్కెనే.
కామందుడు గొరిగె మెయిని
రిప్లయితొలగించండిరోమంబుల ; కూరఁ జేయ రుచిగ భుజించెన్
సేమంబుగ నెరి లేకనె ,
మేమందరమది గనుచు న మితముగ నవ్వన్
సామూహికభోజనముల
రిప్లయితొలగించండినేమాత్రము వదలననుచు నిశ్చయమతియై
గ్రామములో ముఖ్యులు బహు
రోమంబుల కూరఁ జేయ రుచిగ భుజించెన్
[బహురోమము - గొఱ్ఱె]
రామయ తన కూతురునిన్
రిప్లయితొలగించండిగ్రామంబున జూడనెంచి రయముగ నేగెన్
జామాత యింటిలో బహు
రోమంబుల కూరఁ జేయ రుచిగ భుజించెన్
చేమనుదెచ్చెనుశ్రీపతి
రిప్లయితొలగించండిభామయువండెనుతలపడిబంధురశ్రద్ధన్
నీమంబునదీసిపొరను
రోమంబుల, కూరయే
రుచిగభుజించెన్
గోముగఁ బతి దేవుం డా
రిప్లయితొలగించండివామాక్షి నవీన రీతి భార్యా మణియే
ప్రేమగ శాదమ్ముల భూ
రోమంబుల కూరఁ జేయ రుచిగ భుజించెన్
భామల్ మెచ్చ భృశమ్ము పాకమును విభ్రాంతాత్మలై నిత్యమున్
క్షేమం బీయఁగ నెంచి భోక్తలకు వీక్షింపంగ మందంచు నా
వామున్ శక్తి యుతమ్ము నెమ్మి విభుఁడే, స్వాస్థ్యార్థమై వండు వా
రోమంబుల్ వడిఁ దెచ్చి వండినఁ గడున్ రుచ్యంబుగా మెక్కెనే
[వండు వారు + ఓమంబుల్ = వండు వా రోమంబుల్]
నీమంబుల్ కులసాంప్రదాయముల తా నీరంబులో ముంచుచున్
రిప్లయితొలగించండిగ్రామంబుంజని భూసురుండు కడు విభ్రాంతమ్ముగా మిత్రులన్
ఆమంత్రించియు భోజనంబునకు తానయ్యారె చింబున్, వినా
రోమంబుల్, వడిఁ దెచ్చి వండినఁ గడున్ రుచ్యంబుగా మెక్కెనే
ఈ కామెంట్‌ను రచయిత తీసివేశారు.
రిప్లయితొలగించండికం॥శ్రీమంతుని యింటఁ గుదిరె
రిప్లయితొలగించండిసామంతుఁడుగఁ దన వంట చతురతఁ జూపన్
గామందు తెలుపఁగ వినా
రోమంబులఁ గూరఁ జేయ రుచిగ భుజించెన్
శా॥ సామాన్యంబుగ వంటఁ జేయఁ రుచిగన్ సాధ్యమ్ముఁ గాదయ్యరో
శ్రీమంతుండటు ప్రాభవమ్ముఁ దెలుపన్ జేకొన్న యావంటల
య్యే మాంసాదులఁ జక్కగాను జవితో నిట్టుల్ దొలంగించుచున్
రోమంబుల్ వడిఁ దెచ్చి వండినఁ గడున్ రుచ్యంబుగా మెక్కెనే
రిప్లయితొలగించండిపిన్నక నాగేశ్వరరావు.
మామయె దుకాణమున గొని
కోమలికి ఝషములనివ్వ కూర కొఱకునై
నీమముగా తొలగించియు
రోమంబుల;కూరఁజేయ రుచిగ భుజించెన్.