13-5-2024 (సోమవారం) కవిమిత్రులారా, ఈరోజు పూరింపవలసిన సమస్య ఇది... “కొండపై నున్న దేవుని గుండె రాయి” (లేదా...) “దేవుని గుండె రాయి గద తిష్ఠను వేసెను కొండ కోనలన్” (అక్కెర కరుణాసాగర్ గారు పంపిన సమస్య)
దేవతలందునన్ ఘనుని తేల్చుటకై భృగువే తటాలునన్‌ దైవపు వామవక్షమున తన్నగ వీడెను లక్ష్మి విష్ణువున్ దేవుని గుండెమారెనట తిప్పలు తప్పక బండరాయిగా దేవుని గుండె రాయి గద తిష్ఠను వేసెను కొండ కోనలన్
తేటగీతి పిలిచిన బలికెడి మనసుగల తిరుమల శ్రీనివాసుని సేవలు జేయ తాను పలుకు, కాదని వెళ్ళెడి వారలకది కొండపై నున్న దేవుని గుండె రాయి. ప్రబల వేంకట సుబ్రహ్మణ్య శాస్త్రి ఉండవల్లి సెంటరు.
పావనమూర్తిగా దలచి భక్తి ప్రపత్తులతోడ దైవమున్ గావుమటంచు వేడినను క్రన్నన గావఁగ రాడదేలనో భావన చేసిచూడ భగవానుడు నిర్దయుఁడయ్యె నా యెడన్ దేవుని గుండె రాయి గద తిష్ఠను వేసెను కొండ కోనలన్
తే.గీ:కుటిలుడున్, దుష్టుడున్ ధని కొండ కవియె వాడు న న్నెంతొ ముంచెను వాని భక్తి కవిత మాయ యే,దేవుని కరుణయె ధని కొండపై నున్న దేవుని గుండె రాయి” (ధనికొండ దుష్టుడు.వాడి భక్తి ఒక మోసం. దేవుడు వాడి మీద కరుణ చూపితే ఆ దేవుడి గుండె ఒక రాయి అని ఎవరో అన్నట్టు. )
ఉ:దేవుని పేర్ల యుద్ధముల దెచ్చుట,లంచము లీయ, జూచుచున్, సేవ యొనర్చ దీనులకు సేమము మాధవు డిచ్చు నంచు స ద్భావము నెంచు వారి గను భాగ్యము లేక, నిరాశ నిండు నా దేవుని గుండె రాయి గద !తిష్ఠను వేసెను కొండ కోనలన్” (మనుషుల ప్రవర్తన చూసి దేవుని గుండె రాయి అయిందని)
నీవుగమానసాంబుధినినేర్పుననీదుచు సాగుచోగనన్
రిప్లయితొలగించండిఈవిధిదర్శనీయుడుగ నిద్ధరనుండెనువేంకటేశుడున్
త్రోవను గాంచి కష్టమునురోయకసాగుమధర్మబద్ధతన్
దేవునిగుండెరాయిగదతిష్ఠనువేసెనుకొండకోనలన్
మీ పూరణ బాగున్నది. అభినందనలు.
తొలగించండితిప్పలుపడుచు తమగుండె దిటవు లేక
రిప్లయితొలగించండివేడుకొందురు భక్తులు వేలవేలు
కొండపై నున్న దేవుని; గుండె రాయి
చేసికొను బలిమిని ప్రోదిచేయమనుచు
దేవతలందునన్ ఘనుని తేల్చుటకై భృగువే తటాలునన్‌
తొలగించండిదైవపు వామవక్షమున తన్నగ వీడెను లక్ష్మి విష్ణువున్
దేవుని గుండెమారెనట తిప్పలు తప్పక బండరాయిగా
దేవుని గుండె రాయి గద తిష్ఠను వేసెను కొండ కోనలన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిధన్యవాదాలు గురూజీ 🙏
తొలగించండి
రిప్లయితొలగించండికాలి బాటన నిను జేరు కాంక్షతోడ
తరలి వచ్చెడు బాలికన్ జిరుత యొకటి
చంపి భక్షించె గాదె కాంచగ తిరుమల
కొండపై నున్న దేవుని గుండె రాయి.
పావనుడా జనార్దనుడు భక్తుల బ్రోచు నిమిత్తమై యటన్
గోవెల లోన నిల్చెనని కోర్కెలు తీర్చునటంచు నమ్ముచున్
గావుమటంచు జేరుతరి కర్వరి మ్రింగిన మిన్నకుండె నా
దేవుని గుండె రాయి గద తిష్ఠను వేసెను కొండ కోనలన్.
మీ రెండు పూరణలు ప్రశస్తంగా ఉన్నవి. అభినందనలు.
తొలగించండివాడికన్నులకాటుకపట్టియుండు
రిప్లయితొలగించండికదలడెప్పుడునొకచోటకానబడును
భావమెంచడుతానుగాపలుకడెపుడు
కొండపైనున్నదేవునిగుండెరాయి
మీ పూరణ బాగున్నది. అభినందనలు.
తొలగించండిచిత్తగించి జూడగ, నూరి చివరనగల
రిప్లయితొలగించండికొండపై నున్న దేవుని గుండె రాయి,
కానియెడ నేల భక్తుల కామనలను
తీరకుండు విధంబుగ దిద్దు చుండు
మీ పూరణ బాగున్నది. అభినందనలు.
తొలగించండినిత్య పూజలు సల్పుచు నియతితోడ
రిప్లయితొలగించండికష్టములఁ బాపి దయజూపి గావుమనుచు
నెంతవేడిన దయరాదు సుంతయేని
కొండపై నున్న దేవుని గుండె రాయి
మీ పూరణ బాగున్నది. అభినందనలు.
తొలగించండిముడుపు లెన్నియొ కట్టుచు
రిప్లయితొలగించండిమొక్కు కొన్న
దీర్చ లేవయ్య కోరికల్ దేవ దేవ
యనుచు భక్తుడు బాధ తో నని యె నిట్లు
కొండపై నున్న దేవుని గుండె రాయి
మీ పూరణ బాగున్నది. అభినందనలు.
తొలగించండిభక్తరామదాసు మానసము చెరసాలలో:
రిప్లయితొలగించండితేటగీతి
పుట్టలోనఁ జూచిన రామమూర్తిఁ దెచ్చి
భద్రగిరిపైని యాలయపరము సేయఁ
గట్టి చెరసాల పాలైనఁ గరుణఁగనఁడు
కొండపై నున్న దేవుని గుండె రాయి!
ఉత్పలమాల
ఆ వని పుట్టలోఁ గనియు నందియు భద్రగిరీశుఁ జేసితిన్
సేవలకెంచియున్ నగల సీతకు రామునికందజేసి నే
నావల కార నున్నఁ గరుణాలయుఁ డేలనొ కావరాడె! యా
దేవుని గుండె రాయి గద తిష్ఠను వేసెను కొండ కోనలన్!
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా!🙏
తొలగించండితే॥ “కొండపై నున్న దేవుని గుండె రాయి”
రిప్లయితొలగించండినింద వేయఁగ ఫలమేమి నీవటులను
భక్తి యొక్కటె చాలదు ముక్తిఁ బడయ
దేవుఁడు గను సద్వర్తన దేహి యందు
ఉ॥ కోవెల కేఁగి మ్రొక్కఁగను గోరిక తీరకఁ దోఁచు నిట్టులన్
దేవుని గుండె రాయి గద తిష్ఠను వేసెను కొండ కోనలన్
దేవుని లీలలన్ గనఁగ దేహికి సాధ్యమె ధర్మ బద్ధులై
భావము మీరఁ గొల్వఁగను భాగవతోత్తముఁ డాదరించడా!
మీ రెండు పూరణలు ప్రశస్తంగా ఉన్నవి. అభినందనలు.
తొలగించండితేటగీతి
రిప్లయితొలగించండిపిలిచిన బలికెడి మనసుగల తిరుమల
శ్రీనివాసుని సేవలు జేయ తాను
పలుకు, కాదని వెళ్ళెడి వారలకది
కొండపై నున్న దేవుని గుండె రాయి.
ప్రబల వేంకట సుబ్రహ్మణ్య శాస్త్రి
ఉండవల్లి సెంటరు.
మీ పూరణ బాగున్నది. అభినందనలు.
తొలగించండిపావనమూర్తిగా దలచి భక్తి ప్రపత్తులతోడ దైవమున్
రిప్లయితొలగించండిగావుమటంచు వేడినను క్రన్నన గావఁగ రాడదేలనో
భావన చేసిచూడ భగవానుడు నిర్దయుఁడయ్యె నా యెడన్
దేవుని గుండె రాయి గద తిష్ఠను వేసెను కొండ కోనలన్
మీ పూరణ ప్రశస్తంగా ఉన్నది. అభినందనలు.
తొలగించండినన్ను తిట్టుకుంటూ నా పూరణ
రిప్లయితొలగించండితే.గీ:కుటిలుడున్, దుష్టుడున్ ధని కొండ కవియె
వాడు న న్నెంతొ ముంచెను వాని భక్తి
కవిత మాయ యే,దేవుని కరుణయె ధని
కొండపై నున్న దేవుని గుండె రాయి”
(ధనికొండ దుష్టుడు.వాడి భక్తి ఒక మోసం. దేవుడు వాడి మీద కరుణ చూపితే ఆ దేవుడి గుండె ఒక రాయి అని ఎవరో అన్నట్టు. )
మీ పూరణ బాగున్నది. అభినందనలు.
తొలగించండిఉ:దేవుని పేర్ల యుద్ధముల దెచ్చుట,లంచము లీయ, జూచుచున్,
రిప్లయితొలగించండిసేవ యొనర్చ దీనులకు సేమము మాధవు డిచ్చు నంచు స
ద్భావము నెంచు వారి గను భాగ్యము లేక, నిరాశ నిండు నా
దేవుని గుండె రాయి గద !తిష్ఠను వేసెను కొండ కోనలన్”
(మనుషుల ప్రవర్తన చూసి దేవుని గుండె రాయి అయిందని)
మీ పూరణ ప్రశస్తంగా ఉన్నది. అభినందనలు.
తొలగించండిఅంతుచిక్కని వ్యాధిచే నంతమవగ
రిప్లయితొలగించండిభర్తయుమరణింప మదిని పరితపించి
*“కొండపై నున్న దేవుని గుండె రాయి”*
యనుచువిలపించెను సతియు నార్తితోడ.
కావలివారలడ్డిడినగర్జనచేయుచువిష్ణుమూర్తిపై
దైవుడటంచునెంచకనుదన్నగ గుండెల పైనమౌనితా
నావరలక్ష్మియున్ దలచెనాపతి యౌహరి యిట్టుజేసె నీ
*“దేవుని గుండె రాయి గద తిష్ఠను వేసెను కొండ కోనలన్”*
మీ రెండు పూరణలు బాగున్నవి. అభినందనలు.
తొలగించండివృత్తంలో "దైవమటంచు" అనండి.
ఏడుకొండలు చకచక యెక్కి సుంత
రిప్లయితొలగించండిపలుకు కులుకు లేక నిలువ భార్య లిర్వు
రరసి కిన్కను వచియించి రార్తి తోడఁ
గొండపై నున్న దేవుని గుండె రాయి
పూవును బోలు గుండె యని మూరి వచింతురు మేలొసంగినం
జేవ గణింపకుండగను జేయఁ పనుల్ ఫలియింపకున్నచోఁ
గావఁగ నేరడంద్రు దయఁ గాంచఁడె యంచుఁ దలంతు రివ్విధిన్
దేవుని గుండె రాయి గద తిష్ఠను వేసెను గొండ కోనలన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిబాధలకు బెదరి యొకడు బావురుమనె
రిప్లయితొలగించండికొండపై నున్న దేవుని గుండె రాయి
యనుచు, పాపపుణ్య ఫలమునందుకొనక
జనుడు జీవించ జాలడీ జగతియందు.
మీ పూరణ బాగున్నది. అభినందనలు.
తొలగించండిఎన్ని మ్రొక్కులు మ్రొక్కిన నెంత వేడ
రిప్లయితొలగించండికరుణఁ జూపడు సరికదా కలుగఁజేయు నిడుము
కొండపై నున్న దేవుని గుండె రాయి
యనెడు వచనము సత్యమె యక్షరాల
మీ పూరణ బాగున్నది. అభినందనలు.
తొలగించండిరెండవ పాదంలో గణభంగం. "సరికదా కష్టమిడును" అంటే సరి.
ఈ కామెంట్‌ను రచయిత తీసివేశారు.
రిప్లయితొలగించండిదేవుని గుండె రాయి గద తిష్ఠను వేసెను కొండ కోనలన్
రిప్లయితొలగించండినావచనంబుసత్యములు నంతియెచెప్పుమ నీరజాక్షి!నీ
భావము కూడ తెల్పుమిఁక భర్గుని డెందము జాలి గుండెయా?
ప్రోవునె నెల్లవేళలను భోరున నేడ్చెడు భక్తకోటినిన్?
మీ పూరణ బాగున్నది. అభినందనలు.
తొలగించండి"ప్రోవునె యెల్లవేళలను" అనండి.
రిప్లయితొలగించండిపిన్నక నాగేశ్వరరావు.
హనుమకొండ.
కాలి నడకన నేగు భక్తాళి యందు
వెనుకబడిన బాలికఁ గని పిల్ల చిరుత
పైబడి యనుకొనని రీతి ప్రాణము గొన
తల్లి రోదించి శోకమం దనియె నిటుల
"కొండ పైనున్న దేవుని గుండె రాయి".