తే.గీ.॥ భరత సంస్కృతి నేర్పిన పాఠములను వల్లెవేయుచు తనభర్త వైద్యమునకు తానె కాయకష్టము జేసి ధనము కొఱకు భార్య భర్తగా వఱలెను భారతమున
ఉత్పలమాల: శౌర్యముఁజూపి భర్త తన సత్త్వముఁ బాసెను దేశరక్షకై ధైర్యము వీడకన్ మదిని తానొక పూరుషుడట్లు మారి యా భార్య కుటుంబ భారమును పట్టుదలన్ వహియించెఁ జూడగన్ భార్యయె భర్తగా వఱలె భారతమందున భాగ్యరాశిగన్
వనితవిద్యనుబొందెన వారితముగ
రిప్లయితొలగించండిజీవనోపాధికొఱకునై తేజ మంది
పోషణంబునముందుండె పొలతిఁజూడ
భార్య భర్తగా మఱలెనుభారతమున
కార్యమునందుదాసియట, కైదువుబట్టెగఝాన్సిలక్ష్మియై
రిప్లయితొలగించండిఆర్యగవేదభూమినడయాడెనువిద్యలరాణితానయై
శౌర్యపరాక్రమంబులను సాధనఁజేసెగ జీవనంబుకై
భార్యయెభర్తగావఱలె భారతమందునభాగ్యరాశియై
తేటగీతి
రిప్లయితొలగించండిఇందిరా ప్రియదర్శినిదెంత శక్తి!
తండ్రి నెహ్రూ తదుపరి ప్రధానియయ్యె!
లోకము నుతింప నేలి ఫిరోజు గాంధి
భార్య, భర్తగా వఱలెను భారతమున!
ఉత్పలమాల
ఆర్యుడు నెహ్రు దేశమున నందరు నొప్ప ప్రధానిపీఠమున్
ధైర్యము నుప్పతిల్లఁ గొని ధన్య చరిత్రుడునయ్యె మీదటన్
శౌర్యము గల్గ నిందిర ప్రశాసనమంది ఫిరోజు గాంధికిన్
భార్యయె, భర్తగా వఱలె భారతమందున భాగ్యరాశిగన్!
పాళియాడి ముందెవ్వరు పరజితులని
రిప్లయితొలగించండిధర్మ సందేహమడిగిన దరుణినిగన
ధర్మమునెపుడు పాటించు ధర్మ రాజు
భార్య , భర్తగా వఱలెను భారతమున
తే॥ తల్లియును దండ్రియును గాఁగ ధైర్యముఁ గని
రిప్లయితొలగించండికృష్ణుఁడండ నొసఁగఁ బెంచె కృపను కుంతి
భర్త పాండురాజు చనఁగఁ బాండవులను
భార్య భర్తగా వఱలెను భారతమున
ఉ॥ భార్యయె భర్తగా వఱలె భారతమందున భాగ్యరాశిగన్
ధైర్యము తోడఁ బాండవులఁ దల్లియుఁ దండ్రియునై భరించుచున్
శౌర్యుఁడు పాండురాజటులఁ జావును బొందఁగఁ గుంతిదేవియే
కార్యము లెల్ల చూచుచును గావఁగఁ గృష్ణుఁడె యెల్లవేళలన్
(కుంతి పాండవులను పాండురాజు బ్రతికి యుంటే పెంచు రీతిగానే పెంచింది అని అండి)
జరుగ రానట్టి సంఘటల్ జరిగి భర్త
రిప్లయితొలగించండిబ్రతుకు బండిని లాగుట భార మైన
భార్య భర్తగా వరలెను భారత మున
నొంటరిగ మోయ బరువుల నోర్పు తోడ
తే.గీ.॥
రిప్లయితొలగించండిభరత సంస్కృతి నేర్పిన పాఠములను
వల్లెవేయుచు తనభర్త వైద్యమునకు
తానె కాయకష్టము జేసి ధనము కొఱకు
భార్య భర్తగా వఱలెను భారతమున
ఉత్పలమాల:
శౌర్యముఁజూపి భర్త తన సత్త్వముఁ బాసెను దేశరక్షకై
ధైర్యము వీడకన్ మదిని తానొక పూరుషుడట్లు మారి యా
భార్య కుటుంబ భారమును పట్టుదలన్ వహియించెఁ జూడగన్
భార్యయె భర్తగా వఱలె భారతమందున భాగ్యరాశిగన్
సూర్యునివలె పిసాళించె సుందరాంగి
రిప్లయితొలగించండిధైర్య లక్ష్మిగ తనరారె తలిరుబోడి
కార్యములనెల్ల సాధించి గడన చేసి
భార్య భర్తగా వఱలెను భారతమున
ఆర్యుల కట్టుబాట్లువిడె నంబురుహాక్షి గడించి చూపగా
శౌర్యము సంతరించి తన శక్తిని యుక్తినిచూపు కాంతగా
కార్యము చక్క బెట్టుటకు కష్టము లెల్లభరింప సిద్ధమై
భార్యయె భర్తగా వఱలె భారతమందున భాగ్యరాశిగన్
ప్రజల నేలుచు జనకుని పగిది నిత్య
రిప్లయితొలగించండిమార్యపుత్రా యని కడు ధైర్యానురాగ
ము లడరఁ బిలుచు చుండంగ ముద్దుగఁ దన
భార్య భర్తగా వఱలెను భారతమున
ఆర్య జ నాశ్రితుండు వసుధామర వంశ వరోద్భవుండు నౌ
దార్య గుణాధి కోత్తముఁడు దాత సదా రుచిరవ్రతాది స
త్కార్యుఁడు ధర్మచారిణిగఁ దద్దయుఁ బ్రాణ సమానురాలు గా
భార్యయె భర్తగా వఱలె భారత మందున భాగ్యరాశిగన్
తే.గీ:భార్య పరిశోధనన్ జేసి భారతమున
రిప్లయితొలగించండివ్యాసముల వ్రాయుచుండగ భర్త యింటి,
వంట పనుల జేసెను భార్య పాత్ర బూని
భార్య భర్తగా వఱలెను భారతమున”
ఉ:శౌర్యధనుండు పాండునృప చంద్రుడు దేహము వీడ,పోషణా
రిప్లయితొలగించండికార్య మొనర్చుచున్ సుతుల గౌరవ మందెడు రీతి బెంచుచుచున్
శౌర్యసమేతులై పరగు చక్కని దారుల జూపె కుంతియే
భార్యయె భర్తగా వఱలె భారతమందున భాగ్యరాశిగన్”
తాళి గట్టినట్టి విభుడు తరల దివికి
రిప్లయితొలగించండిధైర్యమూని సంతు కొరకు తన చదువుకు
తగిన పనులను చేయుచు తపన తోడ
భార్య భర్తగ వఱలెను భారతమున
ఆర్యుల మాటమీరకను నాలియు నయ్యెను బాల్యమందునే
రిప్లయితొలగించండిశౌర్యముతగ్గ వైద్యవరు సాయమునందక చేర దైవమున్
ధైర్యము కూడగట్టుకొని దాచుచు దుఃఖము గుండెలందునన్
*“భార్యయె భర్తగా వఱలె భారతమందున భాగ్యరాశిగన్”*
తే.గీ.నాటకమునాడియుండిరి మేటిగాను
రిప్లయితొలగించండిభార్యకృష్ణునివేషము, భర్తవేసి
సత్యభామగానటనజేయ చక్కగాను
భార్యభర్తగావరలెను భారతమున
నాటకమునాడియుండిరి మేటిగాను
తొలగించండిభార్యకృష్ణునివేషము, భర్తవేసి
సత్యభామనటమజేయ చక్కగాను
భార్యభర్తగవరలలెను భారతమున
ఈ కామెంట్‌ను రచయిత తీసివేశారు.
రిప్లయితొలగించండిజీవనోపాధి కొఱకునై జీవకోటి
రిప్లయితొలగించండిభార్యభర్తను భేదంబుఁ బ్రక్క నునిచి
కాయ కష్టంబు లందున కలిసి యుండి
భార్య భర్తగా వఱలెను భారతమున
ఆర్యులయందుగౌరవము నాప్తులయందున బ్రేమభావమున్
రిప్లయితొలగించండికార్యమునందుదాసిగను ఖడ్గముఁ ద్రిప్పుటయందు ఝాన్సియౌ
క్రౌర్యమునందు దుర్గగను గావుటయందున నమ్మవారియై
భార్యయె భర్తగా వఱలె భారతమందున భాగ్యరాశిగన్”
రిప్లయితొలగించండిపిన్నక నాగేశ్వరరావు.
హైదరాబాద్.
మగడు మరణము నొంద ప్రమాదమందు
తగిన యుద్యోగ మందున తాను జేరి
బ్రతుకు బండిని లాగగ శ్రమను పడుచు
భార్య భర్తగ వఱలెను భారతమున.