29, జూన్ 2017, గురువారం

సమస్య - 2397 (మాంసాహారమ్మె...)

కవిమిత్రులారా, 
ఈరోజు పూరించవలసిన సమస్య ఇది... 
"మాంసాహారమ్మె విప్రమాన్యం బయ్యెన్"
(లేదా...)
"మాంసాహారమె శ్రేష్ఠమైన దనియెన్ మాన్యుండు సద్విప్రుఁడే"

66 వ్యాఖ్యలు:

  1. (బ్రహ్మ మానసపుత్రుడు,మహాతపస్సంపన్నుడు,సప్తర్షులలో ఒకడైన వసిష్ఠమహర్షి మాంసాహారము స్వీకరించారని పెద్దల వలన విన్నాను)
    పుంసాంమోహన రూపు,రాము గురువై,పూజ్యప్రకాశుండునై
    భాసోదగ్ర వసిష్ట సన్నుతుడు ఠేవన్ మాంసమున్ గైకొనం
    గా,సాదృశ్యములేల?నాటికదియే కన్పట్టు నాచారమై
    మాంసాహారమె శ్రేష్ఠమైనదనియెన్ మాన్యుండు సద్విప్రుడే

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ ప్రయత్నం ప్రశంసనీయం. కాని రెండవ, మూడవ పాదాల్లో ప్రాస తప్పింది. రెండవ పాదంలో యతిదోషం. సవరించండి.

      తొలగించు
    2. "ప్రాసాక్షరము పూర్ణబిందువుతో కూడిన, అన్ని పాదములందునూ అదే అక్షరము పూర్ణబిందువుతో ఉండవలెను"

      ...మాంస, హింస, కంస, హంస, పుంస, ...

      తొలగించు
    3. ప్రాసాక్షరాలుపొరపాటే క్షమించండీ యతి భా కు ఠేవన్ లో వ కు సరిపోయిందనుకున్న

      తొలగించు
    4. ప్రసాద రావు గారూ,
      పొరబడ్డాను. మన్నించండి.

      తొలగించు
    5. శాస్రిగారికి,శంకరయ్య మహోదయులకు సాదర ప్రణామాలు ధన్యవాదాలు
      ప్రమాదో ధీమతామపి గదా

      తొలగించు
    6. మొదటిపాదం ప్రధమాక్షరం గురువైతే మిగతా మూడు పాదాలలో ప్రధమాక్షరం గురువే ఉండాలనే నియమం ఉందా?దయచేసి తెలుప ప్రార్ధన

      తొలగించు
    7. సవరించిన పద్యం
      పుంసాంమోహన రూపు,రాము గురువై పూజ్యప్రకాశుండునై
      ధ్వంసంబుగ్రతమంబుజేయ నఘముల్ దైవత్వసంధానుడై
      హింసన్రోయు వశిష్టుడే సరిగ భావించెన్ స్వధర్మంబుగా
      మాంసాహారమె శ్రేష్ఠమైనదనియెన్ మాన్యండు సద్విప్రుడే

      తొలగించు

    8. BVVHBPrasadaraoజూన్ 29, 2017 5:49 PM
      "మొదటిపాదం ప్రధమాక్షరం గురువైతే మిగతా మూడు పాదాలలో ప్రధమాక్షరం గురువే ఉండాలనే నియమం ఉందా?దయచేసి తెలుప ప్రార్ధన"

      కంద పద్యములో ఈ నియమం తప్పని సరి...
      అలాగే, ఒక పాదం లఘువుతో ఆరంభించినచో అన్ని పాదములూ లఘువుతో ఆరంభించ వలయును.

      తొలగించు
  2. హింసను గూడినదంతయు
    మాంసాహారమ్మె; విప్రమాన్యం బయ్యెన్
    కంసారాతి కథనమిది:
    "హంసను మరపించు కర్మ హానికరమ్మౌ"

    హంస = పరమాత్మ

    ...స్వస్తి...

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  3. హింసిం చగ ప్రాణుల నకట
    సంసేవిత మనుచు జనులు సవనము నందున్
    సంసార మందు సరసము
    మాంసా హారమ్మె విప్రమాన్యం బయ్యెన్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ బాగున్నది. అభినందనలు.
      మొదటిపాదంలో "హింసించ ప్రాణుల నకట" అనండి. లేకుంటే గణదోషం.

      తొలగించు
    2. హింసించ ప్రాణుల నకట
      సంసేవిత మనుచు జనులు సవనము నందున్
      సంసార మందు సరసము
      మాంసాహారమ్మె విప్రమాన్యం బయ్యెన్

      తొలగించు
  4. హింసక పురమది వినుడు నృ
    శంసుడు రాజందు వాని నీతియె ద్విజులన్
    హింసించుట యద్దానను
    మాంసాహారమ్మె విప్రమాన్యం బయ్యెన్.

    “సంసారుల్ ద్విజులున్ సమస్తమనుజుల్ సన్న్యాసులైనన్ సదా
    హింసావాటిని మత్పురంబునను నాయీయాజ్ఞ నోమన్ వలెన్
    మాంసంబే ఘన”మంచు పల్కు నృపతిన్ మారాడగాలేక యా
    మాంసాహారమె శ్రేష్ఠమైన దనియెన్ మాన్యుండు సద్విప్రుఁడే.

    హ.వేం.స.నా.మూర్తి

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ రెండు పూరణలు బాగున్నవి. అభినందనలు.

      తొలగించు
  5. డా.పిట్టా
    ("మాంసం మాసేన వర్ధయేత్",ఆయుర్వేదమ్.మాంసం మాంసేన వర్ధయేత్ తప్పుడు సూత్రము.)
    మాంసమె మాంసపు వృద్ధిన్,
    పుం సత్వము గూర్చు ననెడు బుద్ధిభ్రమ నా
    శంసించి గనక సూత్రము
    మాంసాహారంబె విప్ర మాన్యంబాయెన్!

    ప్రత్యుత్తరంతొలగించు
  6. డా.పిట్టా
    మాంసంబేగద జీర్ణపుం గ్రియలకౌ మాంసంపు సద్వాహికల్
    ధ్వంసంబౌ తగునట్లునొత్తగ మహాధ్వానంబు;నాయుష్య మా
    శంసించన్ సరి కూరగాయలరుగున్ ;శాపంపు టారోగ్య మా
    "మాంసాహారమె శ్రేష్ఠమైన"దనియెన్ మాన్యుండు, సద్విప్రుడే?
    (సద్విప్రుడు కాదని ధ్వని)(అధ్వానము॥అమార్గము,శ.ర.)
    మాంసాహారాన్ని జీర్ణ అవయవములు బహు కష్టంగా రస రూపానికి మారుస్తాయి.ఈ భారం వల్ల ఆయుష్యము క్షీణిస్తుంది.

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.

      తొలగించు
    2. డా.పిట్టా
      ఆర్యా,ధన్యవాదాలు.

      తొలగించు
    3. డా.పిట్టా
      ఆర్యా,ధన్యవాదాలు.

      తొలగించు
  7. సంసారి వృష్ణి కొరకే
    హింసించుట పశువుల సత మిజ్య సమయమున్
    హింసించిన శుద్ధపు పశు
    మాంసా హారమ్మె విప్రమాన్యం బయ్యెన్

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  8. హింసావృత్తి వహించి జంతు హననంబే నిత్య కర్మంబుగా
    సంసారమ్ముఁ దరించు నాటవికుడే స్వాభావిక ప్రీతితో
    మాంసాహారమె శ్రేష్ఠమైన దనియెన్; మాన్యుండు సద్విప్రుఁడే
    కంసధ్వంసి పదాంబుజ స్మరణ సంస్కారంబె వాంఛించుటన్.

    ప్రత్యుత్తరంతొలగించు
  9. *ధ్వంసము జేయుచు కర్మల*
    *సంసారము,నిత్య యాగ సందేహములో*
    *హంసగ సతతము మదిమీ*
    *మాంసా హారమ్మె విప్రమాన్యంబయ్యెన్*

    ప్రత్యుత్తరంతొలగించు
    ప్రత్యుత్తరాలు
    1. చేపూరి వారూ,
      మీ పూరణ బాగున్నది. అభినందనలు.

      తొలగించు
  10. హంస నిలయమ్ము హృదయము
    హింసను విడనాడు టన్న హితమని గాంధీ
    సంసారమ్మున తగదన
    మాంసాహారమ్మె, విప్రమాన్యం బయ్యెన్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించు
  11. హింసను గూడిన భోజ్యము
    మాంసా హారమ్మ,విప్ర మాన్యంబయ్యెన్
    హింసారహితపు పులగము
    కంసారియు నదియ గోరు కమలా ! వింటే

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  12. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
    ప్రత్యుత్తరాలు
    1. హింసను బ్రేరేపించును
      మాంసాహారమ్మె; విప్రమాన్యంబయ్యెన్
      సంసేవింపగ విష్ణుని
      సంసారార్ణవము దరియ సాత్వికయశనమ్

      తొలగించు
    2. సీతాదేవి గారూ,
      మీ పూరణ బాగున్నది. అభినందనలు.
      'సాత్త్విక+అశనము = సాత్త్వికాశనము' అవుతుంది. అందులోనూ హలంతంగా వ్రాయరాదు.

      తొలగించు
  13. సంసారమ్మది నీదలేను పరమేశా ముక్తి సాధింపగన్
    ధ్వంసమయ్యెను సాధనమ్ము జగమంతా ధ్యానరాహిత్యమే
    హింసాపూరితమే కదా నొసగుమానెంతేని తర్కమ్ము మీ
    మాంసాహారమె శ్రేష్ఠమైన దనియెన్ మాన్యుండు సద్విప్రుడె
    వీటూరి భాస్కరమ్మ

    ప్రత్యుత్తరంతొలగించు
  14. సంసారము జేయుచు వి
    ద్వాంసుండౌ విప్రుడొకడు వ్యసనమ్ములకున్
    ధ్వంసమ్మైనిటుబల్కెను
    మాంసాహారమ్మె విప్రమాన్యంబయ్యెన్
    వీటూరి భాస్కరమ్మ

    ప్రత్యుత్తరంతొలగించు
  15. ప్రత్యుత్తరాలు
    1. భాస్కరమ్మ గారూ,
      మీ రెండు పూరణలు బాగున్నవి. అభినందనలు.
      "సంసారమ్మది యీదలేను... జగమెల్లన్ (అంతా అనడం వ్యావహారికం)... కదా యొసగుమా..." అనండి.

      తొలగించు
  16. కంసారిని సద్భక్తిని
    హింసా రహితమనియెంచి యిట్లడు గంగన్
    సంసారమ్మునఁ” బాలయ
    మాం” సాహారమ్మె విప్రమాన్యం బయ్యెన్

    [స+ ఆహారమ్మె = సాహారమ్మె]


    సంసారంబులు సాగుఁ జక్కగను సత్సాంగత్య ముండంగ వి
    ధ్వంసమ్ముల్ భువి నేమి లాభము మనస్తాపమ్మునుం దక్కగన్
    హింసాహీనము రోగ సంక్షయము సుమ్మీ సంతతమ్మున్ వినా
    మాంసాహారమె శ్రేష్ఠమైన దనియెన్ మాన్యుండు సద్విప్రుఁడే

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు అద్భుతంగా ఉన్నవి. అభినందనలు.

      తొలగించు
    2. పూజ్యులు శంకరయ్య గారికి నమః పూర్వక ధన్యవాదములు.

      తొలగించు
  17. మాంసమ్మున్ తగిలించు కొద్ది యనినన్ మ్రానైతి వేలా సతీ
    మాంసమ్మేడను పారు డేడ నను మీమాం సేలనో నేరవే
    మాంసమ్మన్నను నంజుడంచు వినుమా మంగల్యమున్ బోయుచో
    మాంసాహారమె శ్రేష్ఠమైన దనియెన్ మాన్యుండు సద్విప్రుఁడే.

    ప్రత్యుత్తరంతొలగించు
    ప్రత్యుత్తరాలు
    1. మిస్సన్న గారూ,
      మీ పూరణ బాగున్నది. అభినందనలు.

      తొలగించు
  18. హింసను ప్రేరేపించును
    మాంసా హారమ్మె, విప్ర మాన్యంబయ్యెన్
    హంసోపాసనమె పరమ
    హంసలుగా పుర హితమ్ము నాశించుటయే.

    హింసామార్గము బట్టి జీవులను తా హింసించి భక్షించినన్
    మాంసాహారమె, శ్రేష్ఠమైనదనియెన్ మాన్యుండు సద్విప్రుడే
    హింసన్ జేయని లోకపూజ్యుడు పురోహిత్యుండతండే గదా
    హంసోపాసన జేయువాడు భగవధ్యానమ్ముజేయున్ సదా

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ రెండు పూరణలు బాగున్నవి. అభినందనలు.

      తొలగించు
  19. హంసా తూలిక గూర్చొని
    హంసికతో పులియుమేక యాటన యయువే
    ధ్వంసము జేయగమేకను
    మాంసాహారమ్మె విప్రమాన్యం బయ్యెన్

    ప్రత్యుత్తరంతొలగించు
    ప్రత్యుత్తరాలు
    1. హర్షశ్రీ గారూ,
      మీ పూరణ బాగున్నది. అభినందనలు.
      "హంసల తూలిక" అనండి. "...యాటన యయువే"?

      తొలగించు
  20. మాంసమనిన కూరయె, మీ
    మాంస వలదు శాకములను, మానవు లంతా
    సంశయము నొందక తినగ
    మాంసాహారమ్మె విప్రమాన్యంబయ్యెన్

    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ,
      మీ పూరణ బాగున్నది. అభినందనలు.
      "మానవులెల్లన్" అనండి. 'అంతా' అనడం వ్యావహారికం.

      తొలగించు
  21. హింసకు కారణమగునుగ
    మాంసాహారమ్మె, విప్రమాన్యంబయ్యెన్
    కంసారాతిని నిత్యము
    సంసేవించుచు తనరెడు సంకల్పంబే!!!

    ప్రత్యుత్తరంతొలగించు
  22. *శ్రీమతి జి సందిత బెంగుళూరు*


    *కంసారాతికికట్టగాగుడినిసంకల్పించెరాజేంద్రుడే*
    *సంసారంబునునిల్పుబ్రాహ్మణులసంస్థానాగ్రహారంబనన్*
    *హంసారాజ్యపుపల్లెఁగోరుమననాహ్లాదంబునన్ మ్రొక్కి "మీ*
    *మాంసాహారమె" శ్రేష్ఠమైన దనియెన్; మాన్యుండు సద్విప్రుఁడే*


    *శ్రీమతి జి సందిత బెంగుళూరు*

    ప్రత్యుత్తరంతొలగించు
  23. *శ్రీమతి జి సందిత బెంగుళూరు*


    *హంసాదేశమునన్ గుడి*
    *కంసారాతికినొసంగె కనగన్ ప్రభువే*
    *సంసారపోషణకుఁ"మీ*
    *మాంసాహారమ్మె"విప్రమాన్యంబయ్యెన్*


    *శ్రీమతి జి సందిత బెంగుళూరు*

    విప్రమాన్యముగా *మీమాంసాహారము*
    అనే గ్రామాన్ని అగ్రహారంగా రాజుగారు దానం చేశారు

    ప్రత్యుత్తరంతొలగించు
  24. ధ్వంసమ్మున్ సలుపన్ మృగమ్ముల తతిన్ పాపంమటంచెంచు మీ
    మాంసన్ వీడుడు ఖాదనమ్మునకు పద్మాపుత్రుడే యిచ్చె తా
    మాంసంమిచ్చుమృగమ్ములన్నియును సామ్రాజ్యమ్మునందంచు నా
    మాంసాహారమె శ్రేష్ఠమైనదనియెన్ మాన్యుండు సద్విప్రుడే

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.
      "పాప మ్మటం చెంచు..." అనండి. (బహుశా టైపాటు కావచ్చు).

      తొలగించు
  25. హంసను జేరగ విడవలె
    మాంసాహారమ్మె; విప్రమాన్యంబయ్యెన్
    సంసేవింపగ విష్ణుని
    ధ్వంసముజేయగ నఘమును ధ్యానము సతమున్!

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.

      తొలగించు
  26. హింసించ నొరుల భుక్తి కి
    మాంసాహారమ్మె; విప్రమాన్యం బయ్యెన్
    కంసారి తిన్న వెన్న య
    హింసాత్మక మగు ఫలముల హీనము గాగన్

    ప్రత్యుత్తరంతొలగించు
    ప్రత్యుత్తరాలు
    1. కృష్ణారావు గారూ,
      మీ పూరణ బాగున్నది. అభినందనలు.

      తొలగించు
  27. డా.పిట్టా
    మాంసంబేగద జీర్ణపుం గ్రియలకౌ మాంసంపు సద్వాహికల్
    ధ్వంసంబౌ తగునట్లునొత్తగ మహాధ్వానంబు;నాయుష్య మా
    శంసించన్ సరి కూరగాయలరుగున్ ;శాపంపు టారోగ్య మా
    "మాంసాహారమె శ్రేష్ఠమైన"దనియెన్ మాన్యుండు, సద్విప్రుడే?
    (సద్విప్రుడు కాదని ధ్వని)(అధ్వానము॥అమార్గము,శ.ర.)
    మాంసాహారాన్ని జీర్ణ అవయవములు బహు కష్టంగా రస రూపానికి మారుస్తాయి.ఈ భారం వల్ల ఆయుష్యము క్షీణిస్తుంది.

    ప్రత్యుత్తరంతొలగించు



  28. హింసను చేయుచు తిననది

    మాంసాహారమ్మే:విప్రమాన్యంబయ్యెన్

    సంసేవించుచు హరిలో

    సంసిక్తంబైన మనము సమ్మదమందున్.

    ప్రత్యుత్తరంతొలగించు