ఎక్కడో చదివిన గుర్తు. పూర్వము ఇద్దరు కవులున్నారు. వారిలో మొదటి కవి పేరు కృష్ణ మూర్తి (పూర్తి పేరు గుర్తు లేదు). రెండవ కవి పేరు గుర్తు లేదు. అయితే ఈ కవులిద్దరికి ఒకరంటే ఒకరకి పడదు.ఒకసారి ఇద్దరు ఒక సభలో తారస పడ్డారు. అప్పుడు రెండవ కవి అటుగా వెళ్తున్న ఒక కుక్కను చూసి "ఈ శునకము నిజముగా కృష్ణ మూర్తియే" అని అన్నాడట. ఇది తెలిసిన కృష్ణ మూర్తి గొడవ పడితే మీరు తప్పుగా విన్నారు.నేనన్నది "ఈశు - నకము" అనగా ఈశ్వరుని యొక్క బాణము. మిమ్మలని ఈశ్వరుని యొక్క బాణముతో గొప్పగా పోల్చాను అన్నాడట.
అయితే నాకు "నకము" అనే పదము శబ్ధ రత్నాకరములోను, బ్రౌణ్యములోను కనపడ లేదు. తప్పయితే క్షమించ గలరు.
రవి గారు ! నా పద్య రచనలో ఎటువంటి భావాలు పలుకుతున్నాయో, మీ పద్య రచనలో కూడా ఆ భావాలే పలకడం చూస్తుంటే ... ఆశ్చర్యంతో బాటు ఆనందం కలుగుతుంది. నేను ’ వేటూరి ’ పై వ్రాసిన సీస పద్యం ( ’ చలన చిత్ర కవన ఛత్రపతి ’ అన్న నా పోస్ట్ చూడండి. ) లాంటిదే ఇప్పుడే మీ ’ ఒక పద్యం, కొన్ని పైత్యాలు ’ అన్న పోస్టులో చూసాను. ఇప్పుడీ సమస్యా పూరణం కూడా ఇద్దరమూ ’ అయ్యప్ప స్వామి ’ ఆధారంగా పూరించడం మరింత ఆశ్చర్యాన్ని కలిగిస్తూ ఉంది. మీకు నా అభినందనలు. మీరు నన్ను మించిన పద్య కవిగా ఎదగాలని ఆకాంక్షిస్తున్నాను.
@ హరి దోర్నాల - హరి గారూ, పద్యం మంచి ధారాశుద్ధితో, నిర్దోషంగా నడిచింది. బాగుంది. కాని హరి శునకమెలా, ఎప్పు డయ్యాడు?
@ జిగురు సత్యనారాయణ - సత్యనారాయణ గారూ, మీ పూరణలోని "నకము" శబ్దం శ్రీ సూర్యరాయాంధ్ర నిఘంటువు లోను లేదు. మీరు చెప్పిన కృష్ణమూర్తి కవి పద్యం ప్రఖ్యాతమే. ఆ పద్యమే నేనిచ్చిన సమస్యకు ప్రేరణ. దానిని గురించి నా బ్లాగులో "చమత్కార పద్యాలు" శీర్షికలో పోస్ట్ పెడుతున్నాను. మీ రెండవ పూరణ బాగుంది. అభినందనలు.
@ రవి - రవి గారూ, క్రొత్త భావంతో చక్కగా పూరించారు. అభినందనలు.
@ డా. ఆచార్య ఫణీంద్ర - ఫణీంద్ర గారూ, మీ పూరణను వ్యాఖ్యానించే సాహసం చేయగలనా? మీకు నా శతసహస్ర వందనాలు.
ఇనకులమున రాముడిగా
రిప్లయితొలగించండిజనకుని కూతురు మొగుడయి జన రంజకుడై
జనులను కాచుట కొరకై
శునకమ్మైనట్టి హరియె శుభముల నొసఁగున్.
తనరు త్రిపురములఁగూల్చగ
రిప్లయితొలగించండిఅనికి చనెడి హరునకు హరి అమరెను తూపై
వనజాక్షుఁడు శ్రీధరుఁడీ
శు నకమ్మైనట్టి హరియె శుభముల నొసఁగున్!!
నకము = బాణము
ఈశు నకము = ఈశ్వరుని యొక్క బాణము
(వివరణ: త్రిపురాసురల పైకి శివుడు యుద్ధానికి వెళ్తుంటే, హరి శివునికి బాణము గా మారెను. అటువంటి ఈశ్వరుని యొక్క బాణమైన హరి మనకు శుభములు ఇచ్చుగాక)
ఎక్కడో చదివిన గుర్తు.
రిప్లయితొలగించండిపూర్వము ఇద్దరు కవులున్నారు. వారిలో మొదటి కవి పేరు కృష్ణ మూర్తి (పూర్తి పేరు గుర్తు లేదు). రెండవ కవి పేరు గుర్తు లేదు. అయితే ఈ కవులిద్దరికి ఒకరంటే ఒకరకి పడదు.ఒకసారి ఇద్దరు ఒక సభలో తారస పడ్డారు. అప్పుడు రెండవ కవి అటుగా వెళ్తున్న ఒక కుక్కను చూసి "ఈ శునకము నిజముగా కృష్ణ మూర్తియే" అని అన్నాడట. ఇది తెలిసిన కృష్ణ మూర్తి గొడవ పడితే మీరు తప్పుగా విన్నారు.నేనన్నది "ఈశు - నకము" అనగా ఈశ్వరుని యొక్క బాణము. మిమ్మలని ఈశ్వరుని యొక్క బాణముతో గొప్పగా పోల్చాను అన్నాడట.
అయితే నాకు "నకము" అనే పదము శబ్ధ రత్నాకరములోను, బ్రౌణ్యములోను కనపడ లేదు. తప్పయితే క్షమించ గలరు.
జనులను ఘనులను మునులను
రిప్లయితొలగించండితన బలమున హింసఁజేయు దశకంఠునకున్
జనకసుత హరునకసురే
శునకమ్మైనట్టి హరియె శుభముల నొసఁగున్!!
అకము = దుఃఖము
అసుర +ఈశున్ +అకమ్ము +ఐనట్టి = అసురేశునకమ్మైనట్టి =రాక్షస రాజు దుఃఖమునకు కారణమైన
(వివరణ: సీతను హరించి, సాధువులను హింసించే రావణుడు అనే రాక్షస రాజు యొక్క దుఃఖమునకు కారణమైన హరి మనకు శుభములు ఇచ్చుగాక)
కనియెన్ మోహినియై ఈ
రిప్లయితొలగించండిశునిఁ గూడియు హరి,హరిహర సుతునిన్.స్త్రీగా
దనరున్నా శబరిగిరీ
శునకమ్మైనట్టి హరియె శుభముల నొసఁగున్
జననమిడె తొల్లి శివుని వ
రిప్లయితొలగించండిలన అయ్యప్పకు, హరి తను లలనామణి మో
హినియై ! ఆ శబరిమలే
శున కమ్మైనట్టి హరియె శుభముల నొసగున్ !
రవి గారు !
రిప్లయితొలగించండినా పద్య రచనలో ఎటువంటి భావాలు పలుకుతున్నాయో, మీ పద్య రచనలో కూడా ఆ భావాలే పలకడం చూస్తుంటే ... ఆశ్చర్యంతో బాటు ఆనందం కలుగుతుంది. నేను ’ వేటూరి ’ పై వ్రాసిన సీస పద్యం ( ’ చలన చిత్ర కవన ఛత్రపతి ’ అన్న నా పోస్ట్ చూడండి. ) లాంటిదే ఇప్పుడే మీ ’ ఒక పద్యం, కొన్ని పైత్యాలు ’ అన్న పోస్టులో చూసాను. ఇప్పుడీ సమస్యా పూరణం కూడా ఇద్దరమూ ’ అయ్యప్ప స్వామి ’ ఆధారంగా పూరించడం మరింత ఆశ్చర్యాన్ని కలిగిస్తూ ఉంది.
మీకు నా అభినందనలు. మీరు నన్ను మించిన పద్య కవిగా ఎదగాలని ఆకాంక్షిస్తున్నాను.
ఘన త్రిపురాసురులన్
రిప్లయితొలగించండిదునుమాడఁగఁ దగిన శరము దొరకని కతనన్
జనసంక్షేమము కొఱ కీ
శున కమ్మైనట్టి హరియె శుభముల నొసఁగున్.
(జనసంక్షేమము కొఱకు + ఈశునకు + అమ్ము + ఐనట్టి హరియె)
ఈశునకు = శివునకు
అమ్ము = బాణం
(ఘనులైన త్రిపురాసురులను చంపడానికి తగిన బాణం దొరకక పోవడంతో శివుని కోసం బాణంగా మారిన విష్ణువే మనకు శుభాల నిస్తాడు)
@ హరి దోర్నాల -
రిప్లయితొలగించండిహరి గారూ, పద్యం మంచి ధారాశుద్ధితో, నిర్దోషంగా నడిచింది. బాగుంది. కాని హరి శునకమెలా, ఎప్పు డయ్యాడు?
@ జిగురు సత్యనారాయణ -
సత్యనారాయణ గారూ, మీ పూరణలోని "నకము" శబ్దం శ్రీ సూర్యరాయాంధ్ర నిఘంటువు లోను లేదు. మీరు చెప్పిన కృష్ణమూర్తి కవి పద్యం ప్రఖ్యాతమే. ఆ పద్యమే నేనిచ్చిన సమస్యకు ప్రేరణ. దానిని గురించి నా బ్లాగులో "చమత్కార పద్యాలు" శీర్షికలో పోస్ట్ పెడుతున్నాను.
మీ రెండవ పూరణ బాగుంది. అభినందనలు.
@ రవి -
రవి గారూ, క్రొత్త భావంతో చక్కగా పూరించారు. అభినందనలు.
@ డా. ఆచార్య ఫణీంద్ర -
ఫణీంద్ర గారూ, మీ పూరణను వ్యాఖ్యానించే సాహసం చేయగలనా? మీకు నా శతసహస్ర వందనాలు.
@ఆచార్య ఫణీంద్ర గారు:
రిప్లయితొలగించండిఅవునండి. నేనూ చాలా ఆశ్చర్యపడ్డాను. ఆనందంగానూ ఉంది. పద్యరచనలో నేనింకా విద్యార్థినే. మీ వంటి మహామహుల ఆశీస్సులే కావాలి.
కనగలవానికి నగుపడు
రిప్లయితొలగించండికనగన్లేనట్టివారి కగుపడడెపుడున్,
కనగా మనలన్ గాచెడు
శునకమ్మైనట్టి హరియె శుభముల నొసఁగున్.
(ఇందు గలడందు లేడను సందేహము వలదు... భావముతో పూరించాను)
"సుమిత్ర" గారూ,
రిప్లయితొలగించండిసర్వాంతర్యామి అయిన హరిని శునకంలో చూసారు, భేష్ ...
కండి శంకరయ్య గారు,
రిప్లయితొలగించండిపొరపాటే, కాని వేరే ఆలోచించలేక పోయాను.
జనులను శునకంలా కాపలా కాచాడు అనే అర్థం లో వాడడానికి ప్రయత్నించాను.
"ఈశునకు + అమ్ము + ఐ" మాత్రమే నేనింతకు ముందు చదివిన విరుపు.
రిప్లయితొలగించండి"ఈశునకు + అమ్మ + ఐ" అని విరిచి "శబరి గిరీశునకు" అని పూరించడం చాలా బాగుంది!
భైరవభట్ల కామేశ్వరరావు గారూ,
రిప్లయితొలగించండి"శంకరాభరణం" బ్లాగు మీకు స్వాగతం పలుకుతోంది. మీరు నా బ్లాగును వీక్షించి నన్ను ధన్యుణ్ణి చేశారు.
అందరికీ వందనములు !
రిప్లయితొలగించండిఅందరి పూరణలూ
అలరించు చున్నవి !
01)
____________________________________
ఇనుడతడె , సర్వప్రాణుల
మనువాతడె; సర్వలోక - మంగళు డతడే !
కనుగొనెద మెందు జూచిన !
శునకమ్మైనట్టి హరియె - శుభముల నొసఁగున్ !
____________________________________
మనువు = జీవము
విను త్రిపుర వధకు పరమే
రిప్లయితొలగించండిశున కమ్మైనట్టి వాని స్తుతులను జేయన్
ఘన కరి మరి శబరి మలే
శునకమ్మైనట్టి హరియె శుభముల నొసగున్ !
అనువుగ స్వర్గపు బాటను
రిప్లయితొలగించండికనుమరుగవకుండ తాను కాలిని నడకన్
చనగ యుధిష్ఠిరు చెంతను
శునకమ్మైనట్టి హరియె శుభముల నొసఁగున్
హరి = యముడు