20, జూన్ 2010, ఆదివారం

సమస్యాపూరణం - 16

కవి మిత్రులకు నమస్కృతులు. ఈ రోజు పూరణ కోసం నేనిస్తున్న సమస్య .......................
మేడపైనుండి పడినను మేలు కలిగె.

19 కామెంట్‌లు:

  1. శంకరయ్యగారు, ఈ పూరణ మరీ సులువుగా ఉందనిపించిందండి. అందుకే కొంచెం ఛమక్కు కనిపించడానికి మళ్ళీ కాస్త శృంగారరసాన్ని ఆశ్రయించక తప్పట్లేదు.

    ఏడు నెలలుగ మెచ్చిన ఇంతి ఎదుట
    పడితి, ననుఁజూసి జాలిగ పాపమంచు
    మాట కలుపుచు లేపెను, మాడు పగులఁ
    మేడపైనుండి పడినను మేలు కలిగె

    రిప్లయితొలగించు
  2. గణ,యతి,ప్రాసలు కిట్టించాననే అనుకుంటున్నాను, తప్పులుంటే చెప్పండి

    పైన యుండునుమోహను- పడుచు పిల్ల
    వనజ క్రిందిభాగమునందు; కనులు గలిపి
    దిగుచు కాలుజారిపడగ మగువ నిలిపె
    మేడపై నుండి పడినను మేలు కలిగె

    రిప్లయితొలగించు
  3. @ సందీప్ -
    @ వూకదంపుడు -

    సందీపు, వూకదంపుడు
    అందించిరి పూరణముల నందముగా నే
    మందును వీరల భావము
    లం దేకత తోచె; చిత్ర మనిపించెఁ గదా!

    రిప్లయితొలగించు
  4. తే.గీ.
    పూచె మేడపై నొక జాజి పూల తీగ
    మెట్ల నెక్కఁజాలక వృద్ధ మిన్నకుండే
    గాలి వానకు రాలెను పూలు కొన్ని
    మేడపైనుండి పడినను మేలు కలిగె!!

    రిప్లయితొలగించు
  5. (అక్షర దోష సవరణతో)
    తే.గీ.
    పూచె మేడపై నొక జాజి పూల తీగ
    మెట్ల నెక్కఁజాలక వృద్ధ మిన్నకుండె
    గాలి వానకు రాలెను పూలు కొన్ని
    మేడపైనుండి పడినను మేలు కలిగె!!

    రిప్లయితొలగించు
  6. కదప లేనట్టి కాలికి కట్టుగట్టి
    కదల వద్దని చెప్పి నా కాంక్ష పెట్టె
    కాలు విరిగితేనేమి నా కాంక్ష దీరె
    మేడపైనుండి పడినను మేలు కలిగె

    రిప్లయితొలగించు
  7. @ జిగురు సత్యనారాయణ -
    @ చదువరి -

    జాజిపూలను పడగొట్టి సరసముగను
    "జిగురు సత్యనారాయణ" చెప్పె కవిత!
    కాలు విఱుగఁగాఁ దన కోరికలను దీర్చు
    కొను నదృష్టమునుఁ దగఁ జెప్పెను "చదువరి".

    రిప్లయితొలగించు
  8. అన్ని పద్యాలు బాగున్నాయండి.....మీ అందరికీ నా ధన్యవాదములు మంచి పద్యాలు అందచేస్తున్నందుకు "" ఒక వ్యక్తి కేవలం మాటలు చెప్తూ ,గాలి లో మేడలు కడుతూ బ్రతికే రొజుల్లో ఇవన్నీ వ్యర్ధం అని తెలుసుకున్నాడు...ఆతని గాలి మేడలు అన్నీ కూలి పొయాయి...నిజం తెలుసుకుని అతనికి మేలు జరిగింది "" ఇలాంటి భావన నాది పద్యం రాయాలనే ఆసక్తి నే గానీ రాయగల శక్తి లేదు నాకు నా భావన తగినది అయితే పద్య రూపం లో అందచేయగలరు

    రిప్లయితొలగించు
  9. పరుచూరి వంశీ కృష్ణ గారూ,
    మీ భావనకి పద్య రూపాన్నిచ్చే ఓ ప్రయత్నం.

    ఏడ నున్నాను నేనను ఎరుక లేక
    అంబరమునంట నేనెగుర సంబరమున
    కలిగె కనువిప్పు కూలితి కడకు కలల
    మేడపై నుండి పడినను మేలు కలిగె

    ఫణి

    రిప్లయితొలగించు
  10. @ పరుచూరి వంశీకృష్ణ గారూ,
    నా బ్లాగు నచ్చినందుకు ధన్యవాదాలు. మీ భావాన్ని శ్రీ ఫణిప్రసన్న కుమార్ గారు అందమైన పద్యంగా తీర్చి దిద్దారు. గమనించారు కదా.

    @ ఫణిప్రసన్న కుమార్ గారూ,
    వంశీకృష్ణ గారి భావానికి అందమైన పద్యరూపం ఇచ్చి నాకు శ్రమ తప్పించారు. అభినందనలు, ధన్యవాదాలు.

    రిప్లయితొలగించు
  11. గతముమరచెను శిరమునగాయమయ్యి
    బండి గుద్దుకొనగ నాడు బస్సుతోడ
    స్మృతియు కలిగెనేడు మరల సుగతి వలన
    మేడపైనుండి పడినను మేలు కలిగె

    రిప్లయితొలగించు
  12. బాబు సైకిలు నేర్వగ బాగుఁ గంటి
    మేడపైనుండి; పడినను మేలు కలిగె
    తనకు. మరల మరల ప్రయత్నమును జేసి
    కడకు నేర్చుకునెఁ యతఁడు కష్ట పడుచు

    రిప్లయితొలగించు
  13. వెరైటీ గా ఉన్నాయండీ అన్నీ(అందరి) పద్యాలు. చాలా బాగున్నాయ్.

    రిప్లయితొలగించు
  14. @ సుమిత్ర -
    @ రవి -

    గతము గుర్తు చేయు హితమును కల్పించు
    మేటి పూరణము "సుమిత్ర" దయ్యె,
    మేడపైన నిలిచి చూడఁగా బాలుఁడు
    పడిన విధము నిట్లు పలికెను "రవి"

    రిప్లయితొలగించు
  15. ప్రణీత స్వాతి గారూ,
    సమస్యాపూరణ లందిస్తున్న కవులు మీరడిగినట్లుగా తమ పద్యాలకు వివరణలు కాని, కఠిన పదాలకు అర్థాలను కాని ఇవ్వకున్నా మీరు ఆ పద్యాల భావాన్ని అవగతం చేసుకొని పద్య కవితా మాధుర్యాన్ని ఆస్వాదిస్తున్నందుకు ఆనందంగా ఉంది.

    రిప్లయితొలగించు
  16. నర్సు భామను ప్రేమించి నాను నేను,
    మేడ పైనుండి పడ చిట్లె మెడలు, జేర,
    ఆసుపత్రిని ఐలవ్యు అనెను భామ
    మేడపైనుండి; పడినను మేలు కలిగె.

    రిప్లయితొలగించు
  17. అందరికీ వందనములు !
    అందరి పూరణలూ అలరించు చున్నవి !

    01)
    ________________________________

    వాణినే , జూచి ప్రేమలో - పడితి నేను
    మేడ పైనుండి ! పడినను - మేలు కలిగె !
    పొరుగు వారది జూచిమా - పొందు నెరిగి
    వాణికిని నాకు జేసిరి - పరిణయమ్ము !
    ________________________________

    పొందుప్రేమ

    రిప్లయితొలగించు
  18. గోలి హనుమచ్ఛాస్త్రి గారూ,
    బాగుంది మీ పూరణ. అభినందనలు.

    వసంత కిశోర్ గారూ,
    మీ పూరణ చక్కగా ఉంది. అభినందనలు.

    రిప్లయితొలగించు