"గుండ్రాతికి కాళ్ళు వచ్చి గునగున నడిచెన్"
17వ శతాబ్దంలో మోచర్ల సోదరులుగా పేరుపొందిన కవులు వెంకన్న, దంతప్పలు. వీరి నివాసం నెల్లూరు జిల్లాలో తెట్టు గ్రామం. వేజెళ్ళ సంస్థానంలో ప్రసిద్ధి పొదిన కవులు వీళ్ళు. వీరి పేరుతో వందకు పైగా చాటు పద్యా లున్నాయట. సమస్యాపూరణంలో దిట్టలు వీళ్ళు. ఎవరో దత్తప్పకు "గుండ్రాతికి కాళ్ళు వచ్చి గునగున నడిచెన్" అనే సమస్యను ఇచ్చారట. ండ్ర అనే దుష్కర ప్రాసతో పద్యం చెప్పడం చాలా కష్టం. దానిని దత్తప్ప పూరించిన పద్యం చాలా ప్రసిద్ధం. ఉండ్రా యోరి దురాత్మక!
యిండ్రా ప్రాసమ్ము కవుల కియ్యఁ దగున? కో
దండ్రాము పదము సోకిన
గుండ్రాతికి కాళ్ళు వచ్చి గునగున నడిచెన్.
దీనికి నా పూరణ -
ఎండ్రి వలె నడచువా రెన
మండ్రు కలిసి యెత్తి తమదు మస్తకముల పె
క్కండ్రు మది మెచ్చి చూడఁగ
గుండ్రాతికి కాళ్ళు వచ్చి గునగున నడిచెన్.
బావుందండి. చాలా రోజులుగా వెతికాను, ఈ పద్యం ఎక్కడిదని. నా ప్రయత్నమూ ఒకటి.
రిప్లయితొలగించండితండ్రీ! నీ లీలలివెగ!
మండ్రాటముగా శిలయయి పడు గౌతమునిన్
ఆండ్రు నీ పదమందెను.
గుండ్రాతికి కాళ్ళు వచ్చి గునగున నడిచెన్.
రవి గారూ,
రిప్లయితొలగించండి"మండ్రాటము" ... మీ కెక్కడ దొరుకుతాయండీ ఇంత చక్కని పదాలు? పూరణ బాగుంది. కాని "గౌతమునిన్ ఆండ్రు" ప్రయోగమే పానకంలో పుడకలా తగుల్తోంది. అన్నట్టు .. నేను పూరించినప్పుడు "తండ్రి" శబ్దం స్ఫురించలేదు.
శంకరయ్య గారు
రిప్లయితొలగించండినేను ఇలా ప్రయత్నించాను
ఉండ్రాళ్ళను తిన్నట్టుగ
హండ్రెడు పర్సెంటు సొమ్ము హారము కాగా
తండ్రీ ప్రాజెక్టుల పని
గుండ్రాతికి కాళ్ళు వచ్చి గునగున నడిచెన్.
హరి దోర్నాల గారూ,
రిప్లయితొలగించండిమీ పూరణ హండ్రెడ్ పర్సెంట్ ఓ.కే. అభినందనలు.
శంకరయ్య గారు, మీరనుకున్నంత గొప్పవాణ్ణి కాను. జాలంలో బ్రౌణ్య గ్రంథం ఉంది. ఇలాంటి దుష్కర ప్రాసలున్నప్పుడు అందులో చూసి కిట్టించడమే తప్ప, స్వయంప్రతిభ కాదు నాది.
రిప్లయితొలగించండినా దో సరదా పూరణ నాలకించండీ
రిప్లయితొలగించండిలెండ్రా, పల్లము వల్లనె
గుండ్రాతికి కాళ్ళు వచ్చి గునగున నడిచే
పొండ్రా యెనకే, ఇహ ఆ
పండ్రా, రాళ్ళన్ బడి శిలపాలయి నారేం?
శంకరయ్యగారూ!
రిప్లయితొలగించండిఈ సమస్య వ్యుత్పత్తి గురించి మీ వల్ల తెలిసింది. చాలా సంతోషం.
పూరణలు అందరివీ బాగున్నాయి. కవుల సంఖ్యని పెంచుతున్నందుకు మీకు అభినందనలు.
దయచేసి కొనసాగించండి!
చాలా బావుంది. అభినందనలు అందరికీ
రిప్లయితొలగించండితండ్రీ కృష్ణా! నిన్నును
రిప్లయితొలగించండిగుండ్రాతికిఁగట్ట మాత కోపము తోడన్
గండ్రించితివట తరువుల్
గుండ్రాతికి కాళ్ళు వచ్చి గునగున నడిచెన్!!
పండ్రెండొందలు టికెటుకు!
రిప్లయితొలగించండిరండ్రా పోదామనఁవిని rockకు బోవన్
ఓండ్రెట్టెను సింగరొకడు
గుండ్రాతికి కాళ్ళు వచ్చి గునగున నడిచెన్
(నా ఉద్దేశం ఆ గోల వినలేక గుండ్రాయి కూడా నడిచి బయటకు వెళ్ళిపోయింది అని).
గిరి గారూ,
రిప్లయితొలగించండిసరదాగా సాగింది మీ పూరణ. బాగుంది.
కృష్ణశ్రీ గారూ,
"శంకరాభరణం" బ్లాగుకు స్వాగతం. నా బ్లాగు మీకు నచ్చినందుకు ధన్యవాదాలు.
కొత్తపాళీ గారూ,
స్వాగతం. నా బ్లాగు నచ్చినందుకు ధన్యుణ్ణి.
జిగురు స్త్యనారాయణ గారూ,
పూరణ బాగుంది. ధన్యవాదాలు.
సందీప్ గారూ,
హాస్యస్ఫోరకంగా సమస్యను పూరించారు. బాగుంది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
01)
__________________________________
బండ్రాజు పెట్ట మూపున
గండ్రంబుగ నున్న రాయి - గాడిద జేరెన్ !
పండ్రెండు మైళ్ళ దూరము !
గుండ్రాతికి కాళ్ళు వచ్చి - గునగున నడిచెన్ !
__________________________________
వసంత కిశోర్ గారూ,
రిప్లయితొలగించండిమీ పూరణ ప్రశస్తంగా ఉంది. అభినందనలు.
శంకరయ్యగారూ!
రిప్లయితొలగించండిఇలాంటి పూరణలకి యేమైనా అర్థం వుందా?
గుండ్రాతికి కాళ్లు వచ్చి, గుణ గుణ నడచినా, మన కవిత్వాలు కనీసం తప్పటడుగులైనా వేస్తాయా? యేమో. మీరే చెప్పాలి!
కృష్ణశ్రీ గారూ,
రిప్లయితొలగించండిచాలా సందర్భాలలో ఇలాంటి పూరణలలో భావసౌందర్యం లోపించవచ్చు. కాని ఇవి కవికి భాషపై ఉన్న అధికారాన్నీ, అతని పదసంపదనూ, సమయస్ఫూర్తిని తెలియజేస్తాయి. ఒక సమస్యకు పరిష్కారం ఆలోచించి, దానికి పద్యరూపం ఇవ్వడం ఒక విధంగా కవికి ప్రసవవేదనే. పద్యం పూర్తయినప్పుడు, దానిని ఇతరులు ప్రశంసించినప్పుడు కలిగే ఆనందం వర్ణనాతీతం.
శంకరార్యా ! చాలా చక్కగా చెప్పారు !
రిప్లయితొలగించండిసమస్య అంటేనే - అర్థం లేనిదీ - అపార్థం కలిగించేదీనూ !
దానిని సాధించి సక్రమం చేసినపుడు కలిగే ఆనందం అనుభవిస్తే గాని
అర్థం కాదు !
గుండ్రాయని పొర బడితిని
రిప్లయితొలగించండిగండ్రిసుకన పైన మెరసి కనబడుచుండన్!
ఎండ్రియె యది, కాల్దగులగ
గుండ్రాతికి కాళ్ళు వచ్చి గునగున నడిచెన్!!
గోలి హనుమచ్ఛాస్త్రి గారూ,
రిప్లయితొలగించండిబాగుంది మీ పూరణ. అభినందనలు.
మాస్టరు గారూ ! ధన్యవాదములు.
రిప్లయితొలగించండిఉండ్రాని యడవి లోన
రిప్లయితొలగించండిగుండ్రాయై పడియున్న కోమలిపై కో
దండ్రాముని పదముల్ సోకి
గుండ్రాతికి కాళ్ళు వచ్చి గునగున నడిచెన్.
చిన్నప్పుడు మా నాన్న ఈ పద్యం చెప్పెవారు. గుర్తు వున్నంత లొ రాసాను.
తప్పులు వుంటె క్షమించ గలరు.
కిరణ్ గారూ,
తొలగించండిబ్లాగును వీక్షించినందుకు, వ్యాఖ్యానించినందుకు సంతోషం!
మీ నాన్నగారు సరిగానే చెప్పి ఉంటారు. మీరు చెప్పిన పద్యంలో కొన్ని లోపాలున్నాయి. నా సవరణ...
ఉండ్రాని యడవిలోనన్
గుండ్రాయిగను పడియున్న కోమలిపై కో
దండ్రాము పదము సోకిన
గుండ్రాతికి కాళ్ళు వచ్చి గునగున నడిచెన్.