కవిమిత్రులారా,
ఈరోజు పూరించవలసిన సమస్య ఇది...
"తనయుఁడు తమ్ముఁ డయ్యె నది తప్పగునో మఱి యొప్పునో సఖీ"
లేదా...
"తనయుఁడు తన తమ్ముఁ డయ్యెఁ దప్పో యొప్పో"
ఈరోజు పూరించవలసిన సమస్య ఇది...
"తనయుఁడు తమ్ముఁ డయ్యె నది తప్పగునో మఱి యొప్పునో సఖీ"
లేదా...
"తనయుఁడు తన తమ్ముఁ డయ్యెఁ దప్పో యొప్పో"
రిప్లయితొలగించండిపినతల్లి కైక ముద్దుల
తనయుఁడు తన తమ్ముఁ డయ్యెఁ, దప్పో యొప్పో
తనకై కోరెను వరమ
మ్మ నన్నరణ్యమునకేగమనుచున్ గాదే !
జిలేబి
జిలేబీ గారూ,
తొలగించండిపూరణ బాగున్నది.
చివరి పాదం ప్రారంభంలో కొంత అస్పష్టట, అన్వయలోపం ఉన్నవి.
ఆర్యా! ఇది ఉన్న మాట! స్మార్తుడనైన నేను దూరాభారమైన మధ్వుల కన్యను వివాహమాడి లెఖ్ఖలుగట్టగ తను నాకు వేళ్ళు విడిచిన కూతురాయె!!!
రిప్లయితొలగించండితన మతమును తన కులమును
తన శాఖను తలనుదన్ని తత్తర బిత్తై
తన పిన్నిని పెండ్లాడగ
తనయుఁడు తన తమ్ముఁ డయ్యెఁ దప్పో యొప్పో!
మనువులు దొరకని ఈకాలం అన్నీ తార్మారే!
నా కనిష్ఠ మేనమామ గరిష్ఠ పుత్రిక, నా భార్య కనిష్ఠ పినతాత గారి కనిష్ఠ పుత్రిక, తీరాజూస్తే ఒకే ఇంటి కోడళ్ళయ్యారు! ఏదీ ప్రేమ వివాహం కాదు...ద్రావిడులూ మధ్వులూ కలగాపులగం!
తొలగించండిప్రభాకర శాస్త్రి గారూ,
తొలగించండిమీ పూరణ బాగున్నది.
అనునయ ముగకోరె దుహితను
రిప్లయితొలగించండితనయులు నీకుండె గాన దత్తత నొకనిన్
వినయమ్మున తల్లి కీయగ
తనయుఁడు తన తమ్ముఁ డయ్యెఁ దప్పో యొప్పూ
అక్కయ్యా,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. 'అనునయముగ గోరె సుతను' అనండి.
అనునయ ముగకోరె సుతను
తొలగించండితనయులు నీకుండె గాన దత్తత నొకనిన్
వినయమ్మున తల్లి కీయగ
తనయుఁడు తన తమ్ముఁ డయ్యెఁ దప్పో యొప్పో
వినయ గుణంబు నెన్నటికివీడనివీడనఁనాకుఁ బ్రాణమే
రిప్లయితొలగించండిఅనయము నాకు, నీతడు మహార్ణవశాయి కిశేషునట్లు నౌ,
మనకు సుపూజ్య యౌచుఁ నిజమాతకు సాదృశయౌ సుమిత్రకున్
తనయుఁడు తమ్ముఁడయ్యె నది తప్పగునా మఱి యొప్పగునా సఖీ"
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండితన తల్లి యొరిగె రోగిగ
తనయుడు తన బాగు జూచు తల్లిం గొన మా
ర్మనువున కోడలు చెలియలె!?
తనయుడుతన తమ్ముడయ్యె తప్పో యొప్పో?!
మననము జేసితిన్ జటిలమాయె సమస్యయె, పాలివారికిన్
విన నపహాస్య హేతువగు వీడరు స్వార్థము దాన లాభమే?
కనుగొనె యుక్తకాయుడగు కన్న సుపుత్రుడె దారి జూపె బో!
తనయుడె తమ్ముడయ్యె నది తప్పగునా మరి యొప్పగున్ సఖీ?!
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి.
యముని తలపులలో...
రిప్లయితొలగించండిమునిసేవకు వరమందుచు
వర పుత్రునిఁ గుంతి పొందె భానుని వలనన్
తను నాతో భీమునిఁ గన
తనయుఁడు తన తమ్ముఁడయ్యెఁ దప్పో యొప్పే?
సహదేవుడు గారూ,
తొలగించండిమీ పూరణ ప్రశస్తంగా ఉన్నది. అభినందనలు.
రెండవపాదములో ప్రాస ?
తొలగించండి'గనె పుత్రుని కన్య కుంతిగ్రహపతి వలనన్'
అనవచ్చా
ధన్యవాదాలు! నేనా దోషాన్ని గమనించలేదు. మీ సవరణ బాగున్నది.
తొలగించండిసహదేవుడుగారు మీ యూహ యద్భుతము. కాని ధర్మజుఁ గన అనండి. అలాగే ప్రాస గూడ మార్చాలి రెండవ పాదములో.
తొలగించండిగురుదేవులకు, కవిమిత్రులకు ధన్యవాదములు.తమరి సూచనలననుసరించి సవరించిన పూరణ:
తొలగించండియముని తలపులలో...
మునిసేవకు వరమందుచుఁ
గనె పుత్రుని కన్య కుంతి గ్రహపతి వలనన్
తను నాతో ధర్మజుఁ గన
తనయుఁడు తన తమ్ముఁడయ్యెఁ దప్పో యొప్పే?
supar sahadevudu gaaru
రిప్లయితొలగించండిఅక్కయ్య గారికి ధన్యవాదములు.
తొలగించండివినుడీ వరుసలు ! పితరుని
రిప్లయితొలగించండితనయుడు తన తమ్ముడయ్యె! దప్పో యొప్పో
యన, పిన్నగుచో యొప్పగు!
తనకు మునుపె పుట్టెనేని తన యన్న యగున్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
విన భారతీయులందరు
రిప్లయితొలగించండిమనకు సహోదరులగుదురు మరియా విధమున్
గన నిట్లనవలె గాదా!
తనయుఁడు తన తమ్ముఁ డయ్యెఁ దప్పో యొప్పో"
మూర్తి గారూ,
తొలగించండిమీ పూరణ బాగున్నది. అభినందనలు.
......మఱి యొప్పగున్ సఖీ అని ఉండాలి టైపాటు.
రిప్లయితొలగించండిమిస్సన్న గారూ,
తొలగించండిధన్యవాదాలు. గుండు మధుసూదన్ గారు కూడా ఫోన్ ద్వారా గణదోషాన్ని తెలియజేశారు. సవరించాను.
వనమున కేగుచు,కైకకు
రిప్లయితొలగించండితనయుడుతనతమ్ముడ య్యె తప్పోఒప్పో
తనరాజ్యము పాలించగ
అనుజుడు భరతుడె సమర్దు డనిరాముడనెన్
చేపూరి శ్రీరామారావు గారూ,
తొలగించండిమీ పూరణ బాగున్నది.
తన సుతు నేమని యందురు?
రిప్లయితొలగించండితన తదుపరి తోడబుట్టు తనయుండేమౌ?
తన యన్న తండ్రి సముడగు!
తనయుడు, తన తమ్ముడయ్యె, దప్పో యొప్పో!
శిష్ట్లా శర్మ గారూ,
తొలగించండిక్రమాలంకారంలో మీ పూరణ బాగున్నది.
తనసఖి తోననెన్ యొకతె తమ్ముడు నత్తరి బెండ్లియాడగన్
రిప్లయితొలగించండివినుమిది వావియున్ వరుస వీడి చరింపగ క్రిందుమీదునౌ
మునుపటి కాలమందు మును ముందుగ జూచిరి జాగరూకతన్
"తనయుఁడు తమ్ముఁ డయ్యె నది తప్పగునా మఱి యొప్పగునా సఖీ"
జనార్దన రావు గారూ,
తొలగించండిమీ పూరణ బాగున్నది.
'అనెన్+ఒకతె' అన్నపుడు యడాగమం రాదు. 'తన సఖితోడ బల్కె చెలి...' అందామా?
ధన్యవాదాలు ! తెలుగు పాఠాలు చదివి నలభై రెండేళ్ళు కావస్తున్నది.(రాజనీతి శాస్త్రం వాళ్ళం) ఎప్పుడు నేర్చుకుంటామో ఈ యడాగమ, నుగాగమ, సరళాదేశ, ధృత,టుగాగమ,పుంప్వాదేశ etc సంధులు!
తొలగించండిదినకరుని కుమారుడనని
రిప్లయితొలగించండియనిరుద్ధుడు దెలుప దెలిసె ; నా ధర్మజుడే
యనుజుండ గునట ! కుంతీ
తనయుఁడు తన తమ్ముఁ డయ్యెఁ దప్పో యొప్పో
కృష్ణారావు గారూ,
తొలగించండిమీ పూరణ బాగున్నది.
విను,భానుడి వరమున నీ
రిప్లయితొలగించండిజననము నా కుంతి వలన సంభవమొందె
న్నన, కర్ణుడనియె కుంతీ
తనయుడు తన తమ్ముడయ్యె దప్పోయొప్పో!
నాగేశ్వర రావు గారూ,
తొలగించండిమీ పూరణ బాగున్నది.
మాఅమ్మగారి పెదన్నాన్న మగపిల్లలు లేరని కూతురు కొడుకుని దత్తత తీసికొని యింటి పేరుకూడా మార్చి ఆస్తిని వ్రాశాడు.
రిప్లయితొలగించండిసమస్యః తనయుఁడు తన తమ్ముఁ డయ్యెఁ దప్పో యొప్పో
తనయులు లేరంచు నొకడు
తనూజ పుత్రుఁగొన దత్తత తలోదరికిన్
తన గర్భమునను పుట్టిన
తనయుఁడు తన తమ్ముఁ డయ్యెఁ దప్పో యొప్పో
రెడ్డి గారూ,
తొలగించండిమీ పూరణ బాగున్నది.
రిప్లయితొలగించండిహనుమయు,భీముడు,పవనుని
తనయులవగ తగునటన్నదమ్ము లనంగన్,
హనుమకు,విజయుడు,కుంతీ
తనయుడు తన తమ్ముడౌట తప్పో?,యొప్పో?
తిమ్మాజీ రావు గారూ,
తొలగించండిమీ పూరణ బాగున్నది.
కన మిల నిట్టి వాని నికఁ గన్నుల నిక్కలి కాల మందునన్
రిప్లయితొలగించండివినయ విధేయ తాది గుణ విశ్రుత సచ్చరి తాంత రంగుడే
యనయము దైవ చింతనము నాకలి దప్పులె రుంగ డమ్మ శాం
త నయుఁడు తమ్ముఁ డయ్యె నది తప్పగునో మఱి యొప్పునో సఖీ
[నయుడు= నీతిపరుడు]
తన వారన్న న్గిట్టదు
తన మాటయె కాని యొరుల తలపుల వినడే
వినయమ లేని వదరుఁబో
తనయుఁడు తన తమ్ముఁ డయ్యెఁ దప్పో యొప్పో
[వదరుఁబోతు+అనయుఁడు; అనయుడు = నీతిలేనివాడు]
కామేశ్వర రావు గారూ,
తొలగించండివిలక్షణమైన విరుపులతో మీ పూరణలు అద్భుతంగా ఉన్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండి04.11.2016.శంకరాభరణము.సమస్య:తనయుడు తన తమ్ముడౌటతప్పో,యొప్పో.
రిప్లయితొలగించండిపూరణ:హనుమయు,భీముడు,పవనుని
తనయులవగ తగునటన్నదమ్ము లనంగన్,
హనుమకు,విజయుడు,కుంతీ
తనయుడు తన తమ్ముడయ్యె? తప్పో?,యొప్పో?
తిమ్మాజీ రావు గారూ,
తొలగించండిమీ పూరణ బాగున్నది.
క్రొవ్విడి వెంకట రాజారావు:
రిప్లయితొలగించండితనకు పినదండ్రి కృష్ణుని
తనయుడు తన తమ్ముడయ్యె దప్పో యొప్పో
నను సంశయమే వలదిట
ననుజుండౌ నాతడు దన నన్నను గొల్చున్.
గురువుగారూ! నమస్కారములు. మీకోరిక ఏదైనా నెరవేర్చుటకు నేను సిద్ధం.
రాజారావు గారూ,
తొలగించండిమీ పూరణ బాగున్నది.
'...యొప్పో యను సంశయమే...' అనండి.
మీరు క్షేమంగా మాతృదేశానికి తిరిగివచ్చారు. అంతకంటే వేరే కానుక ఏముంటుంది? నిన్న ఏదో సరదాగా అన్నాను సుమా!
వినుడొక నాటకంబునను విజ్ఞత మీరగ పాత్రధారులై
రిప్లయితొలగించండిజనకుడు దత్సుతుండు కడు సంతస మందుచు చేరి యుండ నా
ఘనతర మైన కార్యమున గాంచగ నా సమయాన దండ్రికిన్
తనయుఁడు తమ్ముఁ డయ్యె నది తప్పగునో మఱి యొప్పునో సఖీ.
కనుడొక నాటక మందున
ఘనతరముగ నటన చేయ కడగిరి వారల్
జనకుడు సుతు డవ్వేళను
తనయుడు తన తమ్ముడయ్యె తప్పో యొప్పో.
హ.వేం.స.నా.మూర్తి.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఘనముగ శౌరి సత్యయుగకాలమునన్ గొనె పంటతొయ్యలిన్
రిప్లయితొలగించండిజననము నొంది భూమిసుత జానకిపెండిలియాడె పిమ్మటన్
కనుగొన వారి బంధమును కన్పడు భూమిజ యైన సీతకున్
తనయుఁడు తమ్ముఁడయ్యె నది తప్పగునా మఱి యొప్పునో సఖీ
వినుమా యిది యెట్లగు నిల
రిప్లయితొలగించండిద నయుడు తన తమ్ముడయ్యె దప్పో యొప్పో
వినగనునింపుగ లేదిది
వనజా !మఱి నీవచె ప్పు వరుసలు గుఱిచి న్
అనిలుని యంశను బుట్టిన
రిప్లయితొలగించండితనయుడు తన తమ్ముడయ్యె తప్పో యొప్పో
భానుజుడ నేను కుంతికి
తనయుడనైతినియటంచు తా వెత నొందెన్.
ఇనున కేమగు కర్ణుడు
అనిలునకేవరుసయయ్యె నర్జునుడచ్చో
వినినంతనె విస్మయమగు
తనయుడు,తన తమ్ముడయ్యె తప్పో యోప్పో
అనిలుని యంశను బుట్టిన
రిప్లయితొలగించండితనయుడు తన తమ్ముడయ్యె తప్పో యొప్పో
భానుజుడ నేను కుంతికి
తనయుడనైతినియటంచు తా వెత నొందెన్.
ఇనున కేమగు కర్ణుడు
అనిలునకేవరుసయయ్యె నర్జునుడచ్చో
వినినంతనె విస్మయమగు
తనయుడు,తన తమ్ముడయ్యె తప్పో యోప్పో
మనకిలఁజెప్పెనే పితృసమానుడు జ్యేష్ఠుడటంచు వేదముల్
రిప్లయితొలగించండితనరగనైదుమందియగు తల్లులలో వదినన్ గణించుచున్
ఘనతరవేదసూక్తుల ప్రకారముగా విని యాచరింపగన్
తనయుఁడు తమ్ముఁ డయ్యె నది తప్పగునా మఱి యొప్పగున్ సఖీ ||
పితృ సమో జ్యేష్ఠః
రాజపత్నీ గురోఃపత్నీ జ్యేష్ఠభ్రాతుః కుటుంబినీ
పత్నీమాతా స్వమాతాచ పంచైతాః మాతరః స్మృతాః ||
అనవద్యుని జ్యేష్ఠభ్రా
తను వేదములున్ వచించె తండ్రికి తుల్యుం
డని గణియింపగనవ్విధి
తనయుఁడు తన తమ్ముఁ డయ్యెఁ దప్పో యొప్పో ||
డా.అనిల్ కుమార్ గారు నమస్సులు. సందర్భోచితముగ శ్లోకరత్నాని అందించారు. ధన్యవాదములు.
తొలగించండిచక్కని పద విభజనతో పూరించారు.
తమ్ముడు తనయుఁ డయ్యెను అది.....
ఈ సందర్భముగా నా పోచిరాజ శతకములోని యీ పద్యములను తిలకించండి.
జనకుండు భయత్రాతా
శనదాత సహానుయోక్త చను దండ్రి యనన్
వనితకు నల్వురు నుపనే
త నరునకుం బోచిరాజతనయా వినుమా
జననీ జనకులు విజ్ఞత
నొన గూర్చుగురువు గురుత్ర యోచ్చారితులై
చన వారలమించు గురువు
దన కెప్పుడు పోచిరాజతనయా వినుమా
ఆర్య! కామేశ్వరరావుగారూ! అనేక నమస్కారములు. ధన్యవాదములు. మీ అనువాదపద్యములు చాలా బాగున్నవి. ప్రాసకై తెచ్చిన అశనదాత పద ప్రయోగం మఱియు మకుటం అద్భుతంగా ఉన్నవి.
రిప్లయితొలగించండిడా.అనిల్ కుమార్ గారు ధన్యవాదములు.
తొలగించండిభారతములో కణ్వ మహర్షి జనకుడు, అన్నప్రదాత, భయత్రాత మువ్వురు వనితకు నుపనేత, నిరంతరాధ్యాపకులతో పురుషునకు నేవురు గురువులన్నారు. అయితే ప్రస్తుత కాల ధర్మ మనుసరించి వనితకు కూడా నధ్యాపకుని కలిపితిని.
ఆర్య! వనితకు కూడ ఉపనయనము చేయుట, సావిత్రీ మంత్రోపదేశము చేయుట కలదు. స్త్రీలకు వివాహమైన పిదప భర్త మౌంజీ ధారణము చేస్తాడు. అది ఉపనయన సమానమే. పురుష శబ్దానికి "పురే సంచరతి ఇతి పురుషః" అని వ్యుత్పత్తి. పురం ద్వారం తు గోపురం అని పర్యాయపదాలు. పురం అంటే రంధ్రము. నవరంధ్రాలలో శ్వాసక్రియ జరుగును కావున పురుష శబ్దమేర్పడినది. మనిషి అనే అర్థాన్ని ఇస్తుంది. అందుకే స్త్రీలందు పుణ్యస్త్రీలు వేరయా అని అనలేదు.
తొలగించండిఐతే మీరు ప్రత్యేకించి చెప్పినందున సౌందర్యవంతంగా ఉన్నది. ప్రాచీనకాలంలో ఆశ్రమాలలో స్త్రీలు గురువుల వద్ద వేదాలను, ఉపనిషత్తులను అధ్యయనం చేసినారు.
డా.అనిల్ కుమార్ గారు చక్కటి విషయాలను ప్రస్తావించితిరి. ధన్యవాదములు.
తొలగించండిఆర్య! నమఃపూర్వక ధన్యవాదములు.
తొలగించండికనుగొంటిమిబంధుత్వము
రిప్లయితొలగించండిమనువాడిన భార్య వరుస మాతకు చెల్లే
అనుకొనగా మాయిద్దరి
తనయుడు తనతమ్ముడయ్యె దప్పో యొప్పో
2.దినములు మారిపోయె పరదేశమునందలి తీరు తెన్నుతో
మనుగడ యందు మోసమున మాతగ మారియుకన్నపుత్రునిన్
యునికిని నాశ్రమానగని నుద్గత మందున బల్కెనొక్కతే
తనయుడు తమ్ముడయ్యె|నదితప్పగునో మఱి యోప్పునోసఖీ
ఘనతను కప్పి పుచ్చగలకల్మష భాషణ పల్కెతల్లియే|
తనకొడుకు పెండ్లియాయెను
రిప్లయితొలగించండితనతల్లియె గర్భవతిగ తనకడ జేరెన్
పెనునొప్పులతో కనగా
తనయుఁడు తన తమ్ముఁ డయ్యెఁ దప్పో యొప్పో.
నిన్నటి నా పూరణ...
రిప్లయితొలగించండిగారాబము తో తల్లియె
మీరుచు తన సుతుల జేరి మెత్తని బుగ్గల్
తీరుగ నిమిరిన తోషులు
కారా? గారమున ఘనసుఖంబులు దక్కున్.
తన సుతు నేమని యందురు?
రిప్లయితొలగించండితన తదుపరి తోడబుట్టు తనయుండేమౌ?
తన యన్న తండ్రి సముడగు!
తనయుడు, తన తమ్ముడయ్యె, దప్పో యొప్పో!
కవిమిత్రులారా,
రిప్లయితొలగించండిఈ సాయంత్రం నా కుమారుడు స్కూటర్‍పై వస్తూ ప్రమాదానికి గురి అయ్యాడు. కాలు విరిగింది. శస్త్రచికిత్స చేయాలన్నారు. అందువల్ల రెండు మూడు రోజులు మీ పూరణలను సమీక్షించలేను. ప్రతిరోజూ సమస్యలను మాత్రం ఇస్తూ ఉంటాను. గమనించగలరు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,
బ్రోవగ జా గదేల ? ఫణిభూషణ ! శ౦కర !
………… నిన్ను మి౦చి యే
దేవుడు లేనె లేడని , మదిన్ నెరనమ్ముచు
………… గొల్తు భక్తి తోన్ |
్
పావన నామ ! సర్వ భవబ౦ధ వినాశన !
………… చ౦ద్ర మౌళి ! దీ
నావన ! నీలక౦ఠ ! కరుణాకర !
………… భక్త వశ౦కరా ! శివా !
""""""""""""""""""""""""""""""""""""""""
నీవే గద నా ప్రాణము
నేవే నా తోడు - నీడ నిజముగ | నీవే
జీవము | ధవునిన్ మి౦చెడు
దేవుడు లేడ౦చు నమ్మి , తిరముగ గొల్తున్
( జీవము = బ్రతుకు )
గురుమూర్తి ఆచారి గారు మీ రెండు పూరణలు ప్రశస్తముగానున్నవి.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిమిత్రులందఱకు నమస్సులు!
రిప్లయితొలగించండి[తన చిన్ననాఁటి స్నేహితురాలితో తన భార్య చెల్లెలి భర్త గూర్చి ముచ్చటించుచున్న యొకానొకని మాటలు]
వినయము, సాధువర్తనము, విజ్ఞత వీడియు సంచరించుచు,
న్ననయము కయ్యమాడుచును, నందఱఁ జొక్కిడి, నాదు ధర్మ ప
త్న్యనుజనుఁ బెండ్లియాడి, యిఁక నాకును బంధుఁడయెన్; గనంగ వీ
త నయుఁడు, తమ్ముఁ డయ్యె, నది తప్పగునో, మఱి యొప్పునో సఖీ!
దినమొక గండ మాయెనున దేమిటి చిత్రమొ పాలుద్రాగడే
రిప్లయితొలగించండితనయుఁడు;..తమ్ముఁ డయ్యె నది తప్పగునో మఱి యొప్పునో సఖీ
వినకయె నింజినీరిచట వీధులు చిమ్మిరి సీనియర్లహో!
కనుమిక నా మగండటును కమ్మగ జారును నైటుక్లబ్బుకున్