కవిమిత్రులారా,
ఈరోజు పూరించవలసిన సమస్య ఇది...
"ఆగ్రహ మున్నఁ జాలు సుజనావళి మెచ్చును స్తోత్రవాక్కులన్"
లేదా...
"ఆగ్రహ మున్నపుడె మెత్తు రందఱు సుజనుల్"
ఈరోజు పూరించవలసిన సమస్య ఇది...
"ఆగ్రహ మున్నఁ జాలు సుజనావళి మెచ్చును స్తోత్రవాక్కులన్"
లేదా...
"ఆగ్రహ మున్నపుడె మెత్తు రందఱు సుజనుల్"
జామాతా దశమ గ్రహ:
రిప్లయితొలగించండిఏగ్రహ పూజలు జేసిన
జాగ్రత నుండురు తమతమ జామాతలతో
నేగ్రహ మున్నను గృహము
న్నాగ్రహ మున్నపుడె మెత్తు రందఱు సుజనుల్
ప్రభాకర శాస్త్రి గారూ,
తొలగించండికొంత అన్వయదోషం ఉన్నా మీ పూరణ బాగున్నది. అభినందనలు.
డా.పిట్టా
రిప్లయితొలగించండిఏగ్రహమున్ స్తుతించవలె?నెప్పుడు బాయును టాక్సు కష్టముల్?
యాగ్రహ పూర్ణ పాలకునియంచున నీబ్రతుకీడ్చు భాగ్యముల్
నిగ్రహ రాశికేమగునొ?నెమ్మది గానడు వృద్ధజీవి స
త్యాగ్రహమున్నజాలు సుజనావళి మెచ్చును స్తోత్ర వాక్కులన్
విగ్రహ, సంధి యుపాయాల్
నిగ్రహ మున్నపుడె తెలియనేర్తురు,యొకచో ॥వ్యగ్రత నిండిన మనువు
న్నాగ్రహమున్నపుడె మెత్తు రందరు సుజనుల్
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'కష్టముల్+ఆగ్రహము, నేర్తురు+ఒకచో' అన్నపుడు యడాగమం రాదు. 'నేర్చెద రొకచో' అనవచ్చు కదా!
రిప్లయితొలగించండివిగ్రహము వోలె గట్టిగ
నిగ్రహము గలిగి జిలేబి నిమ్మళముగ స
త్యాగ్రహము జేయు భండిలు
డాగ్రహ మున్నపుడె మెత్తు రందఱు సుజనుల్!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
ఉగ్ర విరోధ భావనల దూరము జేయుచు లాభమందు పా
రిప్లయితొలగించండిణిగ్రహ కారకుండు కరుణించి శుభంబులనిచ్చువాడు పా
పగ్రహ సంధిలేని గురువంశపు చక్రపు జన్మలగ్నమం
దాగ్రహ మున్నఁ జాలు సుజనావళి మెచ్చును స్తోత్రవాక్కులన్
ఉగ్ర విరోధ భావనల నుక్కడగించుచు లాభమందు పా
తొలగించండిగురువుగారూ, మొదటి పాదంలో యతి సవరించాను. మూడవ పాదంలో నేను వాడినది అఖండ యతియేనా? ఈ సందర్భంలో అఖండ యతి వాడడం చెల్లునా?
దయచేసి వివరించగలరు.
ఫణికుమార్ గారూ,
తొలగించండిమీ పూరణ బాగున్నది. అభినందనలు.
మీరు అఖండవడిని రెండవపాదంలో వేశారు, మూడవ పాదంలో కాదు. దానిని ప్రయోగించడం దోషం కాదు.
గురువుగారూ నమస్సులు. ధన్యవాదములు.
తొలగించండిఆ గ్రద్దల పోషణకై
రిప్లయితొలగించండియగ్రాసన మాక్రమించి యధినేతలయో
యుగ్రులయిరి; వారి పయిన
"ఆగ్రహ మున్నపుడె మెత్తు రందఱు సుజనుల్"
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
ఉగ్రపురూపమువచ్చును
రిప్లయితొలగించండినాగ్రహమున్నపుడె,మెత్తురందరుసుజను
ల్లాగ్రహములేకభక్తిని
నుగ్రునిబూజించునెడలనుత్సాహముతోన్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
'సుజనుల్+ఆగ్రహము=సుజను లాగ్రహము'అవుతుంది. అక్కడ లకార ద్విత్వం రాదు.
శ్రీగురుభ్యోనమః
రిప్లయితొలగించండినిగ్రహమెంతయున్ గలిగి నిర్మల భక్తిని దేశ రక్షన
న్నగ్రము నందున న్నిలిపి యావలి సైన్యము కాలు దువ్వుచు
న్నుగ్ర కలాపముల్ సలుప నోటమి నొందక పోరు సల్పగా
నాగ్రహ మున్నఁ జాలు సుజనావళి మెచ్చును స్తోత్రవాక్కులన్
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.
నిగ్రహ మందున నడచుచు
రిప్లయితొలగించండివ్యగ్రత నొందక సమయ ప్రభావంబందున్
ప్రగ్రహము దోడ మనసున
నాగ్రహమున్నపుడె మెత్తు రందఱు సుజనుల్!
ప్రగ్రహము=పగ్గము
ఆగ్రహము=ఆసక్తి
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిఉగ్రత రూపుదాల్చె నన నూగుచు రేగుచు విఱ్ఱ వీగుచున్
నిగ్రహ మేమి లేకయె శనిగ్రహ రీతిని నస్థవ్యస్థమౌ
వ్యగ్రత గొల్పునట్టి స్థితి వ్యాకులతన్ భువి దెచ్చు వారిపై
"ఆగ్రహ మున్నఁ జాలు సుజనావళి మెచ్చును స్తోత్రవాక్కులన్"
సవరణ :"నాగ్రహ మున్న......"
తొలగించండిగుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
'అస్తవ్యస్తమౌ' అనండి.
శ్రీ కామేశ్వర రవు గారు పద్యం మొదటి పాదం మొదటి అక్షరం తప్ప ఎక్కడా అచ్చు ఉండరాదని ఖరాఖండిగా చెప్పినారు.ఈ బ్లాగులోనే ఉందా మాట.
తొలగించండిశ్రీ కామేశ్వర రావు గారు పద్యం మొదటి పాదం మొదటి అక్షరం తప్ప ఎక్కడా అచ్చు ఉండరాదని ఖరాఖండిగా చెప్పినారు.ఈ బ్లాగులోనే ఉందా మాట.
తొలగించండిజనార్దన రావు గారూ,
తొలగించండినా ఉద్దేశం '...నస్తవ్యస్తమౌ...' అని. కాని దానివల్ల గణదోషం. వ్య వల్ల దానిముందున్న స్త గురువువౌతున్నది.
జాగ్రత్త సుమా! యనుచున్
రిప్లయితొలగించండినిగ్రహమున హెచ్చరించ నీమము దప్ప
న్నా గ్రహణ మెరుఁగ జేసెడు
నాగ్రహమున్నపుడె మెత్తురందరు సుజనుల్
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
అగ్రాధికార మదమున
రిప్లయితొలగించండివ్యగ్రత శాసింప పీడ ప్రజలకు కలుగన్
నిగ్రహమమున తెగ డెడి స
త్యాగ్రహమున్నపుడె మెత్తు రందరు సుజనుల్
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
ఏ గ్రహముననైన గనుడు
రిప్లయితొలగించండియాగ్రహ మనునది హరించు నైశ్వర్యములన్!
నిగ్రహమను పేర బఱగు
నా గ్రహమున్నపుడె మెత్తురందఱు సుజనుల్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
వ్యగ్రవిహీన సద్గుణ పరాయణ శోభిత మూర్తి సచ్చరి
రిప్లయితొలగించండిత్రాగ్ర జనార్చ నేప్సిత విహార విభూషిత తోషితాత్ము నే
కాగ్రమనోవిలాస సుపరాక్రమ విక్రమ తేజయుక్త సౌ
మ్యాగ్రహ మున్నఁ జాలు సుజనావళి మెచ్చును స్తోత్రవాక్కులన్
[వ్యగ్రము= వేగిరిపాటు; పరాక్రమము=సామర్థ్యము; విక్రమము= శౌర్యము; తేజము= ప్రభావము, ప్రకాశము; ఆగ్రహము=అనుగ్రహము]
ప్రాగ్రము శాంతము ధరణి స
మగ్ర గుణ సమూహముల సదాచారంబే
యుగ్రత చెఱచు బనులను ని
రాగ్రహ మున్నపుడె మెత్తు రందఱు సుజనుల్
పోచిరాజు కామేశ్వర రావు గారూ,
తొలగించండిమీ రెండు పూరణలు బాగున్నవి. అభినందనలు.
క్రొవ్విడి వెంకట రాజారావు:
రిప్లయితొలగించండినిగ్రహ మెంచుచు ననువగు
జాగ్రత్తను గూర్చు వేళ సరవిని దానిన్
మ్రగ్గించు వారి నడచెడి
నాగ్రహమున్నపుడె మెత్తురందఱు సుజనుల్.
క్రొవ్విడి వేంకట రాజారావు గారూ,
తొలగించండిమీ పూరణ బాగున్నది. అభినందనలు.
నిగ్రహశక్తి యంతటను నిర్మలభావము సత్యసూక్తి య
రిప్లయితొలగించండిత్యుగ్రపు బాపరాశికడ నుండక పోవుట, సంఘసేవ, స
ర్వాగ్రగ సత్త్వయుక్తియును,హర్షము, సజ్జనమైత్రి, వాసుదే
వాగ్రహ మున్నఁ జాలు సుజనావళి మెచ్చును స్తోత్రవాక్కులన్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిజాగ్రత్తను గూడు జనుల
నిగ్రహ మంతయు నుఱిచెడి నేతల నుడికిన్
ప్రగ్రహములుంచు వేళల
నా గ్రహమున్నపుడె మెత్తురందఱు సుజనుల్!
(ప్రగ్రహము = పగ్గము)
క్రొవ్విడి వేంకట రాజారావు గారూ,
తొలగించండిమీ రెండవ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఆగ్రహమున్నజాలుసుజనావళిమెచ్చునుస్తోత్రవాక్కుల
రిప్లయితొలగించండిన్నాగ్రహమున్నమెచ్చునటయాసుజనావళియేమిమాటయా!
యాగ్రహమున్నవాడిలనుహాయిగనుంటనునొప్పుకోడుగా
నుగ్రుడుదానుగాయికనుయోర్పువహించియునుండమేలుగా
సుబ్బారావు గారూ,
తొలగించండిమీ రెండవ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,,,
ఆగ్రహమున్ ద్యజి౦చుచు సితా౦గుల గెల్వ
………………… బ్రతిఙ్ఞ బూనె స
త్యాగ్రహ - దీక్షతో నల మహాత్ముడు
…………… గా౦ధి | యవ్విధ౦బున
న్నాగ్రహ మార నెల్లరకు నాయన స్వేఛ్ఛ
…………… నొస౦గి పోయె | కా
నీ , గ్రహచార మేమొ , యవినీతి పరుల్
………… మనదేశ మ౦దు దు
ష్ట గ్రహ శక్తులై ప్రగతి సర్వము గూల్చగ
………… నె౦చు చు౦డిరే ! !
{ ఆగ్రహమున్ = కోపమున్ ; సితా౦గుల =
ఆ౦గ్లేయులను ; ఆగ్రహమార =
పట్టుదలతో , దీక్షతో , ఆసక్తితో ; }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
ఉగ్ర స్వరూపి కాకను
రిప్లయితొలగించండినిగ్రహమునుజూపుచుండు నేగ్రహమైనన్
వ్యగ్రత గూర్చక మనమున
నా-గ్రహమున్నపుడె మెత్తురందరు సుజనుల్.
పొన్నెకంటి సూర్యనారాయణ రావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండినిగ్రహపు పలుకులు వినక
రిప్లయితొలగించండియుగ్రపు దాడులు సలిపెడు యున్మాదుల నే
కాగ్రత తోగెల్వ మొనకు
నాగ్రహ మున్నపుడె మెత్తు రందఱు సుజనుల్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
అగ్రపుదేశమివ్వపలు ఆయుధముల్ కడు కావరమ్ముతో
రిప్లయితొలగించండినుగ్రపు దాడులన్ జరుపు యొప్పని వానికి బుద్ధిజెప్ప నే
కాగ్రత తోడ వ్యూహమును క్రన్నన పన్నుచమూ సమూహమం
దాగ్రహమున్నజాలు సుజనావళి మెచ్చును స్తోత్ర వాక్కులన్
అన్నపరెడ్డి వారూ,
తొలగించండిమీ రెండవ పూరణ బాగున్నది. అభినందనలు.
నిగ్రహ ధైర్య సాహస వినిర్మల మానస తేజులైన మా
రిప్లయితొలగించండియగ్రజ సైన్యవాహినికినాపద జేయ తలంచినంత ప్ర
త్యగ్ర నిజాయుధ ప్రథితులై రిపు సైన్యముఁ కూలద్రోయుటం
దాగ్రహ మున్నఁ జాలు సుజనావళి మెచ్చును స్తోత్రవాక్కులన్
సంపత్ కుమార్ శాస్త్రి గారూ,
తొలగించండిమీ పూరణ బాగున్నది. అభినందనలు.
ఉగ్రము చూపక నింద్రియ
రిప్లయితొలగించండినిగ్రహమును గల్గియుండి నిర్మలమతితో
వ్యగ్రత చెందక మనమున
నాగ్రహమున్నపుడె మెత్తురందరు సుజనుల్!!!
ఆగ్రహము = పట్టుదల,ఆసక్తి, వ్యగ్రత= తొందరపాటు
శైలజ గారూ,
తొలగించండిమీ పూరణ బాగున్నది. అభినందనలు.
. నిగ్రహ మందు గాంధి బహు నిందల యందున”తెల్లవారిలో
రిప్లయితొలగించండిఆగ్రహ మెంతయున్న తనకాయుధ మన్నది శాంతి చేతనే
భూగ్రహ మందు నెగ్గెగద|బుద్దివికాశపు సాధనంబు స
త్యాగ్రహ మున్నజాలు సుజనా వాళిమెచ్చునుస్తోత్ర వాక్కులన్”|
2.నిగ్రహ మందున హరి|స
త్యాగ్రహమున్నపుడె మెత్తురందఱుసుజనుల్
అగ్రహమనర్థ మనగ?శ
నిగ్రహమున్నంత వరకు నిష్టూ రములే| {సత్యాగ్రహం=సత్య+ఆగ్రహము}
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
ఆగ్రహ మందియల్లుడటు యల్లరిఁ జేసెను రాజసూయమున్
రిప్లయితొలగించండినిగ్రహ ముంచిమామమరి నెట్టన జేసెను చక్రమప్పుడున్
ఉగ్రము చూపిరాక్షసుడు నూఱగు తప్పుల స్తోత్రమంజరిన్
ఆగ్రహమున్నc జాలు సుజనావళి మెచ్చును స్తోత్ర వాక్కులను
కొరుప్రోలు రాధాకృష్ణారావు
కొరుప్రోలు రాధాకృష్ణారావు గారూ,
తొలగించండిబహుకాల దర్శనం! సంతోషం!
మీ పూరణ బాగున్నది. అభినందనలు.
వ్యగ్రత నొందని భాషణ
రిప్లయితొలగించండిముగ్రత లేనట్టిరూపమున్నత గుణముల్
నిగ్రహ సంశోభితమౌ
యాగ్రహ మున్నపుడె మెత్తు రందఱు సుజనుల్"
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
ఆగ్రహ మున్నఁ జాలు సుజనావళి మెచ్చును స్తోత్రవాక్కులన్
రిప్లయితొలగించండిఆగ్రహమొంది పాలకులపై పరి పాలన హేయ మంచు స
రిప్లయితొలగించండిత్యాగ్రహ మున్నఁ జాలు సుజనావళి మెచ్చును స్తోత్రవాక్కుల
న్నుగ్రహ వాదులై జనుల కుర్వికి నష్టము దెచ్చు కార్యముల్
నిగ్రహ మెల్ల వీడియును నిర్దయ తోడను జేయుటొప్పునా ?
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
ఉగ్రుడు శాంతు డౌను పరమోగ్ర విప త్తుపకార మౌను నీ
రిప్లయితొలగించండివ్యగ్రత లెల్ల దూరమగు వైరులు మేలొనరింప జూతు రే
కుగ్రహ మైన తగ్గు నగు కోర్కెలు శుక్రుడు నిల్వ నుచ్చమం
దాగ్రహ మున్న జాలు సుజనావళి మెచ్చును స్తోత్రవాక్కులన్.
మిస్సన్న గారూ,
తొలగించండిమీ పూరణ బాగున్నది. అభినందనలు.
విరించి గారి పూరణలు......
రిప్లయితొలగించండివిగ్రహమన్నచో మిగులు వేదన యంచుదలంచువాడు తా
నుగ్ర, విరోధ వాదుల మహోద్యమ చర్యల నెల్ల గాంచుచున్
నిగ్రహ మింక జూపక యనీకము జేయనిశ్చయించెడి
న్నాగ్రహమున్న జాలు సుజనావళి మెచ్చును స్తోత్ర వాక్కులన్
నిగ్రహమే భూషణమౌ
యగ్రజుడు యుధిష్ఠిరుండె యనృతమ్మాడెన్
విగ్రహమందున, యచట.
న్నాగ్రహమున్నపుడె మెత్తురందరు సుజనుల్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
విగ్రహమర్చనల్ గుడనివేదనలేమియు లేకయున్న దై
రిప్లయితొలగించండివాగ్రహమున్నజాలుసుజనావళిమెచ్చును, స్తోత్రవాక్కులన్
నిగ్రహమొందజేయమదినిష్ఠను నేర్వగవచ్చు, జ్ఞానరూ
పాగ్రభుగార్పణంబున మహాఘనివృత్తియు సాధ్యమౌనిలన్
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
ఏ గ్రహ మున్ననేమి మన యింటిని పండుగ జేయుచుండు వా
రిప్లయితొలగించండిడా గ్రహ మొక్కడే దశముడౌ మన నెత్తిని పాలుబోయు వా
డాగ్రహ వంతుడై సతిని హాయిని దేల్చక పారిపోకనుం
డాగ్రహ మున్నఁ జాలు సుజనావళి మెచ్చును స్తోత్రవాక్కులన్