కవిమిత్రులారా!
ఈరోజు పూరించవలసిన సమస్య ఇది...
"హృదయముఁ జీల్ప రత్నములు హేమములున్ గనవచ్చు నంతటన్"
లేదా...
"ఎదను జీల్పఁ గనంబడు హేమమణులు"
ఈరోజు పూరించవలసిన సమస్య ఇది...
"హృదయముఁ జీల్ప రత్నములు హేమములున్ గనవచ్చు నంతటన్"
లేదా...
"ఎదను జీల్పఁ గనంబడు హేమమణులు"
('చిత్ర కవితా ప్రపంచం' బ్లాగు సౌజన్యంతో)
ఈ కామెంట్‌ను రచయిత తీసివేశారు.
రిప్లయితొలగించండిపరమ పావని భూదేవి పరవశమున
తొలగించండినరుని బుట్టించి పాలింప నాశ మీర
తల్లి ప్రేమకు బదులుగ తనివి దీర
యెదను జీల్పఁ గనంబడు హేమమణులు
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండినీవార శూకవత్తన్వీపీతా ....
సర్వ జీవుల యునికికి సత్య మైన
యెదను జీల్పఁ గనంబడు హేమమణులు,
రత్న హారముల వలెను రమ్య మైన
కాంతి,యగ్రాహ్యుని కరుణ గద జిలేబి!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'యగ్రాహ్యుని' అన్నచోట గణదోషం. సవరించండి.
తొలగించండికంది వారు
నెనర్లు
యగ్రాహ్యుని కరుణ
యగ్రాహ్యు ఇంద్ర గణం రాదాండీ ?
జిలేబి
కాంతి / యగ్రాహ్యు / నికరుణ / గదజి / లేబి!
తొలగించండిగణములు సరిగా నున్నవనుకుంటా...
క్షమించండి...
డా.పిట్టా
రిప్లయితొలగించండిసదయుని గుండె చప్పుడును సాగరఘోషయు నొక్కటటౌ జుమీ!
"పద"మని తీరమాను "నల"బాపగ నీ నరజాతి దుఃఖమున్
సదనమునిండ భాగ్యములె సాగడు సత్కృతినెంచ లోభి త
త్హృదయము జీల్ప రత్నములు హేమ మణుల్ గనవచ్చు నంతటన్
"రామ"యనువానిబ్రోచు వరాల తండ్రి
హనుమ జూపె గుండెను జీల్చి హరిని,రమను
కనక, మణి జతనంబునకైన జీవి
ఎ(యె)దను జీల్ప గనంబడు హేమ,మణులు!
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'పద మని తీరమాను నల బాపగ...' ఇది అర్థం కాలేదు..
డా.పిట్టా
తొలగించండిపద యని తీరమునాను అల అనే భావం కాని నడకలో నిముడలేదు.పదమనికి బదులు "పదయని" అనవలసియుండెను.తీరమాను కు బదులు"తీరమేగు అ(య)ల గా సవరణ చేస్తే బాగుంటుందేమో.అలఉరకలు వేస్తూ సేవకై ముందుకు వస్తున్నాయి.కొన్ని పదార్థాలను ప్రజాళికి యిస్తాయి.తరంగాల నుండి electricity ఉత్పత్తి చేయవచ్చునట.ఇది ఒక ఉపకారం.ఆ భావం అందరు భాగ్యవంతులలో లేదని contrast గా యెంచుకోవాలనే ప్రయత్నం లో అలా భావించాను కాని వ్యక్తీకరణ రాలేదేమో,ఆర్యా
డా.పిట్టా
రిప్లయితొలగించండి"ట" మొదటి పాదం లో టైపాటుగా నెంచ మనవి..ఆర్యా
బీరు వాలోని 'చెస్టు ' లో బీరుబోక
రిప్లయితొలగించండిదాచియుంతురు సంపదల్ దారుణముగ
నల్ల ధనమును మార్చుక, నయమునట్టి
యెదను జీల్పఁ గనంబడు హేమమణులు.
భేష్!
తొలగించండిగోలి హనుమచ్ఛాస్త్రి గారూ,
తొలగించండిచెస్ట్ శబ్దంతో బహుళ ప్రయోజనాన్ని సాధించిన మీ పూరణ బాగున్నది. అభినందనలు.
మాస్టరు గారికి, దువ్వూరి వారికి ధన్యవాదములు.
తొలగించండి"స్పుష్ట వక్తా న వంచకా" సూక్తి విలువ
రిప్లయితొలగించండితెలుసు కొన్నను చాలును తెల్లమగును
పలుకు కాఠిన్య మైనను బరగ జనుల
"ఎదను జీల్పఁ గనంబడు హేమమణులు"
చదువుల సారమున్నెఱిగి సాంతము జీవిత మెంచి జూడగన్
రిప్లయితొలగించండికదలిక లేక యుండుగా; కదిపి గాంచిన తెల్లమౌనుగా
ఎద యెదలోపలన్ గలుగు నీసునసూయల చాటు మాటుగన్
"హృదయముఁ జీల్ప రత్నములు హేమములున్ గనవచ్చు నంతటన్"
గుఱ్ఱం జనార్దన రావు గారూ,
తొలగించండిమీ రెండు పూరణలు బాగున్నవి. అభినందనలు.
వృత్తం రెండవ పాదంలో గణదోషం. సవరించండి.
కంది శంకరయ్య గారూ!ధన్య వాదాలు. సవరిస్తాను.
తొలగించండిగు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,
పదినెలలున్ భరి౦చి , యటుపై కని ,
………… ని౦ జిన నాటి ను౦డియున్
సదమల మైన ప్రేమ c బరిచర్యల c బె౦చెడు
…………… మాతృ దేవతా
హృదయము జీల్ప రత్నములు హేమములున్
………… గనవచ్చు న౦తటన్ |
్
వదలకు మోయి తల్లి పయి భక్తిని ,
………… ప్రేముడి ( న్) జీవితా౦తమున్
{ ప్రే ము డి = పె ద్ద ల యె డ ల పి న్నల కు
గ ల ప్రే మ }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
వేద విజ్ఞానమంతయు పేర్చినారు
రిప్లయితొలగించండిఋషి విరచితంపు కావ్యమ్ములినుమడించ
మాటలందు దాగిన మహిమాన్వితంపు
యెదనుఁ జీల్ప గనంబడు హేమమణులు.
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
'మహిమాన్వితంపు టెదను...' అనండి.
గురుదేవులకు ధన్యవాదములు. సవరించిన పూరణ: వేద విజ్ఞానమంతయు పేర్చినారు
తొలగించండిఋషి విరచితంపు కావ్యమ్ములినుమడించ
మాటలందు దాగిన మహిమాన్వితంపు
టెదనుఁ జీల్ప గనంబడు హేమమణులు.
రక్త నాళముల్ ధమనులు రక్తి గలుగ
రిప్లయితొలగించండినె దను జీ ల్ప గనంబడు, హేమ మణులు
ధగధగ లుగను మెఱయుచు దలుకు లొలుక
కాంతి పుంజముల్ వెదజల్లు గగన పరిధి
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
హృది ఘన కౌస్తుభంబు నిడి హేమకిరీటము దాల్చెడిన్ శత
రిప్లయితొలగించండిహ్రదమణి రత్న కంకణ విరాజిత భూషుని ధ్యానమందుచున్
సదమల వృత్తినన్ పరవశంబున రంజిలు సుప్తచేతనా
హృదయముఁ జీల్ప రత్నములు హేమములున్ గనవచ్చు నంతటన్
ఫణికుమార్ తాతా గారూ,
తొలగించండిమీ పూరణ బాగున్నది. అభినందనలు.
'వృత్తినిన్' అనండి.
గురువుగారూ నమస్సులు. మీ సవరణకి ధన్యవాదములు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఉదరము నంద కాదు సకలోన్నత పర్వత సంచయంబులన్
తొలగించండిసదమల పుష్క రాకలిత సాగర గర్భము లందుఁ బొందరే
విదళిత మైన వేదన నుపేక్ష వహింపదు రత్నగర్భ స
ద్ధృదయముఁ జీల్ప రత్నములు హేమములుం గనవచ్చు నంతటన్
సదమల మనో వికాసుల హృది నివాసు
లా పరమ పావన హరి భక్తాగ్ర మునులు
మదన బాణార్త విరహంపు మనుజులఁ గని
యెదను జీల్పఁ గనంబడు హేమమణులు
[హేమమణులు= నారీరత్నములు]
పోచిరాజు కామేశ్వర రావు గారూ,
తొలగించండిమనోహరమైన పూరణలు. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిముదమును గూల్చి దుండగులు మూర్ఖత మీరగ దుర్మదాంధులై
రిప్లయితొలగించండిహృదయముఁ జీల్ప, రత్నములు హేమములున్ గనవచ్చు నంతటన్
సదమలభావనాయుతుల సాధుజనావళి నీయుగంబునన్
సదయుల భారతావనిని శంక యొకింతయు లేదు నిత్యమున్.
హ.వేం.స.నా.మూర్తి
హరి వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
పరులసొమ్ములను హరించి బస్సులోన
రిప్లయితొలగించండిపోరి పోలీసు కనుగప్పి పోవుచుండె
పడతిని నిలువరించి వే పైట కొంగు
నెదను జీల్పఁ గనంబడు హేమమణులు
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
రాముడె తన సర్వస్వమై రాజిలునని
రిప్లయితొలగించండిపలికి మారుతి మదిలోన భక్తి నిలిపి
ఎదనుజీల్ప గనంబడు హేమమణులు
పొదిగినట్టి మాలనరామ పూరుషుండు
చేపూరి శ్రీరామ్ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిభవజలధిని మమతలను పాశములను
జ్ఞానమంథదండమ్ముకు గట్టి చిలుక
మనుజు డవధూతగా మారి మాయమగువ
యెదను జీల్చ గనంబడు హేమమణులు
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
పసిడి పంటలు పండించ పంటకాపు
రిప్లయితొలగించండిపొలము దున్నగ కరమున హలము బూని
లక్షణంబగు తల్లియా రత్నగర్భ
యెదను జీల్ప గనంబడు హేమమణులు !!!
శైలజ గారూ,
తొలగించండిమీ పూరణ బాగున్నది. అభినందనలు.
కదనమునందు శాత్రవుల కండలు చీల్చగ యోధు లెల్లెడన్
రిప్లయితొలగించండిపదవుల వేట కాక పరిపాలన శాంతిని గూర్చ నాయకుల్
కుదురుగ సేద్యమున్ జరిపి గూర్చగ భుక్తిని రైతు, లీభువిన్
హృదయముఁ జీల్ప రత్నములు హేమములున్ గనవచ్చు నంతటన్
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
ఆకాశవాణి విజయవాడ కేంద్రం వారు ఇచ్చిన ఈ
రిప్లయితొలగించండిసమస్యకు 1966 లో నేను పంపిన పూరణము.
అదిరెను దేశమెల్ల సరిహద్దున నుత్తరదిక్క ఘూర్ణిలన్
కదిలెను పుణ్యదేశమును కాయగ రత్నమువంటి సైనికుల్
వదిలిరి ద్రవ్యసంపద సువర్ణ మనస్కులు;భారతాంబ, నీ
హృదయము జీల్ప రత్నములు,హేమములున్ గనవచ్చు
నంతటన్.
( ఆ రోజులలో దేశంకోసం ప్రజలందరు బంగారాన్ని
డబ్బును స్వచ్ఛందంగా సమర్పించిన సందర్భము)
పిన్నక నాగేశ్వర రావు గారూ,
తొలగించండిమీ (అప్పటి) పూరణ బాగున్నది. అభినందనలు.
భూరి సిరులకు నెలవైన భూమి తల్లి
రిప్లయితొలగించండితనువు పైన వనములు భూ ధరులు నదులు
ఖనులు గలిగిన నాతల్లి కల్పవల్లి
యెదను జీల్పగనంబడు హేమమణులు.
బదులుగ నొజ్జ జెప్పె నొక ప్రశ్నకు తా పరిహాస మందునన్
పదిలము గాను రాఘవుని పావని గుండెను జీల్చి జూపెనా
విధమున నేటి మానవులు పెక్కురు సపద గోరుచున్ గదా
వదలిరి మానవత్వమును స్వార్థపు చింత న తోడ వారి యా
హృదయముఁ జీల్ప రత్నములు హేమములున్ గనవచ్చు నంతటన్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
సపద... సంపదకు టైపాటు...
క్రొవ్విడి వెంకట రాజారావు:
రిప్లయితొలగించండిబంగరు గనులుండెడి నిక్క పవిదిని భువి
నెదను జీల్చ గనంబడు హేమ మణులు
వలెను భక్తి తన్మయులగు వారి యెదను
గన్పడు నెపుడు పరమాత్మ కరుణ దృశలు.
క్రొవ్విడి వెంకట రాజారావు గారూ,
తొలగించండిమీ పూరణ బాగున్నది. అభినందనలు.
సదయుడు కాడు డబ్బనిన చావునకున్ తెగియించు భార్య సం
రిప్లయితొలగించండిపదలను దెచ్చు యంత్రమని భావన మాటికి పుట్టినింటికిన్
వదలక పంపు తెమ్మనుచు పైడిని సొమ్ముల లేదు జాలి యా
హృదయముఁ జీల్ప రత్నములు హేమములున్ గనవచ్చు నంతటన్.
మిస్సన్న గారూ,
తొలగించండిమీ పూరణ బాగున్నది. అభినందనలు.
సుధఁ గురిపించు మాటలను సూటిగ పేదల యోట్లఁ బొందుచున్
రిప్లయితొలగించండిపదవులనెక్కినిత్యమును ప్రాభవమొందుచు సొమ్ము బొక్కుచున్
వెధవలు దాయుచుందురిల వేయి విధమ్ముల వారి దుష్టమౌ
హృదయముఁ జీల్ప రత్నములు హేమములున్ గనవచ్చు నంతటన్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
అంతు లేనట్టి సాగరమందుదూరి
రిప్లయితొలగించండియెదను చీల్చ కనంబడు హేమమణులు
కష్టమనుచు వీడకచేయ కార్యములను
సత్వరంబె సఫలమగు సదయులార.
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
స్వర్ణభూమిని నమ్మిన వర్గమేగ
రిప్లయితొలగించండిరైతులనువారు జూడగారాజులనిరి|
పంట భూమిన నిధులెన్నొకంట బడును
ఎదను జీల్ప ?గనంబడు హేమమణులు|
2.హృదయ సామ్రాజ్య మందున పదిల మైన
చదువు లందున దాగున్నసంపదలనె
ఎదను జీల్ప గనంబడు హేమ మణులు
పాలు తోడుంచ?నెయ్యిలాబయట బడును|
3.సత్తువున్నట్టి భూమిలో విత్తులేసి
పంటబండించి ధరకమ్మి ప్రధముడయ్యు
విపణి యందున పేటికా విలువలున్న
ఎదను జీల్ప గనంబడు హేమ మణులు
చదువును సంస్కరించుటకుచక్కటి మార్గముసంపదౌనుగా|
పదిలముగాను బంచగల భావితరాలకుధర్మ భూమియే
నిధులను,నిత్యసౌఖ్యముల నిల్వల పేటిక| మూలమెంచియే
హృదయము జీల్ప రత్నములు,హేమములున్ గనవచ్చు నంతటన్|
కె. ఈశ్వరప్ప గారూ,
తొలగించండిమీ నాలుగు పూరణలు బాగున్నవి. అభినందనలు.
'సత్తువ+ఉన్నట్టి' అన్నపుడు సంధి లేదు, యడాగమం వస్తుంది. 'సత్తువ గలుగు భూమిలో...' అనండి.
క్రొవ్విడి వెంకట రాజారావు:
రిప్లయితొలగించండిసహజముగ వనరుల నిచ్చి సాయ మిడెడి
భూతధారిణి నెంతయు పొందు గూడి
భక్తి సంసేవ లొనరించి పన్ను నామె
నెదను జీల్చ గనంబడు హేమ మణులు.
రాజారావు గారూ,
తొలగించండిమీ రెండవ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిగురువు గారికి నమస్కారములు. అనారోగ్య రీత్యా గత నాలుగు రోజులనుండి పూరణలు పంపలేక పోయాను. ఇప్పుడు పంపుతున్నాను. నాయందు దయయుంచి పరిశీలించ గోర్తాను.
(22-11-2016):
మట్టును గూడని విధమున
గుట్టుగ దాచిన ధనమును గుఱుతించు వడిన్
పెట్టెల నిండుగ ముడుపుల
కట్టలు గలవారి బాధ కంజుడెఱుగునా?
(23-11-2016):
హవణిక దోడ రహించెడి
నవకము గూడిన పదముల నాలాపనముల్
సవురుగ బఱచి నదాటున
భువి వీడితివేల బాలమురళీకృష్ణా?
(24-11-2016):
సతము విపరీత మనదగు
వితమున యతిశయ పలుకులు బేర్చుచు దిరిగే
అతగుడనుచు బేరొందిన
మతిహీన పురుషు నుతింప మాన్యులు సుమ్మీ?
రాజారావు గారూ,
తొలగించండిమీ పై పూరణలన్నీ బాగున్నవి. అభినందనలు.
ఎదుటి వానిని పరికించి మదిని గెలువ నిగుడ నాతని నీదరి నిలుపు కొనుచు
రిప్లయితొలగించండివ్యధల ద్రుంచగ సుస్నేహ పథము లోన
నెదను జీల్చ గనంబడు హేమ మణులు!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
హలము జేపట్టి భూమిని కలియ దున్ని
రిప్లయితొలగించండిపంట పండించి ముక్కారు ఫలము పొంద
రైతు నమ్ముకున్నట్టి యా రత్నగర్భ
నెదను జీల్ప గనంబడు హేమమణులు.
నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
పూజ్యులు శంకరయ్య గారికి వందనములు. నిన్నటి నా పద్యార్థములను పరిశీలించినట్లు తలుస్తాను. మీ యామోదమున కై యెదురు చూచు చున్నాను.
రిప్లయితొలగించండిసవరణ:"కదలక యుండుగా కదిపి గాంచిన వేగమె తెల్లమౌనుగా".
రిప్లయితొలగించండిసదమల హిందుమాతృకను చల్లగ మెల్లగ కొల్లగొట్టుచున్
రిప్లయితొలగించండికుదురుగ కోహినూరులను కుప్పలు గుట్టలు తస్కరించుచున్
హృదయ విదార కమ్మయిన రీతిని దోచిన నాంగ్ల రాక్షసిన్
హృదయముఁ జీల్ప రత్నములు హేమములున్ గనవచ్చు నంతటన్