కవిమిత్రులారా!
ఈరోజు పూరించవలసిన సమస్య ఇది...
"కార్తిక మాసమందు శితికంఠుని పూజలు సేయఁ బాపమౌ"
లేదా...
"కార్తికమున శివుని పూజ గడుఁ బాపమగున్"
ఈరోజు పూరించవలసిన సమస్య ఇది...
"కార్తిక మాసమందు శితికంఠుని పూజలు సేయఁ బాపమౌ"
లేదా...
"కార్తికమున శివుని పూజ గడుఁ బాపమగున్"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఆర్తుల రక్షించు శివుడు
రిప్లయితొలగించండికార్తిక మాసమున దీర్చు కాంక్షల నన్నిన్
ధూర్తులు వంచన జేసెడి
కార్తికమున శివుని పూజ గడుఁ బాపమగున్
ప్రభాకర శాస్త్రి గారూ,
తొలగించండివంచనతో జేసే పూజ పాపమన్న మీ పూరణ బాగున్నది. అభినందనలు.
ఆర్తిగ దేవుని కొలిచిన
రిప్లయితొలగించండిధూర్తుల మదమణచి జనుల దోహద పడగన్
సూక్తులు బలికిన చాలదు
కార్తికమున శివుని పూజ గడుఁ బాపమగున్
అక్కయ్యా,
తొలగించండికొంత అన్వయక్లేశం ఉన్నది. పూరణ భావం సమర్థంగా ఉన్నట్టు లేదు.
ఆర్తిగ దేవుని కొలిచిన
తొలగించండిధూర్తుల మదమణచి జనుల దోహద పడగన్
సూక్తుల కపటపు పలుకుల
కార్తికమున శివుని పూజ గడుఁ బాపమగున్
రిప్లయితొలగించండిఆర్తిగ జేయవలయునౌ
కార్తికమున శివుని పూజ, గడుఁ బాపమగున్
సూక్తుల బలుకుచు కాలము
పూర్తిగ వ్యర్థమొనరింప పుత్తడి బొమ్మా !
జిలేబి
జిలేబీ గారూ,
తొలగించండివిరుపుతో మీ పూరణ బాగున్నది. అభినందనలు.
డా.పిట్టా
రిప్లయితొలగించండి(దేశమంతటను ద్రవ్య చింతనయే కాని దైవ చింతనపై మనసెక్కడ నిలిపేము? చేతులారంగ శివుని పూజించే యవకాశం కలుగ లేదండీ.ఈ యేడు కార్తిక మాసంలో శివపూజ చేస్తే పాపం.మోదీ చింతన ,భవిష్యత్తు యెట్లుందో యన్న భయంతో నేను శివపూజ చేస్తేపాపం!నన్నునమ్మండి అనేధోరణిలో"పాపము"అన్న పదాన్ని వాడినాను)
పూర్తిగ నోట్ల సంచయన పూరిత మాయెను,నాయకమ్మనుల్
మూర్తులు నర్ధరాత్రి శివ మోహన యుద్భవమట్లు వ్యూహముల్
గూర్తురు మూర్తిహీనుడెటు గూర్చును శాంతి?నశాంతి పూజలీ
కార్తక మాసమందు; శితికంఠుని పూజలు సేయ బాపమౌ!
ఆర్తిని గని బ్రోవుము యని
మూర్తిని గొను దైవ పూజ మోక్షము కొరకౌ;
పూర్తిగ "మోదీ"చింతయె(అతని మూర్తి పూజ వర్త మానం కొరకై సాగాలి అన్న ధ్వని)
కార్తికమున శివుని పూజ గడు బాపమగున్.(శివుడు నిరాకారుడాయె.పట్టుకోవడం కష్టంకదా!)
డా.పిట్టానుండి
రిప్లయితొలగించండిఆర్యులారా!
మోదీ శివుడు కాదు.నారాయణుడు.బహురూపి.నాడు అమ్మిన చాయె లో నీరుగలిపెనా,నేడు ,రోజుకు ఒక్కంటికి లెక్కలేనన్ని దుస్తులు వేసికోవడం లేదా.మనకు మూర్తి పూజ రాజకీయ రంగంలో ఉన్నమాటే!ఆయన గారి పూజ వైరంతో నల్లధనం గలవారు,సఖ్యతతో పేదలు భజించేవారే.
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'బ్రోవుము+అని' అన్నపుడు సంధి నిత్యం. యడాగమం రాదు. 'బ్రోవు మనుచు' అనండి.
ఆర్తి యడంగు, మిక్కిలిగ హర్షము గల్గును, సర్వమాన్యమౌ
రిప్లయితొలగించండికీర్తియు వచ్చి చేరునిక క్షిప్రమె సౌఖ్యము లందవచ్చు నీ
కార్తిక మాసమందు శితికంఠుని పూజలు సేయ, బాపమౌ
ధూర్తత ధిక్కరించినను దోషము లెంచిన సత్య మెల్లెడన్.
ఆర్తిహరంబగు సత్యము
కార్తికమున శివుని పూజ, గడు బాపమగున్
ధూర్తుండౌచును రుద్రుని
గీర్తించుచునుండువారి క్రియలం గూల్చన్.
హ.వేం.స.నా.మూర్తి
హరి వేంకట సత్యనారాయణ మూర్తి గారూ,
తొలగించండివిరుపుతో మీ రెండు పూరణలు బాగున్నవి. అభినందనలు.
ఆర్తిగ పూజ చూయుటకు నాదిగ ముఖ్యమదేమి మిత్రమా
రిప్లయితొలగించండిపూర్తిగ వర్జనీయమగు పూజను సేయగ నెద్దిజెప్పుమా
కార్తిక మాసమందు శితికంఠుని పూజలు సేయఁ బాపమౌ
వర్తన మెంచిచూడ మది పాపపుఁ జింతన కానెకాదుగా
ఫణికుమార్ తాతా గారూ,
తొలగించండిక్రమాలంకారంలో మీ పూరణ బాగున్నది. అభినందనలు.
గురువుగారూ నమస్సులు, ధన్యవాదములు.
తొలగించండిఆర్తిని బొంది భక్త సుజనావళిజేరి విశుద్ధ తత్త్వ సం
రిప్లయితొలగించండికీర్తనలాలపించిన వికీర్ణము గాదె సమస్తపాపముల్
కార్తిక మాసమందు శితికంఠుని పూజలు సేయఁ, బాపమౌ
ధూర్తుల సాన్నిహిత్యమును దుష్టతలంపులు నిజ్జగంబునన్.
సంపత్ కుమార్ శాస్త్రి గారూ,
తొలగించండివిరుపుతో మీ పూరణ బాగున్నది. అభినందనలు.
ఆర్తిగ నిముసమ్మైనను
రిప్లయితొలగించండికీర్తించిన భవుని గలుగు కీర్తి శుభమ్ముల్
పూర్తిగ నెగగొట్టినచో
కార్తికమున శివుని పూజ, గడుఁ బాపమగున్
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
మూర్తీభవించితినిల
రిప్లయితొలగించండిన్నార్తులఁ గాచెడుమహేశునవతారుడనన్
ధూర్తుని మదిలోఁ దలఁచుచు
కార్తీకమున శివుని పూజ గడుఁ బాపమగున్
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిపూర్తిగ నార్తిని దీర్చును
కార్తికమున శివుని పూజ, గడు పాపమగున్
ధౌర్తిక మెంచెడి మనమున
కీర్తిని గోరుచు చలిపెడి కేదారర్చల్.
(అర్చ = పూజ)
క్రొవ్విడి వెంకట రాజారావు గారూ,
తొలగించండివిరుపుతో మీ పూరణ బాగున్నది. అభినందనలు.
'ధౌర్తికము' అన్న పదం లేదు. 'ధూర్తత నెంచెడి మనమున' అనవచ్చు కదా!
కర్తవ్యము దొంగతనము
రిప్లయితొలగించండివర్తకముగ వాడలందు వ్యభిచారమ్మున్
పూర్తిగ మద్యమున మునుగ
కార్తికమున శివుని పూజ గడుఁ బాపమగున్
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
ధూర్తునిమాటగనెరుగుడు
రిప్లయితొలగించండికార్తికమునశివునిపూజగడుబాపమగున్
కార్తీకమాసమంతయు
బూర్తిగశివపూజజేయబుణ్యమునిచ్చున్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
'కార్తిక మాస మ్మంతయు...' అనండి.
రిప్లయితొలగించండిహర్తలు,నల్లధనమ్ముకు
భర్తలు,ధూర్తులును, స్వార్ధ పరులున్ తృష నా
వర్తించిన భక్తివినా
కార్తికమున శివుని పూజ గడు పాపమగున్
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
'నల్ల ధనమునకు' అనండి.
గురుదేవులసూచన మేరకు సవరించిన పద్యము
తొలగించండిహర్తలు,నల్లధనమునకు
భర్తలు,ధూర్తులును, స్వార్ధ పరులున్ తృష నా
వర్తించిన భక్తివినా
కార్తికమున శివుని పూజ గడు పాపమగున్
పూర్తిస్థాయి సుభము నిడు
రిప్లయితొలగించండికార్తికమున శివుని పూజ, గడు బాపమగున్
హర్తగ మారి గుడి నిధుల,
కర్తవ్యమును విడనాడి, కాజేయు పనుల్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
శుభమును సుఖము అన్నారు.
కార్తికమాసమందుశితికంఠునిపూజలుసేయపాపమౌ
రిప్లయితొలగించండిఆర్తినిబొందినామనసుహాయిగనుండమియట్లుపల్కితిన్
కార్తికమాసమందిలనుగాలునిపూజనుజేయనొప్పగు
న్నార్తినినొక్కరోజయినహారములేకనునుంటమేలగున్
సుబ్బారావు గారూ,
తొలగించండిమీ పూరణ బాగున్నది. అభినందనలు.
ఆర్తుల కల్పవృక్ష మిల నంగజ గాత్రవినాశ ధీజనో
రిప్లయితొలగించండిద్ధర్తృ విభూతిగాత్ర భవతాప విదూరుడు చంద్రశేఖరున్
కార్తిక మాసమందు శితికంఠుని పూజలు సేయఁ బాప మౌ
హూర్తికు డావిలాంతమున హోత్రియుడై వెలుగొందు నిత్యమున్
[పాప మౌహూర్తికుడు= దుష్కృతపు జోస్యుఁడు; ఆవిలము= కలుషము]
ఆర్తి జనుల సకలాఘా
హర్తమని మదిం దలంతు రట శర్వాంత
ర్వర్తిత ముత్తమ మాసము
కార్తికము నశివుని పూజ గడుఁ బాపమగున్
పోచిరాజు కామేశ్వర రావు గారూ,
తొలగించండిమీ రెండు పూరణలు ప్రౌఢంగా, గూఢ భావోద్దీపితాలై అలరింపజేస్తున్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండికీర్తించుచు భూతేశుని
రిప్లయితొలగించండియార్తిగ బూజింపగలుగు నఖిలశుభమ్ముల్
పూర్తిగ విడనాడినచో
కార్తికమున శివుని పూజ, గడు బాపమగున్ !!!
శైలజ గారూ,
తొలగించండిమీ పూరణ బాగున్నది. అభినందనలు.
'భూతేశుని। నార్తిగ...' అనండి.
శ్రీగురుభ్యోనమః
రిప్లయితొలగించండిస్ఫూర్తిని కల్గజేసి పలు పూజల గల్పనజేసి డబ్బు దా
హార్తులు కొందరీ ప్రజల యాతనలన్ గమనించి యుక్తితో
వర్తకులౌచు దాము కడు భక్తి నటించు ద్రోహ బుద్ధితో
కార్తిక మాసమందు శితికంఠుని పూజలు సేయఁ బాపమౌ
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.
మూడవ పాదంలో 'నటించు' అన్నచోట గణభంగం. 'నటించుచు' అని ఉండాలనుకుంటాను.
క్రొవ్విడి వెంకట రాజారావు:
రిప్లయితొలగించండిపూర్తిగ డెందమున్నిలిపి పూనిక జూపుచు భక్తి తోడుతన్
కీర్తనలెంచి సాగునెడ ఖేదము లాఱుచు మేలుగల్గునౌ
కార్తిక మాసమందు శితికంఠుని పూజలు సేయ, బాపమౌ
ధౌర్తిక తత్వమున్నడప దల్చెడి నీశ్వర బూజలన్నియున్.
రాజారావు గారూ,
తొలగించండిమీ పూరణ బాగున్నది. అభినందనలు.
కర్తలటంచునెంచి శుభ కార్యములన్నియు నొప్పగించగా
రిప్లయితొలగించండిధూర్తమనస్కులై సతము దోచుచు సొమ్ముల దేవళమ్ములన్
పూర్తిగ పొల్లు వస్తువుల మోసముతోగొని తెచ్చి నిత్యమున్
కార్తిక మాసమందు శితికంఠుని పూజలు సేయఁ బాపమౌ
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
ఆర్తిగ వేత్తయై హరిహరాద్వయతత్వమునాశ్రయింపకన్,
రిప్లయితొలగించండి'ధూర్తుడు విష్ణువం'చుమదిఁ దోడనజేయుచు కుంచితాత్ముడై
కార్తిక మాసమందు శితికంఠుని పూజలు సేయఁ బాపమౌ,
స్ఫూర్తిగఁ'బ్రహ్మమొక్కట'ని జూచిన పుణ్య మగణ్యమయ్యెడిన్
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
ఆర్తగ బూజలన్సలుపు మా శివదేవుడు సంతసింపగన్
రిప్లయితొలగించండిబూర్తగ మానసమ్మునను పొందుగ నిల్పియు దివ్యరూపమున్
కీర్తిప్రతిష్ఠలన్ గొనక కీర్తన జేయగ నెట్టి తీరునన్
గార్తక మాసమందు శితికంఠుని పూజలు సేయ బాపమౌ???
మొబైల్ టైపింగ్ అవస్థలు !
రిప్లయితొలగించండిజనార్దన రావు గారూ,
తొలగించండిమీ పూరణ బాగున్నది. అభినందనలు.
శంకరయ్య గారు! ధన్యవాదాలు !
తొలగించండిధూర్తులు గేలిని సేసిన
రిప్లయితొలగించండికార్తికమున శివుని పూజ, గడుఁ బాపమగున్"
నేర్తురె యట్ఠిదురాత్ములు
భర్తయనిసకల జనులకు పార్వతి నాథున్
మూర్తి గారూ,
తొలగించండిమీ పూరణ బాగున్నది. అభినందనలు.
.”ఆర్తిగ భక్తియుక్తులచె యాశివనామము నుచ్చరించ?సా
రిప్లయితొలగించండిహార్తిగ నిన్నుజేరు హర|హాశివ దైవమటన్నతోడుగా
కార్తిక మాసమందుశితి కంఠునిపూజలు సేయ”|” బాపమౌ
దూర్తమనస్సుగల్గి పరధూషణజేయుచునుండ బూనగా”
2.వర్తనగసౌమ్య వారము
కార్తికమున శివుని పూజ”|”గడుపాపమగున్
వార్తలతోవిడ బూనగ
దూర్తత్వము జేరిపోవు దోషంబదియే”.
కె. ఈశ్వరప్ప గారూ,
తొలగించండిబాగున్నవి మీ రెండు పూరణలు. అభినందనలు.
భర్తలు దేవళమ్మునను భార్యల దింపుచు ముద్దుమీరగా
రిప్లయితొలగించండికార్తిక జాగరమ్మనుచు కమ్మగ జారుచు రాత్రివేళనున్
పూర్తిగ మూడు పిక్చరులు ముచ్చట మీరగ చూచుచుండెడిన్
కార్తిక మాసమందు శితికంఠుని పూజలు సేయఁ బాపమౌ