కవిమిత్రులారా!
ఈరోజు పూరించవలసిన సమస్య ఇది...
"రాతినిఁ గూడినట్టి చెలి రాతిగ మారె నదేమి చోద్యమో?"
లేదా...
"రాతిఁ గూడి చెలియ రాయి యయ్యె"
ఈరోజు పూరించవలసిన సమస్య ఇది...
"రాతినిఁ గూడినట్టి చెలి రాతిగ మారె నదేమి చోద్యమో?"
లేదా...
"రాతిఁ గూడి చెలియ రాయి యయ్యె"
గురువు గారికి నమస్కారములు
రిప్లయితొలగించండిఊళ్ళో లేనందున నిన్న నా పూరణలు పంపలేక ఈ రోజు పంపి మీకసౌకర్యము కలిగిస్తున్నందుకు క్షమించగలరని మనవి
నిన్నటి సమస్యకు నా పూరణలు
కీర్తిని, ముక్తినిచ్చునట కేలుల మోడ్చుచు భక్తితో జనుల్
కార్తిక మాసమందు శితికంఠుని పూజలు సేయఁ, బాపమౌ
ఆర్తజనాళి వేదనల నంతము జేసెడి వాడినీ భువిన్
ధూర్తుల సాహచర్యమున దూషణ జేయుచు నిందమోపుటన్
కీర్తియు పున్నియ మేగద
కార్తికమున శివుని పూజ, గడుఁ బాపమగున్
ఆర్తజన రక్షకునిల
ధూర్తుడ వగుచున్ సతతము దూషణ జేయన్
విరించి గారూ,
తొలగించండివిరుపుతో మీ రెండు పూరణలు బాగున్నవి. అభినందనలు.
నన్నువిడచి వెళ్ళె నమ్మి తానా గుజ
రిప్లయితొలగించండిరాతిఁ గూడి చెలియ - రాయి యయ్యె
నాదుగుండె యింత నమ్మకద్రోహమ్ము
గట్టి దెబ్బకొట్టి కఠినపరచ
గతంలో రోజూ మీ పద్యం చదివిన తరువాత పూరణకు ప్రయత్నించేవాడిని.మీ ఆగమనము సంతోషదాయకము.చక్కని విరుపుతో మీ పూరణ ఆనందాన్ని కలిగించింది. అభినందనలు కవి మిత్రమా.
తొలగించండిచంద్రమౌళి సూర్యనారాయణ గారూ,
తొలగించండిబహుకాల దర్శనం... సంతోషం!
చక్కని విరుపుతో మీ పూరణ బాగున్నది. ముఖ్యంగా పూరణలో 'గుజరాతి'ని తీసుకురావడం ప్రత్యేకంగా ప్రశంసింపదగినది. అభినందనలు.
'వెళ్ళె'(వ్యావహారికం)ను 'వెడలె' అనండి.
ధన్యవాదాలు మాష్టారు...
తొలగించండిధన్యవాదాలు అన్నపరెడ్డి సత్యనారాయణ రెడ్డి గారూ..మీరు చూపిస్తున్న ఆప్యాయతకి సర్వధా కృతజ్ఞుణ్ణి...
రిప్లయితొలగించండిఅంద చంద ములకు నందనవనమగు
శిల్ప తోరణమున చిన్న వాడు
కనుల కనులు కలుప కదలిక మరచుచు
రాతిఁ గూడి చెలియ రాయి యయ్యె!
జిలేబి
జిలేబీ గారూ,
తొలగించండిచక్కని శిల్పాన్ని చూచి స్థాణువైపోయిందా? బాగుంది మీ పూరణ. అభినందనలు.
నాదు ప్రేమ నీకు చేదుగా తోచెనే
రిప్లయితొలగించండినమ్మి వెడలి నావు నన్ను విడచి
మోస గించు ప్రియుడు కసాయి గావున
రాతిఁగూడి చెలియ రాయి యయ్యె
అక్కయ్యా,
తొలగించండిమీ పూరణ బాగున్నది.
'కసాయి' అన్నచోట గణదోషం.
చెలియ గూడి జనియె తొలిప్రేమ యాత్రకై
రిప్లయితొలగించండిహంపి రాతి విగ్రహాలు జూడ
చెలియ నిలిచె శిల్ప చిత్రగ్రహణమున
రాతిఁ గూడి చెలియ రాయి యయ్యె!
శిల్పచిత్రగ్రహణము = స్టిల్ ఫోటొగ్రఫీ
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండి[అహల్యకు గౌతముఁడు శాపమిడఁగాఁ గాంచిన యామె చెలికత్తె మఱొక చెలికత్తెతో నా వృత్తాంతమునుం జెప్పుచున్న సందర్భము]
"పాతక మొందు నాకు నను భావన నొందక జార యౌటచే
జాతక మడ్డదిడ్డమయె! సాంత్వనయే కఱవాయె! భర్త యా
నాతికి శాప మీయఁగను నబ్రముగా నిటులాయెనే? బలా
రాతినిఁ గూడినట్టి చెలి రాతిగ మారె నదేమి చోద్యమో?"
"మోహముననుఁ బతిని మోసగింపఁగఁ బూనెఁ;
తొలగించండిదప్పుసేయఁ బ్రియుఁడు దరికిఁ జేరెఁ;
బాపులైరి యిర్వు రా పనిచే; బలా
రాతిఁ గూడి చెలియ రాయి యయ్యె!"
గుండు మధుసూదన్ గారూ,
తొలగించండిబలారాతితో మీ రెండు పూరణలు ప్రశస్తంగా ఉన్నవి. అభినందనలు.
గౌతముఁ బత్ని తోడ మమకారము జూపుచు భర్తరూపునన్
రిప్లయితొలగించండిభీతియు లేక పాపపు నపేక్షను జూపుచు చెంతచేరగ
న్నాతని తోడ సంగమము నక్కజ రీతిని కోరి దానవా
రాతినిఁ గూడినట్టి చెలి రాతిగ మారె నదేమి చోద్యమో
ఫణి కుమార్ గారూ - దానవారాతి అనే పదమునకు జి.ఎన్.రెడ్డి గారు విష్ణువు అనేఅర్థం యిచ్చారు. యింద్రునికి ఎక్కడన్నా ప్రయోగంఉన్నదా. దానవకులవైరి దర్పమ్ము వర్ణించు చదువు లెవ్వరు గాని చదువరాదు. అనే పద్యంలో కూడా విష్ణువు గురించే ఉన్నది.
తొలగించండిసత్యనారాయణరెడ్డి గారూ, నమస్కారములు. నేను నిఘంటువు చూడలేదు. మీరు చెప్పిన తర్వాత ఇప్పుడే చూశాను. దానవులు ఎప్పుడూ దండయాత్ర చేసినా అమరావతి మీదనే కదా. అందువలన దానవులకు శత్రువు ఇంద్రుడు అనే ఉద్దేశ్యంతో వ్రాశాను. అది అంగీకార యోగ్యము అవునో కాదో తెలియదు. సవరించాను. ధన్యవాదములు.
తొలగించండిన్నాతని తోడ సంగమము నక్కజ రీతిని కోరియా బలా
ఫణికుమార్ తాతా గారూ,
తొలగించండిఇంద్రుణ్ణి దానవారాతి అనడంలో దోషం లేదు. మీ సవరణ (అవసరం లేకున్నా) బాగుంది. చక్కని పూరణ. అభినందనలు.
గురువుగారూ నమస్సులు, ధన్యవాదములు.
తొలగించండిడా.పిట్టా
రిప్లయితొలగించండి(నారీణామ్ వజ్రాదపి కఠోరాని మృదూని కుసుమమాదపి)
నాతిగ నంగనన్ జనులు నమ్మిరి కోమలగాత్రిగాదె వే
చేతలనైన నచ్చముగ చిన్మయ లీలగ పుష్పభాతియౌ
కోతలుగోయు వజ్రమగు గ్రుంగిన వేళల భూషణాదులన్
రాతిని గూడినట్టి చెలి రాతి(యి)గ మారె నదేమి చోద్యమో!
బందిపోటుదొంగ బాల్యాన గొంపోయి
పెంచి బెద్దజేసి ప్రేమ జూప
వాని వాసి జూసి వంచించి జంపెను
రాతి గూడి చెలియ రాయి యయ్యె!
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
క్రొవ్విడి వెంకట రాజారావు:
రిప్లయితొలగించండిలలికి జిక్కి నట్టి లలన గ్రుడ్డి దగుచు
తమిని గూడి గుణము దలచ కుండ
కమనుడై చెలగెడి ఖలుని వెంట బడియె
రాతి గూడి చెలియ రాయి యయ్యె.
క్రొవ్విడి వెంకట రాజారావు గారూ,
తొలగించండిమీ పూరణ బాగున్నది. అభినందనలు.
హంపి క్షేత్రమున విహార యాత్ర కొఱకు
రిప్లయితొలగించండిచెలియ తోడ వెళ్లి శిల్పములను
చూచుచుండ నొకచొ చోద్యమ్ముగా నున్న
రాతి గూడి చెలియ రాయి యయ్యె.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
సంభ్రమంబు నందె సాంధ్యలో విభ్రమా
రిప్లయితొలగించండిరాతి గూడి; చెలియ, రాయి యయ్యె,
నిబిడ తిమిర దిశల నిండిన నిశ నట
దాట లేక తాను బాట గనక!
శిశ్ట్లా శర్మ గారూ,
తొలగించండిమీ పూరణ బాగున్నది. అభినందనలు.
రాయిగూడిచెలియరాయియయ్యెనునట
రిప్లయితొలగించండికనకలక్ష్మిదానుగాంతలందు
కఠినమనముగలిగికాఠిన్యమునుజూపు
నెపుడుదనపరమనియెంచకిచట
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
ప్రేమమీరమేము పెళ్లైన తరువాత
రిప్లయితొలగించండినుదకమండలమ్ము ముదము చేర
సేద దీరఁ గొలను శీతలంపు దహనా
రాతిఁగూడి చెలియ రాయియయ్యె
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిఅజుని తనయ యైన నా యహల్యను జూచి
మరులు గొనుచు నామె మగని వలెను
పొడను మార్చి వచ్చి పొరలాడిన బలా
రాతి గూడి చెలియ రాయి యయ్యె.
(పొర = మోసము)
రాజారావు గారూ,
తొలగించండిమీ రెండవ పూరణ బాగున్నది. అభినందనలు.
చేతలు దైవ చోదిత విచిత్ర విధాయక సంభవమ్ములే
రిప్లయితొలగించండిహేతువు లారయన్ జగ దభీష్ట సమృద్ధికి ఘోర దుష్టపుం
గూతలు గూసి నట్టి వెడ కుబ్జయ మంథర రామ వైభ వా
రాతినిఁ గూడినట్టి చెలి రాతిగ మారె నదేమి చోద్యమో?
శక్రుడు సురవిభుడు సంక్రందనుండట
పంచ కన్యక యట చంచలాక్షి
నుడువ గల రహల్యను జను లిటుల బలా
రాతిఁ గూడి చెలియ రాయి యయ్యె
పోచిరాజు కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిగౌతముశాపముందగిలికాంతయెరాయిగమారగానిల
రిప్లయితొలగించండిన్నాతతరామచంద్రునిపదావళిసోకగవెంటనేమరిన్
రాతినిగూడినట్టిచెలిరాతిగమారెనదేమిచోద్యమో
రాతినిమార్చగల్గుటనరామునికొక్కడికేయగున్సుమా
సుబ్బారావు గారూ,
తొలగించండిమీ పూరణ బాగున్నది. అభినందనలు.
భూతల భాగ్యశాలి యగు బోటిని నెంపికచేయు స్పర్థలో
రిప్లయితొలగించండిభీతిలకుండ దోసలను విస్తృతరీతి భుజించి యెన్నియో
చేతను లెక్కపెట్టుమన క్షిప్రముగా నట నుంచినట్టి కీ
రా తిని, గూడినట్టి చెలి రాతిగ మారె నదేమి చోద్యమో!
హ.వేం.స.నా.మూర్తి
హరి వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
సింధు కన్యను గని శ్రీనివాసుని మేను
రిప్లయితొలగించండిశిలగ మారిపోవ, చెంతనున్న
మంగ గూడ శిలగ మారెను,దానవా
రాతి గూడి చెలియ రాయి యయ్యె.
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిగౌతమ పత్ని నాత్మభువు గాదిలి కూతు నహల్య నెంచుచున్
భ్రాతిని గూడి మోహమున వాసవుఁ డాశను గౌతమున్వలెన్
నాతి నహల్యనిం గలియు నంత మగండిడు శాపమున్ బలా
రాతిని గూడినట్టి చెలి రాతిగ మారిన దేమి చోద్యమో!
రాజారావు గారూ,
తొలగించండిమీ తాజా పూరణ బాగున్నది. అభినందనలు.
గౌతమి బొందగా దలచి కాముకు డైనసురాధిపుండు తా
రిప్లయితొలగించండిగౌతము రూపమందు జనె, కల్లరి మోనమెఱంగి భర్తయే
పాతకియంచు దూరి తన పత్నికి శాపమొసంగ, దాసవా
రాతినిఁ గూడినట్టి చెలి రాతిగ మారె నదేమి చోద్యమో
కాముకుండు చేరి కలికి గౌతమి వొంద
కోపమందు మునియె శాప మిడిన
ఫలిత మదియె జూడ పాపియౌ దానవా
రాతిఁ గూడి చెలియ రాయి యయ్యె
విరంచి గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండిశ్రీగురుభ్యోనమః
భూతలమందు సౌఖ్యముల బొంద మహేంద్రుడు మౌని రూపుడై
గౌతమ యాశ్రమమ్ము కడ గాంచె నహల్యను కామ మోహసం
జాత మదంధుడౌచు దన సన్నిధి నిల్వగ భ్రాంతితో నగా
రాతినిఁ గూడినట్టి చెలి రాతిగ మారె నదేమి చోద్యమో
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.
గౌతమ మౌని పుంగవుని కాంతను గాంచియు మోహబుద్ధిచే
రిప్లయితొలగించండినాతని యాశ్రమమ్మరిగి యామెను బొందగ నింద్రుడంతటన్
గౌతము డాగ్రహించి తన కర్కశ శాపము లీయ దానవా
రాతిని గూడినట్టి చెలి రాతిగ మారె నదేమి చోద్యమో !
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
ఉపశమనము బొంది సొలయించి కీచకా
రిప్లయితొలగించండిరాతిఁ గూడి చెలియ, రాయి యయ్యె
డును మనంబు నెప్పుడూ నిట్టి యవమాన
ముల మరెన్ని హృదయమోర్చ వలెనొ!
తంగిరాల రఘురామ్ గారూ,
తొలగించండిమీ పూరణ బాగున్నది. అభినందనలు.
'రావి తిలకు ' తోడ రమ్యంబుగా పెండ్లి
రిప్లయితొలగించండిజరిగె 'నిచ్చ ' పేరు సఖియతోడ
ఇంటిపేరు తోడ నింపుగా నిట్లుండు
రా.తిఁ గూడి చెలియ రా.యి యయ్యె
గోలి హనుమచ్ఛాస్త్రి గారూ,
తొలగించండిమీ పూరణ వైవిధ్యంగా ఉంది. అభినందనలు.
లేతగులాబివంటి పసిలేమను కోరినకట్నమిచ్చి గో
రిప్లయితొలగించండిమాతను కోరియా కటిక గోష్ఠము కంపినరీతిఁ శ్వశ్రుసం
ఘాతముజేర్పనాకట!మగండను రాక్షస మానసుండైన పెన్
"రాతినిఁ గూడినట్టి చెలి, రాతిగ మారె నదేమి చోద్యమో?"
సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
వనితచిన్నిబాబుతోవడిలోనుంచుకొనివెళ్లిగుడులదర్శనాలతో చేతగాకతిరిగిన అలసటతోకన్నడవనితఈవిదంగా హంపియందుగల 50చదరపు కిలోమీటర్లదూరమునడచినడచిచూచిన పలికినదట{హంపిగోగద కింతు కొంపేగిరదు మేలు=హంపివెళ్ళుటకన్న ఇంట నుండుటమేలు}అనగానేఆమెశిలగాకొడుకుతో సహా మారిఇప్పటికి శిలయున్నదిఈవిషయాన్నిపూరించడ మైనది
రిప్లయితొలగించండి1.భూతల శిల్ప కల్పనల బుద్దివికాశము జూడ నెంచగా
మాతగ బిడ్డ నెత్తుకొని మాపటి వేళకు చేతగాకనే
చూతమటన్న గాక|మనసొప్పక నొచ్చుకొనంగ తిట్టగా
రాతిని గూడినట్టి చెలి రాతిగ మారె నదేమి చోద్యమో| {నేటికిఆశిల్పము జూడవచ్చుహంపియందు}
2.పిల్లనెత్తు కొనియు మెల్లగ నడచుచు
ఆనె గొంది,హంపియద్బుతాలు
జూడ లేకతిట్ట?చోద్యముగామారె
రాతి గూడి చెలియ రాయి యయ్యె|
ఈశ్వరప్ప గారూ,
తొలగించండిక్రొత్త విషయాన్ని తెలియజేశారు. బాగున్నవి మీ పూరణలు. అభినందనలు.
గౌతమ మౌని పుంగవుని కాంతను గాంచియు మోహబుద్ధిచే
రిప్లయితొలగించండినాతని యాశ్రమమ్మరిగి యామెను బొందగ నింద్రుడంతటన్
గౌతము డాగ్రహించి తన కర్కశ శాపము లీయ దానవా
రాతిని గూడినట్టి చెలి రాతిగ మారె నదేమి చోద్యమో !
జనార్దన రావు గారూ,
తొలగించండిమీ పూరణ బాగున్నది. అభినందనలు.
పతిగ రూపు దాల్చి పడతి చెంతకు చేరె
రిప్లయితొలగించండినర్ధరాత్రమందు నతివ గూడ
వాసవుండు రాగ వాంఛతో నా నగా
రాతి గూడి చెలియ రాయి యయ్యె.
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
హా! శకుంతలే!:
రిప్లయితొలగించండిప్రీతిని కూడ రిద్దరును పేరిమి తోడను బిడ్డపుట్టగా
రాతిని వోలుచున్ ప్రియుడు రాతిరి రాతిరి పారిపోవగా
నాతియు రాతియై శిశుని నందము మీరగ పారవేసెనే...
రాతినిఁ గూడినట్టి చెలి రాతిగ మారె నదేమి చోద్యమో?
రిప్లయితొలగించండిప్రీతిని పెండ్లియాడుచును ప్రేమను చేర్చుచు బ్యూటి పార్లరున్
రేతిరి చూడగా నగుచు రెప్పల మీదను కాటుకన్ మహా
కోతివి నీవనంగ పడి కొట్టగ బోవుచు రుబ్బురోలుదౌ
రాతినిఁ గూడినట్టి చెలి రాతిగ మారె నదేమి చోద్యమో?