కవిమిత్రులారా!
ఈరోజు పూరించవలసిన సమస్య ఇది...
"అంది యందని యందమే విం దొసంగు"
లేదా...
"అందియు నందనట్టిదగు నందమె విం దొసఁగున్ బ్రజాళికిన్"
ఈరోజు పూరించవలసిన సమస్య ఇది...
"అంది యందని యందమే విం దొసంగు"
లేదా...
"అందియు నందనట్టిదగు నందమె విం దొసఁగున్ బ్రజాళికిన్"
అడగక మనసు దెలిపిన పడతి వంటి
రిప్లయితొలగించండిఅంది యందని యందమే విందొ సంగు
కనుల భాషల సునిసిత కాంతు లకట
కలల మైకము నందున కలత సుఖము
అక్కయ్యా,
తొలగించండిమీ పూరణ బాగున్నది. అభినందనలు.
'సునిశిత'... టైపాటు...
ఎందరో సతులుండగ వంద లాది
రిప్లయితొలగించండిసత్యభామ రుక్మిణి మరి జాంబవతియు
ఎందరు సతులున్నను హృదియందు రాధ
కందియందని యందమే విందొసంగు!
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
పందెము వేయుచున్ బ్రజలు పాలక వర్గము వారినమ్ము చున్
రిప్లయితొలగించండిసందియ మేమిలే దనుచు సాహస మందున బెట్లుక ట్టుచున్
వందన మంచుదేవునికి వాసిగ పూజల యందుమున్ గుచున్
అందియు నందనట్టిదగు నందమె విందొసగున్ బ్రజాళికిన్
అక్కయ్యా,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండి'కంది'కవితావితానము గట్టు జేర్చు
విమల యభ్యాసమని వేయి విద్యలందు
పద్య విద్యను బట్టిన ప్రాకులాట
అందియందని యందమే విందొసంగు!
"సందియమేల యందరికి చక్కగ బంచెద నల్లడబ్బు నా
పందెమిదంటె పందె"మనిబాహువు జాచిన'మోది'మాటతో
నందు శ్రమల్ వినా ధనపు టాశయె నాకస పుష్ప రాజమై
అందియు నందనట్టిదగు నందమె విందొసగున్ బ్రజాళికిన్!!
డా.పిట్టా
రిప్లయితొలగించండిఅందరమాశనాశ్రితులమైనను పుంఖిత దాన రాశి నీ
చందము బ్రోత్సహించుటయె సర్వ సహంపు స్వతంత్ర భారతిన్?
ఎందరొ చేయి జాచుటయె హీనత యంచని యెంచరేలకో?!
అందియు నందనట్టిదగు నందమె విందొసగున్ బ్రజాళికిన్!!
డా. పిట్టా సత్యనారాయణ గారూ,
తొలగించండిమీ మూడు పూరణలు బాగున్నవి. అభినందనలు.
'విమల+అభ్యాసము=విమలాభ్యాసము' అవుతుంది కదా! 'అంటే' అనడం వ్యావహారికం. 'పందెమిదన్న' అనండి.
ఆర్యా,డా.పిట్టానుండి సవరణలు..స్వకీయము
తొలగించండివిలమభ్యాసమని..మొదటి పూరణలో
పందెముసుమ్మి పందెమని..మరోపూరణ లో స్వీకరించగలరు
తే.గీ. విరిసి విరియని విరి కను విందగుగద
రిప్లయితొలగించండిపండి పండని దగు దోర పండు మేలు
నిండి నిండని విధముగ తిండి చాలు
"అంది యందని యందమే విం దొసంగు"
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
విరిసివిరియనిపుష్పమ్మువిందుగొలుపు
రిప్లయితొలగించండిపండిపండనికాయయేప్రమదమిచ్చు
వచ్చిరానట్టిపలుకులుబలుకశిశువు
ముదముగలిగించువిధముగముదితయొక్క
యందియందనియందమేవిందొసంగు
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఅత్త తాతను పాపల నత్తి నుడులు
తొలగించండిగండు శిలలైన దూరపుఁ గొండ లన్ని
అంద కుండగఁ గన్పట్టు చందమామ
యంది యందని యందమే విం దొసంగు
విందము దయ్యముల్ నిలిచి వేదము లన్నియు వల్లె వేయగన్
మందిని మోస పుచ్చి పలుమారులు నేతల మంచుఁ బల్కు రా
బందుల రాజకీయ ఘన భార విధానము లెంచిఁ జూడ నీ
యందియు నందనట్టిదగు నందమె విం దొసఁగుం బ్రజాళికిన్
[అందము = విధము ; విందు = బహుమానము]
పోచిరాజు కామేశ్వర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
ఆహా! కామేశ్వర రావు గారు:
తొలగించండిపాత శంకరాభరణం పుటలు తిరగవేస్తూ మీ పద్మావతీ శ్రీనివాసము చూసి ఆనందించాను. మీరు సవ్యసాచి సమానులు!!!
తెలుగు రాదు...క్షమించండి...
పూజ్యులు శంకరయ్య గారికి వందనములు. ధన్యవాదములు.
తొలగించండిశాస్త్రి గారు మీకు నా పద్మావతీ శ్రీనివాసము ద్విపద కావ్యము నచ్చినందులకు మహదానందముగా నున్నది. మీ వంటి విద్యాధికులకు మాతృ భాషావగతమునం జేసి తెలుగు రాక పోవడమంటూ యుండదు.
క్రొవ్విడి వెంకట రాజారావు:
రిప్లయితొలగించండిఅడగక నొసగిన మనసే అరుస మొసగు
తెలిసి తెలియని మమతయే తీపి గలుపు
అంది యందని యందమే విందొ సంగు
సతము రహినెంచు వారికీ జగతి నందు.
క్రొవ్విడి వెంకట రాజారావు గారూ,
తొలగించండిమీ పూరణ బాగున్నది. అభినందనలు.
సందియములేదు లేప్రాయ మందు చిందు
రిప్లయితొలగించండిలేయు నవనవోన్మేషమౌ యెదల పొంగు
లంది యందని యందమే విం దొసంగు
సత్య దూరము కాదిది సమ్మతంబె.
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిమంచు కొండల నడుమను మాటు నుండి
మహిని జనులను మహిమతో మనుపు చుండి
అందుకో నొడగూడని నఖిల గురుని
అంది యందని యందమే విందొ సంగు
రాజారావు గారూ,
తొలగించండిమీ రెండవ పూరణ బాగున్నది. అభినందనలు.
చక్కనమ్మయుచితముగ చిక్కినపుడు
రిప్లయితొలగించండియెట్టి యాకర్షము కలుగదీ ధరిత్రి
సతత మూరించి యుడికించి సకియ చూపు
అంది యందని యందమే విందొ సంగు
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
'అపుడు+ఎట్టి' అన్నపుడు సంధి నిత్యం. యడాగమం రాదు. 'చిక్కినప్పు। డెట్టి..' అనండి.
చిన్నికృష్ణయ్య మురిపాలఁ జిలికినంత
రిప్లయితొలగించండితనివితీరదట యశోద తల్లి మదికి
దొరకకుండగ పరుగెత్తు దుడుకు వాని
యంది యందని యందమే విందొసంగు
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
సందియమేమియున్వలదుశంకరుసాక్షిగజెప్పుచుంటినే
రిప్లయితొలగించండిపందెముగూడవేయుదునుబాతికరోజులలోపలన్సదా
విందుగరూప్యముల్దొరకువేలకువేలుగజూడుడీయన
న్నందియునందనట్టిదగునందమెవిందొసగున్బ్రజాళికిన్
సుబ్బారావు గారూ,
తొలగించండిమీ వృత్త పూరణ బాగున్నది. అభినందనలు.
'భాతిక'..? 'భాతిగ'కు టైపాటా?
paatika means 25 days
తొలగించండిగగన మందున జల్లని కాంతులిడుచు
రిప్లయితొలగించండికరముకందెడు భావనన్ గలుగ జేయు
చక్కనైనట్టిమనమామ చందమామ
అంది యందని యందమే విం దొసంగు
చందురుడంతరిక్షమున జల్లని వెన్నెల కాంతులీనగా
నందగ వచ్చునంచుగద యల్లరి చెసెడు వేళపెద్దలా
కందువు నూరడింతురట, కాముకులైనను వృద్ధుకైన నా
సుందరుడౌ శశాంకుడను జూచిన జాలదె మోదమొప్పునా
యందియు నందనట్టిదగు నందమె విం దొసఁగున్ బ్రజాళికిన్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
వద్దు వద్దను మురిపెమే ముద్దొస౦గు
రిప్లయితొలగించండిచేదు చేదను చిలిపియే మోదమొసగు
కాదు కాదను కౌగిలే కమ్మతనము
నంది యందని యందమే విందొసంగు
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
గురువు గారికి, కవిమిత్రులకు మఱియు బ్లాగు వీక్షకులందరికి ఆంగ్ల నూతన సంవత్సర శుభాకాంక్షలు.
రిప్లయితొలగించండినడక నేర్చు వారల బుడి బుడి యడుగులు,
ఊరి యూరక రుచులూరు నూరుగాయ
పేరి పేరక యూరించు పెరుగు వోలె
యంది యందని యందమే విందొసంగు!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
సందియమేల యప్పనగ చక్కనిచుక్క లభించి తృప్తితో
రిప్లయితొలగించండినందము నారబోసినను వ్యక్తుల రంజిలఁ జేయనేర్చునే
సుందరమైన రూపమును చూపిన నిత్యము పాక్షికమ్ముగా
నందియు నందనట్టిదగు నందమె విందొసగున్ బ్రజాళికిన్
అన్నపరెడ్డి వారూ,
తొలగించండిమీ రెండవ పూరణ బాగున్నది. అభినందనలు.
ముందరి కాలమందు తలపోయని సౌఖ్యములందజేతు మే
రిప్లయితొలగించండిమందర మంచు నెన్నికల యందున మాటలు కోట దాటు రూ
పొందగ లేని వాక్కులవి ముందర ఎన్నికలందు జెప్పరే
యందియు నందనట్టి దగు యందమె విందొసగున్ బ్రజాళికిన్.
సంపత్ కుమార్ శాస్త్రి గారూ,
తొలగించండిమీ పూరణ బాగున్నది. అభినందనలు.
విరిసి విరియని పుష్పమ్ము విరివి గాంచు
రిప్లయితొలగించండికురిసి కురియని వర్షమ్ము గురుతు లలరు
పిలచి పిలువని వలపున తలపు మెండు
అంది యందని యందమే విందొసంగు!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
పచ్చి కాయలు పింజలై పంచ వగరు ,
రిప్లయితొలగించండిముగ్గి ముదిరిన పండ్లలో తగ్గు రుచులు ;
పలక బారిన యంతనే పసను జూపు !
నంది యందని యందమే విం దొసంగు
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
నేటిసినిమాలు,టీవీలు చాటుచున్న
రిప్లయితొలగించండిఅర్ధనగ్నత దృశ్యాల అందమన్న?
అంది యందని యందమేవిందొసంగు
యనెడిజిజ్ఞాశ ప్రేక్షకుల్ నధిక మైరి.
2.అందియు నందనట్టిదగు నందమె విందొసగున్ బ్రజాళికిన్
చిందులువేయు సోయగము చిత్ర విచిత్రపు నాట్య భంగిమల్
విందు,వినోదముల్ గనగ?వేదన మాన్పునుసంకురాత్రియే
అందపు రంగవల్లియలనాదర ణంబగు జాతి సంస్కృతుల్|
తొలగించండియందుకొనబోవనధరాలనడ్డుచెప్పి
సందెవేళను నినువీడ సుందరాంగి
అంది యందని యందమే విం దొసంగు
నందు వేమిర శుంఠ! నీ బొందవిందు!
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
*****
చంద్రమౌళి సూర్యనారాయణ గారూ,
మీ పూరణ బాగున్నది. అభినందనలు.
రిప్లయితొలగించండిభర్త చెంతకు రమ్మన భార్య దూర
మగుచు నాట పట్టించుచు మరల మరల
తుదకు చేరగ భర్త సంతోష పడెను
నంది యందని యందమే విందొసంగు.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
మరో సమస్య.....
రిప్లయితొలగించండిడా.పిట్టానుండి
కొక్కొరొ కో యటంచునట కోతులు కూసెను రాత్రి వేళలోన్
లేదా
కొక్కొరొకో యనుచు కోతి కూటము కూసెన్
పూర్తిగ విరియనట్టి పూ పుడమిలోన
రిప్లయితొలగించండికనులకిటు విందు కల్గించు కమ్మగాను
నందమైన యతివ కన నచ్చెరువగు
నంది యందని యందమే విందొసంగు.
గగనమున చేతికందక గబగబమని
సాగు తరణి బింబము గన సతము ముదము
కలుగు గాని నెప్పుడు కర గతము కాదు
నంది యందని యందమె విందొసంగు.
చందురు బాబుగారచట చప్పున పప్పును కౌగలించగా
రిప్లయితొలగించండిసందడి చేయకే ఘనుడు చల్లగ నెన్నిక ముందులాగగా
జందెము లేకయే వరుడు చక్కగ పట్టగ హేమమాలినిన్...
అందియు నందనట్టిదగు నందమె విం దొసఁగున్ బ్రజాళికిన్