కవిమిత్రులారా!
ఈరోజు పూరించవలసిన సమస్య ఇది...
"భండనమ్మునఁ బాఱెను భార్గవుండు"
లేదా...
"భండనమందు భార్గవుఁడు పాఱెను భీత మనస్కుఁడై వడిన్"
ఈ సమస్యను పంపిన మిట్టపల్లి సాంబయ్య గారికి ధన్యవాదాలు.
ఈరోజు పూరించవలసిన సమస్య ఇది...
"భండనమ్మునఁ బాఱెను భార్గవుండు"
లేదా...
"భండనమందు భార్గవుఁడు పాఱెను భీత మనస్కుఁడై వడిన్"
ఈ సమస్యను పంపిన మిట్టపల్లి సాంబయ్య గారికి ధన్యవాదాలు.
రిప్లయితొలగించండిఅండ పిండ బ్రహ్మాండము నందు విశ్వ
భండనమ్మునఁ బాఱెను భార్గవుండు,
చంద్రుడు జిలేబి, తారలు సర్వ జీవ
కోటి సంద్రములు నదులు కొండలున్ను !
జిలేబి
భార్గవ = శుక్రాచార్యుని (భార్గవుడు - భర్గుని పుత్రుడు, శుక్రుడు)?
తొలగించండిజిలేబీ గారు,
తొలగించండిమీ పూరణ వైవిధ్యముగా అలరారుచున్నది. అభినందనలు.
జిలేబీ గారూ,
తొలగించండిమీ పూరణ బాగున్నది. అభినందనలు.
రాము డెందున జంపెను రావణుడను?
రిప్లయితొలగించండిఏమి జేసెను జింక శ్రీరాము జూసి?
తల్లి నెవ్వరు జంపెను తండ్రి యాన?
భండనమ్మునఁ, బాఱెను, భార్గవుండు.
పూజ్యులు శంకరయ్య గారికి మనవి:
అర్ధానుస్వారములు నా సిలబసులో లేవు...
ప్రభాకర శాస్త్రి గారూ,
తొలగించండిక్రమాలంకార పద్ధతిలో మీ పూరణ బాగున్నది. అభినందనలు.
'రావణుడిని' అనండి. లేదా "రాము డెందుకు చంపెను రావణాఖ్యు। నేమి చేసెను..." అనండి.
కట కటా! సంధిపరిచ్ఛేదము లోని ప్రధమ సూత్రమునే విస్మరించితిని కదా! క్షంతవ్యుడను.
తొలగించండిఉరువున రుధిరమోడిన వెఱపు లేక
రిప్లయితొలగించండిసేవఁజేసెడు క్షత్రియ చేవనెఱిగి
వదల మనుచు రాధేయుని మదిఁజెలగెడు
భండనమ్మునఁ బాఱెను భార్గవుండు
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
'క్షత్రియ చేవ' అన్నది దుష్ట సమాసం. 'సేవఁ జేయు క్షత్రియజాతి చేవ నెఱిగి' అనండి.
గురుదేవులకు ధన్యవాదములు. సవరించిన పూరణ పరిశీలించమనవి:
తొలగించండిఉరువున రుధిరమోడిన వెఱపు లేక
సేవఁ జేయఁగ క్షత్రియ శిష్యు నెఱిగి
వదల మనుచు రాధేయుని మదిఁజెలగెడు
భండనమ్మునఁ బాఱెను భార్గవుండు
డా.పిట్టా
రిప్లయితొలగించండి"చండ ప్రచండ వేగమున సాగెను పాకుల పైన యుద్ధమా
ఖండలు దీప్తి సైనికులు కార్గిలు లో మెడ వంచ;వంచనన్
రండలవోలె హద్దుల పరాకున జొత్తురు సిగ్గులేక యే
అండల జూచంకొంటిరొ నయయ్యవిభారత నీతి మెచ్చెరా!
పొండిక బుద్ధిరా దిపుడె పోకుడి వత్తున"టన్నముఖ్యుడా
భండనమందు భార్గవుడు, పారెను భీత మనస్కుడై వడిన్!!
డా.పిట్టా
రిప్లయితొలగించండిశాంత్యహింసల పెంపున సాగె గాంధి
"రుధిర మోడ్చుడి నే నిత్తు రూఢిగాను
దేశ గణతంత్ర మనుచు "సందేశమిచ్చె
స్థైర్య సంధాత నేతాజి సలిపె పోరు
కూడగట్ట విదేశాల గోప్యముగను
భండనమ్మున బారెను భార్గవుండు!
కవిమిత్రులకు నమస్కృతులు.
రిప్లయితొలగించండిఈరోజు మా బావమరది సంవత్సరీకానికి కరీంనగర్ వెళ్తున్నాను. కనుక మీ పూరణలను సమీక్షించడానికి అవకాశం దొరకదు. దయచేసి పరస్పర గుణదోష విచారణ చేసికొనవలసిందిగా మనవి.
డా.పిట్టా
రిప్లయితొలగించండిఅండల జూచుకొంటిరొ.గాచదువ గలరు.ం చ.కు.వచ్చింది.టైపా.కు సారీ,ఆర్యా!
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
కండలు పెంచి క్షాత్రమున కావరమేర్పడ కార్తవీర్యుడున్
రిప్లయితొలగించండిఖండము ఖండమై నఱికెగా జమదగ్నిని----కోపమందె తా
భండనమందు భార్గవుడు----పాఱెను భీత మనస్కుడై వడిన్
గండము దాటెనంచు వగఁగల్గిన వాడయి కార్తవీర్యుడున్
ప్రసాద రావు గారూ,
తొలగించండిమీ పూరణ బాగున్నది. అభినందనలు.
విగతజీవులజేసెను విస్మయంబు
రిప్లయితొలగించండిగొలుపరాముడురాక్షసకులమునంత
భండనమ్మున,పారెనుభార్గవుండు
భస్ముధాటికిభయపడిపరుగులిడుచు
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
ఘోష యాత్రలో ధైర్యము కోలుపోయి
రిప్లయితొలగించండికురువిభుని వీడి రయమున హరిసుతుండు
భండనమ్మునఁ, బాఱెను, భార్గవుండు
అర్కుని కుమారుని శపించె నాగ్రహించి
హరిః సూర్యుడు
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
కండలుబెంచినంతయవికావుబలంబులుగెల్వగాసుమా
రిప్లయితొలగించండిభండనమందు,భార్గవుడుపారెనుభీతమనస్కుడైవడి
న్నండనుసోమునిన్గనుచునాశివునేతరుమన్నెకాయెకి
న్నొండదిచేయలేకయికనుస్సురుగొంచునువిష్ణుపాలికిన్
సుబ్బారావు గారూ,
తొలగించండిమీ రెండవ పూరణ బాగున్నది. అభినందనలు.
దండిగ రాజులన్ తునిమె తల్లికొసంగిన మాటకోసమై
రిప్లయితొలగించండిభండనమందు భార్గవుఁడు, పాఱెను భీత మనస్కుఁడై వడిన్
గండరగండడౌ విజయు కర్కశ మౌప్రభ ప్రజ్వరిల్లగన్
మండలిసూనుడార్కియు ప్రమాదము గాంచుచు ఘోషయాత్రలో
మండలిః సూర్యుడు, ఆర్కిః కర్ణుడు
అన్నపరెడ్డి వారూ,
తొలగించండిమీ రెండవ పూరణ బాగున్నది. అభినందనలు.
గండ్రగొడ్డలిఁ బూని భీకర సమర వి
రిప్లయితొలగించండిలోలుడై సర్వ రాజన్య లోక పరమ
వధకుఁ గోపాతురుండునై బ్రాహ్మణ కుల
భండనమ్మునఁ బాఱెను భార్గవుండు
[భండనము = దుశ్చేష్ట]
గండము దీర్చ నింపుగ ముకుందుడు, దానము గీనమేల బ్ర
హ్మాండము నెల్ల నిండు వలదంచు విరోచన సూనుఁ గావఁ దా
నండగ నుండ నెంచి యకృతార్థ మనస్కుడు నేత్రనాశుడై
భండనమందు భార్గవుఁడు పాఱెను భీత మనస్కుఁడై వడిన్
[భండనము = దుశ్చేష్ట; భార్గవుఁడు = శుక్రాచార్యుడు]
గురుభ్యోం నమః🙏🏻🙏🏻
తొలగించండిగురువులు శ్రీ పోచిరాజు కామేశ్వరరావు గారికి నమస్కారములు !
దయచేసి నా పద్యము చూడగలరని మనవి!
రాముడెవ్వరో నెరుగకా రాజద్వేషి
మిధిల జేరెనాగ్రహమున మృథము గోరి!
యుగసమాప్తిధర్మమెరిగి యుక్తినెంచి
భండనమ్మునఁ బాఱెను భార్గవుండు!!
సునీల్ బాబు గారు మీ పూరణ బాగుంది. ..వ్వరో యెరుగకా ..యడాగమము సాధువు. రాజద్వేషి రెండు తత్సమములే కనుక ద్వే కి పూర్వాక్షరము జ గురువయి గణ దోషము. సవరించండి. యుగసమాప్తము కాదు గదా. "తనదు పాత్ర ముగియ గలదని తలంచి" అంటే బాగుంటుందేమో?
తొలగించండిపోచిరాజు కామేశ్వర రావు గారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
*****
పుట్టంరాజు సునీల్ బాబు గారూ,
మీ పూరణ బాగున్నది.
పోచిరాజు వారి సూచనలను గమనించండి.
పూజ్యులు శంకరయ్య గారికి వందనములు. ధన్యవాదములు.
తొలగించండిఈ కామెంట్‌ను రచయిత తీసివేశారు.
తొలగించండినా వృత్తములో యతి దోషము గమనించలేదు నేను క్షమించండి. సవరణ:
తొలగించండిగండము దీర్చ నెమ్మి సిరికాంతుడు, దానము గీనమేల బ్ర
హ్మాండము నెల్ల నిండు వలదంచు విరోచన సూనుఁ గావఁ దా
నండగ నుండ నెంచి యకృతార్థ మనస్కుడు నేత్రనాశుడై
భండనమందు భార్గవుఁడు పాఱెను భీత మనస్కుఁడై వడిన్
గురుభ్యోం నమః🙏🏻🙏🏻🙏🏻🙏🏻
తొలగించండిరాముడెవ్వరో యెరుగక లాతమొదలి
మిధిల జేరెనాగ్రహమున మృథము గోరి!
తనదు పాత్ర ముగియగలదని తలంచి
భండనమ్మున బాఱెను భార్గవుండు!!
బాగుందండి. వదలి ని ఒదలి అన్నారు. రాజద్వేషి కి బదులు రాజవైరి యన్న సరిపోతుంది.
తొలగించండిగురుభ్యోం నమః
తొలగించండి🙏🏻🙏🏻🙏🏻🙏🏻🙏🏻🙏🏻
రాముడెవ్వరో యెరుగక రాజవైరి
మిధిల జేరెనాగ్రహమున మృథము గోరి!
తనదు పాత్ర ముగియగలదని తలంచి
భండనమ్మునఁ బాఱెను భార్గవుండు!!
కొల్ల గొట్టంగ ధనపతి కోశమునను
రిప్లయితొలగించండిమొరలిడంగనా ముక్కంటి మ్రోలనతడు
శంభు నాగ్రహంబది యెంత సైపలేక
భండనమ్మున బారెను భార్గవుండు
భార్గవుడు=శుక్రుడు
గుఱ్ఱం సీతాదేవి గారూ,
తొలగించండిమీ పూరణ బాగున్నది. అభినందనలు.
భార్గవుడు యోగ‌బ‌లంచేత కుబేరుణ్ణి సుల‌భంగా మోస‌పుచ్చి అత‌ని ధనం లాక్కున్నాడు. కుబేరుడు విచార‌ప‌డి పోయి శివుడితో చెప్పుకున్నాడు. శివుడికి ప‌ట్ట‌రాని కోపం వచ్చింది. క‌న్నుల నిప్పులు రాల్చాడు. శూలం యెత్తి ఏడీ భార్గవుడు ఎక్క‌డ ఉన్నాడు ? అంటూ మ‌హోగ్రంగా వ‌చ్చాడు.
రిప్లయితొలగించండిభార్గవుడు భ‌య‌ప‌డి చాలా దూరం పారిపోయి గ‌జ‌గ‌జ వ‌ణుకుతూ నిల‌బ‌డ్డాడు. కాని అలాగ ఎంతోసేపు నిలుక‌వ‌లేక‌పోయాడు. అత‌ని చిత్తం త‌ల్ల‌డిల్లింది. మిక్కిలి వేగంగావ‌చ్చి శివుడి చేతిలో ప‌డ్డాడు.శివుడు అత‌ణ్ణి గుటుక్కున మ్రింగేశాడు. క‌డుపులో ఉన్న భార్గవుడు బయటకు రాకుండా ఉండేట‌ట్లు త్రోవ‌ల‌న్నీ మూసివేసి, ఒక్క శిశ్న‌ము మాత్రం మూయ‌క, ఆత్రోవ‌వెంట వెడ‌ల‌మ‌ని శివుడు అత‌నికి తెరువు చూపించాడు. భార్గవుడు ఆ మార్గాన బయటకు వ‌చ్చాడు.
సీతా దేవి గారు క్రొత్త విషయాన్ని తెలిపారు. ఇది యే పురాణములో నున్నది? భృగుమహర్షి వంశస్థులు భార్గవులని తెలుసు.
తొలగించండిhttp://syamasahithi.com/sayanabharatam/86.htm
తొలగించండిగురువు గారికి నమస్కారము! భార్గవుడు అని గూగుల్ లోశోధించగా కనిపించింది! శాయనభారతము అనే శీర్షిక క్రింద! శాయన సాహితి. కామ్ లో! గూగుల్ యెంత వరకు నమ్మదగినదో నాకు తెలియదు!
తొలగించండితప్పయితే క్షమించండి!
అందుచేత అతడు శుక్రుడయ్యాడు
రిప్లయితొలగించండికులము, మతము ప్రాంతమనుచు క్రుళ్ళి పోవ
రిప్లయితొలగించండినేటి రాజకీయమ్మవినీతి నెదురు
భండనమ్మున బాఱెను! భార్గవుండు
నడచినదె నేడు మేలనె నక్సలైట్లు!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిగురువుగారికి నమస్కారములు. నిన్నటి పురాణాల్లో తమరి క్రింది సూచనతో పద్యంలో ఆపడాలను కొద్దిమార్పు చేసి వ్రాసాను. సరిపోతుందా?
'వాట్ల, బూంచుచు'...?
భేషజమేమియుంబడక పిల్లులు కుక్కలు మూషికమ్ములన్
దోషములేని చందమున దొడ్డగ బెంచుచు వాటి నాతఁడున్
పోషణ జేయుచున్ననుగు బోధల నాటల నుంచ నొక్క దా
మూషిక మొండు పిల్లిఁ గని ముద్దు లొసంగెను ప్రేమతోడుతన్
క్రొవ్విడి వేంకట రాజారావు గారూ,
తొలగించండిసవరించిన మీ పూరణ బాగున్నది. అభినందనలు.
……………………………………………………
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,,,,,,
చ౦డతరాశనీ నిశిత చక్ర - పినాక -
…………………మహాస్త్ర యైన ను
చ్చ౦డ పరాక్ర మాకృతిని చ౦డిని కాళిని
……………… కా౦చి న౦తనే
భ౦డన మ౦దు భార్గవుడు పారెను
………… భీత మనస్కుడై వడిన్ ||
ఖ౦డన జేసి దైత్యులను గ్రైవముగా
……………… ధరియి౦చె ము౦డముల్
ే
{ అశని = వజ్రాయుధము ; పినాకము =
శూలము ; ఉచ్చ౦డ = ఆగ్రహము గల ;
భార్గవుడు = శుక్రుడు ; గ్రైవము =
హారము ; ము౦డము = త ల }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిఅంబ కిచ్చినట్టి పలుకు ననుసరించి
గాంగుని బిలిచి నామెను కైకొనమన
నాగడించిన యతనిపై నడపినదగు
భండనమ్మునఁ బాఱెను భార్గవుండు
రాజారావు గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిగురువుగారికి నమస్కారములు. నేటితో మీరు నిర్వహించే అమూల్యమైన ఈ " శంకరాభరణం " బ్లాగులో మీ విలువైన సూచనలతో 200 పద్యపూరణలను నిరాటంకంగా చేయగలిగినాను. మీరు మరియు పూజ్యులైన కవిమిత్రులు నన్ను ఈలాగుననే ఈప్రక్రియను మరింత అర్థవంతముగా కొనసాగించుటకు ఆశీర్వదించవలసినదిగా కోరుతున్నాను.
రాజారావు గారు మీకు నా హృదయపూర్వకాభినందనలు.
తొలగించండిపెద్దలు పూజ్యులు శ్రీ పోచిరాజు కామేశ్వరరావుగారికి హృదయపూర్వక నమస్కారములు.
తొలగించండిరాజారావు గారూ,
తొలగించండిసంతోషం. అభినందనలు.
శ్రీగురుభ్యోనమః
రిప్లయితొలగించండిఖండన జేసె క్షత్రియుల గావరమెల్ల తొలంగిపోపగా
భండనమందు భార్గవుఁడు, పాఱెను భీత మనస్కుఁడై వడిన్
గండము నెంచి యుత్తరుడు కౌరవ సేనల జూచినంతట
న్నండగ నిల్చె నర్జునుడు యాతన దీర్చి జయంబు గూర్చుచున్
🍀 *శంకరాభరణం*🍀
రిప్లయితొలగించండి🌷 *సమస్య పూరణం* 🌷
🍀 కవిః- *విరించి* 🍀
🌷 సమస్యః *భండనమ్మున బాఱెను భార్గవుండు*
కవ్వడెచ్చోట పడగొట్టె కర్ణుడ నరి
సేన గాంచియుత్తరుడట చేసెనేమి?
తరుణి దేవయానిని గన్న తండ్రియెవరు
*భండనమ్మున, బాఱెను, భార్గవుండు*
మరోసమస్య
*భండనమందు భార్గవుఁడు పాఱెను భీత మనస్కుఁడై వడిన్*
గుండెను జీల్చి భీముడెట ఘోరముగా రుధిరమ్ముగ్రోలెనో
తండిరి యానతిన్ గొనుచుతల్లిని జంపినతాపసెవ్వడో
దండి విరాటపుత్రు డరిదండును జూడగ నేమిజేసెనో
భండనమందు భార్గవుఁడు పాఱెను భీత మనస్కుఁడై వడిన్
........ ......... ....విరించి
🍀 *శంకరాభరణం*🍀
రిప్లయితొలగించండి🌷 *సమస్య పూరణం* 🌷
🍀 కవిః- *విరించి* 🍀
🌷 సమస్యః *భండనమ్మున బాఱెను భార్గవుండు*
కవ్వడెచ్చోట పడగొట్టె కర్ణుడ నరి
సేన గాంచియుత్తరుడట చేసెనేమి?
తరుణి దేవయానిని గన్న తండ్రియెవరు
*భండనమ్మున, బాఱెను, భార్గవుండు*
మరోసమస్య
*భండనమందు భార్గవుఁడు పాఱెను భీత మనస్కుఁడై వడిన్*
గుండెను జీల్చి భీముడెట ఘోరముగా రుధిరమ్ముగ్రోలెనో
తండిరి యానతిన్ గొనుచుతల్లిని జంపినతాపసెవ్వడో
దండి విరాటపుత్రు డరిదండును జూడగ నేమిజేసెనో
భండనమందు భార్గవుఁడు పాఱెను భీత మనస్కుఁడై వడిన్
........ ......... ....విరించి
విరించి గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణలో 'కర్ణుని నరి।సేన..' అనండి.
రెండవ పూరణలో 'తండ్రి'ని 'తండిరి' అన్నారు.
రిప్లయితొలగించండిపిన్నక నాగేశ్వరరావు.
రాముడెచ్చోట జంపెను రావణుడిని ?
సేన గని యుత్తరుండేమి చేసెననిని ?
తండ్రి యాజ్ఞతో జంపెను తల్లినెవరు ?
భండనమ్మున; బాఱెను ; భార్గవుండు.
***********************************
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
భక్తియందున మోసమ్ము బయలుబడగ?
రిప్లయితొలగించండివరములంది భస్మాసుర మరణమునకు
భండనమ్మున బాఱెనుభార్గవుండు|
మోహినీ రూపమందునసాహసాన
నాట్యమాడుచు విష్ణువే నలిపె నతని|
నిండు మనస్సునన్ తపము నిత్యము జేయగ?సంతసాన తా
నండగ రావణాసురుని కాత్మయు లింగమె నంటగట్టినా?
చండి తనంబునన్ శివునిసంగ తెరుంగక వెంటనంటగా?
భండనమందు భార్గవుడు పాఱెను భీతమనస్కుడై వడిన్|
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి.
మొదటి పూరణలో కొంత అన్వయలోపం ఉంది.
అంబనున్ పరిణయ మాడు మన్న గురువు
రిప్లయితొలగించండిజామదగ్నియాజ్ఞను నిరసనము సేయ
శిష్యుడౌ శాంతనవుని శాసింప జేయు
భండనమ్మునఁ బాఱెను భార్గవుండు