కవిమిత్రులారా!
ఈరోజు పూరించవలసిన సమస్య ఇది...
“కాంచ గంధర్వనగరమ్ము కాపురమ్ము”
లేదా...
"కన గంధర్వపురమ్ము కాపురము శంకల్ నీకు నింకేలరా"
ఈ సమస్యను పంపిన పోచిరాజు కామేశ్వర రావు గారికి ధన్యవాదాలు.
ఈరోజు పూరించవలసిన సమస్య ఇది...
“కాంచ గంధర్వనగరమ్ము కాపురమ్ము”
లేదా...
"కన గంధర్వపురమ్ము కాపురము శంకల్ నీకు నింకేలరా"
ఈ సమస్యను పంపిన పోచిరాజు కామేశ్వర రావు గారికి ధన్యవాదాలు.
మన్యమాన ఇదం విశ్వం మాయారచితమాత్మని
రిప్లయితొలగించండిఅవిద్యారచితస్వప్నగన్ధర్వనగరోపమమ్
యుక్త వయసున నార్జించి భుక్తి కొఱకు
వాంఛ లన్నియు దీరగ వయసు మీర
కాటి కాపరి కలలలో కాన రాగ
కాంచ గంధర్వనగరమ్ము కాపురమ్ము!
ప్రభాకర శాస్త్రి గారూ,
తొలగించండి'గంధర్వనగరన్యాయాన్ని' ప్రస్తావిస్తూ చక్కని పూరణ చెప్పారు. అభినందనలు.
__/\__
తొలగించండిశాస్త్రి గారు మనోజ్ఞమైన పూరణ. మీ యంతర్జాలశోధనమమోఘము!
తొలగించండిగంధర్వనగ రోద్బోధక శ్లోక పరిచయాన్ని కలిగించారు. ధన్యవాదములు.
మీరిచ్చిన సమస్య పుణ్యాన మా నాన్నగారు గద్గద స్వరంతో చిన్నప్పుడు చెప్పిన ధ్రువుని కథ చదివే అవకాశం గూగులమ్మ కృపతో లభించినది. ధన్యవాదములు సార్!
తొలగించండిశ్రీమద్భాగవతం చతుర్థ స్కంధం పన్నెండవ అధ్యాయం.
http://srimadbhagavatasudha.blogspot.in/2013/02/blog-post_23.html?m=1
ఈ కామెంట్‌ను రచయిత తీసివేశారు.
తొలగించండి__/\__ __/\__ __/\__
తొలగించండియీ శ్లోకమును పోతనామాత్యులు గద్యమున నిట్లు నాంధ్రీకరించెను.
తొలగించండి... అవిద్యా రచిత స్వప్న గంధర్వ నగరోపమంబయిన దేహాదికంబగు భగవన్మాయారచితంబని యాత్మందలంచుచు వెండియు- భాగ. 4. 368.
మెఱుపు తీగలు గగనాన మరుల విరుపు
రిప్లయితొలగించండిమింట నంటిన చుక్కల కొంటె వలపు
నలుక వీడిన నెలవంక పులక రింత
కాంచ గంధర్వ నగరమ్ము కాపు రమ్ము
అక్కయ్యా,
తొలగించండిమీ పూరణ చక్కని పదప్రయోగంతో బాగున్నది. అభినందనలు.
guruvulaku dhanya vaadamulu
తొలగించండిడా.పిట్టా
రిప్లయితొలగించండి(గంధర్వము॥గుర్రము. గంధర్వుడు॥ పాటపాడువాడు)
పంచ కధిపతివైతివో పరుగె పరుగు
నెంచ గంధర్వ మనగనే నేమి నడుపు
గుర్రమని గాదె మోయగా గొణుగుటేల?
కాంచ గంధర్వ నగరమ్ము కాపురమ్ము!
వినగా పాటను,కూనిరాగమున నా వింతైన సంతృప్తినిన్
కని నీడన్ సినిమా ప్రపంచమున నీ కామంబునున్ బెంచుచున్
మనగన్ డెక్కల చప్పుడే లయ యగున్ మాటేయుమా చింతలన్
కన గంధర్వ పురమ్ము కాపురము శంకల్ నీకు నింకేలరా?
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
వినుమోయీ జగమంత మిధ్య యని నేవేదంబులన్ దెల్పినన్
రిప్లయితొలగించండిమనమూ మేమను వాంఛలందు మునుగన్ మాయా వినోదంబులే
నినదించన్ సరికాద టంచుమది నానీబేదముల్ వీడకన్
కన గంధర్వ పురమ్ము కాపురము శంకల్ నీకు నింకేలరా .
అక్కయ్యా,
తొలగించండిచక్కని పూరణ. చాలా బాగున్నది. అభినందనలు.
'మనమూ' అన్నచోట 'మన మా మే మను...' అనండి.
guruvulaku dhanya vaadamulu
తొలగించండివనజాతాక్షి కరంబు బూనుట స్థిరవ్యాపార కార్యంబులన్
రిప్లయితొలగించండిఘనమౌ ధాన్య ధనంబులొందుట నిరాఘాటంబుగా బంధులన్
గని పోషించుట పుత్రికాసుతుల సౌకర్యంబులన్ జూచుటల్
గన, గంధర్వపురమ్ము కాపురము శంకల్ నీకు నింకేలరా
సంపత్ కుమార్ శాస్త్రి గారూ,
తొలగించండిమంచి పూరణ. అభినందనలు.
నటనచేయ వలయు నడుపసంసారమ్ము
రిప్లయితొలగించండిచింతలమయము కద జీవితమ్ము
ప్రేమమన్ననుత్త వ్యామోహమేకదా
కాంచ గంధర్వ నగరమ్ము కాపు రమ్ము
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
గురువర్యులుక్షమించాలి. ఆటవెలది తేటగీతి కలసిపోయాయి. మారుస్తాను.
తొలగించండిచింతలమయమ్ము సతతమీ జీవితమ్ము
తొలగించండినటనఁ జేయ సంసారపు నౌకనడచు
ప్రేమ గడన కలుగు వారి వెంట నడచు
కాంచ గంధర్వ నగరమ్ము కాపు రమ్ము
నేనూ గమనించ లేదు. ఈ సవరణను పరిశీలించండి....
తొలగించండినడుప సంసారమును జేయనగును నటన
చింతల మయమ్మె కద మన జీవితమ్ము
ప్రేమ యన నుత్త వ్యామోహమే మరువకు
కాంచ గంధర్వనగరమ్ము కాపురమ్ము.
మీ సవరణ బాగుంది. సంతోషం!
తొలగించండిగురువర్యులకు వందనములు. ఆట వెలదిని తేటగీతిగా అమోఘంగా అవలీలగా మార్చారు!
తొలగించండిGuruvAryula savaranaku dhanyavadamulu.
తొలగించండిGuruvAryula savaranaku dhanyavadamulu.
తొలగించండితనవారంచును వైరులంచుసతమున్ ధాత్రేయి పైతల్చుచున్
రిప్లయితొలగించండిధనమున్ కూరిచి నిత్యమున్ కరము స్వార్థమ్మైన భావమ్ముతో
వినయం బింతయు లేనివారలకు నైవేద్యంబుగానిచ్చుటే
కననౌనానిజమైన ప్రేమమిలలో గాలించి వీక్షించినన్
కన గంధర్వ పురమ్ము కాపురము శంకల్ నీకు నింకేలరా
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
సంక్షిప్త భగ్నప్రేమ కథ:
రిప్లయితొలగించండిసీ. కష్టాల కడలిలో గరుణతో నింపుగఁ జుక్కానియై తాను జూపె దారి
చిన్నారి చెల్లిని చిట్టితమ్మునిఁ బెంచ సంగీత శిష్యులఁ జక్కఁ బఱచె
తోబుట్టువుల కంతఁ దోడు సేకూర్పంగఁ బవలును రేయియుఁ బాటుపడెను
కంటికి నెప్పుడుఁ గాన రాకుండగఁ గంటికి రెప్పయ్యెఁ గలికి కలరి
తే. చిన్నతనమున స్నేహంబు చిగురు దొడుగఁ
గులమది నిలువ నడుమను గోడ వోలె
కాంచ గంధర్వనగరమ్ము కాపురమ్ము
నిలిచె విధిలీల! వారికిఁ దలపు లంద.
ధన సంపాదన కార్యసాధక మనో తంత్రజ్ఞ సంఘాతమున్
వనితా కామ వికార చేష్ట వితతవ్యాపార కూటమ్ము నా
ధుని కాంతర్య విలాస కారక ధృతిన్ దుర్వృత్త సంవర్గణాం
కన గంధర్వపురమ్ము కాపురము శంకల్ నీకు నింకేలరా
[సంఘాతము = నరకవిశేషము; సంవర్గణము = ఉపప్రలోభము ; అంకణము = ముద్ర; కాపురము = కుత్సితపురము]
అద్భుతమైన భగ్నప్రేమ గాధ. ద్రాక్షా పాకంలో!
తొలగించండిపోచిరాజు కామేశ్వర రావు గారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిశాస్త్రి గారు ధన్యవాదములు.
తొలగించండిపూజ్యులు శంకరయ్య గారికి వందనములు. నిన్నటి దత్తపదికి నా పూరణ భేదము తిలకించ గోర్తాను.
రిప్లయితొలగించండిఇచ్చిరి కుడి గడి జడి పొడి
మెచ్చి పదము లిచ్చట నతి మెలకువ తోడం
గచ్చిత మీ పద్యము విను
మచ్చెరువగ నికఁ గృతార్థమగు నెల్లెడలన్
కామేశ్వర రావు గారూ,
తొలగించండిఈరకంగా కూడా పూరణ చేయవచ్చా? బాగుంది. ఔత్సాహిక కవుల కొక కొత్తపాఠం. అభినందనలు, ధన్యవాదాలు!
పూజ్యులు శంకరయ్య గారికి వందనములు. ధన్యవాదములు.
తొలగించండివలపువలలోనజిక్కినవారిజాక్షి
రిప్లయితొలగించండిప్రేమవిఫలమైకొరగానివెర్రివాని
జేసికొనెనార్య!పెండ్లినిజేష్టలుడిగి
కాంచగంధర్వనగరమ్ముకాపురమ్ము
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
తపసు జేయగ రాముని త్యాగరాజు
రిప్లయితొలగించండియమ్మ కామాక్షి యానతి శ్యామశాస్త్రి
ముత్తుస్వామి గొనెనె గురుమూర్తి యాన
కాంచ గంధర్వ నగరమ్ము కాపురమ్ము!
సంగీత మూర్తిత్రయం జన్మించిన తిరువారూరు గంధర్వ నగరము!
గుఱ్ఱం సీతాదేవి గారూ,
తొలగించండిమీ పూరణ బాగున్నది. అభినందనలు.
'త్యాగరాజు+అమ్మ' అన్నపుడు యడాగమం రాదు. 'త్యాగరాజు। నమ్మ...' అనండి.
సమస్య
రిప్లయితొలగించండికాంచ గంధర్వనగరమ్ము కాపురమ్ము”
లేదా...
"కన గంధర్వపురమ్ము కాపురము శంకల్ నీకు నింకేలరా"
ప్రేమతో నొక టైనట్టి ప్రేమజంట
సరస సల్లాప క్రీడలో మురియు వేళ
యడ్డు లేకుండనానంద మందుకొనగ
గాంచ గంధర్వ నగరమ్ము కాపురమ్ము
వినుమోసుందర భూసురాన్వయమణీ వీక్షింపుమా నాదెసన్
ననుగాంచన్ భయమేలరా, ప్రవరుడా! నన్నేల రమ్మంటి గా
ఘనసౌఖ్యమువొందుచున్ కరుగ గన్ కౌగిళ్ళె ముఖ్యమ్మురా
కనగంధర్వపురమ్ము కాపురము శంకల్ నీకునింకేలరా!!
.............. ......---- విరించి
విరించి గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణలో 'వేళ నడ్డు...' అనండి.
రెండవ పూరణ మూడవ పాదంలో గణదోషం. 'ఘనసౌఖ్యమ్మును బొందుచున్...' అనండి.
వినుమోయీ గురుడెన్న వేలుపిలలో వేయేల సర్వస్వమున్
రిప్లయితొలగించండిక్షణమైన న్గురుసన్నిధి న్గడపుట ల్సౌభాగ్యమౌ నేరికిన్
చని శ్రీదత్తుని దివ్యధామమున వాసంబుండుట ల్నాకమే
కన గంధర్వపురమ్ము కాపురము శంకల్ నీకు నింకేలరా.
(గంధర్వపురందత్తాత్రేయునిదివ్యధామమంటారని)
మిస్సన్న గారూ,
తొలగించండిమీ పూరణ బాగున్నది. అభినందనలు.
ఎముక చేతికి లేదని యెరుకబరచ
రిప్లయితొలగించండిదాన ధర్మములను జేసి ధరను వీడి
పయనమైయసువుల తాను బాసి చేరె,
కాంచ గంధర్వనగరమ్ము కాపురమ్ము
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
గురువు గారికి నమస్కారము! నావృత్తంలో మూడవ పాదంలో మొదటి గణము న' గణం పొరపాటుగా పడింది . సవరణ
రిప్లయితొలగించండితూలిపొమ్మనకే మోవిని యని గ్రహించ గలరు!
వినుమో విప్రుడ యవ్వనంబు జనునే వేగంబుగన్ చాలక
రిప్లయితొలగించండిమ్మని పూదేనెను గ్రమ్మరం గొనుమ సమ్మానంబుగన్ తూలి పొ
మ్మనకే మోవిని యాని నావలపు సమ్మర్పింపగన్ యేలవే
కన గంధర్వపురమ్ము కాపురము శంకల్ నీకు నింకేలరా?
ప్రవరునితో వరూధిని ప్రలాపము
రిప్లయితొలగించండిసీతాదేవి గారూ,
తొలగించండివృత్తరచనలో చాలావరకు కృతకృత్యులయ్యారు. బాగుంది.
'సమ్మర్పింపగన్' పద్యం సందేహాస్పదం. దాని తర్వాత యడాగమం దోషమే. 'నా వలపు నే నర్పింపగా నేలనే' అనండి.
గురువుగారికి శతధా నమస్కారములు! ఏదో చిన్నతనంలో చదివిన వ్యాకరణం! చాలా ధైర్యం చేసి పద్యాలు వ్రాస్తున్నాను! ఇకపై వ్యాకరణము పై దృష్టి పెడతాను! ప్రోత్సహిస్తున్నందుకు కృతజ్ఞతలు!
తొలగించండిఅర్జునునితో ఊర్వశి:
రిప్లయితొలగించండికురువరా! నీదు కౌగిళి కోరి రాగ
రసికతన్ జూప వేమిర ప్రాభవమున
పాడియాడెద నందమున్ గూడ రార
కాంచ గంధర్వ నగరమ్ము కాపురమ్ము
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
వాంచలన్నియుదీర్చెడివన్నెలాడి
రిప్లయితొలగించండివేశ్య .భార్యగమారునా?వేడుకట్లు|
కాంచ గంధర్వ నగరమ్ముకాపురమ్ము
పల్లెటూర్లకుసరిరాదు భాగ్యమున్న|
2.కనగంధర్వ పురమ్ము”కాపురముశంకల్ నీకు నింకేలరా?
మనసున్ ముంచెడి దానవత్వమట |సామాన్యుండు జీవించునా?
ధనమే మానవతత్వమున్ దుడుపు సంధానమ్ము మోసమ్ముచే
వినగా వింతల సంత పట్టణము ప్రావీణ్యాన ఖర్చుంచినా|
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
క్రొవ్విడి వెంకట రాజారావు:
రిప్లయితొలగించండిఅనురతిని గూడి నిచ్చలు నలవి దోడ
నొకరికి నొకరై జీవిక నుత్తమముగ
నిలుపు కొనుచుండు జంటల నినుపు దనము
కాంచ గాంధర్వ నగరమ్ము కాపురమ్ము
క్రొవ్విడి వేంకట రాజారావు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిపిన్నక నాగేశ్వరరావు.
ఇర్వురు నొకరి కొకరు ప్రేమించు కొనుచు
మూడు ముళ్లతో బంధమ్ము ముడివడంగ
వలపు సామ్రాజ్యమందున కలలు గనుచు
గాంచ గంధర్వ నగరమ్ము కాపురమ్ము.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
వర్తమానమ్ములోనున్న వాస్తవికత
రిప్లయితొలగించండిమఱచి యధునాతనమ్ముగ మనుగడకును
నిచ్చెనలు వైచి దంపతుల్ మెచ్చుకొనుట
గాంచ గంధర్వ నగరమ్ము కాపురమ్ము.
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
ధనమున్ ధాన్యము గోలుపోవగను నీ ధైర్యమ్ము మిన్నంటగా
రిప్లయితొలగించండివినుమా నీవిట నప్పు చేయకనగా వెర్రోడ! మూర్ఖించితే...
చనగా బిల్డరు జాడగానకను తా జయ్యమ్ము రయ్యమ్ముగా
కన గంధర్వపురమ్ము కాపురము శంకల్ నీకు నింకేలరా!