కవిమిత్రులారా!
ఈరోజు పూరించవలసిన సమస్య ఇది...
"చీర విప్పి సుదతి చిందులాడె"
లేదా...
"చీరను విప్పి మానవతి చిందులు వేసెను చూడ నెల్లరున్"
ఈరోజు పూరించవలసిన సమస్య ఇది...
"చీర విప్పి సుదతి చిందులాడె"
లేదా...
"చీరను విప్పి మానవతి చిందులు వేసెను చూడ నెల్లరున్"
ఈ కామెంట్‌ను రచయిత తీసివేశారు.
రిప్లయితొలగించండిజీన్సు ప్యాంటు టాపు చిన్నతనము నుంచి
తొలగించండితొడిగి నట్టి యువతి తొలుత గాను
పెళ్ళిచూపు లందు తల్లి కట్టమనిన
చీర విప్పి సుదతి చిందులాడె
నా ఆటవెలది పూరణలో గణదోషము తెల్పి సవరించిన మా చిన్నాయన, శ్రీ భట్టారం రాధాక్రిష్ణయ్య (85) గారికి ధన్యవాదములు.
తొలగించండిప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
శ్రీ భట్టారం రాధాకృష్ణయ్య గారికి ప్రణామాలు!
__/\__ __/\__ __/\__
తొలగించండిపదవీ విరమణ పిమ్మట శ్రీ భట్టారం రాధాక్రిష్ణయ్య గారు భగవద్గీతను ఆటవెలది, తేటగీతి పద్యాలలో అందముగా రచించి ప్రచురించిరి.
తొలగించండిఅన్నయ్యా! జీన్సు ప్యాంటు టాపు యని ఆంగ్ల పదముల బదులు
తొలగించండిఉత్తరాది వారి యుడుపులు యలవాటు
అంటే బాగుంటుందేమో!
జీన్సు ప్యాంట్లు ఉత్తరాది వారి దుస్తులు కావు...పాశ్చ్యాత్య దేశములవి.
తొలగించండిhttps://en.m.wikipedia.org/wiki/Jeans
తొలగించండిశాస్త్రి గారు స్వచ్చమైన సుందరమైన తెలుగు పద్య కుసుమములలో అన్యభాషాపదసంకరము భాషామతల్లి నవమాన పరచినట్లని నేను భావిస్తాను. ఏభాష కాభాష పదములు వాడుటయే శ్రేయస్కరము.
తొలగించండి__/\__
తొలగించండి
రిప్లయితొలగించండిసరస ధర గనుడని చక్కగ బిల్వగ
లెస్సగ పరుగిడి జిలేబి చప్పు
న కొని తెచ్చి జూడన నయగారి కఱల
చీర విప్పి, సుదతి చిందులాడె !
జిలేబి
జిలేబీ గారు: నిన్నటి సమస్యకు చాలా పరిష్కారములు పరశురాముని పరం గానూ, కొద్దివి శుక్రాచార్యుని పరం గానూ వచ్చినవి. కేవలం మీరు మాత్రమే శుక్ర గ్రహాన్ని పలకరించారు. ముచ్చటైన పూరణ. అంతరిక్ష సంక్షోభం. స్టార్ వార్స్...
తొలగించండి
తొలగించండిశాస్త్రి గారు
మీ ప్రోత్సాహానికి నెనర్లు !
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
క్రొత్త చీర దెచ్చి కోరికట్టుకొనగ
రిప్లయితొలగించండిముదము తోన గాంచె మోజు దీర
మడత లందు మకిలి మరకలు గనుపించ
చీర విప్పి సుదతి చిందు లాడె
అక్కయ్యా,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండిహాని నెంచక హనీమూనుకు రామప్ప
దర్శనాన వివశ తాను గాగ
కామసూత్ర రతిని గన తన పతి ముందు
చీర విప్పి సుదతి చిందులాడె!
వీరవతంసులౌ పతుల వైనమునెంచిన నాతి గాన వి
స్ఫార మరీచి నూని" రతి సార మెరింగిన శిల్ప సుందరిన్
కారణగాత్రి"నంచు వెటకారము మానియు నూహలందు తా
చీరను విప్పి మానవతి చిందులువేసెను చూడ నెల్లరున్!!
డా.పిట్టా
రిప్లయితొలగించండిఆర్యా మొదటి చరణం సవరణ
హానినెన్నదాయె "హనిమూను"రామప్ప..గా చదువ ప్రార్థన
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'హనీమూను' అంటే గణదోషం. 'హనిమూను' అనండి.
……………………………………………………
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,
క౦చి పట్టు చీర కట్టుకొమ్మని చీర ,
చీర విప్పి సుదతి చి౦దు లాడె ||
తళుకులొలుకు నగల ధరియి౦పుమా యన
కా౦త మురిసి పోయి గ౦తు వేసె ||
{ చీ రు = పి లు చు ; చీర విప్పి చి౦దు
వేసె = చీర మడత విప్పి దాని నాణ్యత
చూచి ఆన౦ద పడెను }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
చిర్రుబుస్సులాడి చీరలంగడి లోన
రిప్లయితొలగించండిమొన్న గొన్న చీర వన్నె తగ్గ
కట్టు కొనఁగ లేను గమనించుమని దెచ్చి
చీర విప్పి సుదతి చిందులాడె
గుండా వెంకట సహదేవుడు గారూ,
తొలగించండిమీ పూరణ బాగున్నది. అభినందనలు.
వృశ్చికంబు దూరి వెతలను కల్గించు
రిప్లయితొలగించండితలపు మనసు లోన తాండవించె,
కట్టు చెంగులోన గరగర యనిపించ
చీర విప్పి సుదతి చిందులేసె
రెండుచింతల రామకృష్ణమూర్తి గారూ,
తొలగించండిబహుకాల దర్శనం... సంతోషం!
మీ పూరణ బాగున్నది. అభినందనలు.
"స్వర్ణ కంచి" కరగి వర్ణ భరితమైన
రిప్లయితొలగించండివస్త్ర ములను జూచి పరవసించి
జరిని యొప్పు మేలు సరివన్నె లీనెడి
చీర విప్పి సుదతి చిందు లేసె!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
చేరె విందు కొఱకు చెచ్చెర చుట్టాలు
రిప్లయితొలగించండివంట చేయుచుండె వారి కువిద--
గాసుపొయ్యి మంట కాల్చగ చీరను
చీరవిప్పి సుదతి చందులాడె
ప్రసాద రావు గారూ, (BVVHB అంటే?)
తొలగించండిమీ పూరణ బాగున్నది. అభినందనలు.
భర్తప్రేమమీరబట్టుచీరనుగొన
రిప్లయితొలగించండిచీరవిప్పిసుదతిచిందులాడె
చినుగునటులగనగచీరలోపలయది
విభుడుజూసిదెచ్చెవేరొకటిది
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
ఎఛట నుండి వచ్చె నీ గొలు సంచును
రిప్లయితొలగించండిదిక్కు లెల్ల నంతఁ బిక్క టిల్లఁ
గోపమున దనపతి గుట్టు విప్పమనుచుం
జీర, విప్పి సుదతి చిందులాడె
బేరము లాడి చీరను వివేకముతోఁ గొని వచ్చి తా నహం
కారముఁ జూప నెంచి చెలికత్తియ లెల్లరఁ బిల్చి యింటికిన్
గారవ ముప్పతిల్ల నొక కాంతకుఁ జూపి వెసన్నవీనపుం
జీరను విప్పి, మానవతి చిందులు వేసెను చూడ నెల్లరున్
పోచిరాజు కామేశ్వర రావు గారూ,
తొలగించండిమీ మీ పూరణలు ప్రశస్తంగా ఉన్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిభారమయైననున్దనకుభార్యకుగేగదయంచునాతడు
రిప్లయితొలగించండిన్వారమువర్జ్యమున్గనకపట్టునుగల్గినచీరతీయగా
చీరనువిప్పిమానవతిచిందులువేసెనుజూడనెల్లరు
న్చీరదిచూడగామిగులజేగురురంగునుబోలియుంటకున్
సుబ్బారావు గారూ,
తొలగించండిమీ పూరణ బాగున్నది. అభినందనలు.
'గేగద'...?
bharyaku ke gada
తొలగించండికొత్తచీర తెచ్చె కోమలికై భర్త
రిప్లయితొలగించండిసంకురాత్రి తాను సంబరపడి
కట్టుకొనగ జూడ కన్నములు౦డెరా
చీర విప్పి సుదతి చిందు లాడె
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
పెళ్ళిరోజు తాను పెందలకడ వచ్చి
రిప్లయితొలగించండిచలనచిత్రమునకు జంటగాను
జనెదమన్న మగని జాడగానక కొత్త
చీర విప్పి సుదతి చిందులాడె!
గుఱ్ఱం సీతాదేవి గారూ,
తొలగించండిమీ పూరణ బాగున్నది. అభినందనలు.
హోళి పండుగందు యోగము,భోగము
రిప్లయితొలగించండిరంగులాట లనగ పొంగుమనసు|
భర్తచెంత నాడు కర్తవ్య మందున
చీరవిప్పి సుదతిచిందు లాడె|
2.కోరితి పట్టుచీర గనకొంగు నలంకృతి గానరాదు సొం
పారెడి రంగులేదు మనపాపయు గట్టినబొమ్మచీరలా
మూరలు తక్కువుండె|యిది మోసము”చీరను కట్ట బోకనే
చీరను విప్పిమానవతిచిందులు వేసెను చూడ నెల్లరున్|
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
గౌనుపైన చీరె కరమింపు గాఁ గట్టి
రిప్లయితొలగించండిఅమ్మ కనుల ముందు నిమ్ముగాను
గృహము దాట గానె కేరింత లాడుచు
చీరె విప్పి సుదతి చిందులాడె
మారెను వేషమంచు మరి మార్చుము చీరెనటంచు పిల్వగా
రిప్లయితొలగించండికారగ నీరు వేగముగకాటుక కన్నుల నుండి, స్రుక్కుచున్
చీరను విప్పి మానవతి చిందులు వేసెను చూడ నెల్లరున్
చేరిరి కొంటెకాయలట చిందర వందర జేయ సర్వమున్
అన్నపరెడ్డి సత్యనారాయణ రెడ్డి గారూ,
తొలగించండిమీ రెండు పూరణలు బాగున్నవి. అభినందనలు.
క్రొవ్విడి వెంకట రాజారావు
రిప్లయితొలగించండికొట్టునందు గౌర కోక జరితి గూర్చి
రకము జెప్పునంత రహిని దాని
లగ్గు నెంచి నాసిరక మిద్ది యంచుచు
చీర విప్పి, సుదతి చిందులాడె
క్రొవ్విడి వేంకట రాజారావు గారూ,
తొలగించండిమీ పూరణ బాగున్నది. అభినందనలు.
🍀 *శంకరాభరణం*🍀
రిప్లయితొలగించండి🌷 *సమస్య పూరణం* 🌷
🍀 కవిః- *విరించి* 🍀
🌷 సమస్యః *చీర విప్పి సుదతి చిందులాడె*
లేదా...
*చీరను విప్పి మానవతి చిందులు వేసెను చూడ నెల్లరున్*
పతియె కోరెనంచు పట్టుచీరనుగట్టి
వేచి యుండె రాత్రివేళ దాటె
మగడు చేరడయ్యె, వగచుచు కినుకతో
*చీర విప్పి సుదతి చిందు లాడె*
కూరిమి తోడ భర్త తన కోర్కెను తెల్పెను కోమలాంగితో
నేరము గాదు సాలెలిల నేసిన చీరనిలన్ ధరించినన్
వారికి సాయమౌననగ పౌరుష మందుచు సంచిలో ని యా
చీరను విప్పిమానవతి చిందులు వేసెను చూడనెల్లరుల్
........ ......... ....విరించి
విరించి గారూ,
తొలగించండిమీ రెండు పూరణలు బాగున్నవి. అభినందనలు.
ఇక్కడ మీరు ప్రత్యేకంగా సమస్యలను పేర్కొన నక్కరలేదు. కేవలం పూరణలు పెడితే చాలు.
నాది మరియొక పూరణ
రిప్లయితొలగించండిచీరను విప్పి మానవతి చిందులు వేసెను చూడనెల్లరున్
చీరను కప్పి వేశ్య వివశీకృతయయ్యె విరుల్ హసింపగన్-
యీరకమైన పోకడలు యిమ్మహిలో కలికాలమందు నొ
ప్పారుట నైజమే కద! యపార్ధములిచ్చుట యుక్తియుక్తమా!
ప్రసాద రావు గారూ,
తొలగించండిమీ పూరణ బాగున్నది. అభినందనలు.
'హసింపగన్+ఈరకము' అన్నపుడు యడాగమం రాదు. "హసింపగ న్నీరకమైన...' అనండి.
కోరక యిచ్చు చౌక ధరకున్ మనసించుచు పోయి యంగడిన్
రిప్లయితొలగించండిబేరముమాని చీరగొని,వేడబమించుక దోచ,శంకతో
మూరలు వైవ కన్పడెను పుట్టము నందున రంధ్రముల్,వెసన్
చీరను విప్పి మానవతి చిందులువేసెను చూడ నెల్లరున్
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
మాన్యులు శ్రీ కంది శంకరయ్య గారికి
రిప్లయితొలగించండికుశలానుయోగ నమస్కారములతో,
కౌరవరాజు కొల్వున నగౌరవ మోర్వఁగలేక - దత్క్రియా
కారిత వాడినట్టి కనుఁగల్వలఁ – బోరున దుస్ససేనునిన్
మారుతి ఘోరరీతిఁ దునుమన్ బెనుగోళ్లను ఱొమ్ము నిల్వునన్
జీరను – విప్పి, మానవతి చిందులు వేసెను చూడ నెల్లరున్.
సప్రశ్రయంగా,
ఏల్చూరి మురళీధరరావు
ఏల్చూరి మురళీధర రావు గారూ,
తొలగించండిమీ పునరాగమనం మిక్కిలి ఆనందదాయకం!
ఏమా అన్వయం? అనితరసాధ్యం! అసాధారణం! అద్భుతమైన పూరణ. అభినందనలు.
నిశ్చయంగా అత్యధ్భుతమైన పూరణ!🙏🙏🙏🙏🙏🙏🙏
తొలగించండిపూజ్యులు శంకరయ్య గారికి వందనములు.
రిప్లయితొలగించండిశ్రీ వాల్మీకి రామాయణములోని సుందర కాండ కు నాంధ్రీకరణకు పూనుకొని శ్రీకారము చుట్టి యీ విద్వన్మండలి యాశీర్వచనములను కోరుకుంటున్నాను.
శ్రీరామాయణ కావ్యా
పారప్రవచన కృతార్థ పరమర్షి సదా
చార పరాయణుఁ దలతుం
బౌరాణికుఁ బుణ్యపురుషు వాల్మీకి మునిన్ 1.
శ్రీజానకీ సతీమణి
భూజాత సుశోధ నానుపూర్వ సఫలమున్
భ్రాజిత సుందర వృత్తము
తేజోమయ వాయుజాత ధీర చరితమున్ 2.
నుడివెద భక్తిపూర్వక వినోద భరాంచిత వీర గాధల
న్నడుగిడి మారుతాత్మజుడు నద్భుత లీలఁ ద్రికూట శృంగినిన్
నడినిసి రావణావసధ నందన భంగి యశోక వాటికం
గడువడి చేసిశోధనము కాంతను గాంచిన రీతి నంతయున్ 3.
శ్రీభూనందన దర్శనార్థము కపిశ్రేష్టుండు వాతాత్మజుం
డాభీలాద్రిని రావణాపహృత చింతాక్రాంత చిత్తంబుతో
భీభత్సంబుగ హుంకరించి పద సంపీడ్యక్షతాద్రిద్యుతిన్
వైభోగంబుగఁ జేరె వేగమునఁ దా వాయ్వాస్పదం బివ్విధిన్ 4.
ఈ కామెంట్‌ను రచయిత తీసివేశారు.
తొలగించండినమస్కారములు
తొలగించండితప్పక త్వరలో మీ ఆశయం నెరవేరాలని ఆశీర్వదించి .
మహదానందకరమైన వార్త. శుభాశీస్సులు.
తొలగించండికామేశ్వర రావు గారూ,
తొలగించండిమనోజ్ఞమైన ప్రారంభం! మీ కావ్యరచన నిరాటంకంగా, శీఘ్రంగా పూర్తి కావాలని ఆశిస్తూ, నా శుభాకాంక్ష లందిస్తున్నాను.
కవివర్యులకు నమస్కారములు!
తొలగించండిఆభూజాత, వాయుజాతల అనుగ్రహంతో మీ కావ్యరచన నల్లేరు పై నడకలా, యే ఆటంకం లేకుండా, సత్వరం పూర్తయి పాఠకులను అలరించాలని ఆకాంక్షిస్తూ,
శుభాభినందనలు!
ధన్యోస్మి
తొలగించండిమీ కావ్యరచన త్వరితముగా పూర్తికావాలని ఆకాంక్షిస్తున్నాను. శుభాభినందనలు.
తొలగించండి
తొలగించండిపోచిరాజు కామేశ్వర రావు గారికి,
మరల నిదేల రామాయణం బన్నచో
తనదైన యనుభూతి తనది కాన
తలచిన రామునే తలచెద నేనును
నా భక్తి రచనలు నావి గాన
విశ్వనాథ వారి మాటలు గుర్తుకొస్తున్నాయి !
శుభాకాంక్షలతో !
మీ సుందర కాండ అంతర్జాలం లో ధారావాహిక గా చేస్తే లింకు తెలియ జేయ గలరు !
జిలేబి
సుందరకాండనుదెనుగున
తొలగించండినందముగావ్రాయునీకుహరిహరులికనీ
ముందరనిలబడిమిగులప
సందుగనుండుకొరకుదగుశక్తినినిచ్చున్
అందమైన యువతి యాహార్యమందున
రిప్లయితొలగించండిజిలుగు కాంతులీను జీన్సు కోరి
పెళ్ళిచూపు లయిన పిదప ధర్మవరపు
చీర విప్పి సుదతి చిందులాడె
నిన్నటి సమస్యకు నా పూరణ
భవుని విల్లును విరిచిన పద్మనాభు
నెదిరి నిల్పగ లేనని నిశ్చయించి
యోటమికి బలి యౌదునేమో యనుచునె
భండనమ్మునఁ, బాఱెను భార్గవుండు
రావణుని జాంపె నెచ్చట రామ విభుడు ?
ఉత్తరుండేమి జేసెను యుద్ధమందు ?
దశరథాత్మజుని గనుచు తరలె నెవడు ?
భండనమ్మునఁ బాఱెను భార్గవుండు.
భాగవతుల కృష్ణారావు గారూ,
తొలగించండిమీ పూరణ లన్నీ బాగున్నవి. అభినందనలు.
శ్రీ శంకరయ్య గారిక నమస్కారములు.మీ సూచనలకు,సలహాలకు కృతజ్ఞతలు.నా పూర్త పేరు బొగ్గరం వేంకట వాణీ
రిప్లయితొలగించండిహనుమత్ భుజంగ ప్రసాదరావు.నేను గుంటూరులో ఉంటున్నాను.
ప్రసాద రావు గారూ,
తొలగించండిసంతోషం! గోలి హనుమచ్ఛాస్త్రి గారు గుంటూరులోనే ఉంటారు. మీకు పరిచితులేనా?
మోజుతోడ దెచ్చె ముదమున కొట్టున
రిప్లయితొలగించండివెలయు తక్కువనుచు వేగిరముగ
మూరతక్కువనుచు మూతి తిప్పుచు కొత్త
చీర విప్పి సుదతి చిందులేసె.
వాయిదాల లెక్కవర్తకుడేతెంచి
కొత్తరకపు చీర కొనుడనంగ
కూర్మి తోడ కొన్న కోక చిరుగు గాంచి
చీరె విప్పి సుదతి చిందులాడె
వంట యింటిలోన వంట చేయుచునుండ
నిప్పురవ్వ యెగిసి నెలత కొంగు
కంట,భీతి తోడ నచట రోదించుచు
చీరె విప్పి సుదతి చిందులాడె
డా. బల్లూరి ఉమాదేవి గారూ,
తొలగించండిమీ మూడు పూరణలు బాగున్నవి. అభినందనలు.
క్రొత్త వింత తెచ్చె క్రొత్త సంస్కృతులను
రిప్లయితొలగించండిపాతచింతకాయపచ్చడనుచు
బరువు తాళ లేక బరబర దనపట్టు
చీర విప్పి సుదతి చిందులాడె
సునీల్ బాబు గారూ,
తొలగించండిమీ పూరణ బాగున్నది. అభినందనలు.
🌺🙏🌺
రిప్లయితొలగించండిఅంబటి భానుప్రకాశ్.
నేటి పూరణ.
చీరవిప్పి సుదతి చిందులాడె.
*పండుగనుచు లేమ పట్టుచీరనుగట్టి*
*మొగని కొరకు జూసెముదము మీర*
*నాలసించి వచ్చు నాతని కోపించి*
*చీరవిప్పి సుదతి చిందులాడె*
🌻🌷🌻
అంబటి భానుప్రకాశ్ గారూ,
తొలగించండిమీరు బ్లాగులో పూరణ చేయడం సంతోషాన్ని కలిగించింది.
మీ పూరణ బాగున్నది. అభినందనలు.
ఆరె నేమి ?యనగ నారినదనె బాల
రిప్లయితొలగించండిచీర విప్పి - సుదతి చిందులేసె
ఆర వేసి నట్టి యా చీర ముట్టక
చెప్ప వలయు ననుచు చిన్న బుచ్చె
(అది మదికి ఆరవేసిన చీర. ఆరినదేమో చూసి చెప్పమని తల్లి అంటే ఆ బాలిక ఆరినది అని ఆ చీర విప్పుకొచ్చింది. అలా ముట్టుకుంటే మడికి పనికి రాదని తల్లి చిందులేసి ఆ అమ్మాయిని చిన్నబుచ్చింది.)
ధనికొండ రవిప్రసాద్ గారూ,
తొలగించండిమీ పూరణ వైవిధ్యంగా, చక్కగా ఉంది. అభినందనలు.
ThNk you sir !
తొలగించండి"ఆరిన దేమి ?" యంచనగ , "నారెను గా !" యనె బాల తీగపై
రిప్లయితొలగించండిచీరను విప్పి - మానవతి చిందులు వేసెను చూడ నెల్లరున్
"చీరను తాకనేల ? మడి చీరను తాకక చూచి చెప్పుటన్
నేరవె ?" యంచు బాలికను నేరని తప్పుకు చిన్నబుచ్చుచున్
(మడిబట్ట ఆరినదా ? అని అడిగితే తాకకుండా గమనించి చెప్పాలి. ఆ పిల్ల అది తెలియక ఏకంగా ఆరేసిన చీర విప్పుకొచ్చింది. ఆ చీర మడికి పనికి రాదు. మళ్లీ ఆరెయ్యాలి. అందుకు తల్లి కోప్పడితే ఆ పిల్ల తెలియక చిన్నబుచ్చుకుంది. )
కూరిమి మీర చెల్లెలికి కొన్నది నాథుడు మూటనుండు నా
రిప్లయితొలగించండిచీరను విప్పి మానవతి చిందులు వేసెను చూడ నెల్లరున్
బేరము సారమున్ మరచి వేయివి రూకలు పెట్టినాడు నా
శూరుడు పోటుగాడయెను చూరున కెక్కగ తన్నెదంచుచున్