కవిమిత్రులారా!
ఈరోజు పూరించవలసిన సమస్య ఇది...
"మూషికం బొండు పిల్లిని ముద్దులాడె"
లేదా...
"మూషిక మొండు పిల్లిఁ గని ముద్దు లొసంగెను ప్రేమతోడుతన్"
ఈరోజు పూరించవలసిన సమస్య ఇది...
"మూషికం బొండు పిల్లిని ముద్దులాడె"
లేదా...
"మూషిక మొండు పిల్లిఁ గని ముద్దు లొసంగెను ప్రేమతోడుతన్"
బుద్ధినాశాత్ ప్రణశ్యతి
రిప్లయితొలగించండివైరి యొక్క వైరి తనదు బంధు వనుచు
వెఱ్ఱి పాకివోడు కసాయి గొఱ్ఱె వోలె
పోయి చీని కౌగలి జేరె బుధ్ది విడిచి -
మూషికం బొండు పిల్లిని ముద్దులాడె!
పూజ్యులు గురువర్యులు శ్రీమాన్ కంది శంకరయ్య గారి స్పందన తారాబల పట్టిక (తారలు = స్టార్లు):
తొలగించండిప్రయత్నము ప్రశంసనీయము = 1
బాగున్నది = 2
చక్కగ = 3
వైవిధ్యముగ = 4
ఉత్తమముగ = 5
ప్రశస్తముగ = 6
అద్భుతముగ = 7
అత్యద్భుతముగ = 8
మహాద్భుతముగ = 9
మనోహరముగ = 10
తొలగించండిఅత్యద్భుత మగు పట్టిక
నిత్య పఠన శాస్త్రి గారి నియతికొలతయౌ :)
చీర్స్
జిలేబి
సత్యము లగునివి తారలు
తొలగించండిముత్యమ్ముల తోరణములు ముచ్చట దీరన్
తరతమములు వలదు మనకు
తొలగించండికర మనురతి మన మలరెడు కవన సుమములన్
సురుచిర గతుల ననవరత
పరవశమున మెలగిన నురు వరముగు నధిపా!
__/\__
తొలగించండి"Beauty is a gift of God. We should thank Him if we have it. If not, we should thank Him that others have it for our pleasure"
తొలగించండి...Somerset Maugham
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
మీరు చెప్పినట్లు తారలనిచ్చే ఆలోచన నాకు గత సంవత్సరం వచ్చింది. కాని అమలులో పెట్టడానికి మొహమాట పడ్డాను. దానివల్ల కొందురు మిత్రులు నొచ్చుకొనడమో, కోపం తెచ్చుకొనడమో జరిగే అవకాశాలున్నాయి. "ఫలానా వారికి నాకంటే ఎక్కువ స్టార్లిచ్చారు. నా పూరణకంటే వారిది ఏవిధంగా బాగుంది?" అని ఎదురుదాడి చేయవచ్చు.
దాదాపుగా అందరికీ "మీ పూరణ బాగున్నది. అభినందనలు" అని పెడుతున్నాను. నిజానికి పూరణలను నిశితంగా పరిశీలిస్తున్నానా? భావం, అన్వయం, పదప్రయోగం మొదలైనవాటిని స్పృశిస్తున్నానా? ఎలాగూ అంతటి తీరిక, ఓపిక, పాండిత్యం నాకు లేవనుకోండి!
కొందరి పూరణలలో భావం స్పష్టంగా ఉండదు. కొన్ని పద్యాలలో అన్వయలోపం ఉంటుంది. ఛందో వ్యాకరణ దోషాలుంటాయి. ప్రతి పద్యాన్నీ శల్యపరీక్ష చేశామనుకోండి... కొందరు "ఎందుకొచ్చిన పీడ!" అనుకొని పద్యరచన మానుకోవచ్చు. కొందరు అలుగవచ్చు. కొందరు వాదించి చర్చకు అవకాశమివ్వవచ్చు. అందుకని "నొప్పింపక తా నొవ్వక తప్పించుక తిరుగు" మార్గాన్ని ఎంచుకున్నాను. స్వస్తి!
__/\__ __/\__ __/\__
తొలగించండిపూజ్యులు గురువర్యులు శ్రీ శంకరయ్య గారు:
తొలగించండిఈ ధర్మ సంకటం ఉపాధ్యాయ వృత్తి లో జీవితము గడిపిన మనలాంటి వారందరినీ వేధించేదే! కానీ తప్పదు కదా! సహృదయత ఉన్నచోట బాధలుండవు. నమస్సులు!
ఈ కామెంట్‌ను రచయిత తీసివేశారు.
రిప్లయితొలగించండివేషము మారినంతనె వివేకము లేకను స్వార్ధ చిత్తమున్
తొలగించండిశోషిల జేయనెంచ గను సూచన భావము మోసమందునన్
రోషము జూపుచున్ నెదుటి రూపము జూడగ చెక్కగా వుతన్
మూషిక మొండు పిల్లిఁ గని ముద్దు లొసంగెను ప్రేమతో డుతన్
--------------------------------------------------
పిల్లి పైనను కసిమెండు వెల్లి విరియ
పగను దీర్చగ యదనుకై పరిత పించ
కొయ్య బొమ్మను మురియుచు కోరి నంత
మూషికం బొండు పిల్లిని ముద్దులాడె
అక్కయ్యా,
తొలగించండిమీ రెండు పూరణలు బాగున్నవి.
'...జూపుచు న్నెదుటి...' అనండి.
డా.పిట్టా
రిప్లయితొలగించండిఈషణలు రేగ యూరపు నేకధాటి
గలిసి విడిపోవ బ్రిటను సత్కాల మెరిగి
దేశ ప్రేమను బ్రకటించ దిరిగి వచ్చె
మూషికంబొండు పిల్లిని ముద్దులాడె!
ఘోషణ జేసి యుద్ధముల ఘోర వినాశము గూర్చి స్వార్థ సం
పోషణ ధ్యేయ మన్నటుల భూమిని సాంతము నేలె నాంగ్ల సం
భాషణ భూషణంబనగ భాసిలె రోషము దక్క, హా విధీ!
మూషిక మొండు పిల్లి గని ముద్దులొసంగెను ప్రేమ తోడుతన్!
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'పోషణ ధ్యేయ' మన్నపుడు ణ గురువై గణదోషం. "పోషణ లక్ష్య మన్నటుల..." అనండి.
డా.పిట్టా
తొలగించండిఆర్యా,పోషణ లక్ష్య మన్నటుల,గా మార్చినాను.ఉదయం త్వరగా పూరిస్తూ చూసుకోలేదు. కృతజ్ఞతలు
రిప్లయితొలగించండికలుగు లోన ముఖమునిడ కరకు గాను
మూషికం బొండు పిల్లిని ముద్దులాడె,
స్థాన బలిమి మహిమయది చక్క తెలుసు
కొను జిలేబి జీవనమున కొనరు తెలివి !
జిలేబి
జిలేబీ గారు,
తొలగించండిమీ పూరణ బాగున్నది. అభినందనలు.
ఎన్నికలగుర్తులేయవి యెన్నగాను
రిప్లయితొలగించండిపెద్ద పార్టీని యోడింప ప్రేమ జూపి
కలసికట్టుగ గెలి "చెడు " తలపుతోడ
మూషికం బొండు పిల్లిని ముద్దులాడె.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
"పార్టీని నోడింప..." అనండి.
భూషలుగా చెలంగెనొక బొమ్మల కొల్వున మూషకాదులున్
రిప్లయితొలగించండితోషిత వస్తుజాలముల తొయ్యలి చూచుచురాగ కన్పడెన్
మూషికమొండు--ప్లిల్లిఁగని ముద్దులొసంగెను ప్రేమతోడుతన్--
పోషణఁజేసే హస్తకళ పొల్పుగ వారలు ధన్యులేగదా
ప్రసాద రావు గారూ,
తొలగించండిమీ పూరణ బాగున్నది. అభినందనలు.
రోషము లేని పాలకుల రోగ మదేమొ, విదేశ వర్తకుల్
రిప్లయితొలగించండిశేషము లేక దోచుకొన శీఘ్రమె వారికి లొంగిపోవుచున్
రాశులకొద్ది సంపదలు రాజ్యము దాటుట లిట్టులున్నదా
మూషికమొండు పిల్లిగని ముద్దులొసంగెను ప్రేమతోడుతన్
చేపూరి శ్రీరామ్ గారూ,
తొలగించండిమీ పూరణ బాగున్నది. అభినందనలు.
డా.పి ట్టా
తొలగించండిఆర్యా, "లొంగి పోవగన్ "అంటే పూర్తి అన్వయం సిద్ధిస్తుంది కదా!
జాతి వైరము లేకను జగము నందు
రిప్లయితొలగించండిప్రాణు లన్నియు నెయ్యాన బ్రతుకు చుండె
ననుట కునిది నిదర్శన మార్య !చూడ
గణ్వునాశ్రమ మందున గాన నగును
మూషికంబొండు పిల్లిని ముద్దు లాడె
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
చిత్రకారుండు గీచెను జీవకళయె
రిప్లయితొలగించండియుట్టిపడ నొక్క పిల్లిఁ, దా నొక్క కొంత
తడవు భీతిల్లి యదియె చిత్రముగ నెఱిఁగి
మూషికం బొండు పిల్లిని ముద్దులాడె.
శ్రీగురుభ్యోనమః
రిప్లయితొలగించండిరోషము తోడ వెంటబడ రొప్పుచు పారి బిళంబు జేరెనే
మూషిక మొండు పిల్లిఁ గని, ముద్దు లొసంగెను ప్రేమతోడుతన్
చూషణ జేసి దీర్ఘముగ చుంబన మాధురి బిడ్డ కిచ్చుచున్
దోషములెల్ల తొల్గెనని దుఃఖము తీరగ నెల్క తల్లియే
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిభూతదయ తోడ వర్తిల్లు పుణ్య జనుడు
సాధు జంతువులను దెచ్చి చనవు నేర్పి
నాట లాడించు వేళలో నెనరున నొక
మూషికం బొండు పిల్లిని ముద్దు లాడె
క్రొవ్విడి వేంకట రాజారావు గారూ,
తొలగించండిమీ పూరణ బాగున్నది. అభినందనలు.
"నేర్పి యాటలాడించు..." అనండి
ఆటలాడఁగ బాలుడున్ మూట నుండు
రిప్లయితొలగించండికొయ్య బొమ్మల నేలపై గ్రుమ్మరించ
పాము ముంగిస పైఁబడె ప్రాకునటుల
మూషికం బొండు పిల్లిని ముద్దులాడె
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
ఏతరి వెతలు వచ్చునో యేరి కెరుక
రిప్లయితొలగించండితలుప దైవోపహతులకుఁ గలదె బ్రతుకు
తల్లి యని యెంచి తాఁ దల్లడిల్ల నంధ
మూషికం బొండు పిల్లిని ముద్దులాడె
ఘోష నికేతనమ్మున నఘోర నినాద వినోద మోది యా
మూషిక రాజ మచ్చట విమోహము నందున నుండ ఖాదనా
న్వేషమునం జరింప మగపిల్లియ, భక్షణ మయ్యె దానికిన్
మూషిక, మొండు పిల్లిఁ గని ముద్దు లొసంగెను ప్రేమతోడుతన్
పోచిరాజు కామేశ్వర రావు గారూ,
తొలగించండిమీ రెండు పూరణలు వైవిధ్యంగా ఉండి అలరింపజేశాయి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిగ్రుడ్డితనముతో నిత్యముఁ గుములుచుండ
రిప్లయితొలగించండిమూషికం బొండు పిల్లిని ముద్దులాడె
ప్రభుత కనులు మూసుకొని తా వ్యవహరించ
ప్రజలసొమ్ముతో నేతలు ప్రబలుచుండ్రి
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
*సహస్రకవిరత్న, కవిభూషణశ్రీమతి జి సందిత బెంగుళూరు*
రిప్లయితొలగించండి*"మూషిక మొండు పిల్లిఁ గని ముద్దు లొసంగెను ప్రేమతోడుతన్"*
వేషముపిల్లిగానటులవేసెనుచెల్లెలునాటకంబునన్
మూషికవేషధారణముముందుగ చేసెనటక్కయచ్చటన్
భేషనఁజేయగానటన పెళ్ళుబుకన్ నటవేదినెక్కెబల్
*"మూషిక మొండు పిల్లిఁ గని ముద్దు లొసంగెను ప్రేమతోడుతన్"*
*సహస్రకవిరత్న,సహస్రకవి*
*భూషణశ్రీమతి జి సందిత బెంగుళూరు*
గాదిరాజు మధుసూదన్ రాజు గారూ,
తొలగించండినాటక వ్యాజంతో మీ పూరణ బాగున్నది. అభినందనలు.
మిమ్మల్ని సందిత, మధుసూదన్ రాజు ఏ పేరుతో సంబోధించాలి?
ఇక్కడ కేవలం పూరణను మాత్రమే ప్రకటించండి. మిగతా వివరాలు వద్దు.
క్రొవ్విడి వెంకట రాజారావు:
రిప్లయితొలగించండిభేషజమేమియుంబడక పిల్లులు కుక్కలు మూషికమ్ములన్
దోషములేని చందమున దొడ్డగ బెంచుచు వాట్ల నాతఁడున్
పోషణ జేయుచున్ననుగు బూంచుచు నాటల నుంచ నొక్క దా
మూషిక మొండు పిల్లిఁ గని ముద్దు లొసంగెను ప్రేమతోడుతన్
రాజారావు గారూ,
తొలగించండిమీ పూరణ బాగున్నది. అభినందనలు.
'వాట్ల, బూంచుచు'...?
గుంండా వెంంకట సుబ్బ సహదేవుడు వారూ మీ పూరణ చాలా బావుంంది
రిప్లయితొలగించండిగాదిరాజు వారలకు ధన్యవాదములు.
తొలగించండివెఱచిగూబకు వలనున్న పిల్లి జేరి
రిప్లయితొలగించండిమూషికం బొండు పిల్లిని ముద్దులాడె
శబరు డేతెంచ వేకువ శ్వానములతొ
యురుల కొరికెను కలుగులో నురికె నెలుక
ఆత్రమందున శత్రులుమిత్రులు గద
కెంబాయి తిమ్మాజీ రావు గారూ,
తొలగించండిబాగున్నది మీ పూరణ. అభినందనలు.
'శ్వానములతొ' అని తో ప్రత్యయాన్ని హ్రస్వంగా ప్రయోగించారు.
గురుదేవులస్పందనకు సవరించిన పద్యము
తొలగించండివెఱచిగూబకు వలనున్న పిల్లి జేరి
మూషికం బొండు పిల్లిని ముద్దులాడె
శబరు డేతెంచ వేకువ శ్వానముగొని
యురుల కొరికెను కలుగులో నురికె నెలుక
ఆత్రమందున శత్రులుమిత్రులు గద
గురుదేవులస్పందనకు సవరించిన పద్యము
తొలగించండివెఱచిగూబకు వలనున్న పిల్లి జేరి
మూషికం బొండు పిల్లిని ముద్దులాడె
శబరు డేతెంచ వేకువ శ్వానముగొని
యురుల కొరికెను కలుగులో నురికె నెలుక
ఆత్రమందున శత్రులుమిత్రులు గద
రోషము తోడరాదరికి రోయుచు దూరెను బిల్వ మందునన్
రిప్లయితొలగించండిమూషిక మొండు పిల్లిగని ,ముద్దు లొసంగెను ప్రేమతోడుతన్
వేషము లెన్నివేసినను భేషజ మన్నది లేక యుండగన్
భాషణ పధ్ధతిన్వి నుచు భారతి సీతను మెచ్చుచున్మ దిన్
సుబ్బారావు గారూ,
తొలగించండిమీ పూరణ బాగున్నది. అభినందనలు.
'మెచ్చుచున్నదిన్'...? "సీతను మెచ్చి నెమ్మదిన్" అనండి.
అరయ వనముల తపసుల యాశ్రమమున
రిప్లయితొలగించండిజాతివైరము మరచిన జంతు జాతి
శాంతి బ్రేమల తోడుత సఖులవంగ
మూషికంబొండు పిల్లిని ముద్దులాడె!
గుఱ్ఱం సీతాదేవి గారూ,
తొలగించండిమీ పూరణ బాగున్నది. అభినందనలు.
ఋషుల యాశ్రమమందున మృగములెల్ల
రిప్లయితొలగించండివైరములు వీడి ప్రేమతో భయములేక
కలిసి మెలిసి జివించుట గాంచినాము
మూషికం బొండు పిల్లిని ముద్దులాడె.
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
పరుగు దీయు బిడాలపు పద మెలుకల
రిప్లయితొలగించండిబోను తాకి నంతనె, పారి పోయె నచటి
మూషికం బొండు! బిల్లిని ముద్దులాడె
మదిని! మరి మరి తలచి నమస్సులనియె!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
దోషపు కంటిచూపునను దుఃఖితయై చరియించుచుండగన్
రిప్లయితొలగించండిమూషిక మొండు పిల్లిఁ గని ముద్దు లొసంగెను ప్రేమతోడుతన్
రోషములేని సాధువని రూఢిఁ దలంచుచు మానసమ్ములో
భేషగు ఖాదనమ్మనుచుఁ బ్రీతి భుజించె పయస్యమిచ్చతో
సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
రోగమున జిక్కి భుక్తికి రోదన లిడి
రిప్లయితొలగించండిసృక్కి మార్జాల మొక్కటి చెంత జేర
ముసలి మూషికమను భ్రమ మోసపోయి
మూషికం బొండు పిల్లిని ముద్దులాడె
నిన్నటి సమస్య కు నా పూరణ
పంట నూడ్చి పిదప పదిల పరచ బోవ
పిడుగులు గురి పించు పెను తుఫాను
వలన నీటగలిసి వాగుగా ప్రవహించు
వర్ష మిచ్చుఁ జింత కర్షకునకు
భాగవతుల కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
స్పందనమీయదిజూడగ
రిప్లయితొలగించండిగందివరునిమించిపోయెగవికులతిలకా!
వందనములనర్పించుచు
జిందాబాద్ తెలుపుచుంటిజీపీశాస్త్రీ!
పోచిరాజు సహోదరులకు నమో నమః
తొలగించండిసాని వాడలో జేరిన సరసు డొకడు
రిప్లయితొలగించండివారకాంతను గోరి సంపదల నెల్ల
ముగ్దకిచ్చుచు రతికేళి మునగ గాంచ
*మూషికం బొండు పిల్లిని ముద్దులాడె*
భూషణభూషితగియగు భూరిగ సోయగ మొల్కు వేశ్యయౌ
యోషిత బ్రేమ జేరుచును యుక్తమయుక్తమెఱుంగ లేక తా
బోషణ జేసె, సంపదల బోసెపడంతికి దాసుడై గనన్
మూషిక మొండు పిల్లిఁ గని ముద్దు లొసంగెను ప్రేమతోడుతన్
------......... ......... ....విరించి
విరించి గారూ,
తొలగించండిమీ రెండు పూరణలు బాగున్నవి. అభినందనలు.
అర్థం లేని పదాలతో అర్థవంత మైన పద్యం.
రిప్లయితొలగించండి"నునునూ" ; నెనెనే ; నినినీ ; "నననా" అనే పదాలతో శ్రీకృష్ణుని పై రాధ భక్తిని వర్ణిస్తూ ఓ పద్యం చెప్పమన్నారు ఒక అవధానం లో శ్రీ సీవీ సుబ్బన గారిని.
పద్యం చూడకుండా ఓ రెండు నిముషాలు ఆలోచించండి.ఈ పదాలతో పద్యం మాట అటుంచి నాలుగు వాక్యాలు వ్రాయగలమా? అని.ఆ పదాలకు ముందు వెనుకల మీకిష్టమొచ్చిన అక్షరాలను చేర్చ వచ్చు. అయితే ఆ పదాలను మాత్రం మార్చరాదు.
ఇక చూడండి. అవధాని విరచిత మత్తేభ విక్రీడిత పద్యం :
******%%%%%******
మ. నునునూల్చుట్టిన పూలదండ లిడలేనో !మోవి గోర్వెచ్చ తే
నెనెనే నీయగ లేనొ !పొంది పొసగన్ నిన్ జేరగా లేనొ! మా
నిని నీదానను గానొ! జాగు సలుపన్ నీకేలరా! సస్మితా
నన ! నాభక్తి గణింపరా ! వినర ! కృష్ణా ! రక్తి నన్నేలరా !
(Dr.C.V.సుబ్బన్న శతావధాని రచించిన " శతావధాన ప్రబంధం" - ప్రథమ ఖండం నుండి)
*******&&&&&&&********
జనార్ధనరావు గారూ నమస్సులు...చక్కని పూరణ నందించారు....!
తొలగించండిజనార్దన రావు గారూ,
తొలగించండిధన్యవాదాలు.
ఈ దత్తపదిని మన బ్లాగులో ఇవ్వమంటారా?
.పిల్లిమొగ్గలు వేసెడి పెద్దినొకడు
రిప్లయితొలగించండినక్కియున్నట్టి ఎలుకలానంగనాచి
ఎన్నికల సమయానమమ్మెంచుకొనుము
పార్టి మారుట తప్పేమి పట్టువదలి?
మూషికంబొండు పిల్లిని ముద్దులాడె|
౨పోషణ రక్షణార్థముగ పోకిరి యందున మూలనుండగా
మూషికమొండు|”పిల్లిగని ముద్దు లొసంగెనుప్రేమ తోడుతన్
భాషణ జేయుదాని వలె భావనబంచగపిల్లిపిల్ల సం
తోషము నందుజూపెనట తొంగియు జూసెడి ఓగిరంబునే| {ఓగిరము=ఆహారపుఎలుక}
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండిపిన్నక నాగేశ్వరరావు.
వివిధ బొమ్మల నద్దాల బీరువాన
పెట్ట కన్నులకెంతయో విందు గలిగె
మూషికంబొండు పిల్లిని ముద్దులాడె
నటుల నుంచిరి వింతగ నందులోన.
**********************************
రోషము హెచ్చగా మిగుల రోయుచు భారత దేశ సంపదన్
రిప్లయితొలగించండిభాషలు ప్రీతిగా నొసగు బంగరు వన్నెల చీనివాసులన్
భేషజ మొల్లుచున్ వలచి భేషుగ పాకులు కౌగిలించిరే...
మూషిక మొండు పిల్లిఁ గని ముద్దు లొసంగెను ప్రేమతోడుతన్!