కవిమిత్రులారా!
ఈరోజు పూరించవలసిన సమస్య ఇది...
"ఖరమునుఁ గనినంత నాకుఁ గడు సంతసమౌ"
లేదా....
"ఖరమునుఁ గాంచినంత మదిఁ గమ్మని భావము పొంగులెత్తెడిన్"
ఈ సమస్యను పంపిన గుఱ్ఱం జనార్దన రావు గారికి ధన్యవాదాలు.
ఈరోజు పూరించవలసిన సమస్య ఇది...
"ఖరమునుఁ గనినంత నాకుఁ గడు సంతసమౌ"
లేదా....
"ఖరమునుఁ గాంచినంత మదిఁ గమ్మని భావము పొంగులెత్తెడిన్"
ఈ సమస్యను పంపిన గుఱ్ఱం జనార్దన రావు గారికి ధన్యవాదాలు.
మా నెల్లూరు గాడిద ప్రశంస (వేదం వేంకటరాయ శాస్త్రిగారి వర్ణన) :
రిప్లయితొలగించండిశుక్లాంభరధరం = తెల్లని దుస్తులను మోసెడిది
విష్ణుం = వీధి వీధిన కనిపించేది
శశి వర్ణం = తెల్లని ఛాయ గలది
చతుర్భుజం = నాలుగు భుజములు గలది
ప్రసన్న వదనం = ప్రసన్నమైన ముఖము గలది (వెనుక తాపులు తన్నగలది)
వరముల నడగక విరివిగ
బరువులు మోయుచు కరవక పరుగులిడక స్థా
వరముగ నిలబడు నెల్లూర్
ఖరమునుఁ గనినంత నాకుఁ గడు సంతసమౌ!
ప్రభాకర శాస్త్రి గారూ,
తొలగించండివేదం వారి వివరణతో చమత్కార భరితమైన మీ పూరణ బాగుంది. అభినందనలు.
బరువులు మోయుచు నిరతము
రిప్లయితొలగించండినిరసన తెలుపదు తాను నీరస మందున్
దురుసుగ తన్నని మౌనపు
ఖరమునుఁ గనినంత నాకుఁ గడు సంతసమౌ
అక్కయ్యా,
తొలగించండిమీ పూరణ బాగున్నది.
రెండవపాదంలో గణదోషం. 'నిరసనను తెలుపదు తాను' అంటే సరి!
రిప్లయితొలగించండినరవర ! మునివర! కులశే
ఖర! మునుఁ గనినంత నాకుఁ గడు సంతసమౌ,
వరమీయ వయ్య మార్పే
ల, రమ్ము ముదమున లతాంగి లక్ష్యము గనుమా !
జిలేబి
జిలేబీ గారూ,
తొలగించండిచక్కని విరుపు. పూరణ బాగుంది. అభినందనలు.
హరినామముస్మరించుచు
రిప్లయితొలగించండిపరమాత్ముని దర్శనమ్మె పావన మనుచున్
తిరుమల జేరి యట గుడి శి
ఖరమును గనినంతనాకు గడుసంతసమౌ
విరించి గారూ,
తొలగించండి'శిఖరము'తో మీ పూరణ బాగున్నది.
మొదటి పాదంలో గణదోషం. 'హరినామమ్ము స్మరించుచు/ హరినామమును స్మరించుచు' అనండి.
గురువుగారికి నమస్కారములు మీ సూచన శిరోధార్యమ్
తొలగించండిసవరించిన పద్యము
హరినామమ్ము స్మరించుచు
పరమాత్ముని దర్శనమ్మె పావన మనుచున్
తిరుమల జేరి యట గుడి శి
ఖరమును గనినంతనాకు గడుసంతసమౌ
గురువుగారికి నమస్కారములు మీ సూచన శిరోధార్యమ్
తొలగించండిసవరించిన పద్యము
హరినామమ్ము స్మరించుచు
పరమాత్ముని దర్శనమ్మె పావన మనుచున్
తిరుమల జేరి యట గుడి శి
ఖరమును గనినంతనాకు గడుసంతసమౌ
హరహర మహదేవ యనుచు
రిప్లయితొలగించండిపరమేశ్వరు దర్శనమ్ము వాంఛించుచు నే
పరుగిడనా శ్రీశైల శి
ఖరమునుఁ గనినంత నాకుఁ గడు సంతసమౌ
చంద్రమౌళి సూర్యనారాయణ గారూ,
తొలగించండి'శ్రీశైల శిఖరము'తో మీ పూరణ బాగున్నది. అభినందనలు.
శ్రీగురుభ్యోనమః
రిప్లయితొలగించండికురిసె తుషార మంతట నగోచరమయ్యెను బాటలన్నియున్
ధర చలి హెచ్చె నంత దరి దాపుల దాచిన ప్రాత చక్రముల్
విరివిగ పుల్లలన్ కలిపి వేడిరగల్చిన మంటలందునన్
ఖరమునుఁ గాంచినంత మదిఁ గమ్మని భావము పొంగులెత్తెడిన్
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.
……………………………
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,
ఇరుగడ శ౦ఖము - చక్రము ,
వరలెడు తిరునామ మాహ ఫాలము న౦దున్
మరియు తిరుమలేశుని శే
ఖరమును కనిన౦త నాకు గడు స౦తస మౌ
{ శే ఖ ర ము = సి గ ద ౦ డ }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
నిరతము భక్తిని మంగళ
రిప్లయితొలగించండిగిరిలో నరసింహు నిష్ఠ కీర్తించుచు సు
స్థిరమగుమతి నాలయపు శి
ఖరమునుఁ గనినంత నాకుఁ గడు సంతసమౌ
మనోహరమైన పూరణ. అభినందనలు !
తొలగించండిఅన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
రెడ్డి గారూ ఆణిముత్యము వంటి పద్యము హృద్యఙ్గమముగా చెప్పారు.అభినందనలు.
తొలగించండి"నరసింహు నిష్ఠఁ గీర్తించుచు" లేక "నరసింహు నిష్టిఁ గీర్తించుచు" అనండి.
జనార్థన రావుగారికి, కామేశ్వర రావుగారికి, గురువర్యులకు ధన్యవాదములు.మంగళగిరిప్రక్క గ్రామములో పుట్టి పెరిగాను. మాయింటి వద్ద నుండి లక్ష్మీనరసింహస్వామి దేవాలయ శిఖరము నిత్యము కనబడుతుంది. కామేశ్వర రావు రావుగారి సూచనకు ధన్యవాదములు.
తొలగించండికం. వరముగ నాకు లభించిన
రిప్లయితొలగించండియరమరికలు లేని వాడు నందఱి వాడౌ
చిరకాల మిత్రుడగు శే
"ఖరమునుఁ గనినంత నాకుఁ గడు సంతసమౌ"
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
కురియగ మంచు బిందువులు కోవెల మాటున కోమలంబుగన్
రిప్లయితొలగించండివిరిసిన యుత్పలంబు లతి వేడుక నుండగ రాత్రివేళలన్
శరదృతువున్ సరోవరపు సన్నిధి పౌర్ణమి నాడు చంద్రశే
ఖరమునుఁ గాంచినంత మదిఁ గమ్మని భావము పొంగులెత్తెడిన్
ఫణికుమార్ తాతా గారూ,
తొలగించండిమీ పూరణ బాగుంది.
'శంభుశేఖరమును' అంటే అన్వయం కుదిరేది.
గురువుగారూ నమస్సులు. దోషం అవగతమయినది. సవరణకి ధన్యవాదములు.
తొలగించండివర వైకుంఠ సమప్రభ
రిప్లయితొలగించండిసురవర సేవిత మురారి శోభిత నగముం
బరమము తిరుమల పృథుశే
ఖరమునుఁ గనినంత నాకుఁ గడు సంతసమౌ
[పృథుశేఖరము = కొండ]
శరనిధి మానసోల్లసన సంజన కాంశు విరాజమానుడున్
వర సరసీ కవేల చయ వైభవ కారక దీప్తిమంతుడున్
శరదృతు చంద్రికా భరిత చారు నభస్స్థిత భవ్య శంభుశే
ఖరమునుఁ గాంచినంత మదిఁ గమ్మని భావము పొంగులెత్తెడిన్
[శంభుశేఖరము = చంద్రుడు; కవేలము = కలువ]
పోచిరాజు కామేశ్వర రావు గారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిశరదమలాంబరమణియై
రిప్లయితొలగించండిసురుచిర చంద్రికలఁ గురిసి సుందరముఖ సు
స్థిరసామ్యము గల శివశే
ఖరమును గనినంత నాకుఁ గడు సంతసమౌ.
(శివశేఖరము = చంద్రబింబము)
కామేశ్వర రావు గారూ,
తొలగించండిమీ రెండవ పూరణను ముందే చూసి ఉంటే నా యీ పూరణను పెట్టకపోయేవాణ్ణి!
పూజ్యులు శంకరయ్య గారికి వందనములు. అట్లయిననీ విశాల శంకరాభరణ నభో వీధిని ముగ్ధ మనోహర సుంద రామందానంద కంద తారామణి వెలుగుండేది కాదు.
తొలగించండిఅరిగితిని నేను రామే
రిప్లయితొలగించండిశ్వరముకు నట నొక్క విపణి శాలను ఘనమౌ
హరణములును ముత్యములు ము
ఖరమును గని నంత నాకు గడు సంతసమౌ
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
'రామేశ్వరమున కట నొక్క...' అనండి.
గురువర్యులసూచన మేరకు సవరించిన పద్యము
తొలగించండిఅరిగితిని నేను రామే
శ్వరమున కట నొక్క విపణి శాలను ఘనమౌ
హరణములును ముత్యములు ము
ఖరమును గని నంత నాకు గడు సంతసమౌ .
హరహర శంభో యనుచును
రిప్లయితొలగించండిశిరమున గైమోడ్పు లిడుచు శివుని న్గనగన్
మెరసెడి దేవా లయపు శి
ఖరమును గనినంత నాకు గడు సంతసమౌ
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
చిఱచిఱలాడబోక కడు చిత్రముగా తలనూపుచుండి , భీ
రిప్లయితొలగించండికరముగ జూడ బోక తన కంఠము బెంచక శ్వేతవస్త్రమున్
నిరతము దాల్చుచున్ సభల నిత్యముదర్శనమిచ్చు చంద్ర శే
ఖరమునుఁ గాంచినంత మదిఁ గమ్మని భావము పొంగులెత్తెడిన్
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
హరినామ స్మరణముచే
రిప్లయితొలగించండితిరుమలగిరినెక్కి దేవదేవుని గనుచున్
హరుషముతో నాలయపు శి
ఖరమును గనినంత నాకు గడు సంతసమౌ
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
కరములు మోడ్చివినయముగ
రిప్లయితొలగించండిశిరసును వంచి హృదయమున శివుని కొలచుచున్
మురియుచు శ్రీ శైలమునశి
ఖరమును గనినంతనాకు గడు సంతసమౌ
సి. రామమోహన్ గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండినిన్నటి పూరణ:
ఆరాటమ్మును గూడి వాజజములన్నార్జించు టాటోటునిన్
కారాగారమునం బిగించు వడి నా కైలాటకాడద్దరిన్
బారానన్విభవమ్ము బంచి దొరలాప్యాయమ్ము నొందగగా
కారాగారము నందు లభ్యమగు సౌఖ్యంబుల్ ముదంబొప్పఁగన్.
క్రొవ్విడి వేంకట రాజారావు గారూ,
తొలగించండిమీ పూరణ బాగున్నది. అభినందనలు.
పరమపవిత్రమై సతము భాసిలు పట్టణమందు కొండపై
రిప్లయితొలగించండినిరతముఁ గొంచు పానకము నెమ్మిక భక్తుల కోర్కె దీర్చునా
నరహరి పుణ్య కేతనమునన్ చరియించుచు గండ దీప శే
ఖరమునుఁ గాంచినంత మదిఁ గమ్మని భావము పొంగులెత్తెడిన్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
రెండు పూరణలలోను మీ జన్మస్థల అభిమానాన్ని చాటుకున్నారు.
నిరతము భక్తుల నరయుచు
రిప్లయితొలగించండినొరవుగ మహిమను బఱచెడి నభయం
కరుడగు శంకరుని గుడిశి
ఖరమును గనినంతనాకు గడు సంతసమౌ
క్రొవ్విడి వెంకట రాజారావు:
రిప్లయితొలగించండినిరతము చాకలి సుబ్బడు
బరువుగ వీపున బఱచెడి బట్టల మూటల్
వరుసగ రేవుకు జేర్చెడి
ఖరమును గనినంతనాకు గడు సంతసమౌ
రాజారావు గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ రెండవ పాదంలో గణదోషం. సవరించండి.
ఖరమునుగాంచినంతమదిగమ్మనిభావముపొంగులెత్తెడిన్
రిప్లయితొలగించండిఖరమదిమోయుమూటలనుగావిడివోలెనుదాభుజంబుపై
నిరతముబాధనోర్చుచునునేరముగాదలంచకనెప్పుడున్
నరుడునుదానెరుంగవలెనాలుకలేనిదిమూగజీవిగా
సుబ్బారావు గారూ,
తొలగించండిమీ పూరణ బాగున్నది. అభినందనలు.
మూడవ పాదంలో గణదోషం. 'నేరముగా దలపోయ కెప్పుడున్' అనండి.
ఖరమొకటి మగది , తన స్త్రీ
రిప్లయితొలగించండిఖరమును గనినంత నాకు - గడు సంతసమౌ
ఖర యజమాని రజకునకు
ఖరమొక్కటి నీను తనదు ఖర మని తలచున్
(నాకు= నాకుట)
ధనికొండ రవిప్రసాద్ గారూ,
తొలగించండిమీ పూరణ బాగున్నది. అభినందనలు.
'ఖర యజమాని' వైరి సమాసం అనుకుంటాను. యజమానుడు/యజమాని అనగా యజ్ఞం చేసేవాడు, చేస్తున్నవాడు. (యజమానుడు సరైన శబ్దం. ఇది ఎలాగో పరిణామం చెంది యజమానిగా వాడుకలోకి వచ్చింది.) - పారమార్థిక పదకోశం.
అయ్యా ! ఖరయజమాని వైరి సమాసం కాదనుకుంటాను. రెండూ సంస్కృత పదాలే కనుక. యజమాని అనేది సరైనది కాక యజమానుడు సరైనది కావచ్చును. మీరన్నట్లు యజమానుడు అంటే యజ్ఞం చేయించేవాడే కానీ కాలక్రమేణ స్వంత దారుకి, ఓనర్ అనే పదానికి ఇది సమానార్థక మైపోయింది కనుక దానికి అచ్చమైన తెలుగు పదం రాలేదు కనుక నాకు తెలిసినా ఇదే వాడేశాను. పద్యాన్ని ఇలా మారుస్తాను. పరిశీలించండి .
తొలగించండిఖరమొకటి మగది తన స్త్రీ
ఖరమును దరి జేరి నాకు- కడు సంతసిలెన్
ఖరయజమానుడు రజకుడు
ఖరమొక్కటి నీను తనదు ఖరమని తలచెన్.
(మూడవ పాదం ఖరమును సాకెడు రజకుడు అని కూడా మార్చవచ్చును)
__/\__
తొలగించండిగరళము గ్రోలిలోకమును గాచిన వాడు దయాసముద్రుడౌ
రిప్లయితొలగించండిపురహరు గొల్వగన్ గలిగె బుత్రుడనంచును బావ యే ననున్
మురిపెము తోడ బిల్వగను మోదము మీరగ బోయి చంద్రశే
ఖరమును గాంచినంతమది గమ్మని భావము పొంగులెత్తెడిన్
విరించి గారూ,
తొలగించండిమీ పూరణ బాగున్నది. అభినందనలు.
కరమగు హంపిని గాంచగ
రిప్లయితొలగించండిమరి మరి కోరిక కలుగును మానస మందున్!
స్వరములనిడు పాషాణ ము
ఖరమును గనినంత నాకు గడు సంతసమౌ!
(స్వరములనిడు పాషాణ ముఖరము= సరిగమలను ధ్వనించు రాయి)
గురువు గారికి నమస్కారములు. నిన్నటి నా పూరణ చూడ గోరుతాను. ధన్యవాదములు.
శ్రీరమణియు నట చదువుల
సారము నెఱిగిన గుణవతి సరసన పతిగా
చేరగ, నా సతి వలపుల
కారాగారమున ఘన సుఖంబులు దక్కున్!
శ్రీధర రావు గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండివరములనిడు భోళా శం
కరునిన్ దర్శించ నేగు కాలంబందున్
దరి దాపున శ్రీశైల శి
ఖరమునుగనినంత నాకు గడు సంతసమౌ.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
'పద్యాల సవ్వడి'లో మీ సమీక్షలు చూస్తున్నాను. బాగుంటున్నవి. సంతోషం. అలాగే మన బ్లాగులోను సమీక్షిస్తూ నాకు కొంత శ్రమ తగ్గించవచ్చు కదా!
వరముల నొసగెడిశివునికి
రిప్లయితొలగించండిశిరమున శశి బింబమట్లు చిత్రంబుగ యే
మరువని శ్రీ శైలమున శి
ఖరమును గనినంత నాకుగడు సంతసమౌ|
కె. ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండిఆర్యా,నెట్ మొరాయించినందున నిన్నటి సమస్య నేడు స్వీకరించ మనవి.
గురు లఘు యతి గతి ప్రాసల
సరసమునౌ పద్య పఠన సరళిని మరువన్
బెరిగె వి లయ కంఠ ద్ధృతి
ఖరమును గనినంత నాకు గడు సంతసమౌ
భరమగు సంప్రదాయగత బాణియె;పాటల చిత్ర రంగమం
దరమర లేకకంఠముల నప్పటి కప్పుడె మార్చి పాడు మే
లరయగ నెంత మోదము హలా!"స్వర మెన్నగ నాది "యన్న నా
ఖరమును గాంచినంత మది కమ్మనిభావము పొంగులెత్తెడిన్
ఈ ఉవాచ ఒక చెలిది.చెలికత్తె తో తన మనో భావమును పంచుకున్న తీరిది.ఆధునిక సినిమాలలో గొంతు మరుసటి చరణంలో మార్చటం ముచ్చటగా స్వీకరిస్తున్నారు.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిబరువులు మ్రోయుచుండినను భారపు మేతను కోరకుండెడిన్
రిప్లయితొలగించండిపరువులు పెట్టుచుండినను పండుగ కానుక కోరకుండెడిన్
కరములు నాల్గు యుండినను గాజులు మెండుగ కోరకుండెడిన్
ఖరమునుఁ గాంచినంత మదిఁ గమ్మని భావము పొంగులెత్తెడిన్