కవిమిత్రులారా!
ఈరోజు పూరించవలసిన సమస్య ఇది...
"భారత గణతంత్రము జనభారం బయ్యెన్"
లేదా...
"భారతదేశమందు జనభార మగున్ గణతంత్ర మన్నచో"
[జనభారము = జనులకు భారము]
ఈ సమస్యను పంపిన పోచిరాజు కామేశ్వర రావు గారికి ధన్యవాదాలు.
ఈరోజు పూరించవలసిన సమస్య ఇది...
"భారత గణతంత్రము జనభారం బయ్యెన్"
లేదా...
"భారతదేశమందు జనభార మగున్ గణతంత్ర మన్నచో"
[జనభారము = జనులకు భారము]
ఈ సమస్యను పంపిన పోచిరాజు కామేశ్వర రావు గారికి ధన్యవాదాలు.
కౌరవ పాండవ రణముల
రిప్లయితొలగించండిధారా వాహిక పురాణ ధారల వోలెన్
పారా వారమ్ము మహా
భారత గణతంత్రము జనభారం బయ్యెన్
శంకరాభరణ సమస్యా పూరణ ప్రక్రియ:
తొలగించండిరోజంతా ఎదుటనున్న కుర్చీపై కాళ్ళు జాపి సోఫాలో చేరగిలి స్మార్టు ఫోను ఒడిలో ఉంచి తూగుతుండడం. రాత్రి పదకొండున్నర కాగానే లేచి బాత్రూములో నాలుగు మగ్గుల చన్నీటి స్నానం చేసి వేడి వేడి తేనీరు త్రాగి సోఫాలో పద్మాసనం వేసి 12.02 కోసం ఆదుర్దాతో వేచియుండం. పరీక్ష ఘంట కొట్టగానే దడదడ కొట్టే గుండెతో ఆనాటి పరీక్షా పత్రం విప్పడం. ఏమిచేయాలో తెలియక విస్తుపోవడం. రెండు నిమిషాల తర్వాత "వేవురు", "బొలతి" లాంటి పదాల అర్ధాల కోసం గూగులమ్మకు మ్రొక్కడం. ఎలాగో ఒకలా కందాన్ని కానీ తేటగీతిని కానీ కిట్టించి పదిసార్లు గణ యతి ప్రాసలను తనిఖీ చేసి మెల్లిమెల్లిగా మనసులో దణ్ణం పెట్టి "ప్రచురించు" మీట నొక్కి నిట్టూర్పు విడిచి ఏదో ఘనకార్యం సాధించినట్లు భుజాలు ఎగరేసి చల్లటి మజ్జిగ త్రాగి పక్క ఎక్కడం. మెలకువరాగానే రాజేశ్వరి గారూ జిలేబి గారూ ఏమి వ్రాశారో తనిఖీ చేయడం. దినమంతా ఘంటఘంటకీ బ్లాగు తెరిచి పొరిగింటి పుల్లకూరలను రుచిచూస్తూ ఆనందించడం. 11.30 కి శ్రీయుతులు కామేశ్వర రావు గారి పద్యాలను కుంటుకుంటూ చదివి నమస్కరించడం. రాత్రి 11.30 కు మేలుకొని పది మగ్గులు....
ప్రభాకర శాస్త్రి గారూ,
తొలగించండికొద్ది రోజులుగా మానసిక ఆందోళనలో ఉండి నిర్వేదంలో, నిరుత్సాహంలో మునిగి ఉన్న నా రోగానికి మీ 'పూరణ ప్రక్రియా వివరణ' చక్కని మందులా పని చేసింది. నాలో నూతనోత్సాహాన్ని నింపింది. కర్తవ్యబోధ చేసింది. ధన్యవాదాలు!
శాస్త్రి గారూ,
తొలగించండిమీ పూరణ బాగున్నది. అభినందనలు.
__/\__ __/\__ __/\__
తొలగించండిహ! హ! శాస్త్రి గారు మనసారా నవ్వించారు! తస్మాదపరిహార్యే౽ర్థే న త్వం శోచితుమర్హసి|
తొలగించండి
తొలగించండినడిరేయి వేళ గబగబ
దడదడ లాడుచు సమస్య 'దంగల్ ' గానన్
గడగడ గణముల పదముల
సుడిగుండము వోలె వేయుచుంటిమి సుమ్మీ :)
__/\__ __/\__ __/\__
తొలగించండి
రిప్లయితొలగించండిగణతంత్ర దిన శుభాకాంక్షలతో
సారము మెండుగ గలదౌ
భారత గణతంత్రము, జనభారం బయ్యెన్
సారథుల దుష్ట చేష్టల
తో రాసులుపోసుకున్న తుచ్చులతోడన్ !
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండిహారతులంతర్జాలపు
బేరాలకు పెట్టుబడుల పేదరికముకున్
ఘోర రియాయితులకు నీ
భారత గణతంత్రము జన భారంబయ్యెన్
సారము లేని సాయములు చాలుకు రూకలబోయు సేద్యముల్
పౌరుల చేతి సంస్థలకు బారిన విద్దెల బేరసారముల్
భైరవ యంత్ర జాలముల పైన ఘటిల్లు నుపాధి హీనతల్
గౌరవమెన్న పెట్టుబడి గవ్వలకమ్మెడి దేశ భావనల్
భారత దేశమందు జన భారమగున్ గణతంత్రమన్నచో
డా.పిట్టా
రిప్లయితొలగించండిమొదటి పూరణలో"రియాయతులకు" అని సవరించి స్వీకరరించ ప్రార్థన.జర్నలిస్టుల పదము వాడుకగొన్నది.తెలుగు లో అందరికి తెలిసినదే.
డా. పిట్టా సత్యనారాయణ గారూ,
తొలగించండిమీ రెండు పూరణలు చాలా బాగున్నవి. అభినందనలు.
'పేదరికముకు' ... 'పేదరికమునకు' అనడం సాధువు.
డా.పిట్టా
తొలగించండిఆర్యా, పెట్టుబడుల పేలవమునకున్..అని సరిచేసినాను.కృతజ్ఞతలు
మారెడి పద్ధతు లందున
రిప్లయితొలగించండిదూరని మనదేశభక్తి దూరముగాగా|
చేరని నాయకులండచె
భారత గణతంత్రము జనభారంబయ్యెన్|
2.ప్రేరణ లేని నాయకులపెత్తన మందున స్వార్థ చింతనే
జేరియు|”లోకులన్న తగు చేరిక లేకను మానవాళికిన్
కోరిన కోర్కెలన్నియును కొంటెగ మాటల మూటలుంచగా”?
భారత దేశ మందు జన భారమగున్ గణతంత్ర మన్నచో|
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
'అండచె' అని చే ప్రత్యయాన్ని హ్రస్వంగా ప్రయోగంచరాదు. 'అండను' (తృతీయార్థంలో ద్వితీయ) అనండి.
కోరుతు నూతన దేశము
రిప్లయితొలగించండిచేరుతు దాయాది చెంత చేటున కాశ్మీర్
పౌరులు మీరగ హద్దులు
భారత గణతంత్రము జనభారం బయ్యెన్
పుట్టంరాజు సునీల్ బాబు గారూ,
తొలగించండిమీ పూరణ బాగున్నది. అభినందనలు.
'కోరుచు, చేరుచు' అనండి.
గురువు గారికి ధన్యవాదాలు 🙏🏻🙏🏻🙏🏻
తొలగించండికోరుచు నూతన దేశము
చేరుచు దాయాది చెంత చేటున కాశ్మీర్
పౌరులు మీరగ హద్దులు
భారత గణతంత్రము జనభారం బయ్యెన్
గురువు గారూ!
తొలగించండినిన్నటి సమస్యపూరణము దయచేసి చూడగలరు.🙏🏻🙏🏻🙏🏻
కారడివిన జింకయ్యెను
మారీచుఁడు ;రక్షకుండు మహిఁ బ్రాణులకున్
శ్రీరాముని వంచించన్
కోరగ లంకాధిపతియె కుత్సిత బుద్దిన్
నిన్నటి సమస్యకు మీ పూరణ బాగుంది.
తొలగించండిఅడవి ఇకారాంత పద్యం. దీనికి ద్వితీయలో 'ని' వస్తుంది. 'జింక+అయ్యెను' అన్నపుడు యడాగమం వస్తుంది. అక్కడ "కారడవిని జింక యయెను" అనండి.
గురుభ్యోం నమః!🙏🏻🙏🏻🙏🏻🙏🏻
తొలగించండికారడవిని జింకయయెను
మారీచుఁడు ;రక్షకుండు మహిఁ బ్రాణులకున్
శ్రీరాముని వంచించన్
కోరగ లంకాధిపతియె
కుత్సిత బుద్దిన్
దూర తలంపునన్ జనుల తోడుగ నీడగ నిల్పు భావనన్
రిప్లయితొలగించండికోరిరి భారతంబునను కూరిమి యీ గణతంత్ర మార్గమున్
పేరు రిపబ్లికయ్యె--పదవీ చెదలేర్పడె జాతికంతకున్--
భారత దేశమందు జనభారమగగున్ గణతంత్రమన్నచో
ప్రసాద రావు గారూ,
తొలగించండిమీ పూరణ బాగున్నది. అభినందనలు.
"కూరిమి నీ గణతంత్ర...' అనండి. 'పదవీ చెదలు' అనడం దుష్టసమాసం. "పదవీప్సిత మేర్పడె..." అందామా?
అంజయ్య గౌడ్ గారి (వాట్సప్) పూరణ....
రిప్లయితొలగించండిక్రూరులు ముష్కరాధములు కూల్చెదమంచు భయంబు జూపగా
సారెకు బాంబుదాడులను సల్పుచు భీతిని గొల్పు చుండ గం
భీరత శత్రుసైన్యముల పీచ మడంచెడి యోచనంబుతో
భారతదేశమందు జన భారమగున్ గణతంత్ర మన్నచో.
అంజయ్య గౌడ్ గారూ,
తొలగించండిమీ పూరణ బాగున్నది. అభినందనలు.
"భయంబు గొల్పగా" అంటే బాగుంటుందేమో?
మైలవరపు మురళీకృష్ణ గారి (వాట్సప్) పూరణ...
రిప్లయితొలగించండిధీర సమస్త సైన్యగణ దీధితులొక్కట, బాలబాలికా
తోరణమొక్కచోట , పరితోషిత శాకట పంక్తి యొక్కచో,
వారలు నేతలందరొకవైపు , కనుంగొన నేత్రపర్వమౌ!
భారతదేశమందుఁజన భార మగున్ గణతంత్ర మన్నచో !!
(భారతదేశము! అందుఁ జనన్ భార మగున్ గణతంత్ర మన్నచో !!)
మురళీకృష్ణ గారూ,
తొలగించండిమీ పూరణ చాలా బాగున్నది. అభినందనలు.
రిప్లయితొలగించండికూరిమి గూర్చు నొరులకును
భారత గణతంత్రము; జన భారంబయ్యెన్
కోరని ముష్కర వంచన
తీరును జూడంగ నేడు దేశమునందున్!
(సవరణతో)
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
వీరాగ్రేసర త్యాగము
రిప్లయితొలగించండిచోరాగ్రేసరులపాలి చుట్టంబైనన్
నీరస పడిపోవుచు మన
భారత గణతంత్రము జన భారంబయ్యెన్
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
ఉ.వీరులు త్యాగ శీలురున్ మనకు వేసిరి బాటలు లక్ష్య సిద్ధికై
రిప్లయితొలగించండివారల చిత్తశుద్ధియే జనుల వైఖరి కావలె సాధనమ్మునన్
ఊరక సంఖ్య మాత్రమున నున్నతి పొండుట యెట్టులౌనొకో?
"భారతదేశమందు జనభార మగున్ గణతంత్ర మన్నచో"
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
మొదటి, రెండవ పాదాలలో గణదోషం. సవరించండి.
హారతు లీయ భారత వి
రిప్లయితొలగించండియత్తల మంతయు కాంతులీన, నా
వీర జవాను శక్తికిని,
విశ్వమనోజ్ఞ సమంచిత ప్రభన్
దీరెడు నాపతాకకును,
దిక్కుల దీధితు లొప్పి నేడు, నా
భారతదేశమందు జన
భారమగున్ గణతంత్ర మన్నచో!
శర్మ గారూ,
తొలగించండిచక్కని పూరణ. అభినందనలు.
పారావారత్రయ పరి
రిప్లయితొలగించండివారిత ధరణీ తల పరిపాలక కువ్యా
పారావగ్రహణకరణ
భారత గణతంత్రము జనభారం బయ్యెన్
వేరుగ బీదసాదలకుఁ బెన్నిధి నింపుగఁ గూర్పు నేర్పులన్
పేరిమి శాస్త్ర సంకలిత విద్యల సాధ్య పురోభి వృద్ధినిన్
ధారుణి నున్న దేశముల దౌత్యము నర్మిలి సల్ప నేవిధిన్
భారతదేశమందు జనభార మగున్ గణతంత్ర మన్నచో?
బారియ బీదసాదలకుఁ బండుగ పాలక పంక్తి కిద్ధరం
జేరవు నిత్య మర్హులకు క్షేమదపుం బథకమ్ము లెల్లయున్
బారులు తీరి మ్రగ్గినను బన్నుగఁ బొందుదు రస్మదీయులే
భారతదేశమందు జనభార మగున్ గణతంత్ర మన్నచో
కవివర్యులకు బహుపరాక్కులు!
తొలగించండి🙏🙏🙏🙏🙏
ధన్యవాదములండి డా.సీతా దేవి గారు
తొలగించండిపోచిరాజు కామేశ్వర రావు గారూ,
తొలగించండిమీ మూడు పూరణలు చాలా బాగున్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిచోరులు నాయకులై కడు
రిప్లయితొలగించండిఘోరముగా ప్రజలసొమ్ము కొల్లపఱచగన్
నేరస్థులపాలుబడిన
భారత గణతంత్రము జనభారం బయ్యెన్
పౌరుల జీవితమ్ములకు భద్రతనిచ్చెదమంచు నాయకుల్
రిప్లయితొలగించండిసారపు నిర్ణయమ్ములను చక్కగఁ జెప్పుచు గద్దెలెక్కుచున్
నేరములన్ చెలంగుచును, నేర్పుగ దోచజనమ్ముసంపదల్
భారత దేశమందు జన భారమగున్ గణతంత్రమన్నచో
అన్నపరెడ్డి సత్యనారాయణ రెడ్డి గారూ,
తొలగించండిమీ రెండు పూరణలు బాగున్నవి. అభినందనలు.
వీరోచిత కార్యముల
రిప్లయితొలగించండిస్వారాజ్యంబును గడించి సంబర పడగన్
పేరాశయె పాలకులౌ
భారత గణతంత్రము జన భారంబయ్యన్
గురువు గారికి నమస్కారము!
తొలగించండిరెండవ పాదంలో స్వారాజ్యం పదం వల్ల మొదటి పాదం చివరి అక్షరం గురువు అవుతుందనుకున్నాను! కాని స్వ అనేది తెలుగు పదం కనుక గురువు కాదని మా అన్నయ్య ద్వారా తెలిసింది! కనుక నా మార్చిన పూరణ క్రింది విధంగా గ్రహించ గలరు!
వీరోచిత కార్యమ్ముల
స్వారాజ్యంబును గడించి సంబర పడగన్
పేరాశయె పాలకులౌ
భారత గణతంత్రము జన భారంబయ్యెన్!
"కార్యముల స్వారాజ్యంబును":
తొలగించండి"స్వారాజ్య" సంస్క్రుత పదం. "కార్యముల" తెలుగు పదం. వీటికి సంధి లేదు. అందుకని "ల" లఘువని కామేశ్వర రావు గారు గతంలో ఉవాచ.
తప్పును సరిదిద్దినందుకు ధన్యవాదములు!!
తొలగించండిగుఱ్ఱం సీతాదేవి గారూ,
తొలగించండిమీ పూరణ బాగున్నది. అభినందనలు.
చేరుచు రాజకీయమున చిక్కగ నాపదవీ ప్రతిష్ఠలున్
రిప్లయితొలగించండికోరుచు వారసత్వమును గుహ్యము గాగ స్వకీయ లబ్ది కై
పోరున యోధునింబలె నభూతగతిన్ చరియించ నాయకుల్
భారతదేశమందు జనభార మగున్ గణతంత్ర మన్నచో
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
పూరాస్వార్ధముతోడను
రిప్లయితొలగించండినేరాలకుబాలుపడుచునేతలుమిగులన్
జూరగొనంగనుసంపద
భారతగణతంత్రముజనభారంబయ్యెన్
సర్వులుదాముగానిపుడుశస్త్రచికిత్సలుచేసికోనిచో
రిప్లయితొలగించండిభారతేశదేమందుజనభారమగున్ ,గణతంత్రమన్నచో
పౌరులచేతనేనికనుబౌరులశ్రేయముగూర్చియేసుమా
పౌరులకేర్పడెన్నిదియపూర్వపునాయకులెల్లమెచ్చగన్
పోచిరాజు సుబ్బారావు గారూ,
తొలగించండిమీ రెండు పూరణలు బాగున్నవి. అభినందనలు.
'పూరా' అని అన్యదేశ్యాన్ని ప్రయోగించారు.
ఉత్పలమాల మొదటిపాదంలో ప్రాస తప్పింది. 'చేసికోనిచో' అని గ్రామ్యం. "చేతనే యికను" అనండి.
🍀 *శంకరాభరణం*🍀
రిప్లయితొలగించండి🌷 *సమస్య పూరణం* 🌷
🍀 కవిః- *విరించి* 🍀
🌷 సమస్యః *భారత గణతంత్రము జనభారం బయ్యెన్*
లేదా...
*భారతదేశమందు జనభార మగున్ గణతంత్ర మన్నచో*
చోరులవినీతి పరులును
నేరములనుజేయువారె నేతలు కాగా
పోరాడి గెల్చు కొన్నను
భారత గణతంత్రము జనభారంబయ్యెన్
బారులు తీరిచేరెదరు భారత భాగ్యవిధాత శోకమున్
గోరుతు, తీవ్రవాదులిట గుట్రలు పన్నగ వాటితోడుగన్
పౌరులనేలుపాలకుల పాపపు కృత్యములెన్నియో గనన్
భారతదేశమందు జనభారమగున్ గణతంత్రమన్నచో .
విరించి గారూ,
తొలగించండిమీ రెండు పూరణలు బాగున్నవి. అభినందనలు.
(మీరు కేవలం పూరణలను పోస్ట్ చేయండి. మిగతా వివరాలు అక్కరలేదు).
మీరిరి కోర్టుల తీర్పులు
రిప్లయితొలగించండిమీరిరి మన చట్ట సభలమేలగు తీర్పుల్
మీరుచునుండిరి నీతులు
భారత గణతంత్రము జనభారం బయ్యెన్"
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
అందరికీ గణతంత్ర దినోత్సవ శుభాకాంక్షలు
రిప్లయితొలగించండి--------------------------------------
ఘోరము కలియుగ వింతలు
భారత గణతంత్రము జనభారం బయ్యెన్
తీరము దొరకదు మనసుకు
సారము లేనట్టి బ్రతుకు జరగదు వెలితిన్
---------------------------------
రెండు రోజులనుంచీ మనసు బాగుండక ఎమీ రాయలేక ఊరుకున్నాను . సోదరులు శాస్త్రిగారి ప్రక్రియ చదివాక రాయాలని పించింది.శాస్త్రి గారు చెప్పింది అక్షరాల నిజం. మాకు పగలు 1.30 కి [లంచ్ తిన్నాక సమస్య చూడటం] [అప్పుడు వస్తుంది]. కాసేపు ఎమీ తోచక తరవాత దెవుణ్ణితల్చుకుని కుస్తీ పట్టడం.గురువులు శంకరయ్యగాగు కనబడక పోతె అదికుడా మానేయ్యడం .ఇదీ దినచర్య . శాస్త్రిగారు ధన్య వాదములు
అక్కయ్యా,
తొలగించండిమీ పూరణ బాగున్నది. అభినందనలు.
మీ దినచర్యా వివరాలు ఆనందాన్ని, క్రొత్త ఉత్సాహాన్ని కలిగించాయి.
dhanya vaadamulu
తొలగించండి__/\__
తొలగించండి
రిప్లయితొలగించండిపిన్నక నాగేశ్వరరావు.
నేరస్థులె పాలకులవ
వీరుల త్యాగంపు ఫలము వృధయై పోగా
పౌరుల భద్రత కరవై
భారత గణతంత్రము జన భారంబయ్యెన్.
***********************************
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
వీరుల త్యాగాల ఫలమె
రిప్లయితొలగించండిభారత గణ తంత్రము! జనభారంబయ్యె
న్నీ రాజకీయమేలెడి
వారల యవినీతి కూడు పాలన మిచటన్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
భూరిగ,పరిదానములిడి
రిప్లయితొలగించండినేరములకు దండన లిడ నేరక వారిన్
సైరించుచు వచ్చిన యీ
భారత గణతంత్రము జనభారంబయ్యెన్|
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
వర్షము రాని వర్షమున పంటలు బండక నన్నదాతలున్
రిప్లయితొలగించండిహర్ష విహీనులై యమిత యాతన జెందుదు, రప్పుడప్పడున్
వర్షపు టుగ్ర రూపమున పంటలు నాశన మొందు,నిత్తరిన్
వర్ష మొసంగు రైతున కవారిత చింతనుఁ దీవ్ర దుఃఖమున్
*సహస్రకవిరత్న,కవిభూషణ శ్రీమతి జి సందిత బెంగుళూరు*
రిప్లయితొలగించండి*కవిమిత్రులారా!*
*"భారత గణతంత్రము జనభారం బయ్యెన్"*
లేదా...
*"భారతదేశమందు జనభార మగున్ గణతంత్ర మన్నచో"*
పోరినవీరులెల్లరటుపోయిరిస్వర్గముచేరనప్పుడే
దారులజూపిస్వీయగణతంత్రపుపాలనచేకొనంగస
ర్కారులనున్నవారలకుకాంచకృతజ్ఞతసూన్యమౌటనీ
*"భారతదేశమందు జనభార మగున్ గణతంత్ర మన్నచో*
*సహస్రకవిరత్న,కవిభూషణ*
*శ్రీమతి జి సందిత బెంగుళూరు*
బారులు స్మార్టుఫోనులును బంగరు స్మగ్లురు లిండిగోలునున్
రిప్లయితొలగించండికోరికలన్ని తీర్చెడివి గొప్పటి మాలులు రాహ్లుబాబలున్
కారులు మేడలున్ క్రెడిటు కార్డులు రాగను నెవ్విధమ్మునన్
"భారతదేశమందు జనభార మగున్ గణతంత్ర మన్నచో"?