19, మే 2017, శుక్రవారం

సమస్య - 2364 (ధ్యాన మొనరించ...)

కవిమిత్రులారా!
ఈరోజు పూరించవలసిన సమస్య ఇది...
"ధ్యాన మొనరించ మిగుల నజ్ఞాన మొదవు"
(లేదా...)
"ధ్యాన మొనర్చుటే మిగుల నజ్ఞతగా గణియింత్రు సజ్జనుల్"
ఈ సమస్యను పంపిన పోచిరాజు రామమోహన రావు గారికి ధన్యవాదాలు.

75 కామెంట్‌లు:

  1. దృష్ఠి నిల్పవాయె నినెన్ని తిట్టు చున్న
    సగము సగము పనులు జేసి సాగి పోదు
    వెటుల మారక పోయిన నిచ్చును పర
    ధ్యాన మొనరింప మిగుల నజ్ఞాన మొదవు.

    రిప్లయితొలగించండి
    రిప్లయిలు
    1. తోపెల్ల వారూ,
      మీ పూరణ బాగున్నది. అభినందనలు.
      'పరధ్యాన' మన్నపుడు 'ర' గురువై గణదోషం. అక్కడ "పెర। ధ్యాన" మనండి.

      తొలగించండి
  2. రిప్లయిలు
    1. పూజ్యులు శ్రీ శంకరయ్య గారి సవరణతో:

      అగ్రే వహ్నిః పృష్ఠేభానుః రాత్రౌ చుబుకసమర్పితజానుః
      కరతలభిక్షస్తరుతలవాసః తదపి న ముంచత్యాశాపాశః


      పగలు రాత్రి యనక నిద్ర భద్రత విడి
      తిండి తిప్పలు లేకనె మొండి జేసి
      సుఖములన్ని వీడియు చిత్తశుద్ధి లేని
      ధ్యాన మొనరించ మిగుల నజ్ఞాన మొదవు

      తొలగించండి
    2. ప్రభాకర శాస్త్రి గారూ,
      చక్కని భావంతో మంచి పూరణ చేశారు. అభినందనలు.

      తొలగించండి
  3. ఆయురారోగ్యములబెంచు నవని నరుడు
    నియమ నిష్ఠల తోడున నిరతముగను
    ధ్యానమొనరించ , మిగుల నజ్ఞాన మొదవు
    బద్దకమ్మని చెప్పిరే పెద్ద లెల్ల

    రిప్లయితొలగించండి
  4. శక్తులను పొందవచ్చును భక్తి తోడ
    ప్రణవ నాదంబు లనిడుచు పరమ శివుని
    ధ్యాన మొనరించ, మిగులనజ్ఞాన మొదవు
    నాస్తి కత్వముం గలిగిన నరుల జాతి

    రిప్లయితొలగించండి
  5. పసయు శక్తిని లేని తాపసినిఁజేరి
    ధ్యాస లేనట్టి గురుని ప్రార్ధనలు సలిపి
    మోసపరుడగు సన్న్యాసి మందుఁజేరి
    ధ్యానమొనరింప మిగుల నజ్ఞానమొదవు

    రిప్లయితొలగించండి
  6. డా.పిట్టా
    కానలను జేర జాలని ఘనులు నింట
    జరుపు యష్టాక్షరిది యనసరకు గొనుడు
    "ఎ.వ.రి.కొం.ప.ముం.చా.లె";పో! నెనరు లేని
    ధ్యాన మొనరించ మిగుల నజ్ఞాన మొదవు!

    రిప్లయితొలగించండి
  7. డా.పిట్టా
    పూనియు నాసనాల్ గదుర ప్రొద్దున లేచును యోగవిద్య లో
    కానికి మేలటంచు తన కాయము డస్సిన నోర్చు, ప్రార్థనల్
    మానడు, సాత్త్వికంపు ఘనమైన ఫలాదుల నారగించు లే!
    ధ్యాన మొనర్చుటే మిగుల;నజ్ఞతగా గణియింత్రు సజ్జనుల్!!

    రిప్లయితొలగించండి
    రిప్లయిలు
    1. పిట్టా వారూ,
      మీ రెండు పూరణలు బాగున్నవి. అభినందనలు.
      మొదటి పూరణ మూడవ పాదంలో యతి తప్పింది. "ఎవరి కొంప ముంచాలె(?)పో హిత మెరుగని"* అందామా? 'ముంచాలె' అన్నది వ్యావహారికం. ఇక్కడ మీరు జన వ్యవహారాన్నే ప్రస్తావించారు కనుక దోషం కాదనుకుంటాను. కాదనుకుంటే "ఎవరి కొంప ముంచుదు" అనవచ్చు.

      తొలగించండి
    2. డా.పిట్టానుండి
      ఆర్యా,౮అక్షరిని ఇమిడించే తొందరలో జరిగిన తృటిని సూచన మేరకు సవరించాను.కృతజ్ఞతలు.

      తొలగించండి
  8. ద్వైత సిద్ధాంతమది లేదు దైవ మొకటి
    నీకు నాకును భేదమ్ము నిండు సున్న
    యంచు పరమాత్మ పైదృష్టి నుంచలేని
    ధ్యానమొనరింప మిగులనజ్ఞాన మొదవు
    శ్రీహర్ష

    రిప్లయితొలగించండి
  9. మద్యపానంబు చౌర్యంబు మానవతకు
    దూరమైనట్టి పనులను తోరముగను
    చేయుచుండుట మొదలగు చేష్టల పయి
    ధ్యాన మొనరించ మిగుల నజ్ఞాన మొదవు.

    మానము నెంచబోవకను మానవతన్ విడనాడి మద్యమున్
    పానము చేయుచుండి బహుభంగుల బొంకులు పల్కుటెల్లెడన్
    జానగు కార్యమంచు తన స్వాంతము నందున నిత్య మేవిధిన్
    ధ్యాన మొనర్చుటే మిగుల నజ్ఞతగా గణియింత్రు సజ్జనుల్.

    హ.వేం.స.నా.మూర్తి.

    రిప్లయితొలగించండి
    రిప్లయిలు
    1. సత్యనారాయణ మూర్తి గారూ,
      ప్రశస్తమైన పూరణలు. అభినందనలు.

      తొలగించండి
  10. తేనియలొల్కు కమ్మనగు దేవుని నామము సంస్మరింపగా
    మానసమందు నెంచుకొని మందిర మేగిన భక్తవర్యుడా
    స్థానమునందు చిత్తమున సారవిహీనము తుచ్ఛమౌ పర
    ధ్యాన మొనర్చుటే మిగుల నజ్ఞతగా గణియింత్రు సజ్జనుల్

    రిప్లయితొలగించండి
    రిప్లయిలు
    1. సోమయాజులు గారూ,
      మిక్కిలి చక్కని పూరణ నందించారు. అభినందనలు.

      తొలగించండి
  11. కానక యీశుని న్కుటిలకాంక్షలచట్రమునందు బందియై
    నేనును నీవనే భ్రమల నిత్యము జోగుచునుండి సూక్తులన్
    వీనులబెట్టక న్సతము వెర్రిగ తుచ్ఛసుఖాల గోరుచున్ ధ్యాన మొనర్చుటే మిగుల నజ్ఞతగా గణియింత్రు సజ్జనుల్.

    రిప్లయితొలగించండి
    రిప్లయిలు
    1. మిస్సన్న గారూ,
      మనోజ్ఞమైన పూరణ. అభినందనలు.
      'అనే' అని వ్యావహారికాన్ని ప్రయోగించారు. "నేనును నీవటంచు భ్రమ నిత్యము..." అంటే ఎలా ఉంటుంది?

      తొలగించండి
    2. గురువుగారూధన్యవాదములు.మీసవరణకుధన్యవాదములు.

      తొలగించండి
  12. [5/17, 8:00 PM] Dr Umadevi B: 9493846984



    విజ్ఞతయు హెచ్చుచుండును విస్తృతముగ

    ధ్యానమొనరింప, మిగుల నజ్ఞానమొదవు

    సతము పెద్దల మాటలన్ శ్రద్దతోడ

    నాలకింపక యున్నచో నవనియందు

    రిప్లయితొలగించండి
  13. పూనిక పుణ్య కార్యముల బొత్తిగ జేయక దైవప్రాభవ
    మ్మానక పండితాగ్రజుల నక్కట దూషణ జేయుచున్ సురా
    పాన మొనర్చుచున్ తిరుగు పాపియొకండిటు పల్కె నిష్టతో ధ్యానమొనర్చుటేమిగుల నజ్ఞతగా గణియింత్రు సజ్జనుల్
    వీటూరి భాస్కరమ్మ

    రిప్లయితొలగించండి
  14. పూనియొక లిప్తపాటును పొల్పుమీరి
    వడలునొంచని సోమరి నుడివెనిట్లు
    చాలు చాలును దంభముల్పేలవలదు
    ధ్యాన మొనరించ మిగుల నజ్ఞాన మొదవు
    వీటూరి భాస్కరమ్మ

    రిప్లయితొలగించండి
    రిప్లయిలు
    1. భాస్కరమ్మ గారూ,
      మీ రెండు పూరణలు బాగున్నవి. అభినందనలు.
      'ఒడలు'ను 'వడలు' అన్నట్టున్నారు.

      తొలగించండి

  15. వీనియ నందు తంత్రులటు వీనుల విందుగ జేయు నాదమై
    జ్ఞానము, భక్తి కర్మల సజావుగ జేయ వలెన్ జిలేబి, ఓ
    మానిని! నీవు మేలుగన మార్గము జీవన మందునన్ సదా
    ధ్యాన మొనర్చుటే! మిగుల యజ్ఞతగా గణియింత్రు సజ్జనుల్!

    జిలేబి

    రిప్లయితొలగించండి
    రిప్లయిలు
    1. హమ్మయ్య! ఇన్నాళ్ళకి నాకు కూడా అర్ధం అయేలా అందమైన పద్యం వ్రాసితిరి. చాలా సంతోషం!!!

      తొలగించండి
    2. జిలేబీ గారూ,
      మీ పూరణ బాగున్నది. అభినందనలు.
      'అజ్ఞతగా దేనిని గణిస్తారు?'

      తొలగించండి

    3. మిగుల (ధ్యానము చేయకుండా మిగిలితే అజ్ఞతే అని సర్దేసుకోవాలి :)

      జిలేబి

      తొలగించండి


    4. ధన్యవాదాలండి

      జీ పీయెస్ వారు మీకు పద్యమర్థమైనందుకు సంతోషం గా ఉంది :)


      నమో జీపీయెస్ వారికి! సుజన ! నా పద్యమున్ మీ
      రు మెచ్చారయ్యా!యందులకు నెనరుల్ మీకు సుమ్మీ !
      సమాళించామంతే ! పదములను సామ్యంబు గాంచం
      గ మా యత్నంబున్జేయ సరసము గా పద్య మొచ్చెన్ :)

      జిలేబి

      తొలగించండి
    5. జిలేబి గారూ క్రొత్త పద్యములను వ్రాయు నపుడు వృత్తము పేరు కూడా వ్రాయండి. ఇది చంద్రశ్రీ వృత్తమా?

      తొలగించండి
    6. పద్యము+ వచ్చెనః పద్యమొచ్చెన్ అని సంధిచేయరాదుగదా.పద్యము+అయ్యెన్ పద్యమయ్యెన్ అంటే సరిపోతుందేమో?

      తొలగించండి

    7. శ్రీ రెడ్డి గారికి

      మీ సవరణల కు నెనర్లు

      అవునండీ చంద్రశ్రీ వృత్తమే

      జిలేబీ నీపద్యమ్ముల దరువు చిత్రమ్ము సుమ్మీ :)

      జిలేబి

      తొలగించండి
  16. హిరణ్యకశిపుడు సుతుడు ప్రహ్లాదునితో

    బాల! ప్రహ్లాద! సంవాదమేల నయ్య
    శ్రీహరి మనకహితుఁడౌచు చేర రాడు
    శత్రువైనట్టి వానిని జపతపముల
    ధ్యాన మొనరించ మిగుల నజ్ఞాన మొదవు!

    రిప్లయితొలగించండి
  17. అధ్యయనమునేకాగ్రత నంద జేయు
    చక్కనౌ జ్ఞానము తెలివి సరళరీతి
    చెడుతలంపుల నూహల చిత్త ముండ,
    ధ్యాన మొనరించ మిగుల నజ్ఞాన మొదవు

    రిప్లయితొలగించండి
  18. ధ్యానము మోక్ష సాధనకు తారకమై విలసిల్లునీ భువిన్
    దానినయోగ్యులెల్ల ధన దాహము దీర్చెడి సాధనంబుగన్
    మానము వీడి మార్చిరథమంబుగ వారల నాశ్రయించియున్
    ధ్యాన మొనర్చుటే మిగుల నజ్ఞతగా గణియింత్రు సజ్జనుల్

    రిప్లయితొలగించండి
  19. అచ్ఛు తప్పు పడింది మన్నించండి
    శ్యామల

    రిప్లయితొలగించండి
  20. మోక్షమును పొందవలెనను దీక్షతోడ
    పుష్కరాక్షుని గుడికేగి మొక్కుబడిగ,
    తలచుచు మనస్సు నందున ధనముగూర్చి
    ధ్యాన మొనరించ మిగుల నజ్ఞాన మొదవు

    రిప్లయితొలగించండి
  21. శుద్ధి జేయుచు చిత్తమున్, సుస్థమొసగు
    నేకదృష్టిని నిలుపుచు నెవ్వరైన
    ధ్యానమొనరించ, మిగుల నజ్ఞానమొదవు
    మనసు లగ్నము జేయక జనులు జదువ!!!

    రిప్లయితొలగించండి
  22. కొంగజపమును జేయుచు భంగు తాగి
    సంఘవిద్రోహ శక్తుల సరస జేరి
    మభ్య బెట్టుచు జనులను మస్కరిగను
    ధ్యానమొనరించ మిగుల నజ్ఞానమొదవు!!!

    రిప్లయితొలగించండి
  23. దీనులఁ గూర్చితల్చకను తీవ్రపు స్వార్థపు బుద్ధితోడుతన్
    కానుక లన్నియున్ గొనుచు కంజదలాక్షుని దేవళమ్మునన్
    జ్ఞానితెరంగు శ్రీ ధరుని గానము తోడ నటించు తుచ్ఛమౌ
    ధ్యాన మొనర్చుటే మిగుల నజ్ఞతగా గణియింత్రు సజ్జనుల్

    రిప్లయితొలగించండి
  24. కలిమి సుఖ శాంతులకు మూల కారణమని
    మహిని సర్వము కరతలామలకమనియు
    పరమ పదమును విడనాడి సిరులగోరి
    ధ్యానమొనరించ మిగులనజ్ఞానమొదవు

    రిప్లయితొలగించండి
  25. క్రొవ్విడి వెంకట రాజారావు:

    వాయితో దైవ నామమ్ము పలుకకుండి
    కరము నందున జపమాల కదల నీక
    నిండుగ మది నితరముల నిలిపి యుండి
    ధ్యాన మొనరించ మిగుల నజ్ఞాన మొదవు.

    రిప్లయితొలగించండి
  26. డా.పిట్టా
    పూనియు నాసనాల్ గదుర ప్రొద్దున లేచును యోగవిద్య లో
    కానికి మేలటంచు తన కాయము డస్సిన నోర్చు, ప్రార్థనల్
    మానడు, సాత్త్వికంపు ఘనమైన ఫలాదుల నారగించు లే!
    ధ్యాన మొనర్చుటే మిగుల;నజ్ఞతగా గణియింత్రు సజ్జనుల్!!

    రిప్లయితొలగించండి
  27. ధ్యాన ధ్యాతయు ధ్యానము తావు లెరిగి
    శాస్త్ర మర్మము తెలియగ చక్క గాను
    నపుడు జరుగును ధ్యానము నట్లుగాక
    ధ్యాన మొనరించ మిగుల నజ్ఞాన మొదవు
    శాస్త్ర నిర్ణయము ననుసరించి ధ్యానం చేసేదికాదు జరిగేది అని విజ్ఞులకు తెలిసినదే అలాకాక ధ్యానం చేసేది అనుకొని చేస్తే అజ్ఞానమే కలుగుతుంది అని పూరణ చేశాను.విజ్ఞులు ఆదరింతురు గాక

    రిప్లయితొలగించండి
    రిప్లయిలు
    1. మూర్తి గారూ,
      మీ పూరణ బాగున్నది. అభినందనలు.
      'ధ్యాన ధ్యాతయు' అన్నపుడు 'న' గురువై గణదోషం. 'తగిన ధ్యాతయు...' అందామా?

      తొలగించండి
    2. సవరణ చేసినందుకు కృతజ్ఞతలు
      తగిన ధ్యాతయు ధ్యానము తావు లెరిగి
      శాస్త్ర మర్మము తెలియగ చక్క గాను
      నపుడు జరుగును ధ్యానము నట్లుగాక
      ధ్యాన మొనరించ మిగుల నజ్ఞాన మొదవు

      తొలగించండి
  28. తానిల ధ్యాన బోధకుడు తర్కము జెప్పుచు గ్రంథసాంగుడై
    చానలు చేరగన్ వెకిలి చర్యల కౌగిలి, ముద్దులాటలన్
    గానఁగ వచ్చి కృష్ణుడను కల్మష మంటదు నాకటంచు పెన్
    ధ్యానమొనర్చుటే మిగుల నజ్ఞతగా గణియింత్రు సజ్జనుల్

    రిప్లయితొలగించండి

  29. ధ్యానము వల్లనే దెలియు దైవమొకండు జగత్తు మిధ్యగా
    ధ్యానము వల్లనే తొలగు దైహిక కర్మల పాప పుణ్యముల్
    మానిసి నట్టిధ్యాన ఫలమందగ యత్నము జేయకన్ పర
    ధ్యానమొనర్చుటే మిగుల నజ్ఞతగా గణియింత్రు సజ్జనుల్
    శ్రీహర్ష

    రిప్లయితొలగించండి
  30. ధ్యాన మొనరించ మిగుల నజ్ఞాన మొదవు
    ననఁగ రా దెవ్వరికి నేల ననఁగ ధ్యాన
    మిచ్చు నిలఁ జిత్త శాంతిని నేరి కైన
    శాంత చిత్తుఁడు వర్ధిల్లు సద్గుణముల


    మానవ జన్మ సర్వ భవ మండన మిద్ధరఁ బొంద భాగ్యమౌ
    గాన సుమోక్ష సిద్ధికి నిగాదము విజ్ఞులచే నిలన్ సురా
    పాన పలాన్న భక్షణకు బానిసలై యిహ లోక కామద
    ధ్యాన మొనర్చుటే మిగుల నజ్ఞతగా గణియింత్రు సజ్జనుల్

    రిప్లయితొలగించండి
    రిప్లయిలు
    1. కామేశ్వర రావు గారూ,
      మీ మొదటి పూరణ మీ అన్నగారి పూరణలను తలపించింది.
      'కామద ధ్యానము' చేత మీ రెండవ పూరణ మీ ప్రత్యేకతను చాటుతున్నది.
      రెండు పూరణలూ మనోహరాలు. అభినందనలు.

      తొలగించండి
  31. ముక్తి సాధన కొఱకయి రక్తి విడక
    కోరికల తోడి నిత్యము పోరు సలిపి
    విషయ వాంఛల విడివడు విధము లేని
    ధ్యానమొనరించ మిగుల నజ్ఞానమొదవు!

    రిప్లయితొలగించండి




  32. హరిని ధ్యానించు తనయుని యిష్టపడక

    నాలకింపుము నామాట యాదరాన

    ధ్యానమొనరించ మిగులనజ్ఞాన మొదవు

    ననుచు ప్రహ్లాదు తోపల్కె నసురవరుడు


    నియమ నిష్ఠలతోడను నెమ్మనమున

    తలచిన పనులు నెరవేరు ధైర్యమూని

    ధ్యానమొనరింప,మిగుల నజ్ఞానమొదవు

    నట్లుగాక పరుల దిట్ట నవనియందు.

    రిప్లయితొలగించండి
  33. హానియెనాయె కాంగ్రెసుకు
    హైదరబాదున రాహులన్నరో!
    దీన పరిస్థితిన్ దలచి తీరిక మీరగ చంద్రశేఖరున్
    ధ్యాన మొనర్చుటే మిగుల నజ్ఞతగా గణియింత్రు సజ్జనుల్
    కోనల కోనలన్ దవిలి కొండల ముచ్చుల పట్టగావలెన్

    రిప్లయితొలగించండి