25, జులై 2018, బుధవారం

సమస్య - 2742 (సాగర జలమ్ము...)

కవి మిత్రులారా,
ఈరోజు పూరింపవలసిన సమస్య ఇది...
"సాగర జలమ్ము తీయన చక్కెరవలె"
(లేదా...)
"సాగరమందు నీరమది చక్కెర తీరునఁ దియ్యనౌ సుమీ"

93 కామెంట్‌లు:

  1. మన పురాణము లన్నియు ఘనము ఘనము
    చదివితినిర వింతగ పాల సంద్రములను
    పారజూచిన దొరకును పంచదార
    సాగర జలమ్ము తీయన చక్కెరవలె

    రిప్లయితొలగించండి
    రిప్లయిలు
    1. "Seven intermediate oceans consist of salt-water, sugarcane juice, wine, ghee, yogurt, milk and water respectively.[2][3]"

      https://en.m.wikipedia.org/wiki/Jambudvipa

      తొలగించండి
    2. మైలవరపు వారి సవరణ:

      మన పురాణము లన్నియు
      ఘనము, లందు
      పాల సంద్రము గలదట్లె పారజూడ
      పంచదారకు దొరుకును వార్ధి , యట్టి
      సాగర జలమ్ము తీయన చక్కెరవలె

      తొలగించండి
    3. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించండి
  2. మైలవరపు వారి పూరణ

    భోగవిలాసవస్తుపరిమూఢునికిన్ గన జీవితంబు నా
    సాగరమౌను , తజ్జలము క్షారము ., దాను నిమిత్తమాత్రుడై
    రాగవిహీనుడై చెలగ రమ్యము జీవితమెల్ల ., వానికా
    సాగరమందు నీరమది చక్కెర తీరునఁ దియ్యనౌ సుమీ !!

    మైలవరపు మురళీకృష్ణ వెంకటగిరి

    రిప్లయితొలగించండి
  3. మూగగ కన్నులన్ గలిపి ముచ్చట దీరగ మాటలాడుచున్
    వేగము మీరగా హృదయవీథుల రాగము రెండుగుండెల
    న్నాగక నిండుచున్ తొణుకులాడెడి సంద్రము రూపుదాల్ప; నా
    సాగరమందు నీరమది చక్కెర తీరున దీయనౌ సుమీ !

    రిప్లయితొలగించండి
  4. సమస్య :-
    "సాగర జలమ్ము తీయన చక్కెరవలె"

    తే.గీ*

    ఉప్పు శాతమధికముగా నున్న నీరు
    శుద్ధి జేసి నీటి కొరత సులువు దీర్చు
    కొనిరరబ్బుదేశీయులు కొన్ని కఠిన
    సాగర జలమ్ము తీయన చక్కెరవలె
    ..................✍చక్రి

    రిప్లయితొలగించండి
  5. మనదు క్షేమమ్ముగోరుచు మాటలాడు
    వారి మాటలఁ గాంచిన వసుధ యందు
    సాగర జలమ్ము, తీయని చక్కెర వలె
    నుండవవి గాని సమకూర్చు దండి మేలు.

    రిప్లయితొలగించండి
    రిప్లయిలు
    1. విరించి గారూ,
      విరుపుతో అద్భుతమైన పూరణ చెప్పారు. అభినందనలు.
      'మనదు' శబ్ద సాధుత్వం గురించి ప్రస్తుతం చర్చ కొనసాగుతున్నది.

      తొలగించండి
  6. మంకు పట్టును పట్టకు శంకలేదు
    ఔషధమ్మిది తొలగించు నామయమును
    చేకొనంగను దగు పుత్ర! చేదు కాదు
    సాగర! జలమ్ము తీయన చక్కెరవలె.

    వేగమె రమ్ము పుత్రక! నవీనము సత్యము విశ్వసింపుమా
    రోగము ద్రుంచివేయు నతిరుచ్యము నిన్ననె తెచ్చినాను నీ
    వేగతి శంకపూనవల దించుక చేకొను మోయి క్షేమమౌ
    సాగర! మందునీర మది చక్కెర తీరునఁ దియ్యనౌ సుమీ





    రిప్లయితొలగించండి
    రిప్లయిలు
    1. హరి వేంకట సత్యనారాయణ మూర్తి గారూ,
      సాగర శబ్దాన్ని సంబోధనగా చేసి చెప్పిన మీ రెండు పూరణలు ప్రశస్తంగా ఉన్నవి. అభినందనలు.

      తొలగించండి
  7. భోగములంద వచ్చు నల!భోజన మందున పాన్పులందునన్
    రాగము దీయవచ్చు ననురాగము తోడుత దంపతుల్ భళా
    జాగును సేయకండిమరి జాగృతులై వడి నీదరండి *సం*
    *సాగరమందు నీరమది చక్కెర తీరునఁ దియ్యనౌ సుమీ*

    రిప్లయితొలగించండి
    రిప్లయిలు
    1. శ్రీహర్ష గారూ,
      మీ పూరణ బాగున్నది. అభినందనలు.
      'సంసారసాగరము' నకు 'సంసాగరము' అన్న కొత్త పదాన్నిసృష్టించారా?

      తొలగించండి
  8. భక్త జన రక్షకుడు ! దీన బాంధవుడు! పి
    లిచిన పలుకెడు ప్రేమమూర్తి! సతము కడు
    దురితముల బాపు విశ్వనాథుని కరుణపు
    సాగర జలమ్ము తీయన చక్కెరవలె

    ~ ఆకుల శాంతి భూషణ్
    వనపర్తి

    రిప్లయితొలగించండి


  9. పొసగు నాగార్జునుని పేరు పొందినట్టి
    సాగర జలమ్ము తీయన చక్కెరవలె,
    వెలుగు తేటగీతి మనది వెలుగు లొల్కు
    తెలుగు జాతిమనది నిండు తెరగుల భళి!

    జిలేబి

    రిప్లయితొలగించండి

  10. సుబ్బారావు గారే మాకివ్వాళ మార్గ దర్శకులు :)


    పోగయి నాము పొందికగ పూరణలన్ భళి జేయ శంకరా!
    జోగుచు పొద్దు పూట మరి జోరుగ స్వాదము గాంచినారకో?
    హేగురు!యేమి చెప్పితిరి! యెక్కడ సుమ్మి జిలేబి పోకడన్
    సాగరమందు నీరమది చక్కెర తీరునఁ దియ్యనౌ సుమీ?

    జిలేబి

    రిప్లయితొలగించండి
    రిప్లయిలు
    1. జిలేబీ గారూ,
      మీ రెండు పూరణలు బాగున్నవి. అభినందనలు.
      'సుబ్బారావు' గారి మార్గాన్ని బాగానే గుర్తు పట్టారే! అంటే మీరు అందరి పూరణలను నిశితంగా పరిశీలిస్తున్నారన్నమాట! సంతోషం!

      తొలగించండి
  11. కోటికి లోపుగనె జనాభా మన జిల్లాగ తానొక
    దేశము
    దాని పేరది ఇజ్రాయేలు అభివృద్దికి అది
    ప్రవేశము
    డీశాలినేషన్ ప్రక్రియగ తాగు నీటికి
    కలిగెనెలమి
    సాగరమందు నీరమది చక్కెర తీరున
    దియ్యనౌ సుమీ

    రిప్లయితొలగించండి
    రిప్లయిలు

    1. రమేశా వారి భావనకు

      దాగిన నుప్పు వారగని త్రాగుట కై సరి జేసి సాంద్రమున్
      బాగుగ జేసి రిజ్రయిలు భారత భూమికి వారు ప్రోదిగా
      చేగలవారి కైపులన చేవయు గూర్చెద మంచు చేయగా
      సాగరమందు నీరమది చక్కెర తీరునఁ దియ్యనౌ సుమీ!

      జిలేబి

      తొలగించండి
    2. జిలేబీ గారూ,
      రమేశ్ గారి భావానికి మీరిచ్చిన పద్యరూపం చక్కగా ఉన్నది. అభినందనలు.
      'ఉప్పువార గని'...?

      తొలగించండి

    3. ఉప్పును వారగ దీసి (వేరుగ చేసి)

      జిలేబి

      తొలగించండి
  12. దేశ భక్తి ని గల్గియు దీక్ష తోడ
    పూని వైరు ల న్ దును ము చు ముందు కురికి
    సాగర ; జలమ్ము తీయన చక్కెర వలె
    భరత జాతికి నానoద వార్ధి యందు

    రిప్లయితొలగించండి
  13. గురువర్యులు శ్రీ కంది శంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2742
    సమస్య :: సాగరమందు నీర మది చక్కెర తీరునఁ దియ్యనౌ సుమీ.
    సముద్రంలోని నీరు చక్కెర లాగా తీయగా ఉంటుంది అని చెప్పడం ఈ సమస్యలో ఉన్న విరుద్ధమైన అర్థం.
    సందర్భం :: ‘’వహ్నిః తస్య జలాయతే .....’’ అనే శ్లోకంలో మహాకవి భర్తృహరి గొప్ప శీలముచే ప్రకాశించేవారి మహిమను తెలియజేసినారు. ‘’పవి పుష్పంబగు ......’’ అనే పద్యంలో ధూర్జటి మహాకవి భగవన్నామ స్మరణ చేస్తే లోకం వశమౌతుంది అని భక్తుల మహిమను వివరించారు. కాబట్టి త్యాగము చిత్తశుద్ధి ధర్మము శీలము భక్తిభావము సంపూర్ణంగా ఉన్న యోగులకు అసాధ్యములు సుసాధ్యములౌతాయి. సముద్రములోని నీరు చక్కెర లాగా తీయగా మారుతుంది అని విశదీకరించే సందర్భం.

    త్యాగము చిత్తశుద్ధి వరధర్మము శీలము భక్తిభావమున్
    బాగుగ నున్న యోగికి శుభమ్మగు, లోకము వశ్యమౌ, రుచిన్
    సాగును జీవిత, మ్మిల నసాధ్యము సాధ్యముగా జెలంగగన్
    సాగరమందు నీర మది చక్కెర తీరునఁ దియ్యనౌ సుమీ.
    కోట రాజశేఖర్ పడుగుపాడు నెల్లూరు.
    (25-7-2018)

    రిప్లయితొలగించండి
  14. హిందుసేన మెఱుపుదాడి నేర్పరచిరి
    శత్రుమూకలాక్రందము సలుపుచుండ
    సాగర జలమ్ము తీయన చక్కెర వలె
    నుండి వీనులకింపయి నొప్పెనపుడు

    రిప్లయితొలగించండి
  15. డా.పిట్టా సత్యనారాయణ
    మురికి నీటిపై రంధ్రపు ముట్టునీరు
    గంగపై పీనుగులు క్రుళ్ళు గబ్బునీరు
    సహజ పారుదలన్నాపు సరసిపంక్తి
    భూమి కంపించు తెరవది భూరి విపద
    త్రాగు నీరు భగీరథ తపమె రేపు
    సాగర జలమ్ము తీయన చక్కెర వలె

    రిప్లయితొలగించండి
  16. డా.పిట్టాసత్యనారాయణ
    జాగరణంపు నీ జనత చావగ నీయదు, పెంపు నీయ దా
    కాగల కార్యమే బ్రకృతి గాంచును మానవ దౌష్ట్యమిట్టిదౌ
    ఆగు మటంచు నీటినల నాపిన లాభమె భూప్రకంపనల్
    సాగును మన్ను మిన్నులపచారము నోపునె;నోరు దడ్పగన్
    సాగరమందు నీరమది చక్కెర తీరున దియ్యనౌ సుమీ!

    రిప్లయితొలగించండి
  17. ఉ.
    వాగనుశాసనాది కవి వర్యులపద్యజలాభిరామమై
    రాగము ఫేనమై యతియు ప్రాసయు ఛందము బుద్బుదమ్ములై
    యూగెను తెన్గుసాగరము నూర్మికలౌచుప్రబంధకావ్యముల్
    సాగరమందు నీరమది చక్కెర తీరున దీయనౌ సుమీ ! ..కోట శర్మ

    రిప్లయితొలగించండి
    రిప్లయిలు

    1. చాలా బాగుందండీ తెన్గు సాగరపు మంచినీరు


      జిలేబి

      తొలగించండి
    2. కోట శర్మ గారూ,
      మీ పూరణ మనోహరంగా ఉన్నది. అభినందనలు.

      తొలగించండి
  18. తిరిగి కుందేటి కొమ్ము సాధించ వచ్చు,
    గాను గాడుచు నిసుకలో నూనె తీయ
    వచ్చు,ఘనతన జగమంత మెచ్చునట్లు
    సాగర జలమ్ము తీయన చక్కెర వలె
    శాస్త్రవేత్తలు జేయుచు సంతసమ్ము
    నెల్లరకు నీయవచ్చును, కల్లమాట
    గాదె మూర్ఖుల మనసును మోద భరిత
    మగునటుల జేయ నిలలోన తెగువజూపి

    రిప్లయితొలగించండి
    రిప్లయిలు
    1. కృష్ణ సూర్యకుమార్ గారూ,
      మీ పూరణ ప్రశస్తంగా ఉన్నది. అభినందనలు.

      తొలగించండి
  19. కలియె పరమాన్న మతనికి చెలియ యున్న
    పరగ కఠిన నేలయె మల్లె పాను పౌను
    పండు వెన్నెలౌ యెండ తానండనుండ
    సాగర జలమ్ము తీయన చక్కెరవలె

    రిప్లయితొలగించండి
  20. డా.పిట్టాసత్యనారాయణ
    జాగరణంపు నీ జనత చావగ నీయదు, పెంపు నీయ దా
    కాగల కార్యమే బ్రకృతి గాంచును మానవ దౌష్ట్యమిట్టిదౌ
    ఆగు మటంచు నీటినల నాపిన లాభమె భూప్రకంపనల్
    సాగును మన్ను మిన్నులపచారము నోపునె;నోరు దడ్పగన్
    సాగరమందు నీరమది చక్కెర తీరున దియ్యనౌ సుమీ!

    రిప్లయితొలగించండి
    రిప్లయిలు
    1. డా. పిట్టా వారూ,
      సవరించిన మీ రెండవ పూరణ ప్రశస్తంగా ఉన్నది. అభినందనలు.

      తొలగించండి
  21. గురువు గారికి నమస్సులు.
    ఎంత జలమున్న విశ్వంబు కేమి ఫలము
    సాగర జలము?తీయన చక్కెర వలె
    నారి కేళ జలము కడు నాదరణము
    భూరి విరాళమునకన్న పూలు మిన్న.

    రిప్లయితొలగించండి
    రిప్లయిలు
    1. వెంకట నారాయణ రావు గారూ,
      మీ పూరణ బాగున్నది. అభినందనలు.
      'విశ్వంబునకు' అనడం సాధువు. అక్కడ "జగమున కేమి.." అనండి.

      తొలగించండి
  22. సంద్రములలోన దియ్యటి సంద్రమొకటి
    పంచదారనుబేరనబరగెభువిని
    దానిజలములుదీయనననుచు బలికె
    సాగరజలమ్ముతీయనచక్కెరవలె

    రిప్లయితొలగించండి
  23. తేటగీతి
    కరివరదుడు నొగి యుగయుగముల దుష్ట
    శిక్షణార్థము శిష్ట సంరక్షణార్థ
    మరసి యవతారముల నెత్తె నజుని హృదయ
    సాగర జలమ్ము తీయన చక్కెరవలె

    రిప్లయితొలగించండి
  24. ఎంత యత్నించినను గాని కొంతయినను
    మారదిల లవణ భరితమదియు గనుడు
    సాగర జలమ్ము,తీయన చక్కెర వలె
    నుండు నారికేళ జలము నుర్వి యందు.

    అరసి చూడ తేనెయు తీపి యవనియందు
    నరటి పండది తీయన నటులె భక్తి
    సాగర జలమ్ము తీయనచక్కెర వలె
    సతము భజియించు సద్భక్త జనుల కిలను.

    రిప్లయితొలగించండి
  25. భూరి సప్త సముద్ర సుముద్రి తాచ
    ల సువిభూషిత లవణ జలధి ముఖాంబు
    రాశి సప్త రత్నముల నరయఁగ నిక్షు
    సాగర జలమ్ము తీయన చక్కెర వలె


    నాగరి కాత్మ చింతనలు నైజము నెక్కుడు వింతలే సుమీ
    యేఁగఁగ మీరి యూరక యహీన దురాసద యాన మీ గతిన్
    వేఁగఁగ క్షుత్పిపాసల నపేత జలోదన యాత్రి కాళికిన్
    సాగరమందు నీరమది చక్కెర తీరునఁ దియ్యనౌ సుమీ

    రిప్లయితొలగించండి
    రిప్లయిలు
    1. కామేశ్వర రావు గారూ,
      మీ రెండు పూరణలు వైవిధ్యంగా, ఉత్తమంగా ఉన్నవి. అభినందనలు.

      తొలగించండి
    2. పూజ్యులు శంకరయ్య గారికి సప్రణామ ధన్యవాదములు.

      తొలగించండి
  26. క్రొవ్విడి వెంకట రాజారావు:

    అమృతమవతరిల్లగ జేసినట్టి పజ్జ
    రత్నధాతువులకునెల్ల రచ్చపట్టు
    అచ్యుతుని నివాసమగుచు నడరు క్షీర
    సాగర జలమ్ము తీయన చక్కెర వలె?

    రిప్లయితొలగించండి
  27. అతివతో సతతము తేలునట్టి ప్రేమ
    సాగర జలమ్ము తీయన చక్కెరవలె
    నారుచి స్మరణీయమవని ననవరతము
    అనుభవించిన వారల కవగతమగు

    రిప్లయితొలగించండి
    రిప్లయిలు
    1. అన్నపరెడ్డి వారూ,
      మీ పూరణ బాగున్నది. అభినందనలు.
      మీ పద్యం చదివాక మా ఆవిడ దగ్గరికి తిరిగి వెళ్ళాలనిపిస్తున్నది సుమా!

      తొలగించండి
  28. గురువులకు, మాన్యులకు నమస్సులు.🙏🙏🙏
    రామ చరితమ్ము వినినంత రమతి కల్గు
    రామ కీర్త న నిరతము రమను గూర్చు
    రామ భక్తులకు నిలను రామ భక్తి
    *సాగర జలమ్ము తీయన చక్కెర వలె!*

    రిప్లయితొలగించండి
    రిప్లయిలు
    1. మంత్రవాది వారూ,
      త్యాగయ్య రామభక్తి సామ్రాజ్యమంతే మీరు రామభక్తి సాగర మన్నారు. చక్కని పూరణ. అభినందనలు.

      తొలగించండి
  29. సాగరముల్ గలవవనిసప్తకసంఖ్యకుమొత్తమందునన్
    సాగరమయ్యదిన్దనరెచక్కెరనామకసాగరంబ,యీ
    సాగరమందునీరమదిచక్కెరతీరునదియ్యనౌసుమీ
    సాగరమేర్పడున్నదులసద్మములొక్కటజేరగాదగన్

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      మొదటి పాదంలో గణదోషం. 'అయ్యది న్దనరె' అన్న ప్రయోగం సరిగా లేదు. రెండవ పాదంలో 'సాగర' శబ్దం రెండు సార్లు ప్రయుక్తమయింది.

      తొలగించండి
  30. మంచివారి తోడ చెలిమి మల్లె తీరు
    మనసు తెల్లన మాటయు మత్తు జల్లు
    విబుధుల చెలిమి కోరిన విహిత మతికి
    సాగర జలమ్ము తీయన చక్కెరవలె"

    రిప్లయితొలగించండి
  31. బాగరి కొంగు తాకినను స్వర్గమె చెంతకు చేరవచ్చు తా
    సైగను చేసి పిల్చినను చక్కిలి గింతల బెట్టినట్లగున్
    రాగము తో వయస్యునకు లాలన మందున తెచ్చియిచ్చినన్
    సాగర మందు నీరమది, చక్కెర తీరీనఁ దియ్యనౌ సుమీ.

    రిప్లయితొలగించండి
  32. ఆటవిడుపు సరదా పూరణ:
    ("సప్త సప్త మహాసప్త")

    సాగర సప్తముల్ గనుడు స్వచ్ఛపు హైదరబాదు నందునన్
    వేగమె రండి రండిటను వేడుక మీరగ మా హుసేనుదౌ
    సాగర మందునన్ గలడు శాక్యపు మౌనియు,...నోసుమాను దీ
    సాగరమందు నీరమది చక్కెర తీరునఁ దియ్యనౌ సుమీ

    హైదరాబాద్ సప్తసాగరములు =
    Hussain Sagar, Osman Sagar, Himayat Sagar, Nizam Sagar, Saroor Sagar, Veer Sagar, Fox Sagar

    రిప్లయితొలగించండి
    రిప్లయిలు


    1. ఆబ కందము :)


      సాగరము లేడు హుస్సైన్
      సాగరమందు కలిసెనయ శాక్యపు గురువుల్
      భాగమయిరి దానినడుమ
      సాగరపు జలము జుమోజు సహజ జిలేబీ :)

      జిలేబి

      తొలగించండి
    2. ప్రభాకర శాస్త్రి గారూ,
      మీ ఆటవిడుపు పూరణ బాగున్నది. అభినందనలు.
      *****
      జిలేబీ గారూ,
      మీ పద్యం బాగుంది. అభినందనలు.

      తొలగించండి
    3. 🙏🙏🙏

      జిలేబి గారూ:

      హుసేన్ సాగర్ నీరు త్రాగిన తత్క్షణమే మోక్షము లభించును.

      ఒస్మాన్ సాగర్ (గండిపేట లేక్)+ హిమయత్ సాగర్లు హైదరాబాదు ప్రజలకు అప్పుడప్పుడూ త్రాగుడు నీరు సరఫరా చేయును.

      మిగిలిన సాగరులు నీటి తామర (water hayacinth) తో స్వచ్ఛ భారత్ కొరకు వేచియున్నవి.

      తొలగించండి
  33. ద్వీపకల్పన యందున దిగులుమాన్ప
    యంత్రతంత్రాల చేతప్రయాసయనక
    సాగరజలమ్ము తీయన చెక్కరవలె
    మార్చ?శాస్త్ర వేత్తలచే సమాజసేవ!

    రిప్లయితొలగించండి
  34. సాగెడు వేళ జీవనము చక్కిలిగింతలు పెట్టు రాగముల్
    తూగు తరంగముల్ సతిని తోడుగ జేకొని దాటు యత్నమౌ
    నాగని యాన మీ గతిని హాయిగ తేలెడు వేళ సంసృతీ
    సాగరమందు నీరమది చక్కెర తీరునఁ దియ్యనౌ సుమీ.

    రిప్లయితొలగించండి
  35. వెదకి వెదకి శశపు కొమ్ము విపినమున గ
    డించ వచ్చు, సికతము నుండి చమురు వెత
    బడక సాధించ వచ్చును, కడిది లేక
    నెండ మావిలో త్రాగెడు నీరు పొంద
    వచ్చు, జగతిలో జనులెల్ల మెచ్చు నటుల
    "సాగర జలమ్ము తీయన చక్కెరవలె"
    శాస్త్ర వేత్తలు జేయగ సంతసమ్ము
    బడయ వచ్చును, వసుధలో పాటు గాదు
    మూర్ఖునిమదిలో నింపగ మోదనమ్ము

    రిప్లయితొలగించండి

  36. త్యాగరా జన్నమయ్యల తత్వ లహరి
    రామదాసును క్షేత్రయ్య రమ్య కృతుల
    కెరలు చుండెడి రాగ సంగీత సార
    "సాగర జలమ్ము తీయన చక్కెర వలె!"

    రిప్లయితొలగించండి


  37. మరొకపూరణము
    రాగము తోడనా సతియు రక్తియు భక్తియు కల్గునట్లుగా
    నాగులపూజలన్ విడక నాచరణమ్మును చేయుచున్ సదా
    నాగము చేయు పిల్లలను శాంతము తోడను పెంచ ప్రేమపున్
    సాగరమందు నీరమది చక్కెర తీరునఁ దియ్యనౌ సుమీ.

    రిప్లయితొలగించండి
  38. ఉత్పలమాల
    వేగపు జీవితమ్ము నను వేదన శాంతికి తావు లేకయే
    స్వాగత మీయ నేర్వుడు ప్రశాంతత చిక్కఁగ మీకు మీరుగా
    నాగగ శ్వాసపై తమరి ధ్యాసయె యోగము కూడు ధ్యానమన్
    సాగరమందు నీరమది చక్కెర తీరునఁ దియ్యనౌ సుమీ!

    రిప్లయితొలగించండి
  39. ...............🌻శంకరాభరణం🌻...............
    ..................🤷🏻‍♂ సమస్య 🤷‍♀..................
    *"సాగర జలమ్ము తీయన చక్కెరవలె"*
    **************************************
    సందర్భము: యోగిరాజైన షిరిడీ సాయి బాబా నూనెకు బదులు నీళ్ళు పోసి ద్వారకామాయిలోని దీపాలు వెలిగించినాడు.
    భగవాన్ శ్రీ సత్య సాయి బాబా పెట్రోలు లేకపోతే నీళ్ళు పోయించి కారు నడిపింప చేసినాడు.
    యోగుల కసాధ్య మే మున్నది!
    ==============================
    లీలగ జలమే నూనె... దీపాలు వెలుగు
    కనుగొన జలమే పెట్రోలు... కారు నడచు..
    యోగుల కసాధ్య మున్నదే యుర్విమీద!

    మరొక పూరణము:-

    సందర్భము: యోగియైన తరువాత మగవాని కసాధ్య మే మున్నది? కాని యోగిగా తయారు కావడానికి ప్రధానమైన అడ్డంకి యేమిటో చూడండి.

    ఒలయు= చుట్టుకొను, కమ్ము, కలుగు, వ్యాపించు
    ==============================
    వేగ జాలరి గాలము విసరినట్టు
    మొలక నవ్వుల వలపు చూపులను మెలత
    లొలయకున్నచో మగవాడె యోగి... నాడె
    *"సాగర జలమ్ము తీయన చక్కెరవలె"*

    ✒~ డా. వెలుదండ సత్య నారాయణ
    25-7-18
    """""""""""""""""""""""""""""""""""""""""""""""""""""

    రిప్లయితొలగించండి
  40. అంబుజముల యందలి తేనె లారగింప
    వనమునందలి భ్రమరముల్ వాలె గొన్ని
    యిభముల వెనుక తుమ్మెద లేగె కొన్ని
    సాగర జలమ్ము దీయన చక్కెరవలె

    (శంకరయ్య గురువుగారు తొలిసారి ఈ బ్లాగులో పోస్టు చేస్తున్నా. దయతో నా పద్యం స్వీకరించగలరు🙏)

    రిప్లయితొలగించండి
  41. దేవిక
    -------

    ఎన్నగ గురుని ఙ్ఞానసంపన్నతదియె
    సాగర జలమ్ము ; తీయన చక్కెర వలె
    సౌమ్యమౌ వాక్కులరయంగ ; సౌమనస్య
    మున్ బడయరె ఛాత్రులిలను ముదము మీర!

    రిప్లయితొలగించండి
  42. సాగరమునందు నీరము చవిగొనంగ
    యుప్పుగమరియుండునుగద యుర్వి, గాని
    మనమునందున పొంగెడు మౌన భావ
    సాగర జలమ్ము తీయన, చక్కెరవలె!!!

    రిప్లయితొలగించండి
  43. 25.7.18
    శంకరాభరణం వారి సమస్య

    *సాగర జలమ్ము తీయన చక్కెర వలె*

    పూరణ

    తే.గీ

    గాన లహరిని వినుచుండ గాత్రమందు
    నలల వలె సాగు స్వరములు హాయి గొల్ప
    సరిగమల గమకాలలో జతుల రాగ
    *సాగర జలమ్ము తీయన చక్కెర వలె*!!

    హంసగీతి


    పెద్దలు తప్పులుంటే తెలుపగలరు🙏🏻🙏🏻

    రిప్లయితొలగించండి
  44. త్రాగగ తల్లి జేసినది ధన్యలు నూరిన నుల్లిచారహో
    సాగరమందు నీరమది;...చక్కెర తీరునఁ దియ్యనౌ సుమీ
    త్రాగగ పానిపూరిదది ధైర్యము మీరగ రోడ్డు సైడుదౌ...
    వాగగ గర్లుఫ్రెండు వడి వంకర టింకర మాయమాటలన్

    రిప్లయితొలగించండి